Book List

<h2 style="text-align: center;">အပိုင်း ၁၄၂</h2> <h2 style="text-align: center;">လီကျဲခိုင်ရဲ့ နည်းလမ်းက အလုပ်ဖြစ်သားပဲ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>"ဒီသတင်းထောက်မိတ်ဆွေက မေးခွန်းကောင်းတစ်ခု မေးလိုက်တာပါပဲ ကမ္ဘာပေါ်မှာ လုံခြုံရေးအကောင်းဆုံး မိုဘိုင်းဖုန်းဖြစ်တဲ့ နီဗားနား အိက်စ်ရဲ့ တန်ရွမ်စမတ်စနစ်ဟာ တခြားအဖွဲ့အစည်းတစ်ခုခုက စောင့်ကြည့်ချင်တယ်ဆိုရင် ရဲတပ်ဖွဲ့နဲ့ အပြန်အလှန် ဆက်သွယ်ညှိနှိုင်းမှု လုပ်ဖို့ တကယ်လိုအပ်ပါတယ်၊၊"</p> <p>​လူတိုင်း၏ အကြည့်များအောက်တွင် လီကျဲခိုင်က အသံကျယ်ကျယ်ဖြင့် ဆက်ပြောသည်။</p> <p>"ဘာလို့လဲဆိုတော့ လက်ရှိရဲတပ်ဖွဲ့ရဲ့ နည်းပညာနဲ့ ဒီဖုန်းကို စိတ်ကြိုက်စောင့်ကြည့်လို့ မရနိုင်လို့ပါ အသုံးပြုသူတွေရဲ့ ရပိုင်ခွင့်နဲ့ အကျိုးစီးပွားကို ကာကွယ်ဖို့အတွက် လုံထန်လုပ်ငန်းစု ကိုယ်တိုင်တောင်မှ ဒီဖုန်းကို စိတ်ကြိုက်ဝင်ရောက်ကြည့်ရှုလို့ မရပါဘူး၊၊"</p> <p>​"ဒါကြောင့် ရဲတပ်ဖွဲ့နဲ့ လုံထန်လုပ်ငန်းစုတို့ ပူးပေါင်းပြီး နှစ်ဖက်စလုံး သဘောတူမှ ဖွင့်လို့ရတဲ့ လုံခြုံရေးစနစ်ကို တီထွင်ခဲ့တာပါ၊ တစ်ဖက်တည်းရဲ့ ဆန္ဒနဲ့တော့ ဖုန်းစနစ်ကို ဖွင့်ပြီး အချက်အလက် ခိုးယူဖို့ဆိုတာ မဖြစ်နိုင်ပါဘူး"</p> <p>​"ဒါဟာ နည်းနည်းတော့ အလုပ်ရှုပ်ပေမဲ့ လူတိုင်းအနေနဲ့ ဒီလိုလုံခြုံစိတ်ချရတဲ့ မိုဘိုင်းစက်ပစ္စည်းမျိုးကို ပိုပြီး လက်ခံချင်ကြလိမ့်မယ်လို့ ကျွန်တော် ထင်ပါတယ်၊၊"</p> <p>​"ဝါး..."</p> <p>​သူ့စကားအဆုံးတွင် အားပါးတရ လက်ခုပ်တီးသံများစွာ ထွက်ပေါ်လာသည်၊၊</p> <p>​လူတိုင်းမှာ ဖုန်းအသုံးပြုသူများ ဖြစ်ကြသည့်အလျောက် ပုဂ္ဂိုလ်ရေး လုံခြုံမှုကို အလွန်အလေးထားကြသည်၊၊ အထူးသဖြင့် ဤနေရာသို့ ရောက်ရှိနေသူ အားလုံးနီးပါးမှာ သတင်းထောက်များ ဖြစ်ကြပြီး ၎င်းတို့၏ အသက်မွေးဝမ်းကျောင်း သဘာဝအရ လျှို့ဝှက်ချက်များ ပေါက်ကြားမည်ကို အလွန်ပင် စိုးရိမ်မုန်းတီးကြသူများ ဖြစ်သည်၊၊</p> <p>​ထို့ကြောင့် လီကျဲခိုင်၏ စကားမှာ ၎င်းတို့၏ စိတ်ကြိုက်ကို ကွက်တိ ထိမှန်သွားစေခဲ့သည်၊၊</p> <p>​တိုက်ရိုက်ဗီဒီယိုကို ကြည့်ရှုနေပြီး နီဗားနားဖုန်း မဝယ်ရသေးသည့် ဟောင်ကောင်သားများစွာမှာလည်း စိတ်ထဲတွင် အထင်ကြီးလေးစားမှုများ ဖြစ်ပေါ်လာပြီး နီဗားနားဖုန်းကို ဝယ်ယူချင်စိတ်များ ပြင်းပြလာကြသည်၊၊</p> <p>မိမိတို့၏ လျှို့ဝှက်ချက်ကို ထိန်းသိမ်းပေးနိုင်သည့် တန်ရွမ်စနစ်ကို ၎င်းတို့ တန်ဖိုးထားကြသည်မှာ အမှန်ပင်ဖြစ်သည်၊၊</p> <p>​တစ်ချိန်တည်းမှာပင် ဟောင်ကောင်ရဲတပ်ဖွဲ့ကလည်း သတင်းစာရှင်းလင်းပွဲတစ်ခု ပြုလုပ်ခဲ့သည်၊၊</p> <p>​"အခုခေတ်မှာ ရာဇဝတ်ကောင်တွေဟာ အဆင့်မြင့်နည်းပညာတွေကို အသုံးပြုလာကြပါပြီ လုပ်ငန်းထိရောက်မှု မြန်ဆန်စေဖို့နဲ့ ပြည်သူတွေရဲ့ ဘေးကင်းလုံခြုံမှုကို ပိုမိုကာကွယ်နိုင်ဖို့အတွက် ရဲတပ်ဖွဲ့ဟာ ပြီးခဲ့တဲ့လကစပြီး လုံထန်လုပ်ငန်းစုနဲ့ ပူးပေါင်းဆောင်ရွက်ခဲ့ပါတယ်၊၊"</p> <p>​"နီဗားနား အိတ် ဖုန်းတွေကို ရဲတပ်ဖွဲ့သုံး အထူးစက်ပစ္စည်းတွေအဖြစ် အမြောက်အမြား ဝယ်ယူခဲ့ပါတယ်၊ ရှေ့တန်းက သတင်းတွေအရ နီဗားနားဖုန်းတွေဟာ..."</p> <p>​ဤသတင်း ထွက်လာသည်နှင့် ဟောင်ကောင်တစ်ခုလုံး လှုပ်လှုပ်ရှားရှား ဖြစ်သွားသည်၊၊</p> <p>​ရဲတပ်ဖွဲ့ကိုယ်တိုင်ကပင် ဤဖုန်းများကို အမြောက်အမြား ဝယ်ယူအသုံးပြုနေသည်ဆိုလျှင် ၎င်း၏ လုံခြုံရေး စွမ်းဆောင်ရည်မှာ မေးခွန်းထုတ်စရာ မလိုတော့ချေ၊၊ ထိုနေ့ မွန်းလွဲပိုင်းတွင် ဟောင်ကောင်ရှိ မီဒီယာအားလုံးက လုံထန်လုပ်ငန်းစု၏ ထုတ်ကုန်များအကြောင်းကို အထူးသတင်းများအဖြစ် ဖော်ပြကြပြီး အချို့က ဟောင်ကောင်တက္ကသိုလ်မှ ကွန်ပျူတာပညာရှင်များကို ဖိတ်ခေါ်ကာ နီဗားနားဖုန်းကို စမ်းသပ်စစ်ဆေးခဲ့ကြသည်၊၊</p> <p>​သုတေသန အချက်အလက်များအရ နီဗားနား အိက်၏ ကဏ္ဍစုံ စွမ်းဆောင်ရည်မှာ ကမ္ဘာပေါ်ရှိ တစ်ချိန်တည်းထွက် အခြားဖုန်းအားလုံးထက် များစွာ သာလွန်နေကြောင်း တွေ့ရှိရသည်၊၊</p> <p>​အကယ်၍ ကုမ္ပဏီ တစ်ခုနှစ်ခုကသာ ချီးကျူးနေခြင်းဖြစ်ပါက ၎င်းမှာ လီမိသားစု၏ သြဇာအရှိန်အဝါကြောင့်ဟု ထင်နိုင်သော်လည်း ယခုအခါ ဟောင်ကောင် မီဒီယာတစ်ခုလုံးက တညီတညွတ်တည်း ထောက်ခံနေကြသဖြင့် လူတိုင်း ယုံကြည်သွားကြရသည်၊၊</p> <p>ထို့အပြင် နီဗားနားဖုန်း၏ လှပသော အသွင်အပြင်မှာလည်း စတင်မိတ်ဆက်စဉ်ကတည်းက လူတိုင်းကို ဆွဲဆောင်နိုင်ခဲ့သည်၊၊</p> <p>​ယင်းခဲ့အဖွဲ့အစည်းက နောက်ဆုံးတွင် မိတ်ဆက်လိုက်သည့် ဈေးနှုန်းချိုသာသော အခမဲ့ပက်ကေ့ချ်မှာ ခေတ်ရေစီးကြောင်းကို အရှိန်အဟုန်ဖြင့် ပေါက်ကွဲသွားစေသည့် နောက်ဆုံးလက်ကျန် အင်အားစု ဖြစ်လာသည်၊၊</p> <p>​ပြည်သူများ၏ စိတ်အားထက်သန်မှုနှင့် ယှဉ်လျှင် ဟောင်ကောင်၏ ဆက်သွယ်ရေး လုပ်ငန်းနယ်ပယ်မှာတော့ ဆောင်းရာသီသို့ အပြည့်အဝ ရောက်ရှိသွားခဲ့လေပြီ၊၊ လူအများစုမှာ ယင်းခယ်အဖွဲ့အစည်း၏ ထူးခြားလှသော လုပ်ဆောင်ချက်များကြောင့် မှင်တက်နေကြရသည်၊၊</p> <p>​နီဗားနားဖုန်း၏ လူကြိုက်များမှု မြင့်တက်လာသည်နှင့်အမျှ ယင်းခဲ့အဖွဲ့အစည်း၏ အောင်မြင်မှုမှာလည်း ဆက်တိုက်ဆိုသလို ရှိနေခဲ့သည်၊၊</p> <p>​ထိပ်တန်း ဆက်သွယ်ရေးကုမ္ပဏီ ငါးခုမှာ ပြန်လည်တိုက်စစ်ဆင်ရန် ကြိုးစားခဲ့သော်လည်း လီကျဲခိုင်က ငွေကြေးအမြောက်အမြား အသုံးပြုကာ အဓိက ဆက်သွယ်ရေးကုမ္ပဏီကြီးများ၏ ရှယ်ယာဈေးနှုန်းများကို ဆက်တိုက် နှိမ်ချလိုက်သဖြင့် ၎င်းတို့မှာ အတော်ပင် ဒုက္ခရောက်ကုန်​တော့သည်၊၊</p> <p>​"မစ္စတာလီ... အခု သူတို့ရဲ့ ရှယ်ယာဈေးနှုန်းတွေက ၅၀ ရာခိုင်နှုန်းအထိ ကျဆင်းသွားပါပြီ၊ ကျွန်တော်တို့ စပြီး အရေးယူဆောင်ရွက်သင့်ပြီလား"</p> <p>ဟု ယင်းခဲ့အဖွဲ့အစည်း ဌာနချုပ် ရုံးခန်းတစ်ခုအတွင်းရှိ ရှယ်ယာအရောင်းအဝယ်သမားတစ်ဦးက အလျင်အမြန် မေးလာသည်၊၊</p> <p>​"မလုပ်နဲ့ဦး"</p> <p>​စဉ်းစားခန်းဝင်နေသော လီကျဲခိုင်က လက်ဝေ့ယမ်းပြပြီး တည်ငြိမ်စွာ ပြောလိုက်သည်။</p> <p>"၅၀ ရာခိုင်နှုန်း ကျရုံနဲ့ မလုံလောက်သေးဘူး၊ လုပ်မယ်ဆိုရင် တစ်ချက်တည်းနဲ့ အပြတ်ရှင်းရမယ်၊၊"</p> <p>​ရှယ်ယာ တစ်ခုနှစ်ခု ကျရုံမျှဖြင့် ဟောင်ကောင် ဆက်သွယ်ရေး ကုမ္ပဏီများစွာကို အပြီးအပိုင် သိမ်းပိုက်နိုင်ရန် လိုအပ်ချက်ကို မဖြည့်ဆည်းနိုင်သေး၊၊</p> <p>​"ဒါပေမဲ့ တချို့ ဆက်သွယ်ရေး ကုမ္ပဏီတွေက စပြီး လှုပ်ရှားနေကြပါပြီ၊ သူတို့ရဲ့ ရှယ်ယာရှင်တွေနဲ့ အဆင့်မြင့် အရာရှိတွေက ဈေးကွက်ထဲက သူတို့ကုမ္ပဏီ ရှယ်ယာတွေကို ပြန်ပြီး ဝယ်ယူနေကြပါတယ်"</p> <p>ဟု ထိုသူက ဆက်လက်တင်ပြပြန်သည်။</p> <p>"သူတို့ ဝယ်ယူနေတဲ့ အရှိန်အရဆိုရင် မတည်မငြိမ်ဖြစ်နေတဲ့ ရှယ်ယာဈေးနှုန်းတွေက ပြန်ပြီး ငြိမ်သွားနိုင်ခြေ ရှိပါတယ်၊၊"</p> <p>​ထိုစကားကို ကြားသောအခါ လီကျဲခိုင်က စီးကရက်ကို တစ်ချက်သောက်လိုက်ပြီး ထူးဆန်းသော အမူအရာဖြင့်</p> <p>"ဒီကာလအတွင်းမှာ အဲဒီကုမ္ပဏီတွေရဲ့ ရှယ်ယာဈေးနှုန်းတွေက ဒီလောက်ပဲ ကျတာလား"</p> <p>ဟု မေးလိုက်သည်၊၊</p> <p>​"စိတ်မပူပါနဲ့၊ အရင် စောင့်ကြည့်ဦး၊ ဈေးကွက်ထဲမှာ ရောင်းချသူတွေ မရပ်သေးဘူး၊ သာမန်ပြည်သူတွေက ဈေးကွက်ကို ထိန်းသိမ်းတဲ့ အမူအရာတွေကို နားမလည်ကြဘူး၊ သူတို့ သိတာက ဒီနေ့ ဟောင်ကောင်မှာ ကျွတော်တို့ အခြေအနေ ကောင်းနေတယ် ဆိုတာပဲ၊၊"</p> <p>​ရှယ်ယာရှင်များက ယင်းခဲ့အဖွဲ့အစည်းကို တညီတညွတ်တည်း အယုံအကြည် ရှိနေသရွေ့ ၎င်းတို့သည် ဆက်သွယ်ရေး လုပ်ငန်းနယ်ပယ်ရှိ အခြားကုမ္ပဏီများ၏ ရှယ်ယာများကို ရောင်းချပြီး ယင်းခယ်အဖွဲ့အစည်း၏ ရှယ်ယာများကိုသာ အမြောက်အမြား ပြန်လည်ဝယ်ယူကြမည် ဖြစ်သည်၊၊</p> <p>​ထို့အပြင် ထိုကုမ္ပဏီများမှာ လက်ရှိအခြေအနေကို ထိန်းထားနိုင်လောက်အောင် ခိုင်မာသည့် အခြေခံအုတ်မြစ် မရှိကြပါချေ၊၊</p> <p>​"ဟုတ်ကဲ့ပါ"</p> <p>​ရှယ်ယာအရောင်းအဝယ်သမားများသည် လီကျဲခိုင်၏ ညွှန်ကြားချက်အတိုင်း နေရာအနှံ့တွင် နှောင့်ယှက်မှုများ ပြုလုပ်ခဲ့သော်လည်း ဆက်သွယ်ရေး ကုမ္ပဏီများ၏ ရှယ်ယာများကို အမြောက်အမြား ဝယ်ယူခြင်းတော့ မပြုလုပ်ခဲ့ကြ၊၊</p> <p>​တစ်ချိန်တည်းမှာပင် ဟောင်ကောင်၌ ယင်းခဲ့နှင့် အဆင့်တူနီးပါး ရှိသည့် ဟွေ့ကန်ဆက်သွယ်ရေး ကုမ္ပဏီမှာလည်း ငြိမ်သက်မနေ၊၊ စီအီးအို