Book List

<h2 style="text-align: center;">အခန်း (၄၉၄)</h2> <h2 style="text-align: center;">*</h2> <p> </p> <p style="text-align:justify">နည်းပြ လစ်ပီ၏ နည်းဗျူဟာအတိုင်း တရုတ်အသင်းသည် နောက်ပြန်ပေးခြင်းနှင့် ဘေးတိုက်ပေးခြင်းများကို လျှော့ချလိုက်သည်။</p> <p style="text-align:justify">ချူဖုန်းရှိသည့်ဘက်တွင် ခံစစ်ကို အာရုံစိုက်နေစဉ် အခြားတစ်ဖက်မှ အမြန်ဆုံး တိုက်စစ်ဆင်သည်။ ကျန့်ရှီးကျီက အသင်းဖော်ထံမှ ဘောလုံးကို လက်ခံရရှိသည်။</p> <p style="text-align:justify">"ဘန်း..."</p> <p style="text-align:justify">ကာမယ်လ်က နောက်ဘက်မှ ချက်ချင်းကပ်လာပြီး ကျန့်ရှီးကျီကို အတင်းတိုက်လေသည်။ သူ၏ ခန္ဓာကိုယ် တောင့်တင်းမှုမှာ အားနည်းသဖြင့် ဘောလုံး မဆုံးရှုံးမီ တောင်ပံမှ ပြေးထွက်သွားသော ဝူရှီးထံသို့ ဘောလုံးပေးပို့လိုက်ရသည်။</p> <p style="text-align:justify">"ဧရိယာအတွင်းက အယ်လ်ခီဆန်ဆီ ဘောလုံး ပင့်ပေးလိုက်ပြီ..."</p> <p style="text-align:justify">"သူ့ရဲ့ ကျောပေး ကစားပုံက အရေးကြီးတယ်... မီဒါနီကို ထိန်းထားရင်းနဲ့ ချူဖုန်းဆီကို ဘောလုံး ပြန်ချပေးလိုက်ပြီ..."</p> <p style="text-align:justify">"လှလိုက်တာ..."</p> <p style="text-align:justify">မက်တုံ အားကစားကွင်းတွင် အော်ဟစ်သံများ ရုတ်တရက် ဆူညံသွားသည်။ အဖြူရောင် ဝတ်စုံဝတ် ချူဖုန်းသည် ဘောလုံးကို လုယူရန် ပြေးဝင်လာသော အိုမာရီနှင့် ရင်ဆိုင်နေရသည်။ ခပ်နိမ့်နိမ့် လိမ်ခေါက်ကွက်တစ်ခုဖြင့် ကျော်ဖြတ်လိုက်ပြီ။</p> <p style="text-align:justify">ဒါတင် မပြီးသေး။ </p> <p style="text-align:justify">ဟာမစ်ရှာက ဘေးဘက်မှ အချိန်ကိုက် ဝင်ရောက် ဖျက်ထုတ်သည်။ ထိုအခိုက်အတန့်တွင်...</p> <p style="text-align:justify">ချူဖုန်းက ဘယ်ခြေဖြင့် ဘောလုံးကို အသာလေး မတင်လိုက်ပြီး ညာခြေဖြင့် ခုန်လိုက်ကာ ဟာမစ်ရှာနှင့် ဘောလုံးကို ရှောင်ကွင်းလိုက်လေသည်။ ဆီးရီးယား နည်းပြချုပ် အီဗရာဟင်မှာ မျက်လုံးများ ပြူးထွက်မတတ် အံ့ဩသွားရသည်။ </p> <p style="text-align:justify">ဤကဲ့သို့ အရည်အချင်းမျိုးကို ဘယ်လို နည်းဗျူဟာမျိုးနှင့် ထိန်းချုပ်ရပါမည်နည်း။</p> <p style="text-align:justify">ဆီးရီးယားတို့၏ ဖိအားပေးမှုက မပြီးသေး။ ပွဲမတိုင်ခင်ကပင် ချူဖုန်းကို