Book List

<h2 style="text-align: center;">အခန်း (၅၀၀) </h2> <h2 style="text-align: center;">*</h2> <p> </p> <p style="text-align:justify">"တီ... တီ..."</p> <p style="text-align:justify">ဒိုင်လူကြီး၏ ဝီစီမှုတ်သံနှင့်အတူ ပွဲစတင်လေပြီ။ ဗီလာအသင်းသည် နည်းပြမှာသည့်အတိုင်း ဂိုးပေါက်ရှေ့တွင် ဘတ်စ်ကား ပိတ်ရပ်ကာ အစွမ်းကုန် ခံစစ်ဆင်ကြသည်။ ဤကဲ့သို့သော ထူထပ်လှသော ခံစစ်ကို ဖောက်ရန် နည်းလမ်းများစွာ ရှိသော်လည်း မန်ယူအသင်းကတော့ ပြစ်ဒဏ်ဘောများကို အသုံးချရန် ဆုံးဖြတ်လိုက်သည်။</p> <p style="text-align:justify">ပထမပိုင်း (၉) မိနစ်တွင် ဘရူနိုဖာနန်ဒက်စ်က ပြစ်ဒဏ်ဘော ကန်တင်ပေးလိုက်သည်။ ချူဖုန်းက ဘောလုံးရယူမည့်ပုံစံဖြင့် ဘယ်ဘက်သို့ ပြေးထွက်သွားရာ နောက်ခံလူ နှစ်ယောက်က ချက်ချင်း လိုက်ပါသွားကြသည်။ သို့သော် ၎င်းမှာ ချူဖုန်း၏ လှည့်ကွက်သာ ဖြစ်သည်။ ဘောလုံးက သူတို့ခေါင်းပေါ်ကို ကျော်ပြီး အနောက်ဘက်က မက်ဂွိုင်းယားဆီသို့ ရောက်သွားသည်။</p> <p style="text-align:justify">"ဘုန်း..."</p> <p style="text-align:justify">မက်ဂွိုင်းယား၏ ခေါင်းတိုက်ချက်မှာ ပြင်းထန်လှသော်လည်း ဗီလာဂိုးသမား ဟီတန်က အမိအရ ကာကွယ်လိုက်နိုင်သည်။ သို့သော် ဘောလုံးက ဂိုးဧရိယာအတွင်းမှာပဲ ရှိနေဆဲ။</p> <p style="text-align:justify">အဖြူရောင် ပုံရိပ်တစ်ခုက ဝှစ်ခနဲ ပြေးဝင်လာသည်။ ချူဖုန်းပင် ဖြစ်သည်။ သူသည် နောက်ခံလူများထက် တစ်လှမ်းစောကာ ပြေးဝင်လာပြီး ဘောလုံးကို ဂိုးထဲသို့ အားရပါးရ ကန်သွင်းလိုက်လေတော့သည်။</p> <p style="text-align:justify">၁ - ၀ </p> <p style="text-align:justify">ဗီလာနောက်ခံလူနှစ်ဦးမှာ ချူဖုန်း၏ အရှိန်အဟုန်ကို မမီဘဲ သက်ပြင်းချရုံသာ တတ်နိုင်တော့သည်။ သို့သော် သူတို့အတွက် ငရဲခန်းမှာ စတင်ရုံသာ ရှိသေးသည်။</p> <p style="text-align:justify">ပထမပိုင်း (၂၇) မိနစ်တွင် ကန်တေက ကွင်းလယ်မှတစ်ဆင့် ချူဖုန်းဆီသို့ ဘောလုံး မျှောပေးလိုက်သည်။ ချူဖုန်းက နောက်ခံလူကို ကျောပေးထားရင်း ဘောလုံးကို အသာဆွဲ၊ လှည့်ထွက်ကာ အနေအထား ပြင်လိုက်သည်။</p> <p style="text-align:justify">"ဘုန်း..."</p> <p style="text-align:justify">ရွှေခေါင်းလောင်းကို တူနှင့် ထုလိုက်သကဲ့သို့ ပြင်းထန်လှသော ပေါက်ကွဲသံကြီး ထွက်ပေါ်လာသည်။ ဘောလုံးမှာ အိုးထရက်ဖို့ဒ်ကွင်း၏ မြက်စလေးများကို လွင့်စဉ်သွားစေကာ ကြယ်တံခွန်တစ်ခုအလား ဂိုးပေါက်ထဲသို့ တိုးဝင်သွားလေတော့သည်။</p> <p style="text-align:justify">"ဂိုး..."