Book List

<h2 style="text-align: center;">မရှုံးနိမ့်သောနတ်ဘုရားဓား</h2> <h2 style="text-align: center;">(စာစဉ်-၄၆)</h2> <h2 style="text-align: center;"> </h2> <h2 style="text-align: center;"> </h2> <h2 style="text-align: center;">အခန်း (၅၄၀)</h2> <h2 style="text-align: center;">ကူလွန်ဓားသိုင်းပြိုင်ပွဲ</h2> <h2 style="text-align: center;">*</h2> <p> </p> <p>နှစ်ပေါင်းတစ်သိန်းတဲ့လား။ တိုက်တန်ဧရာမမိစ္ဆာက အချိန်အဘိုးအိုပေါ်မလာသည်မှာ နှစ်ပေါင်းတစ်သိန်းခန့်ရှိပြီဟုပြောလိုက်သည်ကိုကြားလိုက်ရသောအခါ ရန်ရှောက်ထျန်း၏နှလုံး သားမှာနစ်မြုပ်သွားခဲ့လေသည်။ ဤသည်ကိုကြည့်ရသည်မှာ အချိန်အဘိုးအိုကိုရှာဖွေရန်မှာ မဖြစ်နိုင်သလောက်ပင် ဖြစ်လေသည်။</p> <p> ဤကျယ်ပြောလှသောကမ္ဘာကြီးတွင် လူတစ်ဦးကိုရှာဖွေခြင်းမှာ ပင်လယ်ထဲတွင် အပ်ရှာသ လိုမျိုးခက်ခဲလှပေသည်။ တစ်နည်းအားဖြင့် သူသည်နောက်ထပ် ၁၀ နှစ်အကြာတွင် ကံကြမ္မာနတ် ဘုရားနန်းတော်နောက်တစ်ကြိမ်ပွင့်သည့်အချိန်အထိ စောင့်ရမည်ဖြစ်ပြီး ထိုအချိန်ကျမှနတ်ဘုရားမ နန်းတော်အတွင်းသို့ ဝင်ရောက်ကာ ကံကြမ္မာနတ်ဘုရားကျမ်းကို ရှာဖွေရတော့မည်ပေါ့။</p> <p> ၁၀ နှစ်။ သူ၏အတွက် ၁၀ နှစ်ဆိုသည်မှာ အလွန်တရာကြာရှည်လှပေသည်။ ၁၀ နှစ်ဆိုလျှင် အရာအားလုံးက ပြောင်းလဲသွားနိုင်လေသည်။</p> <p>တိုက်တန်ဧရာမမိစ္ဆာက ရန်ရှောက်ထျန်းကိုကြည့်ကာ တစ်စုံတစ်ခုကိုပြောရန် တွန့်ဆုတ် နေပုံရလေသည်။</p> <p>“တစ်ခုခုရှိရင် ပြောလိုက်လေ” ဟု ရန်ရှောက်ထျန်းက ဤသည်ကိုမြင်သောအခါ ပြောလိုက်လေသည်။</p> <p>“ထုန်းထျန်းနတ်ဘုရားဂိုဏ်းက မနေ့ကအဆိပ်အရိပ်ဂိုဏ်းကိုဖျက်ဆီးလိုက်ပြီ” ဟု တိုက်တန်ဧရာမမိစ္ဆာက ပြောလိုက်သည်။</p> <p>ဤသည်ကို ကြားလိုက်ရသည်နှင့်တစ်ပြိုင်နက် ရန်ရှောက်ထျန်းမှာ ချက်ချင်းပင်အကြီး အကျယ်ဒေါသထွက်သွားခဲ့လေသည်၊ သူ၏လက်သီးများကိုတင်းတင်းဆုပ်ထားပြီး အေးစက်သော အသံဖြင့်။</p> <p> “အဆိပ်အရိပ်ဂိုဏ်းက