Book List

<h2 style="text-align:center">အခန်း (၃၇၁)</h2> <h2 style="text-align:center">တရားဝင်ထုတ်ပြန်ချက် </h2> <h2 style="text-align:center">*</h2> <p> </p> <p>"တကယ်လား... ဒါကြီးက တော်တော်လေး ကြောက်စရာကောင်းတာပဲ”</p> <p> </p> <p>"တကယ်ပေါ့အေ၊ ကျောင်းဘက်က ဖုံးဖိထားပေမဲ့ အဲဒီတုန်းက တော်တော်လေး ဂယက်ထသွားတာ သိတဲ့လူတွေ အများကြီးပဲ”</p> <p> </p> <p>ကျိုးရှီယန်သည် ကျောင်းထဲတွင် သူမအပေါ် စူးစိုက်ကြည့်နေကြသော အကြည့်များကို ဆက်၍မခံစားနိုင်တော့သဖြင့် ကျောင်းပြင်သို့ အမြန်ပြေးထွက်လာခဲ့သည်။ </p> <p> </p> <p>ဤအချိန်၌ ကျောင်းပြင်ပတွင် အိမ်ငှားနေထိုင်ခြင်းမှာ သူမအတွက် အကြီးမားဆုံးသော ကံကောင်းခြင်းတစ်ခု ဖြစ်နေတော့သည်။</p> <p> </p> <p>အိမ်ပြန်ရောက်သောအခါ သူမ၏ဖုန်းကိုပင် မကြည့်ရဲတော့ပေ။ အိပ်ရာထဲတွင်သာ ခွေနေပြီး အပြင်ထွက်စားသောက်ရန်ပင် သတ္တိမရှိတော့ဘဲ ထိတ်လန့်နေမိသည်။</p> <p> </p> <p>အမှန်တကယ်တော့ လောကကြီးတွင် သူမအား အချိန်ပြည့်စောင့်ကြည့်နေသူဟူ၍ မရှိသလို သူမသည်လည်း လူသိများထင်ရှားသူတစ်ဦး မဟုတ်ခဲ့ပေ။ သို့သော် အပြစ်ရှိစိတ်နှင့် ကြောက်ရွံ့စိတ်တို့က သူမအား လွှမ်းမိုးထားလေသည်။</p> <p> </p> <p>ရန်ကျင်းတက္ကသိုလ် အုပ်ချုပ်ရေးအဖွဲ့ အစည်းအဝေးခန်းမအတွင်း၌ ပါမောက္ခယန်သည် တစ်ဖက်လူများ ပြန်လည်မချေပနိုင်အောင် ထိရောက်ပြတ်သားစွာ တုံ့ပြန်ပြောဆိုခဲ့သည်။</p> <p> </p> <p>"ခင်ဗျားတို့ သဘောရှိတာသာ လုပ်ကြပါတော့”</p> <p> </p> <p>သူသည် သူ၏တပည့်ဖြစ်သူကို တတ်နိုင်သမျှ ကူညီစောင့်ရှောက်ပေးခဲ့သော်လည်း ရလဒ်မှာမူ ထိုတပည့်မ၏ ကိုယ်ကျင့်သိက္ခာပိုင်း ပျက်ယွင်းမှုကြောင့်သာ ဖြစ်သည်။ ထို့ကြောင့် သူ တစ်ပါးသူအား အပြစ်မတင်နိုင်တော့ဘဲ စိတ်ပျက်အားလျော့စွာဖြင့် နေရာ၌ ပြန်ထိုင်လိုက်လေသည်။</p> <p> </p> <p>ထို့နောက် ကျောင်းအုပ်ကြီးက ကျိုးရှီယန်အပေါ် ချမှတ်သည့် အပြစ်ပေးအရေးယူမှုကို ကြေညာခဲ့သည်။ သူမအား ကျောင်းမှ ထုတ်ပယ်လိုက်ပြီ ဖြစ်သည်။</p> <p> </p> <p>မင်ယွဲ့၏ ကိစ္စဖြစ်ပွားစဉ်က ပါမောက္ခယန်သည် သူမအတွက် အားမလိုအားမရဖြစ်ကာ မနားမနေ ကူညီပေးခဲ့ဖူးသော်လည်း