Book List

<h2 style="text-align: center;">အခန်း (၅၄၁)</h2> <h2 style="text-align: center;">ဒါက နတ်ဘုရားကို သတ်မယ့် အရှိန်အဟုန်လား။</h2> <h2 style="text-align: center;">*</h2> <p> </p> <p> </p> <p>ရန်ရှောက်ထျန်း နန်းတော်အတွင်းမှထွက်လာသောအခါ ကောင်းကင်ယံမှာလင်းထိန်နေပြီး နေရောင်ခြည်မှာ တောက်ပနေခဲ့လေသည်။ သို့သော်လည်းမိစ္ဆာလိုဏ်ဂူမှာတိတ်ဆိတ်နေပြီး တိုက်တန်ဧရာမမိစ္ဆာ၏ အရိပ်အယောင်ကိုမတွေ့ရပေ။</p> <p>ရန်ရှောက်ထျန်း ထူးဆန်းသလို ခံစားနေရစဉ်မှာပင် ကောင်းကင်ယံမှပုံရိပ်တစ်ခု ရုတ်တရက် ဆင်းသက်လာခဲ့လေသည်၊ ၎င်းမှာတိုက်တန်ဧရာမမိစ္ဆာပင်ဖြစ်လေသည်။ တိုက်တန်ဧရာမမိစ္ဆာမှာ တစ်ကိုယ်လုံးသွေးများစိုရွှဲလျက်ပြေးဝင်လာခဲ့လေသည်။ သို့သော်ထိုသွေးများမှာ သူ၏သွေးများ မဟုတ်ဘဲ အခြားသူများ၏သွေးများဖြစ်လေသည်။</p> <p>“ဂိုဏ်းချုပ်... အနက်ရှိုင်းဆုံးမိစ္ဆာဂိုဏ်းနဲ့ မြေသိုဏ်းဗုဒ္ဓဂိုဏ်းကပညာရှင်အမြောက်အမြား ဒီဘက်ကို အရှိန်အဟုန်နဲ့လာနေကြပါတယ်။ အနက်ရှိုင်းဆုံးမိစ္ဆာအရှင်သခင်နဲ့ မြေသိုဏ်းဗုဒ္ဓအရှင် တို့ကိုယ်တိုင်တောင်ပါလာကြတာပါ။ ဒီနေရာကဘေးမကင်းတော့ဘူး၊ ကျွန်တော်မျိုးတို့ အရင်ဆုံး ထွက်သွားကြတာ ပိုကောင်းပါလိမ့်မယ်” ဟု တိုက်တန်ဧရာမမိစ္ဆာက ပြောလိုက်သည်။</p> <p>အနက်ရှိုင်းဆုံးမိစ္ဆာအရှင်သခင်။</p> <p>မြေသိုဏ်းဗုဒ္ဓအရှင်။</p> <p>နှစ်ဦးစလုံးမှာ အမြင့်မြတ်ဆုံးပညာရှင်များဖြစ်ကြလေသည်။ တစ်ဦးချင်းတိုက်ခိုက်မည်ဆို ပါက တိုက်တန်ဧရာမမိစ္ဆာမှာသူတို့နှစ်ဦးစလုံးထက်ပိုမိုသန်မာသော်လည်း လက်နှစ်ဖက်မှာ လက်လေးဖက်ကိုမယှဉ်နိုင်ပေ။</p> <p>“အနက်ရှိုင်းဆုံးမိစ္ဆာဂိုဏ်းနဲ့ မြေသိုဏ်းဗုဒ္ဓဂိုဏ်းက ဒီနေရာကို ရှာတွေ့သွားကြပြီလား” ဟု ရန်ရှောက်ထျန်း၏ မျက်နှာမှာမှောင်မိုက်သွားခဲ့လေသည်။</p> <p>တိုက်တန်ဧရာမမိစ္ဆာက ခေါင်းခါပြလိုက်ပြီး။</p> <p>“မတွေ့သေးပါဘူး၊ ဒါပေမဲ့သူတို့ကပတ်ဝန်းကျင်က တောင်တန်းကြီးတွေကို ပိတ်ဆို့ထား ပြီးတော့ ဒီဘက်ကိုတဖြည်းဖြည်းရှာဖွေလာနေကြတာပါ။ ဒီနေရာကိုရှာတွေ့ဖို့ကတော့ အနှေးနဲ့ အမြန်ပါပဲ။ ကျွန်တော်မျိုး တစ်သုတ်တော့သတ်ထားခဲ့ပြီးပြီ”</p> <p>ရန်ရှောက်ထျန်း ခေါင်းငြိမ့်ပြလိုက်လေသည်။ ယခုလောလောဆယ်တွင် သူတို့အနေဖြင့် ထွက်ခွာရန်သာရှိတော့သည်။ တကယ်တမ်းတွင်လည်း သူသည်ဝူရှင်းဆေးနတ်ဘုရားကို ရှာဖွေရန် ထွက်ခွာဖို့ စီစဉ်ထားပြီးသားဖြစ်လေသည်။</p> <p>ချက်ချင်းဆိုသလိုပင် ရန်ရှောက်ထျန်းကအနက်ရှိုင်းဆုံး သူ၏တွင်းနက်ဟင်းလင်းပြင်သ င်္ဘောကို ထုတ်ယူလိုက်လေသည်။</p> <p>“စစ်မှန်သောနတ်ဘုရားအဆင့်သင်္ဘောပါလား”</p> <p> တိုက်တန်ဧရာမမိစ္ဆာမှာ သင်္ဘောကို မြင်လိုက်ရသဖြင့် အံ့အားသင့်သွားခဲ့လေသည်။</p> <p>“တက်ကြစမ်း”</p> <p>သူတို့နှစ်ဦးမှာ သင်္ဘောအတွင်းသို့ပျံသန်းဝင်ရောက်လိုက်ကြလေသည်။ သို့သော်လည်း တိုက်တန်ဧရာမမိစ္ဆာမှာ ရန်ရှောက်ထျန်းကစိန့်အဆင့်ဝိညာဉ်ကျောက်တုံးတစ်ခုကို ထုတ်ယူကာ သင်္ဘောကို စွမ်းအားမြှင့်တင်ရန် အသုံးပြုလိုက်သည်ကို မြင်တွေ့လိုက်ရလေသည်။</p> <p>တိုက်တန်ဧရာမမိစ္ဆာမှာ ဤသည်ကိုမြင်လိုက်ရသဖြင့် အံ့အားသင့်သွားသလို နှမြောတသ လည်းဖြစ်သွားခဲ့လေသည်။ သူ၏ဂိုဏ်းချုပ်ကသင်္ဘောမောင်းနှင်ရန်အတွက် စိန့်အဆင့်ဝိညာဉ် ကျောက်တုံးကို အမှန်တကယ်အသုံးပြုနေခြင်းဖြစ်သည်တကား။ ဤသည်မှာစည်းစိမ်ကို အလဟ သဖြုန်းတီးပစ်ခြင်းပင်ဖြစ်လေသည်။ စိန့်အဆင့်ဝိညာဉ်ကျောက်တုံးများမှာ အလွန်တရာရှားပါးလှ ကြောင်းသိထားရမည်ဖြစ်လေသည်၊ သူပင်လျှင်တစ်ခုရရန်ခက်ခဲလှသော်လည်း သူတို့၏ဂိုဏ်း ချုပ်ကမူ သင်္ဘောမောင်းနှင်ရန်အသုံးပြုနေလေသည်။</p> <p>“ဝူရှင်းဆေးနတ်ဘုရားရဲ့ မိစ္ဆာလိုဏ်ဂူကဒီကနေဝေးလား” ဟု ရန်ရှောက်ထျန်းက မေးလိုက်သည်။</p> <p>တိုက်တန်ဧရာမမိစ္ဆာက သတိပြန်ဝင်လာပြီး။</p> <p>“ဂိုဏ်းချုပ်ရဲ့ သင်္ဘောကအခုအရှိန်အတိုင်းဆိုရင်နောက်ထပ် ၁၀ ရက်လောက်တော့ကြာဦး မှာပါ” ဟု ပြောလိုက်သည်။</p> <p>၁၀ရက်ကြာဦးမည်ဟုကြားလိုက်ရသဖြင့် ရန်ရှောက်ထျန်းက မျက်မှောင်ကြုတ်လိုက်ပြီး နောက် အခြားသောစိန့်အဆင့်ဝိညာဉ်ကျောက်တုံးတစ်ခုကိုထပ်မံထုတ်ယူလိုက်ကာ စိန့်အဆင့် ဝိညာဉ်ကျောက်တုံးနှစ်ခုဖြင့် သင်္ဘောကိုတစ်ပြိုင်နက်တည်း စွမ်းအားမြှင့်တင်လိုက်လေသည်။</p> <p>အကယ်၍ စိန့်အဆင့်ဝိညာဉ်ကျောက်တုံးနှစ်ခုကိုတစ်ပြိုင်နက်တည်း အသုံးပြုမည်ဆိုပါက အရှိန်မှာ ပိုမိုမြန်ဆန်လာပေလိမ့်မည်။ ရန်ရှောက်ထျန်းက နောက်ထပ်စိန့်အဆင့် ဝိညာဉ်ကျောက် တုံးတစ်ခုကိုထုတ်ယူလိုက်သည်ကိုမြင်သောအခါ တိုက်တန်ဧရာမမိစ္ဆာမှာမှင်တက်သွားပြီး အကြီး အကျယ် နှမြောတသဖြစ်စွာဖြင့်။</p> <p>“ဂိုဏ်းချုပ်... ဒါက အရမ်းကို ဖြုန်းတီးရာ မကျလွန်းဘူးလား” ဟု ပြောလိုက်သည်။</p> <p>ဒါက ဖြုန်းတီးရုံတင်မကတော့ပေ။ သို့သော်လည်း ရန်ရှောက်ထျန်းကမူ ဂရုမစိုက်ဘဲ။</p> <p>“ကိစ္စမရှိပါဘူး၊ ငါ့ဆီမှာ စိန့်အဆင့်ဝိညာဉ်ကျောက်တုံးတွေအများကြီး ရှိပါသေးတယ်၊ ဒါ့အပြင် ဒီစိန့်အဆင့် ဝိညာဉ်ကျောက်တုံးတွေက အလကားရထားတာလေ” ဟု ပြောလိုက်သည်။</p> <p>အလကားရထားတာလား။</p> <p>တိုက်တန်ဧရာမမိစ္ဆာက တံတွေးတစ်ချက် မြိုချလိုက်ပြီး။</p> <p>“ဒါဆို... ဂိုဏ်းချုပ်က ဘယ်သူ့ဆီကနေ ရခဲ့တာလဲလို့ မေးလို့ရမလား” ဟု မေးလိုက်သည်။ အကယ်၍ များများစားစားကျန်ရှိနေဦးမည်ဆိုပါက သူလည်းသွားယူချင်နေမိခြင်းဖြစ်လေသည်။</p> <p>“ဧကရာဇ် ယွင်ထျန်းဆီကလေ” ဟု ရန်ရှောက်ထျန်းက ပြောလိုက်သည်။</p> <p>“ဧ... ဧကရာဇ်ယွင်ထျန်း”</p> <p>တိုက်တန်ဧရာမမိစ္ဆာမှာ ချွေးစေးများထွက်လာပြီး ဘာမှထပ်မပြောရဲတော့ပေ။</p> <p>သူသည် မိစ္ဆာပေါင်းသောင်းခြောက်ထောင်၏နတ်ဘုရား၊ မိစ္ဆာများကြားမှ မိစ္ဆာဟု ကျော်ကြားသော်လည်း သမိုင်းတစ်လျှောက်ပင်လယ်ရပ်ခြားမှ အကြီးမြတ်ဆုံးသော နတ်ဘုရား ဧကရာဇ်ဖြစ်သည့် ဧကရာဇ်ယွင်ထျန်းနှင့်ရင်ဆိုင်ရမည်ဆိုလျှင် သူသည်အားနည်းသူတစ်ဦးသာ ဖြစ်လေသည်။</p> <p> ဧကရာဇ်ယွင်ထျန်းမှာ မသေနိုင်သောသေမင်းနတ်ဘုရားထက်ပင်ပိုမိုကြောက်စရာ ကောင်း သော တည်ရှိမှုမျိုးဖြစ်ကြောင်း သိထားရမည်ဖြစ်လေသည်။</p> <p>စိန့်အဆင့် ဝိညာဉ်ကျောက်တုံးနှစ်ခု၏ ပြင်းထန်သောအရှိန်အဟုန်အောက်တွင် အနက်ရှိုင်း ဆုံး