Book List

<h2 style="text-align: center;">အခန်း (၄၀၀)</h2> <h2 style="text-align: center;">သူက လူကောင်းတစ်ယောက်ပါ</h2> <h2 style="text-align: center;">*</h2> <p> </p> <p>"မဟုတ်ပါဘူး"</p> <p> </p> <p>"အိမ်အဝင်ဝမှာ မတော်တဆ ဆုံမိတာပါ"</p> <p> </p> <p>သူတို့နှစ်ဦးစလုံးက တစ်ပြိုင်နက်တည်း ဖြေလိုက်ကြသည်။ </p> <p> </p> <p>မစ္စတာကျန်ကတော့ ဤသို့ဖြစ်လာမည်ကို ကြိုတင်ခန့်မှန်းထားပြီးသားပင်။</p> <p> </p> <p>"ရှောင်တီး... မင်း အခုတလော ဘာလို့ အပြင်တွေ ခဏခဏ ထွက်နေတာလဲ"</p> <p> </p> <p>ကျန်တီး၏မိခင်က စိုးရိမ်တကြီး မေးလိုက်သည်။ သူမ၏ သမီးဖြစ်သူ အချစ်ရေးတစ်ခုခုထဲ ရောက်နေပြီလားဟု သူမ သံသယဝင်နေခြင်း ဖြစ်သည်။</p> <p> </p> <p>"ဟို... ကျွန်မ..."</p> <p> </p> <p>ကျန်တီးသည် စကားပြောရင်း ကျန်ကျွင်းဘက်သို့ အကူအညီတောင်းသလို လှည့်ကြည့် လိုက်သည်။</p> <p> </p> <p>"ဘာလို့ ငါ့ကို ကြည့်နေတာလဲ၊ အန်တီ... သူ အချစ်မှာ ကျရှုံးနေပြီဗျ"</p> <p> </p> <p>ကျန်ကျွင်းသည် ဆိုဖာပေါ်တွင် သက်သောင့်သက်သာ လှဲလျောင်းလိုက်ရင်း လျှို့ဝှက်ချက်ကို ဗြောင်ကျကျပင် ဖွင့်ချလိုက်တော့သည်။</p> <p> </p> <p>ကျန်တီး၏မိခင်၏ မျက်နှာတွင် စိတ်ရှုပ်ထွေးမှုများ ယှက်သန်းသွားသည်။ </p> <p> </p> <p>ကျိုးကြောင်းဆီလျော်စွာ စဉ်းစားလျှင် သူမ၏သမီးမှာ ဤအရွယ်တွင် ရည်းစားထားသင့်ပြီ ဖြစ်သော်လည်း၊ သူမ၏ ရိုးအလွန်းသော ပုံစံကြောင့် တစ်ဖက်လူ၏ လှည့်ဖြားခြင်း ခံရမည်ကို အမှန်တကယ်ပင် စိုးရိမ်မိသည်။ </p> <p> </p> <p>အတိတ်က သူမကိုယ်တိုင်လည်း လူမှားကို ရွေးချယ်မိခဲ့ဖူးရာ၊ သူမ၏ သမီးကိုလည်း သူမကဲ့သို့ အဖြစ်မျိုး မကြုံစေချင်ပါ။ </p> <p> </p> <p>သို့သော် အချစ်ကို အကန်းယုံတတ်သည့် အကျင့်မှာ မျိုးရိုးလိုက်တတ်သည် ထင်၏။ အကယ်၍ ကျန်တီး၏ အချစ်ရေးကို အချိန်မီ မတားဆီးနိုင်ခဲ့လျှင် သူမသည်လည်း ဒုတိယမြောက် ကျန်တီးမိခင် ဖြစ်သွားနိုင်ပေသည်။</p> <p> </p> <p>"အဲဒါ ဘယ်သူ့သားလဲ၊ သူက ဘယ်လိုလူမျိုးလဲ"</p> <p> </p> <p>မေးခွန်းမှာ ကျန်တီးထံ ဦးတည်ထားသော်လည်း ကျန်တီး၏မိခင်မှာ မသိစိတ်ဖြင့် ကျန်ကျွင်းကို လှမ်းကြည့်လိုက်မိသည်။ </p> <p> </p> <p>သူမအတွက်မူ ဤလင်ပါသားမှာ သူမ၏ သမီးထက် ပိုမိုအားကိုးထိုက်သူ ဖြစ်နေသည် မဟုတ်ပါလား။</p> <p> </p> <p>"ကျွန်တော် မသိဘူး၊ သူ့ကိုပဲ တိုက်ရိုက်မေးလိုက်ပါ"</p> <p> </p> <p>ကျန်ကျွင်းသည် စားပွဲပေါ်မှ ငှက်ပျောသီးတစ်လုံးကို ယူ၍ အေးအေးလူလူ အခွံနွှာစားနေလိုက် သည်။</p> <p> </p> <p>"ခယ်ဟယ်က ကျွန်မရဲ့ စီနီယာပါ၊ သူက အရမ်းကို စိတ်သဘောထားကောင်းတဲ့ လူကောင်းတစ်ယောက်ပါရှင်"</p> <p> </p> <p>ကျန်တီးသည် စကားလုံးများ ထစ်ငေါ့နေသော်လည်း ခယ်ဟယ်က သူမအပေါ် မည်မျှ ညင်သာပျူငှာကြောင်း၊ မည်မျှ ဂရုစိုက်ကြောင်းများကိုသာ တတွတ်တွတ် ရွတ်ဆိုနေတော့သည်။ </p> <p> </p> <p>မစ္စတာကျန်မှာမူ လောကအတွေ့အကြုံများသော မြေခွေးအိုကြီးပီပီ ကျန်တီးပြောသမျှကို အလွယ်တကူ မယုံကြည်နိုင်ပေ။</p> <p> </p> <p>ကျန်တီး၏ တောက်ပနေသော မျက်နှာလေးကို ကြည့်ရင်း ကျန်တီး၏မိခင်မှာ ဤမြင်ကွင်းသည် အလွန်ပင် ရင်းနှီးနေသလို ခံစားလိုက်ရသည်။ </p> <p> </p> <p>ဤပုံစံသည် သူမငယ်စဉ်က မိဘများကို ဆန့်ကျင်ခဲ့စဉ်က ပုံစံနှင့် အတိအကျပင် ဖြစ်သည်။ အချစ်တစ်ခုထဲတွင်သာ နစ်မွန်းပြီး မိမိကိုယ်ကိုယ် ပျောက်ဆုံးသွားခြင်းသည် နောက်ဆုံးတွင် နာကျင်မှုများဖြင့်သာ နိဂုံးချုပ် ရတတ်သည် မဟုတ်ပါလား။</p> <p> </p> <p>"မင်းတို့ ဘယ်တော့တွေ့ဖို့ စီစဉ်ထားလဲ"</p> <p> </p> <p>မိဘတစ်ဦးအနေဖြင့် သူမ၏သမီးအတွက် လက်တွဲဖော်လောင်းကို စစ်ဆေးရန်မှာ လက်ခံနိုင်စရာပင်။ </p> <p> </p> <p>ကျန်တီးကလည်း ချက်ချင်းပင် သဘောတူလိုက်သည်။ သူမသည် ပေါ့ပါးသော ခြေလှမ်းများဖြင့် အပေါ်ထပ်သို့ တက်သွားပြီးနောက် ဖုန်းပြောရင်း ရယ်မောနေသော အသံကို ကြားနေရသည်။ ၎င်းမှာ သူမ၏ ချစ်သူဖြစ်သူ ခယ်ဟယ် ဖြစ်ကြောင်း ဧကန်မလွဲပင်။</p> <p> </p> <p>"အာကျွင်း... မင်း