Book List

<h2 style="text-align: center;">အခန်း (၃၉၄)</h2> <h2 style="text-align: center;">အခုပဲ လာခဲ့ပါ့မယ်</h2> <h2 style="text-align: center;">*</h2> <p> </p> <p> </p> <p>မုနီယန်၏ ကျော်ကြားမှုသည် မော်ဒယ်လောကရှိ အနုပညာရှင်ပေါင်းများစွာကို ဆွဲဆောင်နိုင်ရုံမျှမက အောင်မြင်လိုစိတ် ပြင်းပြနေသော မော်ဒယ်သစ်များအတွက်လည်း ကြယ်ပွင့်တစ်ပွင့် ဖြစ်လာနိုင်မည့် အခွင့်အလမ်းကောင်း တစ်ရပ် ပင် ဖြစ်သည်။ </p> <p> </p> <p>အကယ်၍ ယခုတစ်ကြိမ်တွင် သူမ၏ ရွေးချယ်မှုကို ခံရပြီး မျက်စိကျခြင်း ခံလိုက်ရပါက နိုင်ငံတကာ ဖက်ရှင်လောကသို့ ခြေတစ်လှမ်း လှမ်းနိုင်ရန် သေချာသလောက်ပင် ဖြစ် တော့သည်။</p> <p> </p> <p>"အစ်မ... ဒီမှာ ဘာလို့ လူတွေ အများကြီး ဖြစ်နေတာလဲဟင်"</p> <p> </p> <p>ကျိုးရှီယန်သည် ခြေဖျားလေးထောက်ကာ ခန်းမအတွင်းရှိ စည်ကားလှသော လူအုပ်ကြီးကို ဝေခွဲမရစွာ ငေးကြည့်နေမိသည်။</p> <p> </p> <p>"မင်္ဂလာပါ၊ အင်တာဗျူး လာတာလားဟင် နံပါတ်စဉ်လေး ယူပြီး ဒီဘက်ကို ကြွပေးပါဦး"</p> <p> </p> <p>မင်ယွဲ့နှင့် ကျိုးရှီယန်တို့ စကားတစ်ခွန်းမျှ မဆိုရသေးမီမှာပင် ဝန်ထမ်းတစ်ဦးက နံပါတ်ကတ်ပြား နှစ်ခုကို ကမ်းပေးကာ မင်ယွဲ့ကို ဘေးဘက်သို့ ဦးဆောင်ခေါ်သွားသည်။</p> <p> </p> <p>"အားလုံးက တကယ်ကို လှပကြတာပဲနော်အင်တာဗျူးမှာ အရွေးခံရဖို့ ဆုတောင်းပေးပါတယ်ရှင်" </p> <p> </p> <p>ဟု ထိုအမျိုးသမီး ဝန်ထမ်းလေးက ဖော်ရွေစွာ ပြုံးပြလိုက်သည်။</p> <p> </p> <p>မင်ယွဲ့က ခပ်အေးအေးပင်</p> <p> </p> <p> "ကျွန်မတို့က အင်တာဗျူး လာတာမဟုတ်ပါဘူး၊ ဒီဇိုင်နာ မုနီယန်ကို တွေ့ချင်လို့ပါ" </p> <p> </p> <p>ဟု ဆိုလိုက်သည်။</p> <p> </p> <p>ဝန်ထမ်းလေးမှာ ခဏတာ ကြောင်အသွားရသည်။ </p> <p> </p> <p>သူမ၏ စိတ်ထဲတွင် မင်ယွဲ့သည် လှပသော်လည်း အလွန်မာနကြီးသူဟု ထင်မှတ်သွားမိသည်။ အင်တာဗျူး အဆင့်ဆင့်ကို ကျော်ဖြတ်ပြီးမှသာ ဒီဇိုင်နာမုနှင့် တွေ့ခွင့်ရမည်ကို ဤမိန်းကလေးက မသိလေရော့သလား။</p> <p> </p> <p>"ဒီဇိုင်နာမုနဲ့က အင်တာဗျူး ဝင်တဲ့အခါကျရင် တွေ့ရမှာပါရှင်"</p> <p> </p> <p> ဟု သူမက