Book List

<h2 style="text-align: center;">အခန်း - ၄၁၄</h2> <h2 style="text-align: center;">( ချင်းထျန်းယာဥ်ပျံ )</h2> <h2 style="text-align: center;">*</h2> <p> </p> <p> </p> <p>"အကြီးအကဲ ထိုက်ယွမ်... ဒီလူငယ်လေးက ယွမ်ရှင်းဂိုဏ်းကို လုံးဝ အရေးမစိုက်တာ ရှင်းနေတာပဲ... သူ့ကို အသက်ရှင်ခွင့် ပေးလိုက်တာက ကျုပ်တို့ ကျန်းမိသားစုအတွက် သေးငယ်တဲ့ ကိစ္စလေး တစ်ခု ဖြစ်ပေမယ့် ဂိုဏ်းရဲ့ ဂုဏ်သတင်းအပေါ်မှာတော့ ကြီးမားတဲ့ သက်ရောက်မှု ရှိလိမ့်မယ်..." ကျန်းမိသားစု၏ စံအိမ်တွင် ကျန်းဖုန်း အရှေ့မှ ယွမ်ရှင်းဂိုဏ်းမှ အကြီးအကဲကို ကြည့်ကာ နှာခေါင်းရှုံ့လျက် ပြောလိုက်ပေသည်။</p> <p>"မင်း အချိန်ကုန်ခံပြီး ပြောနေစရာ မလိုပါဘူး... မင်း မပြောရင်တောင် ဒါကို ငါ သိပါတယ်... ဒီကောင် သေကို သေရမယ်..." ဧည့်ခန်းထဲတွင် ထိုင်နေသော အဘိုးအိုဖြစ်သူ အကြီးအကဲ ထိုက်ဟန်၏ မျက်လုံးများထဲတွင် သတ်ဖြတ်လိုသော အရိပ်အယောင်တစ်ခု လင်းလက်နေပေသည်။ ထိုအချိန်တွင် သူ၏ ဒဏ်ရာများမှာ အပြည့်အဝ နီးပါး သက်သာသွားပြီ ဖြစ်ပြီး မျက်နှာပေါ်တွင် ပွန်းပဲ့ဒဏ်ရာ အချို့သာ ကျန်ရှိနေတော့၏။</p> <p>"ဒီလူငယ်လေးက ပါရဂွန်အဆင့် တစ်ယောက်လို့ ထင်ရပေမယ့် မသေခြင်း အစောပိုင်းအဆင့် ပညာရှင် တစ်ယောက်ကိုတောင် အနိုင်ယူနိုင်တယ်... ပြီးတော့ သူ့ဆီမှာ ရုပ်သေးရုပ် တစ်ခုလည်း ရှိသေးတယ်... ကျုပ်တို့ နှစ်ယောက် ပူးပေါင်းရင်တောင်မှ သူ့ကို အနိုင်ယူဖို့ ခက်ခဲလိမ့်မယ်... ငါတို့ နည်းလမ်းတစ်ခု စဉ်းစားရမယ်..." ကျန်းဖုန်းက ပြောလိုက်ပေသည်။</p> <p>ရောင်းရို မြို့၏ ထိပ်တန်း ပညာရှင် တစ်ယောက်အနေဖြင့် ဘယ်ကမှန်းမသိ ရုတ်တရက် ပေါ်လာသော အရေးမပါသည့် လူတစ်ယောက်၏ ခြိမ်းခြောက်မှုကို ခံရခြင်းက အမှန်တကယ်ပင် ဂုဏ်သိက္ခာ ကျဆင်းစရာ ကောင်းလှ၏။</p> <p>"စိတ်မပူပါနဲ့... သူ့ဆီမှာ ဘယ်လို ဝှက်ဖဲတွေပဲ ရှိနေပါစေ ငါတို့ ယွမ်ရှင်းဂိုဏ်းကို ပြစ်မှားမိတာက သူ သေရမယ်ဆိုတဲ့ အဓိပ္ပာယ်ပဲ... ငါ့ရဲ့ စီနီယာအစ်ကို ယွမ်ဟန်ဆီကို ငါ သတင်းပို့ထားပြီးပြီ... သူက အနီးအနားမှာ ရှိနေတာဆိုတော့ မနက်ဖြန်လောက်ဆို ရောက်လာလောက်တယ်..." အကြီးအကဲ ထိုက်ဟန် နှာခေါင်းရှုံ့လိုက်သည်။</p> <p>"ယွမ်ဟန်... အကြီးအကဲ ယွမ်ဟန်လား... မသေခြင်း အထွတ်အထိပ်အဆင့် ပညာရှင်လေ... သူ လာမယ်ဆိုရင်တော့ ဒီလူငယ်လေး