ယခုမူ အခြေအနေမှာ လုံးဝဆန့်ကျင်ဘက်သို့ ရောက်ရှိသွားခဲ့ပြီ ဖြစ်သည်။</p> <p> </p> <p>ကျောင်းတွင်းကွန်ရက်ပေါ်တွင်လည်း ဤကိစ္စရပ်များကို အာဏာပိုင်များက စနစ်တကျ ကိုင်တွယ်ဖြေရှင်းနေပြီဖြစ်သည်။</p> <p> </p> <p>တစ်ဖက်တွင်မူ မိုဟန်ကျီ၏ မာန်ပါလှသော တရားဝင်ထုတ်ပြန်ချက်ကြောင့် အွန်လိုင်းတစ်ခွင် ဆုတောင်းစကားများ လှိုင်းလုံးကြီးသဖွယ် ပေါ်ထွက်လာသည်။</p> <p> </p> <p>သို့သော်လည်း လူအချို့ကမူ မင်ယွဲ့သည် မိုဟန်ကျီနှင့် ထိုက်တန်မှုမရှိကြောင်း ဝေဖန်ပြောဆိုနေကြဆဲပင်။</p> <p> </p> <p>ထိုအချိန်တွင် ရှင်းယောင်းလုပ်ငန်းစု၏ တရားဝင် ဝေပိုင် (Weibo) အကောင့်မှ နောက်ထပ် သတင်းစကားတစ်ခု တက်လာခဲ့သည်။</p> <p> </p> <p>> "ကျွန်တော်ကသာ သူမနဲ့ မထိုက်တန်တာပါ သူမက ကျွန်တော့်အတွက်တော့ မမီနိုင်တဲ့ လမင်းကြီးလိုပါပဲ သူမ ကိုယ်တိုင် ကျွန်တော့်ဆီ ပြေးလာခဲ့ပေးလို့ ကျွန်တော် တကယ်ပဲ ဝမ်းသာမိပါတယ်”</p> <p> </p> <p>> "အား... ရင်ခုန်လိုက်တာ အေးစက်ပြီး ခန့်ညားလွန်းတဲ့ CEO ကြီးက အခုတော့ အချိုသာဆုံး ချစ်စကားတွေ ပြောတတ်တဲ့သူ ဖြစ်နေပြီ ဘာမှပြောစရာမလိုဘူး၊ ငါတော့ ချစ်မိသွားပြီ”</p> <p> </p> <p>"အချစ်ဆိုတာ ငွေကြေး ဒါမှမဟုတ် ဂုဏ်ဒြပ်နဲ့ တိုင်းတာလို့မရဘူး အခုအချိန်မှာတော့ အချစ်ဆိုတာ လက်တွေ့ဆုပ်ကိုင်လို့ရတဲ့ အရာတစ်ခု ဖြစ်လာပြီလို့ ခံစားရတယ်”</p> <p> </p> <p>"အချို့လူတွေက သူများကိစ္စဆို ပါဝင်ချင်ကြတာပဲ သူတို့နှစ်ယောက်က အတွေးအခေါ်ချင်းဖလှယ်ပြီး အတူတူလက်တွဲနေကြတာကို ဘာလို့များ လိုက်ပြီး နှောင့်ယှက်နေကြတာလဲ”</p> <p> </p> <p>"မစ္စတာမိုကို ခင်ဗျားတို့ စိတ်ကြိုက်ထိန်းချုပ်လို့ရတဲ့ အိုင်ဒေါ မင်းသားလေးလို့ ထင်နေကြတာလား”</p> <p> </p> <p>"--- လူမိုက်တွေ၊ မဟုတ်ကဟုတ်ကတွေ လျှောက်ပြောမနေကြနဲ့တော့ နင်တို့ရဲ့ ကွန်မန့်တွေက ငါတို့ အချစ်ဇာတ်လမ်းကြည့်နေတဲ့ စိတ် ခံစားမှုကို ဖျက်ဆီးနေပြီ”</p> <p> </p> <p>"မမ မင်ယွဲ့က ဘာလို့ အကြောင်းမပြန်သေးတာလဲ မစ္စတာမိုကတော့ ဝန်ခံပြီးနေပြီလေ”</p> <p>--- "အကြောင်းပြန်တာကို စောင့်နေကြစို့”</p> <p> </p> <p>--- "အကြောင်းပြန်တာ စောင့်နေသူ +၁"</p> <p> </p> <p>......