Book List

<h2 style="text-align:center">အခန်း (၄၉၇)</h2> <h2 style="text-align:center">*</h2> <p> </p> <p style="text-align:justify">မန်ချက်စတာသို့ ပြန်လာသည့် ကိုယ်ပိုင်ဂျက်လေယာဉ်ပေါ်တွင်...။</p> <p style="text-align:justify">"ဆရာ... ဒါက လူငယ်လေ့ကျင့်ရေးစခန်းရဲ့ နောက်ဆုံးအခြေအနေတွေပါ..." လက်ထောက်က တက်ဘလက်ကို ကမ်းပေးလိုက်သည်။</p> <p style="text-align:justify">ချူဖုန်း၏ လက်ထောက်ဖြစ်ရသည်မှာ အလွန်ပင် ကံကောင်းလှသည်။ သူ၏ ဝင်ငွေမှာလည်း အဆပေါင်း များစွာ တိုးတက်လာခဲ့သည်။ </p> <p style="text-align:justify">"ကလေးတွေကို နည်းဗျူဟာတွေ အတင်းမသင်နဲ့ဦး... အဲဒါက သူတို့အတွက် မကောင်းဘူး... အခြေခံ ပေးပို့မှုနဲ့ လက်ခံမှုကိုပဲ အာရုံစိုက်ခိုင်း..." </p> <p style="text-align:justify">"ပြီးတော့ အသက်ကြီးတဲ့ ကလေးတွေက ပွဲများများ ကစားဖို့ လိုတယ်... ကုန်ကျစရိတ်အတွက် မပူနဲ့... စပွန်ဆာကုမ္ပဏီတွေက ထပ်ပြီး ရင်းနှီးမြှုပ်နှံလိမ့်မယ်..."</p> <p style="text-align:justify">"ပညာရေးကိုလည်း လျစ်လျူမရှုနဲ့... ဘောလုံးသမား အားလုံးက အောင်မြင်မှာ မဟုတ်ဘူး... သူတို့ရဲ့ အနာဂတ်အတွက် ငါတို့မှာ တာဝန်ရှိတယ်..."</p> <p style="text-align:justify">ချူဖုန်းသည် အရာရာကို စေ့စေ့စပ်စပ် မစီမံသော်လည်း လားရာကိုမူ သူကိုယ်တိုင် ကိုင်တွယ်သည်။ တရုတ်ပြည်၏ အခြေအနေမှာ ဥရောပနှင့် မတူသည်ကို သူ ကောင်းကောင်းသိသည်။ ကာရင်တန် လေ့ကျင့်ရေးကွင်းသို့ ပြန်ရောက်သောအခါ ပြင်းထန်လှသော ပရီးမီးယားလိဂ် ရာသီက ပြန်လည် စတင်နေလေပြီ။</p> <p style="text-align:justify">နိုဝင်ဘာ ၂၅ ရက်။</p> <p style="text-align:justify">ဒဏ်ရာရကစားသမား များပြားနေသဖြင့် မော်ရင်ညိုသည် အရန်ကစားသမားများကို ထည့်သွင်း အသုံးပြုခဲ့သည်။ ကံကောင်းသည်မှာ ပြိုင်ဘက်မှာ အားနည်းလှသော ရှက်ဖီးယူနိုက်တက် ဖြစ်နေခြင်းပင်။</p> <p style="text-align:justify">သို့သော် နိုင်ငံတကာပွဲစဉ်များကြောင့် ကစားသမားများ ပင်ပန်းနေပုံရသည်။ ရှက်ဖီးအသင်းက အဝေးကန်ချက်ဖြင့် ဦးဆောင်ဂိုး အရင်သွင်းသွားခဲ့သည်။</p> <p style="text-align:justify">"ငါလည်း ဘာမှ မတတ်နိုင်ဘူး..." ဒီဂီယာက ဂိုးထောင့်ထဲ ဝင်သွားသော ဘောလုံးကို ကြည့်ရင်း သက်ပြင်းချလိုက်သည်။</p> <p style="text-align:justify">"ရပါတယ်... ပြန်ယူကြတာပေါ့... စိတ်အေးအေးထား..." </p> <p style="text-align:justify">ချူဖုန်းက ဘောလုံးကို ကောက်ယူရင်း အသင်းဖော်များကို အားပေးလိုက်သည်။</p> <p style="text-align:justify">မန်ယူအသင်းသည် အလျင်စလို မလုပ်ဘဲ အခွင့်အရေးကို စိတ်ရှည်စွာ စောင့်ဆိုင်းသည်။ (၂၄) မိနစ်တွင် ဝမ်ဘစ်ဆာကာ၏ ဖြတ်တင်ဘောမှတစ်ဆင့် ချူဖုန်းက ချေပဂိုး သွင်းယူပေးလိုက်သည်။ ထို့နောက်တွင်မူ ရှက်ဖီးအသင်း၏ ဂိုးပေါက်မှာ နောက်ထပ် နှစ်ကြိမ်တိုင်တိုင် ဖောက်ထွင်းခံလိုက်ရသည်။ အဆုံးသတ်တွင် ၁ - ၃ ဖြင့် မန်ယူအသင်း အနိုင်ရရှိသွားခဲ့သည်။</p> <p style="text-align:justify">ပရီးမီးယားလိဂ် (၁၃) ပတ်မြောက် ပွဲစဉ်အပြီးတွင် ချန်ပီယံလိဂ် ပွဲစဉ်အဖြစ် ဂျန့်ခ်အသင်းနှင့် ကစားရသည်။ မန်ယူအသင်းသည် အရန်အင်အားဖြင့်ပင် အလွယ်တကူ အနိုင်ရရှိခဲ့ပြီး အုပ်စုပထမနေရာဖြင့် နောက်တစ်ဆင့် တက်ရန် သေချာသွားခဲ့သည်။ </p> <p style="text-align:justify">မန်စီးတီးနှင့် လီဗာပူးတို့သည် မန်ယူ၏ အရိပ်အောက်တွင် နေခဲ့ရသည်မှာ ကြာပြီ ဖြစ်သဖြင့် ယခု ခရစ္စမတ်ကာလ ပွဲကျပ်များကို အသုံးချကာ အမှတ်ဖြတ်ရန် ကြိုးစားနေကြသည်။ ထို့ကြောင့် မန်ယူအသင်းအနေဖြင့် အမှားခံ၍ မဖြစ်ပေ။</p> <p style="text-align:justify">"ညီအစ်ကိုတို့... အဆင်သင့် ဖြစ်ကြပြီလား..."</p> <p style="text-align:justify">မက်ဂွိုင်းယားက ဝတ်စုံပြည့်ဖြင့် ဘော်ဒီဂတ်တစ်ယောက်လို ရပ်နေသည်။ ချူဖုန်း၏ ဘေးတွင် ရပ်နေသော ထိုလူကောင်ကြီးမှာ တကယ်ပင် သက်တော်စောင့် တစ်ဦးနှင့် တူနေတော့သည်။</p> <p style="text-align:justify">"ချူ... ငါ ကြည့်ရတာ ချောရဲ့လား..." မက်ဂွိုင်းယားက မေးလိုက်သည်။</p> <p style="text-align:justify">"သောက်ရမ်း မိုက်တာပဲ..." ချူဖုန်းက လက်မထောင်ပြလိုက်သည်။</p> <p style="text-align:justify">မာရက်ဇ်၊ မာတစ်၊ ဒီဂီယာ၊ ကန်တေနှင့် အခြားသူများအားလုံး ဝတ်စုံပြည့်ဖြင့် ခန့်ညားနေကြသည်။ </p> <p style="text-align:justify">သူတို့ ဘယ်သွားကြမှာလဲ။ ပြင်သစ်နိုင်ငံ၊ ပါရီမြို့သို့ ဖြစ်သည်။ ၂၀၁၉ ဘလွန်းဒီအောဆုပေးပွဲ အခမ်းအနားသို့ တက်ရောက်ရန် ဖြစ်သည်။</p> <p