တပည့်ပေါင်းသိန်းနဲ့ချီအားလုံးသေသွားကြတာလား” ဟု မေးလိုက် သည်။</p> <p>တိုက်တန်ဧရာမမိစ္ဆာက ခေါင်းငြိမ့်ပြပြီး။</p> <p>“အဲဒီ လီလဲ့ဆိုတဲ့ကောင်လေးလည်းသေသွားခဲ့ပြီ၊ အလွန်တရာကိုရက်ရက်စက်စက်ကို အသတ်ခံလိုက်ရတာပါ။ သူ့ရဲ့ခေါင်းကို လူပုံအလယ်မှာဖြတ်လိုက်ကြပြီး သူ့ရဲ့ခြေလက်တွေကို လည်းဖြတ်တောက်လိုက်ကြတယ်” ဟု ပြောလိုက်သည်။ ထို့ကြောင့် အဆိပ်အရိပ်ဂိုဏ်း၏ဂိုဏ်း ချုပ်လီလဲ့မှာ ကိုယ်လက်အင်္ဂါ မစုံလင်ဘဲသေဆုံးသွားခဲ့ရခြင်းဖြစ်လေသည်။</p> <p>ရန်ရှောက်ထျန်း၏ဒေါသမှာ ထိန်းမနိုင်သိမ်းမရဖြစ်သွားခဲ့လေသည်၊ သူ၏မျက်လုံးများတွင် သတ်ဖြတ်လိုစိတ်များ ပြည့်နှက်သွားတော့သည်။</p> <p> “အဲဒါ ဘယ်သူလဲ”</p> <p>“နေလစိန့်ဘုရင်ရဲ့အမိန့်ပဲ၊ ဒါပေမဲ့လီလဲ့ရဲ့ခေါင်းကိုကိုယ်တိုင် ဖြတ်ခဲ့တာကတော့ လျန်ကန်း ပဲ” ဟု တိုက်တန်ဧရာမမိစ္ဆာက ထပ်မံပြောလိုက်သည်။</p> <p> “လျန်ကန်းက အဲဒီ ချန်ယွမ်ရဲ့ ဆရာပဲ”</p> <p>ရန်ရှောက်ထျန်း၏မျက်လုံးများမှာ အေးစက်သွားခဲ့လေသည်၊ သို့ဆိုလျှင်လျန်ကန်းမှာ ကျောက်ရုန်၏တပည့်ပေါ့။ တိုက်တန်ဧရာမမိစ္ဆာကလေးနက်သောအသံဖြင့်။</p> <p> “ကျောက်ရုန်က ဓားအသိ ၁၅မျိုးကိုအောင်မြင်စွာကျင့်ကြံနိုင်ခဲ့ပြီလို့ကြားရတယ်” ဟု ပြောလိုက်သည်။</p> <p>ရန်ရှောက်ထျန်း၏နှလုံးသားမှာနစ်မြုပ်သွားခဲ့လေသည်။ ကျောက်ရုန်က ဓားအသိ ၁၅ မျိုးကို ဤမျှအထိ လျင်မြန်စွာကျင့်ကြံနိုင်လိမ့်မည်ဟု သူမထင်ထားခဲ့ပေ။</p> <p>“မင်းရဲ့ အမြင်အရဆိုရင် ကျောက်ရုန်ကဘယ်လောက်အထိအစွမ်းထက်လဲ” ဟု ရန်ရှောက်ထျန်းက မေးလိုက်သည်။</p> <p>တိုက်တန်ဧရာမမိစ္ဆာက စဉ်းစားရင်း။</p> <p>“အလွန်တရာကိုအစွမ်းထက်တာပါ” ဟု ပြောလိုက်သည်။</p> <p>တိုက်တန်ဧရာမမိစ္ဆာမှာ မိစ္ဆာပေါင်းသောင်းခြောက်ထောင်၏နတ်ဘုရား၊ မိစ္ဆာများ၏ မိစ္ဆာ ဖြစ်ပြီး သူ၏အစွမ်းဖြင့် ဝမ်ကျန့်တိုက်ကြီးပေါ်ရှိ ပညာရှင်အားလုံးကို ငုံ့ကြည့်နိုင်သူ ဖြစ်လေသည်။ လူအနည်းငယ်သာ သူ၏မျက်စိထဲသို့ဝင်လေသည်၊ ဓားနတ်ဘုရား အဆင့်သတ်မှတ်ချက်တွင် ရှိနေသော ဓားနတ်ဘုရားအများအပြားပင်လျှင် သူ၏မျက်စိထဲသို့မဝင်ကြပေ။ သို့သော် ယခုမူ သူသည် ‘အလွန်တရာ အစွမ်းထက်တယ်’ ဟု နှစ်ကြိမ် ဆက်တိုက်ပြောလိုက်ခြင်း ဖြစ်လေသည်။ ကျောက်ရုန်၏အစွမ်းမှာမည်မျှအထိ ရှိမည်ကို ခန့်မှန်းနိုင်လေသည်။</p> <p>ထို့နောက်တွင် တိုက်တန်ဧရာမမိစ္ဆာက ဆက်ပြောလိုက်ပြန်သည်။</p> <p> “ဒီတစ်ခါ ကူလွန်ဓားသိုင်းပြိုင်ပွဲမှာ ကျောက်ရုန်ကပထမရနိုင်ခြေ အများကြီးရှိတယ်”</p> <p>“ကူလွန်ဓားသိုင်းပြိုင်ပွဲဟုတ်လား” ဟု ရန်ရှောက်ထျန်း၏ လက်ထဲမှ ဝိုင်ခွက်မှာ ရပ်တန့်သွားခဲ့လေသည်။ သူ ကူလွန်ဓားသိုင်းပြိုင်ပွဲအကြောင်းကိုသိလေသည်။ ဝမ်ကျန့်တိုက်ကြီး ပေါ်တွင် နှစ်ပေါင်းခြောက်ထောင်လျှင် တစ်ကြိမ်ကူလွန်ဓားသိုင်းပြိုင်ပွဲကို ကျင်းပလေ့ရှိလေသည်။ ထိုအချိန်ကျလျှင် ဝမ်ကျန့်တိုက်ကြီးပေါ်ရှိ မရေမတွက်နိုင်သော ဓားသိုင်းပညာရှင်အားလုံး ကူလွန်တောင်ပေါ်သို့စုစည်းရောက်ရှိလာကြမည်ဖြစ်ပြီး ဓားနတ်ဘုရားအဆင့်သတ်မှတ်ချက် အတွက်ဓားသိုင်းချင်း ပြိုင်ဆိုင်ကြမည်ဖြစ်လေသည်။</p> <p> ကူလွန်ဓားသိုင်းပြိုင်ပွဲမှာ ဝမ်ကျန့်တိုက်ကြီးပေါ်ရှိအကြီးကျယ်ဆုံးသော ပွဲလမ်းသဘင် ဖြစ်လေသည်။ ကူလွန်ဓားသိုင်းပြိုင်ပွဲတိုင်းတွင် ဝမ်ကျန့်တိုက်ကြီးပေါ်ရှိဓားနတ်ဘုရား အားလုံးနီး ပါး တက်ရောက်ကြလေသည်။</p> <p>သူ၏ဆရာ၊ နတ်ဘုရားအရှင်သခင် ဘိုးဘေးဟုန်ဖုန်းမှာပြီးခဲ့သောပြိုင်ပွဲ၏ ဓားနတ်ဘုရား အဆင့်သတ်မှတ်ချက်တွင် နံပါတ်တစ်ဖြစ်ခဲ့လေသည်။ ယခု နောက်ထပ်တစ်နှစ်ကြာလျှင် နှစ်ပေါင်း ခြောက်ထောင်ပြည့်တော့မည်ဖြစ်ရာ နောက်ထပ်တစ်နှစ်အကြာတွင် နောက်တစ်ကြိမ်ကူလွန်ဓား သိုင်းပြိုင်ပွဲကို ကျင်းပတော့မည်ဖြစ်လေသည်။</p> <p>“ပထမနေရာပေါ့” ဟု ရန်ရှောက်ထျန်းက လေးနက်သော အသံဖြင့် ပြောလိုက်သည်။</p> <p>တိုက်တန်ဧရာမမိစ္ဆာက ခေါင်းငြိမ့်ပြပြီး။</p> <p> “အကယ်၍နတ်ဘုရားအရှင်သခင်ဘိုးဘေးဟုန်ဖုန်းက ဒီတစ်ခါမှာပေါ်မလာဘူးဆိုရင် ကျောက်ရုန်ကကူလွန်ဓားသိုင်းပြိုင်ပွဲမှာ ပထမနေရာကိုရနိုင်ခြေအများကြီးရှိပါတယ်” ဟု