Book List

<h2 style="text-align: center;">အခန်း (၄၉၅)</h2> <h2 style="text-align: center;">*</h2> <p> </p> <p style="text-align:justify">"ပထမပိုင်း ပုံမှန်အချိန် ပြီးဖို့ (၇) မိနစ်ပဲ လိုပါတော့တယ်..."</p> <p style="text-align:justify">"ဒီအချိန်အတွင်းမှာ ချူဖုန်းဟာ သူ့ရဲ့ တစ်ဦးချင်း စွမ်းရည်ကို သုံးပြီး ဖောင်းဘောတွေ ရအောင် ယူနေသလို ဆီးရီးယား ကစားသမားတွေ ဖြစ်တဲ့ အိုစာမာ၊ အိုမာနဲ့ ဟာမစ်ရှာတို့ကိုလည်း အဝါကတ် ပြခံရအောင် လုပ်နိုင်ခဲ့ပါတယ်..."</p> <p style="text-align:justify">"ဒါဟာ ဆီးရီးယား ခံစစ်ကို အကြီးအကျယ် ထိခိုက်စေပါတယ်။ သူတို့အနေနဲ့ အကြမ်းစား တားဆီးမှုတွေနဲ့ နည်းဗျူဟာမြောက် ဖောင်းဘောတွေကို ထပ်လုပ်ဖို့ မလွယ်တော့ပါဘူး..."</p> <p style="text-align:justify">"ဟော... ဝါ့ဒ်က တောင်ပံကနေ ထပ်ပြီး ထိုးဖောက်ဖို့ ကြိုးစားနေပြန်ပြီ။ ချီကျုံးကော်နဲ့ ကျန့်လင်းဖုန်းတို့က နှစ်ယောက်ညှပ်ပြီး တံခါးပိတ် ခံစစ်နဲ့ ပြတ်ပြတ်သားသား ကာကွယ်လိုက်ပါပြီ..."</p> <p style="text-align:justify">ဆီးရီးယား၏ ဘယ်တောင်ပံကို ဖြတ်တောက်ပစ်လိုက်သောအခါ ဆိုမာမှာ အထီးကျန်သွားရသည်။ သူ့ကို ကုန်းမြင့်ဒေသက အီဘရာဟီမိုဗစ် လို့ ခေါ်လိုက်တာနဲ့ တကယ့် အီဘရာ ထင်နေတာလား။ <br /> “တကယ်လို့ ဇလာတန်သာ သူ့နေရာမှာ ဆိုရင် ဘောလုံးလက်ခံဖို့ အနောက်ကို ဆင်းလာမယ်။ ပြီးရင် ကိုယ်တိုင် ဘောလုံးဆွဲထွက်ပြီး အခွင့်အရေး ရှာလိမ့်မယ်...”</p> <p style="text-align:justify">ချူဖုန်းက ထိုကစားသမားကို ကြည့်ရင်း စိတ်ထဲမှ တွေးတောနေမိသည်။</p> <p style="text-align:justify">ဘောလုံးကို ဖျက်ထုတ်ပြီးနောက် ကျန့်လင်းဖုန်းသည် နည်းပြ လစ်ပီ၏ ညွှန်ကြားချက်အတိုင်း အနောက်ကို ပြန်မပေးတော့ဘဲ ကွင်းဘေးလိုင်းတစ်လျှောက် ချူဖုန်းဆီသို့ ဘောလုံး ကန်ပို့လိုက်သည်။ ချူဖုန်း ဘောလုံးကို လက်ခံလိုက်သည်နှင့် တစ်ယောက်ယောက် လာနေပြီ ဖြစ်ကြောင်း သူ ခံစားလိုက်ရသည်။</p> <p style="text-align:justify">မူယာယက်ဒ်သည် နည်းပြ၏ မှာကြားချက်ကို အမိအရ လိုက်နာနေခြင်း ဖြစ်သည်။ တရုတ်အသင်းရဲ့ နံပါတ် (၇) ကို အလွယ်တကူ လှည့်ထွက်ခွင့် မပေးရ။ သူသည် ချူဖုန်းကို အနီးကပ် ကပ်ထားရင်း ဘောလုံးထိန်းချုပ်မှုကို နှောင့်ယှက်ရန် ကြိုးစားသည်။ </p> <p style="text-align:justify">ချူဖုန်းက သူ၏ ခန္ဓာကိုယ် ဟန်ချက်ကို နှိမ့်ချလိုက်ပြီး အနောက်သို့ အရှိန်ဖြင့် တိုးဝင်လိုက်ရာ နေရာလွတ် တစ်ခု ချက်ခြင်း ပေါ်ထွက်လာသည်။</p> <p style="text-align:justify">လိမ်ခေါက်၊ လှည့်ထွက်...</p> <p style="text-align:justify">ပြင်းထန်လှသော တိုက်ပွဲကြားတွင်ပင် သူ၏ ဘောလုံးထိတွေ့မှုမှာ တိကျလွန်းလှသည်။ ဘောလုံးမှာ လှပသော အကွေးအဝိုက်တစ်ခုနှင့်အတူ လဲကျသွားသော မူယာယက်ဒ်ကို ကျော်ဖြတ်ကာ ကွင်းလယ်တည့်တည့်သို့ လိမ့်သွားသည်။</p> <p style="text-align:justify">နောက်တစ်ခဏတွင်...</p> <p style="text-align:justify">ချူဖုန်းက ခြေလှမ်းကျဲကြီးများဖြင့် ပြေးဝင်ကာ ဘောလုံးကို ပြန်လည် ထိန်းချုပ်လိုက်သည်။</p> <p style="text-align:justify">"ဘောလုံးထိ၊ လှည့်ထွက်..."</p> <p style="text-align:justify">"စိတ်ကူးယဉ်ဆန်လှတဲ့ ကျော်ဖြတ်မှုပါပဲ..."</p> <p style="text-align:justify">"အရှိန်မြှင့်၊ ထပ်မြှင့်၊ အရှိန်ကို ထပ်မြှင့်စမ်း..."</p> <p style="text-align:justify">"အပြည့်အဝ ပြေးပြီ..."</p> <p style="text-align:justify">"လေတိုးသံတွေတောင် ကြားနေရသလိုပဲ..."</p> <p style="text-align:justify">"ရှေ့ကပြေးနေတဲ့ ဝူလေနဲ့ အယ်လ်ခီဆန်တို့ကို ကျော်တက်သွားပြီ..."</p> <p style="text-align:justify">"အာမက်ကိုပါ ကျော်တက်သွားပြီ..."</p> <p style="text-align:justify">အာမက်တစ်ယောက် အံကြိတ်ကာ အစွမ်းကုန် လိုက်သော်လည်း မမီတော့ပေ။ ချူဖုန်း၏ ပုံရိပ်မှာ အရှိန်အဟုန်နှင့်အတူ ပျောက်ကွယ်သွားသည်။ </p> <p style="text-align:justify">ယခုမူ ဆီးရီးယား၏ ဂိုးဧရိယာထိပ်တွင် တစ်ယောက်တည်း ကျန်တော့သည်... ပူပြင်းလှသော လေထုကြားတွင် သူ၏ အဖြူရောင် ဝတ်စုံစလေးများမှာ လွင့်ပျံနေပြီး လှပသော ပန်းချီကားတစ်ချပ် အလား ထင်မှတ်ရပေသည်။</p> <p style="text-align:justify">မျက်စိတစ်မှိတ်အတွင်းမှာပင် ထိုအဖြူရောင် ပုံရိပ်မှာ ဓားမြှောင်တစ်စင်းကဲ့သို့ ဆီးရီးယား၏ ဂိုးဧရိယာထဲသို့ ထိုးဖောက်ဝင်ရောက်သွားသည်။</p> <p style="text-align:justify">ချူဖုန်းက အရှိန်ကို အနည်းငယ် လျှော့လိုက်၏။ </p> <p style="text-align:justify">ရှေ့သို့ ထွက်လာသော အီဗရာဟင်နှင့် ရင်ဆိုင်ရချိန်တွင်...