style="text-align:justify">"ငါတို့အသင်းက ဘယ်နှစ်ယောက် ဆုရမယ် ထင်သလဲ..." ဒီဂီယာက လက်ပွတ်ရင်း မေးလိုက်သည်။</p> <p style="text-align:justify">"ယာရှင်ဆု (အကောင်းဆုံးဂိုးသမားဆု) ကတော့ မင်းအတွက်ပဲ... ဘလွန်းဒီအောဆုကတော့ ချူဖုန်း အတွက် သေချာတယ်... ကိုပါဆု (အကောင်းဆုံးလူငယ်ဆု) ကရော..." မာရက်ဇ်က စဉ်းစားနေသည်။ </p> <p style="text-align:justify">"အသက် (၂၁) နှစ်အောက် အကောင်းဆုံးဆုကလည်း ချူဖုန်းအတွက်ပဲ ဖြစ်မှာပါ..."</p> <p style="text-align:justify">"ချူဖုန်းက ဒီနှစ် အသက် (၂၂) မဟုတ်ဘူးလား..." မက်ဂွိုင်းယားက ဇဝေဇဝါ ဖြစ်နေသည်။</p> <p style="text-align:justify">"ချူဖုန်းရဲ့ မွေးနေ့က ဒီဇင်ဘာ (၁၄) လေ... အခုထိ (၂၁) ပဲ ရှိသေးတာ... ပြီးတော့ ဒီဆုက ပြီးခဲ့တဲ့ ရာသီက ခြေစွမ်းကို ကြည့်ပြီး ပေးတာ..." </p> <p style="text-align:justify">ဝမ်ဘစ်ဆာကာက သူ့ကို အထင်သေးသလို ကြည့်လိုက်သည်။ မင်းက ချူဖုန်းရဲ့ မွေးနေ့တောင် မမှတ်မိဘဲနဲ့ ဖားချင်နေတာလား...</p> <p style="text-align:justify">"အော်... ရော်နယ်ဒို လာမယ် ထင်လား..." မက်ဂွိုင်းယားက စကားလမ်းကြောင်း လွှဲလိုက်သည်။</p> <p style="text-align:justify">"သူက ဆုမရမယ့် ပွဲဆိုရင် ဘယ်တော့မှ မလာဘူး..." ဒီဂီယာက ရော်နယ်ဒိုအကြောင်း ကောင်းကောင်း သိပုံရသည်။</p> <p style="text-align:justify">အားလုံး ပြင်ဆင်ပြီးသောအခါ လေဆိပ်သို့ ထွက်ခွာခဲ့ကြသည်။ လေဆိပ်တစ်ခုလုံး မန်ယူပရိသတ်များဖြင့် ပြည့်နှက်နေလေသည်။</p> <p style="text-align:justify">"ချူ... အိုးထရက်ဖို့ဒ်ကို ဘလွန်းဒီအောဆု နောက်တစ်လုံး ယူလာပေးပါဦး..."</p> <p style="text-align:justify">"မင်း ပြန်လာမှာကို ငါတို့ စောင့်နေမယ်..."</p> <p style="text-align:justify">"မက်ဆီကို အနိုင်ယူလိုက်စမ်း..."</p> <p style="text-align:justify">မန်ယူပရိသတ်များမှာ ရူးသွပ်စွာ အော်ဟစ်နေကြသည်။ မန်ယူအသင်း သမိုင်းတစ်လျှောက်တွင် ဘလွန်းဒီအောဆုရှင် လေးဦးသာ ရှိခဲ့ဖူးသည်။ ၁၉၆၄ တွင် ဒင်းနစ်လော၊ ၁၉၆၆ တွင် ဘော်ဘီချာလ်တန်၊ ၁၉၆၈ တွင် ဂျော့ချ်ဘက်စ် နှင့် ၂၀၀၈ တွင် စီရော်နယ်ဒို တို့ ဖြစ်သည်။</p> <p style="text-align:justify">ဆယ့်တစ်နှစ် ကြာပြီးနောက်တွင်မူ သမိုင်းသစ်ကို ယနေ့ညတွင် ပြန်လည် ရေးထိုးတော့မည် ဖြစ်သည်။ ချူဖုန်းသာ ဘလွန်းဒီအောဆု မရခဲ့လျှင် ထိုဆုကိုသာ ရိုက်ခွဲပစ်လိုက်ဖို့ပဲ ရှိတော့သည်။</p> <p style="text-align:justify">ချူဖုန်းသည် မာရီယာ၏ လက်ကလေးကို ဆွဲကာ ပါရီသို့ ပျံသန်းမည့် လေယာဉ်ပေါ်သို့ တက်လှမ်းသွားလေသည်။ သူ၏ အိပ်မက်များကို အကောင်အထည်ဖော်ရန် သူ ထွက်ခွာသွားလေပြီ။</p> <p style="text-align:justify">…………….</p> <p style="text-align:justify">ပြင်သစ်နိုင်ငံ၊ ပါရီမြို့။</p> <p style="text-align:justify">၁၈၆၀ ပြည့်နှစ်ကတည်းက တည်ရှိခဲ့သော ရှာတေးလေး ပြဇာတ်ရုံကြီးသည် ယခုဆိုလျှင် သက်တမ်း (၁၅၉) နှစ် ရှိနေပြီ ဖြစ်သည်။ ၎င်းနှင့် မျက်စိတစ်ဆုံးတွင် အီဖယ်မျှော်စင်ကြီးက ခန့်ညားထည်ဝါစွာ ရှိနေသလို ယနေ့ညတွင် ရှာတေးလေး ပြဇာတ်ရုံကြီးမှာလည်း ကြယ်စင်များ ဝန်းရံထားသည့်အလား တောက်ပနေ၏။</p> <p style="text-align:justify">ပြဇာတ်ရုံပြင်ပတွင် ကော်ဇောနီများ ခင်းကျင်းထားပြီး မီးရောင်စုံများ၊ ပိုစတာများဖြင့် ဝေဝေဆာဆာ ရှိနေသည်။ ပိုစတာများပေါ်တွင် ဘလွန်းဒီအောဆု အတွက် လျာထားခြင်းခံရသည့် ကစားသမား (၃၀) ဦး၏ အမည်စာရင်းကို ဖော်ပြထားသည်။ </p> <p style="text-align:justify">သတင်းထောက်များသည် ဆောင်းလေအေးကြားတွင် တဆတ်ဆတ် တုန်နေကြသော်လည်း သူတို့၏ လက်ထဲမှ ကင်မရာများမှာမူ အကောင်းဆုံး ပုံရိပ်ကို ဖမ်းယူရန် ငြိမ်သက်နေကြလေသည်။</p> <p style="text-align:justify">ယနေ့ညတွင် ကမ္ဘာတစ်ဝှမ်းလုံးက သိရှိထားကြသည်မှာ... ခေတ်တစ်ခေတ် ကုန်ဆုံးတော့မည် ဖြစ်ကြောင်းပင်။ </p> <p style="text-align:justify">ခေတ်သစ်တစ်ခု၏ အာရုဏ်ဦးနှင့်အတူ ဘုရင်အသစ်တစ်ပါး နန်းတက်တော့မည် မဟုတ်ပါလား။</p> <p style="text-align:justify">"ငါကတော့ နှစ်တိုင်း ဒုတိယနဲ့ပဲ အိမ်ပြန်နေရတယ်... ဒါပေမဲ့လည်း နှစ်တိုင်း ပြန်လာနေတုန်းပဲ... ငါ့လောက် ဇွဲကောင်းတဲ့သူ ရှိဦးမလား..." </p> <p style="text-align:justify">ဆာလာက သူ့ပုံပါသည့် ပိုစတာကို ကြည့်ပြီး သက်ပြင်းချလိုက်သည်။</p> <p style="text-align:justify">"တကယ်တော့ မင်းအနေနဲ့ ရော်နယ်ဒိုဆီက သင်ယူသင့်တယ်... ဆုမရဘူးဆိုရင် အိမ်မှာပဲ နေလိုက်လေ... ဒါဆိုရင် သူ့ကို မတွေ့ချင်လို့ မလာတာပါဆိုပြီး