Book List

<h2 style="text-align: center;">အခန်း (၄၉၃)</h2> <h2 style="text-align: center;">*</h2> <p> </p> <p style="text-align:justify">"ချူဖုန်း... ချူဖုန်း... ချူဖုန်း..."</p> <p style="text-align:justify">မေးခွန်းပေါင်းများစွာ ပြိုင်တူ မေးမြန်းသံများကြောင့် ခန်းမတစ်ခုလုံး ဆူညံသွားသည်။ သတင်းစာ ရှင်းလင်းပွဲ တာဝန်ခံက အမြန်ပင် ထိန်းညှိပေးလိုက်ပြီး သတင်းထောက်တစ်ဦးကို အရင်မေးရန် အချက်ပြလိုက်သည်။</p> <p style="text-align:justify">"၁၉၉၆ ခုနှစ်ကစပြီး တရားဝင် နိုင်ငံတကာ ပြိုင်ပွဲတွေမှာ တရုတ်အသင်းက ဆီးရီးယားကို တစ်ခါမှ မနိုင်ဖူးသေးဘူး... မင်းအနေနဲ့ ဒီကျိန်စာကို ချေဖျက်နိုင်မယ်လို့ ထင်သလား..." </p> <p style="text-align:justify">ဒူဘိုင်းဒေသခံ မီဒီယာတစ်ခုမှ သတင်းထောက်က မေးလိုက်သည်။</p> <p style="text-align:justify">သောက်ကျိုးနည်း...</p> <p style="text-align:justify">ဤမေးခွန်းကို ကြားလျှင်ပင် ချူဖုန်းမှာ ဆဲချင်စိတ် ပေါက်သွားသည်။ ဘာတွေ လာမေးနေတာလဲ။ ဘာမှ မသိသူဆိုရင် ဆီးရီးယားက ကမ္ဘာ့ဖလား ချန်ပီယံကြီးများ မှတ်နေဦးမည်။</p> <p style="text-align:justify">"ပထမဆုံးအနေနဲ့... မနိုင်ဖူးဘူး ဆိုပေမဲ့ သရေကျခဲ့တဲ့ ပွဲတွေ ရှိပါတယ်... ဒီကျိန်စာဆိုတာ ဘယ်ကနေ ရောက်လာတာလဲ ကျွန်တော် မသိဘူး..."</p> <p style="text-align:justify">"ရှိခဲ့ရင်တောင် ကျွန်တော် စကစားကတည်းက ကျိန်စာတွေ အများကြီး ချေဖျက်ခဲ့ပြီးပြီ... မန်ယူရဲ့ ကျောနံပါတ် (၇) ကျိန်စာတို့၊ ချန်ပီယံလိဂ် အဝေးကွင်းမှာ (၃) ဂိုးပြတ် ရှုံးနေတာကို ပြန်နိုင်ခဲ့တဲ့ ကျိန်စာတို့ဆိုတာ အသစ်အဆန်း မဟုတ်တော့ဘူး..." </p> <p style="text-align:justify">ချူဖုန်း၏ မျက်နှာမှာ တည်ကြည်လေးနက်နေသည်။</p> <p style="text-align:justify">ပရိသတ်ကြားရှိ သတင်းထောက်များက မှတ်တမ်းတင်နေကြသည်။ သူသည် တကယ်ကို လူထူးဆန်းကြီး မော်ရင်ညို၏ တပည့်ရင်းပီသပေသည်။ ရင့်သီးလိုက်ပုံများ။</p> <p style="text-align:justify">"ဆီးရီးယားနည်းပြချုပ် အီဗရာဟင်က ပြောတယ်... မင်းကို ထိန်းချုပ်ဖို့ အထူးနည်းဗျူဟာတွေ သုံးပြီး တရုတ်အသင်းကို တိုက်ပွဲဝင်စိတ်ဓာတ်နဲ့ အနိုင်ယူမယ်တဲ့... ဒီအပေါ် မင်း ဘယ်လိုထင်သလဲ..." <br /> သတင်းထောက်က ထပ်မေးပြန်သည်။</p> <p style="text-align:justify">"ဒါဆိုရင် သူ့ကို မေးကြည့်လိုက်လေ... မန်စီးတီး၊ ရီးရဲလ်မက်ဒရစ်၊ ဘာစီလိုနာ၊ လီဗာပူးနဲ့ တခြားအသင်းကြီးတွေကရော ကျွန်တော့်ကို ထိန်းချုပ်နိုင်ခဲ့လို့လားလို့..." </p> <p style="text-align:justify">ချူဖုန်းက လူထုအမြင်ကို ဂရုမစိုက်ဘဲ ပြတ်ပြတ်သားသားပင် တုံ့ပြန်လိုက်သည်။ သတင်းစာရှင်းလင်းပွဲ တာဝန်ခံမှာ နဖူးမှ ချွေးစေးများကို သုတ်ရင်း မေးခွန်းမေးသည့် သတင်းထောက်ကို အမြန်ပင် လဲလိုက်ရသည်။</p> <p style="text-align:justify">"ဆီးရီးယားရဲ့ ခံစစ်က အာရှမှာ ထိပ်တန်းအဆင့်ပဲ... မင်း သူတို့ခံစစ်ကို ထိုးဖောက်နိုင်မယ်လို့ ယုံကြည်ချက် ရှိရဲ့လား..." </p> <p style="text-align:justify">ချူဖုန်းက စကားတစ်ခွန်းတည်းနှင့် အဆုံးသတ်လိုက်သည်။</p> <p style="text-align:justify">"ကျွန်တော် ဆီးရီးယားကစားသမားတွေကို စိတ်မဝင်စားသလို သူတို့ ဘယ်သူဘယ်ဝါဆိုတာလည်း မခွဲခြားတတ်ဘူး... ကျွန်တော့်အတွက်တော့ သူတို့အားလုံးက အတူတူပါပဲ..."</p> <p style="text-align:justify">မျှော်လင့်ထားသည့်အတိုင်းပင်။ အင်တာဗျူးအပြီးတွင် လူထုကြား၌ ဂယက်များစွာ ထွက်ပေါ်လာသည်။ </p> <p style="text-align:justify">လစ်ပီကတော့ ဘာမှ မပြောပေ။ အရည်အချင်းရှိသည့် ကစားသမားတိုင်းတွင် မာန်ရှိသင့်သည်ဟု သူ ယူဆသည်။</p> <p style="text-align:justify">တရုတ်အသင်း၏ အဝတ်လဲခန်းအတွင်း...။</p> <p style="text-align:justify">"ချူဖုန်း ပြောသလိုပဲ... တစ်ဖက်က ဘယ်သူလဲဆိုတာ စိတ်မဝင်စားနဲ့... သူတို့ အရင်က ငါတို့ကို နိုင်ခဲ့ဖူးတာက အမြဲတမ်း ပိုတော်နေမယ်လို့ မဆိုလိုဘူး..." </p> <p style="text-align:justify">လစ်ပီက အားလုံးကို ဝေ့ကြည့်ကာ ပြောလိုက်သည်။ "အဲဒါ မဟုတ်ဘူးဆိုတာ ပြလိုက်ကြစမ်း..."</p> <p style="text-align:justify">သူ အမြဲတမ်း ခံစားနေရသည်မှာ လက်ရွေးစင်အသင်းသည် တစ်ခုခု လိုအပ်နေသည် ဟူ၍ ဖြစ်သည်။ ထို့ကြောင့် ကစားရသည်မှာ ပျင်းစရာကောင်းနေသည်။ သို့သော် ဘောလုံးဆိုသည်မှာ စိတ်လှုပ်ရှားမှုနှင့် စိတ်အားထက်သန်မှု လိုအပ်သည်။ ခံစားချက်မရှိဘဲ ကောင်းကောင်း မကစားနိုင်ပေ။</p> <p style="text-align:justify">"ညီအစ်ကိုတို့... တစ်နိုင်ငံလုံးက ငါတို့ကို စောင့်ကြည့်နေကြတာ... သူတို့ကို ထပ်ပြီး စိတ်မပျက်စေကြနဲ့တော့..." </p> <p style="text-align:justify">ချူဖုန်း၏ စကားများက အားလုံးကို လှုံ့ဆော်ပေးလိုက်သည်။</p> <p style="text-align:justify">"လာကြဟေ့..."