သေချာပေါက် သေရတော့မှာပဲ... သူတင် မကဘူး... ရီမိသားစုက လူတိုင်းလည်း သေရမယ်... အာ... မဟုတ်သေးဘူး... ရီချင်းကိုတော့ ချမ်းသာပေးရမယ်..." ကျန်းဖုန်းက ရက်စက်စွာ ပြောလိုက်၏။</p> <p>"ဟုတ်တယ်... မီးတောင်ချော်ရည်တွေထဲ ဝင်ဖို့အတွက် သူ့ရဲ့ မီးလျှံသခင် ဆိုတဲ့ ပါရမီစွမ်းရည်ကို ငါတို့ လိုအပ်သေးတယ်... ဒါကို ငါ အရင်ဆုံး ရှင်းရှင်းလင်းလင်း ပြောထားမယ်နော်... စီနီယာအစ်ကို ယွမ်ဟန် ရောက်လာပြီဆိုတော့ ချီသခင် ရဲ့ ရတနာကိစ္စကို ငါတို့ အသေးစိတ် ရှင်းပြရမယ်... တကယ်လို့ ငါတို့က သူ့ကို ဖုံးကွယ်ထားပြီး နောက်မှ သူ သိသွားမယ်ဆိုရင် ငါတို့ထဲက ဘယ်သူမှ အကျိုးဆက်တွေကို ခံနိုင်ရည် ရှိမှာ မဟုတ်ဘူး..." အကြီးအကဲ ထိုက်ဟန်က ပြောလိုက်ပေသည်။</p> <p>"သေချာတာပေါ့... တကယ်လို့ ကျုပ်က ချီသခင် ချန်ထားရစ်ခဲ့တဲ့ ရတနာကို သိမ်းထားချင်တယ် ဆိုရင်တောင်မှ အားလုံးကို တစ်ယောက်တည်း မျိုချလို့ မရပါဘူး... တကယ်လို့ အကြီးအကဲ ယွမ်ဟန်က လာပြီး တာဝန်ယူပေးနိုင်မယ်ဆိုရင် ကျုပ် သူ့ရဲ့ စီစဉ်မှုတွေကို လိုက်နာဖို့ ဆန္ဒရှိပါတယ်..." ကျန်းဖုန်း၏ မျက်လုံးများ လင်းလက်သွားပြီး နှိမ့်ချစွာ ပြောလိုက်သော်လည်း သူ ဘာတွေးနေမှန်း မည်သူ သိနိုင်မည်နည်း။</p> <p>"ဒါဆိုလည်း ကောင်းတာပေါ့... ကောင်းပြီ... အခု အရင်ဆုံး ဝိညာဉ်ကျောက်တုံးတွေကို သွားပြင်ဆင်လိုက်ဦး... ကျန်းရိုကို အရင် ကယ်ထုတ်ကြတာပေါ့... စီနီယာအစ်ကို ယွမ်ဟန် ရောက်လာတာနဲ့ တစ်ပြိုင်နက် သူတို့ ဘာပဲလိုချင်လိုချင် အားလုံးကို ပြန်အန်ထုတ်လာအောင် ငါတို့ လုပ်ပစ်မယ်..."</p> <p>အကြီးအကဲ ထိုက်ဟန်က လက်ကို တစ်ချက် ဝှေ့ယမ်းလိုက်ကာ ဆိုလိုက်သည်။</p> <p>"ကောင်းပါပြီ..." ကျန်းဖုန်း တစ်ဖက်သို့ လှည့်ကာ အပြင်သို့ ထွက်သွားတော့၏။</p> <p>...</p> <p>"ညီလေး နိုင်းယွမ်... ကျန်းမိသားစုက အလယ်အဆင့် ဝိညာဉ်ကျောက်တုံး ၅,၀၀၀ကို ပို့လိုက်ပြီ... ငါတို့ ဘာဆက်လုပ်ကြမလဲ..."</p> <p>နိုင်းယွမ် ကျိဟွာလှိုဏ်ဂူထဲမှ ထွက်လာသည်နှင့် တစ်ပြိုင်နက် ရီချန်၏ အသံကို ကြားလိုက်ရပေသည်။ သူ အပြင်သို့ ထွက်သွားသောအခါ ရီချန်နှင့် သူ၏ သမီးဖြစ်သူ ရီချင်း တို့ သူ့ထံသို့ လျှောက်လာနေသည်ကို မြင်လိုက်ရ၏။</p> <p>"ကျန်းရိုကို ခင်ဗျားတို့ ပြန်လွှတ်ပေးလိုက်ပြီလား..." နိုင်းယွမ် မေးလိုက်ပေသည်။</p> <p>"အင်း... ကျန်းမိသားစုက လူတစ်ယောက်ကို