Book List

<h2 style="text-align:center">အခန်း (၄၉၈) </h2> <h2 style="text-align:center">*</h2> <p> </p> <p style="text-align:justify">"ဖြောင်း... ဖြောင်း..." </p> <p style="text-align:justify">မီးရောင်များ ရုတ်တရက် အပြင်းအထန် တောက်ပလာသည်။ အထင်မမှားပါနှင့်...။ ဇာတ်လိုက်ကျော် ရောက်လာခြင်း မဟုတ်ဘဲ ရီးရဲလ်မက်ဒရစ်အသင်း ရောက်လာခြင်း ဖြစ်သည်။ </p> <p style="text-align:justify">ဇီဒန်း၏ ဦးခေါင်းပြောင်ကြီးမှာ မီးရောင်အောက်တွင် သဘာဝ အလင်းပြန်ပြား တစ်ခုကဲ့သို့ ဖြစ်နေ၏။</p> <p style="text-align:justify">တကယ်တော့... မန်ယူအသင်း နိုးထလာမှုကြောင့် အထိနာဆုံးက ဘယ်သူလဲ။ </p> <p style="text-align:justify">သေချာပေါက် ရီးရဲလ်မက်ဒရစ်ပင်။ ချန်ပီယံလိဂ် သုံးကြိမ်ဆက် ချန်ပီယံဖြစ်မည့် မျှော်လင့်ချက်ကို ထိုလူငယ်လေးက ရိုက်ချိုးပစ်ခဲ့သည်။ ၎င်းသည် ရီးရဲလ်အသင်းကို အကြီးအကျယ် ထိုးနှက်ခဲ့ပြီး ယနေ့တိုင် ပြန်မထူနိုင်သေးပေ။</p> <p style="text-align:justify">"အီဒင်... မင်း နောက်ပိုင်းမှာ ဘလွန်းဒီအောဆု ရဖို့ တွေးဖူးလား..." </p> <p style="text-align:justify">ဇီဒန်းက အသာအယာ မေးလိုက်သည်။</p> <p style="text-align:justify">"အော်... ဟုတ်ကဲ့... ဟမ်ဘာဂါကတော့ ရွေးချယ်မှုကောင်း တစ်ခုပါပဲ... အာ မဟုတ်ပါဘူး… ဘယ်ကစားသမားက ဘလွန်းဒီအောဆု မရချင်ဘဲ နေမှာလဲ..." </p> <p style="text-align:justify">ဟာဇက်ကတော့ ဟိုတယ်ဘေးက ဘာဂါဆိုင်မှာ အမဲသားဘာဂါ အသစ် ထွက်နေတာကိုပဲ တွေးနေမိသည်။ </p> <p style="text-align:justify">သူ စပိန်ကို ရောက်နေသည်မှာ ကြာသော်လည်း ထိုဘာဂါအကြောင်းပဲ စဉ်းစားနေခြင်း ဖြစ်သည်။ ၎င်းဘာဂါကို သူနှင့် ချူဖုန်းတို့က ကြော်ငြာပေးထားခြင်း ဖြစ်သည်။ </p> <p style="text-align:justify">ဇီဒန်း: "..." </p> <p style="text-align:justify">ရည်မှန်းချက် မရှိသည့် ကစားသမားနှင့် တွေ့သောအခါ ဘာပြောရမှန်း မသိတော့ပေ။ အကယ်၍ ဖလော်ရန်တီနိုသာ ချူဖုန်းကို ဝယ်နိုင်ခဲ့လျှင်... ရီးရဲလ်အသင်း ချန်ပီယံလိဂ် ပြန်ရနိုင်မည်ဟု ဇီဒန်း ယုံကြည်နေမိသည်။ </p> <p style="text-align:justify">သို့သော် ဤလောကတွင် 'အကယ်၍' ဆိုသည်မှာ မရှိပေ။</p> <p style="text-align:justify">မကြာမီ အယ်လီဂရီနှင့် ပေါ့ဘာတို့ ရောက်လာသောအခါ အပြင်ဘက်မှ လှောင်ပြောင်သံများ ထွက်ပေါ်လာသည်။ ပေါ့ဘာ၏ မျက်နှာမှာ ပျက်နေသော်လည်း သူ့အသားအရောင်က မည်းနက်နေသဖြင့် သိပ်တော့ မသိသာလှပေ။ </p> <p style="text-align:justify">စီရော်နယ်ဒိုကတော့ တူရင်က သူ့ဗီလာမှာပဲ လေ့ကျင့်ခန်းလုပ်၊ အိပ်စက်ရင်း ကျန်ရစ်ခဲ့သည်။ သူ ဘာပဲလုပ်လုပ် အာရုံစူးစိုက်မရဘဲ နောက်ဆုံးတွင် တီဗီဖွင့်ကာ ဘလွန်းဒီအောဆုပေးပွဲကို ကြည့်နေမိသည်။ သူ အမုန်းဆုံး လူသားက ဘောလုံးလောက၏ ထိပ်ဆုံးသို့ တက်လှမ်းသွားသည်ကို ကြည့်ပြီး သူ့ကိုယ်သူ ပြန်လည် နှိုးဆော်ရန် ဖြစ်သည်။</p> <p style="text-align:justify">ကြယ်ပွင့်များ တစ်ဦးပြီးတစ်ဦး ရောက်ရှိလာသည်နှင့်အမျှ ရှာတေးလေး ပြဇာတ်ရုံပြင်ပက လေထုမှာ ပိုမို ပူပြင်းလာသည်။</p> <p style="text-align:justify">"ဒုတ်... ဒုတ်... ဒုတ်..."</p> <p style="text-align:justify">တစ်ချိန်ချိန်တွင်... နောက်ဘက်မှ ခြေသံများ ထွက်ပေါ်လာပြီး ကြယ်ပွင့်များအားလုံး၏ အကြည့်ကို ဆွဲဆောင်သွားတော့သည်။</p> <p style="text-align:justify">"ချူ..."</p> <p style="text-align:justify">"ချူ..."</p> <p style="text-align:justify">"ချူ..."</p> <p style="text-align:justify">ဟိန်းဟောက်နေသော အော်ဟစ်သံများက သိန်းမြစ်ကမ်းတစ်လျှောက် ပဲ့တင်ထပ်သွားပြီး ဆောင်းလေအေးတွေကိုတောင် မောင်းထုတ်ပစ်လိုက်သလိုပင်။ ချူဖုန်းသည် အနက်ရောင် ဝတ်စုံပြည့်ဖြင့် ကော်ဇောနီ၏ တစ်ဖက်တွင် ရပ်နေသည်။ သူ့ဘေးတွင်မူ မာရီယာ ရှိနေ၏။ </p> <p style="text-align:justify">ရိုးရှင်းသော်လည်း ထူးခြားလှသော အနက်ရောင် ဝတ်စုံလေးက သူမကို ပိုမို တင့်တယ်စေသည်။ ယနေ့ည၏ ဇာတ်လိုက်မှာ ဘယ်သူလဲဆိုသည်ကို သူမ သိထားသဖြင့် လွန်လွန်ကျူးကျူး ပြင်ဆင်မထားပေ။</p> <p style="text-align:justify">"သွားကြစမ်းစို့..." </p> <p style="text-align:justify">ချူဖုန်းက မာရီယာ၏ လက်ကို ဆွဲကာ ကော်ဇောနီပေါ်သို့ လှမ်းတက်လိုက်သည်။ ယခုမူ သူသည် ပွဲတစ်ခုလုံး၏ ဗဟိုချက်မ ဖြစ်သွားပြီ။ </p> <p style="text-align:justify">ကော်ဇောနီအဆုံးရှိ လက်မှတ်ထိုးရမည့် နံရံတွင် ကြယ်ပွင့်များ၏ အမည်များ ပြည့်နေသော်လည်း အလယ်တည့်တည့်မှာတော့ ကွက်လပ်တစ်ခု ကျန်နေသေးသည်။ ၎င်းမှာ ကြိုတင်စီစဉ်ထားခြင်း မဟုတ်ဘဲ ကစားသမားများ၏ စိတ်ထဲတွင် ချူဖုန်းအတွက် ချန်ထားရမည်ဟု အလိုလို သိနေကြခြင်း ဖြစ်သည်။</p> <p style="text-align:justify">ချူဖုန်းက မှတ်တမ်းတင်ကလောင်ကို ယူကာ အလယ်တည့်တည့်တွင် ရေးထိုးလိုက်သည်။</p> <p style="text-align:justify">【ချူဖုန်း】</p> <p style="text-align:justify">ခန့်ညားထည်ဝါလှသော ထိုအမည်မှာ နံရံထက်တွင် တစ်ဦးတည်းသော အရှင်သခင်အလားပင်…။</p> <p style="text-align:justify">"တရုတ်နိုင်ငံတော် ရုပ်သံလိုင်းမှ တိုက်ရိုက် ထုတ်လွှင့်နေပါတယ်ခင်ဗျာ..."</p> <p style="text-align:justify">"အခု ပရိသတ်တို့ မြင်တွေ့နေရတဲ့သူကတော့ ကျွန်တော်တို့ရဲ့ တရုတ်ကစားသမား ချူဖုန်းပဲ ဖြစ်ပါတယ်..."</p> <p style="text-align:justify">"သူဟာ ပြီးခဲ့တဲ့ ရာသီက ချန်ပီယံလိဂ်နဲ့ ပရီးမီးယားလိဂ် အပါအဝင် ဆုဖလား များစွာကို ရရှိခဲ့သူပါ..."</p> <p style="text-align:justify">"သူဟာ ဒီနှစ် ဘလွန်းဒီအောဆုအတွက် ရေပန်းအစားဆုံးသူလည်း ဖြစ်ပါတယ်..."</p> <p style="text-align:justify">ဟယ်ဝေသည် ချူဖုန်း၏ ဆုတံဆိပ်များ၊ စံချိန်များနှင့် ဂိုးအရေအတွက်များကို မိတ်ဆက်ပေးရန် သုံးမိနစ်ခန့် အချိန်ယူလိုက်ရသည်။ ဘလွန်းဒီအောဆုကို ပြင်သစ်ဘောလုံးမဂ္ဂဇင်းက ပေးအပ်ခြင်း ဖြစ်ပြီး ကမ္ဘာတစ်ဝှမ်းရှိ ကျွမ်းကျင် သတင်းထောက်များ၏ မဲပေးမှုဖြင့် ဆုံးဖြတ်ခြင်း ဖြစ်သည်။ ရွေးချယ်မှု စံနှုန်းများမှာ တစ်ဦးချင်း ခြေစွမ်း၊ အသင်းလိုက် အောင်မြင်မှု၊ အရည်အချင်းနှင့် ကစားသမားဘဝ တစ်လျှောက် အကျင့်စာရိတ္တတို့ ဖြစ်သည်။</p> <p style="text-align:justify">တိုက်ရိုက် ထုတ်လွှင့်မှု၏ မှတ်ချက်များတွင်လည်း ပရိသတ်များမှာ ရူးသွပ်နေကြသည်။</p> <p style="text-align:justify">[ချူဖုန်းရဲ့ ဩဇာကတော့ တကယ့်ကို ကြီးမားတာပဲ... CCTV ရော၊ TikTok ရော၊ Weibo ရော အကုန်လုံးမှာ သူပဲ ရှိနေတယ်...]</p> <p style="text-align:justify">[ဒီနေ့ ဘလွန်းဒီအောဆုက သမိုင်းတစ်လျှောက် တန်ဖိုးအရှိဆုံး ဖြစ်မှာလား...]</p> <p style="text-align:justify">[ချူဖုန်းက အသက် (၂၁) နှစ်ပဲ ရှိသေးတာ... နောက်ထပ် ကမ္ဘာ့ဖလား (၄) ကြိမ်လောက် ကစားနိုင်သေးတယ်... တစ်နေ့မှာ သူ ကမ္ဘာ့ဖလားကြီးကို မြှောက်နိုင်ပါစေလို့ ဆုတောင်းပါတယ်...]