</p> <p style="text-align:justify">"ဒီခြေလှမ်းက ပင်လယ်ထဲက နဂါးတစ်ကောင် ထွက်ပေါ်လာသလိုပဲ..."</p> <p style="text-align:justify">"ဒီကန်ချက်ကတော့ ကောင်းကင်ယံကို ဖြတ်သန်းသွားတဲ့ လခြမ်းကွေးကြီး တစ်ခုလိုပါပဲ..."</p> <p style="text-align:justify">"မန်ယူပရိသတ်တို့... အသက်ရှူဖို့ မမေ့ကြနဲ့ဦးနော်..."</p> <p style="text-align:justify">ကျန်းကျွင်း၏ ထူးခြားလှသော အသံမှာ ပဲ့တင်ထပ်သွားသည်။ ချူဖုန်း၏ အောင်ပွဲခံဟန်မှာ အိုးထရက်ဖို့ဒ် တစ်ကွင်းလုံးကို တုန်ခါသွားစေ၏။</p> <p style="text-align:justify">ပထမပိုင်း ပြီးခါနီးတွင် ချူဖုန်းသည် ပင်နယ်တီမှတစ်ဆင့် နောက်ထပ် ဂိုးတစ်ဂိုး ထပ်မံ သွင်းယူကာ ဟက်ထရစ် ရရှိသွားခဲ့သည်။</p> <p style="text-align:justify">"တည်ငြိမ်ပြီး ယုံကြည်မှုအပြည့်နဲ့ ကန်ချက်ပါပဲ..."</p> <p style="text-align:justify">"ဘလွန်းဒီအောဆု ရပြီးတဲ့နောက်မှာ ချူဖုန်းရဲ့ ဟန်ပန်က ပိုပြီး ခန့်ညားလာတာကို သတိထားမိကြမှာပါ..."</p> <p style="text-align:justify">"ယုံကြည်မှုဆိုတာ လူတစ်ယောက်ကို ထူးခြားသွားစေသလို လူသားတစ်ယောက်ရဲ့ အစွမ်းအစတွေကို ဖွင့်ပေးနိုင်တဲ့ သော့ချက်လည်း ဖြစ်ပါတယ်..."</p> <p style="text-align:justify">ပွဲပြီးဆုံးချိန်တွင် မန်ယူ ၃ - ၀ အက်စတွန်ဗီလာ။ </p> <p style="text-align:justify">ဘလွန်းဒီအောဆုရှင်သည် သူ၏ ပထမဆုံးပွဲစဉ်မှာတင် ဟက်ထရစ်ဖြင့် ဂုဏ်ပြုလိုက်လေပြီ။</p> <p style="text-align:justify">မန်ချက်စတာမြို့ပြင်ရှိ ခြံဝင်းကြီးအတွင်းတွင်လည်း ပြင်ဆင်မှုများ အကြီးအကျယ် လုပ်ဆောင်နေ၏။ အဘယ်ကြောင့်ဆိုသော် ဘလွန်းဒီအောဆုရှင်၏ မင်္ဂလာပွဲ ကျင်းပတော့မည် ဖြစ်သောကြောင့်ပင်။ </p> <p style="text-align:justify">The Sun သတင်းစာ၏ အဆိုအရ ဧည့်သည်ပေါင်း (၅၀၀) ကျော် တက်ရောက်မည် ဖြစ်ပြီး အများစုမှာ ဘောလုံး ကစားသမားများ ဖြစ်ကြသည်။ ၎င်းမှာ မင်္ဂလာဆောင်နှင့် မတူဘဲ စီးပွားရေး အခမ်းအနား တစ်ခုနှင့်ပင် တူနေတော့သည်။</p> <p style="text-align:justify">ချူဖုန်းလည်း ဘာမှမတတ်နိုင်ဘဲ မာရီယာကိုသာ အားနာနာဖြင့် ချော့ထားရသည်။ မကြာမီမှာပင် ပရီးမီးယားလိဂ် ပွဲစဉ်သစ်သို့ ပြန်လည် ရောက်ရှိလာတော့မည်။</p> <p style="text-align:justify">ဝင်ဘလေ အားကစားကွင်း။</p> <p style="text-align:justify">စပါး နှင့် မန်ယူ... ပြင်းထန်လှသော တိုက်ပွဲကြီးမှာ စတင်တော့မည် ဖြစ်သည်။</p> <p style="text-align:justify">………………</p> <p style="text-align:justify">ပွဲကြို သတင်းစာရှင်းလင်းပွဲ…</p> <p style="text-align:justify">"မစ္စတာ ပိုချက်တီနို... သတင်းတွေအရ စပါးအသင်း စီမံခန့်ခွဲရေးအဖွဲ့က ခင်ဗျားကို ထုတ်ပယ်ဖို့ စဉ်းစားနေတယ်လို့ ကြားပါတယ်... ခင်ဗျား အသင်းကနေ ထွက်ခွာမှာလား..." The Sun သတင်းစာမှ သတင်းထောက်က မိုက်ခရိုဖုန်းကို မြှောက်ကာ မေးလိုက်သည်။</p> <p style="text-align:justify">၎င်းမှာ သတင်းထောက်က လုပ်ကြံပြောနေခြင်း မဟုတ်။ စပါးအသင်း၏ လက်ရှိခြေစွမ်းကို ကြည့်လျှင်ပင် သိသာလှသည်။ </p> <p style="text-align:justify">ပရီးမီးယားလိဂ် (၁၂) ပတ်အပြီးတွင် သူတို့ ရရှိထားသည်မှာ (၁၄) မှတ်သာ ရှိသေးသည်။ ပြီးခဲ့သည့် လကတည်းက (၅) ပွဲဆက် နိုင်ပွဲပျောက်ဆုံးနေပြီး လီဗာပူးကို ရှုံးနိမ့်ခဲ့သလို အသင်းငယ်လေးများကိုပင် မနိုင်ခဲ့ချေ။ </p> <p style="text-align:justify">ဤအခြေအနေမှာ နောက်ရာသီ ချန်ပီယံလိဂ်ဝင်ခွင့်ကိုပါ လက်လွှတ်ရမည့် အခြေအနေ ဖြစ်နေသည်။</p> <p style="text-align:justify">ဒါတင်မကသေး... ချန်ပီယံလိဂ်တွင်လည်း ဘိုင်ယန်မြူးနစ်ကို အိမ်ကွင်းမှာ ၂ - ၇ ဆိုသည့် ရလဒ်ဖြင့် အရှက်တကွဲ ရှုံးနိမ့်ခဲ့ဖူးသည်။ အုပ်စုက တက်သွားသည်ဆိုဦးတော့… မျက်နှာကတော့ အဖတ်ဆယ်မရအောင် ပျက်ခဲ့ပြီ။ </p> <p style="text-align:justify">ထို့ပြင် လိဂ်ဖလားတွင်လည်း စတုတ္ထတန်းအဆင့်က ကိုချက်စတာ အသင်းကို ရှုံးပြီး ထွက်ခဲ့ရသေးသည်။ ဤမှတ်တမ်းဆိုးများကို ဘယ်လိုမှ ဆေးကြော၍ မရနိုင်တော့ချေ။</p> <p style="text-align:justify">"ကျွန်တော် သိထားသလောက်ဆိုရင် ဘင်နီတက်ဇ်၊ တန်ဟက်ဂ်နဲ့ ဆောက်ဂိတ်တို့က စပါးနည်းပြသစ် ဖြစ်လာဖို့ ရေပန်းစားနေကြတယ်..." </p> <p style="text-align:justify">သတင်းထောက်က ထပ်မံ ဖိအားပေးရန် ကြိုးစားသော်လည်း ပိုချက်တီနိုက စကားဖြတ်လိုက်သည်။</p> <p style="text-align:justify">"ကျွန်တော်က စပါးအသင်းရဲ့ နည်းပြချုပ်အဖြစ် ရှိနေဆဲပဲ... ဒါကြောင့် ဒီလို အခြေအမြစ်မရှိတဲ့ စကားတွေကို ဒီမှာ ရပ်လိုက်ပါ..." </p> <p style="text-align:justify">ပိုချက်တီနို ဒေါသထွက်နေပြီ။ သောက်ကျိုးနည်း... ဒီသတင်းထောက် ပြောတဲ့လူတွေထဲမှာ ဘယ်သူက ငါ့ကို ယှဉ်နိုင်လို့လဲ... အကုန်လုံးက အတုအယောင်တွေပဲ...</p> <p style="text-align:justify">တကယ်တော့ စပါးအဖွဲ့ချုပ်က သူ့ကို နောက်ဆုံးအခွင့်အရေး တစ်ခု ပေးထားသည်။ ၎င်းမှာ အိမ်ကွင်းတွင် မန်ယူအသင်းကို အနိုင်ယူရန်ပင်။ ဤသည်မှာ သူ့ဘဝအတွက် နောက်ဆုံးသော အခွင့်အရေး ဖြစ်လာနိုင်သည်ဟု သူ တွေးတောနေမိသည်။</p> <p style="text-align:justify">တစ်ချိန်တည်းမှာပင် ဘေးခန်းရှိ သတင်းစာရှင်းလင်းပွဲတွင်မူ...</p> <p style="text-align:justify">"မစ္စတာ မော်ရင်ညို... ဒီနေ့ပွဲက ချူဖုန်း ဘလွန်းဒီအောဆု ရပြီးနောက်ပိုင်း ပထမဆုံး ကစားရမယ့် အသင်းကြီးနဲ့ ပွဲစဉ်ပါ... စပါးကို အနိုင်ယူဖို့ ယုံကြည်မှု ရှိရဲ့လား..." </p> <p style="text-align:justify">"ပထမဆုံးအနေနဲ့ ခင်ဗျားရဲ့ အမှားကို ပြင်ပေးပါရစေ... စပါးအသင်းက ဘယ်တုန်းကမှ အသင်းကြီး မဟုတ်ခဲ့ပါဘူး..."</p> <p style="text-align:justify">"ဒုတိယအချက်ကတော့... စပါးကို နိုင်ဖို့ဆိုတာ ယုံကြည်မှု ရှိစရာတောင် မလိုဘူး... ဒါက သေချာပေါက် ဖြစ်လာမယ့် ကိစ္စပဲ..." </p> <p style="text-align:justify">လူထူးဆန်းကြီး မော်ရင်ညိုက ကင်မရာကို လက်ညှိုးထိုးရင်း ခပ်ရင့်ရင့်ပင် တုံ့ပြန်လိုက်သည်။</p> <p style="text-align:justify">သူ့စကားများက ဓားသွားကဲ့သို့ ထက်ရှနေသည်။ သူသည် ပိုချက်တီနို၏ လှောင်ပြောင်မှုကို ခံခဲ့ရဖူးသလို စပါး၏ ကစားဟန်ကိုလည်း အမြင်မကြည်ပေ။ ဘိုင်ယန်မြူးနစ်က စပါးကို "7-Up" တိုက်နိုင်ရင် မန်ယူကလည်း ဂိုးပြတ်နိုင်ပွဲနဲ့ ဧည့်ခံနိုင်ရမှာပေါ့။</p> <p style="text-align:justify">"စပါးအသင်းက ဟယ်ရီကိန်းကို လာမယ့် နွေရာသီမှာ ရောင်းထုတ်ဖို့ ပြင်နေတယ်လို့ သိရပါတယ်... မန်ယူက ဒီကစားသမားအပေါ် ဘယ်လို ထင်မြင်ပါသလဲ..." </p> <p style="text-align:justify">"ကျွန်တော်တို့ဆီမှာ ကမ္ဘာ့အကောင်းဆုံး တိုက်စစ်မှူး ရှိနေပြီပဲ... ဒါကြောင့် တခြား တိုက်စစ်မှူးကို ဝယ်ဖို့ လောလောဆယ် စိတ်မကူးသေးဘူး..." </p> <p style="text-align:justify">မော်ရင်ညိုက ပြုံးစိစိဖြင့် ဖြေသည်။</p> <p style="text-align:justify">အမှန်တော့ သူသည် ဟယ်ရီကိန်းနှင့် ပတ်သက်၍ ချူဖုန်းနှင့် တီးတိုး ဆွေးနွေးဖူးသည်။ </p> <p style="text-align:justify">"ဟယ်ရီကိန်းရဲ့ ကံကြမ္မာက ဘယ်တော့မှ ချန်ပီယံ မဖြစ်နိုင်တဲ့ ကံမျိုးပဲ... ကျွန်တော်နဲ့ အသင်းဖော် ဖြစ်ရင်တောင် သူ့ရဲ့ အဲဒီ ထူးဆန်းတဲ့ ကံကြမ္မာကို ကျော်လွှားဖို့ ခက်လိမ့်မယ်..." </p> <p style="text-align:justify">ချူဖုန်းက ထိုသို့ ပြောခဲ့ခြင်း ဖြစ်သည်။ မော်ရင်ညိုက ပထမတော့ မယုံသော်လည်း ဟယ်ရီကိန်း၏ မှတ်တမ်းကို ပြန်ကြည့်သောအခါ... အမ်... ဒါက တကယ်ပဲ ကြောက်စရာကြီးပါလား... မမြင်ရတဲ့ စွမ်းအားတွေကို ယုံမှ ဖြစ်တော့မယ်...</p> <p style="text-align:justify">ဝင်ဘလေ အားကစားကွင်း၏ ကစားသမားဝင်ပေါက်အတွင်း...။</p> <p style="text-align:justify">ချူဖုန်းနှင့် ဟယ်ရီကိန်းတို့ ခဏမျှ စကားပြောဖြစ်ကြသည်။ တကယ်တော့ သူတို့နှစ်ဦးမှာ ပရီးမီးယားလိဂ် အတွင်း အတော်အတန် ရင်းနှီးကြသူများ ဖြစ်သည်။</p> <p style="text-align:justify">"မင်း... မင်္ဂလာပွဲအတွက် ပြင်ဆင်တာတွေ အဆင်ပြေရဲ့လား..."</p> <p style="text-align:justify">"အေး... အဆင်ပြေပါတယ်... အချိန်ရရင် လာခဲ့ဦးပေါ့..."</p> <p style="text-align:justify">ချူဖုန်းသည် ဟယ်ရီကိန်းကို မင်္ဂလာဆောင် ဖိတ်ချင်သော်လည်း အခြေအနေအရ ပြန်စဉ်းစားနေရသည်။ အကယ်၍ မန်ယူက စပါးကို ဂိုးပြတ်သွင်းလိုက်လျှင် ဟယ်ရီကိန်းတစ်ယောက် မင်္ဂလာဆောင်ကို လာချင်ပါဦးမလား။ </p> <p style="text-align:justify">၎င်းမှာ သူက ယုံကြည်မှု လွန်ကဲနေခြင်း မဟုတ်ဘဲ စပါးအသင်းမှာ အတွင်းရေး ပြဿနာများ၊ နည်းပြနှင့် ကစားသမားကြား အဆင်မပြေမှုများ ရှိနေသည်ကို သူ သိနေသောကြောင့် ဖြစ်သည်။</p> <p style="text-align:justify">ဆွန်ဟောင်မင်သည် တန်းစီနေသည့် လူအုပ်နောက်ဆုံးတွင် ရပ်ရင်း ထိုနှစ်ယောက် ရယ်မောနေသည်ကို ကြည့်ကာ မနာလိုစိတ် အနည်းငယ် ဖြစ်ပေါ်လာသည်။ ချူဖုန်း၏ အောင်မြင်မှုကို သူသည် အနီးကပ် မြင်တွေ့ခဲ့ရသူ ဖြစ်သည်။ အစပိုင်းတွင် သူ့ကို ယှဉ်နိုင်ခဲ့သော်လည်း ယခုမူ ချူဖုန်း၏ ကားနောက်မီးကိုပင် သူ လှမ်းမမြင်ရတော့ပေ။</p> <p style="text-align:justify">ဟူး...</p> <p style="text-align:justify">ဆွန်ဟောင်မင် သက်ပြင်းချလိုက်သော်လည်း ချက်ချင်းပင် စိတ်ဓာတ်ကို ပြန်လည် တည်ဆောက်လိုက်သည်။ အားတင်းထားစမ်း... ငါလည်း ကြိုးစားရမယ်...