Book List

<h2 style="text-align: center;">အခန်း (၄၉၂)</h2> <h2 style="text-align: center;">*</h2> <p> </p> <p style="text-align:justify">နိုဝင်ဘာလ ၁၄ ရက်။</p> <p style="text-align:justify">အာရှဇုန် ကမ္ဘာ့ဖလားခြေစစ်ပွဲ ပွဲစဉ် - တရုတ်နှင့် ဆီးရီးယား။</p> <p style="text-align:justify">ချူဖုန်းအတွက် ဒူဘိုင်းဆိုသည်မှာ အသစ်အဆန်း မဟုတ်တော့ချေ။ ယူအီးအက်ဖ်အေ စူပါဖလား ပွဲစဉ်ကို ကျင်းပစဉ်ကလည်း မန်ယူအသင်းနှင့်အတူ သူ ဤနေရာသို့ ရောက်ရှိခဲ့ဖူးသည်။</p> <p style="text-align:justify">လေဆိပ်မှ ထွက်လာသည်နှင့် ချူဖုန်းတစ်ယောက် ဝူလေနှင့် ပြန်ဆုံသည်။ ဝူလေ၏ မျက်ကွင်း ညိုနေသည်ကို လက်ညှိုးထိုးပြရင်း သူက ခပ်နောက်နောက် မေးလိုက်၏။ </p> <p style="text-align:justify">"မင်းရဲ့ မျက်ကွင်းကြီးက ထိုးခံထားရသလိုချည်း ဖြစ်နေတယ်။ အိပ်ရေးမဝဘူးလား..."</p> <p style="text-align:justify">"လာလီဂါ ပွဲစဉ် ၁၃က အခုမှ ပြီးတာလေ... ပြီးတာနဲ့ နားချိန်မရှိဘဲ တန်းပြေးလာရတာ... လေယာဉ်ပေါ်မှာလည်း လုံးဝ အိပ်မပျော်ဘူး... အချိန်ကွာခြားချက်နဲ့ ကျင့်သားရအောင်ပဲ အောင့်ထားရတော့မယ်..."</p> <p style="text-align:justify">ဝူလေလည်း သက်ပြင်းချရင်း မတတ်နိုင်သလို ပြောရှာသည်။ သူ့မှာသာ ကိုယ်ပိုင်ဂျက်လေယာဉ် ရှိလျှင် ဤမျှ အလျင်စလို ဖြစ်နေစရာ မလိုပေ။ သို့သော် လောလောဆယ်တွင် ဘာမှမတတ်နိုင်။</p> <p style="text-align:justify">"ရပါတယ်... ကျန်သေးတဲ့ သုံးရက်က မင်းအနားယူဖို့ လုံလောက်ပါတယ်... ဒါနဲ့ ငါတို့နဲ့ ဆီးရီးယားက အခုထိ ရှုံးပွဲမရှိသေးဘူးနော်... ဒီပွဲနိုင်တဲ့သူက အုပ်စုပထမ နေရာကို ရမှာ..." ချူဖုန်းက စကားလမ်းကြောင်း လွှဲလိုက်သည်။</p> <p style="text-align:justify">"ဒါပေမဲ့ ငါတို့အသင်းမှာ ဒဏ်ရာရတဲ့သူတွေ များနေတယ်... လီလဲ့က ကြွက်သားဒဏ်ရာကြောင့် နုတ်ထွက်သွားပြီ... ကျန့်လင်းဖုန်းနဲ့ ကျီရှန့်တို့လည်း ဒဏ်ရာတွေ ရထားကြတယ်..." ဝူလေက တရုတ်အသင်း၏ ကံကို အနည်းငယ် စိတ်ပျက်နေမိသည်။</p> <p style="text-align:justify">"စိတ်မပူပါနဲ့... ဆီးရီးယားဘက်မှာလည်း အထိနာနေတာပဲ... ဘွန်ဒက်လီဂါမှာ ကစားနေတဲ့ မိုဟာမက် အော့စမန် ဒဏ်ရာရနေသလို ကွင်းလယ်အမာခံ နှစ်ယောက်ဖြစ်တဲ့ မူဘာယက်ဒ်နဲ့ အက်ရှ်ကာတို့လည်း လေ့ကျင့်ရေးကနေ နုတ်ထွက်သွားပြီ..."