</p> <p style="text-align:justify">[ဒီနေ့ ရမှတ်ကွာခြားချက်က အကြီးမားဆုံး ဖြစ်နိုင်မလား... ၂၀၁၆ မှာ ရော်နယ်ဒိုက မက်ဆီထက် (၄၂၉) မှတ် အသာနဲ့ ရခဲ့ဖူးတယ်...]</p> <p style="text-align:justify">တစ်ချိန်တည်းမှာပင် တရုတ်ပြည် အနှံ့အပြား၌...</p> <p style="text-align:justify">မနက် (၃) နာရီ ရှိနေပြီ ဖြစ်သော်လည်း အိမ်တိုင်းတွင် မီးများ လင်းထိုင်နေကြသည်။ </p> <p style="text-align:justify">ပင်ချန်းမြို့တွင်လည်း နှစ်သစ်ကူးပွဲတော်ကဲ့သို့ စည်ကားနေ၏။ လမ်းဘေးဆိုင်များ၊ ဘားများတွင် အားလုံးက ဘလွန်းဒီအောဆုပေးပွဲကို စောင့်ကြည့်နေကြသည်။ ချူဖုန်း ရရှိမည့် ဆုသည် တရုတ်ဘောလုံးလောက၏ အနာဂတ်ကို ကိုယ်စားပြုနေသောကြောင့် ဖြစ်သည်။</p> <p style="text-align:justify">"ဝုန်း..."</p> <p style="text-align:justify">ရှာတေးလေး ပြဇာတ်ရုံအတွင်းရှိ မီးများ အားလုံး ငြိမ်းသွားပြီး မှောင်အတိ ကျသွားသည်။</p> <p style="text-align:justify">"ဒုတ်... ဒုတ်... ဒုတ်..."</p> <p style="text-align:justify">နှလုံးခုန်သံကဲ့သို့သော အသံတစ်ခု စတင်ထွက်ပေါ်လာပြီး တဖြည်းဖြည်း မြန်လာသည်။ စခရင်ပေါ်တွင် ဘလွန်းဒီအောဆု လျာထားခံရသူများ၏ ပုံရိပ်များ ပေါ်လာသည်။ ဗန်ဒီဘိခ်၊ ဘန်ဇီမာ၊ ဆွန်ဟောင်မင်၊ ဟာဇက်၊ ဘာပေ၊ ဒီဂီယာ... နောက်ဆုံးတွင် လူလေးဦးသာ ကျန်တော့သည်။</p> <p style="text-align:justify">ချူဖုန်း၊ မက်ဆီ၊ ပေါ့ဘာ နှင့် ရော်နယ်ဒို</p> <p style="text-align:justify">သူတို့သည် ယခုနှစ်၏ ထိပ်သီးလေးဦး ဖြစ်သည်။</p> <p style="text-align:justify">"ဒေါင်..."</p> <p style="text-align:justify">မီးများ ပြန်လည် လင်းထိုင်လာသောအခါ ဒရော့ဘာနှင့် ဆန်ဒီဟာဘတ်တို့ စင်ပေါ်သို့ တက်လာကြသည်။ </p> <p style="text-align:justify">"အားလုံးပဲ မင်္ဂလာညချမ်းပါ... ကျွန်တော်ကတော့ ဒီဒီယာ ဒရော့ဘာ ပါ..."</p> <p style="text-align:justify">"ဘလွန်းဒီအောဆုရှင်ရဲ့ အမည်က ကျွန်တော့်လက်ထဲက စာအိတ်ထဲမှာ ရှိနေပါပြီ... ဒါပေမဲ့ ပွဲစီစဉ်သူတွေက ကိုပါဆုနဲ့ ယာရှင်ဆုတွေကို အရင်ပေးခိုင်းထားလို့ လောလောဆယ်တော့ လျှို့ဝှက်ထားရဦးမှာပါ..."