အနည်းဆုံး လူသုံးဦးဖြင့် ကပ်ထားရန် စီစဉ်ထားခြင်း ဖြစ်သည်။ </p> <p style="text-align:justify">မီဒါနီသည် ချူဖုန်း ဘောလုံးကို ပြန်ထိတော့မည်ကို မြင်သောအခါ နည်းပြ၏ ညွှန်ကြားချက်ကို သတိရသွားသည်။ သူသည် ညာလက်ဖြင့် ပုခုံးကို လှမ်းဆွဲပြီး ဘယ်လက်ဖြင့် ဂျာစီကို ဆွဲထားကာ ရေဘဝဲတစ်ကောင်လို ကပ်ပါသွားတော့သည်။</p> <p style="text-align:justify">ရလဒ်မှာမူ...</p> <p style="text-align:justify">သူသည် အင်အားကြီးမားသော တွန်းကန်မှုတစ်ခုကို ခံစားလိုက်ရသည်။ ထို့နောက် မြက်ခင်းပေါ်တွင် မီတာဝက်ခန့် တရွတ်တိုက် ပါသွားပြီးမှ နှစ်ယောက်သား လုံးထွေးလျက် လဲကျသွားကြလေသည်။</p> <p style="text-align:justify">ဆီးရီးယား ပရိသတ်များမှာ မှင်တက်သွားကြသည်။ ထိုမျှလောက် အတင်းအဓမ္မ ဆွဲထားတာတောင် မတားနိုင်ဘူးလား။ </p> <p style="text-align:justify">ကိုရီးယား ဒိုင်လူကြီးသည် ဘက်မလိုက်ဘဲ ဖောင်းဘောအဖြစ် ချက်ချင်း သတ်မှတ်လိုက်သည်။ ဤပြစ်ဒဏ်မှာ မြင်သာလွန်းလှသဖြင့် မသိချင်ယောင်ဆောင်၍ မရနိုင်တော့ချေ။</p> <p style="text-align:justify">"ပထမပိုင်း (၇) မိနစ်မှာတင် တရုတ်အသင်းဟာ တိုက်စစ် ဧရိယာထဲမှာ ပြစ်ဒဏ်ဘော ရရှိသွားပါတယ်။ ဂိုးပေါက်နဲ့ (၂၅.၆) မီတာပဲ ဝေးတာမို့ တိုက်ရိုက်ကန်သွင်းဖို့ အကောင်းဆုံး အခွင့်အရေးပါပဲ..."</p> <p style="text-align:justify">"ကဲ... ဘယ်သူ ကန်မှာလဲ..."</p> <p style="text-align:justify">"ချူဖုန်းပဲဗျ..."</p> <p style="text-align:justify">"သူ ဘောလုံးရှေ့မှာ တစ်ယောက်တည်း ရပ်နေပြီ။ ကလပ်အသင်းမှာတုန်းက သူက ပြစ်ဒဏ်ဘော ကန်လေ့သိပ်မရှိဘဲ ဂိုးဧရိယာထဲမှာ ခေါင်းတိုက်ဖို့ပဲ အသင့်စောင့်နေတတ်တာပါ။ ဒါပေမဲ့ ဒါဟာ သူ့ရဲ့ ပြစ်ဒဏ်ဘော နည်းစနစ်က ညံ့ဖျင်းတယ်လို့ ဆိုလိုတာ မဟုတ်ပါဘူး..."</p> <p style="text-align:justify">"လာပြီ..."</p> <p style="text-align:justify">ဆီးရီးယား ဂိုးသမားသည် ချူဖုန်း၏ ခန္ဓာကိုယ် ဟန်ချက်ပြောင်းလဲမှုကို စိုက်ကြည့်ရင်း အာရုံအပြည့် စိုက်ထားသည်။ ထို့နောက် သူ၏ မျက်လုံးများ ပြူးကျယ်သွားရ၏။ </p> <p style="text-align:justify">ချူဖုန်းသည် တစ်လှမ်း၊ နှစ်လှမ်း၊ သုံးလှမ်း... နောက်သို့ (၁၀) မီတာခန့်အထိ ဆုတ်ခွာသွားခြင်းကြောင့် ဖြစ်သည်။ ဤသည်မှာ ဘာကို ဆိုလိုသနည်း။ </p> <p style="text-align:justify">ဘောလုံးလောက သမိုင်းတစ်လျှောက်တွင် ရော်ဘတ်တိုကားလို့စ် တစ်ယောက်သာ ဤကဲ့သို့ အဝေးကနေ အရှိန်ယူကာ ပြစ်ဒဏ်ဘော ကန်လေ့ရှိသည်။</p> <p style="text-align:justify">လူတံတိုင်း စီထားသော ဆီးရီးယား ကစားသမားများမှာလည်း မသိမသာ တုန်ရီလာကြသည်။ ၎င်းမှာ အရှိန်ယူသည့် အကွာအဝေးကြောင့် မဟုတ်ဘဲ ချူဖုန်းက သူ၏ ဘောလုံးကန် ဘောင်းဘီတိုကို အပေါ်သို့ ပင့်တင်လိုက်ရာ ကျောက်စိမ်းသဖွယ် တောင့်တင်းလှသော ပေါင်ကြွက်သားကြီးများ ပေါ်ထွက်လာသောကြောင့် ဖြစ်သည်။</p> <p style="text-align:justify">အမှန်တကယ်တော့ ချူဖုန်း၏ ပြစ်ဒဏ်ဘော ကျွမ်းကျင်မှုမှာ ပျမ်းမျှအဆင့်သာ ရှိသည်။ သို့သော် တရုတ်အသင်းအနေဖြင့် စိတ်ဓာတ်ပိုင်းဆိုင်ရာ အသာစီးရရန်နှင့် ပွဲကို ထိန်းချုပ်နိုင်ရန် လိုအပ်သည်ဟု သူ ခံစားရသည်။ ထို့ကြောင့် အစွမ်းကုန် ကန်သွင်းရန် ဆုံးဖြတ်လိုက်ခြင်း ဖြစ်သည်။ </p> <p style="text-align:justify">နည်းစနစ်တွေ၊ ထောင့်တွေ၊ အလှအပတွေကို ခဏမေ့ထားလိုက်စမ်း... ဂိုးပေါက်ဆီကိုသာ ရှိသမျှ အားကုန်သုံးပြီး လွှဲကန်ပစ်လိုက်တော့မည်။ ဝင်ရင်ဝင်၊ မဝင်ရင်လည်း လူတံတိုင်းကို မထိဖို့ပဲ သူ ဆုတောင်းရမည်။</p> <p style="text-align:justify">"ဝှစ်... ဝှစ်..."</p> <p style="text-align:justify">အသက်ကို ပြင်းပြင်းရှူလိုက်စဉ် ရင်ဘတ်မှာ နိမ့်ချည်မြင့်ချည် ဖြစ်သွားပြီး ဝမ်းဗိုက်ကြွက်သားများကို အစွမ်းကုန် တင်းခံထားလိုက်သည်။ </p> <p style="text-align:justify">ပြေးပြီ...</p> <p style="text-align:justify">ဘောလုံးဆီသို့ ရောက်ခါနီးတွင် ဘယ်ခြေကို မြေပြင်မှာ အားပြုလိုက်ပြီး ညာခြေကို အနောက်သို့ အစွမ်းကုန် ကွေးလိုက်သည်။ ထို့နောက် စစ်မြေပြင်သုံး ပုဆိန်ကြီး တစ်လက်ဖြင့် ပိုင်းချလိုက်သကဲ့သို့ ရှိသမျှ အားအင်အားလုံးကို ထိုခဏချင်းမှာပင် ပေါက်ကွဲထွက်စေလိုက်သည်။</p> <p style="text-align:justify">"ဘုန်း..."</p> <p style="text-align:justify">နားကွဲမတတ် ပေါက်ကွဲသံကြီးတစ်ခု ထွက်ပေါ်လာသည်။ ချက်ချင်းဆိုသလိုပင် ဘောလုံးမှာ အမြောက်ဆန် တစ်ခုကဲ့သို့ လေထုကို တိုးဝှေ့ကာ လူတံတိုင်းဆီသို့ ဝေါခနဲ ပြေးဝင်သွားတော့သည်။ </p> <p style="text-align:justify">ဆီးရီးယား ကစားသမား အိုစာမာမှာ ကြောက်လန့်တကြားဖြင့် ခေါင်းကို