Book List

<h2 style="text-align: center;">အခန်း (၁၅၅)</h2> <h2 style="text-align: center;"> မွေးရာပါစွမ်းရည်များ၏ အပြောင်းအလဲ (၂)</h2> <h2 style="text-align: center;">*</h2> <p> </p> <p> </p> <p>"ဝေါင်း..."</p> <p>လင်းဖုန်းအနေဖြင့် သူ၏ ချပ်ဝတ်တန်ဆာ စွမ်းရည်ထဲမှ အပြောင်းအလဲများကို သေသေချာချာ မခံစားရသေးမီမှာပင် သင်းခွေချပ်သားရဲများသည် သူ့ထံသို့ သွေးဆာကြမ်းတမ်းစွာဖြင့် ခုန်အုပ်လာကြတော့သည်။</p> <p>ဤသင်းခွေချပ်သားရဲများသည် အခြားသော သားရဲရိုင်းများနှင့် နှိုင်းယှဉ်လျှင် စရိုက်အားဖြင့် အနည်းငယ် ယဉ်ပါးသည်ဟု ဆိုနိုင်သော်လည်း တိုက်ပွဲထဲတွင်မူ အခြားသားရဲများထက် အောက်ကျနောက်ကျ မရှိလှဘဲ ပို၍ပင် ရက်စက်ကြမ်းကြုတ်ကြသေးသည်။</p> <p>လင်းဖုန်း မြေပြင်ပေါ် ဆင်းသက်လိုက်သည်နှင့် သူ၏ ခန္ဓာကိုယ်ပေါ်မှ ချပ်ဝတ်တန်ဆာမှာ တစ်ကိုယ်လုံးကို လျင်မြန်စွာ ဖုံးလွှမ်းသွားသည်။ တစ်ချိန်တည်းမှာပင် သင်းခွေချပ်သားရဲ ဒါဇင်ပေါင်းများစွာသည် အရပ်မျက်နှာအနှံ့မှ သူ့ထံသို့ ဝိုင်းအုံ တိုက်ခိုက်လာကြသည်။ ထိုသားရဲများ၏ အရေပြားနှင့် အသားမှာ အလွန်မာကျောလှသည်။ သူတို့၏ အရေပြားမှာ ကျောက်တုံးကဲ့သို့ မာကျောပြီး ခွန်အားမှာလည်း အလွန်ကြီးမားလှသည်။ သူတို့ အရှိန်အပြည့်ဖြင့် ပြေးဝင်လာသောအခါ ထွက်ပေါ်လာသော အရှိန်အဝါအ‌ငွေ့အသက်မှာလည်း အတော်လေးကို အထင်ကြီးစရာ ကောင်းလှသည်။</p> <p>လင်းဖုန်း မျက်မှောင်ကြုတ်လိုက်မိသည်။ သူ၏ ကျောပြင်ပေါ်မှ အဖုအကျိတ်များမှာ အလွန်ပင် နေရခက်အောင် လုပ်ဆောင်နေသည်။ ထို့ကြောင့် သူ စိတ်ကူးလိုက်သည်နှင့် ကျောပြင်ပေါ်မှ ထိုအဖုအကျိတ်များမှာ အလိုအလျောက် ပေါက်ထွက်သွားတော့သည်။</p> <p>ဘုန်း...</p> <p>လင်းဖုန်း၏ ကျောပြင်ပေါ်မှ အဖုအကျိတ်များမှာ ဖိအားမြင့် ရေပိုက်များကဲ့သို့ ရုတ်တရက် ပေါက်ထွက်သွားသည်။ ထိုအဖုအကျိတ်များထဲမှ သိပ်သည်းလှသော အစိမ်းရောင် အရည်များ ပန်းထွက်လာသည်။</p> <p>ထိုအရည်များကို ကြည့်ရသည်မှာ အလွန်ပင် ရွံရှာဖွယ်ကောင်းလှသည်။ ထိုအရည်များသည် သင်းခွေချပ်သားရဲ ဒါဇင်ပေါင်းများစွာ၏ ခန္ဓာကိုယ်ပေါ်သို့ တစ်ပြိုင်နက်တည်း ကျရောက်သွားသည်။ ချက်ချင်းဆိုသလိုပင် ထိုသင်းခွေချပ်သားရဲများသည် နာကျင်စွာဖြင့် အော်ဟစ်ကာ မြေပြင်ပေါ်သို့ ဘုန်းဘုန်းလဲ ကျကုန်တော့သည်။ သူတို့၏ မာကျောလှသော အရေပြား အစိတ်အပိုင်း အတော်များများမှာ ချက်ချင်းပင် အရည်ပျော်သွားခဲ့ပြီး နာကျင်စွာဖြင့် မြေပြင်ပေါ်တွင် လူးလိမ့်နေကြကာ နောက်ဆုံးတွင် အင်အားကုန်ခမ်းပြီး သေဆုံးသွားကြတော့သည်။</p> <p>"တိုက်စားခြင်းလား"</p> <p>လင်းဖုန်း အနည်းငယ် အံ့ဩသွားသည်။ သူ၏ ကျောပြင်ပေါ်မှ အဖုအကျိတ်များသည် အက်စစ်နှင့် ဆင်တူသော တိုက်စားနိုင်စွမ်းရှိသည့် အရည်များကို ထုတ်လွှတ်နိုင်လိမ့်မည်ဟု သူ မထင်ထားခဲ့ပေ။ ၎င်းမှာ အလွန်ပင် အစွမ်းထက်လှသည်။</p> <p>လင်းဖုန်း သေသေချာချာ ပြန်စဉ်းစားကြည့်လိုက်သည်။ သူ၏ အကာအကွယ်ချပ်ဝတ် မွေးရာပါစွမ်းရည်မှာ အမှန်တကယ်တော့ နှာမောင်းရှည်သားရဲ၏ မျိုးရိုးဗီဇမှ ရရှိခဲ့ခြင်း ဖြစ်သည်။ မာကျောသော အရေပြား၊ အံ့ဩစရာကောင်းသော ခုခံမှုနှင့် ကြီးမားသော ခွန်အားတို့မှအပ နှာမောင်းရှည်သားရဲတွင် တိုက်စားနိုင်သော အရည်များ ရှိပုံမရပေ။</p> <p>ဤ အဖုအကျိတ်များသည် အမှန်တကယ်တန်းတွင် တိုက်စားနိုင်သော အရည်များကို ထုတ်လုပ်ပေးသည့် အရာများဖြစ်နေမလား။ သို့သော် ထိုအရည်‌တွေက ဘယ်ကနေ ရောက်လာတာလဲ။ သို့တည်းမဟုတ် ထိုကဲ့သို့သော စွမ်းရည်မျိုးသည် နှာမောင်းရှည်သားရဲ၏ မျိုးဗီဇထဲတွင် ကိန်းအောင်းနေသော်လည်း အပြင်ပန်းအားဖြင့် ပေါ်မလာခဲ့ဘဲ လင်းဖုန်းက ၎င်းတို့၏ မျိုးရိုးဗီဇကို ဆက်ခံလိုက်သည့် အချိန်တွင်မှသာ ထိုစွမ်းရည်ကို ဖော်ထုတ်နိုင်ခဲ့ခြင်းပေလော။</p> <p>"ဝေါင်း..."</p> <p>ဘာပဲဖြစ်ဖြစ် တိုက်ပွဲကတော့ စတင်နေပြီ ဖြစ်သည်။ ထိုသင်းခွေချပ်သားရဲများသည် အလွန်အမင်း ဒေါသထွက်နေကြပြီး လင်းဖုန်းထံသို့ နောက်တစ်ကြိမ် ပြေးဝင်လာကြပြန်သည်။</p> <p>လင်းဖုန်းအနေဖြင့် သူ၏ ကျောပြင်ပေါ်မှ အဖုအကျိတ်များ အကြောင်းကို လေ့လာနေရန် အချိန်မရှိပေ။ လင်းဖုန်းတွင် ဓားမော့မပါသော်လည်း သူ့လက်ဖဝါးများကို ဓားကဲ့သို့ အသုံးပြုနိုင်သည်။</p> <p>"လျှပ်စီးဓားမော့သိုင်း"</p> <p>လင်းဖုန်း၏ တစ်ကိုယ်လုံးမှာ အလင်းတန်းတစ်ခုအဖြစ် ပြောင်းလဲသွားသကဲ့သို့ပင်။ ချက်ချင်းဆိုသလိုပင် လင်းဖုန်း တိုက်ခိုက်လိုက်သော သင်းခွေချပ်သားရဲများ အားလုံးသည် မြေပြင်ပေါ်သို့ တစ်ကောင်ပြီးတစ်ကောင် အတုံးအရုံး လဲကျကုန်တော့သည်။ အချို့မှာ မသေသေးသော်လည်း သူတို့၏ ခန္ဓာကိုယ်ပေါ်တွင် ကြီးမားရှည်လျားသော ဒဏ်ရာကြီးတစ်ခု ပေါ်ထွက်နေသည်။</p> <p>"ဒီလောက်တောင် အစွမ်းထက်တာလား"</p> <p>လင်းဖုန်း သူ့လက်ဖဝါးကို ဆန့်ထုတ်လိုက်သည်။ လင်းဖုန်းတွင် ဓားမော့မပါသော်လည်း ထက်မြက်သော ဦးချို မွေးရာပါစွမ်းရည်ကို အသုံးပြုကာတိုက်ခိုက်လိုက်သည်။ ဤအချိန်တွင် ထက်မြက်သော ဦးချိုသည်လည်း ပြောင်းလဲသွားပုံရသည်။ ၎င်း၏ စူးချွန်များမှာ ပိုမိုမာကျော ထက်မြက်လာရုံသာမက ၎င်းတို့အပေါ်တွင် မှိန်ဖျော့ဖျော့ အလင်းတန်းတစ်ခုလည်း ရှိနေသည်။ ၎င်းမှာ ပုံမှန်မဟုတ်သော စွမ်းအားတစ်ခု ဖြစ်ပုံရသည်။</p> <p>ထက်မြက်သောဦးချို ထိမှန်သည့် နေရာတိုင်းတွင် ထိုပုံမှန်မဟုတ်သော အလင်းစွမ်းအားသည် သင်းခွေချပ်သားရဲ၏ ခန္ဓာကိုယ်ထဲသို့ ဝင်ရောက်ကာ ပေါက်ကွဲထွက်သွားသည်။ အကယ်၍ သူတို့ မသေလျှင်ပင် ပြင်းထန်စွာ ဒဏ်ရာရသွားကြသည်။</p> <p>ဤပုံမှန်မဟုတ်သော စွမ်းအားမှာ ယခင်က ထက်မြက်သောဦးချို မွေးရာပါစွမ်းရည်တွင် မရှိခဲ့ပေ။</p> <p>လင်းဖုန်း၏ ထက်မြက်သောဦးချို‌ မွေးရာပ့စွမ်းရည်မှာ ယူနီကွန်း၏ မျိုးရိုးဗီဇမှ ရရှိခဲ့ခြင်း ဖြစ်သော်လည်း ယူနီကွန်းတွင်ပင် ဤကဲ့သို့ ပုံမှန်မဟုတ်သော စွမ်းအားရှိပုံမရပေ။ ယူနီကွန်း၏ မျိုးရိုးဗီဇမှ ရရှိခဲ့သော ထက်မြက်သောဦးချိုတွင် အဘယ်ကြောင့် ဤမျှ ထူးခြားသော စွမ်းအား ရှိနေရသနည်း။</p> <p>အမှန်စင်စစ်တွင် ယူနီကွန်းသားရဲများတွင်လည်း ဤကဲ့သို့သော စွမ်းအားရှိကောင်းရှိလိမ့်မည်။ သို့သော်လည်း ယူနီကွန်းသားရဲများကိုယ်တိုင်ပင်လျှင် ထိုစွမ်းရည်ကို ဖော်ထုတ်နိုင်စွမ်း မရှိခဲ့ပေ။</p> <p>လင်းဖုန်းတွင် မရေမရာ ယူဆချက်တစ်ခု ရှိနေသည်။ အဖုအကျိတ်များနှင့် ထိုပုံမှန်မဟုတ်သော စွမ်းအားမှာ ယခင်က တစ်ခါမျှ ပေါ်မလာခဲ့ဖူးသော်လည်း ယခုမူ ထူးဆန်းစွာ ပေါ်ပေါက်လာခဲ့သည်။</p> <p>သို့သော် လင်းဖုန်းအနေဖြင့် ယခုအချိန်တွင် ဤမျှ နက်နဲပြီး ရှုပ်ထွေးလှသော ပြဿနာကို လေ့လာနေရန် အချိန်မရှိပေ။ ယူနီကွန်း မျိုးရိုးဗီဇထဲတွင် အထူးစွမ်းရည် မည်မျှ ပါဝင်နေသနည်းဆိုသည့် အချက်ကို ကျွမ်းကျင်သူများနှင့် ပညာရှင်များသာ အေးအေးဆေးဆေး