</p> <p style="text-align:justify">"လာကြဟေ့..."</p> <p style="text-align:justify">ဟိန်းဟောက်သံများက အားလုံး၏ နားထဲတွင် ပဲ့တင်ထပ်သွားပြီး သွေးများ ဆူပွက်လာကြသည်။ ထို့နောက်တွင်မူ ချူဖုန်းက အဝတ်လဲခန်းတံခါးကို တွန်းဖွင့်ကာ ကစားသမားဝင်ပေါက်သို့ အရင်ဆုံး လျှောက်လှမ်းသွားလေသည်။</p> <p style="text-align:justify">ဆီးရီးယား ကစားသမားများသည် ချူဖုန်းကို မြင်သည်နှင့် ရင်ထဲတွင် တုန်လှုပ်သွားကြသည်။ ဤလူမှာ ယခုနှစ်၏ ဘလွန်းဒီအောဆု ရရန် အနီးစပ်ဆုံး လူသား မဟုတ်ပါလား။ </p> <p style="text-align:justify">ပွဲမတိုင်ခင်တွင် သူတို့၏ နည်းပြသည် ချူဖုန်း အတွက် အစီအစဉ် များစွာ ရှိသည်ဟု ပြောခဲ့သော်လည်း ဘယ်သူမှ တကယ်တမ်း အလေးမထားနိုင်ကြပေ။ နည်းဗျူဟာတိုင်းသာ အမှန်တကယ် ထိရောက်လျှင် ချူဖုန်းသည် ဖလား ၇လုံးကို ဘယ်လိုလုပ် ရနိုင်ပါမည်နည်း။ </p> <p style="text-align:justify">သို့သော် သူတို့သည်လည်း စစ်မီးများကြားမှ လာခဲ့သူများ ဖြစ်၍ ကြောက်ရွံ့နောက်ဆုတ်မည် မဟုတ်။ ဘယ်လောက်ပင် အင်အားကြီးသူ ဖြစ်ပါစေ… ရင်ဆိုင်ရမည်သာ။</p> <p style="text-align:justify">ခေတ္တအကြာတွင် ဒိုင်လူကြီး၏ ဦးဆောင်မှုဖြင့် အသင်းနှစ်သင်းလုံး ကွင်းအတွင်းသို့ ဝင်ရောက်လာကြသည်။</p> <p style="text-align:justify">"ဝေါင်း…"</p> <p style="text-align:justify">ကြားကွင်း ဖြစ်သော်လည်း မြင်ကွင်းတစ်ခုလုံးမှာ အနီရောင်များဖြင့် ဖုံးလွှမ်းနေသည်။ ပရိသတ်အင်အားမှာ အနီရောင် ပင်လယ်ပြင်ကြီးအလား။</p> <p style="text-align:justify">"တရုတ်နိုင်ငံတော် ရုပ်သံလိုင်းမှ ကြိုဆိုပါတယ်ခင်ဗျာ... အားလုံးပဲ မင်္ဂလာညချမ်းပါ..."</p> <p style="text-align:justify">"သင်တို့ ကြည့်ရှုနေရတာကတော့ ၂၀၂၂ ကာတာကမ္ဘာ့ဖလား အာရှဇုန်ခြေစစ်ပွဲနဲ့ ၂၀၂၃ အာရှဖလား ခြေစစ်ပွဲ ပွဲစဉ် (၅) ဖြစ်တဲ့ ဆီးရီးယားနဲ့ တရုတ်အသင်းတို့ရဲ့ ပွဲစဉ်ပဲ ဖြစ်ပါတယ်..."</p> <p style="text-align:justify">"ဆီးရီးယားအသင်းရဲ့ ပွဲထွက်လူစာရင်းကို ကြည့်မယ်ဆိုရင် နည်းပြချုပ် အီဗရာဟင်က ၄-၄-၂ ပုံစံနဲ့ ပွဲထွက်လာပါတယ်..."</p> <p style="text-align:justify">"ဆီးရီးယားအသင်းမှာ ပါဝင်တဲ့ ကစားသမား (၁၅) ယောက်က ပြည်တွင်းလိဂ်က ဖြစ်ပြီး ကျန်တဲ့ (၈) ယောက်ကတော့ အနောက်အာရှ နိုင်ငံတွေဖြစ်တဲ့ ဆော်ဒီ၊ ကာတာနဲ့ ကူဝိတ် လိဂ်တွေမှာ ကစားနေကြတာပါ..."