</p> <p> </p> <p>မင်ယွဲ့သည် ကျိုးရှီယန်နှင့် အွန်လိုင်းပေါ်ရှိ တိုက်ခိုက်သူများကို အောင်မြင်စွာ ကိုင်တွယ်နိုင်ခဲ့သည်။ </p> <p> </p> <p>ထိုတိုက်ခိုက်သူများနှင့် အကောင့်ကြီးပိုင်ရှင်များသည် လူအများရှေ့ အရှက်ကွဲပြီး ဖော်လိုဝါများ ဆုံးရှုံးရခြင်းဖြင့် ပြီးဆုံးမည်ဟု ထင်မှတ်ခဲ့ကြသော်လည်း အခြေအနေက ထိုထက်မက ဆိုးရွားလာခဲ့သည်။</p> <p> </p> <p> ၎င်းတို့၏ အကောင့်များ ပိတ်ပင်ခံရရုံသာမက တိုက်ခိုက်သူများ စုဖွဲ့ထားသည့် စတူဒီယိုပါ ဖျက်သိမ်းခြင်း ခံလိုက်ရလေသည်။</p> <p> </p> <p>ဤမျှ ကြီးမားသော အရှိန်အဝါမျိုးကို မိုဟန်ကျီသာလျှင် ပြုလုပ်နိုင်မည်ဟု သူတို့ ခန့်မှန်းမိကြသော်လည်း မည်သူမျှ ပြန်လည်၍ မခုခံရဲဘဲ ဒေါသကို မြိုသိပ်ထားကြရုံသာ တတ်နိုင်ကြတော့သည်။</p> <p> </p> <p>မင်ယွဲ့သည် သူမ၏ ကွန်ပျူတာကို ပိတ်လိုက်ပြီးနောက် ဖုန်းကိုဖွင့်ကြည့်လိုက်ရာ weibo မှ အကြောင်းကြားချက်တစ်ခု ဝင်နေသည်ကို တွေ့လိုက်ရသည်။</p> <p> </p> <p>သူမသည် ရှင်းယောင်းလုပ်ငန်းစုကို Follow မလုပ်ထားသော်လည်း အဆိုပါ အကြောင်းကြားချက်မှာ သူမဆီသို့ ရောက်ရှိလာခြင်း ဖြစ်သည်။</p> <p> </p> <p>မိုဟန်ကျီ၏ ရင်ဖွင့်စကားကို မြင်သောအခါ မင်ယွဲ့သည် စကားများစွာ ပြောမနေတော့ဘဲ သူမ၏ အာကာသဟင်းလင်းပြင် ထဲမှ ပန်းချီကားတစ်ချပ်ကို ထုတ်ယူလိုက်သည်။</p> <p> </p> <p>ဤကာလအတွင်း သူမသည် ပန်းချီကားများစွာ ဆွဲခဲ့ပြီး မိုဟန်ကျီမှာ သူမ၏ မော်ဒယ်လ်အဖြစ် ပါဝင်ပေးခဲ့သူဖြစ်သည်။ သို့သော် သူမသည် သူ့အား အံ့အားသင့်စေချင်သောကြောင့် တိတ်တဆိတ်သာ ဆွဲခဲ့ခြင်းဖြစ်သည်။</p> <p> </p> <p>မင်ယွဲ့သည် သူ၏စကားများကို စာဖြင့်ပြန်မဖြေဘဲ ပန်းချီကားကိုသာ တိုက်ရိုက်တင်လိုက်ပြီး မိုဟန်ကျီကို Tag တွဲလိုက်သည်။</p> <p> </p> <p>ဟုတ်ပါသည်။ မင်ယွဲ့ Tag တွဲလိုက်သည်မှာ မိုဟန်ကျီ၏ ကိုယ်ပိုင်အကောင့်ကို ဖြစ်သည်။ မိုဟန်ကျီကမူ ဖော်လိုဝါ ပိုမိုများပြားစေရန် ရှင်းယောင်၏ တရားဝင်အကောင့်ကို အသုံးပြုခဲ့ခြင်းဖြစ်သည်။</p> <p> </p> <p>အထူးသတိပေးသံ မြည်လာသည်နှင့် မိုဟန်ကျီသည် ချက်ချင်းပင် ဝင်ရောက်စစ်ဆေးလိုက် သည်။</p> <p> </p> <p>ပထမဆုံး