လေ့လာရန် ထားလိုက်ရပေလိမ့်မည်။</p> <p>ယခုလက်ရှိ ထက်မြက်သောဦးချိုမှာ အလွန် အစွမ်းထက်နေသည်။ ထိုမွေးရာပါစွမ်းရည်သည် လင်းဖုန်းအတွက် အကြွင်းမဲ့အားသာချက်တစ်ရပ် ပေးစွမ်းထားသောကြောင့် သူ လျှပ်စီးဓားမော့သိုင်းကိုသာ ဆက်လက် အသုံးပြုခဲ့သည်။ လင်းဖုန်း၏ လက်ဝါးခုတ်ချက်နှင့် ထိတွေ့မိသမျှ သင်းခွေချပ်သားရဲတစ်ကောင်မျှ ကောင်းကောင်းမွန်မွန် မကျန်ရစ်ခဲ့ပေ။ ထိုသားရဲများသည် သေလျှင်သေ မသေလျှင် ပြင်းပြင်းထန်ထန် ဒဏ်ရာရခြင်းနှင့်သာ အဆုံးသတ်ကြရသည်။</p> <p>မျက်စိတစ်မှိတ်အတွင်းမှာပင် လင်းဖုန်း၏ ပတ်ဝန်းကျင်တွင် သင်းခွေချပ်သားရဲ အလောင်းပုံကြီးတစ်ခု ဖြစ်သွားသည်။</p> <p>ခံတပ်မျှော်စင်ပေါ်မှ သိုင်းသမား အများအပြားမှာ မှင်သက်သွားကြရသည်။</p> <p>လင်းဖုန်း တစ်ယောက်တည်းကပင် ဤမျှများပြားလှသော သင်းခွေချပ်သားရဲများ၏ တိုက်ခိုက်မှုကို ကြံ့ကြံ့ခံနေနိုင်ခဲ့သည်။ သာလွန်လူသား ကျွမ်းကျင်သူတစ်ဦးပင်လျှင် ကြယ်တာရာစွမ်းအားကို အသုံးပြုနေရသည့် အချိန်တွင် အသာစီးရရန် ခက်ခဲလိမ့်မည်ဆိုသည်ကို လူတိုင်း သိထားကြသည်။</p> <p>ထို့ပြင် သူတို့မှာ ခုခံရုံသာ တတ်နိုင်ပြီး တိုက်ခိုက်ရန် မလွယ်ကူပေ။ သူတို့သည် ထိုသင်းခွေချပ်သားရဲများကို အသားကြိတ်စက်တစ်ခုကဲ့သို့ သတ်ဖြတ်နေသော လင်းဖုန်းကဲ့သို့ ကျွမ်းကျင်မှုမျိုး လုံးဝ မရှိကြပေ။</p> <p>"စစ်သေနာပတိချုပ်က ငါတို့အတွက် အချိန်ဆွဲပေးပြီးပြီ။ ခံတပ်တံခါးကို ဖွင့်လိုက်ကြ။ အားလုံးပဲ... ထွက်တိုက်ကြစို့"</p> <p>ခံတပ်တံခါးဝတွင် သင်းခွေချပ်သားရဲများ မရှိတော့ပေ။ ယခုအချိန်တွင် ထွက်တိုက်လျှင် သင်းခွေချပ်သားရဲများ အခြေစိုက်စခန်းထဲသို့ ဝင်လာမည်ကို စိုးရိမ်နေရန် မလိုတော့ပေ။ ထို့ကြောင့် ဤသည်မှာ လင်းဖုန်းက လူတိုင်းအတွက် ဦးဆောင်တိုက်ယူပေးခဲ့သော တစ်သက်မှာတစ်ခါသာ ရနိုင်သည့် အခွင့်အရေးပင် ဖြစ်သည်။</p> <p>တောင်ပိုင်းတောင်တန်း အခြေစိုက်စခန်း၏ ကျန်ရှိနေသော သာလွန်လူသား ကျွမ်းကျင်သူ ၂၁ ဦးမှာ ခံတပ်မျှော်စင်ပေါ်မှ ချက်ချင်း ခုန်ချလိုက်ကြပြီး ခံတပ်တံခါး အပြင်ဘက်တွင် ရှည်လျားသော ဘေးကင်းလုံခြုံရေး လမ်းကြောင်းတစ်ခုကို ချက်ချင်း ရှင်းလင်းလိုက်ကြသည်။</p> <p>တစ်ချိန်တည်းမှာပင် ခံတပ်တံခါး ပွင့်သွားခဲ့ပြီး