</p> <p style="text-align:justify">"ကိုပါဆု အတွက် ဒိုင်လူကြီးတွေကတော့ ဘလွန်းဒီအောဆုရှင်ဟောင်း (၃၃) ဦး ဖြစ်ပါတယ်... သူတို့ရဲ့ ရွေးချယ်မှုက တော်တော်လေး စိတ်ဝင်စားဖို့ ကောင်းတယ်... ကြည့်လိုက်ကြရအောင်..."</p> <p style="text-align:justify">စခရင်ပေါ်တွင် [ဗီနီစီးယပ်စ်၊ ဟားဗတ်ဇ်၊ ဂွမ်ဒူဇီ၊ လူနင်၊ ချူဖုန်း] ဟူ၍ ပေါ်လာသည်။</p> <p style="text-align:justify">"ရော်နယ်ဒိုက ချူဖုန်းကို ရွေးတယ်။ ကာကာက ချူဖုန်းကို ရွေးတယ်။ အိုဝင်က ချူဖုန်းကို ရွေးတယ်။ ဇီဒန်းကလည်း ချူဖုန်းကို ရွေးတယ်... ၂၀၁၉ ကိုပါဆုရှင် ချူဖုန်းကို ဂုဏ်ပြုပါတယ်..."</p> <p style="text-align:justify">မီးရောင်များက ချူဖုန်းဆီသို့ ကျရောက်သွားသည်။ သူ့ဘေးရှိ မက်ဆီမှာ အနည်းငယ် နေရခက်နေပုံ ရသည်။ သူက ဆန်ချိုကို မဲပေးခဲ့၍ ဖြစ်သည်။ ဒီလစ်ကတော့ ငိုချင်စိတ် ပေါက်နေသည်။ ချူဖုန်းနှင့် ယှဉ်ရန် သူ မစွမ်းသာပေ။</p> <p style="text-align:justify">"စကားသိပ်မများနဲ့နော်... နောက်မှ တစ်ခါ ပြန်တက်ရဦးမှာ..." </p> <p style="text-align:justify">မာရက်ဇ်က အမြန် သတိပေးလိုက်သည်။ ကိုပါဆုမှာတင် အပြောများသွားလျှင် ဘလွန်းဒီအောဆု ကျမှ ဘာပြောရမှန်း မသိဘဲ ဖြစ်နေမည်။</p> <p style="text-align:justify">ချူဖုန်းက ဝတ်စုံကို ပြင်လိုက်ရင်း စင်ပေါ်သို့ လျှောက်လှမ်းသွားသည်။ ပြီးခဲ့သည့်နှစ် ဆုရှင် ဘာပေက ချူဖုန်းကို ဆုပေးရမည် ဖြစ်သည်။ ဘာပီ၏ မျက်နှာမှာလည်း အနည်းငယ် အိုးနင်းခွက်နင်း ဖြစ်နေ၏။ ပြင်သစ်လိဂ် ချန်ပီယံနှင့် ကမ္ဘာ့ဖလားပဲ ရှိသော သူက ဖလား ၇လုံး ပိုင်ရှင်အား ဆုပေးရသည်မှာ မချိပြုံး ပြုံးနေရသလိုပင်။</p> <p style="text-align:justify">"ဆုရတဲ့အတွက် ဘာများ ပြောချင်ပါသလဲ..." ဒရော့ဘာက မေးလိုက်သည်။</p> <p style="text-align:justify">"မဲပေးခဲ့ကြတဲ့ ဒိုင်လူကြီးတွေကို ကျေးဇူးတင်ပါတယ်... ကိုပါဆု ရတဲ့အတွက် ဝမ်းသာ ဂုဏ်ယူမိပါတယ်” </p> <p style="text-align:justify">"ဒါပဲလား..."</p> <p style="text-align:justify">"ဒါပဲလေ..."</p> <p style="text-align:justify">"မင်းက မန်ချက်စတာ တက္ကသိုလ် ကျောင်းသား မဟုတ်ဘူးလား... ဘာလို့ စကားက နှစ်ခွန်းတည်းနဲ့ ပြီးသွားတာလဲ..."