မြင်လိုက်ရသည်မှာ အပြာရောင်ရင့်ရင့် ဝတ်စုံကို ဆင်မြန်းကာ ထိုင်ခုံတွင် ပေါ့ပါးစွာ မှီထိုင်နေရင်း မျက်လုံးကို အသာအယာ မှိတ်ထားသည့် သူ၏ပုံရိပ်ပင် ဖြစ်သည်။</p> <p> </p> <p>ဤနောက်ခံမြင်ကွင်းမှာ ရှင်းယောင်၏ အဆင့်မြင့် စီမံခန့်ခွဲသူများသာ အသုံးပြုခွင့်ရှိသည့် နေရာဖြစ်ကြောင်း ထင်ရှားလှသည်။</p> <p> </p> <p>ကြီးမားသော မှန်ပြတင်းပေါက်များမှတစ်ဆင့် နေရောင်ခြည်က ဖြာကျနေပြီး ပတ်ဝန်းကျင် ရှုခင်းအလှနှင့်အတူ ထိုပုံရိပ်မှာ လွန်စွာ တင့်တယ်လှပနေတော့သည်။</p> <p> </p> <p>"--- ဟဲဟဲ၊ တံတွေးတောင် ထွက်တယ်၊ ဒါက ချစ်သူရဲ့ အမြင်ကနေကြည့်တဲ့ CEO မိုရဲ့ ပုံရိပ်ပေါ့လေ”</p> <p> </p> <p>"ငါတော့ ချစ်မိသွားပြီ လူရှေ့မှာတော့ အေးစက်ပြီး အာဏာရှိတဲ့ CEO ကြီး၊ ချစ်သူရှေ့မှာတော့ ဆွဲဆောင်မှုရှိတဲ့ အလှဘုရင်လေး ဖြစ်နေတာပဲ ဒီလို ဆန့်ကျင်ဘက် အလှတရားက တကယ့်ကို ရင်သပ်ရှုမောစရာပဲ”</p> <p> </p> <p>"မျက်နှာပြင်တစ်ခုလုံး ပြည့်နေတဲ့ ခြေတံရှည်ကြီးတွေ၊ ပုံကျလှပတဲ့ လက်ဆစ်တွေ၊ ဆွဲဆောင်မှုရှိတဲ့ လည်စိနဲ့ ပေါ့ပေါ့ပါးပါး စည်းထားတဲ့ နက်ကတိုင်... ငါ့ခေါင်းထဲမှာတော့ </p> <p>'တိုးတက်ခြင်း၊ ဒီမိုကရေစီ၊ ယဉ်ကျေးသိမ်မွေ့ခြင်းနဲ့ ငြိမ်းချမ်းခြင်း' ဆိုတဲ့ စကားလုံးတွေနဲ့ပဲ အာရုံပြောင်းပြီး ငါ့ရဲ့ မကောင်းတဲ့ အတွေးတွေကို ထိန်းချုပ်လိုက်ရတယ်”</p> <p> </p> <p>"အပေါ်ကလူရေ၊ အဲဒီလိုတွေ ဆက်တွေးနေရင်တော့ နင့်ကို လေဖုန်းစေတီအောက်မှာ ပိတ်လှောင်ထားလိုက်တော့မယ်”</p> <p> </p> <p>"မတူညီတဲ့ အချက်ကို သတိထားမိတာ ငါတစ်ယောက်တည်းလား ဒါကို မမ မင်ယွဲ့ ကိုယ်တိုင်ဆွဲတာလား ဒါက ကျွမ်းကျင် ပညာရှင်အဆင့် လက်ရာပဲ မဟုတ်လား”</p> <p> </p> <p>တစ်စုံတစ်ယောက်က စတင်သတိထားမိလိုက်သည်နှင့် ဆွေးနွေးမှု ခေါင်းစဉ်မှာ နောက်ထပ် တစ်နေရာသို့ ကူးပြောင်းသွားတော့သည်။</p> <p> </p> <p>မကြာမီမှာပင် ယန်ကျင်းတက္ကသိုလ်နှင့် ပတ်သက်သော သတင်းခေါင်းစဉ်များမှာလည်း အွန်လိုင်းပေါ်တွင် ပျံ့နှံ့လာခဲ့လေသည်။</p> <p> </p> <p> </p> <p style="text-align:center">***</p> <p> </p>


Save