Book List

<h2 style="text-align: center;">အခန်း (၅၄၅)</h2> <h2 style="text-align: center;">ရှဲ့ဝူရှင်းနှင့် ယှဉ်ပြိုင်ခြင်း။</h2> <h2 style="text-align: center;">*</h2> <p> </p> <p> </p> <p>မုမိသားစု၏ စိန့်အမျိုးသမီး မုဝမ်ချင်းမှာ အလွန်တရာစိတ်လှုပ်ရှားနေခဲ့လေသည်။</p> <p>“သူက ၁၅ မိနစ်တည်းနဲ့ ပြိုင်ဘက်ကင်းအဆင့်စိန့်အဆင့်ဆေးလုံးကို ဖော်စပ်နိုင် ခဲ့တာလား။ စီနီယာဝူရှင်းဆေးနတ်ဘုရားဆီကနေမျှော်လင့်ထားတဲ့အတိုင်းပဲ၊ ဝူရှင်းဆေးနတ် ဘုရားရဲ့ ဆေးဖော်စပ်မှုအတတ်ပညာကအမှန်တကယ်ပဲအံ့ဩစရာကောင်းတဲ့ အဆင့်ကို ရောက် နေတာပဲ”</p> <p>“၁၅ မိနစ်အတွင်းမှာ ပြိုင်ဘက်ကင်းအဆင့် စိန့်အဆင့်ဆေးလုံးကို ဖော်စပ်နိုင်တာမျိုး ငါ တစ်ခါမျှ မကြားဖူးခဲ့ဘူး”</p> <p>မုမိသားစုမှ ဘိုးဘေးတစ်ဦးကလည်း စိတ်လှုပ်ရှားစွာဖြင့် ပြောလိုက်သည်။</p> <p>“ဒီနေ့တော့ ငါ အမှန်တကယ်ပဲ မျက်မြင်တွေ့လိုက်ရပြီ”</p> <p> အခြားသော မုမိသားစုမှပညာရှင်များလည်း စိတ်လှုပ်ရှားစွာဖြင့် ထပ်တူပြောဆိုနေကြလေ သည်။</p> <p>ချိုင့်ဝှမ်းအတွင်း၌မူ တိတ်ဆိတ်ငြိမ်သက်နေခဲ့လေသည်။ ရန်ရှောက်ထျန်းက လော်ရှင်းကို ကြည့်ကာ။</p> <p>“မင်း ရှုံးပြီ”</p> <p>မင်း ရှုံးပြီ။ ခုနက ဆေးနတ်ဘုရား ရှဲ့ဝူရှင်းက သူ ရှုံးပြီဟု ပြောခဲ့သလိုပင် ရန်ရှောက်ထျန်းက သူ၏တပည့်ကို ထိုစကားလုံးများအတိုင်း ပြန်လည်ပြောကြားလိုက်ခြင်း ဖြစ်လေသည်။</p> <p>မှင်တက်နေသော လော်ရှင်းမှာသတိပြန်ဝင်လာခဲ့ပြီး သူ၏မျက်နှာမှာ ညှိုးနွမ်းသွားခဲ့လေ သည်။</p> <p>သူ ရှုံးသွားခဲ့လေပြီ။ သူသည် ဆေးနတ်ဘုရား ရှဲ့ဝူရှင်း၏တစ်ဦးတည်းသော ကိုယ်တိုင်သင် တပည့်ဖြစ်ပြီး သူ၏ဆရာကိုယ်တိုင်ပင်လျှင် သူ၏ပါရမီကိုချီးကျူးခဲ့ခြင်းဖြစ်လေသည်။ သူသည် သူ၏ပါရမီအတွက် အမြဲတမ်းဂုဏ်ယူခဲ့သလို ဝမ်ကျန့်တိုက်ကြီးပေါ်ရှိလူငယ်မျိုးဆက်သစ်များ ကြားတွင် သူသည်နံပါတ်တစ်ဆေးဖော်စပ်မှုပါရမီရှင်ဖြစ်လိမ့်မည်ဟု အမြဲတမ်း ယုံကြည်ထားခဲ့ခြင်း ဖြစ်လေသည်။ သို့သော်လည်း ယနေ့တွင်မူ သူသည်အကြီးအကျယ်ရှုံးနိမ့်သွားခဲ့လေပြီ။ ထို့ပြင် သူသည် လူငယ်လေးတစ်ဦး၏ လက်အောက်တွင် ရှုံးနိမ့်ခဲ့ခြင်းဖြစ်လေသည်။</p> <p>ရန်ရှောက်ထျန်း၏ဘေးရှိ ထူးဆန်းသောမီးတောက်လေးခုကိုကြည့်ရင်း သူသည် ရုတ်တရက် စိတ်ပျက်အားလျော့မှုကို ခံစားလိုက်ရလေသည်။ ရန်ရှောက်ထျန်းက ဝူရှင်းဆေးနတ်ဘုရား ရှဲ့ဝူရှင်းကို ကြည့်လိုက်လေသည်။</p> <p>ဝူရှင်းဆေးနတ်ဘုရားရှဲ့ဝူရှင်းသည် ရန်ရှောက်ထျန်း၏အကြည့်ကို မြင်သောအခါ ရန်ရှောက် ထျန်း ဘာကိုဆိုလိုသည်ကိုသိလိုက်လေသည်။ သူသည်အသက်ပြင်းပြင်းရှူလိုက်ပြီး နတ်ဘုရား ဆေးအနည်အနှစ်များ ပြည့်နှက်နေသော ကျောက်စိမ်းပုလင်းကို ရန်ရှောက်ထျန်းဆီသို့ လှမ်းပစ်ပေး လိုက်လေသည်။</p> <p>သူက အတင်းအကျပ် ပြုံးလိုက်ပြီး။</p> <p>“မင်းက ဧကရာဇ်အဆင့် ကျင့်ကြံမှုနဲ့ စိန့်အဆင့် ဆေးလုံးတွေကို ဖော်စပ်နိုင်လိမ့်မယ်လို့ ငါ တကယ်ပဲ မထင်ထားခဲ့ဘူး” ဟု ပြောလိုက်သည်။</p> <p>ဧကရာဇ်အဆင့် ကျင့်ကြံမှုဖြင့်စိန့်အဆင့်ဆေးလုံးကိုဖော်စပ်နိုင်ခြင်း၊ ထို့ပြင်ပြိုင်ဘက် ကင်းအဆင့် စိန့်အဆင့် ဆေးလုံးကို ဖော်စပ်နိုင်ခြင်းမှာ အမှန်တကယ်ပင် ရှေးဟောင်းအံ့ဖွယ်တစ်ပါး ဖြစ်လေသည်။ ရှဲ့ဝူရှင်း၏ အတင်းအကျပ်ပြုံးနေမှုကိုကြည့်ရင်း ရန်ရှောက်ထျန်းက။</p> <p>“ဒါကလည်း ကျွန်တော်ပုရှန့်ဆေးလုံးကိုပထမဆုံးအကြိမ်ဖော်စပ်ဖူးတာပါ၊ ဒါကြောင့် ကျွန်တော့်ရဲ့ အတတ်ပညာက အနည်းငယ်တော့ အားနည်းနေသေးတာပေါ့” ဟု ပြောလိုက်သည်။</p> <p>ရှဲ့ဝူရှင်းမှာ ထစ်ထစ်အအဖြစ်သွားပြီး။</p> <p>“ပထမဆုံးအကြိမ် ဖော်စပ်တာ ဟုတ်လား”</p> <p>ပုရှန့်ဆေးလုံးကို ပထမဆုံးအကြိမ်ဖော်စပ်တာဖြစ်ပါလျက်နှင့် ၁၅ မိနစ်အတွင်း ပြိုင်ဘက် ကင်းအဆင့်ကို ဖော်စပ်နိုင်ခဲ့သည်တကား။ အကယ်၍ သူသာအကြိမ်အနည်းငယ် ထပ်မံဖော်စပ်ပြီး သူ၏အတတ်ပညာများ ပိုမိုကျွမ်းကျင်လာမည်ဆိုပါက ၁၅ မိနစ်ပင် ကြာတော့မည် မဟုတ်ပါလော။ ရှဲ့ဝူရှင်းနှင့် အခြားသူများလည်း ထပ်တူပင်ဆွံ့အသွားကြတော့သည်။</p> <p>“စီနီယာ... ယှဉ်ပြိုင်ဖို့ စိတ်ဝင်စားသေးလား”</p> <p> ရုတ်တရက် ရန်ရှောက်ထျန်းက ရှဲ့ဝူရှင်းကို စကားပြောလိုက်လေသည်။</p> <p>လူတိုင်း မှင်တက်သွားကြတော့သည်။ ဆေးနတ်ဘုရားရှဲ့ဝူရှင်းနှင့် ဆေးဖော်စပ်မှုယှဉ်ပြိုင် မည်တဲ့လား။ မုယီ၏ပထမဆုံးအတွေးမှာ ဒါကမဖြစ်နိုင်ဘူးဆိုသည့်အတွေးပင်ဖြစ်လေသည်။</p> <p>ဧကရာဇ်အဆင့်ကျင့်ကြံသူတစ်ဦးက ဆေးနတ်ဘုရားရှဲ့ဝူရှင်းနှင့်ဆေးဖော်စပ်မှုယှဉ်ပြိုင် ချင်နေ သည်တကား။</p> <p> မုယီသာမက အခြားသူများအားလုံးတွင်လည်း ထူးဆန်းသောအမူအရာများ ရှိနေကြလေ သည်။</p> <p>ရှဲ့ဝူရှင်း၏ မျက်နှာတွင်အပြုံးများပြန်လည်ပေါ်လာခဲ့လေသည်။ သူကရန်ရှောက်ထျန်းကို ကြည့်ကာ။</p> <p>“လူငယ်လေး... မင်းက ငါနဲ့ ဆေးဖော်စပ်မှု ယှဉ်ပြိုင်ချင်တာလား” ဟု မေးလိုက်သည်။</p> <p>ရန်ရှောက်ထျန်းမှာ ပြိုင်ဘက်ကင်းအဆင့်ပုရှန့်ဆေးလုံးကို ဖော်စပ်နိုင်ခဲ့သော်လည်း သူ၏အမြင်တွင်မူ ရန်ရှောက်ထျန်းမှာ သူနှင့်ယှဉ်ပြိုင်ရန်အတွက် အရည်အချင်းမပြည့်မီသေးဟု ယူဆထားခြင်းဖြစ်လေသည်။</p> <p>“ဘာလဲ... စီနီယာကကြောက်နေတာလား”</p> <p> ရန်ရှောက်ထျန်း၏ အမူအရာမှာပုံမှန်အတိုင်းပင်ဖြစ်လေသည်။ သူသည် ဤဆုံးဖြတ်ချက် ကို ရုတ်တရက်ချလိုက်ခြင်းမဟုတ်ဘဲ လမ်းခရီးတွင်ကတည်းကစဉ်းစားထားခဲ့ခြင်းဖြစ်လေသည်။</p> <p>ရှဲ့ဝူရှင်းသည် ရန်ရှောက်ထျန်းက သူ့ကိုစိန်ခေါ်နေသည်ကိုကြားလိုက်ရသောအခါ အားရပါး ရ ရယ်မောလိုက်ပြီး။</p> <p>“လူငယ်လေးက ဘယ်လိုယှဉ်ပြိုင်ချင်တာလဲ။ အကယ်၍မင်းရှုံးခဲ့မယ်ဆိုရင်ကော ဘာပေး မှာလဲ”</p> <p>“အကယ်၍ ကျွန်တော်ရှုံးခဲ့မယ်ဆိုရင်ဒီနဂါးစိမ်းကောင်းကင်ခရမ်းပြာဆေးပေါင်းအိုးက စီနီယာ့အပိုင်ဖြစ်ရမယ်”</p> <p>ရန်ရှောက်ထျန်းက နဂါးစိမ်းကောင်းကင်ဆေးပေါင်းအိုးကို ညွှန်ပြလိုက်လေသည်။</p> <p>ရှဲ့ဝူရှင်း၏ မျက်လုံးများမှာတောက်ပသွားခဲ့လေသည်။</p> <p>“အကယ်၍ စီနီယာရှုံးခဲ့မယ်ဆိုရင်တော့”</p> <p> ရန်ရှောက်ထျန်းက ဖြည်းဖြည်းချင်း ပြောလိုက်သည်။</p> <p>“စီနီယာ ကျွန်တော့်ဆီမှာ ဆယ်နှစ်ကြာအလုပ်အကျွေးပြုရမယ်”</p> <p>ရှဲ့ဝူရှင်းက သူ့ကိုဆေးစမ်းသပ်သူအဖြစ်ထားရှိချင်နေသည်မဟုတ်ပါလော။ ဒါဆိုလျှင် သူကလည်း ရှဲ့ဝူရှင်းကို သူ၏လက်ပါးစေအဖြစ်ထားရှိမည် ဖြစ်လေသည်။ လက်ရှိတွင် သူ၏ဘေး၌ တိုက်တန်ဧရာမမိစ္ဆာ ရှိနေသော်လည်း သူ၏အင်အားမှာ အားနည်းနေသေးလေသည်။</p> <p>ရှဲ့ဝူရှင်းမှာ ရှေးအကျဆုံးသောဆေးနတ်ဘုရားတစ်ဦးဖြစ်ပြီး ဆေးဖော်စပ်မှု အတတ်ပညာ မြင့်မားရုံသာမက သူ၏အစွမ်းမှာလည်း တိုက်တန်ဧရာမမိစ္ဆာထက် မနိမ့်ကျသောအစွမ်းမျိုး ရှိလေ သည်။</p> <p> အရေးကြီးဆုံးအချက်မှာ ရှဲ့ဝူရှင်းသည် ဝမ်ကျန့်တိုက်ကြီး၏ ဆေးဖော်စပ်သူလောကတွင် အလွန်တရာ ဩဇာတိက္ကမကြီးမားသူဖြစ်လေသည်။ အကယ်၍ရှဲ့ဝူရှင်းသာ သူ၏နောက်သို့ လိုက်ပါမည်ဆိုပါက သူ၏ဝမ်ကျန့်တိုက်ကြီးပေါ်ရှိ လှုပ်ရှားမှုများမှာများစွာပိုမိုလွယ်ကူ လာပေ လိမ့်မည်။</p> <p>ရှဲ့ဝူရှင်းသည် ရန်ရှောက်ထျန်းက သူ့အားအလုပ်အကျွေးပြုခိုင်းသည်ကို ကြားလိုက်ရသော အခါ သူ၏မျက်လုံးများကိုကျဉ်းမြောင်းလိုက်ပြီး အေးစက်သောအကြည့်များဖြင့် တစ်ချက်ကြည့် ကာပြုံးလျက်။</p> <p>“လူငယ်လေး... မင်းက တကယ်ပဲ သတ္တိရှိတာပဲ” ဟု ပြောလိုက်သည်။</p> <p>“ကျွန်တော့်မှာ စီနီယာနဲ့ ယှဉ်ပြိုင်ဖို့ သတ္တိရှိမရှိဆိုတာပဲ သိချင်တာပါ”</p> <p> ရန်ရှောက်ထျန်း၏ အမူအရာမှာ ပုံမှန်အတိုင်းပင် ဖြစ်လေသည်။</p> <p>ရှဲ့ဝူရှင်းက အားရပါးရ ရယ်မောလိုက်ပြီး။</p> <p>“ကောင်းပြီ။ ငါတို့ ဘယ်လို ယှဉ်ပြိုင်ကြမလဲ”</p> <p>ရန်ရှောက်ထျန်းက ခဏမျှ စဉ်းစားလိုက်ပြီး။</p> <p>“ကျွန်တော်တို့ ပုရှန့်ဆေးလုံးကိုပဲဖော်စပ်ပြီးယှဉ်ကြတာပေါ့။ ဘယ်သူက ပိုပြီး အရည် အသွေးကောင်းတဲ့ ပုရှန့်ဆေးလုံးကိုဖော်စပ်နိုင်မလဲဆိုတာယှဉ်မယ်။ စီနီယာဘယ်လိုထင်လဲ” ဟု မေးလိုက်သည်။</p> <p>ရန်ရှောက်ထျန်းက ပုရှန့်ဆေးလုံးနှင့်ပင် ဆက်လက်ယှဉ်ပြိုင်လိုသည်ကို ကြားလိုက်ရသဖြင့် ရှဲ့ဝူရှင်းက ပြုံးလျက်။</p> <p>“ကောင်းပြီ။ ဒါပေမဲ့ မင်းရှုံးခဲ့မယ်ဆိုရင် ငါ နဂါးစိမ်းကောင်းကင်ခရမ်းပြာဆေးပေါင်းအိုးကို လိုချင်ရုံတင်မကဘူး၊ မင်းကို ငါ့ရဲ့ ဆေးစမ်းသပ်သူအဖြစ်လည်းထားရှိမယ်နော်”</p> <p>သူသည် ရန်ရှောက်ထျန်းကိုလက်မလွှတ်လိုသေးပေ။ ရန်ရှောက်ထျန်းက ဤသည်ကို ကြားလိုက်ရသောအခါပြုံးလျက်။</p> <p>“ကောင်းပြီ” ဟု ပြောလိုက်သည်။</p> <p>ချက်ချင်းဆိုသလိုပင် ရှဲ့ဝူရှင်းနှင့် ရန်ရှောက်ထျန်းတို့သည် ဝူရှင်းချိုင့်ဝှမ်း၏ အလယ်ရှိ ကွင်းပြင်သို့ ပြန်လည်ရောက်ရှိသွားခဲ့ကြလေသည်။ ရှဲ့ဝူရှင်းက နတ်ဘုရားဆေးပေါင်းအိုးတစ်လုံးကို ထုတ်ယူလိုက်လေသည်၊ ထိုဆေးပေါင်းအိုးမှာ တစ်ကိုယ်လုံးမည်းမှောင်နေပြီး အေးစက်လှသော ချီစွမ်းအားများ ထွက်ပေါ်နေလေသည်။</p> <p>“ငရဲဘုံ နတ်ဘုရားဆေးပေါင်းအိုးပါလား”</p> <p> ရှဲ့ဝူရှင်း၏ ဆေးပေါင်းအိုးကိုမြင်လိုက်ရသဖြင့် မုယီကအံ့အားသင့်စွာ အော်ဟစ်လိုက် လေသည်။</p> <p>ငရဲဘုံ နတ်ဘုရားဆေးပေါင်းအိုးမှာ ရှေးဟောင်းငရဲဘုံနတ်ဘုရားမျိုးနွယ်စု၏ အမြင့်မြတ်ဆုံး ရတနာတစ်ပါး ဖြစ်လေသည်။ ၎င်းမှာနဂါးစိမ်းကောင်းကင်ခရမ်းပြာဆေးပေါင်းအိုးနှင့် မနှိုင်းယှဉ် နိုင်သော်လည်း များစွာ မကွာခြားလှပေ။ ထို့နောက်တွင် ရှဲ့ဝူရှင်းက ပုရှန့်ဆေးလုံး ဖော်စပ်ရန်အတွက် ဆေးဘက်ဝင်ပစ္စည်း ရာပေါင်းများစွာကို ထုတ်ယူလိုက်လေသည်။</p> <p> သူ ထုတ်ယူလိုက်သော ဆေးဘက်ဝင်ပစ္စည်းများမှာ အလွန်တရာအရည်အသွေး ကောင်းမွန် လှသဖြင့် ရှဲ့ဝူရှင်းအနေဖြင့် ဤယှဉ်ပြိုင်မှုကို အလေးအနက်ထားနေကြောင်း သိသာလှပေသည်။</p> <p>ချက်ချင်းဆိုသလိုပင် လူတိုင်း၏စောင့်ကြည့်နေသောအကြည့်များအောက်တွင် ရှဲ့ဝူရှင်းက သူ၏ဝိညာဉ်စွမ်းအားကို ထုတ်လွှတ်လိုက်လေသည်။</p> <p>“ဘုန်း...”</p> <p>ဟင်းလင်းပြင်မှာ ပြင်းထန်စွာ ရိုက်ခတ်ခံလိုက်ရသလိုမျိုး ဖြစ်သွားခဲ့လေသည်။ ကြောက် မက်ဖွယ်ကောင်းသော ချီလှိုင်းများမှာ မုန်တိုင်းအလား ပြန့်နှံ့သွားခဲ့လေသည်။ ၎င်းမှာ လီတာလေးရာ အထိ တိုက်ရိုက်ဖုံးလွှမ်းသွားခဲ့လေသည်။</p> <p>ဒါက ရှဲ့ဝူရှင်း၏ အလွန်တရာသန်မာလှသော ဝိညာဉ်စွမ်းအားဖြစ်လေသည်။ သာမန် ဆေးနတ်ဘုရားတစ်ဦး၏ ဝိညာဉ်စွမ်းအားမှာ လီတာနှစ်ရာအထိသာ ဖုံးလွှမ်းနိုင်သော်လည်း ရှဲ့ဝူရှင်း၏ ဝိညာဉ်စွမ်းအားမှာ လီတာလေးရာအထိဖုံးလွှမ်းနိုင်ခြင်းဖြစ်လေသည်။ မုယီနှင့် တိုက်တန် ဧရာမမိစ္ဆာတို့သည် ရှဲ့ဝူရှင်း၏ ဝိညာဉ်စွမ်းအား လီတာလေးရာအထိ ဖုံးလွှမ်းသွားသည်ကို မြင်သော အခါ မျက်နှာများပျက်သွားခဲ့ကြလေသည်။</p> <p>ဝိညာဉ်စွမ်းအား လီတာလေးရာအထိဖုံးလွှမ်းနိုင်ခြင်းမှာ ဘာကိုဆိုလိုသလဲဆိုသည်ကို မုယီနှင့် တိုက်တန်ဧရာမမိစ္ဆာတို့ ကောင်းစွာနားလည်ကြလေသည်။ ရန်ရှောက်ထျန်းမှာမူ အလွန် အမင်းအံ့အားသင့်ခြင်းမရှိပေ။</p> <p>ဘာပဲဖြစ်ဖြစ် ရှဲ့ဝူရှင်းမှာဝမ်ကျန့်တိုက်ကြီး၏ ဆေးနတ်ဘုရားလေးဦးထဲမှတစ်ဦးဖြစ်ရာ သူ၏ဝိညာဉ်စွမ်းအားက လီတာလေးရာအထိ ရှိနေခြင်းမှာ ပုံမှန်ပင်ဖြစ်လေသည်။</p> <p>ချက်ချင်းဆိုသလိုပင် ရှဲ့ဝူရှင်း၏ တစ်ကိုယ်လုံးမှနတ်ဘုရားအလင်းတန်းများ ထွက်ပေါ်လာ ပြီး သူ၏ကိုယ်အတွင်းမှနတ်ဘုရားမီးလျှံမီးတောက်တစ်ခု ပျံထွက်လာခဲ့လေသည်။ ထိုနတ်ဘုရားမီး လျှံမီးတောက်ပေါ်လာသောအခါ ရန်ရှောက်ထျန်း၏ထူးဆန်းသောမီးတောက်လေးခုမှာ လေပြင်း ထဲမှ ဖယောင်းတိုင်မီးများအလား ငြိမ်းသေလုမတတ်ဖြစ်သွားခဲ့ရလေသည်။</p> <p>“သုညကမ္ဘာ နတ်ဘုရားမီးလျှံမီးတောက်ပါလား”</p> <p> မုယီနှင့် တိုက်တန်ဧရာမမိစ္ဆာတို့သည် ရှဲ့ဝူရှင်း၏နတ်ဘုရားမီးလျှံမီးတောက်ကို မြင်လိုက်ရသဖြင့် အကြီးအကျယ်ထိတ်လန့်သွားခဲ့ကြလေသည်။</p> <p>တိုက်တန်ဧရာမမိစ္ဆာပင်လျှင် ရှဲ့ဝူရှင်းကနတ်ဘုရားမီးလျှံမီးတောက်ကိုထိန်းချုပ်ထား နိုင် လိမ့်မည်ဟုမမျှော်လင့်ထားခဲ့ပေ။ သူသည်ရှဲ့ဝူရှင်းနှင့်သိလာခဲ့သည်မှာ နှစ်ပေါင်းများစွာကြာမြင့် ခဲ့ပြီ ဖြစ်သော်လည်း ရှဲ့ဝူရှင်းနတ်ဘုရားမီးလျှံမီးတောက်ကိုအသုံးပြုသည်ကို ယခုမှပထမဆုံး အကြိမ် မြင်ဖူးခြင်းဖြစ်လေသည်။</p> <p>“အို... သုညကမ္ဘာနတ်ဘုရားမီးလျှံမီးတောက်လား”</p> <p>ရန်ရှောက်ထျန်းကမူ ရှဲ့ဝူရှင်း၏နတ်ဘုရားမီးလျှံကို စိတ်ဝင်တစားကြည့်လိုက်လေသည်။</p> <p>သုညကမ္ဘာ နတ်ဘုရားမီးလျှံမှာ နတ်ဘုရားမီးလျှံတစ်ခုဖြစ်သော်လည်း နတ်ဘုရားမီးလျှံ မီးတောက်အဆင့်သတ်မှတ်ချက်တွင် အောက်ဆုံးနားတွင်သာရှိပြီး သူ၏မိုးကြိုးဘေးဒုက္ခနတ်ဘုရား