Book List

<h2 style="text-align: center;">အခန်း (၁၅၇)</h2> <h2 style="text-align: center;">အပြန်အလှန်ချေပခြင်း</h2> <h2 style="text-align: center;">*</h2> <h2 style="text-align: center;"> </h2> <p> </p> <p>လက်မောင်းတစ်ဖက် ဆုံးရှုံးသွားပြီးနောက် လင်းဖုန်း၏ မျက်နှာအမူအရာမှာ အလွန်ပင် တည်ကြည်လေးနက်သွားသည်။</p> <p>သူ ခုနက သင်းခွေချပ်နတ်ဆိုးနှစ်ကောင်ကို တိုက်ခိုက်ခဲ့ရာတွင် တစ်ကောင်မှာ အသတ်ခံလိုက်ရပြီး အခြားတစ်ကောင်မှာ ပြင်းထန်စွာ ဒဏ်ရာရသွားခဲ့သည်။ တိုက်ပွဲရလဒ်မှာ ကောင်းမွန်သည်ဟု ထင်ရသော်လည်း အမှန်တကယ်တွင်မူ... လင်းဖုန်းသည် ကြယ်တာရာစွမ်းအားမှလွဲ၍ သူ၏ ခွန်အားအားလုံးနီးပါးကို ထုတ်သုံးခဲ့ရခြင်း ဖြစ်သည်။</p> <p>ခုနက တိုက်ခိုက်မှု၏ အကျိုးသက်ရောက်မှုအရ ဝဲကယက်စွမ်းအား တတိယအဆင့်နှင့် ထက်မြက်သော ဦးချိုကို ပေါင်းစပ်လိုက်ပါက သင်းခွေချပ်နတ်ဆိုးတစ်ကောင်ကို ပြင်းပြင်းထန်ထန်ဒဏ်ရာရစေနိုင်သည်။ အကယ်၍ ဝဲကယက်စွမ်းအား စတုတ္ထအဆင့်နှင့် ထက်မြက်သောဦးချိုကို ပေါင်းစပ်လိုက်မည်ဆိုပါက သင်းခွေချပ်နတ်ဆိုးကို တိုက်ရိုက်သုတ်သင်‌ချေမှုန်းနိုင်ပေသည်။</p> <p>ဤအချက်က လင်းဖုန်းအား သင်းခွေချပ်သားရဲကို ပို၍ အလေးအနက်ထား အကဲဖြတ်ရန် ဖြစ်လာစေသည်။ သင်းခွေချပ်သားရဲများ၏ ခုခံမှုမှာ အထူးသဖြင့် ၎င်း၏ အရေပြားမှာ အလွန်ပင် အစွမ်းထက်လှသည်။ ၎င်းမှာ ကျောက်ဆောင်ကျောက်ခဲကဲ့သို့ မာကျောလှကာ "ကျောက်ဖြစ်စေခြင်း" အသွင်သို့ပင် ပြောင်းလဲသွားနိုင်ပေသည်။</p> <p>ဤသည်မှာ နှာမောင်းရှည်သားရဲများနှင့် လုံးဝ မတူချေ။ နှာမောင်းရှည်သားရဲများသည် သူတို့၏ မာကျောသည့်အရေပြားနှင့် ထူထဲလှသည့် အသွေးအသားကို အသုံးပြုကာ တိုက်ခိုက်မှုများကို ခံနိုင်ရည်ရှိစေရန် လုပ်ဆောင်ကြသည်။ ထိုဖြစ်စဉ်မှာ ပြင်းထန်ကြမ်းတမ်းသည့် ရိုက်ခတ်မှုများကို ခံနိုင်ရည်ရှိသော သဘာဝအသားအိတ်ကြီးအလားပင်။</p> <p>သို့သော် ခုခံမှုနှင့် ပတ်သက်လာလျှင် ဤသင်းခွေချပ်သားရဲများမှာ အမှန်တကယ် ပို၍ သာလွန်လှသည်။ အကယ်၍ လင်းဖုန်းတွင် မပျက်စီးနိုင်သည့် ထက်မြက်သောဦးချိုသာ မရှိခဲ့လျှင် သူဝဲကယက်စွမ်းအား စတုတ္ထအဆင့်ကို ထုတ်သုံးခဲ့လျှင်ပင် သင်းခွေချပ်နတ်ဆိုးသားရဲများ၏ ကျောက်ကဲ့သို့ဖြစ်တည်နေသော အရေပြားကို ဖောက်ထွင်းနိုင်ရန် ခက်ခဲပေလိမ့်မည်။</p> <p>ဤကဲ့သို့သော မွေးရာပါစွမ်းရည်မျိုးမှာ အလွန်ပင် အစွမ်းထက်လွန်းလှသည်။ ထို့ပြင် သင်းခွေချပ်သားရဲ၏ ခွန်အားမှာလည်း အတော်လေး ကြီးမားလှသည်။ ထို့ကြောင့် သိုင်းသမားများသည် တစ်ဦးချင်း ရင်ဆိုင်တိုက်ခိုက်ရာတွင် ထိုသားရဲများကို အလွယ်တကူ အသာစီး မရနိုင်ကြခြင်း ဖြစ်သည်။</p> <p>"ငါ့ရဲ့ မျိုးရိုးဗီဇ လက်ခံနိုင်စွမ်းပမာဏက ၄၈ ရာခိုင်နှုန်းပဲ ရှိသေးတာ။ တခြားကြမ်းကြုတ်သားရဲတစ်မျိုးရဲ့ မျိုးရိုးဗီဇကို ထပ်ပြီး ပေါင်းစပ်ဖို့ စဉ်းစားသင့်သလား။ ဒီသင်းခွေချပ်သားရဲကတော့ အလားအလာ တော်တော်ရှိပုံရတယ်"</p> <p>လင်းဖုန်းသည် သူ၏ ပတ်ဝန်းကျင်ရှိ သင်းခွေချပ်သားရဲများကို ကြည့်ကာ အနည်းငယ် စိတ်ဝင်စားသွားသည်။</p> <p>သူ မျိုးရိုးဗီဇကန့်သတ်ချက်ကို ချိုးဖြတ်ခဲ့စဉ်ကတည်းက မျိုးရိုးဗီဇပေါင်းစပ်ကိရိယာ၏ မျိုးရိုးဗီဇလက်ခံနိုင်စွမ်းပမာဏမှာ ပြန်လည် လျော့ကျသွားခဲ့သည်။ ဆိုလိုသည်မှာ သူသည် ကြမ်းကြုတ်သားရဲမျိုးရိုးဗီဇများကို ထပ်မံ ပေါင်းစပ်နိုင်ပြီ ဖြစ်သည်။ သို့သော် အချိန်အတော်ကြာသည်အထိ သူသည် သင့်တော်သော သားရဲမျိုးရိုးဗီဇကို ရှာမတွေ့ခဲ့ပေ။</p> <p>ယခုအချိန်တွင် သင်းခွေချပ်သားရဲမှာ အတော်လေး ကောင်းမွန်သော ရွေးချယ်မှုတစ်ခု ဖြစ်သည်။ အကယ်၍ လင်းဖုန်းသာ ထိုသားရဲ၏ မျိုးရိုးဗီဇကို ပေါင်းစပ်နိုင်ခဲ့လျှင် သူ၏ ခွန်အားကို မြှင့်တင်ရာတွင် သေချာပေါက် များစွာ အထောက်အကူ ဖြစ်စေပေလိမ့်မည်။</p> <p>သို့သော် လင်းဖုန်းသည် မျိုးရိုးဗီဇပေါင်းစပ်ကိရိယာနှင့် ပတ်သက်၍ တချို့အကြောင်းခြင်းရာများကို နားလည်ထားသည်။ သင်းခွေချပ်သားရဲ မျိုးရိုးဗီဇကို ပေါင်းစပ်ခြင်းဖြင့် မည်သည့် စွမ်းရည်များကို ရရှိမည်နည်း။ သို့တည်းမဟုတ် မွေးရာပါစွမ်းရည်များ ပါလာမည်လား ဆိုသည်မှာ ပြောရန် ခက်ခဲလှသည်။</p> <p>ထို့ပြင် လင်းဖုန်းသည် အသွင်ပြောင်းလဲခြင်းဖြစ်စဥ်ကို အပြီးမသတ်ရသေးပေ။ သူ၏ ရုပ်ပိုင်းဆိုင်ရာ ကြံ့ခိုင်မှု တိုးတက်လာရန် နေရာအများကြီး ကျန်ရှိနေသေးသည်။ ယခုအချိန်တွင် သူ၏ ရုပ်ပိုင်းဆိုင်ရာကို မြှင့်တင်ရန် အလောတကြီး မလိုအပ်သေးသဖြင့် သားရဲမျိုးရိုးဗီဇများကို ပေါင်းစပ်ရန် အလျင်စလို လုပ်စရာ မလိုသေးပေ။</p> <p>ပို၍ အရေးကြီးသည်မှာ လင်းဖုန်းသည် သူ၏ ကန့်သတ်ချက်ကို ချိုးဖျက်နိုင်ပြီး တူညီသော အဆင့်ရှိ သိုင်းသမားများထက် များစွာ သာလွန်သော ကြယ်တာရာစွမ်းအားကို ပိုင်ဆိုင်ထားရသည့် အခြေခံအကြောင်းရင်းမှာ ကြမ်းကြုတ်သားရဲမျိုးရိုးဗီဇများကို ပေါင်းစပ်ထားသောကြောင့်ဖြစ်သည်။ သူ၏ ရုပ်ပိုင်းဆိုင်ရာကြံ့ခိုင်မှုမှာ များစွာ တိုးတက်လာပြီး အရည်အသွေးပိုင်းဆိုင်ရာ အပြောင်းအလဲ ဖြစ်သွားခြင်းကြောင့် ဖြစ်သည်ဟု မရေမရာ သံသယရှိနေသည်။</p> <p>လက်ရှိတွင် သူသည် အသွင်ပြောင်းနယ်ပယ် ဒုတိယအဆင့်၌ ရှိနေသည်။ အကယ်၍ သူ ကန့်သတ်ချက်သို့ ရောက်ရှိသွားပါက သူ၏ ကြယ်တာရာစွမ်းအားမှာ အမျှင်ပေါင်း ၅၀၀၀ ကျော် ရှိလာနိုင်ပြီး ၎င်းမှာ အသွင်ပြောင်းနယ်ပယ် ပထမအဆင့်ထက် ၁၀ ဆ ပို၍ များပြားပေလိမ့်မည်။</p> <p>လင်းဖုန်းအနေဖြင့် ယခုအချိန်တွင် ကြယ်တာရာစွမ်းအား အမျှင်ပေါင်း ၅၀၀၀ စလုံးကို မဖိသိပ်နိုင်သေးပေ။ သူ၏ စိတ်ဆန္ဒကို ပို၍ လေ့ကျင့်ရန် လိုအပ်သည်။ မဟုတ်ပါက သူသည် အသွင်ပြောင်းနယ်ပယ် တတိယအဆင့်သို့ တက်လှမ်းနိုင်ရန်မှာ မဖြစ်နိုင်ပေ။</p> <p>သို့သော် သူသည် ယခု မျိုးရိုးဗီဇများကို ပေါင်းစပ်ပြီး သူ၏ ကန့်သတ်ချက်ကို ထပ်မံ ချိုးဖျက်လိုက်မည်ဆိုပါက သူ၏ ကြယ်တာရာစွမ်းအားမှာ ဆက်လက် တိုးတက်လာပြီး အမျှင်ပေါင်း ၆,၀၀၀ သို့မဟုတ် ၇,၀၀၀ အထိ ရောက်ရှိသွားပေလိမ့်မည်။ ၎င်းမှာ လင်းဖုန်း အဆင့်တက်လှမ်းနိုင်ရေးအတွက် ဘေးဒုက္ခတစ်ခု ဖြစ်လာပေလိမ့်မည်။</p> <p>ထို့ကြောင့် လင်းဖုန်းသည် သားရဲမျိုးရိုးဗီဇများကို ပေါင်းစပ်ရန် အလျင်မလိုပေ။ သူသည် အနည်းဆုံး အသွင်ပြောင်းနယ်ပယ် တတိယအဆင့်သို့ ရောက်ရှိသွားသည်အထိ စောင့်ဆိုင်းရပေလိမ့်မည်။ ထိုသို့ဆိုလျှင် သူ၏ ကြယ်တာရာစွမ်းအား မည်မျှပင် များပြားနေပါစေ လင်းဖုန်းအတွက် ပြဿနာ ဖြစ်လာလိမ့်မည် မဟုတ်ပေ။ အဘယ်ကြောင့်ဆိုသော် ထိုအချိန်တွင် လင်းဖုန်းသည် ကြယ်တာရာစွမ်းအား ဖိသိပ်ခြင်းထက် များစွာ ပို၍ ခက်ခဲသော ဒုတိယအကြိမ် အသက်ဝိညာဉ် အသွင်ပြောင်းလဲခြင်းကို ရင်ဆိုင်ရတော့မည် ဖြစ်သောကြောင့်ပင်။</p> <p>သင်းခွေချပ်နတ်ဆိုးနှစ်ကောင် ပြေးဝင်လာသည်ကို မြင်သောအခါ လင်းဖုန်း၏ နှုတ်ခမ်းထက်တွင် အေးစက်သော အပြုံးတစ်ခု ပေါ်လာသည်။ လင်းဖုန်းသည် သူ၏ ဘယ်ဘက်လက်မောင်းကို ငုံ့ကြည့်လိုက်သည်။ ထိုအချိန်တွင် သူ၏ ဘယ်ဘက်လက်မောင်းမှ သွေးများ ထွက်မလာတော့ဘဲ မျက်စိဖြင့် မြင်နိုင်သော အရှိန်ဖြင့် ပြန်လည် ကြီးထွားလာနေခဲ့သည်။</p> <p>နာလိုက်တာ။ အရမ်းကို နာတာပဲ... လက်မောင်းတစ်ဖက် ဆွဲဖြဲခံလိုက်ရပြီး ဆဲလ်များ အဆက်မပြတ် ကွဲပွားနေသည့်အချိန် နာကျင်မှုက ဘယ်လောက်တောင် ပြင်းထန်လိုက်မလဲ။</p> <p>သို့သော် လင်းဖုန်း၏ စိတ်ဆန္ဒဖြင့် ဤနာကျင်မှုကို သူ အေးအေးဆေးဆေးပင် ရင်ဆိုင်နိုင်သည်။ မျက်စိတစ်မှိတ်အတွင်းမှာပင် လင်းဖုန်း၏ လက်မောင်းမှာ ထက်ဝက်ကျော် ပြန်လည် ကြီးထွားလာသည်။ သင်းခွေချပ်နတ်ဆိုးနှစ်ကောင် လင်းဖုန်းထံသို့ ရောက်ရှိလာချိန်တွင် သူ၏ လက်မောင်းမှာ မူလအတိုင်း ပြန်လည် ကောင်းမွန်သွားခဲ့ပြီ ဖြစ်သည်။</p> <p>ဤသို့သော ထိတ်လန့်ဖွယ်ရာပြန်လည်ကုသနိုင်စွမ်းမှာ လင်းဖုန်း မျှော်လင့်ထားသည်ထက်ပင် ပို၍ မြန်ဆန်နေပေသည်။ သူ၏ ယခင်ကုသခြင်းစွမ်းရည်မှာလည်း အလွန် အစွမ်းထက်သော်လည်း လက်မောင်း သို့မဟုတ် ခြေထောက် ပြတ်တောက်သွားသော ဒဏ်ရာမျိုးကို ကုသရန်အတွက် အချိန်အနည်းငယ် လိုအပ်သည်။</p> <p>ဒါပေမဲ့ အခုကတော့...