</p> <p style="text-align:justify">ထိုသို့ပြောရင်း ချူဖုန်းက ပြုံးလိုက်၏။ ဆီးရီးယားအသင်းသည် လက်ရှိတွင် ကွင်းလယ်လူ ပြတ်လပ်မှုနှင့် ရင်ဆိုင်နေရသည်။</p> <p style="text-align:justify">"အေးလေ... ငါတို့ တိုက်စစ်ပိုင်းကတော့ အိုကေပါတယ်... အဓိကက ခံစစ်ပိုင်းကို သေသေချာချာ ထိန်းနိုင်ဖို့ပဲ..." </p> <p style="text-align:justify">ချူဖုန်းက ခေါင်းညိတ်လိုက်သည်။ </p> <p style="text-align:justify">"ဆီးရီးယားရဲ့ တိုက်စစ်မှူး အိုမာ အယ်လ်ဆိုမာက (၃) ပွဲမှာ (၇) ဂိုး သွင်းထားတာ... ဂိုးသွင်းနှုန်းက တော်တော်လေး ကောင်းတယ်..."</p> <p style="text-align:justify">"ဘယ်သူက မင်းထက်သာမှာလဲကွာ... မင်းက (၃) ပွဲတည်းနဲ့ ဆယ်ဂိုးကျော် သွင်းထားတာလေ... သူ့ထက် အဝေးကြီးကို ရောက်နေတာ... နောက်ပွဲတွေ မင်းမကစားရင်တောင် ဂိုးသွင်းအများဆုံး ဇယားထိပ်မှာ မင်းပဲ ရှိနေမှာ..." </p> <p style="text-align:justify">ဝူလေက နှုတ်ခမ်းဆူကာ ပြောလိုက်သည်။</p> <p style="text-align:justify">ဂြိုဟ်သားတစ်ယောက်နှင့် အသင်းဖော် ဖြစ်ရသည်မှာ ဖိအား တော်တော်ကြီးလှသည်။ ဝူလေသည် သားမယားနှင့် လူကြီးတယောက် ဖြစ်နေပြီ ဖြစ်သော်လည်း ချူဖုန်း၏ ခြေဖျားမီရန်နှင့် အသင်းကို ဝန်ထုပ်ဝန်ပိုး မဖြစ်စေရန်အတွက် အပိုဆောင်း လေ့ကျင့်ရေးများကို အမြဲ ပြုလုပ်နေရသည်။</p> <p style="text-align:justify">မကြာမီ...။</p> <p style="text-align:justify">သူတို့နှစ်ဦး လေ့ကျင့်ရေးကွင်းသို့ ရောက်ရှိသွားသောအခါ တရုတ်လက်ရွေးစင် ကစားသမားများမှာ တီးတိုးတီးတိုးဖြင့် အတင်းပြောနေကြလေသည်။</p> <p style="text-align:justify">"ဟေ့... ကျင်းကျင့်တောက်က လက်ရွေးစင်အသင်းမှာ ပါတာမဟုတ်လား... ဘာလို့ ရုတ်တရက်ကြီး လူစာရင်းကနေ ပယ်ထုတ်ခံလိုက်ရတာလဲ..." <br /> ဟောက်ကျွင်းမင်က အသံတိုးတိုးဖြင့် မေးလိုက်သည်။</p> <p style="text-align:justify">"သူက အသင်းဖော်တွေနဲ့ ပေါင်းပြီး လုပ်ပွဲတွေ လုပ်ထားတာလေ... ပထမအကျော့ စုံစမ်းစစ်ဆေးမှုမှာ လွတ်သွားပေမဲ့ အခု ဒုတိယအကျော့မှာတော့ အမိခံလိုက်ရပြီ... ငါ့အထင်တော့ အနည်းဆုံး ထောင် (၃) နှစ်လောက် ကျမယ် ထင်တယ်..." </p> <p style="text-align:justify">ကျန့်ရှီးကျီက သူကြားထားသော သတင်းများကို ပြန်မျှဝေနေခြင်း ဖြစ်သည်။</p> <p style="text-align:justify">ယခုအခါတွင် အထက်မှ အောက်သို့ စစ်ဆေးမှုများသာမက ကလပ်အသင်း အသီးသီးတွင် စောင့်ကြည့်ရေးအဖွဲ့များ ထားရှိခြင်း၊ သတင်းပေးပို့နိုင်သော လမ်းကြောင်းများစွာ ဖွင့်လှစ်ထားခြင်းတို့ကြောင့် အကျင့်ပျက်ခြစားမှုများကို အကြီးအကျယ် နှိမ်နင်းနေပြီ ဖြစ်သည်။</p> <p style="text-align:justify">"ချူဖုန်း လာပြီဟ..."</p> <p style="text-align:justify">"မင်းတို့နှစ်ယောက် လမ်းမှာ ဆုံလာကြတာလား..."