</p> <p style="text-align:justify">"ဘာလို့လဲဆိုတော့ ကျွန်တော်က ဘောလုံးစီးပွားရေး စီမံခန့်ခွဲမှု အထူးပြု ကျောင်းသား ဖြစ်နေလို့ပါ… အချိန်ကို စီမံခန့်ခွဲရတာပေါ့..."</p> <p style="text-align:justify">ပြဇာတ်ရုံတစ်ခုလုံး ရယ်သံများ ပျံ့လွင့်သွားသည်။ ဒရော့ဘာကလည်း မော်ရင်ညိုကို လှမ်းစနောက်လိုက်သေးသည်။ </p> <p style="text-align:justify">"မင်းက လူထူးလူဆန်းကြီးဆီမှာ ကစားခဲ့တာတောင် သူ့ရဲ့ စကားပြောကောင်းတဲ့ အရည်အချင်းကို မရခဲ့ဘူးလား" ဆိုတော့ မော်ရင်ညိုကလည်း "မင်းလည်း အဲဒီတုန်းက မရခဲ့တာပဲ မဟုတ်လား" ဟု ပြန်ချေပလိုက်သဖြင့် ရယ်သံများ ပိုထွက်လာသည်။</p> <p style="text-align:justify">နောက်တွင် ယာရှင်ဆုကို ဒီဂီယာက ဆွတ်ခူးသွားသည်။ သူသည်လည်း အမြန်ပင် ကျေးဇူးတင်စကား ပြောကာ ဆင်းသွား၏။ အားလုံးက ဘာကို စောင့်နေကြသည်ကို သူ သိနေ၍ ဖြစ်သည်။</p> <p style="text-align:justify">“ပြင်သစ်ဘောလုံးမဂ္ဂဇင်း၏ (၆၄) ကြိမ်မြောက် ဘလွန်းဒီအောဆုရှင်ကတော့…”</p> <p style="text-align:justify">ဒရော့ဘာက စာအိတ်ကို ဖွင့်ကြည့်ပြီး ပြန်ပိတ်လိုက်သည်။ ထို့နောက် ရှေ့ဆုံးတန်းမှ လူများကို ဝေ့ကြည့်လိုက်၏။ အားလုံး၏ မျက်နှာတွင် တင်းမာမှုများ ရှိနေသော်လည်း အနက်ရောင် ဝတ်စုံနှင့် လူသားကတော့ တည်ငြိမ်နေဆဲ။</p> <p style="text-align:justify">"သူကတော့... ချန်ပီယံလိဂ် ဗိုလ်လုပွဲမှာ ဟက်ထရစ် သွင်းနိုင်ခဲ့တဲ့ စတုတ္ထမြောက် လူသားပါ..."</p> <p style="text-align:justify">"သူကတော့... ပရီးမီးယားလိဂ် ဂိုးသွင်းအများဆုံး စံချိန်ကို နှစ်ကြိမ်တိုင်တိုင် ချိုးဖျက်ခဲ့သူပါ..."</p> <p style="text-align:justify">"သူကတော့... အိမ်ကွင်းမှာ (၃) ဂိုးပြတ် ရှုံးနိမ့်နေတာကို အနိုင်ရအောင် ပြန်တိုက်ထုတ်နိုင်ခဲ့တဲ့ ပထမဆုံး လူသားပါ..."</p> <p style="text-align:justify">"သူကတော့... လက်ရှိ ချန်ပီယံလိဂ် ချန်ပီယံ၊ လက်ရှိ ပရီးမီးယားလိဂ် ချန်ပီယံနဲ့ အင်္ဂလန်ရဲ့ ပထမဆုံး ဖလား ၇လုံးဆုရှင် ဖြစ်ပါတယ်..."</p> <p style="text-align:justify">"သူကတော့... (၆၄) ကြိမ်မြောက် ဘလွန်းဒီအောဆုရှင်... ချူဖုန်းပါပဲ..."</p> <p style="text-align:justify"> </p> <p style="text-align:justify"> </p> <p style="text-align:center">***</p>


Save