Book List

<h2 style="text-align: center;">အခန်း - ၄၁၅</h2> <h2 style="text-align: center;">( ခင်ဗျားဟာက အလုပ်မဖြစ်ဘူး )</h2> <h2 style="text-align: center;">*</h2> <p> </p> <p> </p> <p>"ဒါက နဂါးမီးတောင်တန်းပဲ... ရှေးခေတ်က မိုးကောင်းကင်ယံကနေ ကျဆင်းလာတဲ့ မီးနဂါး တစ်ကောင်ကနေ ဖြစ်ပေါ်လာတယ်လို့ ဆိုကြတယ်... ဒီနေရာက အရမ်း ပူပြင်းပြီး မိုင်ပေါင်း နှစ်သောင်းကျော် ပတ်လည်မှာ ဘယ်သက်ရှိမှ မရှိဘူး..."</p> <p>ပျံသန်းမှု တတိယမြောက်နေ့တွင် နိုင်းယွမ် ပြင်းထန်သော အပူလှိုင်းများကို အမှန်တကယ် ခံစားလိုက်ရပေသည်။ ချင်းထျန်းယာဥ်ပျံမှတစ်ဆင့် အောက်သို့ ငုံ့ကြည့်လိုက်သောအခါ မြေပြင်ပေါ်တွင် လဲလျောင်းနေသော ဧရာမ နဂါးကြီးတစ်ကောင်ကဲ့သို့ ကွေ့ကောက်နေသည့် ကီလိုမီတာ သောင်းနှင့်ချီ၍ ရှည်လျားသော ခမ်းနားလှသည့် တောင်တန်းကြီး တစ်ခုကို မြင်လိုက်ရ၏။</p> <p>ထိုဧရာမ နဂါးကြီးက တစ်ကိုယ်လုံး မီးတောက်များကဲ့သို့ နီရဲနေပြီး မိုင်ပေါင်း နှစ်သောင်း ပတ်လည်တွင် သက်ရှိများ မဆိုထားနှင့်၊ သစ်ပင်ပန်းမန် တစ်ပင်မျှပင် မရှိချေ။ အဝေးမှ ကြည့်လျှင် လူသူကင်းမဲ့သော လွင်တီးခေါင်ကြီး တစ်ခုကဲ့သို့ ဖြစ်နေပေသည်။</p> <p>"ဒါက မီးနဂါး မဟုတ်ပါဘူး... မြေအောက် ချော်ရည်တွေ စုပုံနေတဲ့ နေရာတစ်ခုပဲ... အောက်က ချော်ရည်တွေ ပေါက်ကွဲထွက်လာတာပါ..."</p> <p>ခဏမျှ ကြည့်ပြီးနောက် နိုင်းယွမ်က ပြုံးလျက် ပြောလိုက်ပေသည်။</p> <p>ကုန်းမြေတိုက်ကြီးပေါ်တွင် နဂါးများ၏ မျိုးဆက်များစွာ ရှိသော်လည်း တကယ့် နဂါးစစ်စစ်ကို မည်သူမျှ မမြင်ဖူးကြချေ။ ထိုမီးတောင်ကို နဂါးတစ်ကောင်ဟု ပြောခြင်းက ပို၍ပင် လက်တွေ့မကျလှပေ။ တကယ်တမ်းတွင် ယင်းက မြေအောက် ချော်ရည်များ၏ ထွက်ပေါက်တစ်ခုသာ ဖြစ်ပြီး တောင်တန်းကြီး တစ်ခုလုံးမှာ ချော်ရည်များ ပေါက်ကွဲထွက်လာခြင်းမှ ဖြစ်ပေါ်လာခြင်း ဖြစ်၏။</p> <p>မျောလွင့်ကုန်းမြေတိုက်ကြီး၏ အောက်တွင် အချို့နေရာများမှာ သမုဒ္ဒရာများ ဖြစ်ပြီး အချို့နေရာများမှာ ချော်ရည်များ ဖြစ်ကာ အချို့နေရာများမှာ အဆုံးအစမရှိသော အအေးလှိုင်းများဖြင့် ပြည့်နှက်နေသည့် ငရဲဘုံကဲ့သို့ ဖြစ်နေပေသည်။ အချုပ်အားဖြင့်ဆိုရသော် မျက်နှာပြင်မှာ ချောမွေ့ပြန့်ပြူးနေပုံရသော်လည်း မြေအောက်မှာမူ လုံးဝ ကွဲပြားခြားနားလှ၏။ လုံလောက်သော စွမ်းအား မရှိဘဲ ယင်းထဲသို့ ဝင်ရောက်သွားခြင်းက သေချာပေါက် သေဆုံးရန်သာ ရှိပေလိမ့်မည်။</p> <p>ယခင်ဘဝက အထွတ်အထိပ်အဆင့် ပညာရှင် တစ်ယောက်ဖြစ်ခဲ့သော နိုင်းယွမ်ပင်လျှင် မြေအောက်သို့ မဆင်မခြင် မဝင်ရောက်ရဲချေ။ ထိုသည်က ယင်းမီးချော်ရည်များ မည်မျှ ကြောက်မက်ဖွယ် ကောင်းကြောင်းကို ပြသနေပေသည်။</p> <p>"ချီသခင် ချန်ထားရစ်ခဲ့တဲ့ ရတနာက အဲဒီမှာပဲ..."</p> <p>ချင်းထျန်းယာဥ်ပျံက လေထဲတွင် နောက်ထပ် နေ့တစ်ဝက်ခန့် ပျံသန်းပြီးနောက် ရုတ်တရက် ရပ်တန့်သွားသည်။ ရီချန်က ရှေ့တည့်တည့်သို့ လက်ညှိုးထိုးပြလိုက်၏။</p> <p>သူ လက်ညှိုးထိုးပြရာ လမ်းကြောင်းသို့ ကြည့်လိုက်သောအခါ သူတို့၏ ရှေ့တည့်တည့်တွင် ဧရာမ မီးတောင်ဝကြီး တစ်ခုကို မြင်တွေ့လိုက်ရပြီး အတွင်းတွင် ရွှေရောင် ချော်ရည်များ အဆက်မပြတ် လှိုင်းထန်နေကာ ပူပြင်းလှသော လေလှိုင်းများ အဆက်မပြတ် ပန်းထွက်နေသဖြင့် ပျံသန်းရသည်မှာ မတည်မငြိမ် ဖြစ်နေပေသည်။</p> <p>"ဒီမှာလား..."</p> <p>ထိုမျှ ပူပြင်းလှသော ချော်ရည်ကွင်းပြင်ကြီးကို မြင်သောအခါ မီးလျှံသခင် တစ်ယောက်ဖြစ်သော နိုင်းယွမ်ပင်လျှင် ကျောချမ်းသွားသလို ခံစားလိုက်ရပေသည်။ ထိုမျှ ပြင်းထန်သော အပူရှိန်ဖြင့် ယွမ်ရှန်းအဆင့် ပညာရှင် တစ်ယောက်ကို မဆိုထားနှင့်၊ မသေခြင်းအဆင့် ပညာရှင် တစ်ယောက်ပင်လျှင် အထဲသို့ ဝင်သွားပါက အရှင်လတ်လတ် အကင်ခံရမည်မှာ သေချာလှ၏။</p> <p>"ဟုတ်တယ်... ဒီချော်ရည် ကျောက်တုံးတွေရဲ့ အောက်ဘက် မီတာ နှစ်သောင်းလောက် အနက်မှာ ရှိတာ... တကယ်လို့ ငါတို့ အထဲဝင်ချင်တယ်ဆိုရင် ချင်းအာ ရဲ့ မီးလျှံစွမ်းအားကိုပဲ အားကိုးလို့ ရမယ်... ဒါပေမဲ့ ချင်းအာ ရဲ့ စုဆောင်းထားတဲ့ မှော်စွမ်းအင်က အရမ်း အားနည်းလွန်းတယ်... သူက လူတစ်ယောက်ကိုတော့ အောက်ခေါ်သွားနိုင်ပေမယ့် နှစ်ယောက်ဆိုရင်တော့ နည်းနည်း အန္တရာယ်များလိမ့်မယ်... ညီလေး... မင်းရဲ့ အစစ်အမှန်ချီက ပေါများတယ်... ခဏနေ သူ စွမ်းအားတွေ ကုန်ခမ်းသွားတာကို မြင်ရင် ကျေးဇူးပြုပြီး ကူညီပေးပါဦး..."</p> <p>ရီချန်က ပြုံးလျက် ပြောလိုက်ပေသည်။</p> <p>"ဒါက လွယ်ပါတယ်..." နိုင်းယွမ် ခေါင်းညိတ်လိုက်၏။ "ဒါပေမဲ့ ကျုပ်တို့ အောက်မဆင်းခင်မှာ အနောက်က လိုက်လာတဲ့ အမြီးမြောက်ကောင်တွေကို အရင် ရှင်းပစ်ရမယ်... အဲဒီလိုမှ မဟုတ်ရင် သူတို့က ဒီနေရာမှာ စောင့်နေပြီး ကျုပ်တို့ ထွက်လာတဲ့အခါ အလစ်အငိုက် တိုက်ခိုက်မယ်ဆိုရင် ပြဿနာ တက်လိမ့်မယ်..."</p> <p>ကျန်းဖုန်း နှင့် အခြားသူများ အနောက်မှ ကပ်လျက် လိုက်လာနေသည်ကို နိုင်းယွမ် သူ၏ ကောင်းကင်မျက်လုံးသခင်ဖြင့် မြင်တွေ့ထားသော်လည်း သူတို့မှာ အဝေးတွင် ရှိနေသေးသောကြောင့် စိုးရိမ်ပူပန်နေရန် မလိုအပ်ချေ။</p> <p>"အမြီးမြောက်ကောင်တွေ ဟုတ်လား... ဒါဆို ငါတို့ ဘာလုပ်ကြမလဲ..." လူငယ်လေး၏ ယုံကြည်မှု ရှိသော စကားများကို ကြားသောအခါ ရီချန်၏ မျက်နှာပေါ်တွင် နားမလည်နိုင်သော အမူအရာများ ပေါ်လာပေသည်။ "တကယ်လို့ သူတို့က အကူအညီ ရလာခဲ့တယ်ဆိုရင် ငါတို့ သူတို့ကို ယှဉ်နိုင်မှာ မဟုတ်ဘူး..."</p> <p>"သူတို့က အကူအညီ ခေါ်လာခဲ့တာ သေချာတယ်... ကြည့်ရတာ မသေခြင်း အထွတ်အထိပ်အဆင့် စွမ်းအား ရှိပုံရတယ်..." နိုင်းယွမ် ပြုံးလိုက်၏။</p> <p>"မသေခြင်း အထွတ်အထိပ်အဆင့် ဟုတ်လား..." ရီချန်နှင့် ရီချင်း တို့ အံ့အားသင့်သွားကြပေသည်။</p> <p>ဖန်ဆင်းခြင်းအဆင့်၏ တတိယအဆင့်ဖြစ်သော မသေခြင်းအဆင့် သို့ ရောက်ရှိပြီးနောက် အဆင့်များကြားရှိ ကွာဟချက်မှာ ပို၍ပို၍ ကြီးမားလာပေသည်။ အစောပိုင်းအဆင့်နှင့် အလယ်အဆင့်ကြားတွင်ပင် မိုးကောင်းကင်နှင့် မြေကြီးကဲ့သို့ ကွာခြားလှ၏။ အစောပိုင်းအဆင့်နှင့် မသေခြင်း အထွတ်အထိပ်အဆင့် ကြားတွင် အဆင့်ငယ် သုံးဆင့်သာ ကွာဟသော်လည်း သိုင်းစွမ်းရည်မှာ ဆယ်ဆကျော် ပိုမို ကြီးမားပေသည်။</p> <p>ရီချန်အနေဖြင့် မသေခြင်း အစောပိုင်းအဆင့် ပညာရှင် နောက်ထပ် နှစ်ယောက် ရောက်လာလျှင်တောင်မှ ချင်းထျန်းယာဥ်ပျံကို အသုံးပြု၍ သူတို့ကို ရင်ဆိုင်နိုင်သော်လည်း မသေခြင်း အထွတ်အထိပ်အဆင့် ပညာရှင်များကိုမူ သူ ဘာမှ လုပ်နိုင်စွမ်း ရှိမည် မဟုတ်ချေ။</p> <p>သေချာသည်မှာ မသေခြင်း အထွတ်အထိပ်အဆင့် သို့ ရောက်ရှိနေသူများ ကြားတွင်လည်း အားနည်းသူနှင့် အားကြီးသူ ရှိပေသည်။ အကယ်၍ သူတို့က ယခုမှ အထွတ်အထိပ်အဆင့်သို့ ရောက်ရှိလာခြင်း ဖြစ်ပါက ပြဿနာ မရှိလှချေ။ သို့သော် အကယ်၍ သူတို့က ဖန်ဆင်းခြင်း စတုတ္ထအဆင့်သို့ ခြေလှမ်းလှမ်းနေပြီ ဖြစ်သော အလွန် စွမ်းအားကြီးမားသူများ ဖြစ်နေပါက လူတစ်ရာ ရှိနေလျှင်တောင်မှ သူတို့၏ ပြိုင်ဘက် ဖြစ်လာမည် မဟုတ်ချေ။</p> <p>ဖန်ဆင်းခြင်း စတုတ္ထအဆင့်မှာ ပိုင်နက်အဆင့် ဖြစ်ပြီး နယ်မြေ သို့မဟုတ် ပိုင်နက်စွမ်းအားအဆင့် ဟုလည်း ခေါ်ဆိုကြပေသည်။ ယင်းက မိမိ၏ ပတ်လည်တွင် အထူး နယ်မြေတစ်ခုကို ဖွဲ့စည်းနိုင်စေပြီး ထိုပိုင်နက်အတွင်းတွင် သူက ပြိုင်ဘက်ကင်း ဖြစ်နေမည်ပင်။</p> <p>အောက်ဘက်ရှိ မီးတောင်ကဲ့သို့ပင် မြေကမ္ဘာ အူတိုင် အပူချိန် ပါဝင်သော ပူပြင်းလှသည့် ချော်ရည်များဖြင့် မီးလျှံသခင်၏ အရှိန်အဝါကို ပိုင်ဆိုင်ထားသော စွမ်းအားကြီးမားသည့် ကျင့်ကြံသူ တစ်ယောက် မဟုတ်ပါက မည်သူမဆို မသေခြင်း အထွတ်အထိပ်အဆင့်တွင် ရှိနေလျှင်တောင် အရှင်လတ်လတ် ကင်ခံရမည်မှာ သေချာလှ၏။ သို့သော် ပိုင်နက်အဆင့် ပညာရှင်များ အတွက်မူ ကွဲပြားခြားနားပေသည်။</p> <p>ပိုင်နက်ကို ဖွင့်လှစ်လိုက်သည်နှင့် တစ်ပြိုင်နက် မိမိ၏ ကိုယ်ပိုင်နယ်မြေ တစ်ခုကို ဖွဲ့စည်းလိုက်သကဲ့သို့ ဖြစ်သွားပြီး ထိုအပူချိန်ကို အပြင်ဘက်တွင် ကန့်သတ်ထားနိုင်ပေသည်။ ယင်းက