သူ့ကို ခေါ်သွားခိုင်းလိုက်ပြီ... အဲဒီ နာမည်ကြီး ပုဂ္ဂိုလ်တွေကလည်း ဝိညာဉ်ကျောက်တုံးတွေ ပို့လိုက်တယ်... စုစုပေါင်း အလယ်အဆင့် ဝိညာဉ်ကျောက်တုံး ၁၂,၀၀၀ နဲ့ အဆင့်နိမ့် ဝိညာဉ်ကျောက်တုံး နှစ်သိန်းပဲ..." ရီချန်က လက်ကို တစ်ချက် ဝှေ့ယမ်းလိုက်ရာ မြေပြင်ပေါ်တွင် အလင်းရောင်များ တလက်လက် တောက်ပနေသော အလယ်အဆင့်နှင့် အဆင့်နိမ့် ဝိညာဉ်ကျောက်တုံး အပုံလိုက်ကြီး ပေါ်လာတော့၏။</p> <p>"မဆိုးဘူး... ဒီကောင်တွေက တကယ်ကို စကားနားထောင်တာပဲ..." နိုင်းယွမ် ရယ်မောလိုက်ပြီး ပစ္စည်းများကို ကောက်ယူကာ သူ၏ သိုလှောင်ဒန်တျန်ထဲသို့ ထည့်သွင်းလိုက်သည်။</p> <p>ထိုအရာများကို သူ၏ ကိုယ်ပိုင် နည်းလမ်းများဖြင့် ရရှိခဲ့ခြင်း ဖြစ်သောကြောင့် ယင်းတို့ကို ရီမိသားစုအတွက် ချန်ထားရန် မလိုအပ်ချေ။ အရင်က သူတို့ဆီမှ အဆင့်နိမ့် ဝိညာဉ်ကျောက်တုံး ငါးသိန်းကို အသုံးပြုခဲ့သော်လည်း သူက တန်ဖိုးသင့်တော်သည့် ကျင့်စဉ်ကို ပြန်လည် ပေးအပ်ခဲ့သောကြောင့် သူတို့ ကျေသွားပြီ ဖြစ်၏။</p> <p>"ကျန်းမိသားစုက ပစ္စည်းတွေကို စကားနားထောင်ပြီး ပေးလာတယ်ဆိုပေမယ့် သူတို့က သေချာပေါက် ကျေနပ်နေမှာ မဟုတ်ဘူး... ကြည့်ရတာ ဒီည သူတို့က ပညာရှင်တွေကို ဖိတ်ခေါ်ဖို့ ယွမ်ရှင်းဂိုဏ်းဆီ သွားကြလိမ့်မယ်... ပြီးတော့ နောက်အကျဆုံး မနက်ဖြန် နေ့လယ်လောက် ဒါမှမဟုတ် အစောဆုံး မနက်ဖြန် မနက်လောက်ဆို ကျုပ်တို့ကို ပြဿနာ လာရှာကြလိမ့်မယ်... ဒါကြောင့် ခင်ဗျားက ရီမိသားစုဝင် အားလုံးကို ချက်ချင်း လူစုခွဲပြီး ခဏလောက် ပုန်းအောင်းနေဖို့ နေရာတစ်ခု ရှာခိုင်းလိုက်ပါ... ဒီည ကျုပ်တို့ ချီသခင် ရဲ့ ရတနာကို သွားရှာကြမယ်... ရတနာကို ရသွားပြီဆိုရင် သူတို့က မသေခြင်း အထွတ်အထိပ်အဆင့် ပညာရှင် တစ်ယောက်ကို ခေါ်လာရင်တောင် ပြဿနာ မရှိနိုင်တော့ဘူး..."</p> <p>နိုင်းယွမ် ပြောလိုက်သည်။</p> <p>"မိသားစုဝင်တွေကို လူစုခွဲပြီး ညတွင်းချင်း ချီသခင် ရဲ့ ရတနာကို သွားရှာမယ် ဟုတ်လား... မဆိုးဘူး... ဒါက တကယ်ကို အကြံကောင်းပဲ..."</p> <p>လူငယ်လေး၏ အစီအစဉ်ကို ကြားသောအခါ ရီချန်၏ မျက်လုံးများ လင်းလက်သွားပေသည်။</p> <p>"အဖေ... တကယ်လို့ သမီးတို့က ဒီလို ထွက်သွားမယ်ဆိုရင် သူတို့က သမီးတို့ မိသားစုအပေါ် အငြိုးတကြီးနဲ့ လက်စားချေကြလိမ့်မယ်... တခြားလူတွေ ပုန်းနေရင်တောင်မှ အကြာကြီး ပုန်းနေနိုင်မှာ မဟုတ်ဘူး..."