ပြော လိုက်သည်။</p> <p>တစ်နည်းအားဖြင့်ဆိုပါက နောက်တစ်နှစ်အကြာကူလွန်ဓားသိုင်းပြိုင်ပွဲတွင် ကျောက်ရုန် သာ ပထမနေရာကို ရရှိသွားခဲ့မည်ဆိုပါက သူသည် ဓားနတ်ဘုရားအဆင့်သတ်မှတ်ချက်တွင် နံပါတ်တစ် ဖြစ်လာမည်ဖြစ်ပြီး သူ၏ဆရာနတ်ဘုရားအရှင်သခင် ဘိုးဘေးဟုန်ဖုန်း၏နေရာကို အစားထိုး သွားမည်ဖြစ်လေသည်။</p> <p>ကျောက်ရုန်မှာ လက်ရှိတွင်ထုန်းထျန်းနတ်ဘုရားဂိုဏ်း၏ ယာယီဂိုဏ်းချုပ်ဖြစ်နေ လေ သည်၊ အကယ်၍သူသာဓားနတ်ဘုရားဆင့်သတ်မှတ်ချက်တွင်နံပါတ်တစ်ဖြစ်လာပြီး နံပါတ်တစ် ဓားနတ်ဘုရားဖြစ်လာမည်ဆိုပါက သူ၏ဂုဏ်သတင်းမှာ အံ့ဩဖွယ်ကောင်းသောအဆင့်သို့ ရောက်ရှိ သွားပေလိမ့်မည်။</p> <p> ထိုအချိန်ကျလျှင် ရန်ရှောက်ထျန်းအနေဖြင့် ထုန်းထျန်းနတ်ဘုရားဂိုဏ်းကိုပြန်လည်ထိန်း ချုပ်ရန်မှာ ပို၍ပင်ခက်ခဲသွားပေလိမ့်မည်။</p> <p>ရန်ရှောက်ထျန်း၏ မျက်လုံးများမှာ အေးစက်သွားခဲ့လေသည်၊ ထို့ကြောင့် သူသည် ဤကူလွန်ဓားသိုင်းပြိုင်ပွဲသို့ ဘယ်လိုပဲဖြစ်ဖြစ်သွားရမည်ဖြစ်လေသည်။ ဤတစ်နှစ်အတွင်း သူသည် သူ၏အစွမ်းကိုမြှင့်တင်ရန်အတွက် ပိုမိုပြင်းထန်စွာကျင့်ကြံရမည်ဖြစ်လေသည်။</p> <p>ထိုမတိုင်မီတွင် သူသည်အနည်းဆုံးကမ္ဘာဦးမူလကောင်းကင်ကံကြမ္မာ ၁၅ ခုကို စုစည်းပြီး ကံကြမ္မာနတ်ဘုရားခန္ဓာကိုယ်ကိုကျင့်ကြံရမည်ဖြစ်လေသည်။ သေချာပေါက်စိန့်အဆင့်သို့ရောက်ရှိ နိုင်မည်ဆိုပါက ပို၍ပင်ကောင်းမွန်ပေလိမ့်မည်။</p> <p> သို့သော်လည်းအကယ်၍ သူသာထိုအချိန်တွင် ကူလွန်တောင်ပေါ်သို့တက်ရောက်ခဲ့မည်ဆို ပါက ကျောက်ရုန်နှင့်သေချာပေါက်ရင်ဆိုင်ရမည်ဖြစ်လေသည်။ သူ၏ဘေးတွင်ရှိသော အင်အားမှာ အလွန်တရာအားနည်းနေသေးလေသည်၊ တိုက်တန်ဧရာမမိစ္ဆာတစ်ဦးတည်းနှင့်တင် မလုံလောက် သေးပေ။</p> <p>ရန်ရှောက်ထျန်းမှာ ဝိုင်သောက်ရန်စိတ်မပါတော့သဖြင့် ကျင့်ကြံရန်အတွက်နန်းတော် အတွင်းသို့ ပြန်ဝင်ခဲ့လေသည်။ သူသည်အချိန်သဲပွင့်များကိုသန့်စင်ရန်မလောသေးဘဲ ကမ္ဘာဦးမူလ ကောင်းကင်ကံကြမ္မာကျောက်တုံးကိုထုတ်ယူလိုက်ပြီး သူ၏နတ်ဘုရားပင်လယ်ကမ္ဘာကို