မီးလျှံမီးတောက်ထက် များစွာအစွမ်းနိမ့်ကျလှပေသည်။</p> <p>ရှဲ့ဝူရှင်း၏ သုညကမ္ဘာနတ်ဘုရားမီးလျှံမီးတောက်မှာ ကျင့်ကြံမှုမှတစ်ဆင့်ရရှိထားသော အရာဖြစ်ကြောင်း သူသိလိုက်လေသည်။ နတ်ဘုရားခန္ဓာကိုယ်များတွင် ပင်ကိုယ်ပါလာခြင်းနှင့် ကျင့်ကြံမှုမှရရှိခြင်းဟူ၍ရှိသကဲ့သို့ နတ်ဘုရားမီးလျှံမီးတောက်များတွင်လည်း ပင်ကိုယ်ပါလာခြင်း နှင့် ကျင့်ကြံမှုမှရရှိခြင်းဟူ၍ရှိလေသည်။</p> <p> ယေဘုယျအားဖြင့် ကျင့်ကြံမှုမှရရှိသောနတ်ဘုရားမီးလျှံမီးတောက်များကို ထိန်းချုပ်ရန် ပိုမိုလွယ်ကူသော်လည်း ၎င်းတို့၏စွမ်းအားမှာမူ ပင်ကိုယ်ပါလာသောနတ်ဘုရားမီးလျှံမီးတောက် များထက် အနည်းငယ်အစွမ်းနိမ့်ကျတတ်လေသည်။</p> <p>ရှဲ့ဝူရှင်း၏ ထိန်းချုပ်မှုအောက်တွင် ကမ္ဘာမြေမီးလျှံများမှာဟိန်းဟောက်လာခဲ့ပြီး မြေပြင် ပေါ်ရှိ ဆေးဘက်ဝင်ပစ္စည်းများကို တစ်ခုပြီးတစ်ခု စုပ်ယူလိုက်လေသည်။ သူသည် သူ၏လက်များ ကို အဆက်မပြတ်ဝှေ့ယမ်းလိုက်ရာ ‘နေနှင့်လအတူတကွတောက်ပခြင်း’ အတတ်ပညာကို အသုံးပြုလိုက်လေသည်၊ ၎င်းမှာ အကြီးမြတ်ဆုံး ဆေးဖော်စပ်မှု အတတ်ပညာ တစ်ဆယ်ထဲမှ တစ်ခု ဖြစ်လေသည်။</p> <p>သုညကမ္ဘာနတ်ဘုရားမီးလျှံမီးတောက်၊ ငရဲဘုံနတ်ဘုရားဆေးပေါင်းအိုးနှင့် ရှဲ့ဝူရှင်း၏ အံ့ဩဖွယ်ကောင်းသောဝိညာဉ်စွမ်းအားတို့၏ထိန်းချုပ်မှုအောက်တွင် မကြာမီမှာပင်ဆေးရနံ့များ မှာ ပိုမိုပြင်းထန်လာခဲ့လေသည်။</p> <p> ချက်ချင်းဆိုသလိုပင် ကောင်းကင်ယံတွင်ဘေးဒုက္ခမိုးကြိုးတိမ်တိုက်များ ပေါ်ပေါက်လာခဲ့ လေသည်။</p> <p>“ဘေးဒုက္ခ မိုးကြိုးပါလား”</p> <p> မုယီက ကောင်းကင်ယံရှိမိုးကြိုးတိမ်တိုက်များကိုကြည့်ရင်း စိတ်လှုပ်ရှားစွာ အော်ဟစ် လိုက်လေသည်။ ဘေးဒုက္ခမိုးကြိုးများ ပေါ်ပေါက်လာခြင်းမှာ ရှဲ့ဝူရှင်း ဖော်စပ်နေသော ဆေးလုံးမှာ ဟဲဗန်အဆင့်ဆေးလုံးတစ်လုံးဖြစ်လာတော့မည်ကိုဆိုလိုခြင်းဖြစ်လေသည်။</p> <p> ဟဲဗန်အဆင့် ဆိုသည်မှာ ပြိုင်ဘက်ကင်းအဆင့်ထက်ပင်ပိုမိုမြင့်မားသောအဆင့် ဖြစ်လေ သည်။</p> <p> </p> <p> </p> <p style="text-align: center;">***</p>


Save