</p> <p style="text-align:justify">ချူဖုန်းကို မြင်သည်နှင့် အားလုံးက ထရပ်ကာ နွေးထွေးစွာ နှုတ်ဆက်ကြသည်။ ၎င်းမှာ ဖားနေခြင်း မဟုတ်။ </p> <p style="text-align:justify">ချူဖုန်း၏ လက်ရွေးစင်အသင်းနှင့် လူငယ်မျိုးဆက်သစ်များအတွက် ပေးဆပ်မှုများကို အားလုံးက မြင်တွေ့နေရ၍ ဖြစ်သည်။ အသိတရားရှိသူတိုင်း သူ့ကို ရင်ထဲကနေ လေးစားကြသည်။</p> <p style="text-align:justify">နေ့လယ်စာ စားပြီးနောက်...။</p> <p style="text-align:justify">နည်းပြ လစ်ပီက ကစားသမားအားလုံးကို စုစည်းကာ ပွဲထွက် နည်းဗျူဟာများကို ဆွေးနွေးလေသည်။</p> <p style="text-align:justify">"ပထမဆုံးနဲ့ အရေးအကြီးဆုံးကတော့... ငါတို့ရဲ့ ပန်းတိုင်က အနိုင်ရဖို့နဲ့ အုပ်စုပထမနဲ့ နောက်တစ်ဆင့် တက်ဖို့ပဲ..."</p> <p style="text-align:justify">"ဆီးရီးယားရဲ့ အဓိက တိုက်စစ်က ဘယ်တောင်ပံကနေ လာမှာ..."</p> <p style="text-align:justify">"ဟုတ်တယ်... သူတို့က ဝါ့ဒ်ဆာလာမာရဲ့ လိမ်ခေါက်နိုင်စွမ်းကို သုံးပြီး တောင်ပံကနေ ကျော်ဖြတ်မယ်... ပြီးရင် အိုမာဆီကို ဖြတ်တင်ပေးမယ်... သူတို့ နည်းဗျူဟာက ဒါပါပဲ... အသစ်အဆန်း မရှိဘူး..."</p> <p style="text-align:justify">"ဒါကြောင့် ကျန့်လင်းဖုန်း... မင်း ဒီပွဲမှာ ညာနောက်ခံလူအဖြစ် ကစားရမယ်..."</p> <p style="text-align:justify">လစ်ပီက ပရိုဂျက်တာ စခရင်ကို လက်ညှိုးထိုးပြရင်း အမိန့်ပေးလိုက်သည်။</p> <p style="text-align:justify">သူသည် မူလက ဝမ်ကန်ကို သုံးရန် စဉ်းစားခဲ့သော်လည်း ထိုကစားသမား၏ ခံစစ်စွမ်းရည်မှာ အားနည်းလွန်းလှသည်။ ထို့ပြင် စိတ်ဓာတ်ပိုင်းဆိုင်ရာ ခိုင်မာမှုမှာလည်း အလွန်ညံ့ဖျင်းသည်။</p> <p style="text-align:justify">"ကျွန်တော် အဆင်ပြေပါတယ်..." </p> <p style="text-align:justify">ကျန့်လင်းဖုန်းက တည်ငြိမ်စွာ ပြန်ပြောသည်။ သူ့ခြေချင်းဝတ်က အနည်းငယ် ရောင်နေသော်လည်း ပွဲအပေါ် သက်ရောက်မှု အများကြီး ရှိမည်မဟုတ်ဟု သူ ယုံကြည်သည်။ </p> <p style="text-align:justify">အမှန်တော့ သူသည် မူလက ညာနောက်ခံလူ ဖြစ်သော်လည်း အသက်ကြီးလာသည်နှင့်အမျှ ပြေးနှုန်း လျော့လာသောကြောင့် ဗဟိုနောက်ခံလူအဖြစ် ပြောင်းကစားခဲ့ခြင်း ဖြစ်သည်။ သို့သော် သူ၏ ဝါရင့် ခံစစ်အတွေ့အကြုံများက ခံစစ်တာဝန်ကို ကျေပွန်စေမည်မှာ အသေအချာပင်။</p> <p style="text-align:justify">"ကဲ... အခု တိုက်စစ်ပိုင်းအကြောင်း ပြောရအောင်... ရှေ့ကိုပဲ သွားမယ်... ရှေ့ကိုပဲ သွားမယ်... ရှေ့ကိုပဲ သွားမယ်..."</p> <p style="text-align:justify">"ဒါ ငါ့ရဲ့ တောင်းဆိုချက်ပဲ..."