အသာရှောင်လိုက်မိသည်။ နောက်တစ်စက္ကန့်တွင်မူ ဆီးရီးယားအသင်း၏ ဂိုးပေါက်ကြီးမှာ ပြင်းထန်စွာ တုန်ခါသွားပြီး ဘောလုံးမှာ ဂိုးပိုက်ထဲတွင် ခဏမျှ လည်နေပြီးမှ မြေပြင်ပေါ်သို့ ပျော့ခွေကျသွားလေတော့သည်။</p> <p style="text-align:justify">၀ - ၁ </p> <p style="text-align:justify">အားကစားကွင်းကြီး တစ်ခုလုံး ခဏမျှ တိတ်ဆိတ်သွားသည်။ ထို့နောက်တွင်မူ...</p> <p style="text-align:justify">"ဝေါင်း…"</p> <p style="text-align:justify">ကွင်းလုံးပြည့် ဆူညံသံကြီး ထွက်ပေါ်လာသည်။ တရုတ်ပရိသတ်များ၏ အောင်ပွဲခံသံမှာ ကွင်း၏ ထောင့်အသီးသီးသို့ ပျံ့နှံ့သွား၏။ </p> <p style="text-align:justify">ဤသည်မှာ အလွန်ပင် ပြင်းထန် လှပသော ပြစ်ဒဏ်ဘော ဂိုးဖြစ်သည်။ ဘောလုံးအားကစား၏ ဆွဲဆောင်မှုကို အပြည့်အဝ ဖော်ပြနေပြီး ကြည့်ရှုသူတိုင်း၏ သွေးကို ဆူပွက်စေသည်။</p> <p style="text-align:justify">ချူဖုန်းမှာ ကန်လိုက်သည့် အရှိန်ကြောင့် ရှေ့သို့ နှစ်လှမ်းခန့် ယိုင်သွားသည်။ </p> <p style="text-align:justify">သောက်ကျိုးနည်း... အားထည့်လွန်းလို့ ငါ့ရတနာတွေတောင် ပြဲသွားပြီလား မသိဘူး... တော်တော် နာတာပဲ...</p> <p style="text-align:justify">သူသည် အောင်ပွဲခံရန်ပင် မစဉ်းစားနိုင်တော့ဘဲ အသာအယာ အနားယူရင်း အသင်းဖော်များနှင့်သာ လက်ချင်းရိုက်ကာ ဖက်လဲတကင်း လုပ်လိုက်သည်။</p> <p style="text-align:justify">"လှလိုက်တာဗျာ..."</p> <p style="text-align:justify">"ဒါဟာ အင်အားရြ့ ပြယုဂ်ပါပဲ..."</p> <p style="text-align:justify">"ချူဖုန်းရဲ့ ပြင်းထန် လှပတဲ့ ပြစ်ဒဏ်ဘောက ဆီးရီးယား ဂိုးပေါက်ကို ဖောက်ထွင်းသွားပါပြီ..."</p> <p style="text-align:justify">"ကဲ... ဘောလုံးရဲ့ အရှိန်ကို ကြည့်ရအောင်... တစ်နာရီကို ၁၂၇ ကီလိုမီတာတောင် ရှိပါတယ်ဗျာ..."</p> <p style="text-align:justify">"ဆီးရီးယား ဂိုးသမား ဘာမှတောင် မလုပ်နိုင်လိုက်ဘူး... သူ လှည့်ကြည့်လိုက်တဲ့ အချိန်မှာ ဘောလုံးက ဂိုးထဲ ရောက်နေပါပြီ..."</p> <p style="text-align:justify">"သူ့မျက်စိထဲ မြင်သမျှ အကွာအဝေးဟာ သူ့ရဲ့ ဂိုးသွင်းဧရိယာပါပဲ..."