ဟင်းလင်းပြင်သင်္ဘောမှာအလင်းတန်းတစ်ခုအဖြစ်ပြောင်းလဲသွားပြီး ဝူရှင်းချိုင့်ဝှမ်းဆီသို့ ဆက်တိုက်ပျံသန်းသွားခဲ့လေသည်။ လမ်းခရီးတွင်ရန်ရှောက်ထျန်းမှာ အနားမနေဘဲကောင်းကင် ဧကရာဇ်ဆေးလုံးများကိုမြိုချကာ ကျင့်ကြံနေခဲ့လေသည်။</p> <p>ယခုအခါ သူသည်တစ်ဆယ့်သုံးခုမြောက်ကမ္ဘာဦးမူလ ကောင်းကင်ကံကြမ္မာကို တောင့်ခံရန် အနည်းငယ်ခက်ခဲနေဆဲဖြစ်လေရာ သူ၏နတ်ဘုရားပင်လယ်စစ်မှန်သောချီစွမ်းအားကို ဆက်လက် မြှင့်တင်ရမည်ဖြစ်လေသည်။</p> <p> ပထမဆုံးအနေဖြင့် သူသည် ဧကရာဇ်အဆင့်ဒသမအလွှာအထွတ်အထိပ်သို့ ဖောက်ထွက် ရမည်ဖြစ်လေသည်။ သူသာဧကရာဇ်အဆင့်ဒသမအလွှာအထွတ်အထိပ်သို့ ဖောက်ထွက်နိုင်ခဲ့ မည်ဆိုပါက သူ၏နတ်ဘုရားပင်လယ်စစ်မှန်သောချီစွမ်းအားမှာ ကမ္ဘာဦးမူလကောင်းကင်ကံကြမ္မာ တစ်ဆယ့်သုံးခုကို တောင့်ခံနိုင်မည်ဖြစ်လေသည်။</p> <p>ခြောက်သွေ့လှသော တောင်တန်းကြီးတစ်ခုကိုဖြတ်သန်းသွားစဉ် ရန်ရှောက်ထျန်းက ရုတ်တရက်ရပ်လိုက်လေသည်။ တိုက်တန်ဧရာမမိစ္ဆာကထူးဆန်းသလို ခံစားနေရစဉ်မှာပင် ရန်ရှောက်ထျန်းက စကားပြောလိုက်သည်။</p> <p>“ငါ ဒီနေရာမှာကမ္ဘာဦးမူလကံကြမ္မာဘေးဒုက္ခကိုဖိတ်ခေါ်ပြီး ကမ္ဘာဦးမူလကောင်းကင် ကံကြမ္မာတွေကိုတောင့်ခံချင်တယ်။ ငါကောင်းကင်ကံကြမ္မာတွေကိုတောင့်ခံပြီးမှ ခရီးဆက်ကြ တာပေါ့”</p> <p>တစ်ဆယ့်သုံးခုမြောက် ကမ္ဘာဦးမူလကောင်းကင်ကံကြမ္မာကိုတောင့်ခံရန် ခက်ခဲနေဆဲ ဖြစ်သော်လည်း သူသည် တစ်ဆယ့်နှစ်ခုအထိကိုမူ တောင့်ခံနိုင်ပြီ ဖြစ်လေသည်။ ထို့ကြောင့် သူသည် ဤတစ်ကြိမ်တွင်ဒသမ၊ တစ်ဆယ့်တစ်နှင့် တစ်ဆယ့်နှစ်ခုမြောက်ကမ္ဘာဦးမူလကံကြမ္မာဘေးဒုက္ခ များကို တစ်ခါတည်း ဖိတ်ခေါ်ရန် စီစဉ်လိုက်ခြင်း ဖြစ်လေသည်။</p> <p>“ဂိုဏ်းချုပ်က စတုတ္ထမြောက်ကမ္ဘာဦးမူလကံကြမ္မာဘေးဒုက္ခကို ဖိတ်ခေါ်ချင်တာလား” ဟု တိုက်တန်ဧရာမမိစ္ဆာက အံ့အားသင့်စွာဖြင့်အော်ဟစ်လိုက်လေသည်။</p> <p>တိုက်တန်ဧရာမမိစ္ဆာမှာ ရန်ရှောက်ထျန်းက နတ်ဘုရားအဆင့်ရွှေအမြုတေနှစ်ခုနှင့် ကမ္ဘာဦး မူလကောင်းကင်ကံကြမ္မာသုံးခုဖြင့် အချိန်ကျောက်တိုင်ကိုအသက်သွင်းခဲ့သည်ဟုသာ ကြားထား ခဲ့ခြင်း ဖြစ်လေသည်။ ဝမ်ကျန့်တိုက်ကြီးပေါ်ရှိ လူတိုင်းကဲ့သို့ပင် သူသည်လည်း ရန်ရှောက်ထျန်းတွင် ကမ္ဘာဦးမူလ ကောင်းကင်ကံကြမ္မာ သုံးခုသာရှိသည်ဟု ထင်မှတ်ထားခဲ့ခြင်း ဖြစ်လေသည်။</p> <p>ရန်ရှောက်ထျန်းက ခေါင်းခါပြလိုက်ပြီးနောက် တိုက်တန်ဧရာမမိစ္ဆာ၏ ဇဝေဇဝါဖြစ်နေသော အကြည့်များကြားတွင် သူ၏နတ်ဘုရားပင်လယ် စစ်မှန်သောချီစွမ်းအားများကိုအသက်သွင်းလိုက် ကာ အထက်ရှိကမ္ဘာဦးမူလအတားအဆီးကို စတင်တိုက်ခိုက်လိုက်လေတော့သည်။ မကြာမီမှာပင် သူသည် အထက်ရှိကမ္ဘာဦးမူလ အတားအဆီးကို လုံးဝချေမှုန်းပစ်လိုက်လေသည်။</p> <p>အထက်တွင် မိုးကြိုးတိမ်တိုက်များမှာ ချက်ချင်းစုစည်းလာခဲ့ပြီး ပြန့်နှံ့သွားကာ သောင်းကျန်း လာခဲ့လေသည်၊ ကြောက်မက်ဖွယ်ကောင်းသောကမ္ဘာဦးမူလဘေးဒုက္ခမိုးကြိုးများ၏ စွမ်းအားမှာ လည်း အံ့ဩဖွယ်ကောင်းသောအရှိန်အဟုန်ဖြင့် အဆက်မပြတ်အားကောင်းလာခဲ့လေသည်။ အဆက်မပြတ် စုစည်းလာသော ကမ္ဘာဦးမူလဘေးဒုက္ခမိုးကြိုးများ၏စွမ်းအားကို ခံစားလိုက်ရသော အခါ တိုက်တန်ဧရာမမိစ္ဆာ၏ မျက်လုံးများပင်ကျဉ်းမြောင်းသွားခဲ့လေသည်။</p> <p>“ဘုန်း...”</p> <p>ရုတ်တရက် ပထမဆုံးအလွှာဖြစ်သော ကမ္ဘာဦးမူလကံကြမ္မာဘေးဒုက္ခမိုးကြိုးမှာ ကျဆင်း လာခဲ့လေသည်။ ၎င်း၏အရှိန်နှင့်စွမ်းအားမှာ တိုက်တန်ဧရာမမိစ္ဆာတစ်သက်တွင် တစ်ခါမျှမမြင်ဖူး ခဲ့သောအရာမျိုးဖြစ်လေသည်။ ယခင်ကသူသည်နတ်ဘုရားအဆင့်သို့ ဖောက်ထွက်စဉ်ကကြုံတွေ့ ခဲ့ရသောနတ်ဘုရားဘေးဒုက္ခမိုးကြိုးပင်လျှင် ဤမျှအထိမမြန်ဆန်သလို ဤမျှအထိလည်းစွမ်းအား မကြီးမားခဲ့ပေ။</p> <p>တိုက်တန်ဧရာမမိစ္ဆာမှာ စိုးရိမ်စိတ်ဖြင့်ရင်တုန်သွားခဲ့လေသည်။ သူသည် ရန်ရှောက်ထျန်း ဤအရာကိုကျော်ဖြတ်နိုင်ပါ့မလားဟု စိုးရိမ်နေမိခြင်းဖြစ်လေသည်။ ဘာပဲဖြစ်ဖြစ် ဤကဲ့သို့ ကြောက်မက်ဖွယ်ကောင်းသော ကမ္ဘာဦးမူလကံကြမ္မာဘေးဒုက္ခမိုးကြိုးကို စိန့်အဆင့်ဒသမအလွှာ အထွတ်အထိပ်ရှိ ပညာရှင်အများအပြားပင် တောင့်ခံရန်ခက်ခဲပေလိမ့်မည်။</p> <p>တိုက်တန်ဧရာမမိစ္ဆာ စိုးရိမ်နေစဉ်မှာပင် ရန်ရှောက်ထျန်းကရုတ်တရက် အထက်သို့ ပျံတက် သွားခဲ့လေသည်။ တစ်ချိန်တည်းမှာပင်နတ်ဘုရားအဆင့်ရွှေအမြုတေနှစ်ခု ပျံထွက်လာခဲ့ပြီး သူတို့၏ စွမ်းအားများကို အသက်သွင်းလိုက်ကာ သူ၏လက်သီးများဖြင့်ကမ္ဘာဦးမူလကံကြမ္မာဘေးဒုက္ခမိုး ကြိုးကို တိုက်ရိုက်ထိုးနှက်လိုက်လေသည်။</p> <p>“ဝုန်း...”</p> <p>ပြင်းထန်လှသော ပေါက်ကွဲသံကြီးတစ်ခု ထွက်ပေါ်လာခဲ့လေသည်။ အံ့ဩဖွယ်ကောင်းသော ချီလှိုင်းများမှာ ပြန့်နှံ့သွားခဲ့လေသည်။ ရန်ရှောက်ထျန်းမှာမြေပြင်ပေါ်သို့ လွင့်ကျသွားခဲ့ပြီး ပြင်းထန် လှသော ရိုက်ခတ်မှုကြောင့် မြေပြင်မှာလည်းပေါက်ကွဲသွားခဲ့လေသည်။</p> <p>တိုက်တန်ဧရာမမိစ္ဆာမှာ သောင်းကျန်းနေသော ချီလှိုင်းများကို ဂရုမစိုက်ဘဲ နတ်ဘုရားအဆင့် ရွှေအမြုတေနှစ်ခုကိုသာ ထိတ်လန့်တကြား စိုက်ကြည့်နေမိလေသည်။ သူသည် ရန်ရှောက်ထျန်းတွင် နတ်ဘုရားအဆင့်ရွှေအမြုတေနှစ်ခုရှိကြောင်းသိထားသော်လည်း ဒဏ္ဍာရီထဲတွင်သာ ရှိသော နတ်ဘုရားအဆင့်ရွှေအမြုတေနှစ်ခုကို သူ၏မျက်စိရှေ့တွင်မြင်တွေ့လိုက်ရသောအခါ သူ၏နှလုံး သားအတွင်းမှ ထိတ်လန့်မှုကို မဖုံးကွယ်နိုင်တော့ပေ။</p> <p>“ဟင်း...”</p> <p>ဤအချိန်တွင် ဒုတိယမြောက်အလွှာဖြစ်သောကမ္ဘာဦးမူလကံကြမ္မာဘေးဒုက္ခမိုးကြိုးမှာ ထပ်မံကျဆင်းလာခဲ့ပြန်လေသည်။ အခြေအနေကိုရင်းနှီးနေပြီဖြစ်သော ရန်ရှောက်ထျန်းက ကောင်းကင်ယံသို့ ထပ်မံပျံတက်သွားခဲ့ပြန်လေသည်။ သူသည် သူ၏ကမ္ဘာဦးမူလကောင်းကင် ကံကြမ္မာကိုမခေါ်ယူသေးဘဲ သူ၏ထာဝရနတ်ဘုရားခန္ဓာကိုယ်စွမ်းအားကိုသာ အသက်သွင်းလိုက် လေသည်။</p> <p>ချက်ချင်းဆိုသလိုပင် သူ၏တစ်ကိုယ်လုံးမှပြင်းထန်သောအချိန်အလင်းတန်းများ ပေါက်ကွဲ ထွက်လာခဲ့လေသည်။ သူသည်သူ၏လက်သီးများကိုထုတ်သုံးလိုက်လေသည်။ နတ်ဘုရားအဆင့် ရွှေအမြုတေနှစ်ခုနှင့် ထာဝရနတ်ဘုရားခန္ဓာကိုယ်တို့မှ အချိန်စွမ်းအားများမှာသူ၏လက်သီးများမှ တစ်ဆင့်ဟိန်းဟောက်ထွက်ပေါ်လာခဲ့လေသည်။</p> <p>“အချိန်... ထာဝရ... ဒါကကောင်းကင်နဲ့မြေကြီးရဲ့ အရှင်သခင်ဖြစ်တဲ့ ထာဝရနတ်ဘုရား ခန္ဓာကိုယ်ပဲ”</p> <p>တိုက်တန်ဧရာမမိစ္ဆာမှာ ရန်ရှောက်ထျန်း၏ တစ်ကိုယ်လုံးမှထွက်ပေါ်နေသော အချိန်အလင်း တန်းများကို ကြည့်ရင်း မှင်တက်စွာဖြင့်ရေရွတ်လိုက်လေသည်။</p> <p>“ဝုန်း...”