</p> <p style="text-align:justify">"ဆီးရီးယားမှာ ကွင်းလယ်လူ မရှိဘူး... ဒါကြောင့် သူတို့က ဖိလစ်ပိုင်တို့လိုပဲ လူကပ်ခံစစ်နဲ့ ကစားကွက်ကို ဖျက်ဖို့ ကြိုးစားလိမ့်မယ်..."</p> <p style="text-align:justify">"ဒါကြောင့် အရမ်းကြီး အထိန်းအသိမ်း မလုပ်နဲ့... အခွင့်အရေးကို တက်တက်ကြွကြွ ရှာ... ရလာတဲ့ အခွင့်အရေးကို အမိအရ ဆုပ်ကိုင်ပြီး ဂိုးစောစောရအောင် လုပ်... ပြီးမှ ပွဲရဲ့ အရှိန်အဟုန်ကို ထိန်းချုပ်ကြတာပေါ့..."</p> <p style="text-align:justify">လစ်ပီ၏ ဩဇာညောင်းလှသော အသံမှာ အစည်းအဝေးခန်းမအတွင်း ပဲ့တင်ထပ်သွားသည်။ ကိုးလ ကြာပြီးနောက် ဤနေရာသို့ ပြန်ရောက်လာချိန်တွင် သူသည် အတိတ်မှ အာရှဖလား ပွဲစဉ်များကို ပြန်လည် မြင်ယောင်နေမိသည်။ </p> <p style="text-align:justify">"ဒီပွဲက ကြားနေကွင်းမှာ ကစားတာ ဆိုပေမဲ့ ဆီးရီးယားကတော့ ဒီကွင်းနဲ့ အကျွမ်းတဝင် ရှိနေပြီ..."</p> <p style="text-align:justify">"ပြီးခဲ့တဲ့ လေးနှစ်အတွင်း သူတို့က ကြားနေကွင်း (၁၅) ပွဲမှာ ရှုံးပွဲမရှိသေးဘူး... တောင်ကိုရီးယား၊ အီရန်၊ ဩစတြေးလျနဲ့ အီရတ်တို့လို အသင်းတွေကို သရေကစားနိုင်ခဲ့သလို ကာတာကိုတောင် အနိုင်ယူခဲ့ဖူးတယ်..."</p> <p style="text-align:justify">"ဒါကြောင့် အားလုံးက စိတ်ဓာတ်ပိုင်းဆိုင်ရာ အဆင်သင့် ပြင်ထားကြ... ဒါ ငါတို့အတွက် ပထမဆုံး ခက်ခဲတဲ့ တိုက်ပွဲပဲ... ဒါပေမဲ့ ငါတို့ မဖြစ်မနေ အနိုင်ရရမယ့် တိုက်ပွဲလည်း ဖြစ်တယ်..."</p> <p style="text-align:justify">လစ်ပီက သူ့မျက်မှန်ကို အသာအယာ ပြင်လိုက်ရင်း ချူဖုန်းကို မော့ကြည့်သည်။ တရုတ်အသင်း၏ ခံစစ်မှာ လက်ရှိတွင် အားနည်းနေသေးသည်ကို သူသိသည်။ </p> <p style="text-align:justify">သူတို့က ဆီးရီးယား တိုက်စစ်ကို ထိန်းရခက်မည်မှာ အမှန်ပင်။ ထို့ကြောင့် ဂိုးသွင်းနိုင်ရန်ကသာ အဓိကကျသည်။ ဆီးရီးယား၏ ခံစစ်မှာမူ အာရှတွင် အကောင်းဆုံးစာရင်းဝင် ဖြစ်နေပြန်သည်။</p> <p style="text-align:justify">"ဆီးရီးယားရဲ့ ဘယ်နောက်ခံလူက တော်တော်လေး အားနည်းတယ်... ဒါကြောင့် ကျွန်တော် အဲဒီဘက် ကနေ ခဏခဏ ထိုးဖောက်ဖို့ ကြိုးစားလိမ့်မယ်... အဲဒီအချိန်ကျရင် အသင်းဖော်တွေက ကျွန်တော့်နေရာကို အချိန်မီ လာဖုံးပေးဖို့ လိုမယ်..." </p> <p style="text-align:justify">ပွင့်လင်းစွာ ဆွေးနွေးချိန်တွင် ချူဖုန်းက အကြံပြုလိုက်သည်။</p> <p style="text-align:justify">"ကျွန်တော် သတိထားပါ့မယ်..." </p> <p style="text-align:justify">ချီကျုံးကော်က ခေါင်းညိတ်လိုက်၏။ သူသည် မူလက ကွင်းလယ်တိုက်စစ် ကစားသမား ဖြစ်သော်ငြား ယခု