ဆင်ခြေပေးလို့ ရတာပေါ့..." <br /> ကလော့ပ်က သူ့မျက်မှန်ကို အသာအယာ ပြင်လိုက်ရင်း ပြောသည်။</p> <p style="text-align:justify">သူ လီဗာပူးအသင်းကို ကိုင်တွယ်ခဲ့သည်မှာ ကြာပြီ ဖြစ်သော်လည်း ချန်ပီယံဆုဖလား မရသေးပေ။ အထူးသဖြင့် လီဗာပူးပရိသတ်များ နှစ်ပေါင်းများစွာ တောင့်တနေသည့် ပရီးမီးယားလိဂ် ချန်ပီယံဆု...။ </p> <p style="text-align:justify">ကလော့ပ်မှာ ဖိအားများစွာ ခံစားနေရသည်။ ၎င်းမှာ အသင်းပိုင်ရှင် သို့မဟုတ် ပရိသတ်များဆီမှ မဟုတ်ဘဲ သူကိုယ်တိုင် သတ်မှတ်ထားသည့် စံနှုန်းများကြောင့် ဖြစ်သည်။ သူသည် ဒေါ့မွန်မှ ထွက်လာပြီး လီဗာပူးတွင် သမိုင်းသစ် ရေးထိုးရန် ရည်မှန်းထားသော်လည်း ထိုပုံရိပ်ကို မြင်ယောင်မိတိုင်း ခပ်ပြုံးပြုံးဖြင့် ခေါင်းရမ်းမိသည်။</p> <p style="text-align:justify">ကံဆိုးလိုက်ပုံများ... ရှေ့မှာက မန်ယူ၊ နောက်မှာက မန်စီးတီး... လီဗာပူးအတွက်တော့ တကယ့်ကို ခက်ခဲတဲ့ အချိန်တွေပါပဲ...</p> <p style="text-align:justify">ချက်ချင်းဆိုသလိုပင် ဂွါဒီယိုလာနှင့် ဒီဘရိုင်းတို့က လေးလံသော ခြေလှမ်းများဖြင့် ဝင်လာကြသည်။ ဟုတ်ပေသည်... သူတို့သည်လည်း နောက်ထပ် သားကောင်များပင်။ </p> <p style="text-align:justify">သူတို့အတွက် ခမ်းနားလှသော ဂိတ်တံခါးကြီးမှာ ကားစင်တင်ခံရမည့် နေရာနှင့် ပိုတူနေသည်။ ၎င်းပေါ်တွင် ရိုက်နှက်ခံရစဉ်က ခံစားချက်များကို ပြန်လည် မြင်ယောင်နေမိ၏။ </p> <p style="text-align:justify">"ဆရာ... ကျွန်တော်တို့ ဒီနှစ် ပရီးမီးယားလိဂ် ချန်ပီယံ ဖြစ်နိုင်ပါဦးမလား..." </p> <p style="text-align:justify">ဒီဘရိုင်းက မီးရောင်များကြောင့် မျက်စိကျိန်းသကဲ့သို့ မျက်မှောင်ကြုတ်ရင်း မေးလိုက်သည်။ သူ ဇဝေဇဝါ ဖြစ်နေပြီ။</p> <p style="text-align:justify">"ဖြစ်နိုင်တာပေါ့... သေချာတာပေါ့... အသေအချာပေါ့..." </p> <p style="text-align:justify">ဂွါဒီယိုလာက မာရီယာနှင့် လာမည့် မင်္ဂလာဆောင်အကြောင်း တွေးမိသောအခါ ဒေါသထွက်လာသည်။ ၎င်းမှာ ချူဖုန်းကို မကျေနပ်၍ မဟုတ်ဘဲ သမီးမိန်းကလေးတစ်ဦး၏ အဖေအနေဖြင့် ဖြစ်ပေါ်လာသည့် ဗီဇဒေါသပင်။ </p> <p style="text-align:justify">သောက်ကျိုးနည်း... ငါ့သမီးလေးကို အနှစ်နှစ်အလနဲ့ ယုယုယယ မွေးခဲ့တာ... အခုတော့ ဒီကောင်လေး လက်ထဲ ကိုယ်တိုင် အပ်နှံရတော့မယ်... ငါ ဘယ်လိုလုပ် ဒေါသမထွက်ဘဲ နေနိုင်မှာလဲ...