</p> <p>ရန်ရှောက်ထျန်းမှာ မြေပြင်ပေါ်သို့ လွင့်ကျသွားခဲ့ပြန်လေသည်။</p> <p> ဆက်လက်ပြီး တတိယမြောက်အလွှာဖြစ်သောကမ္ဘာဦးမူလကံကြမ္မာဘေးဒုက္ခမိုးကြိုး ကျဆင်းလာခဲ့လေသည်။ ရန်ရှောက်ထျန်းကောင်းကင်ယံသို့ ပျံတက်သွားခဲ့လေသည်။ ဤတစ်ကြိမ် တွင်မူ သူသည်သူ၏ကမ္ဘာဦးမူလ ကောင်းကင်ကံကြမ္မာကို ခေါ်ယူလိုက်လေသည်။</p> <p>တစ်ခုပြီးတစ်ခုသော ကမ္ဘာဦးမူလကောင်းကင်ကံကြမ္မာများမှာ အဆက်မပြတ် ပျံထွက်လာ ခဲ့ကြလေသည်။ စုစုပေါင်းကမ္ဘာဦးမူလကောင်းကင်ကံကြမ္မာကိုးခုမှာ ရန်ရှောက်ထျန်း၏ ခန္ဓာကိုယ် ပတ်လည်တွင်ရစ်ပတ်နေခဲ့ပြီး သောင်းကျန်းလှသောကမ္ဘာဦးမူလစွမ်းအားများမှာ အဆုံးမဲ့သော ကမ္ဘာဦးချီစွမ်းအား ပင်လယ်ကြီးတစ်ခုအဖြစ် ပြောင်းလဲသွားခဲ့လေသည်။</p> <p>ကမ္ဘာဦးချီစွမ်းအားလှိုင်းများမှာ တိုက်တန်ဧရာမမိစ္ဆာ၏စိတ်အာရုံကို ပြင်းပြင်းထန်ထန် ရိုက်ခတ်နေခဲ့လေသည်။</p> <p>“ကမ္ဘာဦးမူလ ကောင်းကင်ကံကြမ္မာ ကိုးခုပါလား”</p> <p> တိုက်တန်ဧရာမမိစ္ဆာမှာ ထိတ်လန့်တကြားအသက်ရှူမှားသွားခဲ့လေသည်။ အကယ်၍ သူ နောက်ထပ်တစ်ခုသာ ထပ်ပြီးတောင့်ခံနိုင်မည်ဆိုလျှင် ဆယ်ခုဖြစ်သွားတော့မည် မဟုတ်ပါလော။</p> <p>ကမ္ဘာဦးမူလ ကောင်းကင်ကံကြမ္မာ ဆယ်ခု။</p> <p>ဒါက နတ်ဘုရားကိုသတ်မယ့်အရှိန်အဟုန်လား။ ကမ္ဘာဦးမူလကောင်းကင်ကံကြမ္မာ တစ်ခု တည်းမှာပင် ကိုးထပ်မြောက်ကောင်းကင်ကံကြမ္မာတစ်ဆယ့်လေးခုထက် ပိုမိုသန်မာလှပေရာ ကမ္ဘာဦးမူလကောင်းကင်ကံကြမ္မာ ဆယ်ခုဆိုလျှင်မည်မျှအထိသန်မာမည်နည်း။ ကမ္ဘာဦးမူလ ကောင်းကင်ကံကြမ္မာ ဆယ်ခုဆိုလျှင် စိန့်အဆင့်ဒသမအလွှာအထွတ်အထိပ်မဆိုထားနှင့်၊ သာမန် စစ်မှန်သောနတ်ဘုရား ပထမအဆင့်ရှိပညာရှင်ပင်လျှင် ကမ္ဘာဦးမူလကောင်းကင်ကံကြမ္မာ ဆယ်ခု ၏ စွမ်းအားကို တောင့်ခံနိုင်မည် မဟုတ်ပေ။</p> <p> </p> <p> </p> <p style="text-align: center;">***</p>


Save