ညာတောင်ပံ ကစားသမား အဖြစ် ရွှေ့လိုက်ခြင်း ဖြစ်သည်။ </p> <p style="text-align:justify">ချူဖုန်းအတွက် အညစ်အကြေးနှင့် ပင်ပန်းသမျှ အလုပ်များကို သူက ကူညီလုပ်ပေးရမည်မှာ သဘာဝပင်။ ဤအတွက် သူ ဘာမှ မကျေမနပ် ဖြစ်စရာမရှိ။</p> <p style="text-align:justify">မန်ယူအသင်းမှာသာ ဆိုလျှင် ချူဖုန်းအတွက် အလုပ်ကြမ်း လုပ်ပေးချင်သူများမှာ တန်းစီနေကြမည် ဖြစ်သည်။ ပေါင် သန်း ၄၀ တန်ကြေး မရှိလျှင် ထိုအလုပ်ကို လုပ်ခွင့်ရရန်ပင် မလွယ်ကူပေ။ ထို့ပြင်... ချူဖုန်းနောက်တွင် ကပ်ကစားခြင်းက ရုပ်သံများတွင် ပိုမို ပါဝင်ခွင့်ရစေပြီး ခြေစွမ်းပြနိုင်လျှင် ဥရောပကလပ်များ၏ အာရုံစိုက်မှုကိုပင် ရရှိနိုင်သည် မဟုတ်ပါလား။</p> <p style="text-align:justify">အားလုံးက သူတို့၏ အကြံဉာဏ်များကို မျှဝေကြပြီး နည်းပြအဖွဲ့နှင့်အတူ နည်းဗျူဟာများကို ပိုမို စိစိစပ်စပ် ဖြစ်အောင် ညှိနှိုင်းကြသည်။ သို့သော် အခြားသူများကတော့ စကားသိပ်မပြောကြပေ။ </p> <p style="text-align:justify">ပထမအချက်မှာ နည်းဗျူဟာပိုင်း နားလည်မှု အားနည်းခြင်းနှင့် ဒုတိယအချက်မှာ နည်းပြ လစ်ပီကို အနည်းငယ် ကြောက်နေကြခြင်းကြောင့် ဖြစ်သည်။</p> <p style="text-align:justify">ဤသို့ဖြင့် လေ့ကျင့်လိုက်၊ နားလိုက်ဖြင့်... ဒူဘိုင်း၏ ပူပြင်းလှသော ရာသီဥတုကြားတွင် ပွဲအရှိန်အဟုန်က တဖြည်းဖြည်း မြင့်တက်လာသည်။</p> <p style="text-align:justify">အဝေးမှ လာရောက်ကြသည့် တရုတ်ပရိသတ်များသည် မက်တုံ အားကစားကွင်းသို့ စောစီးစွာ ရောက်ရှိလာကြသည်။ အလံများ၊ ပိုစတာများ၊ အသံချဲ့စက်များနှင့် ဗုံများကိုလည်း အသင့် ယူဆောင်ထာကြသည်။ အဝေးကွင်းမှာ ကစားရသည် ဖြစ်သော်လည်း ပရိသတ်အင်အားမှာတော့ ထိပ်တန်းအဆင့်တွင် ရှိနေသည်။</p> <p style="text-align:justify">နိုဝင်ဘာလ ၁၄ ရက်။</p> <p style="text-align:justify">ပွဲနေ့သို့ ရောက်ရှိလာပြီ ဖြစ်သည်။</p> <p style="text-align:justify">ပွဲကြို သတင်းစာရှင်းလင်းပွဲတွင်...။</p> <p style="text-align:justify">"မစ္စတာ လစ်ပီ... ဒီနေ့ပွဲအတွက် ဘာတွေ မျှော်လင့်ထားပါသလဲ..." ဒေသခံ သတင်းထောက်တစ်ဦးက မေးမြန်းလိုက်သည်။</p> <p style="text-align:justify">"ငါတို့ရဲ့ ပန်းတိုင်က အုပ်စုပထမနေရာနဲ့ နောက်တစ်ဆင့် တက်ဖို့ပဲ..." လစ်ပီက ပြုံးလျက် ဖြေကြားသည်။</p> <p style="text-align:justify">လစ်ပီကို ရိုးရှင်းသော မေးခွန်းအချို့ မေးပြီးနောက် သတင်းထောက်အားလုံးက ချူဖုန်းဘက်သို့ မိုက်ခရိုဖုန်းများ လှည့်လိုက်ကြသည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save