Book List

<h2 style="text-align: center;">အပိုင်း(၂၄၈၂)</h2> <h2 style="text-align: center;">အဓိပတိသူတော်စင်အဆင့်စာရင်း၏ အဆင့်ကိုး   </h2> <h2 style="text-align: center;">*</h2> <h2 style="text-align: center;"> </h2> <p> </p> <p>      “ဒုတိယစမ်းသပ်မှု စတင်ပြီ”   </p> <p> </p> <p>      ကျန်တုံကျိ၏ စကားဆုံးသည်နှင့် တစ်ပြိုင်နက် အရာအားလုံးသည် မှောင်မိုက်သွားသည်။   </p> <p> </p> <p> </p> <p> </p> <p>      အလင်းရောင် ပြန်ပေါ်လာသောအခါ သွမ့်လင်းထျန်သည် သူ ဧရာမဂူကြီးတစ်ခုထဲတွင် ရောက်နေကြောင်း တွေ့ရှိလိုက်ရသည်။ ပထမတစ်ချက်ကြည့်လိုက်ရာတွင် ဂူထဲ၌ ထွက်ပေါက်မရှိသကဲ့သို့ ထင်ရသည်။ ၎င်းမှာ လုံးဝ ပိတ်လှောင်နေသည်။ ဂူကြီးမှာ လူသူကင်းမဲ့ပြီး ခြောက်ကပ်နေပုံရသည်။ သစ်ပင်ပန်းမန်များ မရှိဘဲ သဲနှင့် ကျောက်ခဲများသာ ရှိသည်။ လုံးဝ ပြောင်သလင်းခါနေခြင်းဖြစ်သည်။   </p> <p> </p> <p> </p> <p> </p> <p>      ဝှစ်... ဝှစ်... ဝှစ်...   </p> <p> </p> <p> </p> <p> </p> <p>      သွမ့်လင်းထျန် ဂူထဲတွင် ပေါ်လာပြီးနောက် လေတိုးသံများ  ထွက်ပေါ်လာကာ လူအချို့လည်း ဂူထဲ၌ ပေါ်လာကြသည်။   </p> <p> </p> <p>      သွမ့်လင်းထျန်ကဲ့သို့ပင် ထိုလူများသည် ဂူထဲသို့ ရောက်သည်နှင့် တစ်ပြိုင်နက် သူတို့၏ ပတ်ဝန်းကျင်ကို စတင် အကဲခတ်လိုက်ကြသည်။ ဂူကြီးမှာ ဧရာမအရွယ်အစားရှိပြီး ခြောက်ကပ်နေပုံရသည်။ သူတို့သည် ဂူ၏ တစ်ဖက်စွန်းမှ အခြားတစ်ဖက်စွန်းသို့ မြင်တွေ့နိုင်သည်။ ဂူကြီးက မည်မျှပင် အန္တရာယ်ကင်းပုံရစေကာမူ ၎င်းထံမှ မသိမသာ ဖိအားတစ်ခု ထွက်ပေါ်နေသောကြောင့် သူတို့ သတိထားနေကြသည်။   </p> <p> </p> <p>      ၎င်းမှာ ဒုတိယစမ်းသပ်မှုဖြစ်သောကြောင့် သတိထားခြင်းမှာ ပုံမှန်သာဖြစ်သည်။ ပထမစမ်းသပ်မှုအတွဲများပင်လျှင် သူတို့ထဲမှ အချို့အတွက် အတော်လေး ခက်ခဲနေပြီဖြစ်သည်။ ဒုတိယစမ်းသပ်မှုမှာ သေချာပေါက် ပို၍ ခက်ခဲလာမည် ဖြစ်သည်။ ထို့ကြောင့် ဤလူများသည် အန္တရာယ်ကင်းပုံရသော ဤဂူကြီးထဲတွင် တိတ်တဆိတ် ဖုံးကွယ်နေသော အန္တရာယ်များ ရှိရမည်ဟု ကောက်ချက်ချလိုက်ကြသည်။ မသိမမြင်နိုင်သော အရာများက ကြောက်စရာအကောင်းဆုံးပင် ဖြစ်သည်။ ထို့ကြောင့် နိုးနိုးကြားကြား ရှိနေခြင်းက သူတို့အတွက် အကောင်းဆုံး ဖြစ်ပေမည်။   </p> <p> </p> <p>      ဤအချိန်တွင် သွမ့်လင်းထျန်သည် သတိပြန်ဝင်လာပြီး ယခုလေးတင် ပေါ်လာသော လူစုကို ကြည့်ကာ စိတ်ထဲမှ တွေးလိုက်သည်။   </p> <p> </p> <p> </p> <p> </p> <p>      ငါ့အဖွဲ့ထဲမှာ ဘယ်သူတွေ ပါလဲ မသိဘူး...   </p> <p> </p> <p>      သွမ့်လင်းထျန်သည် သူ၏ ပတ်ဝန်းကျင်ရှိ လူများကို သေချာစွာ လေ့လာနေသကဲ့သို့ အခြားသူများကလည်း သူတို့၏ ပတ်ဝန်းကျင်ရှိ လူများကို အကဲခတ်နေကြသည်။   </p> <p> </p> <p>      သူတို့၏ အတွေးများမှာ သွမ့်လင်းထျန်၏ အတွေးများနှင့် အတော်လေး ဆင်တူကြသည်။   </p> <p> </p> <p> </p> <p> </p> <p>      ဒုတိယစမ်းသပ်မှုအတွက် သူတို့ အဖွဲ့ဝင်များ၏ စွမ်းအားက စမ်းသပ်မှု အောင်မြင်နိုင်ချေအပေါ် သက်ရောက်မှု ရှိလိမ့်မည် ဖြစ်သည်။ အကယ်၍ သူတို့ ကျရှုံးပါက သေဆုံးရမည် ဖြစ်သည်။ ထို့ကြောင့် လူတိုင်း ဖိအား ခံစားနေရသည်မှာ သဘာဝပင် ဖြစ်သည်။   </p> <p> </p> <p> </p> <p> </p> <p>      ရုတ်တရက် အစိမ်းရောင်ဝတ်ရုံ ခြုံထားသော ပိန်ပါးပါး လူလတ်ပိုင်း တစ်ယောက်သည် ဝတ်ရုံဖြူလူငယ် တစ်ဦးကို မြင်လိုက်ရသည်။ သူ၏ မျက်လုံးများ ပြူးကျယ်သွားပြီး အံ့အားသင့်စွာဖြင့် အော်လိုက်သည်။   </p> <p> </p> <p>      “အရှင်ပိုင်လီ...”   </p> <p> </p> <p>      သူသည် ဤလူနှင့် တစ်ဖွဲ့တည်း ကျလိမ့်မည်ဟု မမျှော်လင့်ထားခဲ့ပေ။   </p> <p> </p> <p> </p> <p> </p> <p>      “အရှင်ပိုင်လီ”   </p> <p> </p> <p>      အစိမ်းရောင်ဝတ်ရုံ ခြုံထားသော ပိန်ပါးပါး လူလတ်ပိုင်း အော်လိုက်သောအခါ သွမ့်လင်းထျန် အပါအဝင် လူအများအပြားသည် ဝတ်ရုံဖြူလူငယ်ထံသို့ အာရုံစိုက်လိုက်ကြသည်။   </p> <p> </p> <p>      ထိုလူငယ်သည် ဝတ်ရုံဖြူတစ်ထည်ကို ဝတ်ဆင်ထားသည်။ သူသည် အရပ်ရှည်ပြီး တောင့်တင်းသော ခန္ဓာကိုယ် ရှိသည်။ သူသည် မလှုပ်မယှက် ရပ်နေသည်။ သူ၏ မျက်နှာအမူအရာမှာ တင်းမာနေပြီး ချဉ်းကပ်ရန် ခက်ခဲမည့်ပုံ ပေါက်နေသည်။ လူငယ်၏ မျက်ခုံးနှစ်ခုကြားတွင် နီညိုရောင် အစက်တစ်ခု ရှိသည်။ ၎င်းမှာ အလွန် မျက်စိဖမ်းစားနိုင်သည်။ သူ ထိုနေရာတွင် ရပ်နေစဉ် လောကီအညစ်အကြေး ကင်းစင်သော ခံစားချက်တစ်ခုကို ထုတ်လွှတ်နေသည်။ သူသည် ထိုနေရာတွင် ရှိနေသော်လည်း တစ်ချိန်တည်းမှာပင် မရှိနေသကဲ့သို့ ကောင်းကင်ဘုံမှ နတ်သားတစ်ပါးနှင့် တူသည်။   </p> <p> </p> <p> </p> <p> </p> <p>      ဒုစရိုက်မြို့တော်မှ ဂိုဏ်းမဲ့ကျင့်ကြံသူ တစ်ယောက်က လူငယ်ကို မြင်သောအခါ စိတ်လှုပ်ရှားမှုကြောင့် တုန်ယင်နေသော အသံဖြင့် ပြောလိုက်သည်။   </p> <p> </p> <p>      “တ... တကယ်ပဲ အရှင်ပိုင်လီပဲ...”   </p> <p> </p> <p>      ဤဂိုဏ်းမဲ့ကျင့်ကြံသူသည် ဒုစရိုက်မြို့တော်တွင် နှစ်ရာချီကြာ နေထိုင်ခဲ့သူ ဖြစ်သည်။ သူသည် ဝတ်ရုံဖြူလူငယ်ကို တစ်ကြိမ် မြင်တွေ့ခွင့်ရလောက်အောင် ကံကောင်းခဲ့ဖူးသည်။ ဝတ်ရုံဖြူလူငယ်သည် သူ့အပေါ် အချိန်ကြာမြင့်စွာ သတိရစေမည့် ခံစားချက်တစ်ခု ဖြစ်စေခဲ့သည်။ ထို့ကြောင့် ဝတ်ရုံဖြူလူငယ်ကို သူ ချက်ချင်း မှတ်မိသွားခြင်း ဖြစ်သည်။   </p> <p> </p> <p> </p> <p> </p> <p>      “အရှင်ပိုင်လီနဲ့ တစ်ဖွဲ့တည်း ကျလိမ့်မယ်လို့ ငါ မထင်ထားခဲ့ဘူး... အရှင်ပိုင်လီ ရှိနေတော့ ဒုတိယစမ်းသပ်မှုကို အောင်မြင်ဖို့ လွယ်သွားပြီပေါ့...”   </p> <p> </p> <p>      အခြား ဂိုဏ်းမဲ့ကျင့်ကြံသူ တစ်ယောက်က စိတ်လှုပ်ရှားစွာဖြင့် ပြောလိုက်သည်။   </p> <p> </p> <p> </p> <p> </p> <p>      ဂိုဏ်းမဲ့ကျင့်ကြံသူများအတွက်မူ ပိုင်လီသည် သူတို့အတွက် နတ်ဘုရားတစ်ပါးနှင့် တူသည်။   </p> <p> </p> <p> </p> <p> </p> <p>      “အရှင်ပိုင်လီ... သူ... သူက တကယ်ပဲ ဒုစရိုက်မြို့တော်က ပိုင်လီလား...”   </p> <p> </p> <p>      လူအများအပြား၏ မျက်လုံးများမှာ အံ့အားသင့်မှုကြောင့် ပြူးကျယ်သွားကြသည်။ သူတို့၏ မျက်နှာပေါ်တွင် ရိုသေလေးစားသော အမူအရာများကို မြင်တွေ့နိုင်သည်။   </p> <p> </p> <p> </p> <p> </p> <p>      “သူက ပိုင်လီလား... ဒုစရိုက်မြို့တော်ရဲ့ အရှင်အရှင် သုံးယောက်ထဲက တစ်ယောက်ပေါ့... သူက ကျင့်ကြံမှုအခြေခံ စိန့်ကောင်းကင် အဋ္ဌမပုံစံမှာ ရှိတဲ့သူ မလား... အဓိပတိသူတော်စင်အဆင့်စာရင်းမှာ အဆင့်ကိုး ချိတ်ထားတဲ့ ပြိုင်ဘက်ကင်း စွမ်းအားရှင်...”   </p> <p> </p> <p>      လူတိုင်းက ပိုင်လီကို ကြည့်နေကြစဉ် သွမ့်လင်းထျန်၏ အာရုံသည်လည်း သူ့ထံတွင် ရှိနေသည်။ သူ အံ့သြသွားသည်။ အကယ်၍ သူ၏ အရှေ့တွင် ရပ်နေသူမှာ အမှန်တကယ် သူ ကြားဖူးထားသော ပိုင်လီသာ ဖြစ်ပါက ဤလူသည် သူ တွေ့ဖူးသမျှထဲတွင် အကြီးအကဲဟော်မှလွဲ၍ အသန်မာဆုံး လူ ဖြစ်သည်။   </p> <p> </p> <p>      ဒုစရိုက်မြို့တော်ရှိ အသန်မာဆုံး လူသုံးယောက်ထဲမှ တစ်ယောက်ဖြစ်သော ပိုင်လီသည် ဒုစရိုက်မြို့တော်၏ အစာကွင်းဆက် ထိပ်တန်းတွင် ရှိနေသူ ဖြစ်သည်။ စိန့်ကောင်းကင် အဋ္ဌမပုံစံ ကျင့်ကြံမှုအခြေခံနှင့်အတူ သူသည် သိုင်းတာအိုသူတော်စင်နယ်မြေရှိ အသန်မာဆုံး ဂိုဏ်းမဲ့ကျင့်ကြံသူများထဲမှ တစ်ဦးလည်း ဖြစ်သည်။ သူသည် အဓိပတိသူတော်စင်အဆင့်စာရင်း၏ ထိပ်ဆုံးဆယ်ယောက်တွင်ပင် အဆင့်ဝင်သေးသည်။ သူသည် အဆင့်ကိုး နေရာတွင် ရှိသည်။   </p> <p> </p> <p>      အဓိပတိသူတော်စင်အဆင့်စာရင်းတွင် အဆင့်ကိုး ချိတ်ရန် သူ မည်မျှ အစွမ်းထက်သနည်း.... </p> <p> </p> <p> </p> <p> </p> <p>      “အရှင်ပိုင်လီ...”   </p> <p> </p> <p> </p> <p> </p> <p>      “အရှင်ပိုင်လီ...”   </p> <p> </p> <p> </p> <p> </p> <p>      လက်ရှိလူများက ပိုင်လီ မည်သူမည်ဝါဖြစ်ကြောင်းကို အတည်ပြုပြီးနောက် သူတို့၏ မျက်နှာများမှာ စိတ်လှုပ်ရှားမှုများဖြင့် ပြည့်နှက်သွားသည်။ သူတို့က ပိုင်လီကို ရိုသေလေးစားစွာဖြင့် ချက်ချင်း အရိုအသေပေးလိုက်ကြသည်။ သူတို့သည် ဘုရင်တစ်ပါးကို အရိုအသေပေးနေသည့် မှူးမတ်တစ်စုနှင့်ပင် တူသည်။   </p> <p> </p> <p> </p> <p> </p> <p>      လူတိုင်း၏ အာရုံက ပိုင်လီထံတွင် ရှိနေစဉ် သူကမူ သူတို့ကို လျစ်လျူရှုထားရုံသာ ဖြစ်သည်။ ထို့အစား သူက အစိမ်းရောင်ဝတ်ရုံ ခြုံထားသော လူလတ်ပိုင်းကို ကြည့်လိုက်သည်။   </p> <p> </p> <p>      “လင်းနို့စိမ်းဘုရင်...”   </p> <p> </p> <p> </p> <p> </p> <p>      ထိုလူလတ်ပိုင်းသည် ပိုင်လီကို ပထမဆုံး သတိပြုမိပြီး မှတ်မိခဲ့သူ ဖြစ်သည်။ ပိုင်လီက သူ့ကို ကြည့်ကာ ယဉ်ကျေးစွာ ခေါင်းညိတ်ပြလိုက်သည်။   </p> <p> </p> <p> </p> <p> </p> <p>      “အဲဒါ ဘယ်သူလဲ... သူက ဘယ်လိုလုပ် အရှင်ပိုင်လီရဲ့ အာရုံစိုက်မှု ရတာလဲ”   </p> <p> </p> <p>      အခြားသူများက ပိုင်လီ၏ အပြုအမူကို မြင်သောအခါ အံ့အားသင့်ကာ နားမလည်နိုင် ဖြစ်သွားကြသည်။   </p> <p> </p> <p> </p> <p> </p> <p>      