</p> <p>ရီချင်းက စိုးရိမ်တကြီး ကြည့်ကာ ပြောလိုက်၏။</p> <p>"ဟဲဟဲ..." မိန်းကလေး၏ အပြစ်ကင်းစင်သော စကားများကို ကြားသောအခါ နိုင်းယွမ် ရယ်မောလိုက်သည်။</p> <p>ရီချန်သည်လည်း မနေနိုင်ဘဲ ကျယ်လောင်စွာ အော်ရယ်လိုက်၏။ "ချင်းအာ... ကြည့်ရတာ သမီး နားမလည်သေးဘူး ထင်တယ်... အဖေတို့က ညတွင်းချင်း မိသားစုဝင်တွေကို လူစုခွဲပြီး တိုက်ရိုက် ထွက်သွားမယ်ဆိုရင် ကျန်းဖုန်း နဲ့ တခြားလူတွေက အဖေတို့ ချီသခင် ရဲ့ ရတနာကို သွားရှာတယ်ဆိုတာ သေချာပေါက် သိသွားလိမ့်မယ်... အဲဒီအခါကျရင် အလွယ်တကူ အမြစ်ပြတ် သုတ်သင်လို့ရတဲ့ မိသားစုဝင် တချို့ကို သူတို့က ဘယ်လိုလုပ် အချိန်ကုန်ခံပြီး ရှင်းလင်းနေမှာလဲ... သူတို့က အဖေတို့နောက်ကို ချက်ချင်း လိုက်လာမှာ သေချာတယ်... သူတို့ အဖေတို့ကို မှီလာပြီး မီးတောင်ထဲ ဝင်လာပြီဆိုရင် မီးလျှံသခင် တစ်ယောက်အနေနဲ့ မီးတောက်တွေရဲ့ အကူအညီနဲ့ သူတို့ရဲ့ အသက်က သမီးလက်ထဲ ရောက်သွားပြီ မဟုတ်ဘူးလား..."</p> <p>"အင်း... ဟုတ်တာပဲ..." ဖခင်ဖြစ်သူ၏ ရှင်းပြချက်ကို ကြားသောအခါ ရီချင်း၏ မျက်လုံးများ လင်းလက်သွားပြီး နိုင်းယွမ်ကို အားကျသော အကြည့်များဖြင့် နောက်တစ်ကြိမ် ကြည့်လိုက်ပေသည်။</p> <p>သူမ၏ ရှေ့မှ လူငယ်လေးက သူမနှင့် အသက်အရွယ်တူခန့်သာ ရှိသေးသော်လည်း စွမ်းအားကြီးမားရုံသာမက အလွန်လည်း ဉာဏ်ကောင်းလှ၏။ အကယ်၍ သူသာ... </p> <p>ရုတ်တရက် မိန်းကလေးမှာ တစ်စုံတစ်ရာကို တွေးမိသွားသကဲ့သို့ မျက်နှာလေး နီရဲသွားတော့သည်။</p> <p>"ဒီလို ဆုံးဖြတ်လိုက်ပြီဆိုမှတော့ ငါ အခုချက်ချင်း သွားပြင်ဆင်လိုက်မယ်... ပြီးရင် ခဏနေ ငါတို့ ထွက်သွားကြတာပေါ့..." သမီးဖြစ်သူ၏ အမူအရာကို မြင်သောအခါ ရီချန် နားလည်သဘောပေါက်စွာဖြင့် ပြုံးလိုက်ပြီး ရယ်မောကာ လှည့်၍ အပြင်သို့ ထွက်သွားတော့၏။</p> <p>သူ ထွက်သွားသည်နှင့် တစ်ပြိုင်နက် အခန်းထဲတွင် နိုင်းယွမ်နှင့် ရီချင်း တို့သာ ကျန်ရစ်ခဲ့ပေသည်။</p> <p>"ဟဲဟဲ... ကျုပ် ဒီမှာ ခဏလောက် ကျင့်ကြံလိုက်ဦးမယ်... သခင်မလေး ရီချင်း... ကျေးဇူးပြုပြီး ကိုယ့်အိမ်လို သဘောထားပြီး နေပါ..." လေထုမှာ အနည်းငယ် ကသိကအောက် ဖြစ်နေသောကြောင့် နိုင်းယွမ် ခပ်ဖျော့ဖျော့ ပြုံးလိုက်ပြီး မြေပြင်ပေါ်တွင် ထိုင်ကာ ကျင့်ကြံလိုက်တော့၏။</p> <p>"ရှင်..." လူငယ်လေးက ကျင့်ကြံရန် ထိုင်ချလိုက်ပြီး