Book List

<h2 style="text-align: center;">အခန်း (၁၅၆)</h2> <h2 style="text-align: center;"> အလွန်တရာ ပြင်းထန်သော တိုက်ပွဲ</h2> <h2 style="text-align: center;">*</h2> <h2 style="text-align: center;"> </h2> <p> </p> <p>သံသယဖြစ်ဖွယ်မရှိသည်မှာ သင်းခွေချပ်နတ်ဆိုးလေးကောင်ထံမှလာသော ဖိအားမှာ အလွန်ပင် ပြင်းထန်လှသည်။ လင်းဖုန်းပင်လျှင် အသက်ရှူရကျပ်သလို ခံစားနေရသည်။ ထိုသင်းခွေချပ်နတ်ဆိုးလေးကောင်မှာ တောင်ငယ်လေးများကဲ့သို့ ကြီးမားလှသည်။ သူတို့သည် လင်းဖုန်းကို အရပ်လေးမျက်နှာမှ ဝိုင်းရံထားပြီး လှုပ်ရှားရှောင်ပြေးနိုင်စွမ်းမရှိအောင် တစ်လှမ်းချင်းစီ ပိတ်ဆို့လာကြသည်။ ၎င်းမှာ လူသားများက ရန်သူကို ကိုင်တွယ်ရန် ပူးပေါင်းတိုက်ခိုက်သည့် နည်းဗျူဟာနှင့်ပင် ဆင်တူလှသည်။ ဤသင်းခွေချပ်နတ်ဆိုးများ၏ အသိဉာဏ်မှာ အတော်လေးကို မြင့်မားလှပေသည်။</p> <p>"လာစမ်းပါ"</p> <p>လင်းဖုန်း၏ မျက်လုံးထဲတွင် အေးစက်သော အရိပ်အယောင်တစ်ခု ဖြတ်ပြေးသွားသည်။ သူ၏ ခန္ဓာကိုယ်ထဲရှိ မွေးရာပါခွန်အားစွမ်းရည် နှစ်ခုလုံးမှာ ဝုန်းခနဲ ပေါက်ကွဲထွက်လာသည်။ ယခုတစ်ကြိမ်တွင် လင်းဖုန်းသည် ထူးဆန်းသော အရာတစ်ခုကို ခံစားလိုက်ရသည်။ သူ့ခွန်အားစွမ်းရည်များပင် အတော်လေး တိုးတက်လာပုံရသည်။</p> <p>မူလက သူ၏ ရုပ်ပိုင်းဆိုင်ရာ သန့်စင်သော ခွန်အားမှာ တန် ၃၅၀ ခန့် ရှိသော်လည်း ယခုအခါ အနည်းဆုံး တန် ၃၆၀ သို့မဟုတ် တန် ၃၇၀ ခန့် ရှိမည်ဟု လင်းဖုန်း ခန့်မှန်းမိလိုက်သည်။</p> <p>သူ၏ ခွန်အားမှာ ယခင်ကထက် သိသိသာသာ ပို၍ သန်မာလာခဲ့သည်။</p> <p>"ငါ့ခန္ဓာကိုယ်ရဲ့ အသွင်ပြောင်းလဲမှုက ဒီကာလအတွင်းမှာ ရုပ်ပိုင်းဆိုင်ရာ ကြံ့ခိုင်မှုကို ပိုပြီး တိုးတက်ကောင်းမွန်လာအောင် လုပ်ပေးခဲ့ပုံရတယ်။ ဒီသင်းခွေချပ်သားရဲတွေရဲ့ ခုခံမှုကို တစ်ချက်လောက် စမ်းကြည့်ကြတာပေါ့"</p> <p>လင်းဖုန်း လက်သီးကို တင်းတင်းဆုပ်လိုက်သည်။ သူ၏ လက်သီးမျက်နှာပြင်ပေါ်တွင် ထက်မြက်သောဦးချိုများမှာ သိပ်သည်းစွာ ပေါ်ထွက်လာသည်။ သူသည် မြေပြင်ကို ခြေတစ်ဖက်ဖြင့် ပြင်းထန်စွာ နင်းချလိုက်သည်။</p> <p>"နွားရိုင်းနင်းခြေခြင်း"</p> <p>ဘုန်း...