မှော်စွမ်းအင် အများအပြား ကုန်ဆုံးမည် ဖြစ်သော်လည်း မိမိ၏ ကိုယ်ပိုင် ပိုင်နက်အတွင်းတွင် ဆောင်းရာသီကဲ့သို့ အေးစိမ့်နေအောင် ပြုလုပ်နိုင်၏။</p> <p>ထိုသည်က ပိုင်နက်၏ စွမ်းအားပင်။ သတ်မှတ်ထားသော အတိုင်းအတာ တစ်ခုအတွင်း အပြည့်အဝ ထိန်းချုပ်နိုင်စွမ်း ရှိပေသည်။</p> <p>"စိတ်မပူပါနဲ့... သူတို့က ဒီကနေ အနည်းဆုံး တစ်နာရီလောက် ဝေးသေးတယ်... ကျုပ်တို့ ကြီးမားတဲ့ ဝင်္ကပါ တစ်ခုကို တည်ဆောက်ပြီး သစ်ငုတ်တိုမှာ ပိတ်မိနေတဲ့ ယုန် ဒါမှမဟုတ် အိုးထဲက လိပ်တစ်ကောင်လို သူတို့ လာပြီး ဝင်ရောက်လာမယ့် အချိန်ကို စောင့်နေလို့ ရပါတယ်..."</p> <p>သားအဖ နှစ်ယောက်၏ မျက်နှာပေါ်ရှိ အမူအရာများကို မြင်သောအခါ နိုင်းယွမ် ရယ်မောလိုက်ပေသည်။</p> <p>ကျန်းဖုန်း နှင့် သူ၏ အဖွဲ့က အမြန် လိုက်လာနေကြသော်လည်း နောက်ကျမှ စထွက်လာခဲ့ခြင်း ဖြစ်သောကြောင့် အတော်လေး ဝေးကွာနေသေး၏။ သူတို့ မရောက်လာမီ သူက ထောင်ချောက်တစ်ခု ဆင်ထားပြီး သူတို့ကို ထိုအထဲသို့ သွေးဆောင်ခေါ်ယူနိုင်ပေသည်။</p> <p>"ကြီးမားတဲ့ ဝင်္ကပါ ဟုတ်လား... ဟုတ်တာပဲ... ငါတို့ ရီမိသားစုရဲ့ ဘိုးဘေး ချန်ထားရစ်ခဲ့တဲ့ ဝင်္ကပါ တစ်ခု အကြောင်းကို ငါ သိတယ်... အဲဒါကို မင်ထျန်း နဂါးလှည့်စား ဝင်္ကပါလို့ ခေါ်တယ်... အဲဒါက ပါကွ ရွှေနဂါးဝင်္ကပါ ရဲ့ ပုံစံငယ်လေး တစ်ခုလို့ ပြောကြပြီး အဆုံးအစမရှိတဲ့ စွမ်းအားတွေ ရှိတယ်... အဲဒါက တည်ဆောက်ဖို့အတွက် အကောင်းဆုံးပဲ..."</p> <p>ဝင်္ကပါ အကြောင်းကို ကြားသောအခါ ရီချန်၏ မျက်လုံးများ လင်းလက်သွားပေသည်။ သူ အလွန် စွမ်းအားကြီးမားသော ဝင်္ကပါ တစ်ခုကို သတိရသွားပြီး သူ့နဖူးသူ တစ်ချက် ရိုက်လိုက်၏။</p> <p>‘ဟုတ်တယ်... ငါတို့က သူတို့ ငါတို့ရဲ့ ထောင်ချောက်ထဲကို ကျဆင်းလာမယ့် အချိန်ကို စောင့်နေရုံပဲ... သူတို့ဆီမှာ မသေခြင်း အထွတ်အထိပ်အဆင့် ပညာရှင်တွေ ရှိနေတော့ သူတို့ကို ထိပ်တိုက် ရင်ဆိုင်ဖို့ မလိုအပ်တော့ဘူး...’</p> <p>"နဂါးလှည့်စား ဝင်္ကပါ ဟုတ်လား..."