Book List

<h2 style="text-align: center;">အပိုင်း ၁၄၄</h2> <h2 style="text-align: center;">မိတ်ဆက်ပွဲက လူများလေကောင်းလေ</h2> <h2 style="text-align: center;">*</h2> <p> </p> <p> </p> <p> </p> <p> </p> <p>၂၀၁၉ ခုနှစ်၊ မေလ ၅ ရက်၊ အလုပ်သမားနေ့ အားလပ်ရက် ပြီးဆုံးသွားချိန်၌ လူတိုင်းကပြင်းထန်သော လုပ်ငန်းခွင်ထဲသို့ ပြန်လည်ဝင်ရောက်လာကြပြီ ဖြစ်သည်၊၊</p> <p>​ကျင်းလင်းမြို့ရှိ လုံထန်လုပ်ငန်းစုဌာနချုပ်ရုံးတွင် လင်းဖန်သည် အဆင့်မြင့်အရာရှိကြီးများကို ခေါ်ယူကာ မဟာဗျူဟာမြောက် ဖွံ့ဖြိုးတိုးတက်ရေး အစည်းအဝေးတစ်ခု ကျင်းပခဲ့သည်၊၊</p> <p>​"လက်ရှိမှာ ကျွန်တော်တို့ အဖွဲ့အစည်းဟာ မိုဘိုင်းဖုန်း နယ်ပယ်ကို အပြည့်အဝ ထိန်းချုပ်နိုင်ခဲ့ပါပြီ၊ ပြည်မကြီးဈေးကွက်ရဲ့ ၆၀ ရာခိုင်နှုန်းကို နီဗားနား အိတ်က လွှမ်းမိုးထားနိုင်ခဲ့တာပါ၊၊"</p> <p>​လင်းဖန်က တက်ရောက်လာသူများကို ကြည့်ကာ ယုံကြည်မှုအပြည့်ဖြင့် ဆက်ပြောသည်။</p> <p>"ဒါပေမဲ့ ဘယ်ကုမ္ပဏီ ဒါမှမဟုတ် ဘယ်အဖွဲ့အစည်းမဆို အောင်မြင်မှုအပေါ် သာယာနေပြီး ရှေ့ဆက်ဖို့ ကြိုးစားအားထုတ်မှု မရှိတော့ဘူးဆိုရင်တော့ လမ်းဘေးရောက်သွားမှာပဲ ဖြစ်ပါတယ်၊၊"</p> <p>​"ဆက်လက်ပြီးတော့ မစ္စတာကျန်းက အဖွဲ့အစည်းရဲ့ နောက်ဆုံးပေါ် မဟာဗျူဟာမြောက် ရည်မှန်းချက်တွေကို ရှင်းပြပေးပါလိမ့်မယ်"</p> <p>​"ဟုတ်ကဲ့ပါ"</p> <p>​စားပွဲ၏ ဘယ်ဘက်အစွန်းတွင် ထိုင်နေသော လုံထန်လုပ်ငန်းစု စီအီးအို ကျန်းဖန်က ချက်ချင်းပင် မတ်တပ်ရပ်ကာ PPT တစ်ခုကို ဖွင့်ပြီး အသံကျယ်ကျယ်ဖြင့် ရှင်းပြလာသည်။</p> <p>"လက်ရှိမှာ အဖွဲ့အစည်းအနေနဲ့ ဒုတိယမျိုးဆက်ဖုန်း ဖြစ်တဲ့ နီဗားနား အက်စ်ကို ထုတ်လုပ်ဖို့ ပြင်ဆင်နေပါတယ်"</p> <p>​"ဒါပေမဲ့ နီဗားနား အက်စ်ကို ဒုတိယနှစ်ဝက်ကုန်လောက်မှ အချောသတ် ထုတ်လုပ်နိုင်မှာဖြစ်ပြီး၊ လက်ရှိ နီဗားနား အိက်ကလည်း ဈေးကွက်ထဲမှာ အတော်လေး ပြည့်နှက်နေပါပြီ၊ ဒါကြောင့် ဒီကြားကာလမှာ အကူးအပြောင်းအတွက် အသုံးတည့်မယ့် ထုတ်ကုန်တစ်ခု ကျွန်တော်တို့ လိုအပ်ပါတယ်၊၊"</p> <p>​"အခုအချိန်မှာ တက်ဘလက် (Tablet) ဈေးကွက်ထဲကို ဝင်ရောက်ဖို့က အဖွဲ့အစည်းအတွက် အကောင်းဆုံး ရွေးချယ်မှုပါပဲ၊၊"</p> <p>​"မျက်နှာပြင်ပေါ်မှာ မြင်တွေ့နေရတာကတော့ သုတေသနဌာနက အောင်မြင်စွာ တီထွင်နိုင်ခဲ့တဲ့ 'ခိုင်ထျန်း' တက်ဘလက် ကွန်ပျူတာပဲ ဖြစ်ပါတယ်၊၊ ၎င်းမှာ နီဗားနား အိက်လိုပဲ သတ္တုကိုယ်ထည်နဲ့ မျက်ကြည်လွှာနှစ်ခုသုံး ကုဒ်ဖြည်စနစ်စတဲ့ နည်းပညာတွေကို အသုံးပြုထားပါတယ်၊၊"</p> <p>​သူ့စကားအဆုံးတွင် လူတိုင်း၏ အကြည့်များမှာ ဖန်သားပြင်ထက်သို့ ရောက်သွားကြသည်၊၊ ၎င်းမှာ အဆင့်မြင့်နည်းပညာခံစားမှုကို ပေးစွမ်းနိုင်သော ထုတ်ကုန်တစ်ခု ဖြစ်သည်၊၊</p> <p>အသွင်အပြင်အားဖြင့် နီဗားနား အိတ်နှင့် ဆင်တူလှသဖြင့် ၎င်းမှာ လုံထန်လုပ်ငန်းစုမှ ထုတ်လုပ်သည်ကို တစ်ချက်ကြည့်ရုံဖြင့် သိနိုင်သည်၊၊</p> <p>​ထိုအချိန်တွင် ကျန်းဖန်က ဆက်လက်ပြောကြားသည်။</p> <p>"တက်ဘလက်ဈေးကွက်ထဲကို အပြီးအပိုင် ဝင်ရောက်နိုင်ဖို့အတွက် ကျွန်တော်တို့ သုတေသနဌာနဟာ ကမ္ဘာပေါ်က အကောင်းဆုံး တက်ဘလက်တွေဖြစ်တဲ့ Microsoft Surface Go၊ iPad mini 5၊ Huawei M6 နဲ့ iPad Pro တို့ကို နှိုင်းယှဉ်လေ့လာခဲ့ပါတယ်၊၊"</p> <p>​"အရွယ်အစားကို ၁၁ လက်မအဖြစ် သတ်မှတ်ထားပြီး၊ Running Memory (RAM) 4G/6G၊ Storage (သိုလှောင်မှု) 512G အထိ၊ ဘက်ထရီပမာဏ 7500 mAh နဲ့ Standby အချိန် နာရီ ၇၈၀ အထိ အသုံးပြုနိုင်မှာ ဖြစ်ပါတယ်၊၊"</p> <p>​"လည်ပတ်ရေးစနစ် (OS) အနေနဲ့ကတော့ နီဗားနား အိတ်လိုပဲ တန်ရွမ်စနစ်ကိုပဲ အသုံးပြုထားပါတယ်၊ လောလောဆယ်မှာတော့ ရိုးရှင်းတရုတ်စာနဲ့ ရိုးရာတရုတ်စာဗားရှင်းတွေကိုပဲ တီထွင်ထားပါသေးတယ်၊၊"</p> <p>​"အဓိက ရည်ရွယ်ချက်ကတော့ နီဗားနား အိတ်နဲ့ ပူးပေါင်းပြီး ဟောင်ကောင်ဈေးကွက်ထဲကို အတူတူ ချီတက်ဖို့ ဖြစ်ပါတယ် ဖြစ်နိုင်မယ်ဆိုရင် ထိုင်ဝမ်ဘက်ကိုလည်း