</p> <p>လင်းဖုန်းအနေဖြင့် "နွားရိုင်းနင်းခြေခြင်း" သိုင်းကွက်ကို အသုံးမပြုခဲ့သည်မှာ ကြာပြီဖြစ်သော်လည်း သူ လုံးဝ စိမ်းသက်နေခြင်း မရှိပေ။ ဤသည်မှာ သူ အကြာဆုံး အသုံးပြုခဲ့သော သိုင်းကွက် မဟုတ်ပါလား။</p> <p>လက်ရှိ လင်းဖုန်းမှာ မျိုးရိုးဗီဇကန့်သတ်ချက်ကို ချိုးဖြတ်ထားပြီးဖြစ်ကာ သူ၏ ခန္ဓာကိုယ်မှာလည်း အသွင်ပြောင်းလဲခြင်းဖြစ်စဥ်ကို ဖြတ်ကျော်ထားပြီး ဖြစ်သည်။ အသက်အနှစ်သာရ အဆင့်အတန်းတစ်ခု မြင့်တက်သွားပြီးနောက် သူ့ခွန်အားမှာလည်း ယခင်ကကဲ့သို့ မဟုတ်တော့ပေ။ ထို့ကြောင့် နွားရိုင်းနင်းခြေခြင်းကို အသုံးပြုလိုက်သည့် အကျိုးသက်ရောက်မှုမှာ ယခင်ကနှင့် လုံးလုံးလျားလျား ကွဲပြားခြားနားသွားချေပြီ။</p> <p>ထို‌ခြေဆောင့်ချက်နှင့်အတူ မြေပြင်တစ်ခုလုံးမှာ ငလျင်လှုပ်သကဲ့သို့ တုန်ခါသွားသည်။ ချက်ချင်းဆိုသလိုပင် မြေပြင်တွင် ကြီးမားသော အက်ကြောင်းကြီးတစ်ခု ပေါ်ထွက်လာပြီး အဘက်ဘက်သို့ လျင်မြန်စွာ ပြန့်နှံ့သွားသည်။ သင်းခွေချပ်မိစ္ဆာ အချို့မှာ ထိုတုန်ခါမှုကြောင့် ယိုင်နဲ့သွားပြီး သူတို့၏ ဝိုင်းရံမှုကြားတွင် ဟာကွက်တစ်ခု ဖြစ်ပေါ်သွားသည်။</p> <p>ဒါအခွင့်ကောင်းပဲ။</p> <p>လင်းဖုန်း၏ ပုံရိပ်မှာ အရိပ်တစ်ခုကဲ့သို့ လျင်မြန်စွာ လှုပ်ရှားသွားပြီး အရွယ်အစား အနည်းငယ် သေးငယ်သော သင်းခွေချပ်နတ်ဆိုးတစ်ကောင်ထံသို့ လျှပ်တစ်ပြတ် ပြေးဝင်သွားသည်။</p> <p>"ဝဲကယက်စွမ်းအား တတိယအဆင့်"</p> <p>လင်းဖုန်း လက်သီးတစ်ချက် ထိုးလိုက်ရာ ပြင်းထန်သော စွမ်းအားများ ချက်ချင်း ပေါက်ကွဲထွက်လာသည်။ တန်ပေါင်း ၁၄၀၀ ကျော်ရှိသော အင်အားမှာ သင်းခွေချပ်သားရဲထံသို့ ပြင်းထန်သော လှိုင်းလုံးကြီးကဲ့သို့ ကျရောက်သွားသည်။</p> <p>ဘုန်း...</p> <p>လင်းဖုန်းသည် ပြင်းပြင်းထန်ထန် ထိုးနှက်သံတစ်ခုကို ရှင်းရှင်းလင်းလင်း ကြားလိုက်ရသည်။ သူ၏ လက်သီးမှာ မာကျောသော ကျောက်တုံးကြီးတစ်ခုကို ထိမှန်လိုက်သကဲ့သို့ ခံစားလိုက်ရသည်။ ထို့နောက် သင်းခွေချပ်နတ်ဆိုးမှာ လင်းဖုန်း၏ လက်သီးချက်ကြောင့် လွင့်ထွက်သွားပြီး မြေပြင်ပေါ်သို့ ပြင်းထန်စွာ ကျရောက်သွားကာ နာကျင်စွာ အော်ဟစ်ညည်းညူနေတော့သည်။</p> <p>"ဒီနတ်ဆိုးရဲ့ ခုခံမှုက ဒီလောက်တောင် သန်မာတာလား"</p> <p>လင်းဖုန်း အနည်းငယ် အံ့ဩသွားသည်။ ဤမျှ သန်မာသော ခုခံမှုမျိုး...