Book List

<h2 style="text-align: center;">အပိုင်း ၁၄၃</h2> <h2 style="text-align: center;">တချက်တည်းနဲ့ အပြတ်ဖြတ်မယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>"ဒါနဲ့... စစ်တပ်နဲ့ကော သဘောတူညီချက် ရပြီလား"</p> <p>​ရုတ်တရက် တစ်စုံတစ်ခုကို သတိရသွားသကဲ့သို့ လင်းဖန်က မေးလိုက်သည်၊၊</p> <p>​"ဟင်"</p> <p>ကျန်းဖန်က မျက်မှောင်ကြုတ်ကာ အနည်းငယ် တွန့်ဆုတ်နေပြီးမှ</p> <p>"သူဌေး... စစ်တပ်ဘက်က လေသံကတော့ အတော်လေး ပျော့ပြောင်းလာပါပြီ၊ ပြီးခဲ့တဲ့တစ်ခေါက် လမ်းခွဲခဲ့ကြပြီးကတည်းက သူတို့ဘက်ကလည်း ပြန်ပြီး ညှိနှိုင်းနေပုံရပါတယ်၊"</p> <p>​လင်းဖန်က မျက်မှောင်ကြုတ်လျက် သူ့ကို စိုက်ကြည့်လိုက်သည်၊၊</p> <p>​"မှန်ပါတယ်  စစ်တပ်ရဲ့ သိပ္ပံသုတေသန အဖွဲ့အစည်းတွေက နီဗားနား နဲ့ တန်ရွမ်စမတ်ဖုန်းစနစ်အပေါ် အထူးလိုအပ်ချက်တချို့ ရှိနေလို့ပါ၊"</p> <p>​တရုတ်စစ်တပ်နှင့် ရင်ဆိုင်ရသည့်အခါ ကျန်းဖန်မှာ လင်းဖန်ကဲ့သို့ ယုံကြည်မှုမျိုး မရှိသဖြင့် ခေါင်းခဲနေရခြင်းမှာ သဘာဝကျသည်၊၊</p> <p>​အစကတည်းက လုံထန်လုပ်ငန်းစုသည် တန်ရွမ်စနစ်နှင့် ပတ်သက်၍ စစ်တပ်နှင့် ပူးပေါင်းဆောင်ရွက်ခဲ့ပြီး ၎င်းတို့ဘက်မှ အဓိကကုဒ်တချို့ကို ဖွင့်ချပေးခဲ့ပါသည်၊၊</p> <p>သို့သော် လင်းဖန်သည် ကုဒ်အားလုံးကို ပေးအပ်ခဲ့ခြင်း မဟုတ်ဘဲ အရေးကြီးဆုံးအပိုင်းများကို လုံထန်လက်ထဲမှာပဲ ဆက်ထိန်းထားခဲ့သည်၊၊</p> <p>​အကုန်လုံး ပေးလိုက်လျှင် ၎င်းကို ပူးပေါင်းဆောင်ရွက်မှုဟု ခေါ်နိုင်ပါဦးမည်လော၊၊ အသားစားသလို အကုန်ဝါးပစ်လိုက်ခြင်းဟုသာ ခေါ်ရပါလိမ့်မည်၊၊</p> <p>​ယခုပေးထားသော ကုဒ်အပိုင်းအစများမှာပင် စစ်တပ်အနေဖြင့် လက်ရှိစနစ်ကို အခြေခံကာ အခြားဖုန်းစနစ်များနှင့် မတူညီသော စနစ်သစ်တစ်ခုကို ပြန်လည်ထုတ်လုပ်ရန် လုံလောက်နေပါပြီ၊၊</p> <p>​အကယ်၍ ကုဒ်အားလုံးကိုသာ လက်ဝယ်ရရှိသွားပါက စစ်တပ်အနေဖြင့် လုံထန်နှင့် ပူးပေါင်းစရာ မလိုတော့ဘဲ တန်ရွမ်စနစ်ကို မိမိဘာသာ ကော်ပီကူးယူ (Copy) သွားနိုင်မည် ဖြစ်သည်၊၊</p> <p>​"ဟားဟား... သူတို့က သူတို့ကိုယ်သူတို့ ဘာများ မှတ်နေကြလဲ လိုချင်တာ အကုန်ရမယ် ထင်နေတာလား"</p> <p>လင်းဖန်က လှောင်ပြုံးပြုံးရင်း</p> <p>"သူတို့ကို ပြောလိုက်၊ ဆွေးနွေးချင်ရင် ဆွေးနွေး၊ မဆွေးနွေးချင်ရင် ထွက်သွားလို့"</p> <p>​အော်ဒါအရေအတွက် သန်းဂဏန်းလောက်နှင့် လိုအပ်ချက်တွေ အများကြီး တောင်းဆိုနေခြင်းမှာ လုံထန်လုပ်ငန်းစုအနေဖြင့် စစ်တပ်မပါလျှင် ရှေ့ဆက်လို့ မရတော့ဟု ထင်နေပုံရသည်၊၊ တကယ်ကို ရယ်စရာကောင်းလှသည်။</p> <p>​"ကောင်းပါပြီ၊၊"</p> <p>​ကျန်းဖန်က သူဌေးဖြစ်သူကို ဖျောင်းဖျချင်သော်လည်း စီးပွားရေးအရ ကြည့်လျှင် စစ်တပ်၏ တောင်းဆိုမှုမှာ အလွန်အကျွံ ဖြစ်နေသည်ကို သူ နားလည်ထားသည်၊၊ စစ်တပ်ဖြစ်ရုံနှင့် အရာအားလုံးကို လိုက်လျောနေရန်မှာ လုံထန်၏ ရည်ရွယ်ချက် မဟုတ်နေ၊၊</p> <p>​နောက်တစ်နေ့ နံနက် ၉ နာရီ၊ ဟောင်ကောင် စတော့ဈေးကွက် ဖွင့်လှစ်ချိန်၊၊</p> <p>​ဟွေ့ကန်ဆက်သွယ်ရေး ကုမ္ပဏီက သတင်းစာရှင်းလင်းပွဲ ကျင်းပခဲ့ပြီး စီအီးအို မာဝေရှန်းက တမီ (Rice) ကုမ္ပဏီနှင့် ပူးပေါင်းကာ ယင်းခယ် (Yingke Expansion) နှင့် ဈေးနှုန်းတူ အခမဲ့ပက်ကေ့ချ်များကို စတင်တော့မည်ဖြစ်ကြောင်း ကိုယ်တိုင် ကြေညာလိုက်သည်၊၊</p> <p>​ဈေးကွက်ဖွင့်ပြီး မိနစ်ပိုင်းအတွင်းမှာပင် ကျဆင်းနေသော ဟွေ့ကန်၏ ရှယ်ယာဈေးနှုန်းမှာ အနီရောင်မှ အစိမ်းရောင်သို့ (တရုတ်/ဟောင်ကောင် စတော့ဈေးကွက်တွင် အစိမ်းမှာ တက်ခြင်း၊ အနီမှာ ကျခြင်း ဖြစ်လေ့ရှိသော်လည်း ဤနေရာတွင် ရောင်ပြန်ပြန်တက်လာခြင်းကို ဆိုလိုပါသည်) ပြောင်းလဲသွားပြီး အရှိန်အဟုန်ဖြင့် ပြန်တက်လာသည်၊၊</p> <p>​နေလည်ပိုင်း ဈေးကွက်မပိတ်မီမှာပင် ဟွေ့ကန်၏ ရှယ်ယာဈေးနှုန်းမှာ မူလဈေးသို့ ပြန်ရောက်သွားရုံတင်မကဘဲ ပို၍ တက်လာမည့် အလားအလာများ ရှိနေသည်၊၊</p> <p>​ဟွေ့ကန်ရှယ်ယာကို ကိုင်ထားသော ရင်းနှီးမြှုပ်နှံသူဟောင်းများမှာ ငွေကုန်တော့မည်ဟု ထင်ထားရာမှ ယခုကဲ့သို့ အခြေအနေကောင်းလာသဖြင့် အလွန်ပင် ဝမ်းသာနေကြသည်၊၊</p> <p>​ဟောင်ကောင် စတော့ဈေးကွက်တစ်ခုလုံးတွင် ပျော်ရွှင်သူများရှိသလို စိတ်ပျက်သူများလည်း ရှိနေသည်၊၊ လီမိသားစု၏ ဒုတိယသား လီကျဲခိုင်မှာတော့ အလွန်ပင် ဒေါသထွက်နေသည်၊၊</p> <p>​"လူယုတ်မာတွေ၊ ဒီလိုလုပ်ဖို့ ဘယ်လောက်တောင် ရှက်ဖို့ကောင်းလိုက်သလဲ"</p> <p>​သူ နိုင်ပြီဟု ထင်ထားသော အခြေအနေမှာ ရုတ်တရက် နဂါးနှစ်ကောင် အားပြိုင်သည့် အခြေအနေသို့ ပြောင်းလဲသွားလိမ့်မည်ဟု သူ မထင်ထားခဲ့၊၊ ယခုအခါ ယင်းခဲ့တစ်ခုတည်းတင်မကဘဲ ဟွေ့ကန်ကပါ ဆက်သွယ်ရေး ရှယ်ယာများကို လိုက်ဝယ်နေသဖြင့် ပို၍ အားကောင်းသော ပြိုင်ဘက် ပေါ်ထွက်လာခြင်း ဖြစ်ပါသည်၊၊</p> <p>​"မစ္စတာလီ... ကျွန်တော်တို့ ဆက်လုပ်ကြမလား"</p> <p>ရှယ်ယာအရောင်းအဝယ်သမားက ခေါင်းယမ်းရင်း မေးလိုက်သည်။</p> <p>"ကျွန်တော်တို့ ဆက်လုပ်ရင် ဟွေ့ကန်ကလည်း လိုက်လုပ်မှာပဲ၊ ဒါဆိုရင်တော့..."</p> <p>​"ဝယ်ယူမှုတွေကို ခဏရပ်လိုက်၊၊"</p> <p>​လီကျဲခိုင်က မတွန့်ဆုတ်ဘဲ အမိန့်ပေးလိုက်ပါသည်။</p> <p>"ကော်ပီကူးတာက ခဏတဖြုတ်တော့ ပျော်စရာကောင်းလိမ့်မယ်၊ ဒါပေမဲ့ ရေရှည်မှာတော့ ဒါက သုသာန်ပဲ၊၊"</p> <p>​"ဟဲဟဲ လုံထန်လုပ်ငန်းစုသာ ရှိနေသရွေ့ ငါတို့ နိုင်မှာပဲ၊ တမီ (Rice) ကုမ္ပဏီက လုံထန်နဲ့ မယှဉ်နိုင်ပါဘူး၊ သူတို့လုပ်တာနဲ့ ငါတို့လုပ်တာက လုံးဝ တခြားစီပဲ၊၊"</p> <p>​အခု သူများတွေက အသက်ကယ်ကောက်ရိုးကို ရှာတွေ့သွားပြီဆိုမှတော့ သူက အမြစ်ကနေ ဆွဲနုတ်ပစ်ပါတော့မည်၊၊</p> <p>​လီမိသားစုသည် ဟောင်ကောင်၏ အရှင်သခင်ဖြစ်ရုံတင်မကဘဲ ပြည်မကြီးတွင်လည်း အဆက်အသွယ် အလွန်များသည်၊၊ တမီကုမ္ပဏီ၏ အတွင်းရေးကို သိဖို့ဆိုသည်မှာ သူ့အတွက် အလွန်လွယ်ကူသည်၊၊</p> <p>​တမီကုမ္ပဏီ၏ အားနည်းချက်များကိုသာ ထုတ်ဖော်လိုက်ပါက ဟွေ့ကန်နှင့် ပူးပေါင်းဆောင်ရွက်မှုမှာ ချက်ချင်းပင် ပြီးဆုံးသွားမည် ဖြစ်ပါသည်၊၊</p> <p>​လူတိုင်းသိကြသည့်အတိုင်း တမီ (Rice/Xiaomi) ကုမ္ပဏီတွင် ကိုယ်ပိုင်ထုတ်လုပ်ရေးစခန်း မရှိသလို ၎င်းတို့ကိုယ်တိုင်လည်း ဖုန်းများကို တိုက်ရိုက် မထုတ်လုပ်နိုင်ပေ၊၊</p> <p>အစိတ်အပိုင်း အားလုံးမှာ Qualcomm ကဲ့သို့သော ကုမ္ပဏီကြီးများဆီမှ ဝယ်ယူရခြင်း ဖြစ်ပသည်၊၊</p> <p>​လက်တွေ့တွင် ၎င်းတို့၌ ကိုယ်ပိုင်နည်းပညာ အစီအစဉ်များ မရှိသလို တမီဖုန်းမှာ ဖုန်းကောင်းတစ်လုံးထက် ပစ္စည်းအမျိုးမျိုးကို စုစည်းပြီး ကြော်ငြာကောင်းကောင်းနှင့် ရောင်းနေသည့် အရာတစ်ခုသာ ဖြစ်သည်၊၊</p> <p>၎င်းမှာ Huawei (Warwick) ကိုပင် မယှဉ်နိုင် လုံထန်နှင့်ဆိုလျှင် ပို၍ပင် အဝေးကြီးသာ ဖြစ်သည်၊၊</p> <p>​နီဗားနား အိတ်မှာမူ အစကတည်းက ကိုယ်ပိုင်မူပိုင်ခွင့်များဖြင့် တည်ဆောက်ထားခြင်း ဖြစ်ပြီး ထိုမူပိုင်ခွင့် အားလုံးမှာ လုံထန်လက်ထဲတွင် ရှိသည်၊၊</p> <p>​"ဟုတ်ကဲ့ ကျွန်တော် ချက်ချင်း စီစဉ်လိုက်ပါ့မယ်"</p> <p>​အရောင်းအဝယ်သမားက စတော့ဈေးကွက်အတွင်း လှုပ်ရှားမှုများကို ရပ်တန့်လိုက်ပြီး စစ်တလင်းကို တခြားသူများထံသို့ ခေတ္တလွှဲပေးလိုက်သည်၊၊</p> <p>​တစ်ချိန်တည်းမှာပင် လီကျဲခိုင်သည် ပြည်မကြီးသို့ ဖုန်းများစွာ ဆက်သွယ်ကာ တမီကုမ္ပဏီ၏ အချက်အလက်များကို ရှာဖွေခိုင်းလိုက်သည်၊၊ သို့သော် သူက မလောပါ၊၊ မြွေကို ရိုက်လျှင် ချက်ကောင်းကို ရိုက်ရမည် ဖြစ်ပါသည်၊၊ တစ်ချက်တည်းနှင့် အပြတ်မသတ်နိုင်လျှင် ပြိုင်ဘက်ကို ဖိနှိပ်ခြင်းမှာ အဓိပ္ပာယ်မရှိချေ၊၊</p> <p>​ပို၍ အရေးကြီးသည်မှာ ယင်းခဲ့အဖွဲ့အစည်းအနေဖြင့် ဟောင်ကောင်ရှိ တတိယ၊ ပဉ္စမနှင့် ဒသမအဆင့်ရှိသော ဆက်သွယ်ရေး ကုမ္ပဏီများကို သိမ်းပိုက်နိုင်ခဲ့ပြီး ဖြစ်သည်၊၊</p> <p>​သူသည် ဤကုမ္ပဏီများကို ယင်းခယ်အတွင်းသို့ အမြန်ဆုံး ပေါင်းစည်းကာ ဆက်သွယ်ရေးလုပ်ငန်းစုကြီးတစ်ခု တည်ထောင်ရန် လိုအပ်ပါသည်၊၊ လက်ရှိတွင် သူသည် ယင်းခယ်၏ ဥက္ကဋ္ဌ ဖြစ်သော်လည်း သူ၏ ရှယ်ယာမှာ ၅၁ ရာခိုင်နှုန်း မပြည့်သေးပါ၊၊</p> <p>​ဟောင်ကောင်ကဲ့သို့ စီးပွားရေးလောကတွင် လူတစ်ယောက်တည်းက ကုမ္ပဏီတစ်ခုကို လုံးဝ ထိန်းချုပ်ထားရန်မှာ မဖြစ်နိုင်သလောက် ရှိသည်၊၊ အကယ်၍ လူတစ်ယောက်တည်းက ကြီးစိုးထားလျှင် စတော့ဈေးကွက် စာရင်းဝင်ရန် ခွင့်ပြုချက် ရလိမ့်မည် မဟုတ်ပေ။</p> <p>​ယခုအချိန်သည် လီကျဲခိုင်အတွက် ကုမ္ပဏီများကို ပေါင်းစည်းရင်း သူ၏ ရှယ်ယာပမာဏကို ၅၁ ရာခိုင်နှုန်းအထိ တိတ်တဆိတ် တိုးမြှင့်ရန် အခွင့်ကောင်းတစ်ခု ဖြစ်သည်၊၊</p> <p>​သို့မှသာ ယင်းခဲ့အဖွဲ့အစည်းမှာ သူ၏ ကိုယ်ပိုင်ပစ္စည်း လုံးလုံးလျားလျား ဖြစ်လာပေတော့မည်၊၊</p> <p> </p> <p> </p> <p> </p> <p style="text-align: center;">***</p> <p> </p>


Save