Book List

<h2 style="text-align: center;">အပိုင်း ၁၄၅</h2> <h2 style="text-align: center;">ဝန်ကြီးဌာနကို ရှေ့ထွက်ခိုင်းလိုက်</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p>"သူဌေး... မိတ်ဆက်ပွဲကို ဘယ်တော့လောက် ကျင်းပဖို့ လျာထားပါသလဲ"</p> <p>​လုံထန်လုပ်ငန်းစု၏ စီအီးအို ကျန်းဖန်က စကားကို ခဏရပ်ပြီး မေးလိုက်သည်၊၊</p> <p>​"အင်း... နောက်ထပ် ရက်အနည်းငယ်ဆိုရင် နွေဦးကာလရောက်တော့မယ် မဟုတ်လား"</p> <p>​လင်းဖန်က ခဏမျှ စဉ်းစားပြီးနောက် တည်ငြိမ်စွာ ပြောလိုက်သည်။</p> <p>"ရှေးခေတ်တုန်းကတော့ မန်ရှလို့ခေါ်တဲ့ နွေဦးအစရက်မှာ ကောင်းကင်နဲ့ မြေကြီး စတင်ဆုံစည်းပြီး အရာအားလုံးဟာ လှပတင့်တယ်လာတယ်လို့ ဆိုကြတယ်၊ ဒါဟာ နွေရာသီရဲ့ အစဖြစ်သလို သက်ရှိအရာအားလုံး စိမ်းလန်းစိုပြည်လာတဲ့ အချိန်ပေါ့"</p> <p>​"ခိုင်ထျန်းတက်ဘလက်ဟာ ကျွန်တော်တို့ အဖွဲ့အစည်းအတွက် နှစ်သစ်မှာ နယ်ပယ်သစ်ကို ချဲ့ထွင်ဖို့ ပထမဆုံး ခြေလှမ်းပဲ ဒါကြောင့် သူဟာလည်း နွေဦးအစလိုပဲ စည်ပင်ဝပြောလာလိမ့်မယ်၊၊"</p> <p>​တရုတ်ပြည်တွင် မည်သည့်အရာကိုမဆို လုပ်ဆောင်သည့်အခါ နေ့ကောင်းရက်သာ ရွေးချယ်ခြင်းမှာ အလွန်အရေးကြီးသည်၊၊</p> <p>​၎င်းမှာ အနည်းငယ် ရှေးရိုးစွဲဆန်သည်ဟု ထင်ရသော်လည်း လူတိုင်းကတော့ 'ခိုင်ထျန်း' (ကောင်းကင်ကို ဖွင့်ဟခြင်း) အတွက် ဤကဲ့သို့သော နေ့ရက်ကို ရွေးချယ်ကာ စိတ်ခွန်အား ရယူလိုကြသည်၊၊</p> <p>​အမှန်စင်စစ် လုံထန်လုပ်ငန်းစု၏ အဆင့်မြင့်အရာရှိကြီးများသည် တန်ရွမ်စနစ်ကို အခြေခံကာ ထုတ်လုပ်ထားသည့် ဤထိပ်တန်း တက်ဘလက်အပေါ် အပြည့်အဝ ယုံကြည်မှု ရှိနေကြသည်၊၊ စော၍ဖြစ်စေ၊ အချိန်မီဖြစ်စေ မိတ်ဆက်ခြင်းက အဖွဲ့အစည်း၏ ဖွံ့ဖြိုးတိုးတက်မှုကို ထိခိုက်စေမည် မဟုတ်ပါ၊၊</p> <p>​ဤကမ္ဘာပေါ်တွင် ပစ္စည်းတစ်ခုကို ဝယ်ယူရန် အကြောင်းပြချက် မလိုဘဲ မိမိနှစ်သက်၍သာ ဝယ်ယူလိုသည့် ငွေကြေးချမ်းသာသူများစွာ ရှိနေသည် မဟုတ်ပါလော၊၊</p> <p>​"ဟောင်ကောင်မှာ ဖြစ်ပေါ်နေတဲ့ နီဗားနားအိတ်ရဲ့ ရေပန်းစားမှုကို အသုံးချပြီး ခိုင်ထျန်းအတွက် အရှိန်အဟုန် ထပ်ယူလို့ ရမလား"</p> <p>လုံထန်လုပ်ငန်းစု၏ စီအိုအို (COO) ယွီလဲ့၏ မျက်လုံးများတွင် အမြော်အမြင်ရှိတဲ့ အရောင်အဝါများ တောက်ပနေသည်၊၊</p> <p>​ယခင်က ပြည်တွင်း နံပါတ်တစ် မိုဘိုင်းဖုန်းတံဆိပ်ဖြစ်သော ကျင်းလီကုမ္ပဏီ၏ မားကတ်တင်း ဒုတိယဥက္ကဋ္ဌဟောင်း ဖြစ်ခဲ့သူ ယွီလဲ့သည် ဈေးကွက်ကို ထိန်းချုပ်ရာတွင် အလွန်ပင် တိကျသေချာလှသူ ဖြစ်သည်၊၊</p> <p>​ထိုသို့မဟုတ်ပါက ကျင်းလီကုမ္ပဏီ အခြေအနေမကောင်းဖြစ်နေချိန်တွင် သူ၏ စွမ်းဆောင်မှုဖြင့် အိန္ဒိယဈေးကွက်ကို အောင်မြင်စွာ သိမ်းပိုက်နိုင်ပါမည်လော၊၊</p> <p>​ထို့ကြောင့်လည်း လင်းဖန်သည် ယွီလဲ့ကို လုန့်ထန်းလုပ်ငန်းစု၏ စီအိုအို (အမှုဆောင်အရာရှိချုပ်) အဖြစ် ခန့်အပ်ခဲ့ခြင်း ဖြစ်သည်၊၊</p> <p>လက်တွေ့တွင်လည်း ယွီလဲ့၏ လက်ထက်တွင် နီဗားနားဖုန်းများသည် ပြည်တွင်း၌ အောင်မြင်စွာ ရောင်းချနိုင်ခဲ့သည်၊၊</p> <p>​"ခင်ဗျားပြောတာ အရမ်းကောင်းတယ်၊ အဲဒီအတိုင်းပဲ လုပ်ကြမယ်"</p> <p>လင်းဖန်က ခေါင်းညှိမ့်ထောက်ခံလိုက်ပါသည်၊၊ လက်တွေ့တွင်လည်း လုံထန်လုပ်ငန်းစုအတွင်း၌ မားကတ်တင်းနှင့် ကြော်ငြာလုပ်ငန်းများတွင် ယွီလဲ့ထက် ပိုတော်သူ မရှိချေ၊၊</p> <p>​ယွီလဲ့ကလည်း ချက်ချင်းပင် တုံ့ပြန်ဆောင်ရွက်ပါတော့သည်၊၊</p> <p>​"ကျွန်တော်တို့ အရှေ့အာရှနဲ့ အရှေ့တောင်အာရှဘက်ကို ချဲ့ထွင်တဲ့နေရာမှာ ပြဿနာအသစ်တွေ အများကြီး ပေါ်လာနေပါတယ်၊၊"</p> <p>လုံထန်လုပ်ငန်းစု စီအီးအို ကျန်းဖန်က လေးနက်သော အသံဖြင့် ပြောလိုက်သည်။</p> <p>"အရှေ့အာရှနိုင်ငံတွေမှာရော၊ အရှေ့တောင်အာရှမှာပါ ဒေသတွင်း ကာကွယ်ရေးဝါဒက အတော်လေး ပြင်းထန်နေတယ်၊၊"</p> <p>​"အထူးသဖြင့် ဂျပန်နဲ့ ကိုရီးယားမှာပေါ့၊ သူတို့ရဲ့ ထုတ်ကုန်တွေကိုတော့ ကျွန်တော်တို့ နိုင်ငံထဲကို အတားအဆီးမရှိ တင်သွင်းပြီး ဈေးကွက်ကို ယှဉ်ပြိုင်နေကြတယ်၊ ဒါပေမဲ့ ကျွန်တော်တို့ရဲ့ ထုတ်ကုန်တွေ သူတို့ဆီ ဝင်ဖို့ကျတော့ ပုံစံအမျိုးမျိုးနဲ့ နှိပ်ကွပ်ခံနေရတယ်၊၊"</p> <p>​"အခုချိန်ထိ ကိုရီးယားဌာနခွဲနဲ့ ဂျပန်ဌာနခွဲတွေဟာ ရုန်းကန်နေရတုန်းပါပဲ၊ တရားဝင်ရောင်းချဖို့ နေနေသာသာ ဌာနခွဲတွေရဲ့ နေ့စဉ်လုပ်ငန်းလည်ပတ်မှုတွေမှာတောင် အနှောင့်အယှက်တွေ အများကြီး ကြုံနေရတယ်၊၊"</p> <p>​လက်ရှိတွင် ဒေသတွင်း ကာကွယ်ရေးဝါဒမှာ ကမ္ဘာတစ်ဝှမ်းတွင် အတွေ့ရများသော အခြေအနေ ဖြစ်သည်၊၊ ဥပမာအားဖြင့် အမေရိကန်တွင် ၎င်းတို့၏ ဈေးကွက်အားလုံးကို ကိုယ်တိုင်သာ ကြီးစိုးထားပြီး မည်သူ့ကိုမျှ ကျူးကျော်ခွင့် မပြုပေ၊၊</p> <p>ကမ္ဘာ့ထိပ်တန်း အင်တာနက်ကုမ္ပဏီ သုံးခုစလုံးမှာ အမေရိကန်မှ ဖြစ်ပြီး ပထမမှာ GOOGLE၊ ဒုတိယမှာ Amazon နှင့် တတိယမှာ FACE တို့ ဖြစ်ကြသည်၊၊</p> <p>​တစ်ချိန်တည်းမှာပင် ကမ္ဘာ့နံပါတ်တစ် ဖုန်းထုတ်လုပ်သူ Apple သည်လည်း အမေရိကန်ကုမ္ပဏီ ဖြစ်သည်၊၊ ၎င်းမှာ တစ်ကမ္ဘာလုံးကို လွှမ်းမိုးထားသည့် ထူးခြားသော ကုမ္ပဏီကြီး ဖြစ်နေသည်၊၊</p> <p>​စမတ်ဖုန်း လည်ပတ်ရေးစနစ် (OS) နယ်ပယ်တွင်လည်း Android ဖြစ်စေ၊ Apple ဖြစ်စေ Silicon Valley (Guigu) မှ ပေါက်ဖွားလာသော နည်းပညာများ ဖြစ်ကြသည်၊၊ ကမ္ဘာပေါ်ရှိ ဖုန်းထက်ဝက်မှာ Android ကို အသုံးပြုနေကြပြီး ဂျပန်နှင့် ကိုရီးယားတွင်လည်း ထိုနည်းတူပင် ဖြစ်ပါသည်၊၊ ကိုရီးယားတွင် Samsung (Four Star) နှင့် ဂျပန်တွင် Sony တို့ကဲ့သို့သော ပြိုင်ဘက်ကြီးများ ရှိနေသဖြင့် လုံထန်လုပ်ငန်းစုအနေဖြင့် နီဗားနားကို ထိုးဖောက်ရန်မှာ မလွယ်ကူလှချေ၊၊</p> <p>​လုံထန်လုပ်ငန်းစု အရှေ့အာရှသို့ ချီတက်ရာတွင် ကြုံတွေ့နေရသည့် အတားအဆီးများမှာ အမေရိကန်၏ တိုက်ခိုက်မှုနှင့် ဂျပန်၊ ကိုရီးယားတို့မှ ဒေသတွင်း အင်အားစုများ၏ နှောင့်ယှက်မှုများကြောင့် ဖြစ်သည်၊၊ မည်သူမျှ မိမိတို့၏ အကျိုးအမြတ်ကို