ရှောင်တီးရဲ့ ချစ်သူကို တွေ့လိုက်လား"</p> <p> </p> <p>မစ္စတာကျန်သည် ကျန်တီးကို အလွန်ချစ်မြတ်နိုးသော်လည်း သူမက အနည်းငယ် ရှက်တတ်သူဖြစ်ပြီး သူကိုယ်တိုင်မှာလည်း အမျိုးသားတစ်ဦး ဖြစ်သဖြင့် သူမ၏ ကိစ္စများတွင် တိုက်ရိုက် ဝင်ရောက် စွက်ဖက်လေ့မရှိပေ။ </p> <p> </p> <p>သူမ အပေါ်ထပ်သို့ တက်သွားတော့မှသာ ကျန်ကျွင်းကို လှမ်းမေးလိုက်ခြင်း ဖြစ်သည်။ </p> <p>ကျန်တီး၏မိခင်မှာလည်း သိချင်စိတ် ပြင်းပြနေဟန်ဖြင့် ကျန်ကျွင်းကို စိုက်ကြည့်နေသည်။</p> <p> </p> <p>"အပြင်မှာ ခဏတွေ့လိုက်ရတယ်၊ သူက ရိုးသားတဲ့လူတော့ မဟုတ်ဘူးဗျ၊ သူ့အကြောင်းကို သေချာစုံစမ်းထားသင့်တယ်"</p> <p> </p> <p>ထိုသို့ပြောပြီးနောက် ကျန်ကျွင်းသည် ငှက်ပျောသီးခွံကို အမှိုက်ပုံးထဲသို့ ပစ်ထည့်ကာ အပေါ်ထပ်သို့ တက်သွားလေတော့သည်။</p> <p> </p> <p>"မောင်... ကျွန်မတို့ ဒါကို သေချာစုံစမ်းမှ ဖြစ်မယ်၊ ရှောင်တီးကို မရိုးသားတဲ့ ရည်ရွယ်ချက်ရှိသူတွေရဲ့ လှည့်ဖြားမှု မခံစေချင်ဘူး"</p> <p> </p> <p>ကျန်တီး၏မိခင်သည် ကျန်ကျွင်း၏ စကားကို ကြားပြီးနောက် ပို၍ပင် စိုးရိမ်သွားလေသည်။</p> <p> </p> <p>"ငါ လုပ်လိုက်ပါ့မယ်၊ စိတ်မပူပါနဲ့"</p> <p> </p> <p>မစ္စတာကျန်သည် ချက်ချင်းပင် သူ၏လက်ထောက်ကို ဖုန်းဆက်လိုက်သည်။</p> <p> </p> <p>"အခုတလော သမီးလေးနဲ့ ပတ်သက်နေတဲ့ ခယ်ဟယ် ဆိုတဲ့လူက ဘယ်သူလဲဆိုတာ စုံစမ်းလိုက်စမ်း..."</p> <p> </p> <p>အမိန့်ပေးပြီးမှသာ သူ အနည်းငယ် စိတ်အေးသွားတော့သည်။</p> <p> </p> <p>ခယ်ဟယ်သည် အိမ်သို့ ပြန်ရောက်သောအခါ သူ၏ ဟန်ဆောင်မှုများကို ချွတ်ချလိုက်သည်။ ညှိုးငယ်မှောင်မိုက်သော မျက်နှာထားဖြင့် သူ၏ ဝတ်စုံကို ဆိုဖာပေါ်သို့ ပစ်တင်လိုက်ပြီး လည်စည်းကို ဖြေလျော့ကာ မှီထိုင်လိုက်သည်။ </p> <p> </p> <p>သူ၏ဖခင် ခယ်ကျွန့်ရှန်းမှာ မလျော်ကန်သော ရည်ရွယ်ချက်ဖြင့် လူကို ဒဏ်ရာရအောင် ပြုမူခဲ့မှုကြောင့် ထောင်ဒဏ် (၂) နှစ် ချမှတ်ခြင်းခံခဲ့ရရာ သူ၏ မိသားစုမှာလည်း ပြိုကွဲလုနီးပါး