Book List

<h2 style="text-align: center;">အခန်း ၇၈</h2> <h2 style="text-align: center;">နှစ်သုံးဆယ်ပြည့် နှစ်ပတ်လည်</h2> <h2 style="text-align: center;">*</h2> <p> </p> <p> </p> <p>ငယ်ငယ်တုန်းကတော့ ဒီနေ့ကို အရမ်းမုန်းခဲ့သည်။ သူ ဘုရားကျောင်းသို့ သွားရခြင်းကို မုန်းတီးသည်။ “သေခြင်းတရား” ကို ထပ်ခါထပ်ခါရွတ်ဆိုနေတဲ့ ကိုယ်တော်ကြီးတွေအား သူမုန်းတီးခဲ့သည်။ အနောက်ဆောင်မိဖုရားများ၏ အော်ဟစ်ငိုကြွေးသံများကို မုန်းတီးကာ မက်မွန်ပန်းတွေကိုလဲ မုန်းတီးသည်။</p> <p>ဒီနေ့က သူ့မွေးနေ့ပင်။</p> <p>ဒါပေမဲ့ ဘာလို့ ဒီလိုနည်းလမ်းနဲ့ပဲ အမြဲဖြတ်သန်းနေရတာလဲ။</p> <p>စင်မြင့်ပေါ်ရှိ ကမ္မည်းတိုင်က သူ့အမေရဲ့ အောက်မေ့ဖွယ်ဆိုတာ သူသိပါတယ်၊ ဒါပေမဲ့ ဘာဖြစ်လဲ။ သူ့ကို ဘဝသစ် ပေးခဲ့တဲ့ သူ့အမေဆုံးပါးသွားတယ်ဆိုတာကို ဘာကြောင့် ထပ်ခါထပ်ခါ သတိပေးနေရတာလဲ။</p> <p>ဒါမျိုးဖြစ်ရပ်ကို သူမလိုချင်သော်လည်း မရွေးချယ်နိုင်ခဲ့ပေ။</p> <p>တကယ် သူ့အပြစ်ဟုတ်ရဲ့လား။</p> <p>ဒါမှမဟုတ် သူက တကယ်ကို ခွင့်လွှတ်လို့ မရနိုင်တဲ့သူလား။ ငါ့အမေအစား ငါကပဲ တစ်သက်လုံး ပျော်ပျော်ကြီး င်္သဂြိုဟ်ခံခဲ့သင့်လား။</p> <p>သူသည် တော်ဝင်စာကြည့်ခန်းတွင် ဒေါသတကြီး ကျုံးဇီဟန်နှင့် အကြီးအကျယ် စကားများခဲ့ရာ အကျိုးဆက်အားဖြင့် သူသည် ဘိုးဘေးကမ္မည်းတိုင်များရှေ့တွင် စည်းကမ်းချက်များကို ထိုင်ကူးရန် အပြစ်ပေးခံခဲ့ရသည်။ တစ်လလုံးလုံး ကူးရေးပြီး ဘိုးဘေးပူဇော်ခန့်မှ ထွက်လာသောအခါ ကိုယ်အလေးချိန် အတော်ကျကာ ပိန်လှီသွားခဲ့သည်။</p> <p>ဒီနေရာက အဘယ်မှာ အမြင့်မြတ်ဆုံးနန်းတော်ဖြစ်မည်နည်း။ အသေအချာပင် တော်ဝင်မိသားစုကို အပြစ်ဒဏ်ခတ်ဖို့ ရှေးဘိုးဘွားတွေ တည်ထောင်ထားတဲ့ နေရာဖြစ်သည်။ တော်ဝင်မိသားစုနဲ့ အရာရှိမှူးမတ်တွေ ဘယ်လောက်ပဲ အာဏာရှိနေပါစေ၊ အရှင်မင်းကြီး၏ အမိန့်တစ်ခုနဲ့ပင် ဒီနေရာက ပြစ်ဒဏ်ပေးတဲ့ အကျဉ်းထောင်ထက် ပိုကြောက်စရာကောင်းသည်။</p> <p>ထို့နောက် အသက်ဆယ့်နှစ်နှစ်အရွယ်တွင်၊ ကျုံးမင်းဝေသည် ဘိုးဘေးခန်းမတွင် အပြစ်ပေးခံရသော ကျိုးမင်းဆက်၏ ပထမဆုံးအိမ်ရှေ့စံ ဖြစ်လာခဲ့သည်။</p> <p>နန်းတော်မှထွက်လာပြီးနောက် ကျုံးမင်းဝေသည် ရင့်ကျက်လာခဲ့ပြီး တစ်ချိန်တုန်းက မဆင်မခြင် ဒေါသထွက်ခဲ့တဲ့ လူငယ်လေးလည်း ပျောက်ကွယ်သွားခဲ့သည်။ ထိုအစား မြို့တော်တွင်းရှိ အအေးစက် အတည်ငြိမ်ဆုံး အိမ်ရှေ့စံဖြစ်လာခဲ့သည်။</p> <p>ထိုအချိန်မှစ၍ ဇူလိုင် ၇ ရက်တိုင်းတွင် သူ လုံးဝအိပ်မပျော်တတ်တော့ပေ၊ သူသည် စာကြည့်ခန်းတွင် တစ်ယောက်တည်းထိုင်နေပြီး ပြတင်းပေါက်အပြင်ဘက်ရှိ မှောင်မိုက်သော ပန်းခြံအား တစ်ညတာလုံး ကြည့်နေမည်ဖြစ်သည်။ လက တောက်ပပြီး ကြယ်လေးတွေလည်း မှိတ်တုတ်မှိတ်တုတ်ဖြစ်နေနိုင်သည်၊ ဒါမှမဟုတ် တိမ်တွေထူနေတတ်သည် မဟုတ်ရင်လဲ လေကအေးပြီး မိုးရွာနေတာလည်း ဖြစ်နိုင်သေးသည်။ သူဘာတွေတွေးနေလဲ ဘယ်သူမှမသိနိုင်ပါချေ။</p> <p>နတ်ရွာစံဧကရီ၏ ယဇ်ပူဇော်ပွဲတွင် သူသည် တစ်နှစ်ထက်တစ်နှစ် ပိုမိုကြီးပြင်းလာခဲ့သည်။ ကမ္မည်းတိုင်ရှေ့မှာ ဒူးထောက်နေတဲ့ သူ့ခန္ဓာကိုယ်က သူ့ကလေးဘဝတုန်းကပုံစံနဲ့ မတူတော့ဘဲ ထင်းရှူးပင်ကဲ့သို့ဖြောင့်မတ်နေခဲ့သည်။ ဘုရားစာများနဲ့ မိဖုရားတွေရဲ့ အော်ငိုသံကို ကြားရချိန်မှာလဲ အရင်ကလို အရမ်းမငြီးငွေ့တော့ချေ။</p> <p>မယ်တော်ကြီးသည် သူ့ကို ရင့်ကျက်လာပြီဟူ၍ ချီးမွမ်းခဲ့တုန်းက သူက ပြုံးသာပြုံးခဲ့ကာ စကားမပြောခဲ့ပေ။</p> <p>ယခင်နှစ်များကဆို ဘုရားကျောင်း၏ အေးစက်သောကြမ်းပြင်ကြွေပြားပေါ်တွင် ဒူးထောက်ရမည့်အချိန်ဖြစ်သည်။ ဤအခိုက်အတန့်တွင်၊ သူသည် ဆိတ်ငြိမ်ပြီး အဆင်းရဲဆုံး နေရာတွင် လှဲချလျက် ရှိနေသည်။ သူသည် ဒီနေ့တွင် လေဖြတ်နေပြီး ဤကဲ့သို့ ကျဉ်းမြောင်းသော အိမ်တွင် နေထိုင်နေရသော်လည်း တစ်ကိုယ်လုံး သက်တောင့်သက်သာဖြစ်ကာ ပေါ့ပါးနေခဲ့သည်။</p> <p>မိုးလင်းတော့ ရေငတ်လာတာကြောင့် နှုတ်ခမ်းတွေကို ကိုက်လိုက်တဲ့အခါ ခြေသံတွေ ကြားလိုက်ရသည်။ ပေါ့ပါးသောခြေသံကို သူနားထောင်ပြီး နှုတ်ခမ်းများက အလိုအလျောက် ပင့်တက်လာသည်။</p> <p>အားချိုးက ဗန်းတစ်ခုနှင့် ဝင်လာသည်။ ဗန်းထဲမှာ ပန်းကန်လုံးနှစ်လုံးရှိကာ အနံ့က အတော်လေးမွှေးပေသည်။</p> <p>ကျုံးမင်းဝေသည် ဟင်းရည်ပန်းကန်နှစ်လုံးကို စိုက်ကြည့်နေသည်။ ဗိုက်ထဲတွင် စတင်မြည်ဟီးလာသော်လည်း အားချိုးက သူ့အတွက် အရင်ဆုံး လက်ဖက်ရည်တစ်ခွက်ကို လောင်းထည့်ပေးလာသည်။ </p> <p>အားချိုးသည် အစာမစားမီ ရေနွေးသောက်ခိုင်းတာက သူ့အတွက် စည်းကမ်းချက်တစ်ခုဖြစ်သည်။ သူသည် အမြဲလှဲနေတာကြောင့် အစာစုပုံလွယ်ကာ အစာခြေနှေးသည်။ အားချိုး သူ့ဗိုက်ကို ရက်အတော်ကြာ နှိပ်နယ်ပေးပြီးနောက်တွင် သူ့အတွက် ထိုသို့သော စည်းကမ်းကို ချမှတ်ခဲ့သည်။</p> <p>ကျုံးမင်းဝေသည် အမြန် ရေနွေးနှစ်ခွက် သုံးခွက်သောက်လိုက်သည်။ သူသည် သောက်ပြီးတာနဲ့ တန်းပြီး ပန်းကန်လုံးနှစ်လုံးကို ကြည့်လိုက်သည်။ အတိတ်မှ ဂုဏ်ကျက်သရေရှိသော အမျိုးသား၏ ပုံရိပ်ကပျောက်ကွယ်သွားသလိုပင်။</p> <p>အားချိုးက သူဗိုက်ဆာနေပြီဆိုတာ သိတာကြောင့် ပန်းကန်လုံးကို အပြုံးဖြင့်ဖွင့်လိုက်ရာ ခေါက်ဆွဲပန်းကန်က ကျုံးမင်းဝေရှေ့တွင် ပေါ်ထွက်လာခဲ့သည်။ ကျုံးမင်းဝေသည် အဖြူရောင် အငွေ့များထောင်းနေသော ခေါက်ဆွဲကို စိုက်ကြည့်နေသည်။ ခေါက်ဆွဲပေါ်တွင် လိမ္မော်ရောင် မုန်လာဥနီကို တင်ထားပြီး အစိမ်းရောင်ကြက်သွန်မြိတ်များကို ဘေး၌  ညင်သာစွာ ပုံထားသည်။</p> <p><br />          </p> <p style="text-align: center;">***</p>


Save