Book List

<h2 style="text-align: center;">အခန်း (၅၄၇)</h2> <h2 style="text-align: center;">အဲဒီကောင်လေးက ဘယ်သူလဲ</h2> <h2 style="text-align: center;">*</h2> <p> </p> <p>“အချိန်သဲပွင့်လား”</p> <p> ရန်ရှောက်ထျန်းက အချိန်သဲပွင့်အကြောင်းရုတ်တရက်မေးလိုက်သဖြင့် ရှဲ့ဝူရှင်းအံ့အား သင့်သွားပြီးနောက် ခါးသီးစွာပြုံးလျက်။</p> <p>“သခင်လေး... ကျွန်တော့်ဆီမှာအချိန်သဲပွင့်ရှိပါတယ်၊ ဒါပေမဲ့သိပ်မများပါဘူး၊ လက်တစ် ဆုပ်စာလောက်ပဲရှိတာပါ” ဟု ပြောရင်းရွှေရောင်အိတ်ကလေးတစ်လုံးကို ထုတ်ယူလိုက်လေ သည်။</p> <p>သူ ရွှေရောင်အိတ်ကလေးကို ဖွင့်လိုက်သောအခါ အချိန်သဲပွင့်အနည်းငယ်သာ ပျံထွက်လာ ခဲ့လေသည်။ ရှဲ့ဝူရှင်းပြောခဲ့သလိုပင် ၎င်းမှာလက်မအရွယ်ခန့်သာရှိသော လက်တစ်ဆုပ်စာမျှသာ ဖြစ်လေသည်။ ဤမျှနည်းပါးလှသော အချိန်သဲပွင့်မှာရန်ရှောက်ထျန်း၏ထာဝရနတ်ဘုရား ခန္ဓာ ကိုယ် ဖောက်ထွက်နိုင်ရန်အတွက် များစွာလိုအပ်နေသေးလေသည်။</p> <p>ဤအချိန်တွင် ဘေး၌ရှိနေသောမုယီကရှေ့သို့လှမ်းလာပြီး ရန်ရှောက်ထျန်း၏ရှေ့တွင် ဦးညွှတ်ဂါရဝပြုကာ လက်ဖဝါးချင်းယှက်လျက် ပြောလိုက်သည်။</p> <p>“သခင်လေး... ကျွန်တော်တို့ မုမိသားစုရဲ့ ဘဏ္ဍာတိုက်ထဲမှာလည်း အချိန်သဲပွင့် အနည်းငယ် ရှိပါတယ်”</p> <p>ရန်ရှောက်ထျန်း ဤစကားကို ကြားလိုက်ရသဖြင့် ဝမ်းသာသွားပြီး။</p> <p>“အကယ်၍ မုမိသားစုခေါင်းဆောင်က ပေးကမ်းချင်တယ်ဆိုရင်တော့ ကျွန်တော် တစ်ခုခုနဲ့ ပြန်လဲပေးချင်ပါတယ်။ မုမိသားစုခေါင်းဆောင် ဘာလိုအပ်သလဲဆိုတာ မေးလို့ရမလား”</p> <p>မုယီကမူ သူ၏လက်များကို အကြိမ်ကြိမ် ဝှေ့ယမ်းကာ ပြုံးလျက်။</p> <p>“ဒါက အချိန်သဲပွင့် အနည်းငယ်ပဲလေ၊ တန်ဖိုးရှိလှတာ မဟုတ်ပါဘူး၊ သခင်လေး စိတ်ထဲ မထားပါနဲ့” ဟု ပြောပြီးနောက် ခဏမျှ တုံ့ဆိုင်းကာ။</p> <p>“ဒါပေမဲ့ ကျွန်တော်တို့ မုမိသားစု ဘဏ္ဍာတိုက်ထဲမှာ ရှိတဲ့ အချိန်သဲပွင့်ကလည်း