သူမနှင့် စကားပြောရန်ပင် စိတ်ကူးမရှိပုံရသည်ကို မြင်သောအခါ သူမ၏ လှပသော မျက်နှာလေးမှာ ဖြူရော်သွားပြီး ခြေဆောင့်လိုက်၏။</p> <p>သူမသည် ရုပ်ရည်ချောမောလှပမှုဖြင့် ကောင်းချီးပေးခံထားရပြီး ရောင်းရို မြို့တွင် သူမကို ပိုးပန်းနေသူ အများအပြား ရှိသော်လည်း သူမက သူတို့ကို တစ်ချက်လေးပင် လှည့်မကြည့်ခဲ့ချေ။ </p> <p>‘သူကျ ငါ့ကို တစ်ချက်လေးတောင် လှည့်မကြည့်ဘူး... ဘာတွေများ အဲဒီလောက် မောက်မာနေရတာလဲ... အင်း... သေချာတာပေါ့... သူက မောက်မာပိုင်ခွင့် ရှိပါတယ်... သူက အရမ်း စွမ်းအားကြီးတာကိုး...’ </p> <p>သူမ၏ မျက်နှာအမူအရာမှာ မသေချာမရေရာ ဖြစ်နေပြီး တစ်ဖက်လူ ဘာတွေးနေမှန်း ရီချင်း မသိသဖြင့်  မျက်လုံးလေးများ အနည်းငယ် နီရဲလာ၏။</p> <p>.........</p> <p>လေစီးကြောင်းက မိုးကောင်းကင်ယံကို ထိုးဖောက်သွားပြီး လေထဲတွင် သွေးရောင်လွှမ်းနေသော အရိပ်တစ်ခု ကျန်ရစ်ခဲ့ပေသည်။</p> <p>"ဒီချင်းထျန်းယာဥ်ပျံက ငါတို့ ရီမိသားစုရဲ့ ဘိုးဘေး မတော်တဆ ရရှိခဲ့တဲ့ ရတနာတစ်ခုပဲ... သူက ထူးခြားတဲ့ သွေးမိစ္ဆာ အငွေ့အသက် တစ်ခုကို ထုတ်လွှတ်ပေးနိုင်ပြီး အဲဒါက မိစ္ဆာသားရဲတွေနဲ့ မကောင်းဆိုးဝါးတွေကို ပုန်းအောင်းသွားပြီး မတိုက်ခိုက်ရဲအောင် လုပ်ပေးနိုင်တယ်... ဒါက တောရိုင်းထဲမှာ ပျံသန်းဖို့အတွက် အရမ်း ကောင်းတဲ့ ရတနာတစ်ခုပဲ... ဒါပေမဲ့ သူက ယွမ်ရှန်းအဆင့် ရဲ့ မှော်စွမ်းအင်နဲ့မှ အသက်သွင်းလို့ ရတာ... အဲဒီလိုမှ မဟုတ်ရင် ချင်းအာက ဒါကို အသုံးပြုတုန်းက ဒီလောက် အန္တရာယ်အများကြီးနဲ့ ကြုံတွေ့ခဲ့ရမှာ မဟုတ်ဘူး..."</p> <p>နိုင်းယွမ်တို့ သုံးယောက် ကျယ်ဝန်းသော အခန်းတစ်ခုထဲတွင် ထိုင်ကာ ဝိုင်သောက်နေကြပြီး ရီချန်က ပြုံးလျက် ပြောလိုက်ပေသည်။</p> <p>နိုင်းယွမ်၏ အကြံပေးချက်ကို ကြားပြီးနောက် ရီချန်လည်း ညွှန်ကြားထားသည့်အတိုင်း အရာအားလုံးကို ချက်ချင်း စီစဉ်ခဲ့၏။ နာရီဝက်ပင် မပြည့်မီ အချိန်အတွင်း သူတို့ သုံးယောက် ချင်းထျန်းယာဥ်ပျံ ပေါ်သို့ တက်ကာ ပျံသန်းထွက်လာခဲ့ကြပေသည်။</p> <p>တောရိုင်းထဲတွင် လူတစ်ယောက်၏ စွမ်းအားက အဆင့်တစ်ခုအထိ မရောက်ရှိသေးပါက ယေဘုယျအားဖြင့် ပျံသန်းရန် မဝံ့ရဲကြချေ။ မည်သို့ပင်ဆိုစေကာမူ ဤဒေသတွင် ပျံသန်းနိုင်သော မိစ္ဆာသားရဲများ အလွန် များပြားလွန်းလှပြီး ဝိုင်းရံခံလိုက်ရသည်နှင့် တစ်ပြိုင်နက် လူတစ်ယောက်သည် သူ မည်သို့ သေဆုံးသွားမှန်းပင် သိလိုက်ရမည် မဟုတ်ပေ။ သို့သော်လည်း ချွင်းချက်များတော့ ရှိ၏။</p> <p>ထိုသည်မှာ အထူး ပျံသန်းခြင်း ဝိညာဉ်ရတနာ တစ်ခု ဖြစ်ပေသည်။</p> <p>ထိုပျံသန်းခြင်း ဝိညာဥ်ရတနာများက ခုခံခြင်းနှင့် တိုက်ခိုက်ခြင်း ဝင်္ကပါ အများအပြားဖြင့် ဝိုင်းရံထားပေသည်။ စွမ်းအား နိမ့်ကျသူများပင်လျှင် ယင်းတို့ကို စီးနင်းကာ ပျံသန်းနိုင်သော ဘီလူးများနှင့် ကြုံတွေ့ရမည်ကို မကြောက်ရွံ့ဘဲ ခရီးဝေး ပျံသန်းနိုင်ကြ၏။</p> <p>ပျံသန်းခြင်း ဝိညာဥ်ရတနာများက အလွန် ရှားပါးလှပြီး စွမ်းအားကြီးမားသော အင်အားစု အများအပြားတွင်ပင် တစ်ခု ရှိချင်မှ ရှိမည် ဖြစ်ပေသည်။ ရီချန်တွင် ထိုအရာတစ်ခု ရှိနေလိမ့်မည်ဟု နိုင်းယွမ် ဘယ်တုန်းကမှ မမျှော်လင့်ထားခဲ့ချေ။</p> <p>ပျံသန်းခြင်း ဝိညာဥ်ရတနာ အတွင်းတွင် ထိုင်နေစဉ် တကယ့် မောင်းနှင်အားမှာ ဝိညာဉ်ကျောက်တုံးများ ဖြစ်ပြီး လမ်းကြောင်း ပြောင်းလဲသည့်အခါ သို့မဟုတ် တိုက်ခိုက်ခြင်းတွင် ပါဝင်သည့်အခါမှသာ မှော်စွမ်းအင်ကို ထိန်းသိမ်းထားရန် လိုအပ်ပေသည်။</p> <p>"ဒီချင်းထျန်းယာဥ်ပျံက တကယ်ကို ရှားပါးတဲ့ ရတနာတစ်ခုပဲ... ဒါက ခင်ဗျားတို့ ရီမိသားစုရဲ့ လျှို့ဝှက် ဝှက်ဖဲများ ဖြစ်နေမလား..."</p> <p>ရီမိသားစုတွင် လျှို့ဝှက် ဝှက်ဖဲတစ်ခု ရှိနေကြောင်း သူ ကြားဖူးပေသည်။ ထိုသို့သာ မဟုတ်လျှင် ယွမ်ရှန်းအထွတ်အထိပ် အဆင့်တွင် ရှိနေသော ရီချန်ဖြင့် သူတို့အားလုံး ကျန်းမိသားစု၏ အမြစ်ပြတ် သုတ်သင်ခြင်းကို ကြာမြင့်စွာကတည်းက ခံခဲ့ရလောက်ပြီ ဖြစ်၏။</p> <p>"အင်း... ညီလေး... မင်းက တကယ်ကို မျက်စိလျင်တာပဲ... ဒါက ငါတို့ ရီမိသားစုရဲ့ ဝှက်ဖဲပဲ... အဲဒီတုန်းက ငါတို့ရဲ့ မသေခြင်း အထွတ်အထိပ်အဆင့် ဘိုးဘေး ရခဲ့တာ... သူ့ထဲမှာ ဝိညာဉ်ကျောက်တုံး ထောင်ပေါင်းများစွာ ပါဝင်တဲ့ အဓိက အစိတ်အပိုင်း တစ်ခု ရှိတယ်... တကယ်လို့ သူ့ကို စွမ်းအားအပြည့်နဲ့ တိုက်ခိုက်ဖို့ အသုံးပြုမယ်ဆိုရင် အလယ်အလတ် မသေခြင်းအဆင့် ပညာရှင် တစ်ယောက်ကို အလွယ်တကူ အမြစ်ပြတ် သုတ်သင်ပစ်နိုင်တယ်... ဒါကြောင့်မို့လို့ ကျန်းမိသားစုက ချီသခင် ရဲ့ ရတနာကို အရမ်း ရချင်နေပေမယ့် ငါတို့ အားလုံး အတူတူ သေဆုံးသွားမှာကို စိုးရိမ်လို့ သူတို့က လူသိရှင်ကြား လှုပ်ရှားဖို့ ဘယ်တော့မှ မဝံ့ရဲခဲ့တာပဲ..."