</p> <p style="text-align:justify">ခေတ္တအကြာတွင် နှစ်သင်းလုံး ကွင်းအတွင်းသို့ ဝင်ရောက်လာကြသည်။ ဝင်ဘလေကွင်းကြီး တစ်ခုလုံး အဖြူရောင်များဖြင့် ဖုံးလွှမ်းနေပြီး ဆူညံလှသော အော်ဟစ်သံများဖြင့် ပြည့်နှက်နေ၏။</p> <p style="text-align:justify">"အားလုံးပဲ မင်္ဂလာညချမ်းပါ..."</p> <p style="text-align:justify">"သင်တို့ ကြည့်ရှုနေရတာကတော့ ၂၀၁၉-၂၀ ပရီးမီးယားလိဂ် ပွဲစဉ် (၁၅) ပဲ ဖြစ်ပါတယ်..."</p> <p style="text-align:justify">"စပါး နဲ့ မန်ယူ... အင်္ဂလန်ရဲ့ ထိပ်သီး နှစ်သင်း ထိပ်တိုက်တွေ့ဆုံတဲ့ ပွဲစဉ်မို့ တကယ့်ကို ရင်ခုန်စရာ ကောင်းမှာပါ..."</p> <p style="text-align:justify">"ပွဲထွက်လူစာရင်းကို ကြည့်ရအောင်... စပါးနည်းပြ ပိုချက်တီနိုက ၄-၂-၃-၁ ပုံစံနဲ့ ပွဲထွက်လာပါတယ်... ဂိုးသမားကတော့..."</p> <p style="text-align:justify">"စပါးအသင်းက ဒီရာသီမှာ ဘောလုံးပိုင်ဆိုင်မှု ၆၀ ရာခိုင်နှုန်းကျော်အထိ ရှိတတ်ပေမဲ့ ခံစစ်မတည်ငြိမ်မှုကြောင့် ရလဒ်တွေ ဆိုးရွားနေတာပါ..."</p> <p style="text-align:justify">"မန်ယူအသင်းဘက်မှာတော့ မော်ရင်ညိုက ၄-၃-၁-၂ ဆိုတဲ့ ခံစစ်ကွင်းလယ် သုံးယောက်၊ တိုက်စစ်မှူး နှစ်ယောက် ပုံစံကိုပဲ သုံးထားပါတယ်..."</p> <p style="text-align:justify">"ဘလွန်းဒီအောဆု ရပြီးနောက်မှာ ချူဖုန်းက အက်စတွန်ဗီလာနဲ့ ပွဲမှာ ဟက်ထရစ် သွင်းခဲ့တာကြောင့် သူ့ရဲ့ ဂိုးသွင်းလိုစိတ်က အမြင့်ဆုံးကို ရောက်နေတယ်ဆိုတာ သိသာပါတယ်..."</p> <p style="text-align:justify">ချက်တင်ဘောက်စ်တွင်လည်း မှတ်ချက်များ ပလူပျံနေသည်။</p> <p style="text-align:justify">[အာရှသား အချင်းချင်း တိုက်ပွဲပဲ...]</p> <p style="text-align:justify">[ဝင်ဘလေကွင်းမှာ သွေးချောင်းစီးတော့မယ်... မန်ယူနဲ့ ချူဖုန်းတို့... အပြတ်နှိပ်ကွပ်လိုက်စမ်း...]</p> <p style="text-align:justify">[သူ လီဝန်ဒေါစကီးရဲ့ စံချိန်ကို ချိုးနိုင်မလား...]</p> <p style="text-align:justify">[စပါးက ဘယ်လောက်ပဲ ညံ့ညံ့ ဝုဖ်ဘတ်ထက်တော့ သာပါသေးတယ်...]</p> <p style="text-align:justify">[ချူဖုန်း: ထရစ်ပီယာ... မင်း ငါ့ကို တံတောင်နဲ့ တွက်ခဲ့တာ မှတ်မိသေးလား...]</p> <p style="text-align:justify">[ထရစ်ပီယာက နွေရာသီမှာ အက်သလက်တီကိုကို ပြောင်းသွားပြီလေ...]</p> <p style="text-align:justify"> </p> <p style="text-align:justify"> </p> <p style="text-align: center;">***<br />  </p>


Save