သွမ့်လင်းထျန် အပါအဝင် လူအများစုသည် ပိုင်လီက လူလတ်ပိုင်းကို ‘လင်းနို့စိမ်းဘုရင်’ ဟု  ခေါ်လိုက်သည်ကို ကြားသောအခါ ဆွံ့အသွားကြသည်။   </p> <p> </p> <p> </p> <p> </p> <p>      မျက်စိတစ်မှိတ်အတွင်းမှာပင် လူတိုင်း၏ အာရုံသည် အစိမ်းရောင်ဝတ်ရုံ ခြုံထားသော လူလတ်ပိုင်းထံသို့ ပြောင်းသွားသည်။   </p> <p> </p> <p> </p> <p> </p> <p>      လူလတ်ပိုင်းမှာ ပိန်ပါးသည်။ သူသည် အရပ်သိပ်မရှည်သလို အတော်လေး သေးငယ်သော ခေါင်းလည်းရှိသည်။ ယင်းက သူ့ကို သူခိုးတစ်ယောက်၏ အသွင်အပြင်မျိုး ဖြစ်စေသည်။ သူ၏ ပတ်လည်တွင် ထူးဆန်းသော အော်ရာတစ်ခု ရစ်သိုင်းနေသည်။   </p> <p> </p> <p> </p> <p> </p> <p>      သတိပြန်ဝင်လာသော ပထမဆုံးလူက တံတွေးမျိုချလိုက်ပြီး ပြောလိုက်သည်။   </p> <p> </p> <p>      “သ... သူက အမှောင်နယ်မြေဂိုဏ်းရဲ့ ဦးသျှောင်လေးပါးထဲက လင်းနို့စိမ်းဘုရင် ဝေ့ဆော် လား”   </p> <p> </p> <p>      ထိုအချိန်တွင် တစ်စုံတစ်ယောက်က ဂုဏ်ယူဝင့်ကြွားစွာဖြင့် ပြောလိုက်သည်။   </p> <p> </p> <p> </p> <p> </p> <p>      “ဟုတ်တယ်... သူက ငါတို့ အမှောင်နယ်မြေဂိုဏ်းရဲ့ လင်းနို့စိမ်းဘုရင်ပဲ”   </p> <p> </p> <p>      ထိုလူသည် အမှောင်နယ်မြေဂိုဏ်းမှ အကြီးအကဲတစ်ဦး ဖြစ်သည်။   </p> <p> </p> <p>      ထိုအခိုက်အတန့်တွင် အမှောင်နယ်မြေဂိုဏ်း၏ ဦးသျှောင်လေးပါးထဲမှ တစ်ယောက်ဖြစ်သော လင်းနို့စိမ်းဘုရင် ဝေ့ဆော်နှင့် ပတ်သက်သည့် အချက်အလက်များက သွမ့်လင်းထျန်၏ စိတ်ထဲတွင် ပေါ်လာသည်။   </p> <p> </p> <p> </p> <p> </p> <p>      လင်းနို့စိမ်းဘုရင် ဝေ့ဆော်က အမှောင်နယ်မြေဂိုဏ်းရဲ့ ဦးသျှောင်လေးပါးထဲက တစ်ယောက်ပဲ... သူက ဦးသျှောင်လေးပါးထဲမှာ အားအနည်းဆုံး ဖြစ်နိုင်ပေမဲ့ သူ့ရဲ့ ကျင့်ကြံမှုအခြေခံက စိန့်ကောင်းကင် သတ္တမပုံစံမှာ ရှိတယ်... သူက အဓိပတိသူတော်စင်အဆင့်စာရင်းမှာ အဆင့် ၂၄ ချိတ်ထားတာပဲ...   </p> <p> </p> <p>      ပိုင်လီနှင့် ရင်ဆိုင်ရချိန်တွင် အမှောင်နယ်မြေဂိုဏ်းမှ ဦးသျှောင်များထဲမှ တစ်ဦးဖြစ်သော ဝေ့ဆော်ပင်လျှင် နှိမ့်ချစွာ ပြုမူရသည်။ သူ့ကို မစော်ကားရဲပေ။   </p> <p> </p> <p>      “အရှင်ပိုင်လီ... ခင်ဗျားနဲ့ တစ်ဖွဲ့တည်း ကျလိမ့်မယ်လို့ ကျုပ် မမျှော်လင့်ထားခဲ့ဘူး... ဒါ ကံကြမ္မာပဲနဲ့တူတယ်”   </p> <p> </p> <p> </p> <p> </p> <p>      ဘာဟာသလဲ...   </p> <p> </p> <p>      ပိုင်လီသည် စိန့်ကောင်းကင် အဋ္ဌမပုံစံ စွမ်းအားရှင် တစ်ဦးသာမက အဓိပတိသူတော်စင်အဆင့်စာရင်းတွင်လည်း အဆင့်ကိုး ချိတ်ထားသူ ဖြစ်သည်။ တကယ်တမ်းတွင် သူသည် အမှောင်နယ်မြေဂိုဏ်းက ဦးသျှောင်လေးပါး၏ ခေါင်းဆောင်ဖြစ်သော ခရမ်းရောင်နဂါးဘုရင်ထက်တောင် အနည်းငယ် ပို၍ အစွမ်းထက်သည်။   </p> <p> </p> <p>      အမှောင်နယ်မြေဂိုဏ်းရှိ လူများထဲတွင် ဂိုဏ်းချုပ်တစ်ယောက်တည်းကသာ ပိုင်လီထက် ပိုအစွမ်းထက်သည်။ ထိုကဲ့သို့သော လူမျိုးနှင့် ရင်ဆိုင်ရချိန်တွင် မည်သူက သူ့ကို စော်ကားရဲမည်နည်း။   </p> <p> </p> <p> </p> <p> </p> <p>      သူတို့ နှစ်ဦးစလုံးသည် စိန့်ကောင်းကင် သတ္တမပုံစံနှင့်အထက် ကျင့်ကြံမှုအခြေခံ ရှိကြသော်လည်း ပိုင်လီနှင့် နှိုင်းယှဉ်ပါက သူသည် များစွာ အားနည်းကြောင်း ဝေ့ဆော် ကောင်းကောင်း သိသည်။   </p> <p> </p> <p> </p> <p> </p> <p>      “အင်း”   </p> <p> </p> <p>      ပိုင်လီက အေးစက်စွာ ခေါင်းညိတ်ပြလိုက်သည်။ စိန့်ကောင်းကင် သတ္တမပုံစံ စွမ်းအားရှင်၊ အမှောင်နယ်မြေဂိုဏ်း၏ ဦးသျှောင်တစ်ဦးဖြစ်သော ဝေ့ဆော်နှင့် ရင်ဆိုင်ရချိန်တွင်ပင် သူက ဂရုမစိုက်သကဲ့သို့ ရှိနေသည်။   </p> <p> </p> <p> </p> <p> </p> <p>      ဝေ့ဆော်သည် ပိုင်လီ၏ အပြုအမူအပေါ် လုံးဝ စိတ်မဆိုးပေ။ အဆုံး၌ ထိပ်တန်းစွမ်းအားရှင် အများစုမှာ မာနကြီးကြသည်သာဖြစ်သည်။ </p> <p> </p> <p>      ပိုင်လီ မည်မျှ အစွမ်းထက်သည်ကို ထောက်ရှု၍ သူက ဝေ့ဆော်ကို အသိအမှတ်ပြုခြင်းကပင် လုံလောက်နေပြီ ဖြစ်သည်။ ဝေ့ဆော်သည် ကိုယ့်နေရာကို ကောင်းကောင်း သိသည်။   </p> <p> </p> <p> </p> <p> </p> <p>      “အရှင်ပိုင်လီ၊ အရှင်ဝေ့ဆော်တို့နဲ့ တစ်ဖွဲ့တည်း ကျလောက်အောင် ငါ ကံကောင်းလိမ့်မယ်လို့ မထင်ထားခဲ့ဘူး... သူတို့ နှစ်ယောက်စလုံး ရှိနေတော့ ဒုတိယစမ်းသပ်မှုကို အောင်မြင်ဖို့ လွယ်မှာပေါ့.... ဟုတ်တယ်မလား...”   </p> <p> </p> <p>      တစ်စုံတစ်ယောက်က ပြောလိုက်သည်။   </p> <p> </p> <p> </p> <p> </p> <p>      လူအများအပြားက သူ၏ စကားကို ထောက်ခံကြသည်။   </p> <p> </p> <p> </p> <p> </p> <p>      လွယ်မှာလား...   </p> <p> </p> <p>      သွမ့်လင်းထျန် မသိမသာ ခေါင်းခါလိုက်သည်။   </p> <p> </p> <p> </p> <p> </p> <p>      ကောင်းကင်ကပ်ဘေးကို ကျော်ဖြတ်ပြီး ဤလောကငယ်ကို ဖန်တီးခဲ့သည့် စိန့်ကောင်းကင် နဝမပုံစံ စွမ်းအားရှင်များထဲမှ တစ်ဦးဖြစ်သော ကျန်တုံကျိ၏ အဆိုအရ လူတိုင်းကို အဖွဲ့သုံးဖွဲ့ ခွဲမည် ဖြစ်သည်။ အဖွဲ့သုံးဖွဲ့ကို သီးခြားစီ စမ်းသပ်မည် ဖြစ်သည်။ ကျရှုံးသော အဖွဲ့သည် သေဆုံးမည် ဖြစ်သည်။ ဒုတိယစမ်းသပ်မှုအပြီးတွင် အဖွဲ့နှစ်ဖွဲ့သာ ကျန်ရစ်မည်ဖြစ်ပြီး နောက်ထပ် စမ်းသပ်မှုသို့ ဆက်သွားရမည် ဖြစ်သည်။   </p> <p> </p> <p> </p> <p> </p> <p>      “ကျုပ်တို့ကို ကျပန်း အဖွဲ့ခွဲတာ မဟုတ်ဖို့ အလားအလာ အရမ်းများတယ်... အဖွဲ့တိုင်းရဲ့ ပေါင်းစပ်စွမ်းအားတွေ တူညီနေအောင် ကျုပ်တို့ကို အဖွဲ့ခွဲပေးထားတယ်လို့ သေချာပေါက် ပြောရဲတယ်... ဟုတ်တယ်မလား အကြီးအကဲဟော်”   </p> <p> </p> <p>      သွမ့်လင်းထျန်က အကြီးအကဲဟော်ကို မေးလိုက်သည်။   </p> <p> </p> <p> </p> <p> </p> <p>      အကြီးအကဲဟော်က လျင်မြန်စွာ တုံ့ပြန်လိုက်သည်။   </p> <p> </p> <p>      “ဒီလောကငယ်ရဲ့ စည်းမျဉ်းတွေကို ဖန်တီးသူတွေက သတ်မှတ်တာပဲ... ပုံမှန်အားဖြင့် အဖွဲ့လိုက် စမ်းသပ်မှုတွေက မျှတပြီး အဖွဲ့တိုင်းရဲ့ ပေါင်းစပ်စွမ်းအားက အတူတူလောက်ပဲ ရှိလိမ့်မယ်...”   </p> <p> </p> <p>      အကြီးအကဲဟော်၏ အဖြေက သွမ့်လင်းထျန်၏ ခန့်မှန်းချက်ကို အတည်ပြုပေးလိုက်သည်။   </p> <p> </p> <p> </p> <p> </p> <p>      အကယ်၍ သူတို့ အဖွဲ့တွင် ပိုင်လီနှင့် ဝေ့ဆော်တို့ကဲ့သို့သော စွမ်းအားရှင်များ ရှိပါက အခြား အဖွဲ့နှစ်ဖွဲ့တွင်လည်း ပိုင်လီနှင့် ဝေ့ဆော်တို့အဆင့်ရှိ စွမ်းအားရှင်များ သေချာပေါက် ရှိရမည် ဖြစ်သည်။ ထို့ကြောင့် သူတို့ အဖွဲ့ စမ်းသပ်မှုကို လွယ်ကူစွာ အောင်မြင်နိုင်မည်လားဆိုသည်ကို ပြောရန် စောလွန်းနေသေးသည်။ အဖွဲ့သုံးဖွဲ့စလုံးသည် ပေါင်းစပ်စွမ်းအား အတူတူခန့်သာ ရှိကြသဖြင့် မည်သူက နောက်ဆုံးတွင် အောင်ပွဲခံမည်ကို ပြောရန် စောလွန်းနေသေးသည်။ </p> <p> </p> <p> </p> <p style="text-align: center;">***</p>


Save