Book List

<h2 style="text-align: center;">အခန်း (၃၃၂)</h2> <h2 style="text-align: center;">ငါးသန်း လောင်းကြေးထပ်မယ်</h2> <h2 style="text-align: center;">*</h2> <p> </p> <p>"ဟား... အံဩစရာပဲ၊ တကယ်ကြီး မှန်သွားတာလား"</p> <p> </p> <p>သူတို့နောက်တွင် ထိုင်နေသော အမျိုးသားများမှာ မှင်သက်မိသွားကြသည်။</p> <p> </p> <p>"လူကို လာချီးကျူးမနေနဲ့ဦး၊ ရှင်ပဲ နံပါတ် ၄ ကို အပိုင်တွက်ပြီး လောင်းခဲ့တာ မဟုတ်လား"</p> <p> </p> <p>သူ့ချစ်သူမိန်းကလေး၏ စကားက ထိုအမျိုးသား၏ စိတ်ကူးယဉ်မှုများကို ရိုက်ချိုးလိုက်သလိုပင်။</p> <p> </p> <p> သူသည် မင်ယွဲ့၏ ခန့်မှန်းချက်ကို အံ့ဩနေမိသော်လည်း မိမိငွေများ ဆုံးရှုံးသွားသဖြင့် ငိုချင်</p> <p>စိတ်ပင် ပေါက်သွားတော့သည်။</p> <p> </p> <p>မင်ယွဲ့သည် သူမ၏ ထက်မြက်လှသော အာရုံခံစားမှုဖြင့် နောက်မှ စုံတွဲပြောဆိုနေသည်များကို အတိုင်းသား ကြားနေရသော်လည်း ဘာမှမသိသလိုပင် ပြုံးလျက်သာ နေလိုက်သည်။ </p> <p> </p> <p>အနိုင်ရမည့်သူကို မည်သို့ ခန့်မှန်းနိုင်သနည်းဟု မေးလာပါက ယွမ်ပေါ့ ပေးပို့ထားသော အချက်အလက်များကို အခြေခံ၍ ပြိုင်ပွဲဝင် တစ်ဦးချင်းစီ၏ အားသာချက်၊ အားနည်းချက်များကို နှိုင်းယှဉ်တွက်ချက်ခြင်းကြောင့်ဟု ဆိုရမည်ဖြစ်သည်။</p> <p> </p> <p> သာမန်လူတစ်ဦးအဖို့ ဤမျှ ရှုပ်ထွေးသော အချက်အလက်များကို ချက်ချင်း ခွဲခြမ်းစိတ်ဖြာရန် ခဲယဉ်းသော်လည်း စနစ်၏ မြှင့်တင်ပေးမှုကြောင့် မင်ယွဲ့၏ ဦးနှောက်မှာ စက်ရုပ်တစ်ရုပ် အလား တိကျမြန်ဆန်နေပြီဖြစ်သည်။</p> <p> </p> <p>"အသုံးမကျလိုက်တာ ငါ့ပိုက်ဆံတွေ အကုန် ကုန်ပြီ”</p> <p> </p> <p>"သူတို့ကိုယ်သူတို့ ကြွားနေကြတာ၊ တကယ့်</p> <p>တကယ်ကျတော့လည်း ဘာမှမဟုတ်ပါလား"</p> <p> </p> <p>"လာဘ်များ စားထားကြသလားမသိဘူး၊ ဘယ်လိုလုပ် ရှုံးသွားရတာလဲ"</p> <p> </p> <p>နံပါတ် ၄ ပြိုင်ပွဲဝင်သည် လောင်းကြေး အများဆုံးရထားသူ ဖြစ်ပြီး ပွဲအစပိုင်းတွင် အပြတ်အသတ် ဦးဆောင်နေခဲ့သော်လည်း နောက်ဆုံးတွင် ဒုတိယနေရာဖြင့်သာ ကျေနပ်</p> <p>လိုက်ရသည်။</p> <p> </p> <p> ၎င်းသည် ဆိုးရွားသော ရလဒ်မဟုတ်သော်လည်း သူ့အပေါ် အလွန်အမင်း မျှော်လင့်ထားကြသူများအတွက်မူ ကြီးမားသော ဆုံးရှုံးမှု ဖြစ်သွားခဲ့သည်။</p> <p> </p> <p>လောင်းကစားဟူသည် အနိုင်နှင့် အရှုံး