</p> <p style="text-align:justify">"တရုတ်ပရိသတ်တွေ အကျွမ်းတဝင်ရှိမှာကတော့ ၂၀၁၇-၁၈ ရာသီမှာ အယ်လ်ဟီလယ်အသင်းကို အာရှချန်ပီယံလိဂ် ဗိုလ်လုပွဲ ရောက်အောင် ကူညီပေးခဲ့တဲ့ ခရီဘင်ပဲ ဖြစ်ပါတယ်..."</p> <p style="text-align:justify">"ဒါပေမဲ့ သူက တရုတ်အသင်းအတွက် အကြီးမားဆုံး ခြိမ်းခြောက်မှု မဟုတ်ပါဘူး... ကုန်းမြင့်ဒေသက အီဘရာဟီမိုဗစ် လို့ တင်စားခံရတဲ့ ဆိုမာက နာစီယွန်နယ်ဂျက်ဒါ အသင်းမှာ (၅) နှစ်အတွင်း (၁၆၆) ပွဲ ကစားပြီး (၁၅၁) ဂိုးအထိ သွင်းယူထားတဲ့ ကြောက်စရာကောင်းတဲ့ တိုက်စစ်မှူးပါ..."</p> <p style="text-align:justify">"တရုတ်အသင်းရဲ့ လူစာရင်းကို ကြည့်မယ်ဆိုရင် နည်းပြ လစ်ပီကတော့ ၄-၄-၂ ပုံစံကိုပဲ ဆက်သုံးထားပါတယ်..."</p> <p style="text-align:justify">"ပြည်ပကနေ နိုင်ငံသားပြောင်းထားတဲ့ ကစားသမား နှစ်ဦးလုံး ပါဝင်လာသလို ချူဖုန်းကတော့ ကွင်းလယ်တိုက်စစ် နေရာမှာ စတင်မှာ ဖြစ်ပါတယ်..."</p> <p style="text-align:justify">"ဒီနေ့မှာလည်း သူဟာ ကလပ်အသင်းမှာ ပြသနေတဲ့ ခြေစွမ်းကောင်းတွေကို ဆက်လက်ထိန်းသိမ်းပြီး လက်ရွေးစင်အသင်းအတွက် ဂိုးတွေ ထပ်မံ သွင်းယူပေးနိုင်လိမ့်မယ်လို့ မျှော်လင့်ရပါတယ်..."</p> <p style="text-align:justify">ဟယ်ဝေက အသင်းနှစ်သင်းအကြောင်း အကျဉ်းချုပ် ရှင်းလင်းတင်ပြနေသည်။ ချက်တင်ဘောက်စ်တွင်မူ မှတ်ချက်များမှာ နှင်းပွင့်များသဖွယ် ပလူပျံနေလေသည်။</p> <p style="text-align:justify">[ဝမ်တာလဲ့ကို ဘာလို့ ပွဲမထုတ်တာလဲ...]</p> <p style="text-align:justify">[ရန်ကျွင်းလင်းက ပိုပြီး တည်ငြိမ်ပါတယ်... သူက ပြေးနှုန်း နည်းပေမဲ့ ဂိုးဖမ်းတဲ့ နည်းစနစ်က ပိုကောင်းတယ်...]</p> <p style="text-align:justify">[ဆီးရီးယားက တောင်ပံကနေ ဖြတ်တင်မှာ သေချာတယ်... ဒါကြောင့် ဂိုးသမားက ပိုပြီး စိတ်ချရဖို့ လိုအပ်တယ်...]</p> <p style="text-align:justify">[ဒါနဲ့... ချူဖုန်းရဲ့ ပွဲကြိုစကားက နည်းနည်း မာန်တက်လွန်းနေသလားလို့...]</p> <p style="text-align:justify">[ရပါတယ်ကွာ... ဆီးရီးယားဘက်က သတင်းစာရှင်းလင်းပွဲကို မင်းမကြည့်လို့ပါ... သူတို့က ငါတို့ကို တော်တော်လေး အထင်သေးထားတာ...]</p> <p style="text-align:justify">[ငါတို့ ခံစစ်သာ မြဲမယ်ဆိုရင် ဆီးရီးယားကို နိုင်ဖို့ အခွင့်အရေး အများကြီး ရှိတယ်...]</p> <p style="text-align:justify">[ဒိုင်လူကြီးက ကိုရီးယားက ကင်ဒေးယောင်တဲ့... အဲဒီကောင် ငါတို့ကို နှိပ်ကွပ်ဦးမှာလား...]