မာဝေရှန်းသည် ဤအရေးကြီးသော အချိန်တွင် ယင်းခဲ့အဖွဲ့အစည်း၏ နည်းလမ်းများကို အတုယူရန် ဆုံးဖြတ်လိုက်သည်၊၊</p> <p>​ထိုနေ့တွင်ပင် ဟွေ့ကန် ဆက်သွယ်ရေး ကုမ္ပဏီသည် ရှန်ကျန့်ရှိ တမီ (Rice/Xiaomi) ကုမ္ပဏီနှင့် အနီးကပ် ဆွေးနွေးမှုများ ပြုလုပ်ခဲ့သည်၊၊</p> <p>​၎င်းတို့သည် တမီကုမ္ပဏီနှင့် မည်သည့်နည်းဖြင့်မဆို ပူးပေါင်းလိုကြသည်၊၊ ၎င်းတို့အနေဖြင့်လည်း ယင်းခဲ့ကဲ့သို့ပင် အခမဲ့ပက်ကေ့ချ်များကို ကျင့်သုံးနေပြီဖြစ်ကြောင်း ပြင်ပသို့ ထုတ်ဖော်ပြသနိုင်သရွေ့...</p> <p>​ရှယ်ယာဈေးနှုန်းများ ကျဆင်းနေမှုမှာ သေချာပေါက် ရပ်တန့်သွားမည်ဖြစ်ပြီး ခေတ်ရေစီးကြောင်းကို ဆန့်ကျင်ကာ ပြန်လည်မြင့်တက်လာနိုင်ခြေပင် ရှိသည်၊၊</p> <p>​ကျန်းလင်းမြို့ -- လုံထန်လုပ်ငန်းစုဌာနချုပ်</p> <p>​"သူဌေး... သတင်းကောင်း၊ သတင်းကောင်းကြီး"</p> <p>​ဝမ်းသာအားရ ဖြစ်နေသည့် ကျန်းဖန်သည် လင်းဖန်၏ ရုံးခန်းအတွင်းသို့ ခြေလှမ်းကျဲကြီးများဖြင့် ဝင်လာပြီး အသံကျယ်ကျယ်ဖြင့် ပြောလိုက်သည်။</p> <p>"ဟောင်ကောင်မှာ တုံ့ပြန်မှုတွေ ဆက်တိုက် ဖြစ်နေပါပြီ၊ ဒီနေ့ ရှန်ကျန့်က ကျွန်တော်တို့ရဲ့ အရောင်းဆိုင်မှာတင် ရောင်းအား ယွမ်တစ်သန်း ကျော်သွားပါပြီ"</p> <p>​"အင်း"</p> <p>လင်းဖန်မှာတော့ ထူးထူးခြားခြား စိတ်လှုပ်ရှားခြင်း မရှိဘဲ ရေကဲ့သို့ တည်ငြိမ်နေပါသည်။</p> <p>"လီကျဲခိုင်မှာ နည်းလမ်းကောင်းတွေ ရှိပုံရတယ်၊ အခမဲ့ဆက်သွယ်ရေး ပက်ကေ့ချ်နဲ့ ရဲတပ်ဖွဲ့ရဲ့ ဝယ်ယူမှု ဆိုတာတွေက ပေါင်းစပ်လိုက်ရင်တော့ တုံ့ပြန်မှုက တကယ်ကို ကြီးမားသွားတာပေါ့၊"</p> <p>​"သူဌေး ပြောတာ မှန်ပါတယ်၊"</p> <p>​ကျန်းဖန်က ဂုဏ်ယူစွာဖြင့် ဆက်ပြောသည်။</p> <p>"ကျွန်တော်တို့ရဲ့ နီဗားနား.."</p> <p>​ယခုအချိန်အထိ နီဗားနားဖုန်း၏ အောင်မြင်မှုမှာ သိသာထင်ရှားလှသည်၊၊</p> <p>​ကျန်းဖန်အနေဖြင့် မိမိကိုယ်ကို မည်သို့ ဝမ်းမသာဘဲ နေနိုင်ပါမည်နည်း၊၊</p> <p> </p> <p> </p> <p> </p> <p style="text-align: center;">***</p> <p> </p>


Save