အဆုံးရှုံးမခံလိုကြ၊၊</p> <p>​"သူတို့က ကျုပ်တို့ကို တိုက်ရိုက် တိုက်ခိုက်နေကြတာလား"</p> <p>လင်းဖန်က မျက်မှောင်ကြုတ်ကာ အဓိပ္ပာယ်ပါပါ မေးလိုက်သည်၊၊</p> <p>​တရုတ်နိုင်ငံသည်လည်း WTO အဖွဲ့ဝင် ဖြစ်သည်၊၊ ဒေသတွင်း ကာကွယ်ရေးဝါဒ ရှိနိုင်သော်လည်း နိုင်ငံများအနေဖြင့် တရုတ်ကုမ္ပဏီများကို တိုက်ရိုက် တိုက်ခိုက်၍ မရပါ၊၊ ထိုသို့လုပ်ဆောင်ပါက ဆိုးရွားသော ရလဒ်များ ဖြစ်ပေါ်လာနိုင်သည်၊၊</p> <p>​အခြေအနေများ တင်းမာလာပါက ၎င်းမှာ ကုမ္ပဏီအချင်းချင်း ပြိုင်ဆိုင်မှုမျှသာ မဟုတ်တော့ဘဲ အမေရိကန်နှင့် တရုတ်တို့ကဲ့သို့ အကြီးစား ကုန်သွယ်ရေးစစ်ပွဲကြီး ဖြစ်လာနိုင်သည်၊၊ မင်းက ငါ့ရဲ့ အီလက်ထရွန်နစ် ပစ္စည်းတွေကို မပေးဝင်ဘူးဆိုရင် ငါကလည်း မင်းရဲ့ စိုက်ပျိုးရေး ထွက်ကုန်တွေကို အဝင်မခံတော့ဘူး၊ ဘယ်သူက ပိုခံနိုင်မလဲ ကြည့်ကြတာပေါ့ ဆိုသည့် သဘောမျိုး ဖြစ်သွားပါလိမ့်မည်၊၊</p> <p>​"တိုက်ရိုက်တော့ မဟုတ်ပါဘူး၊၊"</p> <p>ကျန်းဖန်က ခေါင်းခဲစွာ ပြောလိုက်သည်။</p> <p>"ဂျပန်နဲ့ ကိုရီးယားမှာတော့ ကျွန်တော်တို့ ထုတ်ကုန်တွေအတွက် အရောင်းလိုင်စင် ထုတ်ပေးဖို့ကို အချိန်ဆွဲနေကြတယ်၊ ဒါကြောင့် အရောင်းဆိုင်တွေ ဖွင့်ဖို့ ခက်ခဲနေတာပါ၊၊"</p> <p>​"အရှေ့တောင်အာရှဘက်မှာတော့ လူမိုက်အင်အားစုတွေနဲ့ ဆုံနေရတယ်၊ ယိုးဒယားနဲ့ တခြားနေရာတွေက မြေအောက်လောက လူပုဂ္ဂိုလ်တွေကို ဘယ်သူက ခေါ်ပြီး ကျွန်တော်တို့ လုံထန်ဌာနခွဲတွေကို ပြဿနာလာရှာခိုင်းလဲ မသိဘူး၊၊"</p> <p>​မိုဘိုင်းစက်ပစ္စည်း ထုတ်လုပ်သူအဖြစ် လုံထန်လုပ်ငန်းစုသည် ထုတ်ကုန်များကို ဈေးကွက်အတွင်း ရောင်းချလိုပါက ဒေသတွင်း အရောင်းလိုင်စင် သို့မဟုတ် ခွင့်ပြုချက် လုပ်ငန်းစဉ်များ ရရှိရန် လိုအပ်သည်၊၊ ၎င်းမရှိပါက လိုင်စင်မဲ့ လုပ်ကိုင်ခြင်း ဖြစ်သွားမည်ဖြစ်ပြီး 'မှောင်ခိုပစ္စည်း' အဖြစ် သတ်မှတ်ခြင်း ခံရနိုင်သည်၊၊</p> <p>​"ဒီကောင်တွေက ကျုပ်တို့လုံထန်ကို တကယ်ပဲ အထင်ကြီးနေကြတာပဲ၊ လူကြီးလူကောင်းနည်းလမ်းရော၊ လူမိုက်နည်းလမ်းပါ အစုံသုံးနေကြတာပေါ့"</p> <p>လင်းဖန်၏ နှုတ်ခမ်းဖျားတွင် လှောင်ပြုံးတစ်ခု ပေါ်လာသည်၊၊</p> <p>​"အရှေ့အာရှဘက်က ဂျပန်နဲ့ ကိုရီးယားကိစ္စအတွက် စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနကို ရှေ့ထွက်ပြီး အကြောင်းကြားခိုင်းလိုက်၊၊"</p> <p>​"ကျုပ်တို့ လုံထန်လုပ်ငန်းစုက နိုင်ငံတော်ကို နှစ်စဉ် အခွန်ငွေ အမြောက်အမြား ပေးဆောင်နေတာ၊ ဝန်ကြီးဌာနအနေနဲ့ ကျုပ်တို့ အပြင်မှာ ဒီလို အနိုင်ကျင့်ခံနေရတာကို ဒီအတိုင်း ထိုင်ကြည့်နေလို့ မရဘူး"</p> <p>​တရုတ်နိုင်ငံရှိ လုံထန်လုပ်ငန်းစု ဌာနချုပ်တွင် လုံထန်နည်းပညာ၊ လုံထန်မိုဘိုင်းဖုန်း၊ လုံထန်ဂိမ်း၊ လုံထန်စက်မှုလက်မှုနှင့် လုံထန်ကွန်ပျူတာ ကုမ္ပဏီဟူ၍ ဌာနခွဲကြီး ၅ ခု ရှိသည်၊၊</p> <p>အဆိုပါ ဌာနခွဲ ၅ ခုပေါင်းက ပြီးခဲ့သည့်နှစ်တွင် အခွန်ငွေ ယွမ် ဘီလီယံပေါင်း ဆယ်ချီ ပေးဆောင်ခဲ့သည်၊၊</p> <p>​ဝန်ကြီးဌာနအနေဖြင့် ဤကဲ့သို့သော ကိစ္စအသေးအမွှားလေးကိုပင် မဖြေရှင်းပေးနိုင်ပါက လုံထန်လုပ်ငန်းစုကို မည်သို့ မျက်နှာမူနိုင်ပါမည်နည်း၊၊</p> <p>​ထို့အပြင် လုံထန်လုပ်ငန်းစုသည် ယခုအခါ ပြည်မကြီးမှ ထွက်ခွာပြီး ဟောင်ကောင်၊ အရှေ့အာရှနှင့် အရှေ့တောင်အာရှ ဈေးကွက်များကို ဖွင့်လှစ်ကာ ကမ္ဘာ့အဆင့်သို့ ချီတက်နေခြင်း ဖြစ်သည်၊၊</p> <p>​အကယ်၍ လုံထန်လုပ်ငန်းစုသည် ကမ္ဘာ့အဆင့်မီ ကုမ္ပဏီတစ်ခု ဖြစ်လာပါက တရုတ်နိုင်ငံအတွက် ကာလရှည်ကြာစွာ လိုအပ်နေသော ကမ္ဘာ့သြဇာလွှမ်းမိုးမှုရှိသည့် လုပ်ငန်းကြီးတစ်ခု ပိုင်ဆိုင်ခြင်းဆိုသည့် ဟာကွက်ကို ဖြည့်ဆည်းပေးနိုင်မည် ဖြစ်သည်၊၊</p> <p>​ထို့ကြောင့် အထက်လူကြီးများအနေဖြင့် ၎င်းတို့ကို ဤအတိုင်း အကူအညီမဲ့စွာ ထားရှိမည် မဟုတ်သည်မှာ သေချာသည်၊၊</p> <p> </p> <p> </p> <p> </p> <p> </p> <p style="text-align: center;">***</p> <p> </p>


Save