</p> <p style="text-align:justify">ဟယ်ဝေက စိတ်လှုပ်ရှားစွာ အော်ဟစ်နေသည်။ </p> <p style="text-align:justify">ပြီးခဲ့သည့် နိုင်ငံတကာ ပြိုင်ပွဲများတွင် တရုတ်အသင်းသည် ဆီးရီးယားကို သရေ (သို့မဟုတ်) အရှုံးဖြင့်သာ ရင်ဆိုင်ခဲ့ရသည်။ အမှန်အတိုင်း ပြောရလျှင် သူလည်း ရင်ထဲမှာ မကျေမနပ် ဖြစ်နေခဲ့သော်လည်း ဘာမှ မတတ်နိုင်ခဲ့ပေ။ ယခုမူ ထိုမကျေနပ်ချက်များ အားလုံးမှာ ဤဂိုးနှင့်အတူ လွင့်စင်သွားပြီ ဖြစ်သည်။</p> <p style="text-align:justify">"ကောင်းတယ်..."</p> <p style="text-align:justify">"ဆက်ပြီး တိုက်စစ်ဆင်ကြ... ဂိုးပြတ်သွားအောင် အခွင့်အရေးတိုင်းကို အမိအရ ဆုပ်ကိုင်ထား..."</p> <p style="text-align:justify">နည်းပြ လစ်ပီက ကွင်းဘေးမှနေ၍ လက်ခုပ်တီးကာ အားပေးနေသည်။ ဘလွန်းဒီအောဆုရှင် အဆင့် ရှိသည့် ကစားသမားကို ပိုင်ဆိုင်ထားရသည်မှာ တကယ့်ကို ကောင်းလှပေသည်။ </p> <p style="text-align:justify">ပထမဦးစွာ ဆီးရီးယား ခံစစ်အနက်ပိုင်းအထိ ထိုးဖောက်ကာ ပြစ်ဒဏ်ဘော ရအောင် လုပ်နိုင်ခဲ့သည်။ ထို့နောက်တွင်မူ ပြစ်မျိုးမှဲ့မထင် ပြစ်ဒဏ်ဘော တစ်လုံးကို ကန်သွင်းပြလိုက်ပြန်သည်။ <br /> ထောင့်စေ့အောင် ကန်ခဲ့ခြင်း မဟုတ်သော်လည်း ရှိသမျှ အားအင်ဖြင့် အံဖွယ်ဂိုးတစ်ဂိုးကို ဖန်တီးခဲ့ခြင်း ဖြစ်သည်။ ကြောင်ဖြူဖြစ်ဖြစ်၊ ကြောင်မည်းဖြစ်ဖြစ် ကြွက်ဖမ်းမိရင် ကောင်းတဲ့ကြောင်ပဲ မဟုတ်ပါလား။ ထို့အတူပင် ဂိုးဝင်သွားလျှင် ၎င်းမှာ အကောင်းဆုံး ကန်ချက်ပင် ဖြစ်သည်။</p> <p style="text-align:justify">ဘေးနားရှိ ဆီးရီးယား နည်းပြ အီဗရာဟင်မှာမူ ပါးစပ်အဟောင်းသား ဖြစ်နေသည်။ သူ တုန်လှုပ်သွားသည်မှာ အမှန်ပင်။ </p> <p style="text-align:justify">အမှန်အတိုင်း ပြောရလျှင် သူသည် ကမ္ဘာ့ထိပ်တန်းအသင်းများနှင့် တခါမှ မရင်ဆိုင်ဖူးသလို ဖလား (၇) ဆုရှင်၏ အစွမ်းကိုလည်း အထင်သေးခဲ့မိသည်။ ယခုမူ သူ ဘာမှ မပြောနိုင်တော့ချေ။ သို့သော် သူက ဇွဲမလျှော့သေးဘဲ ချူဖုန်းမှာ ကံကောင်း၍သာ ဂိုးဝင်သွားခြင်း ဖြစ်သည်ဟု တွေးတောကာ သူ့ကစားသမားများကို အားပေးစကား အော်ပြောနေသည်။</p> <p style="text-align:justify">ကွင်းထဲတွင်မူ ချူဖုန်းကို အသင်းဖော်များက ဝိုင်းအုံကာ ချီးကျူးနေကြသည်။</p> <p style="text-align:justify">"မင်း ဒါကြီးက တကယ့်ကို သောက်ရမ်း မိုက်တာပဲကွာ..."</p> <p style="text-align:justify">"တကယ်လို့ လူခေါင်းကိုသာ ထိသွားရင် ဦးနှောက်တောင် တုန်သွားလောက်တယ်..."