။ သူ ထုတ်လွှတ်လိုက်သော တန် ၁၄၀၀ ခွန်အားမှာ စင်စစ်ပြင်းထန်နက်ရှိုင်းသော ခွန်အားပင် ဖြစ်သည်။ ဤခွန်အားနှင့်ဆိုလျှင် အသွင်ပြောင်းနယ်ပယ် ဒုတိယအဆင့် သိုင်းသမားတစ်ဦးပင်လျှင် ကြယ်တာရာစွမ်းအား၏ အကာအကွယ်မပါပါက တိုက်ရိုက် အမှုန့်ဖြစ်သွားပေလိမ့်မည်။</p> <p>ယခင်က ရင်ဆိုင်ခဲ့ဖူးသော တီကောင်နတ်ဆိုးသားရဲများနှင့် ဆိုလျှင်ပင် ဤလက်သီးချက်က လွယ်လွယ်ကူကူ ချေမှုန်းနိုင်ပေလိမ့်မည်။</p> <p>သို့သော် ဤသင်းခွေချပ်နတ်ဆိုးမှာမူ လင်းဖုန်း၏ လက်သီးချက်ကြောင့် လွင့်ထွက်သွားရုံသာ ဖြစ်ခဲ့သည်။ ထိုတိုက်ခိုက်ချက်မှာ တစ်ဖက်ရန်သူကို ပြင်းပြင်းထန်ထန် ဒဏ်ရာရစေခဲ့သည်မှာ သေချာသော်လည်း သင်းခွေချပ်သားရဲကို တိုက်ရိုက်သုတ်သင်နိုင်ခြင်း မရှိပေ။ ကျောက်တုံးကဲ့သို့ မာကျောသော အရေပြားရှိပြီး ခုခံမှုတွင် အထူးပြုထားသော ကြမ်းကြုတ်သားရဲဆိုသည့်အတိုင်းပင်။</p> <p>ထိုသင်းခွေချပ်နတ်ဆိုးမှာ မသေသေးသော်လည်း ကောင်းမွန်သော အခြေအနေတွင် မရှိတော့ပေ။ လင်းဖုန်း၏ တန် ၁၄၀၀ ခွန်အားနှင့် ထက်မြက်သော ဦးချို၏ ပုံမှန်မဟုတ်သော စွမ်းအားတို့ ပေါင်းစပ်လိုက်မှုကြောင့် သင်းခွေချပ်နတ်ဆိုး၏ ခန္ဓာကိုယ်မှာ ပျက်စီးလုနီးပါး ဖြစ်သွားသည်။ ထိုနတ်ဆိုးမှာ မြေပြင်ပေါ်တွင် သနားစဖွယ် လဲကျနေပြီး နာကျင်စွာဖြင့်သာ အော်ဟစ်နေနိုင်တော့သည်။</p> <p>သင်းခွေချပ်နတ်ဆိုးတစ်ကောင်မှာ တိုက်ခိုက်နိုင်စွမ်း မရှိတော့သည့်အတွက် ကျန်ရှိသော နတ်ဆိုးသုံးကောင်မှာ လုံးဝ ဒေါသထွက်သွားကြသည်။ အထူးသဖြင့် ပို၍ ကြီးမားသော နတ်ဆိုးနှစ်ကောင်မှာ သူတို့၏ ထက်မြက်လှသော လက်သည်းများဖြင့် လင်းဖုန်းကို တပြိုက်နက် ကုတ်ဆွဲလိုက်ကြသည်။</p> <p>ပြင်းထန်သော လေတိုးသံမှာ သူ့အပါးသို့ တိုးဝင်လာသည်။ လင်းဖုန်းအနေဖြင့် ရှောင်တိမ်းရန်ပင် အချိန်မရတော့ပေ။ မည်သို့ပင်ဆိုစေကာမူ သူသည် သင်းခွေချပ်သားရဲများ၏ ဝိုင်းရံမှုကို ခံထားရပြီး လှုပ်ရှားနိုင်သည့် အကွာအဝေးမှာ အလွန် ကျဉ်းမြောင်းနေသည်။</p> <p>ရွှစ်...