ချိတ်ဆက်သွားမှာပါ၊၊"</p> <p>​မိနစ်ပိုင်းအကြာတွင် ဝန်ထမ်းအချို့က အိတ်များသယ်ဆောင်လာပြီး 'ခိုင်ထျန်း' တက်ဘလက်၏ ရှေ့ပြေးစမ်းသပ်စက်များကို ထုတ်ယူကာ ပြသကြသည်၊၊</p> <p>​လူတိုင်းက စိတ်ဝင်တစားဖြင့် ကြည့်ရှုကြသည်။အကြောင်းမှာ ၎င်းက နမူနာပစ္စည်းမျှသာ မဟုတ်ဘဲ အမှန်တကယ် အမြောက်အမြား ထုတ်လုပ်ရန် အသင့်ဖြစ်နေသည့် အချောသတ်စက်များ ဖြစ်နေသောကြောင့် ဖြစ်သည်၊၊</p> <p>​တစ်နည်းအားဖြင့်ဆိုသော် လုံထန်လုပ်ငန်းစုသည် ဤတက်ဘလက်ကွန်ပျူတာကို မကြာမီ စတင်ရောင်းချတော့မည် ဖြစ်သည်၊၊</p> <p>​တစ်ချိန်တည်းမှာပင် 'ခိုင်ထျန်း' တက်ဘလက်၏ အသေးစိတ် အချက်အလက်များကိုလည်း လူတိုင်း၏ စားပွဲတင် စာရွက်စာတမ်းများအဖြစ် ပေးအပ်လိုက်သည်၊၊</p> <p>​ခဏချင်းမှာပင် လူတိုင်း စဉ်းစားခန်းဝင်သွားကြသည်၊၊ စာရွက်လှန်သံများနှင့် တက်ဘလက်၏ ထိတွေ့မျက်နှာပြင်ကို နှိပ်လိုက်သည့် အသံများသာ ထွက်ပေါ်နေသည်၊၊ ထိုအချိန်တွင်...</p> <p>​လင်းဖန်က ဖြည်းညှင်းစွာ မတ်တပ်ရပ်ပြီး ပြောလိုက်ပါသည်။</p> <p>"တစ်ကမ္ဘာလုံးကို ကြည့်မယ်ဆိုရင် Apple ရဲ့ တက်ဘလက်တွေက အကောင်းဆုံးဆိုတာ ငြင်းလို့မရပါဘူး၊ ဒါပေမဲ့ ကျွန်တော်တို့ နိုင်ငံမှာတော့ ကုမ္ပဏီပေါင်းစုံက အပြိုင်အဆိုင် ထုတ်လုပ်နေကြတာပါ၊၊"</p> <p>​"Huawei ပဲဖြစ်ဖြစ်၊ Xiaomi ပဲဖြစ်ဖြစ်၊ Lenovo (Lianxiang) နဲ့ Founder တို့ပဲဖြစ်ဖြစ် သူတို့အားလုံးက တခြားကုမ္ပဏီအသေးလေးတွေကို မယှဉ်နိုင်ကြပါဘူး၊ ဈေးကွက်ဝေစု အများစုကို ဈေးပေါတဲ့ တက်ဘလက်တွေက သိမ်းပိုက်ထားကြတာပါ၊၊"</p> <p>​"ဈေးနှုန်းက ပထမဆုံး အာမခံချက်ပါပဲ၊ ဈေးနှုန်းသတ်မှတ်တဲ့အခါ တရုတ်ပြည်တင်မကဘဲ တစ်ကမ္ဘာလုံးကိုပါ ထည့်သွင်းစဉ်းစားရပါလိမ့်မယ်၊ ဒါမှသာ အရောင်းရဆုံး ဖြစ်လာမှာပါ၊၊"</p> <p>​၁၉၉၀ ပြည့်လွန်နှစ်များကတည်းက ပြည်တွင်း၌ နည်းပညာသစ်များကို အတုယူထုတ်လုပ်မှုများမှာ ပြင်းထန်လာခဲ့သည်၊၊ ရှန်းကျန့်မြို့သည် တစ်ချိန်က