ပိုမိုခိုင်မာ စေရန်အတွက် ၎င်း၏စွမ်းအားများကို စတင်စုပ်ယူလိုက်လေသည်။</p> <p> ကမ္ဘာဦးမူလ ကောင်းကင်ကံကြမ္မာကျောက်တုံး၏စွမ်းအားများမှာ သူ၏နတ်ဘုရားပင် လယ်ကမ္ဘာအတွင်းသို့ ကောင်းကင်ယံမှရွှေရောင်မိုးရေများအလား ဆက်တိုက်စီးဝင်လာခဲ့လေ သည်။</p> <p>သူ၏ နတ်ဘုရားပင်လယ်ကမ္ဘာမှာ ချက်ချင်းပင်တောက်ပလာခဲ့လေသည်။</p> <p>ခြောက်သွေ့နေသောမြေကြီးအလား သူ၏နတ်ဘုရားပင်လယ်ကမ္ဘာမှာ ကမ္ဘာဦးမူလ ကောင်းကင်ကံကြမ္မာကျောက်တုံး၏စွမ်းအားများကို အငမ်းမရစုပ်ယူနေခဲ့လေသည်၊ စုပ်ယူလေ လေ သူ၏နတ်ဘုရားပင်လယ်ကမ္ဘာမှာ ပိုမိုတောက်ပလာပြီး ပိုမိုခိုင်မာလာလေလေဖြစ်လေသည်။</p> <p>ဤရက်များအတွင်း ကောင်းကင်ကံကြမ္မာကျောက်တုံးအမြောက်အမြား၏ စွမ်းအားများကို ဝါးမြိုပြီးနောက် သူ၏နတ်ဘုရားပင်လယ်ကမ္ဘာမှာ အလွန်တရာတည်ငြိမ်နေပြီဖြစ်သော်လည်း ယခုအခါကမ္ဘာဦးမူလကောင်းကင်ကံကြမ္မာကျောက်တုံး၏သန့်စင်မှုအောက်တွင် ၎င်းမှာပို၍ပင် ခိုင်မာလာခဲ့လေသည်။</p> <p>မူလက သူ၏နတ်ဘုရားပင်လယ်ကမ္ဘာမှာ မြေကြီး၏အရောင်ကဲ့သို့သော မြေဝါရောင် ဖြစ်နေသော်လည်း ယခုမူအရောင်မှာပိုမိုတောက်ပလာပြီး ရွှေဝါရောင်ဘက်သို့ပြောင်းလဲလာခဲ့ လေသည်။ ကမ္ဘာဦးမူလကောင်းကင်ကံကြမ္မာကျောက်တုံး၏စွမ်းအားမှာ ကောင်းကင်ကံကြမ္မာ ကျောက်တုံးနှင့်နှိုင်းယှဉ်၍မရအောင်သာလွန်လှပေသည်။</p> <p> ကမ္ဘာဦးမူလကောင်းကင်ကံကြမ္မာကျောက်တုံးတစ်တုံးကိုသန့်စင်ပြီးနောက် ရန်ရှောက် ထျန်းမှာ သူ၏နတ်ဘုရားပင်လယ်မှာ လုံးဝကြည်လင်သွားသလိုခံစားလိုက်ရလေသည်။ သူသည် ဒုတိယမြောက် ကမ္ဘာဦးမူလကောင်းကင်ကံကြမ္မာကျောက်တုံးကိုထုတ်ယူပြီး ဆက်လက်စုပ် ယူလိုက်လေသည်။</p> <p>ဒုတိယမြောက် ကမ္ဘာဦးမူလကောင်းကင်ကံကြမ္မာကျောက်တုံးကို သန့်စင်ပြီးသောအခါ နှစ်သစ်ကူးအကြိုညသို့ရောက်ရှိလာခဲ့လေပြီ။ ရန်ရှောက်ထျန်းမှာအပြင်သို့ထွက်လာခဲ့ပြီး တိုက်တန် ဧရာမမိစ္ဆာနှင့်အတူ မီးဖိုဘေးတွင်ဝိုင်သောက်ရင်းအသားကင်စားလိုက်ကြလေသည်။</p> <p>ဤလူသန်ကြီးနှစ်ဦးမှာမီးဖိုဘေးတွင်နှစ်သစ်ကူးအကြိုညကို