</p> <p>လင်းဖုန်း သူ့လက်မောင်းပေါ်မှ ချပ်ဝတ်တန်ဆာမှာ ထိုကုတ်ဆွဲချက်ကြောင့် လုံးဝ ပြဲထွက်သွားသည်ကို ခံစားလိုက်ရသည်။ သူ၏ ချပ်ဝတ်တန်ဆာမှာ သင်းခွေချပ်သားရဲ၏ အားအပြည့်ဖြင့် တိုက်ခိုက်မှုကို မခံနိုင်ခဲ့ပေ။</p> <p>"ဝဲကယက်စွမ်းအား စတုတ္ထအဆင့်"</p> <p>လင်းဖုန်း တွန့်ဆုတ်မနေဘဲ ရှေ့သို့ တိုးဝင်လိုက်သည်။ သူ့မျက်လုံးထဲတွင် ရက်စက်သော အရိပ်အယောင်တစ်ခု ရှိနေသည်။ ယခုအချိန်တွင် သူသည် အင်အားချန်ထားရန် စိတ်ကူးမရှိပေ။ သူ၏ လက်မောင်းတစ်ဖက် ပျက်စီးသွားလျှင်ပင် ဝဲကယက်စွမ်းအား စတုတ္ထအဆင့်နှင့် တန် ၁၈၀၀ ခန့်ရှိသော ခွန်အားကို ထုတ်လွှတ်လိုက်ခြင်းဖြင့် ဤသင်းခွေချပ်နတ်ဆိုးကို ပြင်းထန်စွာ ဒဏ်ရာရအောင် သို့မဟုတ် သေအောင် သတ်နိုင်ပေလိမ့်မည်။</p> <p>တန် ၁၈၀၀ ခွန်အားမှာ သန့်စင်သော ခွန်အားပေါက်ကွဲမှုဖြင့် တွက်ချက်မည်ဆိုပါက ကြယ်တာရာစွမ်းအားမျှင် ၄၀၀ ကျော် ပေါက်ကွဲထွက်လာမှုနှင့် ညီမျှသည်။ ၎င်းမှာ အသွင်ပြောင်းနယ်ပယ် ဒုတိယအဆင့် သိုင်းသမားတစ်ဦး၏ ကြယ်တာရာစွမ်းအား ထက်ဝက်နီးပါး ပေါက်ကွဲထွက်လာမှုပင်။</p> <p>ဘုန်း...</p> <p>လင်းဖုန်း၏ လက်သီးမှာ သင်းခွေချပ်နတ်ဆိူး၏ အရေပြားကို ဖောက်ထွင်းသွားသည်။ ပြင်းထန်သော စွမ်းအားများမှာ ထိုနတ်ဆိုး၏ ခန္ဓာကိုယ်ထဲတွင် ပေါက်ကွဲထွက်သွားသည်။ တောင်ငယ်လေးတစ်လုံးကဲ့သို့ ကြီးမားသော သင်းခွေချပ်နတ်ဆိုးမှာ နာကျင်စွာ အော်ဟစ်ရင်း မြေပြင်ပေါ်သို့ ဘုန်းဘုန်းလဲကျသွားတော့သည်။</p> <p>သေသွားပြီ။ လင်းဖုန်းသည် သင်းခွေချပ်နတ်ဆိုးတစ်ကောင်ကို လက်သီးတစ်ချက်တည်းဖြင့် သုတ်သင်လိုက်ခြင်း ဖြစ်သည်။ ဤသင်းခွေချပ်နတ်ဆိုးမှာ အလွန်ကြီးမားပြီး အခြားသော နတ်ဆိုးများ၏ ထက်ဝက်ကျော်ထက်ပင် ပို၍ ကြီးမားလှသည်။ ထိုနတ်ဆိုးမှာ အသွင်ပြောင်းနယ်ပယ် ဒုတိယအဆင့် သိုင်းသမားတစ်ဦးနှင့်ပင် နှိုင်းယှဉ်နိုင်လိမ့်မည်ဟု လင်းဖုန်း သံသယရှိသည်။</p> <p>သို့သော် လင်းဖုန်းက သူ့ ခွန်အားအားလုံးကို အနီးကပ် ထုတ်လွှတ်လိုက်ကာ ထက်မြက်သောဦးချို‌မွေးရာပါစွမ်းရည်ဖြင့် ထိုနတ်ဆိုး၏ အမာဆုံးသော အရေပြားကို