</p> <p style="text-align:justify">ဘယ်ခြေဖြင့် လှမ်း၊ ညာခြေဖြင့် ယိမ်း... </p> <p style="text-align:justify">ဘယ်ဘက်လား၊ ညာဘက်လား... </p> <p style="text-align:justify">ဆီဗီးလား ဂိုးသမား အီဗရာဟင် ခွဲခြားမရတော့ပေ။ သူသည် စိတ်ထဲမှ အော်ဟစ်ရင်း မျက်လုံးမှိတ်ကာ ဘယ်ဘက်သို့ ခုန်ဝင်လိုက်သည်။ </p> <p style="text-align:justify">ထိုခဏချင်းမှာပင် ချူဖုန်းက ညာခြေအတွင်းပိုင်းဖြင့် ဘောလုံးကို ပိုးသားလေးသဖွယ် အသာအယာ တို့ထိလိုက်သည်။ ဘောလုံးနှင့် အီဗရာဟင်တို့မှာ ဆန့်ကျင်ဘက်သို့ လားရာ ပြောင်းသွားကြသည်။ နောက်ဆုံးတွင်မူ ချူဖုန်းသည် ဂိုးပေါက် အလယ်တည့်တည့်သို့ ဘောလုံးကို အေးအေးလူလူ ကန်သွင်းလိုက်လေတော့သည်။</p> <p style="text-align:justify">၀ - ၂ </p> <p style="text-align:justify">ဂိုးသွင်းပြီးနောက် ချူဖုန်းသည် ပရိသတ်များရှိရာသို့ ဝမ်းသာအားရ ပြေးသွားသည်။ တရုတ် ပရိသတ်များ၏ အကြည့်များကို ရင်ဆိုင်ရင်း သူသည် လေထဲသို့ ခုန်တက်ကာ လက်သီးကို လွှဲလိုက်၏။ ယခုအချိန်တွင် သူ၏ ရင်ထဲ၌ တောက်လောင်နေသော ဒေါသများကို ထုတ်ဖော်လိုက်ခြင်း ဖြစ်သည်။</p> <p style="text-align:justify">ကျိန်စာ ဟုတ်လား...။</p> <p style="text-align:justify">ငါ ကိုယ်တိုင် အဲဒီကျိန်စာကို အပိုင်းပိုင်း အစစ ဖြစ်အောင် ရိုက်ခွဲပြမယ်... </p> <p style="text-align:justify">ဒါတင်မကသေးဘူး... တရုတ်ဘောလုံးလောကကို ခြောက်လှန့်နေတဲ့ ကျိန်စာတွေ အားလုံးကို တစ်ခုပြီး တစ်ခု ငါ ရှင်းထုတ်ပစ်မယ်...</p> <p style="text-align:justify">"ဟေး... ဟေး... ဟေး..."</p> <p style="text-align:justify">ညီညာလှသော အော်ဟစ်သံများက ဝိညာဉ်ကိုပင် လှုပ်ခါသွားစေသည်။</p> <p style="text-align:justify">"တစ်ကိုယ်တော် ထိုးဖောက်မှုနဲ့ ကွင်းတစ်ခုလုံးကို သုံးစက္ကန့်အတွင်း မီးဟုန်းဟုန်းတောက်စေခဲ့ပါပြီ..."</p> <p style="text-align:justify">"အင်အားနဲ့ အရှိန်အဟုန်တို့ရဲ့ ပြည့်စုံလှတဲ့ ပေါင်းစပ်မှုပဲ..."</p> <p style="text-align:justify">"ဂိုး... ဂိုး... ဂိုး..."</p> <p style="text-align:justify">"ပထမပိုင်း ပြီးခါနီးမှာပဲ ချူဖုန်းက ကြောက်မက်ဖွယ် အရှိန်နဲ့ ဆီးရီးယား ဂိုးပေါက်ကို ထပ်မံ ဖောက်ထွင်းသွားပြန်ပါပြီ..."