</p> <p>၁၀ စက္ကန့်လောက် ကြာသွားသလော။ ၅ စက္ကန့်ပင် မပြည့်လောက်ပေ။ အသက်ရှူတစ်ရှိုက်စာမျှ အချိန်အတွင်းမှာတင် သူ၏ လက်မောင်းမှာ မူလအတိုင်း ပြန်ဖြစ်သွားခဲ့ပြီ။ ဤကုသမှုအရှိန်မှာ ယခင်ကထက် အနည်းဆုံး ၃၀ ရာခိုင်နှုန်းခန့် ပို၍ မြန်ဆန်လာခြင်း ဖြစ်သည်။</p> <p>"မျှော်လင့်ထားတဲ့အတိုင်းပဲ... ယူနီကွန်းဦးချိုပဲဖြစ်ဖြစ်၊ အကာအကွယ် ချပ်ဝတ်တန်ဆာပဲဖြစ်ဖြစ်၊ မသေနိုင်တဲ့ အစွမ်းသတ္တိပဲဖြစ်ဖြစ် ငါ့ရဲ့ မွေးရာပါစွမ်းရည်တွေ အားလုံးက အဘက်ဘက်ကနေ တိုးတက်လာတာပဲ"</p> <p>လင်းဖုန်းသည် သူ၏ မွေးရာပါစွမ်းရည်မျိုးစုံမှာ အတိုင်းအတာတစ်ခုအထိ တိုးတက်လာကြောင်း ယခုအခါ သေချာသွားပြီ ဖြစ်သည်။</p> <p>လင်းဖုန်း၏လက်မောင်း ချက်ချင်းပြန်ပေါက်လာသည်ကို မြင်လိုက်ရသူ အားလုံးမှာ ပါးစပ်အဟောင်းသားနှင့် မှင်သက်သွားကြသည်။</p> <p>ထိုအခါမှသာ သူတို့သည် လင်းဖုန်းတွင် ကုသခြင်း စွမ်းရည် အလွန်ကောင်းကြောင်း သတိရလိုက်ကြသည်။ သို့သော် ဤသည် ရိုးရိုးကုသခြင်းစွမ်းရည်မျှသာလော။</p> <p>အချို့သော သာလွန်လူသား ကျွမ်းကျင်သူများတွင် ကုသခြင်းအာနိသင်ရှိသော မွေးရာပါစွမ်းရည်များ ရှိကြသော်လည်း ပြတ်တောက်သွားသော အင်္ဂါအစိတ်အပိုင်းများကိုပင် ဤမျှ မြန်ဆန်စွာ ပြန်လည် ထွက်ပေါ်လာနိုင်သည့် အစွမ်းမျိုးမှာ မရှိသလောက်ရှားပါးလှပေသည်။ ထိုသို့သော စွမ်းရည်မျုးကို ရိုးရိုးကုသခြင်းစွမ်းရည်ဟု သတ်မှတ်နိုင်ပါဦးမည်လော။</p> <p>အသွင်ပြောင်းနယ်ပယ် သိုင်းသမားများသာ နားမလည်နိုင်ခြင်း မဟုတ်ချေ။ နတ်ဘုရားနယ်ပယ် ကျွမ်းကျင်သူများပင်လျှင် နားလည်နိုင်ရန် ခက်ခဲပေလိမ့်မည်။</p> <p>"ဝဲကယက်စွမ်းအား စတုတ္ထအဆင့်"</p> <p>လင်းဖုန်း၏ မျက်လုံးထဲတွင် အေးစက်စက် အလင်းတန်းတစ်ခု ဖြတ်ပြေးသွားသည်။ သင်းခွေချပ်သားရဲ နှစ်ကောင်မျှသာ ဖြစ်သည်။ လင်းဖုန်းသည် သူ၏ လက်နှစ်ဖက်ကို ရုတ်တရက် ဆန့်ထုတ်လိုက်ရာ လေထုကို ဖြတ်သန်းသွားသော ပြင်းထန်သော စွမ်းအားများကြောင့် ပေါက်ကွဲသံတစ်ခု ထွက်ပေါ်လာသည်။</p> <p>လင်းဖုန်းသည် ကြယ်တာရာစွမ်းအားကိုလည်း မလွှဲသာမရှောင်သာ ထုတ်သုံးလိုက်ရသည်။ သူ၏ လက်တစ်ဖက်စီတွင် ကြယ်တာရာစွမ်းအား အမျှင်ပေါင်း ၂၀၀ စီ ပေါက်ကွဲထွက်လာသည်။</p> <p>ကြယ်တာရာစွမ်းအား အမျှင် ၁၀၀ မှာ တန် ၄၀၀ ခွန်အားနှင့် ညီမျှသည်။ လင်းဖုန်းသည် ဝဲကယက်စွမ်းအား စတုတ္ထအဆင့်ကို အားအပြည့်ဖြင့် ထုတ်သုံးလိုက်သည်။ သူ၏ ရုပ်ပိုင်းဆိုင်ရာ ခွန်အားနှင့် ပေါင်းစပ်လိုက်လျှင် လင်းဖုန်းတွင် တန်ပေါင်း ၂၀၀၀ ကျော် ခွန်အား ရှိနေသည်။</p> <p>ဤမျှ ကြောက်မက်ဖွယ်ကောင်းသော ခွန်အားနှင့်ဆိုလျှင် သင်းခွေချပ်နတ်ဆိုးနှစ်ကောင်ကို တစ်ပြိုင်နက်တည်း ရင်ဆိုင်ရခြင်းမှာ ပြောပလောက်စရာမရှိပေ။</p> <p>ဘုန်း...</p> <p>မြေပြင်တစ်ခုလုံးမှာ တုန်ခါသွားသည်။ ပြင်းထန်ကြမ်းတမ်းလှသောအရှိန်အဝါများ အရပ်မျက်နှာအနှံ့ပေါက်ကွဲထွက်သွားသည်။ သင်းခွေချပ်နတ်ဆိုးနှစ်ကောင်၏ ခန္ဓာကိုယ်ထဲမှ နားမခံသာအောင် စူးရှကျာ်လောင်သော အသံများ ထွက်ပေါ်လာသည်။ ၎င်းမှာ အရိုးများ ကြေမွသွားသည့် အသံနှင့် အသားများ လွင့်စင်ပျံ့ကျဲသွားသည့် အသံများပင် ဖြစ်သည်။ ထိုသင်းခွေချပ်နတ်ဆိုးနှစ်ကောင်မှာ လင်းဖုန်း၏ လက်ချက်ကြောင့် တမဟုတ်ချင်း လွင့်ထွက်သွားသည်။ သူတို့ မြေပြင်ပေါ်သို့ ပြန်ကျလာချိန်တွင်မူ အသွေးအသားများမှာ အလုံးစုံ ကြေမွပျက်စီးနေပြီဖြစ်ကာ ထွက်သက်တစ်ရှိုက်ပင် မထုတ်နိုင်တော့ဘဲ သေဆုံးသွားသည်။</p> <p>သို့သော် လင်းဖုန်းတစ်ကိုယ်လုံးမှာလည်း ဆိုးရွားသော အခြေအနေတွင် ရှိနေသည်။ သင်းခွေချပ်သားရဲ နှစ်ကောင် အရှိန်အပြည့်ဖြင့် ပြေးဝင်လာသော ရိုက်ခတ်မှုမှာ မည်မျှ ပြင်းထန်လိုက်မည်နည်း။ လင်းဖုန်းမှာ တောင်ကြီးနှစ်လုံးနှင့် တိုက်မိသည့်အလား ခံစားလိုက်ရသည်။ ထို့ပြင် သင်းခွေချပ်သားရဲများ၏ လက်သည်းများက သူ့လက်မောင်းများနှင့် ဝမ်းဗိုက်ကို တစ်ပြိုင်နက်တည်း ဆွဲဖြဲသွားခဲ့သဖြင့် သူ့တစ်ကိုယ်လုံးမှာ သွေးများဖြင့် ဖုံးလွှမ်းသွားသည်။</p> <p>တိုက်ပွဲမှာ အလွန်တရာ ပြင်းထန်လှချေသည်။ သူ၏ တိုက်ခိုက်ပုံမှာ ရန်သူကို သတ်နိုင်ရန် မိမိအသက်ကိုပါ ရင်းနှီးလိုက်သည့် ပုံစံမျိုး ဖြစ်သည်။ အကယ်၍ အခြားသော အသွင်ပြောင်းနယ်ပယ် သိုင်းသမားတစ်ဦးသာ ဖြစ်ပါက သူတို့သည် တတိယအဆင့်၌ ရှိနေပြီး ကြယ်တာရာစွမ်းအား အကာအကွယ် အများအပြား