</p> <p style="text-align:justify">"လေ့ကျင့်ရေးမှာတော့ ဒီလို မကန်နဲ့ဦးနော်..."</p> <p style="text-align:justify">ချူဖုန်းကတော့ ပြုံးစိစိဖြင့်သာ နေလိုက်သည်။ ကံကောင်းခြင်းဆိုသည်မှာလည်း အရည်အချင်း၏ အစိတ်အပိုင်း တစ်ခုပဲ မဟုတ်ပါလား။</p> <p style="text-align:justify">ဆီးရီးယား ကစားသမားများမှာမူ နည်းပြ၏ ဟိန်းဟောက်သံကို နားထောင်ရင်း ဘောလုံးကို အသံတိတ် ကောက်ယူလိုက်ကြသည်။ စစ်မီးများကြားမှ လာခဲ့သူများ ဖြစ်သည့်အားလျော်စွာ "အရှုံးပေးခြင်း" ဟူသော စကားလုံးမှာ သူတို့ အဘိဓာန်တွင် မရှိပေ။</p> <p style="text-align:justify">ပွဲပြန်စပြီ။</p> <p style="text-align:justify">"တရုတ်အသင်း... နိုင်ပါစေ..."</p> <p style="text-align:justify">"ချူဖုန်း... ဂိုးသွင်းပါစေ..."</p> <p style="text-align:justify">တရုတ်ပရိသတ်များ၏ အားပေးသံများမှာ မစဲတော့ဘဲ ပွဲမှာလည်း ပိုမို ပြင်းထန်လာသည်။ ဆီးရီးယား အသင်းက အားနည်းသလားဆိုတော့ မဟုတ်ပေ။ </p> <p style="text-align:justify">အာရှ၏ ထိပ်တန်းအဆင့်တွင် ရှိနေပြီး စိတ်ဓာတ်ပိုင်းဆိုင်ရာ အလွန် တောင့်တင်းသည်။ အရှိန်အဟုန်၊ အားချင်း တိုးဝှေ့မှုနှင့် ဖောင်းဘောများမှာ ဆီးရီးယား၏ အမှတ်အသား ဖြစ်လာသည်။</p> <p style="text-align:justify">အကယ်၍ ယခင် တရုတ်အသင်းဟောင်းသာ ဆိုလျှင် မိနစ် (၃၀) ကြာသည်နှင့် ကစားသမားများက ပင်ပန်းလာပြီး ပြိုင်ဘက်၏ ထိုးဖောက်မှုကို ခံနိုင်ရည် ရှိတော့မည် မဟုတ်ပေ။ သို့သော် လအနည်းငယ်ကြာ ပြုပြင်ပြောင်းလဲမှုများ လုပ်ပြီးနောက်တွင်မူ သူတို့ ပြောင်းလဲသွားပြီ။ </p> <p style="text-align:justify">ရုပ်ပိုင်းဆိုင်ရာ ထိတွေ့မှုကို မကြောက်တော့ပေ။ ကျော်နိုင်သည်ဖြစ်စေ၊ မကျော်နိုင်သည်ဖြစ်စေ အတင်းတိုးဝှေ့မည်။ တိုက်ခိုက်ခံရလျှင် ဖောင်းဘော ရအောင် ယူမည်။ ဘောလုံးမှာ လူကြီးလူကောင်း ကစားနည်း မဟုတ်သည်မှာ အမှန်ပင်။ </p> <p style="text-align:justify">ထို့ကြောင့် ပရိသတ်များ၏ မျက်စိထဲတွင် တရုတ်အသင်း၏ တိုက်ပွဲဝင်စိတ်မှာ ဆီးရီးယားထက်ပင် ပိုမို ထက်သန်နေသည်ကို မြင်တွေ့ရသည်။ ဤအရာ အားလုံးမှာ လူတစ်ယောက်ကြောင့် ပြောင်းလဲသွားရခြင်း ဖြစ်သည်။</p> <p style="text-align:justify"> </p> <p style="text-align: center;">***</p>


Save