</p> <p style="text-align:justify">ဟယ်ဝေ ဘာကြောင့် ဤမျှ စိတ်လှုပ်ရှားနေရသနည်း သူကိုယ်တိုင်ပင် မသိပေ။ ဆီးရီးယား၏ အင်အားမှာ အီရန်၊ ဆော်ဒီ (သို့မဟုတ်) ဩစတြေးလျတို့လောက် မကြီးမားသလို ကိုရီးယား၊ ဂျပန်တို့လောက်လည်း နည်းစနစ် မကောင်းပေ။ သို့သော် သူတို့သည် တရုတ်အသင်း တစ်ခါမှ မနိုင်ဖူးသေးသည့် ပြိုင်ဘက် ဖြစ်သည်။ </p> <p style="text-align:justify">ဤသည်မှာ တရုတ်ဘောလုံးလောကသည် အတိတ်မှ လွတ်မြောက်ကာ ခရီးသစ်တစ်ခုကို စတင်လိုက်ပြီဖြစ်ကြောင်း သက်သေပြလိုက်ခြင်းပင်။ </p> <p style="text-align:justify">ဟယ်ဝေထက် ပို၍ စိတ်လှုပ်ရှားနေသူများမှာ ကွင်းထဲရှိ ပရိသတ်များ ဖြစ်သည်။ အနီရောင် ပင်လယ်ပြင်ကြီးမှာ မီးဟုန်းဟုန်းတောက်နေသကဲ့သို့ ရှိပြီး အောင်ပွဲခံသံများမှာ ကောင်းကင်ယံအထိ ပဲ့တင်ထပ်နေသည်။</p> <p style="text-align:justify">ဆီးရီးယား ပရိသတ်များမှာမူ တိတ်ဆိတ်သွားကြသည်။ အာရှသား တစ်ယောက်က ဤမျှလောက် မြန်နိုင်ပါ့မလားဟု သူတို့ အံ့ဩနေကြသည်။ </p> <p style="text-align:justify">ထို့ပြင် အာမက်ကရော ဘာလို့ မြေပြင်ပေါ်မှာ လဲနေရတာလဲ။ ကြွက်တက်သွားတာလား။ သူတို့၏ ပွဲကြို ယုံကြည်ချက်များမှာ ယခုမူ အရိပ်အယောင်ပင် မကျန်တော့ချေ။</p> <p style="text-align:justify">ကွင်းဘေးတွင်မူ နည်းပြ လစ်ပီသည် အိတ်ထဲမှ ဆေးလုံးတစ်လုံးကို ထုတ်ကာ သောက်လိုက်ရသည်။ <br /> သောက်ကျိုးနည်း... ချူဖုန်း ကစားတာကို ကြည့်ရတာ စိတ်လှုပ်ရှားလွန်းလို့ ငါ့နှလုံးက ခံနိုင်ရည် ရှိတော့မှာ မဟုတ်ဘူး...</p> <p style="text-align:justify">အရန်ခုံပေါ်က ကစားသမားများလည်း ဝမ်းသာအားရ အောင်ပွဲခံနေကြသည်။ </p> <p style="text-align:justify">မနာလိုခြင်းလား...။ မရှိပါဘူး။ လက်ရွေးစင်အသင်းမှာ အရွေးခံရသူတိုင်းတွင် တိုက်ပွဲဝင်စိတ်ဓာတ် ရှိရမည် မဟုတ်ပါလား။</p> <p style="text-align:justify">"ချူဖုန်းက တကယ့်ကို သောက်ရမ်း မိုက်တာပဲ..."</p> <p style="text-align:justify">"အမှန်အတိုင်း ပြောရရင် အရင်ပွဲတွေတုန်းက ပြိုင်ဘက်တွေက ပျော့လွန်းလို့ ချူဖုန်းရဲ့ အရည်အချင်းကို အထင်မကြီးမိဘူး... အခုမှပဲ တကယ် သိတော့တယ်..."</p> <p style="text-align:justify">အားလုံး၏ မျက်နှာတွင် အနာဂတ်အတွက် မျှော်လင့်ချက် အပြည့်နှင့် ပြုံးပျော်နေကြသည်။</p> <p style="text-align:justify">ဒုတိယပိုင်း စတင်ချိန်တွင် ဆီးရီးယားအသင်းသည် အပြင်းအထန် တိုက်စစ်ဆင်လာသည်။ "မင်းတို့ ပခုံးပေါ်မှာ ပြည်သူတွေရဲ့ မျှော်လင့်ချက်တွေ ရှိနေတယ်... စစ်မီးကြားက မိဘပြည်သူတွေက အောင်ပွဲကို လိုချင်နေကြတာ..." ဟူသော စကားများဖြင့် သူတို့ စိတ်ဓာတ်တက်ကြွလာပုံရသည်။ </p> <p style="text-align:justify">၎င်းမှာ အမှန်တကယ်ပင် ထိရောက်ခဲ့ပြီး တရုတ်အသင်းကို ဖိအားပေးနိုင်ခဲ့သည်။ ချူဖုန်းလည်း ဘာမှ မတတ်နိုင်ပေ။ ဤသည်မှာ အသင်းလိုက် စနစ်ပိုင်းဆိုင်ရာ ပြဿနာ ဖြစ်နေ၍ ဖြစ်သည်။</p> <p style="text-align:justify">ဒုတိယပိုင်း (၇၃) မိနစ်တွင် မာမုဒ်က တောင်ပံမှ အပြင်းအထန် ထိုးဖောက်ကာ ဂိုးပေါက်ဆီသို့ ဘောလုံး ဖြတ်တင်ပေးလိုက်သည်။ ဆိုမာက နောက်မှာ ကပ်ပါလာသည်။ ကျန့်လင်းဖုန်းက ခြေလှမ်းဖြင့် ဖျက်ထုတ်ရန် ကြိုးစားလိုက်သော်လည်း ဘောလုံးမှာ သူ၏ ခြေထောက်နှင့် ထိကာ ကိုယ့်ဂိုးကိုယ် သွင်းမိသလို ဖြစ်သွားရသည်။</p> <p style="text-align:justify">၎င်းမှာ မတတ်သာသည့် အခြေအနေ ဖြစ်သည်။ ခန္ဓာကိုယ် အနေအထားအရ ထိုဘေးဒုက္ခမှ လွတ်မြောက်ရန် ခက်ခဲလှပေသည်။ </p> <p style="text-align:justify">"စိတ်ထဲ မထားနဲ့... မင်း လုပ်တာ မှန်တယ်... မင်းသာ ဝင်မဖျက်ရင် တရုတ်ဘောလုံးလောကအတွက် မျှော်လင့်ချက် ရှိမှာ မဟုတ်ဘူး..."</p> <p style="text-align:justify">ချူဖုန်းက ဂိုးထဲမှ ဘောလုံးကို ကောက်ယူရင်း ကျန့်လင်းဖုန်းကို အားပေးကာ လှည့်ထွက်လာသည်။ ဤသည်မှာ သူ၏ စိတ်ရင်းပင် ဖြစ်သည်။ ဂိုးပေါက်ရှေ့မှာ အန္တရာယ်ရှိနေချိန်တွင် အပြစ်တင်ခံရမည် စိုး၍ ဘောလုံးကို လွှတ်ပေးလိုက်မည်ဆိုလျှင် တရုတ်ဘောလုံးလောကမှာ ဘာမျှော်လင့်ချက် ရှိတော့မည်နည်း။</p> <p style="text-align:justify">ဤဂိုးသည် တရုတ်အသင်း၏ စိတ်ဓာတ်ကို မဖျက်ဆီးနိုင်ခဲ့ပေ။ (၅) မိနစ်အကြာတွင် ကျန့်လင်းဖုန်းက ဘောလုံးကို ပြန်လည် ဖျက်ထုတ်နိုင်ခဲ့ပြီး ချူဖုန်းထံသို့ ပေးပို့လိုက်သည်။</p> <p style="text-align:justify">ဖတ်...</p> <p style="text-align:justify">ချူဖုန်းသည် လှည့်မကြည့်ဘဲ ဘောလုံးကို အဝေးသို့ ကန်တင်ပေးလိုက်သည်။ ဘောလုံးမှာ ရှေ့သို့ အလွန်အကျွံ တက်လာသော ဆီးရီးယား ခံစစ်တန်းကို ကျော်ဖြတ်သွား၏။</p> <p style="text-align:justify">"ဝူလေ..."<br /> "ဂိုးသမားနဲ့ တစ်ဦးချင်း ရင်ဆိုင်ရပြီ..."</p> <p style="text-align:justify">"သူ ထပ်ပြီး အမှားမလုပ်တော့ဘူး... တည်တည်ငြိမ်ငြိမ်ပဲ ကန်သွင်းလိုက်ပြီ..."</p> <p style="text-align:justify">ပွဲပြီးဆုံးကြောင်း ခရုသင်းမှုတ်သံ ထွက်ပေါ်လာချိန်တွင်... </p> <p style="text-align:justify">အားကစားကွင်းဘေးရှိ LED စခရင်ပေါ်တွင် ရလဒ်မှာ ၁ - ၃ ဖြစ်နေလေတော့သည်။</p> <p style="text-align: center;"><br /> ***</p>


Save