သိပ်တော့ မများလှပါဘူး၊ ဒါရဲ့ နှစ်ဆလောက်ပဲ ရှိတာပါ”</p> <p>သူက သူတို့ရှေ့ရှိ အချိန်သဲပွင့်ကိုညွှန်ပြကာ ပြောလိုက်ခြင်း ဖြစ်လေသည်။ ရန်ရှောက်ထျန်း ဆွံ့အသွားခဲ့လေသည်။ အကယ်၍ထိုသို့ဆိုလျှင်လည်း သူ၏ထာဝရနတ်ဘုရားခန္ဓာကိုယ်ကို အဆင့်မြှင့်တင်ရန်အတွက် များစွာ လိုအပ်နေဦးမည် ဖြစ်လေသည်။</p> <p>“အမြင့်မြတ်ဆုံး ဧကရာဇ်မျိုးနွယ်စုဆီမှာတော့ အချိန်သဲပွင့်တော်တော်များများ ရှိတယ်လို့ ကျွန်တော် သိထားပါတယ်”</p> <p>မုယီက စဉ်းစားရင်း ပြောလိုက်သည်။</p> <p>“ကျွန်တော်တို့ မုမိသားစုက ဖန့်မိသားစုနဲ့ရင်းနှီးတဲ့ဆက်ဆံရေးရှိပါတယ်။ အကယ်၍ သခင်လေး လိုအပ်တယ်ဆိုရင် ကျွန်တော်အမြင့်မြတ်ဆုံး ဧကရာဇ်နဲ့ သွားတွေ့တဲ့အခါ သူတို့ဆီကနေ အချို့ကို ရနိုင်မလားဆိုတာ စမ်းကြည့်ပေးပါ့မယ်”</p> <p>အမြင့်မြတ်ဆုံး ဧကရာဇ်မျိုးနွယ်စုဆီမှာရှိတာလား။ ရန်ရှောက်ထျန်း ဝမ်းသာသွားပြီး လက်ဖ ဝါးချင်းယှက်ကာ။</p> <p>“ဒါဆိုရင်တော့ ကျေးဇူးအများကြီးတင်ပါတယ် မုမိသားစုခေါင်းဆောင်”</p> <p>မုယီကမူ လက်ဝှေ့ယမ်းကာ ပြုံးလျက်။</p> <p>“သခင်လေးကို ကူညီနိုင်တာကကျွန်တော်တို့ မုမိသားစုအတွက် ဂုဏ်ယူစရာပါ</p> <p>ရန်ရှောက်ထျန်းက သူ၏ထာဝရနတ်ဘုရားခန္ဓာကိုယ်ကိုပြသပြီး ရှဲ့ဝူရှင်းကို နိမ်နင်းပြီး နောက်တွင် မုယီသည်ရန်ရှောက်ထျန်းနှင့်စိတ်ရင်းမှန်ဖြင့်မိတ်ဆွေဖွဲ့ရန် ဆုံးဖြတ်လိုက်ခြင်း ဖြစ် ကြောင်း သိသာလှပေသည်။</p> <p>မုယီက ဆက်ပြောလိုက်သည်။</p> <p>“ဒါဆိုရင် ကျွန်တော်နောက်မှ အမြင့်မြတ်ဆုံးဧကရာဇ်နိုင်ငံကိုပြန်ပြီးတော့ သခင်လေး ဆီကို အချိန်သဲပွင့်တွေပို့ပေးခိုင်းလိုက်ပါ့မယ်။ အဲဒီအချိန်ကျရင်ကျွန်တော် အမြင့်မြတ်ဆုံးဧကရာဇ် နဲ့ သွားတွေ့ပြီးတော့ ဧကရာဇ်ကအချိန်သဲပွင့်တွေကို ပေးချင်ရဲ့လားဆိုတာ မေးကြည့်ပေးပါ့မယ်”</p> <p>ရန်ရှောက်ထျန်း ခဏမျှ စဉ်းစားလိုက်ပြီး။</p> <p>“ခရီးက ဝေးပါတယ်။ တစ်စုံတစ်ယောက်ကို အချိန်သဲပွင့်ပို့ခိုင်းဖို့ဆိုတာက အရမ်းကို အလုပ်ရှုပ်လွန်းပါတယ်။ ဒီလိုလုပ်ကြတာပေါ့၊ ကျွန်တော်တို့လည်းဘာမှလုပ်စရာမရှိတာနဲ့ အမြင့် မြတ်ဆုံး ဧကရာဇ်နိုင်ငံကိုတစ်ခေါက်လောက်သွားချင်နေတာပါ။ အတူတူသွားကြတာပေါ့” ဟု ပြောလိုက်သည်။</p> <p>သူသည် သူ၏ဆရာဘိုးဘေး ဟုန်ဖုန်းနတ်ဘုရားအရှင်သခင်၏မှတ်တမ်းများကို ဖတ်ဖူးခဲ့ လေသည်။ ယခင်ကသူ၏ဆရာဘိုးဘေးဟုန်ဖုန်းနတ်ဘုရားအရှင်သခင်သည် အမြင့်မြတ်ဆုံး ဧကရာဇ်နိုင်ငံတွင် အချိန်အတော်ကြာနေထိုင်ခဲ့ပြီး အမြင့်မြတ်ဆုံးဧကရာဇ်နိုင်ငံ၌ တစ်ခုခု ချန်ထားခဲ့ လေသည်။ ၎င်းကဘာလဲဆိုသည်ကိုမူ သူ မပြောခဲ့ပေ။ သူသည် ၎င်းကို သွားရောက်ရှာဖွေချင်နေခြင်း ဖြစ်လေသည်။</p> <p>ထို့ပြင် အမြင့်မြတ်ဆုံး ဧကရာဇ်နိုင်ငံမှာ ဝမ်ကျန့်တိုက်ကြီးပေါ်ရှိ နံပါတ်တစ် ဧကရာဇ်နိုင်ငံ ဖြစ်လေရာ သူသည်အမြင့်မြတ်ဆုံး ဧကရာဇ်နိုင်ငံကိုလည်း မြင်တွေ့ချင်နေမိလေသည်။</p> <p>မုယီသည် ရန်ရှောက်ထျန်းက သူနှင့်အတူအမြင့်မြတ်ဆုံး ဧကရာဇ်နိုင်ငံသို့ လိုက်ပါမည်ဟု ကြားလိုက်ရသဖြင့် အလွန်တရာ ဝမ်းသာသွားပြီး လက်ဖဝါးချင်းယှက်ကာ။</p> <p>“ကောင်းပါပြီ။ သခင်လေးက ကျွန်တော်တို့နဲ့အတူ အမြင့်မြတ်ဆုံးဧကရာဇ်နိုင်ငံကို လိုက်လာမယ်ဆိုရင်တော့ အကောင်းဆုံးပေါ့”</p> <p>ရန်ရှောက်ထျန်းက မုယီကို ကြည့်ကာ။</p> <p>“မုမိသားစုခေါင်းဆောင်... ကျွန်တော့်ရဲ့ မည်သူမည်ဝါဖြစ်ကြောင်းကို ခင်ဗျား သိသလား” ဟု မေးလိုက်သည်။ မုယီ မှင်တက်သွားခဲ့လေသည်။</p> <p>“ကျွန်တော် ခင်ဗျားကိုမဖုံးကွယ်ပါဘူး၊ တကယ်တော့ထုန်းထျန်းနတ်ဘုရားဂိုဏ်းက အခု ကျွန်တော့်ကိုဆုကြေးထုတ်ထားတာပါ”</p> <p>ရန်ရှောက်ထျန်းက ပြောလိုက်သည်။ မုယီ အံ့အားသင့်သွားခဲ့လေသည်။</p> <p>ဤအခိုက်အတန့်တွင် ရန်ရှောက်ထျန်းက ဟွန်ချွမ်နတ်ဘုရားကျင့်စဉ်ကို အသက်သွင်းလိုက် လေသည်။ ချက်ချင်းဆိုသလိုပင်ဟွန်ချွမ်ချီစွမ်းအားများမှာ ဟိန်းဟောက်ထွက်ပေါ်လာပြီး ဝူရှင်းချိုင့် ဝှမ်းမှာ ဟွန်ချွမ်ငရဲဘုံအဖြစ် ပြောင်းလဲသွားခဲ့လေသည်။</p> <p>“ဟွန်ချွမ်နတ်ဘုရားကျင့်စဉ်ပါလား” မုယီ ထိတ်လန့်သွားပြီး။</p> <p>“ရှင်က ဟွန်ချွမ်ဘိုးဘေးရဲ့ ဆက်ခံသူပဲ” ဟု အော်ဟစ်လိုက်လေသည်။</p> <p>မုယီသည် မကြာသေးမီကမှ နာမည်ကျော်ကြားနေသော ဟွန်ချွမ်ဘိုးဘေး၏ ဆက်ခံသူ အကြောင်းကိုလည်း ကြားထားခဲ့လေသည်။ ထိုဟွန်ချွမ်ဘိုးဘေး၏ ဆက်ခံသူ၏ အမည်ကို မည်သူမျှ မသိကြသလို၊ သူ၏ဇာစ်မြစ်ကိုလည်းမသိကြပေ။</p> <p>သူတို့ သိထားသည်မှာ သူသည်ဟွန်ချွမ်ဘိုးဘေး၏ဆက်ခံသူဖြစ်ပြီး ဘယ်ကမှန်းမသိ ပေါ်ပေါက်လာကာ ကံကြမ္မာနတ်ဘုရားနန်းတော်တွင်ကြောက်မက်ဖွယ်ကောင်းသော ပါရမီကို ပြသခဲ့သူဖြစ်ကြောင်းသာ ဖြစ်လေသည်။</p> <p>နတ်ဘုရားအဆင့် ရွှေအမြုတေနှစ်ခု၊ ကမ္ဘာဦးမူလကောင်းကင်ကံကြမ္မာသုံးခု။ သူသည် ကံကြမ္မာနတ်ဘုရားတောင်တန်း၏အထွတ်အထိပ်သို့ပင် တက်လှမ်းနိုင်ခဲ့သူ ဖြစ်လေသည်။ အချို့က မူ ဤသူသည်ကံကြမ္မာ၏သားတော်ဖြစ်သည်ဟုပင် ပြောဆိုနေကြလေသည်။ မုယီသည် အံ့အားသင့် သွားပြီးနောက် ဦးညွှတ်ဂါရဝပြုကာ။</p> <p>“ဒါဆို သခင်လေးကကံကြမ္မာရဲ့သားတော်ပေါ့” ဟု ပြောပြီးနောက် ရိုသေစွာဖြင့် ဆက်ပြောလိုက်သည်။</p> <p>“သခင်လေး... စိတ်မပူပါနဲ့၊ တခြားသူတွေကထုန်းထျန်းနတ်ဘုရားဂိုဏ်းကို ကြောက်ကြ ပေမဲ့ ကျွန်တော်တို့မုမိသားစုကတော့ ထုန်းထျန်းနတ်ဘုရားဂိုဏ်းကို မျက်နှာချိုသွေးဖို့ အထိတော့ မလုပ်ပါဘူး”</p> <p>မုမိသားစုမှာ ဝမ်ကျန့်တိုက်ကြီးပေါ်ရှိ ရှေးအကျဆုံးနှင့်အစွမ်းအထက်ဆုံးသော မိသားစု များထဲမှ တစ်ခုဖြစ်လေသည်။ ထုန်းထျန်းနတ်ဘုရားဂိုဏ်းထက်အားနည်းသော်လည်း များစွာ မကွာခြားလှပေ။ မုမိသားစုဘိုးဘေးမှာလည်း ဝမ်ကျန့်တိုက်ကြီး၏ အကြီးမြတ်ဆုံး ဓားနတ်ဘုရား တစ်ဆယ်ထဲမှ တစ်ဦး ဖြစ်လေသည်။ ၎င်းမှာ မုယီ၏ ယုံကြည်မှု ဇာစ်မြစ်ပင် ဖြစ်လေသည်။</p> <p>“ကောင်းပြီ”</p> <p>ရန်ရှောက်ထျန်းက ခေါင်းငြိမ့်ပြကာ ပြုံးလျက်။</p> <p>“ဒါဆိုရင် ကျွန်တော်တို့ မကြာခင်မှာပဲ ခရီးစကြတာပေါ့”</p> <p>ဘာပဲဖြစ်ဖြစ် သူသည်လမ်းခရီးတွင်လည်းကျင့်ကြံနိုင်သည်ဖြစ်ရာ ဝူရှင်းချိုင့်ဝှမ်းတွင် ဆက်နေရန် မလိုအပ်တော့ပေ။ မုယီဤတစ်ကြိမ်လာရောက်ရသည့် ရည်ရွယ်ချက်မှာလည်း ရှဲ့ဝူရှင်း ဆီမှ ဆေးလုံးများတောင်းခံရန်ဖြစ်လေသည်။ ရန်ရှောက်ထျန်း၏ဆက်ဆံရေးကြောင့် ရှဲ့ဝူရှင်းက မုယီအားဆေးလုံးများကို အလွယ်တကူပေးလိုက်လေသည်။</p> <p> ထို့ကြောင့် မုယီဆေးလုံးများအောင်မြင်စွာရရှိပြီးနောက် လူတိုင်းမှာ အမြင့်မြတ်ဆုံး ဧကရာဇ်နိုင်ငံဆီသို့ ထွက်ခွာခဲ့ကြလေသည်။</p> <p>ရှဲ့ဝူရှင်းက သူ၏တပည့်လော်ရှင်းအားဝူရှင်းချိုင့်ဝှမ်းကို စောင့်ရှောက်ခိုင်းခဲ့ပြီး သူကိုယ်တိုင် မှာမူ ရန်ရှောက်ထျန်း၏နောက်သို့လိုက်ကာ ဝူရှင်းချိုင့်ဝှမ်းမှထွက်ခွာလာခဲ့လေသည်။ ဝူရှင်းချိုင့် ဝှမ်းမှ လမ်းလျှောက်ထွက်လာရင်းပြင်ပရှိနေရောင်ခြည်ကိုကြည့်ကာ သူ၏စိတ်ထဲတွင် ခံစားချက် များစွာ ဖြစ်ပေါ်နေခဲ့လေသည်။ သူ မသိလိုက်ဘဲနှင့် ဝူရှင်းချိုင့်ဝှမ်းအတွင်း၌နေထိုင်ခဲ့သည် မှာ နှစ်ပေါင်းသောင်းချီ ကြာမြင့်ခဲ့ပြီ ဖြစ်လေသည်။</p> <p>ချိုင့်ဝှမ်းအပြင်ဘက်တွင် စောင့်ဆိုင်းနေသောမုမိသားစု စိန့်အမျိုးသမီးမုဝမ်ချင်းသည် မုယီ ထွက်လာသည်ကိုမြင်သောအခါ ကျန်ရှိသောမုမိသားစုဝင်များနှင့်အတူ ကြိုဆိုရန်သွားခဲ့ကြလေ သည်။</p> <p>“အဖေ... ဘယ်လိုလဲ”</p> <p> မုဝမ်ချင်းက စိုးရိမ်တကြီး မေးလိုက်လေသည်။</p> <p>မုယီက ခေါင်းငြိမ့်ပြကာ ပြုံးလျက်။</p> <p>“ငါ ‘ကောင်းကင်နေမင်း’ ဆေးလုံးကို ရခဲ့ပြီ” ဟု ပြောလိုက်သည်။</p> <p>မုဝမ်ချင်းနှင့် မုမိသားစုဝင်များအားလုံး အလွန်တရာဝမ်းသာသွားကြတော့သည်။</p> <p>“ငါတို့ အခုဧကရာဇ်မြို့တော်ကို ပြန်ကြမယ်”</p> <p>မုယီက ပြုံးလျက်ပြောလိုက်ပြီးနောက် ရန်ရှောက်ထျန်း၊ တိုက်တန်ဧရာမမိစ္ဆာနှင့် ရှဲ့ဝူရှင်း တို့ကိုလှည့်ကြည့်ကာ ရိုသေစွာဖြင့် မေးလိုက်သည်။</p> <p>“သခင်လေး... စီနီယာနှစ်ယောက်... ကျွန်တော်တို့ မုမိသားစုရဲ့သင်္ဘောနဲ့ပဲ လိုက်မလား ဒါမှမဟုတ်...”