ဖြစ်နေပြီဖြစ်သည်။</p> <p> </p> <p>"နင် ပြန်လာရဲသေးတယ်ပေါ့၊ နင့်အဖေကို ဘာလို့ မကယ်တာလဲ"</p> <p> </p> <p>သူသည် ပင်ပန်းနွမ်းနယ်နေသဖြင့် လှေကားထိပ်တွင် ရပ်နေသော အမျိုးသမီးကို သတိမထားမိလိုက်ပေ။</p> <p> </p> <p>"အမေ... ဘာမှ မပြောတော့ဘူးလား"</p> <p> </p> <p>ခယ်ဟယ်မှာ လန့်သွားပြီး မျက်လုံးကို ပွတ်ကာ ထိုဘက်သို့ လှည့်ကြည့်လိုက်သည်။</p> <p> </p> <p>"ကျွန်တော် ပြောပြီးပြီပဲ၊ အဖေက ဥပဒေကို ချိုးဖောက်ခဲ့တာ၊ ကုမ္ပဏီက လူတိုင်းလည်း သိနေတာပဲ၊ ကျွန်တော် သူ့ကို မကယ်နိုင်ဘူး"</p> <p> </p> <p>သူ၏ဖခင်မှာ ရုံးခန်းထဲ၌ပင် ဝန်ခံခဲ့ပြီး ရဲများကလည်း ဖမ်းဆီးသွားခဲ့ပြီး ဖြစ်သည်။ </p> <p> </p> <p>မင်ယွဲ့ဆိုသော အမျိုးသမီးမှာလည်း သူ အလွယ်တကူ တုန်လှုပ်အောင် လုပ်နိုင်မည့်သူ မဟုတ်ပေ။ ထို့ကြောင့် သူ၏ဖခင် ထောင်ကျခြင်းကို ငွေကြေးဖြင့်ပင် ပြောင်းလဲ၍ မရနိုင်တော့ပါ။</p> <p> </p> <p>"ငါမယုံဘူး... နင်က အတ္တကြီးနေတာ၊ ပိုက်ဆံမသုံးချင်လို့ပဲ၊ နင်က ကျေးဇူးကန်းတဲ့ ကောင် လေး..."</p> <p> </p> <p>ရှည်လျားသော ဝတ်ရုံကို ဝတ်ဆင်ထားသည့် ထိုအမျိုးသမီးမှာ အမျိုးသားတစ်ဦး မရှိလျှင် သူမ၏ လောကကြီးတစ်ခုလုံး ပျက်စီးသွားသကဲ့သို့ ရူးသွပ်စွာ အော်ဟစ်နေတော့သည်။</p> <p> </p> <p>"အမေ... မအော်ပါနဲ့တော့၊ (၂) နှစ်ကြာရင် သူ ပြန်ထွက်လာမှာပါ"</p> <p> </p> <p>သူမသည် အခုတလော ဤသို့ပင် အမြဲတစေ ပြုမူနေသဖြင့် ခယ်ဟယ်မှာ အမှန်တကယ် သည်းမခံနိုင်တော့ပေ။ </p> <p> </p> <p>သူသည် ကုမ္ပဏီတွင်လည်း ကောလာဟလများကြား၌ တည်ငြိမ်နေသယောင် ဟန်ဆောင်နေရသူ ဖြစ်သည်။ အိမ်ပြန်ရောက်သည့်အခါတွင်လည်း ရူးသွပ်နေသော မိခင်နှင့် ရင်ဆိုင်ရခြင်းမှာ တင်းကျပ်နေသော ကြိုးတစ်မျှင် တုန်ခါနေသကဲ့သို့ပင် စိတ်ပျက်ဖွယ် ကောင်းလှသည်။ </p> <p> </p> <p>အကယ်၍ သူ၏မိခင်သာ ဆက်လက်၍ မဆင်မခြင် ပြုမူနေမည်ဆိုပါက သူ ဘာလုပ်မိမည်ကို သူကိုယ်တိုင်ပင် မသိတော့ပေ။</p> <p> </p> <p>"ဒါတွေ အားလုံးက