</p> <p style="text-align:justify">ဒီဘရိုင်း : "..." </p> <p style="text-align:justify">ဂွါဒီယိုလာတစ်ယောက် ပုဂ္ဂိုလ်ရေး ခံစားချက်တွေ ရှေ့တန်းတင်နေပြီဟု သူ ခံစားလိုက်ရသည်။</p> <p style="text-align:justify">နောက်ထပ် သားကောင်က ဘယ်သူဖြစ်မလဲ။</p> <p style="text-align:justify">ဘာစီလိုနာ။</p> <p style="text-align:justify">ဗယ်ဗာဒီသည် နူးညံ့လှသော ကော်ဇောနီပေါ်တွင် လျှောက်လှမ်းနေစဉ် အတိတ်က ပုံရိပ်များ တရိပ်ရိပ် ပေါ်လာသည်။ ၂၀၁၇-၁၈ ချန်ပီယံလိဂ် ကွာတားဖိုင်နယ်တွင် ရိုးမားကို ရှုံးခဲ့ခြင်း၊ ၂၀၁၈-၁၉ တွင် မန်ယူကို နှစ်ကျော့စလုံး ရှုံးခဲ့ခြင်း...။ </p> <p style="text-align:justify">သောက်ခွပဲ... အင်းနရစ်ကျတော့ ချန်ပီယံဆု (၆) ခုတောင် ရခဲ့ပြီး ငါကျမှ ဘာလို့ ဒီလို ဖြစ်နေရတာလဲ…</p> <p style="text-align:justify">သူ့ဘေးတွင် ရပ်နေသော မက်ဆီ၏ မျက်လုံးများမှာလည်း အရောင်အဝါ မှိန်ဖျော့နေသည်။ ငါ့ရဲ့ ခေတ်က တကယ်ပဲ ကုန်ဆုံးသွားပြီလား...</p> <p style="text-align:justify">သူ အလွန်ပင် မကျေမနပ် ဖြစ်နေသလို အရှုံးလည်း မပေးချင်ပေ။ အကယ်၍ ပြီးခဲ့သည့် ရာသီက ဘလွန်းဒီအောဆု မရခဲ့လျှင်ပင် ယခုရာသီတွင် ချန်ပီယံလိဂ်၊ လာလီဂါနှင့် စပိန်စူပါဖလားတို့ကိုသာ ရယူနိုင်မည်ဆိုလျှင် သူ၏ ဂုဏ်သိက္ခာကို ပြန်လည် ဆယ်ယူနိုင်မည်ဟု ယုံကြည်နေသည်။</p> <p style="text-align:justify">နောက်ထပ် ရောက်လာသူမှာတော့ စပါးအသင်း ဖြစ်သည်။ ဆွန်ဟောင်မင်မှာ ယခု အခိုက်အတန့်တွင် ခံစားချက်မျိုးစုံ ဖြစ်ပေါ်နေသည်။ </p> <p style="text-align:justify">မနာလိုခြင်း၊ မနာလိုခြင်း၊ ရှက်ရွံ့ခြင်း...။ </p> <p style="text-align:justify">ချူဖုန်းသည် ပြီးခဲ့သည့် အာရှအကောင်းဆုံး ကစားသမားဆုပေးပွဲကို မတက်ရောက်ခဲ့သဖြင့် ထိုဆုကို သူ့အား ပေးခဲ့သည်။ သို့သော် ၎င်းမှာ ဂုဏ်ယူစရာ မဟုတ်ဘဲ အရှက်ရစရာ ဖြစ်နေသည်ဟု သူ ယူဆသည်။ နောက်တစ်ကြိမ်တွင် ထိုဆုကို မယူတော့ရန်ပင် သူ ဆုံးဖြတ်ထားသည်။</p> <p style="text-align:justify"> </p> <p style="text-align:justify"> </p> <p style="text-align:center">***</p>


Save