ယဉ်ကျေးစွာပင် ပြန်လည်ရှင်းပြလိုက်သည်။</p> <p> </p> <p> </p> <p>မင်ယွဲ့သည် ချိန်းဆိုထားသော နေရာသို့ စောစီးစွာ ရောက်ရှိတတ်သည့် အလေ့အကျင့်ရှိရာ ယနေ့တွင် သူမတစ်ဦးတည်းကိုသာ တွေ့ဆုံမည်ဟု ထင်မှတ်ထားခဲ့သဖြင့် အခြေအနေမှာ ဤမျှ ရှုပ်ထွေးနေလိမ့်မည်ဟု မမျှော်လင့်ထားခဲ့ပေ။</p> <p> </p> <p>"ခဏလေးနော်၊ ကျွန်မ ဖုန်းတစ်ချက် ဆက် လိုက်ဦးမယ်" </p> <p> </p> <p>ဟု မင်ယွဲ့က အမူအရာဖြင့် အသိပေးလိုက်သည်။</p> <p> </p> <p>ထိုစဉ် မုနီယန်သည် အစည်းအဝေးခန်းမအတွင်း၌ သူမ၏ အဖွဲ့သားများကို လုပ်ငန်းစဉ်များ ရှင်းပြနေဆဲ ဖြစ်သည်။</p> <p> </p> <p>"ခဏစောင့်ကြဦး"</p> <p> </p> <p>သူမ၏ ဖုန်းမြည်သံ ထွက်ပေါ်လာသဖြင့် လက်ကို မြှောက်ကာ အချက်ပြလိုက်ပြီး ဖုန်းကို ထုတ် ကြည့်လိုက်သည်။ </p> <p> </p> <p>မင်ယွဲ့ထံမှ ဖုန်းဖြစ်ကြောင်း မြင်လိုက်ရသည့် ခဏတွင် သူမ၏ မျက်နှာထက်၌ ဝမ်းမြောက်မှုတို့ အထင်အရှား ပေါ်လွင်သွားသည်။</p> <p> </p> <p>"ရောက်ပြီလား အခုပဲ လာခဲ့ပါ့မယ်"</p> <p> </p> <p>အစည်းအဝေးခန်းအတွင်းရှိ လူတိုင်းမှာ အံ့အားသင့်ကာ အချင်းချင်း ကြည့်နေကြသော်လည်း မုနီယန်၏ လက်ထောက်ကမူ တစ်ဖက်က မည်သူဖြစ်မည်ကို ရိပ်မိလိုက်သည်။ </p> <p> </p> <p>မုနီယန်သည် ထိုမော်ဒယ်ကို ကြော်ငြာရိုက်ရန် အကြိမ်ကြိမ် ဖိတ်ခေါ်ခဲ့ရသော်လည်း သူမက စင်ပေါ်တက်ရန် ဝန်လေးနေခဲ့သည် မဟုတ်ပါလား။</p> <p> </p> <p>"ကဲ... အားလုံးပဲ ပထမအဆင့် အင်တာဗျူးတွေကို သွားပြီး တာဝန်ယူလိုက်ကြတော့" </p> <p> </p> <p>ဟု မှာကြားပြီးနောက် မုနီယန်သည် အလျင်အမြန်ပင် အခန်းတံခါးကို တွန်းဖွင့်ကာ ထွက်ခွာသွားတော့သည်။ </p> <p> </p> <p>ယနေ့ လာရောက်သူ များပြားလှသဖြင့် ပထမအဆင့်တွင် သူမကိုယ်တိုင် ပါဝင်မည်မဟုတ်ဘဲ ဒုတိယအဆင့် ရောက်မှသာ ဝတ်စုံနှင့် လိုက်ဖက်မည့်သူများကို ကိုယ်တိုင် ရွေးချယ်မည် ဖြစ်သည်။</p> <p> </p> <p>"ကျွန်မတို့ကို ဧည့်ခံနေဖို့ မလိုပါဘူး၊ လူတစ် ယောက်ကို စောင့်နေတာမို့လို့ပါ" </p> <p> </p> <p>ဟု မင်ယွဲ့က ဘေးနားရှိ ဝန်ထမ်းလေးကို ပြောလိုက်သည်။</p> <p> </p> <p>ဝန်ထမ်းလေးမှာ တွန့်ဆုတ်နေမိသည်။</p> <p> </p> <p> ဤမိန်းကလေးက တကယ်ပဲ ဒီဇိုင်နာမုနှင့် တွေ့ဆုံခွင့်ရသူ ဖြစ်ပါ့မလားဟူသော သိချင် စိတ်ဖြင့် သူမ ချက်ချင်း ထွက်မသွားဘဲ စောင့် ကြည့်နေမိသည်။</p> <p> </p> <p>မကြာမီ မုနီယန် ပြေးထွက်လာသည်။ လူအများအပြား ရှိနေသည့်ကြားမှပင် သူမသည် မင်ယွဲ့ကို ချက်ချင်း မြင်လိုက်ရသည်။ အေးစက်တည်ငြိမ်ပြီး တောက်ပလွန်းသော ထိုပုံရိပ်လေးသည် လူအုပ်ကြားတွင် အထင်အရှားပင်။</p> <p> </p> <p>ဆူညံနေသော ခန်းမကြီးမှာ မုနီယန်၏ ပေါ်ပေါက်လာမှုကြောင့် တိတ်ဆိတ်သွားရသည်။ အားလုံးက သူမကို အထင်ကြီးစေရန် ကြိုးစားနေကြသော်လည်း မုနီယန်ကမူ မည်သူ့ကိုမျှ အကြည့်မပေးဘဲ အလျင်အမြန် လျှောက်လှမ်းသွားသည်။ </p> <p> </p> <p>ထို့နောက် သူမသည် လှပသော အမျိုးသမီးတစ်ဦး၏ ရှေ့တွင် ရပ်တန့်လိုက်သည်ကို လူတိုင်း မြင်တွေ့လိုက်ရသည်။</p> <p> </p> <p>မုနီယန် ရောက်လာခြင်းကြောင့် မင်ယွဲ့သည်လည်း လူပေါင်းများစွာ၏ အာရုံစိုက်မှုကို ခံလိုက်ရသည်။ </p> <p> </p> <p>မင်ယွဲ့က သူမ၏ မျက်တောင်ရှည်များကို အသာအယာ ပင့်ကာ လူအုပ်ကို တစ်ချက်မျှ ဝေ့ကြည့်လိုက်ရာ တိတ်ဆိတ်နေသော လေထုမှာ ပို၍ပင် ငြိမ်သက်သွားရသည်။</p> <p> </p> <p> သူမ၏ စွဲမက်ဖွယ်ကောင်းသော မျက်နှာလှလှလေးကို ကြည့်ရင်း အခြားမော်ဒယ်များမှာ ပြင်းထန်သော ပြိုင်ဆိုင်မှုနှင့် စိုးရိမ်စိတ်တို့ကို ခံစားလိုက်ရသည်။</p> <p> </p> <p>"အလှအပက ထမင်းစားလို့ မရဘူး"</p> <p> </p> <p> ဟု လူတို့ ဆိုလေ့ရှိသော်လည်း ယနေ့ခေတ် အင်တာနက် လူမှုကွန်ရက်ခေတ်တွင်မူ ဤမျှ နတ်ဘုရားမကဲ့သို့ လှပသူအတွက်မူ အလှအပသည် အရာရာကို ဖန်တီးပေးနိုင်သည် မဟုတ်ပါလား။ </p> <p> </p> <p>မော်ဒယ်လောကတွင် သူမကို တစ်ခါမှ မမြင်ဖူးသော်လည်း သူမ၏ အလှတရားကပင် ဒီဇိုင်နာမုကို ဖမ်းစားထားနိုင်ကြောင်း အားလုံး သိလိုက်ကြသည်။</p> <p> </p> <p>"သွားရအောင်၊ ရိုက်ကူးမယ့် နေရာကို ခေါ်သွားပေးမယ်"</p> <p> </p> <p>မုနီယန်သည် သူမ၏ ကျွမ်းကျင်သောအဖွဲ့သားများ စောင့်ဆိုင်းနေသည့် နေရာသို့ မင်ယွဲ့ကို ခေါ်ဆောင်သွားသည်။ </p> <p> </p> <p>ဝန်ထမ်းလေးမှာမူ မင်ယွဲ့ ပြောခဲ့သည်မှာ အမှန်တကယ်ဖြစ်ကြောင်း သိလိုက်ရသဖြင့် အံ့အားသင့်ကာ ကျန်ရစ်ခဲ့သည်။</p> <p> </p> <p>မင်ယွဲ့တို့ ထွက်သွားပြီးနောက် ခန်းမအတွင်းရှိ လူများမှာ ပြန်လည် တက်ကြွလာကြသည်။</p> <p> </p> <p>"အား... ဘယ်လိုလုပ်ရမလဲ လက်မှတ်ထိုးခိုင်းဖို့ မေ့သွားတယ်၊ ဒီမိန်းကလေးက သေချာပေါက် နာမည်ကြီးလာတော့မှာ" </p> <p> </p> <p>ဟု ခုနက ဝန်ထမ်းလေးမှာ ရင်ထဲမှ အော်ဟစ်နေမိသည်။</p> <p> </p> <p>အင်တာဗျူး လာရောက်သူများမှာမူ အမျိုးမျိုးသော ခံစားချက်များ ရှိနေကြသည်။ </p> <p> </p> <p>အချို့က မင်ယွဲ့၏ အလှကို အားကျနေကြပြီး၊ အချို့ကမူ သူမ၏ မျက်နှာတစ်ခုတည်းဖြင့် အခွင့်အလမ်းများစွာ ရရှိသွားသည်ကို မနာလို ဖြစ်နေကြသည်။</p> <p> </p> <p>ယခုအကြိမ် မုနီယန်၏ ဖက်ရှင်ရှိုးသည် ကျား၊ မ ကန့်သတ်ထားခြင်း မရှိပေ။</p> <p> </p> <p> "ပန်းမန်များ" သည် လိင်ကွဲပြားမှု မရှိသင့်ဟု သူမ ယုံကြည်ထားသောကြောင့် ဖြစ်သည်။ </p> <p> </p> <p>ထို့ကြောင့် အမျိုးသား မော်ဒယ်များမှာလည်း ရင်တထိတ်ထိတ်ဖြင့် ပြိုင်ဆိုင်မှု ပြင်းထန်နေကြသည်။ မင်ယွဲ့၏ အလှတရားက ပွဲတစ်ခုလုံး၏ အာရုံကို ဆွဲယူသွားမည် ဖြစ်ရာ ၎င်းတို့အတွက်မူ အာရုံစိုက်ခံရမှု နည်းပါးသွားမည်ကို စိုးရိမ်နေကြသည်။</p> <p> </p> <p>"ပွင့်လန်းလာသော ပန်းမန်များ တရုတ်ရိုးရာ ဝတ်စုံပြပွဲအတွက် ပထမအဆင့် အင်တာဗျူး စတင်ပါပြီ အမျိုးသားများ ခန်းမ(၁)၊ အမျိုးသမီးများ ခန်းမ(၂) သို့ ကြွပေးပါ </p> <p>နံပါတ်စဉ် ၁၊ ၂၊ ၃ တို့ ဝင်ရောက်ပေးပါ" </p> <p> </p> <p> </p> <p>အင်တာဗျူး စတင်ကြောင်း ကြေညာချက်ကြောင့် ရှုပ်ထွေးနေသော အတွေးများမှာ ရပ်တန့်သွားပြီး တင်းမာသော အငွေ့အသက်များ ဖုံးလွှမ်းသွားသည်။</p> <p> </p> <p> မင်ယွဲ့နှင့် ပတ်သက်၍ တွေးနေရန် အချိန်မရှိတော့ဘဲ မိမိတို့ ကိုယ်တိုင် ရွေးချယ်ခံရဖို့သာ အာရုံစိုက်ရတော့မည် ဖြစ်သည်။</p> <p> </p> <p>အခန်းအတွင်းသို့ ဝင်သွားသူများနှင့် ပြန်ထွက်လာသူများ၏ မျက်နှာကို ကြည့်ရုံဖြင့် အင်တာဗျူးမှာ မည်မျှ တင်းကျပ်ကြောင်း သိနိုင်ပေသည်။ </p> <p> </p> <p>ခန်းမအတွင်းရှိ လေထုမှာ ပိုမို လေးလံလာကာ အားလုံးမှာ စိုးရိမ်စိတ်တို့ဖြင့် ပြိုလဲလုနီးပါး ဖြစ်နေကြတော့သည်။</p> <p> </p> <p style="text-align: center;">***</p> <p> </p>


Save