</p> <p>"ဟုတ်တယ်... ဒီလို ဝင်္ကပါမျိုးက အင်မတန် စွမ်းအားကြီးတယ်... ယွမ်ရှင်းဂိုဏ်းမှာတောင် အဲဒါက ထိပ်တန်း စာရင်းဝင် ဖြစ်မှာ သေချာတယ်... အဲဒါက ငါတို့ မျိုးနွယ်စုရဲ့ အဖိုးတန်ဆုံး ရတနာပဲ... ကျန်းမိသားစုက အကြိမ်ပေါင်းများစွာ လိုချင်တပ်မက်ခဲ့ပေမယ့် အဲဒါကို တည်ဆောက်မယ့် နည်းလမ်းကို ဘယ်တော့မှ မရခဲ့ဘူး... မင်းက ငါတို့ကို အရင်က အဲဒီလောက် နက်နဲတဲ့ ကျင့်စဉ်ကို ပေးခဲ့တာဆိုတော့ မင်းကို ပြန်ဆပ်ဖို့ ငါတို့မှာ ဘာနည်းလမ်းမှ မရှိဘူး... အခု ငါ ဒီဝင်္ကပါကို မင်းဆီ လက်ဆင့်ကမ်း ပေးလိုက်မယ်..."</p> <p>ရီချန်က ပြုံးလျက် ခေါင်းညိတ်လိုက်ပေသည်။</p> <p>"ကျုပ်ကို ပေးမယ် ဟုတ်လား..." နိုင်းယွမ်၏ အံ့သြသွား၏။</p> <p>"ဟုတ်တယ်... ချင်းအာတောင် ဒီဝင်္ကပါ အကြောင်းကို မသိဘူး... ငါ သူ့ကိုလည်း မပြောပြရသေးဘူး... ဒါက ငါတို့ မိသားစုမှာ လက်ဆင့်ကမ်းလာတဲ့ လျှို့ဝှက်ချက် တစ်ခုပဲ... ငါတို့ အဲဒါနဲ့ ပတ်သတ်ပြီး သေချာ သတိထားရတယ်..." ရီချန်က ပြောလိုက်ပေသည်။</p> <p>"ကျေးဇူးအများကြီး တင်ပါတယ်..." နိုင်းယွမ် ခေါင်းညိတ်လိုက်၏။</p> <p>"ဒါက ဝင်္ကပါရဲ့ အကြမ်းဖျင်း ပုံစံပဲ... တစ်ချက် ကြည့်လိုက်ဦး..." လက်ကောက်ဝတ်ကို တစ်ချက် ဝှေ့ယမ်းလိုက်ပြီးနောက် ရီချန်၏ လက်ဖဝါးတွင် ကျောက်စိမ်းပြား တစ်ခု ပေါ်လာပြီး သူက ယင်းကို ပေါ့ပေါ့ပါးပါး ပစ်ပေးလိုက်ပေသည်။</p> <p>"နဂါးချည်နှောင် ဝင်္ကပါ..." သူ၏ ဝိညာဉ်စွမ်းအားဖြင့် ကျောက်စိမ်းပြားကို တစ်ချက် စစ်ဆေးကြည့်ပြီးနောက် နိုင်းယွမ်၏ မျက်နှာပေါ်တွင် ခါးသီးသော အပြုံးတစ်ခု ချက်ချင်း ပေါ်လာတော့၏။ "ကောင်းပြီ... ဒါကို ကျုပ် ခင်ဗျားဆီ ပြန်ပေးမယ်... ခင်ဗျားရဲ့ ဝင်္ကပါက တကယ်တော့လေ... ထားပါတော့... ခင်ဗျား ကျုပ်ဟာကိုပဲ သုံးသင့်တယ်..."</p> <p> </p> <p> </p> <p style="text-align: center;">အခန်း ၄၁၅ ပြီး</p> <p style="text-align: center;">***</p>


Save