တရုတ်ပြည်၏ ကုန်ကျစရိတ် အသက်သာဆုံး နေရာတစ်ခု ဖြစ်လာခဲ့ပြီး Apple ထုတ်ကုန်များကိုပင် အတုယူနိုင်ခဲ့ကြသည်၊၊</p> <p>​၎င်းကပင် မူပိုင်ခွင့်မဲ့ အတုအပထုတ်လုပ်သည့် ကုမ္ပဏီငယ်လေးများစွာကို ပေါ်ပေါက်စေခဲ့သည်၊၊ ၎င်းတို့သည် သူတစ်ပါးထုတ်ကုန်ကို အတုယူကာ အလားတူပစ္စည်းများကို ထုတ်လုပ်ကြသည်၊၊</p> <p>​အဆိုပါ ထုတ်ကုန်များ၏ အရည်အသွေးမှာလည်း အတော်လေး ကောင်းမွန်လှသဖြင့် လူအများစုက တံဆိပ်ကြီး တက်ဘလက်များကို ဈေးကြီးပေးဝယ်မည့်အစား ဈေးပေါသော တက်ဘလက်များကိုသာ ရွေးချယ်ကြသည်၊၊</p> <p>​လုံထန်လုပ်ငန်းစုမှ အရာရှိကြီးများမှာ မိမိတို့ထုတ်ကုန်အပေါ် အပြည့်အဝ ယုံကြည်မှုရှိသော်လည်း 'ခိုင်ထျန်း' တက်ဘလက် ရောင်းအားကောင်းမည်ကိုတော့ အသေအချာ မလောင်းကြေးထပ်ရဲကြသေးပေ၊၊</p> <p>​အကြောင်းမှာ ထုတ်ကုန်တစ်ခု ရောင်းချရာတွင် အရည်အသွေးက အရေးကြီးဆုံးဖြစ်သော်လည်း မဟာဗျူဟာ၊ ဈေးနှုန်း စသည့် အခြားအချက်များကလည်း အောင်မြင်မှုနှင့် ကျရှုံးမှုကို ဆုံးဖြတ်နိုင်သောကြောင့် ဖြစ်သည်၊၊</p> <p>​"သူဌေး... ခိုင်ထျန်းကို အမြန်ဆုံး ထုတ်လုပ်နေပြီဆိုတော့ ကျွန်တော်တို့ မိတ်ဆက်ပွဲကို ကြိုတင်ပြီး ကျင်းပလို့ ရမလား"</p> <p>​လုံထန်လုပ်ငန်းစု၏ စီအိုအို (COO) ယွီလဲ့က မေးမြန်းလိုက်သည်၊၊</p> <p>​အရည်အသွေးကောင်းသော ဝိုင်သည် လမ်းကြားထဲမှာ ရှိနေလျှင်တောင် လူသိများနိုင်သော်လည်း လမ်းကြားက အလွန်နက်နေပါက မည်သူမျှ အနံ့ရတော့မည် မဟုတ်ချေ၊၊</p> <p>​၂၁ ရာခိုင်စုတွင် အရာအားလုံးက လျင်မြန်စွာ ပြောင်းလဲနေသည်၊၊ ထုတ်ကုန်သစ်များမှာ လူမသိဘဲ ပေါ်ထွက်လာလေ့ရှိသဖြင့် ကုမ္ပဏီကြီးများသည် မည်သည့်ထုတ်ကုန်မဆို ကြီးကျယ်ခမ်းနားသော မိတ်ဆက်ပွဲများကို ကျင်းပလေ့ရှိကြသည်၊၊</p> <p>မိတ်ဆက်ပွဲအတွက် ငွေကြေးအမြောက်အမြား ကုန်ကျသော်လည်း ၎င်းက ယူဆောင်လာပေးမည့် အကျိုးသက်ရောက်မှုမှာ အတိုင်းအဆမရှိပေ၊၊</p> <p>​မိတ်ဆက်ပွဲ ကျင်းပလိုက်သည်နှင့် မီဒီယာများစွာ တက်ရောက်လာမည်ဖြစ်ပြီး အပိုကြော်ငြာစရာမလိုဘဲ တံဆိပ်အပေါ် လူစိတ်ဝင်စားမှုကို မြှင့်တင်ပေးနိုင်ပါလိမ့်မည်၊၊</p> <p>​"ခင်ဗျားပြောတာ မှန်တယ်၊ မိတ်ဆက်ပွဲကို ကြိုတင်ပြင်ဆင်ထားသင့်တယ်၊၊"</p> <p>​လင်းဖန်က ပြုံးကာ ခေါင်းညှိမ့်ပြပြီး</p> <p>"ပြီးခဲ့တဲ့တစ်ခေါက် ရှန်းကျန့်မှာ လုပ်ခဲ့တဲ့ ဖုန်းမိတ်ဆက်ပွဲက လူ ၃၀၀ ကျော်ပဲ ဆန့်တာဆိုတော့ နည်းနည်း သေးလွန်းတယ်၊၊"</p> <p>​"ပြီးခဲ့တဲ့ ရက်ပိုင်းက ကျင်းလင်မြေကော်မတီကလည်း ကျွန်တော်တို့ကို တစ်ခုခုလုပ်ပြစေချင်နေတယ်၊ ကျွန်တော်တို့ လုံထန်လုပ်ငန်းစု ဌာနချုပ်ကို ကျင်းလင်ကို ပြောင်းလာတဲ့ အထိမ်းအမှတ်အဖြစ် ဒီမိတ်ဆက်ပွဲကို လူထောင်ချီ ဆန့်တဲ့ နေရာမှာပဲ စီစဉ်လိုက်ကြစို့"</p> <p>​"ဒါ့အပြင် ဟောင်ကောင်၊ ထိုင်ဝမ်၊ ဂျပန်၊ ကိုရီးယားနဲ့ ကမ္ဘာတစ်ဝှမ်းက မီဒီယာတွေကိုလည်း 'ခိုင်ထျန်း' တက်ဘလက် မိတ်ဆက်ပွဲကို တက်ရောက်ဖို့ ဖိတ်ကြားစာတွေ ပို့လိုက်ပါ၊၊"</p> <p>​ဝုန်း!</p> <p>​တက်ရောက်လာသူ အားလုံးမှာ လင်းဖန်၏ ဆုံးဖြတ်ချက်ကြောင့် မှင်တက်သွားကြသည်၊၊ လူထောင်ချီ တက်ရောက်မည့် မိတ်ဆက်ပွဲဆိုသည်မှာ အလယ်အလတ်စား တေးဂီတဖျော်ဖြေပွဲ တစ်ခုနှင့်ပင် တူနေပါပြီ၊၊</p> <p>​ကျန်းဖန်ကတော့ မျက်နှာပျက်သွားပါသည်၊ အကြောင်းမှာ မိတ်ဆက်ပွဲတိုင်းတွင် လုန့်ထန်းလုပ်ငန်းစု စီအီးအို ဖြစ်သော သူကသာ တင်ပြရလေ့ရှိသောကြောင့် ဖြစ်သည်၊၊ လူထောင်ချီ ရှေ့တွင် ပြောရမည်ဆိုပါက...</p> <p>​သို့သော်လည်း လင်းဖန်၏ အကြံပြုချက်မှာ ကောင်းမွန်ကြောင်း လူတိုင်း လက်ခံကြသည်၊၊ ကမ္ဘာတစ်ဝှမ်းက မီဒီယာများကို ဖိတ်ကြားခြင်းအားဖြင့် လုံထန်လုပ်ငန်းစုအနေဖြင့် နိုင်ငံတကာဈေးကွက်သို့ ဝင်ရောက်ရန် လမ်းစဖောက်ပြီးသား ဖြစ်သွားပေလိမ့်မည်၊၊</p> <p>​ဘာလို့ မလုပ်ရမှာလဲ....။</p> <p> </p> <p> </p> <p> </p> <p> </p> <p style="text-align: center;">***</p> <p> </p>


Save