ဖြတ်သန်းလိုက်ကြခြင်း ဖြစ်လေသည်။ တိုက်တန်ဧရာမမိစ္ဆာကပြုံးလျက်။</p> <p> “အရင်နှစ်တွေက ကျွန်တော်မျိုးကအမြဲတမ်းတစ်ယောက်တည်းပါ၊ ဒီနှစ်မှာတော့ နောက် ဆုံးမှာ တစ်ယောက်တည်းမဟုတ်တော့ဘူးပေါ့” ဟု ပြောလိုက်သည်။</p> <p>ရန်ရှောက်ထျန်းက ပြုံးလိုက်လေသည်။ ညဉ့်နက်သည်အထိ သူတို့ဖြတ်သန်းပြီးနောက် ရန်ရှောက်ထျန်းမှာ ကျင့်ကြံရန်အတွက် ကမ္ဘာဦးမူလကောင်းကင်ကံကြမ္မာ ကျောက်တုံးများကို ဆက်လက်ဝါးမြိုရန် နန်းတော်အတွင်းသို့ ပြန်ဝင်ခဲ့လေသည်။</p> <p>ရန်ရှောက်ထျန်းသည် သတ္တမမြောက်ကမ္ဘာဦးမူလကောင်းကင်ကံကြမ္မာ ကျောက်တုံးကို စုပ်ယူပြီးသောအခါ သူ၏နတ်ဘုရားပင်လယ်ကမ္ဘာမှာ လုံးဝရွှေဝါရောင်အဖြစ် ပြောင်းလဲသွားခဲ့ပြီး ရွှေရောင်အလင်းတန်းများ ထွက်ပေါ်နေခဲ့လေသည်။</p> <p> ဒသမမြောက် ကမ္ဘာဦးမူလကောင်းကင်ကံကြမ္မာကျောက်တုံးကို စုပ်ယူပြီးသောအခါ နတ်ဘုရားပင်လယ်ကမ္ဘာမှာ ရောင်စုံအဆင့်သို့စတင်ပြောင်းလဲလာခဲ့လေသည်။ တစ်ဆယ့်နှစ်တုံး မြောက်ကမ္ဘာဦးမူလကောင်းကင်ကံကြမ္မာ ကျောက်တုံးကိုစုပ်ယူပြီးသောအခါ နတ်ဘုရားပင်လယ် ကမ္ဘာမှာရောင်စုံအလင်းတန်းများဖြာထွက်နေပြီး ၎င်း၏ခိုင်မာမှုမှာအံ့ဩဖွယ်ကောင်းသော အဆင့် သို့ ရောက်ရှိသွားခဲ့လေသည်။</p> <p>သို့သော်လည်း ရန်ရှောက်ထျန်းမှာမျက်မှောင်ကြုတ်လိုက်မိလေသည်။</p> <p>ကမ္ဘာဦးမူလ ကောင်းကင်ကံကြမ္မာကျောက်တုံးတစ်ဆယ့်နှစ်တုံးကိုစုပ်ယူပြီးနောက် သူ၏ နတ်ဘုရားပင်လယ်ကမ္ဘာမှာ အံ့ဩဖွယ်ကောင်းသောအပြောင်းအလဲများဖြစ်ပေါ်ခဲ့သော်လည်း ၎င်းမှာ လုံးဝဥဿုံပြောင်းလဲသွားခြင်းမရှိသေးပေ။ ကမ္ဘာဦးမူလကောင်းကင်ကံကြမ္မာ ၁၅ ခုကို တောင့်ခံရန်မဆိုထားနှင့်၊ ၁၄ ခုမြောက်ကမ္ဘာဦးမူလကောင်းကင်ကံကြမ္မာကိုပင် တောင့်ခံနိုင်ရန် မသေချာသေးပေ။</p> <p>အလွန်ဆုံးရှိလျှင် ၁၃ ခုမြောက် ကမ္ဘာဦးမူလကောင်းကင်ကံကြမ္မာကိုသာ တောင့်ခံနိုင် ပေလိမ့်မည်။ ထိုသို့တောင့်ခံနိုင်ခြင်းမှာလည်းမနည်းတောင့်ခံရခြင်းဖြစ်လေသည်။ ‘မနည်း’ ဆိုသည်မှာအန္တရာယ်ရှိနေသေးသည်ဟုဆိုလိုခြင်းဖြစ်လေသည်။</p> <p> သူသည် ကမ္ဘာဦးမူလကောင်းကင်ကံကြမ္မာကျောက်တုံးများကို ထပ်မံရှာဖွေရန်နည်းလမ်း ရှာရဦးမည် ထင်ရလေသည်။</p> <p>ရန်ရှောက်ထျန်းမှာ အားကိုးရာမဲ့စွာသက်ပြင်းချလိုက်မိလေသည်။ သို့သော်လည်း သူသည် ဒသမမြောက်ကမ္ဘာဦးမူလကောင်းကင်ကံကြမ္မာ ဘေးဒုက္ခကိုခေါ်ယူရန်မလောသေးဘဲ သူ၏ထာဝရ နတ်ဘုရားခန္ဓာကိုယ်ကိုမြှင့်တင်ရန်အတွက် အချိန်သဲပွင့်များကိုအရင်ဆုံး သန့်စင်လိုက်လေသည်။</p> <p>ယခုတစ်ကြိမ်တွင် သူသည်အချိန်သဲပွင့်သုံးအုပ်ရရှိခဲ့သဖြင့် သူ၏ထာဝရနတ်ဘုရား ခန္ဓာ ကိုယ်ကိုအတိုင်းအဆတစ်ခုအထိမြှင့်တင်ရန်လုံလောက်လေသည်။ သူသည် ပထမဆုံးအချိန်သဲပွင့် အုပ်စုကို ထုတ်ယူလိုက်ပြီး သူ၏ကျင့်စဉ်ကိုလည်ပတ်ကာ သန့်စင်ခြင်းကိုစတင်လိုက်လေသည်။</p> <p>အချိန်သဲပွင့်များမှာ ရန်ရှောက်ထျန်း၏ခန္ဓာကိုယ်ကိုရစ်ပတ်ထားခဲ့ပြီး အလင်းစက်လေးများ အဖြစ်ပြောင်းလဲသွားကာ ရန်ရှောက်ထျန်း၏ထာဝရနတ်ဘုရားခန္ဓာကိုယ်အတွင်းသို့ ဆက်တိုက် စီးဝင်သွားခဲ့ပြီး ထာဝရနတ်ဘုရားခန္ဓာကိုယ်၏အချိန်စွမ်းအားများအဖြစ် ပြောင်းလဲသွားခဲ့လေ သည်။ ရန်ရှောက်ထျန်းမှာ တင်ပလ္လင်ခွေထိုင်နေပြီး သူ၏ခန္ဓာကိုယ်မှ အချိန်အလင်းတန်းများ ထွက်ပေါ်နေခဲ့လေသည်။</p> <p> အချိန်များ ကုန်ဆုံးသွားသည်နှင့်အမျှအချိန်အလင်းတန်းမှာ ပိုမိုပြင်းထန်လာခဲ့လေသည်။</p> <p>တစ်ဆယ်ရက်အကြာတွင် ရန်ရှောက်ထျန်းမှာအချိန်သဲပွင့်သုံးအုပ်စလုံးကို လုံးဝသန့်စင်ပြီး စီးသွားခဲ့လေသည်။ အချိန်သဲပွင့်သုံးအုပ်ကိုသန့်စင်ပြီးနောက် သူ၏ထာဝရနတ်ဘုရားခန္ဓာကိုယ်၏ အချိန်စွမ်းအားမှာ နှစ်ဆခန့်မြင့်တက်လာခဲ့ပြီး အောင်မြင်မှုအသေးစားအဆင့်သို့ ရောက်ရှိရန် အလွန်တရာနီးကပ်သွားခဲ့လေပြီ။</p> <p> သူသည် အောင်မြင်မှုအသေးစားအဆင့်သို့ရောက်ရန် လက်တစ်ကမ်းအကွာသာ လိုတော့ လေသည်။ ဤလက်တစ်ကမ်းအကွာလေးကပင်ရန်ရှောက်ထျန်းအား စကားမပြောနိုင်အောင် ဖြစ်စေခဲ့လေတော့သည်။</p> <p> </p> <p> </p> <p style="text-align: center;">***</p>


Save