</p> <p>“ဒါဆိုရင်လည်း မုမိသားစုရဲ့ သင်္ဘောနဲ့ပဲသွားကြတာပေါ့”</p> <p> ရန်ရှောက်ထျန်းက ပြုံးလျက် ပြောလိုက်လေသည်။</p> <p>မုယီက သင်္ဘောကိုအမြန်ထုတ်ယူလိုက်ပြီး ရန်ရှောက်ထျန်းနှင့် စီနီယာနှစ်ယောက်ကို အရင်ဆုံးတက်ခိုင်းပြီးမှ သူနှင့်ကျန်ရှိသောမုမိသားစုဝင်များ တက်ရောက်ခဲ့ကြလေသည်။ မုမိသား စုမှပညာရှင်များမှာ သူတို့၏မိသားစုခေါင်းဆောင်က ရန်ရှောက်ထျန်းနှင့် စီနီယာ နှစ်ယောက်အပေါ် ဤမျှအထိ ရိုသေလေးစားနေသည်ကို မြင်သောအခါ အံ့အားသင့်ကာ ဇဝေဇဝါ ဖြစ်နေကြလေသည်။</p> <p>သူတို့အားလုံး ရန်ရှောက်ထျန်းနှင့် တိုက်တန်ဧရာမမိစ္ဆာကို မြင်တွေ့ခဲ့ကြပြီးပြီ ဖြစ်လေသည်၊ သူတို့သည်လည်း ဝူရှင်းဆေးနတ်ဘုရားနှင့်တွေ့ဆုံရန် လာရောက်သူများဖြစ်သော်လည်း ဤလူငယ် လေးနှင့် ဤလူသန်ကြီးမှာမည်သူဖြစ်၍ သူတို့၏မိသားစုခေါင်းဆောင်က ဤမျှအထိ ရိုသေနေရ သနည်း။</p> <p>ထို့ပြင် အရောင်အသွေးစုံလင်သော အဝတ်အစားများကိုဝတ်ဆင်ထားသည့် ဤအဘိုးကြီး ကရော ဘယ်သူလဲ။ ရှဲ့ဝူရှင်းမှာ ဝူရှင်းချိုင့်ဝှမ်းမှ မထွက်ခွာသည်မှာ နှစ်ပေါင်းသောင်းချီ ကြာမြင့်ခဲ့ပြီ ဖြစ်ရာ မုဝမ်ချင်းနှင့် မုမိသားစုဝင်များမှာ ရှဲ့ဝူရှင်းကို မမှတ်မိကြပေ။</p> <p>ရှဲ့ဝူရှင်းမှာ ဝမ်ကျန့်တိုက်ကြီးပေါ်ရှိ ဆေးနတ်ဘုရားလေးဦးထဲမှ တစ်ဦးဖြစ်သော်လည်း ဝမ်ကျန့်တိုက်ကြီးပေါ်ရှိ လူနည်းစုသာလျှင် သူ့ကိုမြင်ဖူးကြလေသည်။ မုဝမ်ချင်းကို မဆိုထားနှင့်၊ အထူးဂိုဏ်းကြီးများမှ ဂိုဏ်းချုပ်အများအပြားပင်လျှင် ရှဲ့ဝူရှင်းကို မြင်ဖူးခဲလှပေသည်။</p> <p>ထိုညတွင်။ ရန်ရှောက်ထျန်းသည် မုယီစီစဉ်ပေးထားသော နန်းတော်အတွင်း၌ အချိန်သဲ ပွင့်များကို စတင်သန့်စင်လေသည်။ ရှဲ့ဝူရှင်း၏အချိန်သဲပွင့်မှာသိပ်မများသော်လည်း အနည်းငယ် တိုးတက်မှုကိုမူ ပေးစွမ်းနိုင်လေသည်။ နတ်ဘုရားဆေးအနည်အနှစ်များအတွက်မူ သူသည် တစ်ဝက် ကို သေမင်းနတ်ဘုရားသစ်ပင်အား ဝါးမြိုခိုင်းလိုက်ပြီး ကျန်တစ်ဝက်ကို ကံကြမ္မာနတ်ဘုရား သစ်ပင်အား ဝါးမြိုခိုင်းလိုက်လေသည်။</p> <p>ရန်ရှောက်ထျန်း အချိန်သဲပွင့်များကို သန့်စင်နေစဉ်မှာပင် မုဝမ်ချင်းသည် မုယီ၏ နန်းတော်သို့ လာရောက်ပြီး မေးလိုက်လေသည်။</p> <p>“အဖေ... ဒီနေ့ချိုင့်ဝှမ်းအပြင်ဘက်မှာ ကျွန်မတို့ဒုတိယအဆင့် ဘေးဒုက္ခမိုးကြိုးကို မြင်ခဲ့ရ တယ်။ စီနီယာဝူရှင်းဆေးနတ်ဘုရားက ဒုတိယအဆင့်ဘေးဒုက္ခဟဲဗန်အဆင့် ဆေးလုံးကို ဖော်စပ်ခဲ့တာလား”</p> <p> သူမသည် တစ်နေကုန် ဤမေးခွန်းကို မေးချင်နေခဲ့ခြင်း ဖြစ်လေသည်။</p> <p>“ဒါ့အပြင် ကျွန်မတို့နတ်ဘုရားမီးလျှံမီးတောက်ရဲ့စွမ်းအားကိုလည်း ခံစားခဲ့ရတယ်၊ တစ်မျိုး တည်းလည်းမဟုတ်ဘူး။ စီနီယာဝူရှင်းဆေးနတ်ဘုရားက နတ်ဘုရားမီးလျှံမီးတောက် အများ ကြီးကို ထိန်းချုပ်ထားနိုင်တာလား”</p> <p> မုဝမ်ချင်းက စိတ်လှုပ်ရှားစွာဖြင့် ထပ်မံမေးမြန်းလိုက်လေသည်။</p> <p>မုယီသည် သူ၏သမီး၏ မေးခွန်းများကို သိသော်လည်း ခေါင်းခါပြကာ။</p> <p>“ဒီကိစ္စတွေကို မမေးပါနဲ့။ ဒါ့အပြင် ဒီနေ့ဝူရှင်းချိုင့်ဝှမ်းအပြင်ဘက်မှာ မြင်ခဲ့သမျှ အရာအား လုံးကို ပြင်ပလူတွေကို မပြောပါနဲ့”</p> <p>သူက လေသံကို တင်းမာလိုက်ပြီး။</p> <p>“နားလည်လား” ဟု မေးလိုက်သည်။</p> <p>မုဝမ်ချင်းသည် သူမ၏ဖခင်၏လေးနက်သောအမူအရာကိုမြင်သောအခါ နောက်ဆုံးတွင် ခေါင်းငြိမ့်ပြလိုက်ပြီးနောက် မေးလိုက်လေသည်။</p> <p>“ကျွန်မတို့နဲ့ လိုက်လာတဲ့ အဲဒီလူငယ်က ဘယ်သူလဲ”</p> <p> သူမ၏ဖခင်မှာ မုမိသားစုခေါင်းဆောင်ဖြစ်ပါလျက်နှင့် လူငယ်တစ်ဦးအပေါ် ဤမျှအထိ ရိုသေလေးစားသည်ကို သူမတစ်ခါမျှ မမြင်ဖူးခဲ့ပေ။</p> <p> </p> <p> </p> <p style="text-align: center;">***</p>


Save