</p> <p>ရီချန်မျက်နှာပေါ်တွင် ဂုဏ်ယူဝင့်ကြွားသော အမူအရာဖြင့် ပြောလိုက်ပေသည်။</p> <p>"သြော်..." နိုင်းယွမ် ခေါင်းညိတ်လိုက်ပြီး ဝိညာဉ်စွမ်းအားဖြင့် ချင်းထျန်းယာဥ်ပျံကို တစ်ချက် ဆန်းစစ်ကြည့်ကာ ခေါင်းညိတ်လိုက်၏။</p> <p>ထိုချင်းထျန်းယာဥ်ပျံက သူ၏ ကျိဟွာလှိုဏ်ဂူကဲ့သို့ပင် ခန္ဓာကိုယ်ထဲသို့ ပေါင်းစပ်ထည့်သွင်းနိုင်ပေသည်။ ကြည့်ရသည်မှာ အစောပိုင်းက တစ်ဖက်လူ လက်တစ်ချက် ဝှေ့ယမ်းကာ ထုတ်ယူလိုက်သော ဝိညာဉ်ကျောက်တုံးများသည် ဒန်တျန်ထဲတွင် သိုလှောင်ထားခြင်း မဟုတ်ဘဲ ထိုအရာထဲတွင် သိုလှောင်ထားခြင်း ဖြစ်ပုံရ၏။</p> <p>သိုလှောင်ဒန်တျန်က အဆင့်နိမ့်သည် ဆိုလျှင်ပင် ယင်းက အထူး ပါရမီတစ်ခု ဖြစ်ပေသည်။ သားအဖနှစ်ယောက်လုံးတွင် တစ်ခုစီ ရှိနေရန်မှာ မဖြစ်နိုင်ချေ။</p> <p>"ချီသခင် ရဲ့ ရတနာက ရှေ့က နဂါးမီးတောင်တန်းမှာ ရှိတယ်... ဒီကနေဆိုရင် သုံးရက်လောက် ခရီးသွားရမယ်... ငါတို့ သောက်ရင်းနဲ့ ဆက်သွားကြတာပေါ့..."</p> <p>ရီချန် ဝိုင်ခွက်ကို ကောက်ကိုင်လိုက်ပြီး ပြုံးလျက် ပြောလိုက်ပေသည်။</p> <p>"ကောင်းပြီလေ..." နိုင်းယွမ် မိဘများလည်း ရှေ့သို့ ဦးတည်သွားနေကြောင်း အာရုံခံမိသဖြင့် သူ ရှေ့သို့ ဆက်သွားမည် ဆိုလျှင်တောင်မှ လမ်းလွဲသွားမည် မဟုတ်ချေ။ သူ ပြုံးကာ ခွက်ကို မြှောက်လိုက်၏။</p> <p>"ဒါနဲ့... စီနီယာ ရီချန်... ခင်ဗျားက အထူး ပါရမီတွေ အကြောင်း အများကြီး သိတယ်ဆိုတော့ ဝိညာဉ် ဆင့်ခေါ်သူတွေ အကြောင်းကိုရော ကြားဖူးလား..."</p> <p>ဝိုင် အကြိမ်အနည်းငယ် သောက်ပြီးနောက် နိုင်းယွမ် ရုတ်တရက် မေးခွန်းတစ်ခု မေးလိုက်သည်။</p> <p>သူ့အတွက် ယခုအချိန်တွင် အရေးအကြီးဆုံးအရာမှာ သူ မည်မျှ စွမ်းအားကြီးမားသနည်း ဆိုသည် မဟုတ်ဘဲ သူ၏ ညီဖြစ်သူကို မည်သို့ အသက်ပြန်ရှင်အောင် လုပ်ရမည်နည်း ဆိုသည်ပင် ဖြစ်၏။</p> <p>"ဝိညာဉ် ဆင့်ခေါ်သူ ဟုတ်လား... အထူး ပါရမီစွမ်းရည် ဝိညာဉ် ဆင့်ခေါ်သူ... ငါ ကြားဖူးပါတယ်... သူက ထိပ်တန်း ပါရမီ ဆယ်ခုထဲက တစ်ခု ဖြစ်ပုံရတယ်... မင်းက ဘာလို့ ဒါကို မေးနေတာလဲ..." ရီချန်ခဏမျှ စဉ်းစားလိုက်ပြီး မျက်နှာပေါ်တွင် သံသယများ ပြည့်နှက်သွားသည်။</p> <p>"ထိပ်တန်း ဆယ်ခု ဟုတ်လား..." နိုင်းယွမ် လက်သီးများကို တင်းတင်း ဆုပ်ထားလိုက်မိသည်။</p> <p>ထိပ်တန်း ပါရမီ ဆယ်ခုမှာ အလွန် ရှားပါးပြီး သူတို့ထဲမှ အများအပြားမှာ ရှေးခေတ်ကသာ ပေါ်ထွက်ခဲ့မှန်း ရီချန် အရင်က ပြောခဲ့ဖူးပေသည်။ အကယ်၍ ယင်းသာ အမှန်ဖြစ်ပါက