နင့်ကြောင့်ပဲ၊ နင်သာ မရှိရင် နင့်အဖေက ကုမ္ပဏီကို သိမ်းပိုက်ဖို့ ကြိုးစားမှာမဟုတ်ဘူး၊ ဒီလို အမှားမျိုးလည်း လုပ်မှာမဟုတ်ဘူး၊ ငါတို့ အရင်က ပိုက်ဆံတွေ အများကြီးနဲ့ အေးအေးဆေးဆေး နေခဲ့ရတာလေ၊ အခုတော့ နင့်ကြောင့် အားလုံး ပျက်စီးကုန်ပြီ၊ နင် ဘာလို့ မွေးလာရတာလဲ"</p> <p> </p> <p>ထိုအမျိုးသမီးသည် လှေကားထိပ်၌ ရပ်ကာ မှောင်မိုက်ထဲမှ သားရဲတစ်ကောင်ကဲ့သို့ အော်ဟစ်နေတော့သည်။ </p> <p> </p> <p>သူမသည် ခယ်ကျွန့်ရှန်းအပေါ်တွင်သာ တစ်သက်လုံး မှီခိုလာခဲ့သည့် အမျိုးသမီး ဖြစ်သည်။ သူမ၏ ကမ္ဘာကြီးမှာ ခင်ပွန်းသည် ထောင်ကျသွားသောအခါ ပြိုလဲသွားခဲ့ပြီး သူမ၏ သားဖြစ်သူအပေါ်သို့ အမုန်းတရားများ ပုံချနေတော့သည်။</p> <p> </p> <p>ကျယ်လောင်လွန်းသော အော်ဟစ်သံများကြောင့် ခယ်ဟယ်၏ ခေါင်းမှာ ပေါက်ထွက်မတတ် ခံစားလိုက်ရသည်။</p> <p> </p> <p>"အမေ စိတ်မအေးဘူးဆိုရင်၊ မနက်ဖြန် ကျွန်တော် အမေ့ကို စိတ္တဇဆေးရုံ ပို့လိုက်မယ်၊ ဘာလုပ်သင့်လဲဆိုတာ သေချာစဉ်းစားပါ"</p> <p> </p> <p>ခယ်ဟယ်သည် ဒေါသတကြီးဖြင့် သူမကို ကျော်ဖြတ်ကာ အပေါ်ထပ်ရှိ သူ၏အခန်းထဲသို့ ဝင်၍ တံခါးကို ဝုန်းခနဲ ပိတ်လိုက်သည်။ </p> <p> </p> <p>ခဏအကြာတွင် အပြင်ဘက်မှ အမျိုးသမီးတစ်ဦး၏ ရှိုက်ကြီးတငင် ငိုသံကို ကြားလိုက်ရသည်။</p> <p> </p> <p>ခယ်ဟယ်သည် သူ၏မိခင်ကို လျစ်လျူရှုကာ အိပ်ရာမဝင်မီ ကျန်တီးထံသို့ ဖုန်းဆက်လိုက်သေးသည်။ </p> <p> </p> <p>လူမသိသူမသိဆိုလျှင် သူသည် အလွန်ချစ်တတ်သော ချစ်သူကောင်းတစ်ဦးဟုပင် ထင်မှတ်ရပေမည်။ </p> <p> </p> <p>သူ၏ စနစ်တကျ ပြုစုပျိုးထောင်မှုအောက်တွင် ကျန်တီးမှာ အလွန်ပင် ရူးသွပ်စွာ ချစ်မိနေခဲ့ပြီ ဖြစ်သည်။</p> <p> </p> <p>ကျန်ကျွင်းသည် ကျန်တီး၏ ကိစ္စတွင် မပါဝင်ချင်သော်လည်း သူမသည် ယခုအခါ ကျန်မိသားစု၏ အမည်ကို ခံယူထားသူဖြစ်သဖြင့် ခယ်ဟယ်၏ နောက်ကြောင်းကို စုံစမ်းရန် လူလွှတ်လိုက်သည်။ </p> <p> </p> <p>ခယ်ဟယ်၏ ဖခင် ထောင်ကျခြင်းနှင့် ကျန်တီးကို ချဉ်းကပ်လာခြင်းမှာ အချိန်ကိုက်လွန်းနေသည် မဟုတ်ပါလား။</p> <p> </p> <p>မစ္စတာကျန်၏ လက်ထောက်ကလည်း ခယ်ဟယ်၏ အထောက်အထားကို လျင်မြန်စွာ ရှာဖွေတွေ့ရှိခဲ့သည်။ ခယ်မိသားစုတွင် ဖြစ်ပျက်ခဲ့သမျှ အကြောင်းအရာများအားလုံးကို သူ၏  အစီရင်ခံစာတွင် အပြည့်အစုံ ဖော်ပြထားသည်။ </p> <p> </p> <p>ထိုအချက်အလက်များကို ဖတ်ပြီးနောက် ကျန်တီး၏မိခင်မှာ စိုးရိမ်စိတ်များ ပြည့်နှက်သွားကာ ကျန်တီး၏ အခန်းထဲသို့ သွားရောက် စကားပြောလေတော့သည်။</p> <p> </p> <p>"အမေ... ဒါတွေအားလုံးကို အဟယ်က ကျွန်မကို ပြောပြပြီးသားပါ၊ သူ့အဖေက အမှားလုပ်ခဲ့လို့ ပြစ်ဒဏ်ခံနေရတာပဲလေ၊ ကျွန်မတို့က တက္ကသိုလ်ကတည်းက သိလာတာ၊ သူ့အကြောင်းကို အမေတို့ထက် ကျွန်မက ပိုသိတယ်၊ ပြီးတော့ အမေတို့ အခုလို သူ့နောက်ကြောင်း စုံစမ်းတာက သူ့အပေါ် အရမ်းရိုင်းစိုင်းရာ ကျပါတယ်"</p> <p> </p> <p>ကျန်တီး၏ မျက်နှာမှာ မသာမယာ ဖြစ်သွားသည်။ ကျန်တီးမိခင်မှာ စကားပြောရန် ပြင်လိုက်သော်လည်း နောက်ဆုံးတွင် သက်ပြင်းချကာ အခန်းထဲမှ ထွက်ခွာခဲ့တော့သည်။ </p> <p> </p> <p>သူမ ပြုစုပျိုးထောင်ခဲ့သော ကလေးမှာ အမျိုးသားတစ်ဦးအတွက်ကြောင့် သူမအပေါ် စိတ်ဆိုးလိမ့်မည်ဟု သူမ မထင်မှတ်ထားခဲ့ပေ။ </p> <p> </p> <p>ကျန်တီး၏ ခေါင်းမာမှုကြောင့် သူမ ဘာမှမတတ်နိုင်တော့ဘဲ ခယ်ဟယ်၏ မရိုးသားသော ရည်ရွယ်ချက်များကိုသာ စောင့်ကြည့်ရန် ဆုံးဖြတ်လိုက်သည်။</p> <p> </p> <p>သို့သော် ခယ်ဟယ်သည် ကျောင်းတွင်ရော အလုပ်ခွင်တွင်ပါ နှစ်ပေါင်းများစွာ ဟန်ဆောင်ကောင်းခဲ့သူ ဖြစ်သည်။ </p> <p> </p> <p>ယခုတိုင် ဟယ်ယူ ကုမ္ပဏီအတွင်း၌ ခယ်ကျွန့်ရှန်းကို မုန်းတီးသူများ ရှိသော်လည်း ခယ်ဟယ်ကိုမူ လေးစားကြည်ညိုသူများစွာ ရှိနေသေးသည်။ မစ္စတာကျန်ကမူ သူလိုအပ်သော သက်သေအထောက်အထားများ ရရှိရန် ဆက်လက် စုံစမ်းနေတော့သည်။</p> <p> </p> <p>ခယ်ကျင်းနှင့် သူ၏သမီးဖြစ်သူတို့သည် အလုပ်တွင် လျင်မြန်ကြပြီး မင်ယွဲ့ ပေးပို့ထားသော ဒီဇိုင်းမူကြမ်းမှာလည်း မကြာမီ အတည်ပြုပြီးစီးသွားခဲ့သည်။</p> <p> </p> <p> သို့သော် မင်ယွဲ့၏ ဒီဇိုင်းများမှာ အထက်တန်းစား ဆန်လွန်းသဖြင့် သူတို့က အမြောက်အမြား မထုတ်လုပ်ဘဲ အကန့်အသတ်ဖြင့်သာ ထုတ်လုပ်ခဲ့သည်။ </p> <p> </p> <p>မင်ယွဲ့၏ ဒီဇိုင်းများ ဈေးကွက်ထဲသို့ ရောက်ရှိသွားသည်နှင့် မင်ယွဲ့၏ ဘဏ်အကောင့်ထဲသို့ ငွေအမြောက်အမြား ထပ်မံဝင်ရောက်လာခဲ့သည်။</p> <p> </p> <p>ခယ်ကျင်းသည် အွန်လိုင်းမှတစ်ဆင့်လည်း ကုမ္ပဏီကို ကြော်ငြာခဲ့သည်။ ဟယ်ယူတွင် အလွန်ထူးချွန်ပြီး လျှို့ဝှက်ချက်များသော ဒီဇိုင်နာတစ်ဦး ရှိနေကြောင်း လူတိုင်း သိရှိသွားကြသော်လည်း ထိုလူမှာ မည်သူဖြစ်ကြောင်းကိုမူ မည်သူမျှ မသိရှိကြပေ။ </p> <p> </p> <p>ဟယ်ယူ ကုမ္ပဏီသည် အခက်အခဲများစွာ ကြုံတွေ့ခဲ့ရသော်လည်း ယခုအခါ လမ်းကြောင်းမှန်ပေါ်သို့ ပြန်လည်ရောက်ရှိနေပြီ ဖြစ်သည်။</p> <p> </p> <p>ရုတ်တရက် ပေါ်ပေါက်လာသော ရှယ်ယာရှင် တစ်ဦးနှင့် လျှို့ဝှက်ဒီဇိုင်နာ 'Y'...။</p> <p> </p> <p>"မင်ယွဲ့... ရပ်ကွက်ဟောင်း ပြန်လည်ပြုပြင်ရေး ပထမအဆင့် ပြီးသွားပြီ၊ လာကြည့်ဦးမလား" </p> <p> </p> <p>ဟု ကျန်ဟင်က ဖုန်းဆက်ပြောလာသည်။</p> <p> </p> <p>မင်ယွဲ့သည် ထိုနေရာသို့ ကားမောင်းသွားခဲ့သည်။ </p> <p> </p> <p>ကျန်ဟင်မှာ အလုပ်ကိစ္စကြောင့် မလာနိုင်သော်လည်း ဝမ်ကျန်း ရောက်ရှိနေသည်။ မြို့တော် စည်ပင်သာယာရေး အရာရှိများလည်း ရောက်ရှိနေကြပြီး မင်ယွဲ့ကို မြင်သောအခါ အလွန်ပင် ပျူငှာစွာ နှုတ်ဆက်ကြသည်။</p> <p> </p> <p>"မင်ယွဲ့လေးကို တကယ်ပဲ ကျေးဇူးတင်ပါတယ်၊ နောက်မှ အတူတူ ထမင်းစားကြတာပေါ့"</p> <p> </p> <p>အရာရှိများသည် စီးပွားရေးသမားများနှင့် တိုက်ရိုက်ထိတွေ့လေ့ မရှိသော်လည်း မင်ယွဲ့မှာမူ ထူးခြားသည်။ </p> <p> </p> <p>သူမသည် ယန်ကျင်းတက္ကသိုလ်မှ ကျောင်းသူတစ်ဦးဖြစ်သလို ရပ်ကွက်ဟောင်း ပြန်လည်ပြုပြင်ရေးတွင်လည်း အဓိက ရင်းနှီးမြှုပ်နှံသူ ဖြစ်သည် မဟုတ်ပါလား။</p> <p> </p> <p> </p> <p style="text-align: center;">***</p>


Save