</p> <p style="text-align:justify">[ရပါတယ်... သူသာ နှိပ်ကွပ်ရင် ငါတို့ မာနင်းကို ပြန်နှိပ်ကွပ်ခိုင်းလိုက်မှာပေါ့...]</p> <p style="text-align:justify">ကင်မရာက မက်တုံ အားကစားကွင်းထဲသို့ ပြန်လည် ရောက်ရှိလာသည်။</p> <p style="text-align:justify">"တီ... တီ..."</p> <p style="text-align:justify">ဒိုင်လူကြီးက ဝီစီမှုတ်လိုက်သည်နှင့် ပွဲက တရားဝင် စတင်လေပြီ။</p> <p style="text-align:justify">ဆီးရီးယားအသင်း ဘောလုံးပိုင်ဆိုင်ခွင့် ရထားသည်။ ဘောလုံးကို ပေးပို့ ထိုးဖောက်ခြင်း မရှိဘဲ ရိုးရိုးရှင်းရှင်း ပေးပို့မှုတစ်ခုဖြင့် ဘောလုံးက ဝါ့ဒ်၏ ခြေထောက်ထဲသို့ ရောက်သွားသည်။ သူက ရုတ်တရက် အရှိန်မြှင့်တင်ကာ ကျန့်လင်းဖုန်းကို အင်အားသုံး၍ တိုးဝှေ့ကျော်ဖြတ်သွား၏။</p> <p style="text-align:justify">"ဝါ့ဒ်ရဲ့ ထိုးဖောက်မှုက တော်တော်လေး ကြမ်းတမ်းတယ်..."</p> <p style="text-align:justify">"နေရာလွတ် ရှာပြီး ပင်နယ်တီဧရိယာထဲက ဆိုမာဆီကို တန်းတန်းမတ်မတ် ဖြတ်တင်ပေးလိုက်ပြီ..."</p> <p style="text-align:justify">"ဆိုမာက ယုတာပေါင်ထက် အသာစီးရပြီး ခေါင်းတိုက်လိုက်ပြီ..."</p> <p style="text-align:justify">"ဝှစ်... ဘောလုံးက ဂိုးတိုင်ကို ဝဲသွားတယ်... ဆီးရီးယားတို့ ဂိုးရတော့မလို့ပဲ..."</p> <p style="text-align:justify">"သူတို့ရဲ့ တိုက်စစ်ပိုင်း ထိရောက်မှုက တကယ့်ကို ကြောက်စရာပဲ..."</p> <p style="text-align:justify">အားကစားကွင်းတစ်ခုလုံး သက်ပြင်းချလိုက်ကြသည်။ ဆီးရီးယားသာ ဂိုးစောစောရသွားလျှင် စိတ်ဓာတ်ပိုင်းဆိုင်ရာ ထိခိုက်မှုက ကြီးမားလိမ့်မည်။</p> <p style="text-align:justify">"သတိထားကြ... တောင်ပံတွေကို ဖျက်..." </p> <p style="text-align:justify">ချူဖုန်းက နောက်ဘက်သို့ လှည့်ကာ အော်ဟစ်လိုက်သည်။ ရာသီဥတုက ပူပြင်းလွန်းသဖြင့် ကစားသမားများ အာရုံနည်းနည်း ပျံ့လွင့်နေပုံရသည်။</p> <p style="text-align:justify">"ချီကျုံးကော်... မင်း ပိုပြီး ဆင်းပေးဦး..." </p> <p style="text-align:justify">ကျန့်လင်းဖုန်းက မာန်မာန မထားဘဲ လိုအပ်သည့်အချိန်တွင် အကူအညီ ခေါ်လိုက်သည်။ ဘာပဲဖြစ်ဖြစ် ချူဖုန်းက ညာဘက်မှာ ရှိနေသဖြင့် ခံစစ်ပိုင်းအတွက်တော့ သိပ်ပူစရာမလို။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save