သူ၏ ညီဖြစ်သူကို ကယ်တင်ရန် အခွင့်အရေး မရှိတော့ဘူးဟု ဆိုလိုခြင်း ဖြစ်နေမည်လား။</p> <p>"အင်း... သူက ချီသခင်ထက်တောင် အဆင့်ပိုမြင့်ပုံရတယ်... အဲဒါက ရှေးခေတ်က ယဇ်ပုရောဟိတ်ချုပ်တွေသာ ပိုင်ဆိုင်တဲ့ ထူးခြားတဲ့ ပါရမီ စွမ်းရည်တစ်ခုပဲ... သူတို့က အများအားဖြင့် အဆင့် ခုနစ် ဒါမှမဟုတ် ရှစ် နေရာမှာ ရှိတတ်ပြီး အရမ်း ရှားပါးတယ်..."</p> <p>ရီချန် ခေါင်းခါယမ်းလိုက်ပေသည်။ သူ ဝိညာဉ် ဆင့်ခေါ်သူများ အကြောင်းကို အများကြီး မသိဘဲ ယေဘုယျ သဘောတရားလောက်ကိုသာ သိထားခြင်း ဖြစ်၏။</p> <p>"ဒီပါရမီက ဘယ်နေရာမှာ ပေါ်ထွက်ခဲ့ဖူးလဲဆိုတာ ခင်ဗျား သိလား..." နိုင်းယွမ်က လက်လျှော့ရန် ဆန္ဒမရှိသေးဘဲ ဆက်မေးလိုက်သည်။</p> <p>"ငါ မသိဘူး... ငါတို့ ရီမိသားစုက ရောင်းရို မြို့က အင်အားစုငယ်လေး တစ်ခုပဲလေ... မျောလွင့် ကုန်းမြေတိုက်ကြီးနဲ့ ယှဉ်ရင် သမုဒ္ဒရာထဲက ရေတစ်စက်လိုပါပဲ... ဒါပေမဲ့ ယွမ်ရှင်းဂိုဏ်းရဲ့ စာကြည့်တိုက်ထဲမှာ ထူးခြားတဲ့ နက္ခတ်ဗေဒင် ပါရမီတွေနဲ့ ပတ်သက်တဲ့ မှတ်တမ်းတချို့ ရှိနေပုံရတယ်... အဲဒီထဲမှာ သဲလွန်စ တချို့ ရှိလောက်ပါတယ်..."</p> <p>ရီချန်ပြုံးလျက် ပြောလိုက်၏။</p> <p>"ယွမ်ရှင်းဂိုဏ်းရဲ့ စာကြည့်တိုက် ဟုတ်လား... အချိန်ရရင် ငါ အဲဒီကို သေချာပေါက် သွားစစ်ဆေးကြည့်မယ်..." နိုင်းယွမ် စိတ်ထဲတွင် တွေးလိုက်ပြီး ခေါင်းညိတ်လိုက်သည်။</p> <p>သူတို့ စကားများများစားစား မပြောတော့ဘဲ ခရီး ဆက်နှင်လိုက်ကြ၏။ ကျန်းမိသားစု အနေဖြင့်မူ ရီမိသားစုက ထိုညနေတွင်ပင် ထွက်သွားခဲ့ကြောင်း သူတို့ သိသွားကြပေသည်။ အကြီးအကဲ ထိုက်ယွမ်နှင့် ကျန်းဖုန်းတို့ ချက်ချင်း နောက်သို့ လိုက်သွားကြ၏။ နောက်တစ်နေ့ နေ့လယ်တွင် သူတို့ အပြေးအလွှား ရောက်လာသော အကြီးအကဲ ယွမ်ဟန်နှင့် ဆုံတွေ့သွားကြသည်။</p> <p>အကြီးအကဲ ယွမ်ဟန် ကိုယ်တိုင်မှာ အလွန် စွမ်းအားကြီးမားလှ၏။ သူ့တွင် ဒဏ္ဍာရီလာ ပျံသန်းခြင်း ဝိညာဥ်ရတနာ မရှိသော်လည်း သူက မသေခြင်းအထွတ်အထိပ် အဆင့်သို့ ရောက်ရှိနေပြီ ဖြစ်ပေသည်။ တောရိုင်းထဲတွင် ပျံသန်းရာတွင် မည်သည့် မိစ္ဆာသားရဲကမှ သူ့ကို ထိခိုက်အောင် မလုပ်နိုင်ချေ။ ထို့ကြောင့် သူတို့အဖွဲ့၏ အမြန်နှုန်းမှာ မနှေးကွေးခဲ့ပေ။</p> <p> </p> <p> </p> <p style="text-align: center;">အခန်း ၄၁၄ ပြီး</p> <p style="text-align: center;">***</p>


Save