ရေတွက်လို့မရသော သိုင်းသမားများ ဝုန်းခနဲ ထွက်လာကြသည်။</p> <p>စစ်မြေပြင်တွင် တိုက်ခိုက်သံ ဟိန်းဟောက်သံများ လွှမ်းမိုးသွားသည်။ လင်းဖုန်းလည်း တိုက်ခိုက်နေခြင်းကို ရပ်လိုက်သည်။ သူသည် ကျန်ရှိသော သာလွန်လူသား ကျွမ်းကျင်သူ ၂၁ ဦးကို တစ်ချက်ကြည့်ကာ အော်ပြောလိုက်သည်။</p> <p>"သာမန် သင်းခွေချပ်သားရဲတွေနဲ့ လုံးထွေးမနေကြနဲ့။ အစီအစဉ်အတိုင်း လုပ်ကြ"</p> <p>စစ်မြေပြင်တွင် သာလွန်လူသား ကျွမ်းကျင်သူ အားလုံးသည် သူတို့ ကိုင်တွယ်ရမည့် အရာမှာ သင်းခွေချပ်နတ်ဆိုးများ ဖြစ်ကြောင်း ကောင်းစွာ သိထားကြသည်။ ထိုနတ်ဆိုးများသည် ဤတိုက်ပွဲတွင် အဓိကအရေးအကြီးဆုံး ဖြစ်သည်။ ထိုနတ်ဆိုးများကိုသာ မောင်းထုတ်နိုင်လျှင် သာမန် သင်းခွေချပ်သားရဲများသည်လည်း သဘာဝအလျောက် ဆုတ်ခွာသွားကြပေလိမ့်မည်။</p> <p>အကယ်၍ သူတို့ သာမန်သင်းခွေချပ်သားရဲများနှင့် လုံးထွေးသတ်ပုတ်နေမည်ဆိုပါက ရရှိမည့် အကျိုးကျေးဇူးထက် ဆုံးရှုံးမှုက ပိုများပေလိမ့်မည်။ သူတို့သည် သင်းခွေချပ်သားရဲများ၏ ဝိုင်းရံတိုက်ခိုက်မှုထဲတွင် ပိတ်မိသွားပြီး အားအင်ကုန်ခမ်းကာ သေဆုံးသွားနိုင်ပေသည်။</p> <p>"သတ်"</p> <p>ပထမဆုံး ရှေ့ထွက် တိုက်ခိုက်သူမှာ ချန်ရွှယ် ဖြစ်လိမ့်မည်ဟု မည်သူမျှ မထင်ထားခဲ့ပေ။ ဤမိန်းမသည် ယခုတိုက်ပွဲကြီးကို ဖြစ်ပေါ်အောင် ဆွဲဆောင်ခဲ့သည့် အဓိကတရားခံဟု ပြောလျှင်လည်း မမှားပေ။ လက်ရှိစစ်ပွဲပြီးနောက် ရလဒ်က ဘာပဲဖြစ်ဖြစ် ချန်ရွှယ်မှာ သိုင်းပညာရှင်တရားရုံးသို့ ပို့ဆောင်ခြင်း ခံရပေလိမ့်မည်။</p> <p>သို့သော် ချန်ရွှယ်သည် သာလွန်လူသား ကျွမ်းကျင်သူတစ်ဦး ဖြစ်နေဆဲပင်။ သူမသည် တောင်ပိုင်းတောင်တန်း အခြေစိုက်စခန်း၏ တပ်ရင်းမှူး တစ်ဦးလည်း ဖြစ်သည်။ သူမ၏ ရဲရဲတောက် လုပ်ဆောင်ချက်များက အခြားသော သိုင်းသမားများကိုလည်း စိတ်ဓာတ်တက်ကြွစေပေလိမ့်မည်။</p> <p>"သတ်"</p> <p>ချန်ရွှယ် ဘာတွေးနေသည်ကို လင်းဖုန်း ဂရုမစိုက်ပေ။ သူသည် သူ၏ ပစ်မှတ်ဖြစ်သော သင်းခွေချပ်နတ်ဆိုးလေးကောင်ကို ရွေးချယ်ပြီးသား ဖြစ်သည်။ ၎င်းတို့ထဲမှ နှစ်ကောင်မှာ ထူးထူးခြားခြား သန်မာလှသည်။ သူတို့သည် ဤသင်းခွေချပ်သားရဲ အုပ်စုထဲတွင် အသန်မာဆုံးများ ဖြစ်ရပေမည်။</p> <p>လင်းဖုန်းသည် ရုတ်တရက် လေထဲသို့ ပျံတက်လိုက်ပြီး နောက်ဘက်ရှိ သင်းခွေချပ်နတ်ဆိုးများထံသို့ ခုန်အုပ်လိုက်သည်။ တစ်ချိန်တည်းမှာပင် အခြားသော သာလွန်လူသား ကျွမ်းကျင်သူများသည်လည်း တစ်ယောက်ပြီးတစ်ယောက် လေထဲသို့ ပျံတက်လိုက်ကြပြီး စစ်မြေပြင်မှ ခဏအတွင်း ရုန်းထွက်ကာ သူတို့ကို ဝိုင်းရံထားသော သာမန် သင်းခွေချပ်သားရဲများထံမှ လွတ်မြောက်အောင် လုပ်ဆောင်လိုက်ကြသည်။</p> <p>သာလွန်လူသား ကျွမ်းကျင်သူများက သင်းခွေချပ်သားရဲများထက် အားသာသော တစ်ခုတည်းသော အချက်မှာ သူတို့ ပျံသန်းနိုင်ခြင်းပင် ဖြစ်နိုင်သည်။ အကယ်၍ ၎င်းတို့သည် ဝက်အူပိုးကောင်များသာ ဖြစ်ခဲ့လျှင် ဤကဲ့သို့ မဆင်မခြင် ပျံသန်းခြင်းက သူတို့အား ဝက်အူပိုးကောင်များ၏ နှာမောင်းများဖြင့် တိုက်ရိုက် ဆွဲချခြင်းကို ခံရစေပေလိမ့်မည်။</p> <p>သို့သော် သင်းခွေချပ်သားရဲများတွင်မူ ထိုကဲ့သို့သော စွမ်းရည်မျိုး မရှိပေ။ သူတို့၏ အရေပြားမှာ မာကျောပြီး လက်သည်းများမှာ ထက်မြက်လှသည်။ သူတို့သည် မြေအောက်ဥမင်များကို လျင်မြန်စွာ တူးနိုင်သော်လည်း မပျံသန်းနိုင်ကြပေ။</p> <p>လင်းဖုန်း အရှိန်ကို ထပ်ပြီး မြှင့်လိုက်ကာ သင်းခွေချပ်နတ်ဆိုးလေးကောင်၏ အလယ်ဗဟိုသို့ ရုတ်တရက် ဆင်းသက်လိုက်သည်။ သင်းခွေချပ်နတ်ဆိုးတချို့မှာ အခြားသော သာလွန်လူသား ကျွမ်းကျင်သူများကို ရင်ဆိုင်ကိုင်တွယ်ရန် ကြိုးစားသော်လည်း လင်းဖုန်းက လျင်မြန်စွာ တားဆီးလိုက်သည်။</p> <p>အရှိန်နှင့် ပတ်သက်လျှင် အရှိန်အမျိုးအစား မွေးရာပါစွမ်းရည်ကို ဖော်ထုတ်နိုင်သူများမှလွဲ၍ ကျန်သာလွန်လူသား ကျွမ်းကျင်သူများသည် လင်းဖုန်း၏ အရှိန်ကို မမီကြပေ။ ဤသင်းခွေချပ်သားရဲများအကြောင်းမှာမူ ပြောနေရန်ပင် မလိုတော့ပေ။</p> <p>ထိုသင်းခွေချပ်နတ်ဆိုးလေးကောင်မှာလည်း အလွန် ဉာဏ်ကောင်းကြသည်။ သူတို့ လင်းဖုန်း၏အပြုအမူမှ ဆိုလိုရင်းကို နားလည်ကြသည်။ ထိုလူသားသည် သူတို့လေးကောင်စလုံးကို တစ်ပြိုင်နက်တည်း စိန်ခေါ်နေခြင်းပင်။</p> <p>ထိုသင်းခွေချပ်နတ်ဆိုးလေးကောင်မှာ ဒေါသထွက်သွားကြသည်။ လင်းဖုန်းကို ကျော်ဖြတ်၍ မရနိုင်သောကြောင့် သူ့ကို ဝိုင်းရံလိုက်ကြပြီး အနီးသို့ တစ်လှမ်းချင်း တိုးကပ်လာကြသည်။</p> <p> </p> <p> </p> <p> </p> <p style="text-align: center;">***</p>


Save