Book List

<h2 style="text-align: center;">အခန်း (၃၆၀)</h2> <h2 style="text-align: center;">ချိုမြိန်သော ဝန်ထုတ်ဝန်ပိုး</h2> <h2 style="text-align: center;">*</h2> <p> </p> <p> </p> <p>"မင်း အများကြီး တွေးမနေပါနဲ့... ငါက မင်ယွဲ့အကြောင်း ပြောနေတာပါ"</p> <p> </p> <p>ကျန်းဟန်သည် သူ၏ အထက်လူကြီးက နောက်ကွယ်မှနေ၍ အလုပ်များ ပိုပေးနေသည်ဟု သံသယဝင်နေမိသည်။ </p> <p> </p> <p>ယခုအခါ သူသည် အလုပ်ကြိုးစားသော နွားလားဥဿဘတစ်ကောင်ကဲ့သို့ ရုန်းကန်နေရသော်လည်း ကံကောင်းသည်မှာ သူ၏ အထက်လူကြီးမှာ သဘောကောင်းရက်ရောပြီး သူ့ကို လိုလေသေးမရှိ ထောက်ပံ့ပေးထားခြင်းပင် ဖြစ်သည်။</p> <p> </p> <p>ထိုအမည်ကို ကြားလိုက်ရချိန်တွင် ဝမ်ချန်း၏ ဒေါသများမှာ ချက်ချင်းပင် အရည်ပျော်ကျသွားတော့သည်။ သူမသည် သူမ၏ ရည်းစားကို သံသယဝင်ရင်ဝင်မည်၊ သူမ၏ အချစ်ဆုံးသူငယ်ချင်းကိုမူ လုံးဝ သံသယမဝင်နိုင်ပါ။ ကျန်းဟန်သာ ဤအကြောင်းကို သိသွားပါက ငိုချင် စိတ်ပင် ပေါက်သွားပေလိမ့်မည်။</p> <p> </p> <p>မင်ယွဲ့သည် ကုမ္ပဏီအတွင်းသို့ ခြေလှမ်းကျဲကျဲဖြင့် ဝင်လာခဲ့သည်။ သူမကို မြင်လိုက်ရသည်နှင့် ဧည့်ကြိုဝန်ထမ်းလေးမှာ ချက်ချင်းပင် နိုးနိုးကြားကြားရှိသွားကာ နွေးထွေးပျူငှာသော အပြုံးဖြင့် ဆီးကြိုသည်။ </p> <p> </p> <p>မင်ယွဲ့သည်လည်း အလိုက်သင့်ပင် ပြန်လည်ပြုံးပြလိုက်သည်။</p> <p> </p> <p>သူမသည် မိုဟန်ကျီထံသို့ ဖုန်းကြိုမဆက်ဘဲ အံ့အားသင့်သွားစေရန် ရည်ရွယ်ကာ သူ၏ သီးသန့်ဓာတ်လှေကားဆီသို့ တိုက်ရိုက် ဦးတည်လိုက်သည်။</p> <p> </p> <p> သူမ ဖြတ်သန်းသွားရာ လမ်းတစ်လျှောက်တွင် ဝန်ထမ်းများ၏ တိုးတိုးဖော်ဖော် ပြောဆိုသံများက လှိုင်းတံပိုးအလား ထွက်ပေါ်လာတော့သည်။</p> <p> </p> <p>"ဥက္ကဋ္ဌကတော်က ခုနက ငါ့ကို ပြုံးပြသွားတာ... ရင်တွေတောင် ခုန်နေတုန်းပဲ"</p> <p> </p> <p>"ဟုတ်ပ... အရင်က ရင်ခုန်တယ်ဆိုတာ ပိုပြောတယ်မှတ်တာ၊ အခုတော့ ငါကိုယ်တိုင် ကြုံလိုက်ရပြီ... တကယ်ကို လှလွန်းလို့ ယောက်ျားလေးတောင် ဖြစ်ချင်သွားမိတယ်"</p> <p> </p> <p>အပေါ်ထပ်သို့ ရောက်သောအခါ လက်ထောက်လင်းနှင့် ဆုံမိသည်။ သူသည် မင်ယွဲ့ကို မြင်သည်နှင့် ရိုသေစွာ နှုတ်ဆက်ပြီးနောက် သူမအား ဥက္ကဋ္ဌရုံးခန်းသို့ သွားရန် လမ်းဖွင့် ပေးလိုက်သည်။</p> <p> </p> <p>"ဒေါက်... ဒေါက်..."</p> <p> </p> <p>မင်ယွဲ့သည် ရုံးခန်းတံခါးကို အသာအယာ ခေါက်လိုက်သည်။</p> <p> </p> <p>"ဝင်ခဲ့ပါ"</p> <p> </p> <p>အတွင်းမှ ထွက်ပေါ်လာသော အသံမှာ ဆီးနှင်းများအလား အေးစက်လှပြီး စိမ်းသက်မှုနှင့် လျစ်လျူရှုမှုတို့ ရောယှက်နေသည်။</p> <p> </p> <p> သူမ၏ ရှေ့မှောက်၌သာ နူးညံ့တတ်သော ဟန်ကျီသည် အခြားသူများအပေါ်တွင် ဤမျှအထိ အရှိန်အဝါကြီးမားနေလိမ့်မည်ဟု သူမ ထင်မထားခဲ့ပေ။</p> <p> </p> <p>သူမ အထဲသို့ ဝင်သွားချိန်တွင် သူသည် ခေါင်းမဖော်ဘဲ အလုပ်ရှုပ်နေဆဲဖြစ်သည်။ </p> <p> </p> <p>"တခြားကိစ္စ ရှိသေးလို့လား”</p> <p> </p> <p>ဟု သူက မေးလိုက်ရာ လက်ထောက်လင်းဟု ထင်မှတ်နေပုံရသည်။</p> <p> </p> <p>"ဥက္ကဋ္ဌမိုက ကျွန်မကို မကြိုဆိုဘူးနဲ့ တူပါတယ်... ဒါဆိုရင်လည်း ပြန်ရတာပေါ့"</p> <p> </p> <p>ထိုအသံကို ကြားလိုက်ရသည်နှင့် မိုဟန်ကျီ၏ လက်ထဲမှ စာချုပ်ပေါ်တွင် မှင်စက်တစ်ခု ထင် ကျန်သွားတော့သည်။</p> <p> </p> <p> သူသည် ချက်ချင်းပင် ခေါင်းမော့ကြည့်ကာ သူမထံသို့ အပြေးအလွှား ရောက်လာခဲ့သည်။ သူသည် မင်ယွဲ့ကို ရင်ခွင်ထဲသို့ တင်းကျပ်စွာ ပွေ့ဖက်လိုက်ပြီး သူမ၏ လည်တိုင်လေးကို နမ်းရှိုက်နေမိသည်။</p> <p> </p> <p>"ကိုကိုကလည်း... စတာကို အတည်ကြီး လုပ်နေပြန်ပြီ"</p> <p> </p> <p>"ယွဲ့ယွဲ့နဲ့ ပတ်သက်လာရင် ဘယ်အရာမှ အသေးအဖွဲ မဟုတ်ဘူး" </p> <p> </p> <p>ဟု သူက ဆိုကာ သူမကို စိုက်ကြည့်လိုက်ရာ သူ၏ မျက်ဝန်းအိမ်မှ ထွက်ပေါ်လာသော အချစ်မီးလျှံများမှာ မင်ယွဲ့၏ နှလုံးသားကို ပူလောင်စေခဲ့သည်။</p> <p> </p> <p>မိုဟန်ကျီ အလုပ်ပြန်လုပ်နေစဉ် မင်ယွဲ့သည် သူ၏ ဘေးတွင် ထိုင်ကာ ငြိမ်သက်စွာ စောင့် ကြည့်နေမိသည်။ </p> <p> </p> <p>သူသည် အာဏာရှိသူတို့၏ တည်ငြိမ်မှုနှင့် ယုံကြည်မှုကို ပိုင်ဆိုင်ထားသော်လည်း မာန်မာန လုံးဝမရှိသူ ဖြစ်သည်။ ထိုသို့သော စရိုက်လက္ခဏာများကြောင့်ပင် သူမသည် သူ့ကို ရွေးချယ်ခဲ့ခြင်း ဖြစ်သည်။</p> <p> </p> <p>အလုပ်များ ပြီးစီးသွားသောအခါ မိုဟန်ကျီသည် သူမကို သူ၏ ပေါင်ပေါ်သို့ ဆွဲတင်လိုက်ပြီး နက်ရှိုင်းစွာ နမ်းရှိုက်တော့သည်။ ဤသည်မှာ သူ၏ အချစ်ကို ဖော်ပြခြင်းဖြစ်သလို သူမအပေါ် ထားရှိသော တမ်းတမှုများကို ဖွင့်ဟလိုက်ခြင်းလည်း ဖြစ်သည်။</p> <p> </p> <p>ထိုနေ့ညနေတွင် သူတို့နှစ်ဦး ကုမ္ပဏီမှ အတူတူ ထွက်လာခဲ့ကြသည်။ မိုဟန်ကျီသည် ယခင်ကဲ့သို့ အနှောင့်အယှက် မဖြစ်စေရန် သီးသန့်အခန်းတစ်ခန်းကို ကြိုတင်မှာယူထားခဲ့သည်။</p> <p> </p> <p>"နောက်ရက်အနည်းငယ်အတွင်းမှာ ကျွန်မ ဆရာနဲ့အတူ တခြားပြည်နယ်ကို ခရီးသွားရမယ် ကိုကို"</p> <p> </p> <p>မင်ယွဲ့၏ စကားကြောင့် မိုဟန်ကျီ၏ မျက်နှာတွင် နှမြောတသမှုများ အရိပ်ထင်သွားသော်လည်း သူမ၏ ဆုံးဖြတ်ချက်ကို သူ မတားဆီးခဲ့ပါ။</p> <p> </p> <p>"ကိုယ် မင်းကို နေ့တိုင်း ဖုန်းဆက်မယ်... ဘာပဲဖြစ်ဖြစ် ကိုယ့်ကို ချက်ချင်း အကြောင်းကြားနော်"</p> <p> </p> <p>သူသည် သူမကို အလွန်ပင် စိုးရိမ်မကင်း ဖြစ်နေမိသည်။ ဤသည်မှာ ချစ်သူကို အစဉ်အမြဲ စောင့်ရှောက်လိုသော 'ချိုမြိန်သော ဝန်ထုတ် ဝန်ပိုး' ပင် ဖြစ်တော့သည်။</p> <p> </p> <p> သူသည် ဤဝန်ထုတ်ဝန်ပိုးကို တစ်သက်လုံး ပွေ့ပိုက်ရင်း သူမနှင့်အတူ ဘဝခရီးကို လျှောက်လှမ်းလိုနေမိတော့သည်။</p> <p> </p> <p> </p> <p style="text-align: center;">***</p>


Save