ရှိနေလျှင်ပင် ဤကဲ့သို့ တိုက်ခိုက်ပုံမျိုးက သူတို့ကို သေရွာသို့ ပို့ဆောင်ပေးပေလိမ့်မည်။</p> <p>သို့သော် လင်းဖုန်းမှာမူ အသက်ရှင်နေဆဲပင်။ သူ၏ ခန္ဓာကိုယ်ပေါ်မှ ဒဏ်ရာများမှာ မျက်စိဖြင့် မြင်နိုင်သော အရှိန်ဖြင့် ပြန်လည် ကောင်းမွန်လာပြီး ပြတ်တောက်သွားသော လက်မောင်းမှာလည်း အလွန်တိုတောင်းသော အချိန်အတွင်းမှာပင် ပြန်လည် ကြီးထွားလာသည်။</p> <p>တောင်ပိုင်းတောင်တန်း အခြေစိုက်စခန်းရှိ သိုင်းသမားများပင်လျှင် ဤအခြင်းအရာကို မြင်သောအခါ ထိတ်လန့်တုန်ယင်သွားကြသည်။ ဒီတိုက်ပွဲက ဘယ်လို ဆက်ဖြစ်ဦးမှာလဲ။ လင်းဖုန်းကို လုံးဝ သတ်လို့မရဘူး။ ဒဏ်ရာကို ဒဏ်ရာချင်း လဲလှယ်ခြင်းနှင့် အသက်ကို ရင်းပြီး တိုက်ခိုက်ခြင်းမှာ သင်းခွေချပ်သားရဲများ၏ အားသာချက် ဖြစ်ခဲ့ဖူးသည်။ သူတို့၏ အစွမ်းထက်သော ခုခံမှုကို အသုံးချပြီး သူတို့သည် အမြဲတမ်း အရူးအမူး အသက်စွန့် တိုက်ခိုက်လေ့ရှိကာ အမြဲတမ်းလည်း အောင်ပွဲခံရလေ့ရှိသည်။ သို့သော် ယခုတစ်ကြိမ်တွင်မူ သင်းခွေချပ်သားရဲများမှာ အပြည့်အဝတန်ပြန်တိုက်ခိုက်နိုင်သူနှင့် ရင်ဆိုင်လိုက်ရပြီ ဖြစ်သည်။ လင်းဖုန်း၏ မသေနိုင်သော အစွမ်းသတ္တိမှာ သင်းခွေချပ်သားရဲကို လုံးဝ ချေပနိုင်စွမ်း ရှိနေသည်။</p> <p>"စစ်သေနာပတိချုပ်က မျိုးရိုးဗီဇကန့်သတ်ချက်ကို ချိုးဖြတ်ပြီးကာစ လူငယ်လေးတစ်ယောက်ပဲ ရှိသေးပေမဲ့ နဂါးကျောက်တုံးမြို့မှာ နတ်ဆိုး ၃၀ ကို ဘာလို့ နှိမ်နင်းနိုင်ခဲ့တာလဲဆိုတာ အံ့ဩစရာ မဟုတ်တော့ဘူး။ အရင်ကတော့ ကံကောင်းလို့ ဖြစ်မယ်လို့ ငါ ထင်ခဲ့မိတာ။ အခု ကြည့်ရတာတော့ သူ့ရဲ့ ထူးကဲလှတဲ့ ကုသခြင်းစွမ်းရည်ကြောင့်ပဲ ဖြစ်ရမယ်..."</p> <p>လုဝေ့၏ မျက်လုံးအစုံမှာ အနည်းငယ် တောက်ပလာသည်။ အကယ်၍ လင်းဖုန်းတွင် ဤမျှ အံ့ဩစရာကောင်းသော ကုသခြင်းစွမ်းရည် ရှိနေမည်ဆိုပါက ယခုတစ်ကြိမ်တွင် သင်းခွေချပ်သားရဲများကို မောင်းထုတ်နိုင်ရန်အတွက် အခွင့်အလမ်း အလွန်ကောင်းနေပြီ ဖြစ်သည်။</p> <p> </p> <p> </p> <p> </p> <p style="text-align: center;">***</p>


Save