အမြဲဒွန်တွဲနေစမြဲ။ ရှုံးနိမ့်သွားသူများသည် ဒေါသအဟုန်ဖြင့် နံပါတ် ၄ ပြိုင်ပွဲဝင်ကို ပြစ်တင်ဝေဖန်ကြတော့သည်။</p> <p> </p> <p>ထိုအမျိုးသားသည် ကားပေါ်မှ ဆင်းလာပြီးနောက် ခေါင်းကို ငိုက်စိုက်ချလျက် ဘာစကားမှ မပြောဘဲ ကွင်းပြင်မှ ထွက်ခွာရန် ပြင်လိုက် သည်။</p> <p> </p> <p>"သတိထားဦး--"</p> <p> </p> <p>မင်ယွဲ့က မနေနိုင်ဘဲ သတိပေးလိုက်သော်လည်း မတားဆီးနိုင်ခဲ့ချေ။ လူအုပ်ထဲမှ တစ်ဦးက သောက်လက်စ ရေသန့်ဘူးဖြင့် သူ့ကို ပစ် ပေါက်လိုက်သည်။</p> <p> </p> <p>ရေသန့်ဘူးသည် ထိုအမျိုးသား၏ နဖူးကို ထိမှန်သွားပြီး ချက်ချင်းပင် နီရဲရောင်ကိုင်းသွားသည်ကို မင်ယွဲ့ သတိပြုမိလိုက်သည်။ </p> <p> </p> <p>သူသည် နာကျင်မှုထက် စိတ်ဓာတ်ကျဆင်းမှုကြောင့် ထုံထိုင်းနေသယောင်ရှိပြီး ရှေ့ဆက်မတိုးတော့ဘဲ လူအများ၏ ဆဲဆိုကဲ့ရဲ့မှုများကို ငြိမ်ခံနေတော့သည်။ သူ၏ မျက်ဝန်းအိမ်များမှာ သွေးချင်းနီနေပြီး စိတ်ပိုင်းဆိုင်ရာ ဖိအားများကို အလွန်အမင်း ခံစားနေရပုံရသည်။</p> <p> </p> <p>"ခင်ဗျားတို့က ဘယ်သူမို့လို့လဲ မခံနိုင်ရင် မကစားနဲ့လေ" </p> <p> </p> <p>ဟူထျန်းက မနေနိုင်ဘဲ ဝင်ပြောလိုက်သည်။</p> <p> </p> <p>"ဟုတ်တယ်၊ ရှုံးရင်လည်း ရှုံးတဲ့အလျောက်ပေါ့ချမ်းသာချင်ဇောနဲ့ပဲ လောင်းနေကြတာလား"</p> <p> </p> <p>မင်ယွဲ့နောက်မှ အမျိုးသားကလည်း ဝင် ပြောသည်။ </p> <p> </p> <p>သူကိုယ်တိုင်ပင် ယွမ်တစ်သိန်း ရှုံးသွားသော်လည်း လောင်းကစားဆိုသည်မှာ ရှုံးနိုင်သည်ကို ကြိုတင်ပြင်ဆင်ထားပြီးသားဖြစ်သည်။ ဘေးလူများ၏ ဟန့်တားမှုကြောင့် ဒေါသထွက်နေသူများ အနည်းငယ် ငြိမ်ကျသွားကြသည်။</p> <p> </p> <p>ထိုအခါမှ နံပါတ် ၄ ပြိုင်ပွဲဝင်သည် ခေါင်းမော့လာပြီး မင်ယွဲ့ရှိရာဘက်သို့ လှမ်းကြည့်လိုက်သည်။ အသံလာရာကို သူ သေသေချာချာ မသိသော်လည်း ထိုနေရာတွင် မိန်းကလေး နှစ်ဦးသာ ရှိသဖြင့် မင်ယွဲ့ကို ချက်ချင်းပင် မှတ်မိသွားသည်။ </p> <p> </p> <p>သို့သော် သူကိုယ်တိုင်မှာလည်း အကျပ်အတည်း ဆိုက်နေသဖြင့် သူတစ်ပါးကို ဒုက္ခမပေးလိုတော့ဘဲ သူမကို တစ်ချက်ကြည့်ကာ မျက်မှောင်ကြုတ်လျက် အကြည့်လွှဲလိုက် တော့သည်။</p> <p> </p> <p>ဒုတိယပွဲစဉ် စတင်တော့မည်ဖြစ်သည်။</p> <p> </p> <p>"နံပါတ် ၄ က ဘာဖြစ်နေတာလဲ အခုလေးတင် ငါတို့ကို ရှုံးအောင်လုပ်ထားပြီးတော့ နောက်တစ်ပွဲ ပြန်ဝင်ဦးမှာလား"</p> <p> </p> <p>နံပါတ် ၄ ကွင်းထဲသို့ ပြန်လည်ဝင်ရောက်လာသည်ကို မြင်သောအခါ လူများက မကျေမနပ် ရေရွတ်ကြသည်။ </p> <p> </p> <p>ဤပြိုင်ကွင်း၏ စည်းကမ်းမှာ 'စည်းကမ်းမရှိခြင်း' ပင်ဖြစ်သည်။ </p> <p> </p> <p>မည်သူမဆို ယှဉ်ပြိုင်လိုက ယှဉ်ပြိုင်နိုင်ပြီး ပွဲကြည့်ပရိသတ်က လောင်းကြေးထပ်ကြရသည်။ ပထမ၊ ဒုတိယနှင့် တတိယ ရရှိသူများကို ပွဲစီစဉ်သူက ဆုကြေးငွေများ အသီးသီး ချီးမြှင့်သည်။</p> <p> </p> <p>နံပါတ် ၄ သည် ပထမပွဲတွင် ချန်ပီယံ မဖြစ်ခဲ့သော်လည်း ဒုတိယဆုကြေး ယွမ်နှစ်သိန်းကို ရရှိခဲ့သည်။ ကျန်ရှိသော လောင်းကြေးများမှာမူ ပထမရသူအပေါ်တွင်သာ မူတည်သည်။ </p> <p> </p> <p>ထို့ကြောင့် နံပါတ် ၄ ကို လောင်းသူများ ရှုံးပြီး နံပါတ် ၆ ကို လောင်းသူများ အနိုင်ရသွားခြင်းဖြစ်သည်။</p> <p> </p> <p>ဤတစ်ကြိမ်တွင် ပွဲစီစဉ်သူများမှာ အမြတ်အစွန်း အမြောက်အမြား ရရှိသွားကြသည်။</p> <p> </p> <p> ထို့ကြောင့်ပင် နံပါတ် ၄ သည် လာဘ်စားထားသည်ဟု အချို့က သံသယဝင်နေကြခြင်းဖြစ်သည်။ တစ်လမ်းလုံး ဦးဆောင်လာပြီးမှ နောက်ဆုံးပတ်တွင် အကျော်ခံရခြင်းမှာ မသင်္ကာစရာပင် ဖြစ်နေတော့သည်။</p> <p> </p> <p>မင်ယွဲ့သည် စူးစမ်းလိုစိတ်ဖြင့် ယွမ်ပေါ့ကို စုံစမ်းခိုင်းလိုက်သည်။ ပွဲစီစဉ်သူနှင့် နံပါတ် ၄ ကြားတွင် မည်သည့် လျှို့ဝှက်သဘောတူညီချက်မျှ မရှိကြောင်း သိလိုက်ရသည်။</p> <p> </p> <p> ပွဲစီစဉ်သူသည် စီးပွားရေးသမား ဖြစ်သော်လည်း ဂုဏ်သိက္ခာကို တန်ဖိုးထားသူဖြစ်ရာ မရိုးသားသော နည်းလမ်းများကို အသုံးမပြုခဲ့ချေ။</p> <p> </p> <p>"နံပါတ် ၄ က ရူးနေတာလား ပြန်လာပြန်ပြီ”</p> <p> </p> <p>ဟူထျန်းက နားမလည်နိုင်အောင် ဖြစ်နေရသည်။ </p> <p> </p> <p>ဒုတိယပွဲတွင် သူ့ကို လောင်းမည့်သူ အလွန်နည်းပါးလိမ့်မည်ဟု သူ ခန့်မှန်းလိုက်သည်။</p> <p>မင်ယွဲ့ကမူ ထိုသူ ဘာကြောင့် ပြန်လာသည်ကို သိရှိနေသည်။ သူ၏ မျက်လုံးထဲတွင် အောင်မြင်လိုသော ရည်မှန်းချက်ထက် ငွေကြေးလိုအပ်ချက်က ပိုမို သိသာနေသည်။</p> <p> </p> <p>"သူ နိုင်လိမ့်မယ်" </p> <p> </p> <p>မင်ယွဲ့က တိုးညင်းသော်လည်း ပြတ်သားသော အသံဖြင့် ဆိုလိုက်သည်။</p> <p> </p> <p>ကျန်ယီသည် မင်ယွဲ့၏ စကားကို ယုံကြည်ရန် ဆုံးဖြတ်လိုက်သည်။ သူသည် ဘေးမှ ဝန်ထမ်းကို လှမ်းခေါ်လိုက်ပြီး -</p> <p> </p> <p>"နံပါတ် ၄ ကို တစ်သန်း လောင်းမယ်"</p> <p> </p> <p>"မင်း ရူးသွားပြီလား" </p> <p> </p> <p>ဟူထျန်းက အံ့ဩတကြီး မေးလိုက်သည်။</p> <p> </p> <p>"ငါလည်း နံပါတ် ၄ ကို ငါးသိန်း လောင်းမယ်"</p> <p> </p> <p>သူ့အစ်ကိုက ရူးမှတော့ သူလည်း လိုက်ရူးရတော့မည်ဟု ဟူထျန်းက ဆုံးဖြတ်လိုက်သည်။ </p> <p> </p> <p>ဟယ်ကျင်းသည်လည်း ဟိုကြည့်ဒီကြည့်ဖြင့် နောက်ဆုံးတွင် ငါးသိန်း ထပ်မံ ထည့်လိုက်သည်။ </p> <p> </p> <p>ဝန်ထမ်းများကမူ သူတို့ကို လူအများကဲ့သို့ပင် အရူးများသဖွယ် ကြည့်နေကြသည်။ ရှုံးနိမ့်ထားသော နံပါတ် ၄ ကို မည်သူမျှ လောင်းကြေးမထပ်ဝံ့ချိန်တွင် သူတို့က အလွန်အကျွံ လောင်းနေကြသောကြောင့်ဖြစ်သည်။</p> <p> </p> <p>"ဟိုလေ... ကျွန်တော်လည်း နံပါတ် ၄ ကို တစ် သိန်း လောင်းမယ်ဗျာ"</p> <p> </p> <p>မင်ယွဲ့နောက်မှ စုံတွဲသည်လည်း ဝန်ထမ်း ထွက်မသွားမီ အမီလောင်းလိုက်ကြသည်။ ဝန်ထမ်းက ဘဏ်ကတ်ကို ယူ၍ အချက်အလက်များ မှတ်ပုံတင်နေစဉ် -</p> <p> </p> <p>"ရယ်စရာကြီးဗျာ ဟောဒီမှာ ကြည့်စမ်း၊ နံပါတ် ၄ ကို လောင်းတဲ့သူ ရှိသေးတယ်”</p> <p> </p> <p>"ငါ နံပါတ် ၄ ကို ငါးသန်း လောင်းကြေးထပ်မယ်"</p> <p> </p> <p>မင်ယွဲ့၏ အသံမှာ မကျယ်သော်လည်း ပတ်ဝန်းကျင်ရှိ လူအားလုံးကို တုန်လှုပ်သွားစေသည်။ </p> <p> </p> <p>ငါးသန်းဟူသော ပမာဏမှာ မနည်းလှချေ။ အထူးသဖြင့် ရှုံးနိမ့်ထားသော ပြိုင်သမားအပေါ် ထပ်ခြင်းဖြစ်၍ ပို၍ပင် အံ့ဩစရာ ကောင်းနေသည်။</p> <p> </p> <p>အဝေးမှ ကြည့်ရှုသူများကမူ မင်ယွဲ့တို့ ပြောသည်ကို မကြားရသော်လည်း ဖန်သားပြင်ပေါ်ရှိ နံပါတ် ၄ ဇယားတွင် လောင်းကြေးပမာဏ ရုတ်တရက် မြင့်တက်သွားသည်ကို မြင်လိုက်ရသည်။</p> <p> </p> <p>"ဟေ့လူတို့... ဒီအရူးက ဘယ်သူလဲ"</p> <p> </p> <p>"ပိုက်ဆံတွေ ပိုနေရင် ငါ့ကိုပေးပါလား ရေထဲပစ်ချရင်တောင် အသံမြည်ဦးမယ်"</p> <p> </p> <p>မင်ယွဲ့နှင့် သူမ၏အပေါင်းအသင်းများကမူ ထိုကဲ့သို့သော ဝေဖန်သံများကို ဂရုမစိုက်ကြချေ။</p> <p> </p> <p>"ဘာ နံပါတ် ၄ ကို တစ်ယောက်တည်းက ငါးသန်းတောင် လောင်းတယ် ဟုတ်လား”</p> <p> </p> <p>ပွဲစီစဉ်သူများသည် အပေါ်ထပ်ရှိ စောင့်ကြည့်ခန်းမှနေ၍ ဖန်သားပြင်ပေါ်ရှိ အခြေအနေများကို ကြည့်ရှုရင်း အံ့ဩနေကြသည်။</p> <p> </p> <p>ဒုတိယပွဲစဉ် စတင်လိုက်သည်။ </p> <p> </p> <p>နံပါတ် ၄ သည် စတင်ထွက်ခွာကတည်းက အရှိန်အဟုန်ပြင်းစွာဖြင့် ဦးဆောင်လာပြီး မည်သူ့ကိုမျှ အကျော်မခံတော့ချေ။ ပထမပွဲတွင် သူ့ကို မျှော်လင့်ချက် ထားခဲ့ကြသူများသည် ယခုအခါတွင်မူ ပထမပွဲကဲ့သို့ လမ်းခုလတ်တွင် ရှုံးနိမ့်သွားမည်ကို စိုးရိမ်သဖြင့် မည်သူမျှ မလောင်းရဲကြတော့ချေ။</p> <p> </p> <p>သို့သော် ယခုတစ်ကြိမ်တွင် နံပါတ် ၄ သည် ပထမနေရာကို ခိုင်မြဲစွာ ထိန်းထားနိုင်သည်။ ဒုတိယနှင့် တတိယနေရာများမှာ အပြောင်းအလဲ ရှိနေသော်လည်း သူကမူ လုံးဝ တည်ငြိမ်နေသည်။</p> <p> </p> <p>"အစ်မ... သူ နိုင်မယ်လို့ ဘာလို့ ထင်တာလဲ" </p> <p> </p> <p>ကျန်ယီက သိလိုစိတ်ဖြင့် မေးလိုက်သည်။</p> <p> </p> <p>မင်ယွဲ့ ခန့်မှန်းသည့်အတိုင်းပင် နံပါတ် ၄ က အနိုင်ရရှိသွားသည်။ ပွဲကြည့်စင်တစ်ခုလုံး ခဏမျှ တိတ်ဆိတ်သွားပြီးနောက် -</p> <p> </p> <p>"ဟားဟား နိုင်ပြီဟေ့ ငါ တစ်သိန်း လောင်းထားတာ”</p> <p> </p> <p> မင်ယွဲ့နောက်မှ စုံတွဲမှာ ဝမ်းသာအားရ ဖက်ယမ်းနေကြသည်။</p> <p> </p> <p>သူတို့သည် ရှုံးသွားသော ငွေများကို ပြန်ရရုံသာမက အမြတ်ပင် ထွက်သွားကြသည်။ </p> <p> </p> <p>ရှေ့မှ မိန်းကလေးပြောသည်ကို နားထောင်မိခြင်းမှာ သူတို့အတွက် ကံကောင်းခြင်းပင်ဖြစ်သည်။ ဤတစ်ပွဲတည်းဖြင့် မင်ယွဲ့သည် ယွမ် ၃၆ သန်းအထိ အမြတ်ရရှိသွားသည်။</p> <p> </p> <p>အစောပိုင်းက မင်ယွဲ့ကို အရူးဟု ကဲ့ရဲ့ခဲ့သူများမှာ ယခုအခါ စကားပင် မဟနိုင်တော့ချေ။ မိမိတို့ကိုယ်မိမိ ကမ္ဘာပေါ်တွင် အတုံးအအဆုံး လူများအဖြစ် ခံစားနေရတော့သည်။</p> <p> </p> <p>"ကျွန်မ ပြန်တော့မယ်" </p> <p> </p> <p>မင်ယွဲ့သည် တတိယပွဲကို ဆက်မကြည့်တော့ဘဲ ထပြန်ရန် ပြင်လိုက်သည်။</p> <p> </p> <p>"မမလေး ခဏလောက် စောင့်ပါဦး ကျွန်တော်တို့ သူဌေးက မမလေးနဲ့ တွေ့ချင်လို့ပါ"</p> <p> </p> <p>ကျန်ယီနှင့် ဟယ်ကျင်းတို့က ချက်ချင်းပင် မင် ယွဲ့၏ ရှေ့မှ ကာကွယ်ရပ်လိုက်ကြသည်။ </p> <p> </p> <p>ဟူထျန်းမှာမူ သူ တစ်လှမ်း နောက်ကျသွားပြန် သဖြင့် မိမိကိုယ်ကို စိတ်ပျက်နေမိသည်။</p> <p> </p> <p>"သခင်လေးကျန်... စိတ်မချဘူးဆိုရင်လည်း အတူတူ လိုက်ခဲ့လို့ ရပါတယ်ခင်ဗျာ"</p> <p> </p> <p> ဝန်ထမ်းက ပြုံးလျက် ဖိတ်ခေါ်လိုက်သည်။</p> <p> </p> <p style="text-align: center;">***</p> <p> </p>


Save