ဖောက်ထွင်းလိုက်သည့်အခါတွင်မူ ၎င်း၏ ကံကြမ္မာမှာ ဆုံးဖြတ်ပြီးသား ဖြစ်သွားခဲ့သည်။</p> <p>သို့သော် လင်းဖုန်းမှာမူ လုံးဝ မပျော်ရွှင်နိုင်ပေ။ အဘယ်ကြောင့်ဆိုသော် သူ ဒဏ်ရာရသွားသောကြောင့် ဖြစ်သည်။ သူ၏ လက်မောင်းတစ်ဖက်မှာ သင်းခွေချပ်သားရဲ၏ လက်သည်းချက် တစ်ချက်ကြောင့် ကြေမွသွားသည်။ သူ့ပုခုံးတွင် တွဲလောင်းကျနေသော အသားစ အနည်းငယ်သာ ကျန်တော့သည်။</p> <p>ဤသည်မှာ အလွန်တရာ ပြင်းထန်လှသော သွေးချောင်းစီးတိုက်ပွဲပင်။ နှိုင်းယှဉ်စရာမရှိအောင် ပြင်းထန်လှသည်။</p> <p>ဤသည်မှာ နဂါးကျောက်တုံးမြို့မှ အဆုံးအဖြတ်တိုက်ပွဲပြီးနောက် လင်းဖုန်း ကြုံတွေ့ခဲ့ရသော အပြင်းထန်ဆုံးသော တိုက်ပွဲ ဖြစ်ပေလိမ့်မည်။ လက်မောင်းတစ်ဖက် ဆုံးရှုံးသွားခြင်းမှာ အသွင်ပြောင်းနယ်ပယ် တတိယအဆင့် သိုင်းသမားတစ်ဦးပင်လျှင် ဘာမှ မတတ်နိုင်သော ကိစ္စဖြစ်သည်။</p> <p>"စစ်သေနာပတိချုပ်"</p> <p>သေချာသည်မှာ အချို့သောသူများသည် လင်းဖုန်း၏ အခြေအနေကို စောင့်ကြည့်နေခဲ့ကြသည်။ လင်းဖုန်းက သင်းခွေချပ်နတ်ဆိုးတစ်ကောင်ကို လက်သီးတစ်ချက်တည်းဖြင့် လွင့်ထွက်သွားအောင် လုပ်နိုင်သည်ကို မြင်သောအခါ အခြားသော သာလွန်လူသား ကျွမ်းကျင်သူများမှာ အစပိုင်းတွင် အတော်လေး ပျော်ရွှင်နေခဲ့ကြသည်။ သူတို့၏ စစ်သေနာပတိချုပ်မှာ အလွန် အစွမ်းထက်နေသဖြင့် ဤအရေးပေါ် အခြေအနေမှ အမှန်တကယ် လွတ်မြောက်နိုင်လိမ့်မည်ဟု သူတို့ ထင်ခဲ့ကြသည်။</p> <p>သို့သော် ချက်ချင်းဆိုသလိုပင် ကြီးမားသော သင်းခွေချပ်သားရဲက လင်းဖုန်း၏ လက်မောင်းကို လက်သည်းဖြင့် ရိုက်ချိုးလိုက်သည်ကို မြင်လိုက်ရသည်။ လင်းဖုန်းကလည်း ထိုသင်းခွေချပ်သားရဲကို သတ်ပစ်နိုင်ခဲ့သော်လည်း ၎င်းအတွက် ပေးဆပ်လိုက်ရသော တန်ဖိုးမှာ မည်မျှ ကြီးမားလိုက်သနည်း။</p> <p>ဒါက အပြန်အလှန် ပျက်စီးစေသော တိုက်ပွဲပင်။ လက်မောင်းတစ်ဖက် ဆုံးရှုံးသွားသော သိုင်းသမားတစ်ဦးသည် သူ၏ ခွန်အား ထက်ဝက်ကျော်ကို ဆုံးရှုံးသွားရပေလိမ့်မည်။ သူတို့၏ အနာဂတ် သိုင်းလမ်းစဉ်မှာလည်း အလွန် ခက်ခဲသွားပေလိမ့်မည်။</p> <p>အသက်စွမ်းအင် အသွင်ပြောင်းလဲခြင်း ဒုတိယအဆင့်ကို ဖြတ်ကျော်ပြီး နတ်ဘုရားနယ်ပယ် ကျွမ်းကျင်သူတစ်ဦး ဖြစ်မလာသရွေ့ သူ၏ လက်မောင်းကို မူလအတိုင်း ပြန်ဖြစ်အောင် လုပ်ရန်မှာ မဖြစ်နိုင်ပေ။</p> <p>လင်းဖုန်း တောင်ပိုင်းတောင်တန်း အခြေစိုက်စခန်းသို့ ရောက်လာသည်မှာ တစ်လသာ ရှိသေးသည်။ သူသည် အလားအလာ အလွန်ကောင်းသော လူသားမျိုးနွယ်၏ သူရဲကောင်းတံဆိပ်ကို ရရှိထားသည့် ပါရမီရှင် သိုင်းသမားတစ်ဦး ဖြစ်သည်။ သူ တောင်ပိုင်းတောင်တန်း အခြေစိုက်စခန်းသို့ ရောက်ပြီးပြီးချင်းမှာပင် မည်သည့်အတွက်ကြောင့် လက်မောင်းတစ်ဖက် ဆုံးရှုံးသွားနိုင်ပါမည်နည်း။</p> <p>လုဝေ့ ဒေါသထွက်သွားသည်။ သူ့ခန္ဓာကိုယ်ထဲရှိ ကြယ်တာရာစွမ်းအားများမှာ အရူးအမူး ပေါက်ကွဲထွက်လာပြီး သင်းခွေချပ်နတ်ဆိုးနှစ်ကောင်ကို ချက်ချင်းပင် မောင်းထုတ်လိုက်သည်။ သို့သော် သူ ထိုနေရာမှ မထွက်ခွာနိုင်မီမှာပင် ကြမ်းကြုတ်သားရဲအုပ်ကြီး၏ ဝိုင်းရံခြင်းကို ခံလိုက်ရပြန်သည်။</p> <p>အခြားသော သာလွန်လူသား ကျွမ်းကျင်သူများမှာလည်း ဆင်တူသော အခြေအနေနှင့် ရင်ဆိုင်နေရသည်။ အနည်းငယ် အင်အားနည်းသော သာလွန်လူသား ကျွမ်းကျင်သူများမှာမူ ပို၍ပင် ခက်ခဲနေကြသည်။ မည်သူမျှ လင်းဖုန်းကို လာရောက် မကယ်တင်နိုင်ကြပေ။</p> <p>ယခင် အစီအစဉ်အရဆိုလျှင် သူတို့သည် သင်းခွေချပ်နတ်ဆိုးနှစ်ကောင်စီကို တားဆီးထားကြရမည် ဖြစ်သည်။ သို့သော် ထိုနတ်ဆိုးနှစ်ကောင်မှာ သာမန်နတ်ဆိုးများ မဟုတ်ပေ။ သူတို့သည် ထိုနတ်ဆိုးများကို မသတ်နိုင်ကြဘဲ ကြယ်တာရာစွမ်းအား ပေါက်ကွဲမှုကိုသာ အသုံးပြုပြီး တားဆီးထားနိုင်ကြသည်။ သို့သော် ၎င်းမှာလည်း အချိန်အကြာကြီး မဟုတ်ပေ။</p> <p>လင်းဖုန်းမှာမူ သင်းခွေချပ်နတ်ဆိုး ၄ ကောင်နှင့် ရင်ဆိုင်ခဲ့ရသည်။ ယခုအခါ တစ်ကောင်မှာ တိုက်ခိုက်နိုင်စွမ်း မရှိတော့သလို နောက်တစ်ကောင်မှာလည်း အသတ်ခံလိုက်ရပြီ ဖြစ်သော်လည်း ကျန်ရှိနေသော နတ်ဆိုးနှစ်ကောင်မှာ ဒေါသတကြီးဖြင့် လင်းဖုန်းထံသို့ ပြေးဝင်လာနေဆဲပင်။</p> <p>လက်မောင်းတစ်ဖက် ဆုံးရှုံးသွားပြီးနောက် လင်းဖုန်းအနေဖြင့် သူတို့ကို မည်သို့ ခုခံနိုင်ပါမည်နည်း။</p> <p> </p> <p> </p> <p> </p> <p style="text-align: center;">***</p>


Save