Book List

<h2 style="text-align: center;">အပိုင်း(၂၄၈၃)</h2> <h2 style="text-align: center;">အတူရှင်သန် အတူသေဆုံး   </h2> <h2 style="text-align: center;">*</h2> <p> </p> <p> </p> <p>      “ဝမ်းသာဖို့ စောလွန်းသေးတယ်...”  </p> <p>    သွမ့်လင်းထျန် တစ်ယောက်တည်းသာ ခေါင်းကြည်လင်နေခြင်း မဟုတ်ပေ။ ကျောက်စိမ်းကဲ့သို့ ကြည်လင်သော အသားအရေရှိပြီး ငွေရောင်ဝတ်ရုံကို ဝတ်ဆင်ထားသော လူသန်ကြီးတစ်ဦးက မျက်မှောင်ကြုတ်ကာ ပြောလိုက်သည်။ </p> <p>      </p> <p>        “ငါတို့ဆီမှာ စိန့်ကောင်းကင် သတ္တမပုံစံနဲ့ အဋ္ဌမပုံစံ စွမ်းအားရှင်တွေ ရှိနေတာနဲ့ တခြား အဖွဲ့နှစ်ဖွဲ့မှာ ဒီအဆင့်ရှိတဲ့ စွမ်းအားရှင်တွေ မရှိဘူးလို့ မဆိုလိုဘူး... ဒီလောကငယ်ရဲ့ ဝင်ပေါက် ပိတ်သွားပြီဆိုပေမဲ့ အရှင်ပိုင်လီနဲ့ ဦးသျှောင်ဝေ့ဆော်တို့ကလွဲပြီး ဒီလောကငယ်ထဲကို ဝင်လာတဲ့ စိန့်ကောင်းကင် သတ္တမပုံစံနဲ့ အဋ္ဌမပုံစံ စွမ်းအားရှင်တွေ မရှိတော့ဘူးလို့ မင်းတို့ တကယ် ထင်နေကြတာလား...”   </p> <p>      လူသန်ကြီး စကားပြောအပြီးတွင် လူတိုင်းသည် ရေခဲရေတစ်ပုံးဖြင့် အပက်ခံလိုက်ရသကဲ့သို့ ခံစားလိုက်ကြရသည်။ သူတို့၏ စိတ်လှုပ်ရှားမှုများ အားလုံး ပျောက်ကွယ်သွားပြီး တုန်ယင်လာကြသည်။   </p> <p> </p> <p>      “သူ ပြောတာ အဓိပ္ပာယ်ရှိတယ်... ဒီလောကငယ်ထဲကို ဝင်လာတဲ့ စိန့်ကောင်းကင် အဋ္ဌမပုံစံနဲ့ သတ္တမပုံစံ စွမ်းအားရှင်က သေချာပေါက် နှစ်ယောက်ထက်မက ရှိရမယ်...”   </p> <p> </p> <p>      “အဲဒါ အမှန်ပဲ... အမှောင်နယ်မြေဂိုဏ်းကို ဘေးဖယ်ထားလိုက်ရင်တောင် ဒုစရိုက်မြို့တော်မှာ စိန့်ကောင်းကင် သတ္တမပုံစံနဲ့ အထက်အဆင့်ဂိုဏ်းမဲ့ကျင့်ကြံသူ ဆယ်ယောက်နီးပါး ရှိတယ်... နေရာလွတ်အက်ကွဲကြောင်းအကြောင်းသတင်းကို သူတို့မရဘဲ နေစရာအကြောင်းမရှိဘူး... သူတို့လည်း သေချာပေါက် ဒီကို ရောက်နေကြမှာပဲ”   </p> <p> </p> <p>      “သူတို့ အားလုံး မလာကြဘူးဆိုရင်တောင် ဥပမာ နှစ်ယောက် သုံးယောက်လောက် မလာရင်တောင် တော်တော်များများ ကျန်သေးတယ်... ဒါ့ပြင် အမှောင်နယ်မြေဂိုဏ်းက တခြား ဦးသျှောင်တွေလည်း ဒီကို ရောက်နေနိုင်တယ်... ဒါကို ထည့်တွေးကြည့်ရင် ငါတို့အဖွဲ့မှာရှိတဲ့ စိန့်ကောင်းကင် သတ္တမပုံစံနဲ့ အထက် စွမ်းအားရှင်တွေက များတယ်လို့ မဆိုနိုင်ဘူး...”   </p> <p> </p> <p>      “ဒါဆို ဒုတိယစမ်းသပ်မှုမှာ ငါတို့က အသာစီးမရဘူးဆိုတဲ့ သဘောလား...”   </p> <p> </p> <p>      “ငါ ဝန်မခံချင်ပေမဲ့ အဲဒီလိုပဲ ထင်တယ်...”   </p> <p> </p> <p>      လူများ အချင်းချင်း တီးတိုး ပြောဆိုနေကြစဉ် လေထုမှာ တင်းကျပ်သိပ်သည်းလာသည်။   </p> <p> </p> <p>      အခြားသူများ အချင်းချင်း စကားပြောနေကြစဉ် သွမ့်လင်းထျန်၏ အာရုံသည် စောစောက စကားပြောခဲ့သော လူလတ်ပိုင်းထံတွင် ရှိနေသည်။ </p> <p>   </p> <p>      ဒီလူက နှစ်တစ်ထောင် မဟာမိတ်အဖွဲ့ရဲ့ သခင်လေး ဒုံကော်ကျိနဲ့ နည်းနည်း ဆင်တယ်... ဒါ့အပြင် သူ့ရဲ့ ဟန်ပန်အမူအရာကို ကြည့်ရတာ ခေါင်းဆောင်တစ်ယောက်ပုံစံပဲ... သူများ ဖြစ်နေမလား...   </p> <p>      သွမ့်လင်းထျန်သည် လူလတ်ပိုင်း မည်သူမည်ဝါဖြစ်ကြောင်းကို ခန့်မှန်းရန် ကြိုးစားရင်း အတွေးလွန်နေစဉ် အသံတစ်သံက သူ၏ အတွေးများကို ဖြတ်တောက်လိုက်သည်။   </p> <p> </p> <p>      “အဲဒါ နှစ်တစ်ထောင် မဟာမိတ်အဖွဲ့ရဲ့ ခေါင်းဆောင် ဒုံကော်ယီ မလား...”  </p> <p>      ဒုစရိုက်မြို့တော်မှ ဂိုဏ်းမဲ့ကျင့်ကြံသူ တစ်ဦးက အာမေဍိတ်သံဖြင့် ပြောလိုက်သည်။   </p> <p> </p> <p>      ထို့နောက် တခြားလူများကပါ ထိုလူလတ်ပိုင်းကို စတင် မှတ်မိလာကြသည်။   </p> <p> </p> <p>      တကယ်ပဲ သူဖြစ်နေတာကိုး...   </p> <p>      ၎င်းက သွမ့်လင်းထျန်၏ သံသယကို အတည်ပြုပေးလိုက်သည်။   </p> <p> </p> <p>      လူလတ်ပိုင်းသည် နှစ်တစ်ထောင် မဟာမိတ်အဖွဲ့၏ သခင်လေး ဒုံကော်ကျိနှင့် အနည်းငယ် ဆင်တူနေပြီး သူ၏ ဟန်ပန်အမူအရာကို မြင်လိုက်ရသောအခါ သွမ့်လင်းထျန်သည် ထိုလူလတ်ပိုင်း မည်သူဖြစ်ကြောင်းကို ကောင်းကောင်း ရိပ်မိနေခဲ့ပြီးသား ဖြစ်သည်။   </p> <p> </p> <p>      နှစ်တစ်ထောင် မဟာမိတ်အဖွဲ့၏ ခေါင်းဆောင် ဒုံကော်ယီ.... </p> <p>      စိန့်ကောင်းကင် ဆဋ္ဌမပုံစံ စွမ်းအားရှင်.... </p> <p>      သူသည် အဓိပတိသူတော်စင်အဆင့်စာရင်းတွင် အဆင့် ၅၁ နေရာ၌ ရှိသည်။   </p> <p> </p> <p>      တကယ်တော့ ဒုံကော်ယီကို မှတ်မိသော ဂိုဏ်းမဲ့ကျင့်ကြံသူ အများအပြား ရှိသော်လည်း ပိုင်လီနှင့် ဝေ့ဆော်တို့၏ တည်ရှိမှုက သူ့ကို ဖုံးလွှမ်းသွားသောကြောင့်သာ သူ့ကို မေ့နေခဲ့ကြခြင်း ဖြစ်သည်။   </p> <p>      သဘာဝကျကျပင် ဒုံကော်ယီသည် ဒုစရိုက်မြို့တော်ရှိ အသန်မာဆုံး မဟာမိတ်အဖွဲ့ သုံးခုထဲမှ တစ်ခုဖြစ်သော နှစ်တစ်ထောင် မဟာမိတ်အဖွဲ့၏ ခေါင်းဆောင်ဖြစ်ပြီး အဓိပတိသူတော်စင်အဆင့်စာရင်းတွင် အဆင့် ၅၁ ချိတ်ထားသော စိန့်ကောင်းကင် ဆဋ္ဌမပုံစံ စွမ်းအားရှင် တစ်ဦးဖြစ်သောကြောင့် သေချာပေါက် အသိအမှတ်ပြုခံရမည်ဖြစ်သည်။   </p> <p>      သို့သော်လည်း ဒုစရိုက်မြို့တော်ရှိ ထိပ်တန်း ဂိုဏ်းမဲ့ကျင့်ကြံသူများထဲမှ တစ်ဦးဖြစ်သော ပိုင်လီနှင့် အမှောင်နယ်မြေဂိုဏ်း၏ ဦးသျှောင်လေးပါးထဲမှ တစ်ဦးဖြစ်သော လင်းနို့စိမ်းဘုရင်တို့ကဲ့သို့ ထိပ်တန်းစွမ်းအားရှင်များနှင့် နှိုင်းယှဉ်ပါက ဒုံကော်ယီမှာ ဖော်ပြရန်ပင် မတန်တော့ပေ။ ထို့ကြောင့် စောစောက သူ ရှိနေသည်ကို မည်သူမျှ သတိမထားမိခဲ့ခြင်း ဖြစ်သည်။   </p> <p>      နှိုင်းယှဉ်ခြင်းသည် အလွန်ဆိုးရွားသော အရာဖြစ်သည်။ ပိုင်လီ၊ ဝေ့ဆော်တို့နှင့် နှိုင်းယှဉ်လိုက်သောအခါ ဒုံကော်ယီမှာ အရေးမပါတော့ပေ။   </p> <p> </p> <p>      ခဏအကြာတွင် လူများ၏ အာရုံသည် နှစ်တစ်ထောင် မဟာမိတ်အဖွဲ့၏ ခေါင်းဆောင်ထံမှ အခြားတစ်ယောက်ထံသို့ ပြောင်းသွားသည်။   </p> <p>      “ဟင်... သူက... မေ့လျော့မြေမှုန့်ဂိုဏ်းရဲ့ ဂိုဏ်းချုပ် ဟယ်ဖေးယီ မလား...”   </p> <p>      ဟယ်ဖေးယီသည် ပညာရှင်တစ်ဦးကဲ့သို့ ဝတ်ဆင်ထားသော သက်လတ်ပိုင်းလူ တစ်ဦးဖြစ်သည်။ သူသည် သာမန်ရုပ်ရည်ရှိသော်လည်း သူ့ထံတွင် လောကီဘုံနှင့် မသက်ဆိုင်သော အရည်အသွေးတစ်ခု ရှိနေသည်။ တစ်ချက် ကြည့်လိုက်ရုံဖြင့် သူသည် ဖော်ရွေသော လူတစ်ယောက်နှင့် တူသည်။   </p> <p> </p> <p>      သွမ့်လင်းထျန်၏ အာရုံသည်လည်း ဟယ်ဖေးယီထံတွင် ရှိနေသည်။   </p> <p> </p> <p>      “မေ့လျော့မြေမှုန့်ဂိုဏ်းရဲ့ ဂိုဏ်းချုပ် ဟယ်ဖေးယီလား...”   </p> <p>      ယခင်က သွမ့်လင်းထျန်သည် မေ့လျော့မြေမှုန့်ဂိုဏ်း၏ ဂိုဏ်းချုပ် ဟယ်ဖေးယီအကြောင်းကိုလည်း ကြားဖူးထားသည်။ ပထမအဆင့်အင်အားစုတစ်ခု၏ ဂိုဏ်းချုပ်ဖြစ်ခြင်းအပြင် သူသည် အဓိပတိသူတော်စင်အဆင့်စာရင်းတွင် အဆင့် ၅၅ ချိတ်ထားသော စွမ်းအားရှင်တစ်ဦးလည်း ဖြစ်သည်။ နှစ်တစ်ထောင် မဟာမိတ်အဖွဲ့၏ ခေါင်းဆောင် ဒုံကော်ယီကဲ့သို့ပင် သူ၏ ကျင့်ကြံမှုအခြေခံသည်လည်း စိန့်ကောင်းကင် ဆဋ္ဌမပုံစံတွင် ရှိသည်။ သို့သော်လည်း သူသည် ဒုံကော်ယီထက် အနည်းငယ် အားနည်းနေသေးသည်။ ဤသည်ကို ဒုံကော်ယီထက် နိမ့်သော သူ၏ အဓိပတိသူတော်စင်အဆင့်စာရင်းမှ အဆင့်ကို ကြည့်ခြင်းဖြင့် သိနိုင်သည်။   </p> <p> </p> <p>      ပထမအဆင့်ဂိုဏ်းဖြစ်သော မေ့လျော့မြေမှုန့်ဂိုဏ်းသည်လည်း ဒုစရိုက်မြို့တော်အနီးတွင် တည်ရှိသည်။ ထို့ကြောင့် ဤနေရာတွင် ဟယ်ဖေးယီကို တွေ့ရသည်မှာ မည်သူမျှ တကယ်တမ်း သိပ်အံ့အားမသင့်ကြပေ။ အဆုံး၌ နေရာလွတ်အက်ကွဲကြောင်းအကြောင်း သတင်းရပြီးနောက် ဤနေရာသို့ လာရောက်ရန် သူ့အတွက် အချိန်အလုံအလောက် ရှိသည်။ တကယ်တော့ သူတို့ အဖွဲ့တွင် စိန့်ကောင်းကင် ဆဋ္ဌမပုံစံ စွမ်းအားရှင် နှစ်ယောက် ရှိသည်ဟု ဆိုလိုသောကြောင့် သူ သူတို့ အဖွဲ့တွင် ရှိနေခြင်းကိုသာ သူတို့ ပို၍ အံ့အားသင့်နေကြခြင်း ဖြစ်သည်။   </p> <p> </p> <p>      ဒုစရိုက်မြို့တော်မှ ဂိုဏ်းမဲ့ကျင့်ကြံသူ တစ်ဦးက သွမ့်လင်းထျန်ကို မြင်သောအခါ အံ့အားသင့်စွာဖြင့် အော်လိုက်ချိန်တွင် တစ်နေရာလုံး တိတ်ဆိတ်သွားသည်။   </p> <p>      “ဝတ်ရုံနက်လူ... မင်းက ဝတ်ရုံနက်လူပဲ...”   </p> <p>      ၎င်းသည် ဒုစရိုက်မြို့တော်မှ ဂိုဏ်းမဲ့ကျင့်ကြံသူတစ်ယောက်ဖြစ်သည်။ </p> <p> </p> <p>      “ဝတ်ရုံနက်လူ...”   </p> <p>      ချက်ချင်းပင် အခြား ဂိုဏ်းမဲ့ကျင့်ကြံသူ အနည်းငယ်သည်လည်း သွမ့်လင်းထျန်ကို အံ့အားသင့်သော မျက်နှာအမူအရာများဖြင့် ကြည့်လိုက်ကြသည်။   </p> <p> </p> <p>      “ဝတ်ရုံနက်လူက ပထမစမ်းသပ်မှုအတွဲတွေကိုတောင် အောင်မြင်ခဲ့တာလား...”   </p> <p> </p> <p>      “ဝတ်ရုံနက်လူရဲ့ ကျင့်ကြံမှုအခြေခံက အများဆုံးမှ စိန့်ကောင်းကင် တတိယပုံစံမှာပဲ ရှိမယ်လို့ ငါ ထင်ထားခဲ့တာ... တကယ်တော့ ငါ သူ့ကို အထင်သေးမိတာပဲ... သူ့ရဲ့ ကျင့်ကြံမှုအခြေခံက အနည်းဆုံးတော့ စိန့်ကောင်းကင် စတုတ္ထပုံစံမှာ ရှိရမယ်...”   </p> <p>      ဂိုဏ်းမဲ့ကျင့်ကြံသူများ အချင်းချင်း စကားပြောနေကြစဉ် သူတို့၏ အသံများတွင် အံ့အားသင့်မှုအရိပ်အယောင် တစ်စွန်းတစ်စကို ကြားနိုင်သည်။   </p> <p> </p> <p>      “ဝတ်ရုံနက်လူ...”   </p> <p>      ခဏတာမျှ လူတိုင်းက သွမ့်လင်းထျန်ကို ကြည့်နေကြသည်။ မကြာသေးမီက ဒုစရိုက်မြို့တော်တွင် နာမည်ကြီးလာသော ဝတ်ရုံနက်လူကို သူတို့ စိတ်ဝင်စားနေကြသည်။   </p> <p> </p> <p>      ပိုင်လီနှင့် ဝေ့ဆော်တို့သည်လည်း သွမ့်လင်းထျန်ကို စူးစိုက်ကြည့်လိုက်ကြသည်။   </p> <p> </p> <p>      ရုတ်တရက် ဝေ့ဆော်ထံမှ အစွမ်းထက်သော အော်ရာတစ်ခုက သူ့အား လွှမ်းခြုံလာသည်ကို သွမ့်လင်းထျန် ခံစားလိုက်ရသည်။ ဝေ့ဆော်က သူ့ကို စမ်းသပ်ရန် ကြိုးစားနေခြင်းဖြစ်ကြောင်း ထင်ရှားသည်။   </p> <p> </p> <p>      သွမ့်လင်းထျန်က စိတ်ထဲမှ လှောင်ရယ်လိုက်သည်။ သူသည် အဓိပတိဓားတာအိုကျင့်စဉ်၊ အကြွင်းမဲ့ဓားနှလုံးသားကို ချက်ချင်း အသုံးပြုလိုက်သည်။ သူသည် ဓားအိမ်မှ ကျွတ်လာသော ဓားတစ်လက်အဖြစ် ပြောင်းလဲသွားပုံရပြီး ဝေ့ဆော်၏ အော်ရာကို လွယ်ကူစွာ ဖယ်ရှားလိုက်သည်။ သွမ့်လင်းထျန်သည် မလှုပ်မယှက် ရပ်နေပြီး ကောင်းကင်ကြီး ပြိုကျလာလျှင်တောင် တည်ငြိမ်နေမည့်အလားဖြစ်သည်။   </p> <p> </p> <p>      “ဟင်...”  </p> <p>      သွမ့်လင်းထျန်သည် သူ၏ အော်ရာကို ဖယ်ရှားလိုက်ကြောင်း တွေ့ရှိလိုက်ရသော ဝေ့ဆော်မှာ အံ့အားသင့်သွားသည်။ သူက သွမ့်လင်းထျန်ကို စိုက်ကြည့်လိုက်ပြီးနောက် ခပ်အေးအေးပင် ပြောလိုက်သည်။ </p> <p>      “ဒုစရိုက်မြို့တော်က ဝတ်ရုံနက်လူအကြောင်း ငါ ကြားဖူးနေတာ ကြာပြီ... မင်းက တကယ်ကို နာမည်နဲ့ လိုက်ဖက်တာပဲ...”   </p> <p> </p> <p>      “ဦးသျှောင်ဝေ့... ခင်ဗျား ကျုပ်ကို မြှောက်ပြောနေပါပြီ...”  </p> <p>      သွမ့်လင်းထျန်သည် ဝေ့ဆော်က သူ့ကို စမ်းသပ်ရန် ကြိုးစားသည့်အပေါ် စိတ်အနှောင့်အယှက်ဖြစ်ခဲ့သော်လည်း သူ၏ စိတ်အနှောင့်အယှက်ဖြစ်မှုကို ထုတ်မပြခဲ့ပေ။ သူသည် ဒေါသကို မြိုသိပ်ကာ ဝေ့ဆော်ကို ယဉ်ကျေးစွာ ပြန်ဖြေလိုက်သည်။   </p> <p> </p> <p>      ဝေ့ဆော်သည် အမှောင်နယ်မြေဂိုဏ်း၏ ဦးသျှောင်လေးပါးထဲမှ တစ်ယောက်ဖြစ်သော လင်းနို့စိမ်းဘုရင်ဖြစ်ရုံသာမက စိန့်ကောင်းကင် သတ္တမပုံစံ စွမ်းအားရှင် တစ်ဦးလည်း ဖြစ်သည်။ သွမ့်လင်းထျန်၏ လက်ရှိစွမ်းအားဖြင့် ထိုကဲ့သို့သော လူနှင့် ရင်ဆိုင်ရချိန်တွင် မောက်မာစွာ မပြုမူနိုင်ပေ။ သူ မည်မျှပင် ဒေါသထွက်နေစေကာမူ လောလောဆယ်တွင် သည်းခံရမည် ဖြစ်သည်။   </p> <p> </p> <p>      “ဒုတိယစမ်းသပ်မှုကို  ‘အတူရှင်သန် အတူသေဆုံး’ လို့ခေါ်တယ်” </p> <p>       ဤလောကငယ်ကို ဖန်တီးသူများထဲမှ တစ်ဦးဖြစ်သော ကျန်တုံကျိက ထပ်မံ စကားပြောလာသည်။   </p> <p> </p> <p>      အတူရှင်သန် အတူသေဆုံး။ .... </p> <p>      ကျန်တုံကျိ၏ စကားကို ကြားသည်နှင့် တစ်ပြိုင်နက် လူတိုင်း အနည်းငယ် တုန်ယင်သွားကြသည်။   </p> <p> </p> <p>      “ဒုတိယစမ်းသပ်မှုမှာ အဆင့်အများကြီး ရှိတယ်... ဒီအဆင့်တွေမှာ အဖွဲ့က အတူတူပဲ ဆက်ဖြစ်နေလိမ့်မယ်... မင်းတို့ထဲက တစ်ယောက် သေသွားရင် ကျန်တဲ့သူတွေ အားလုံး ငါတို့ ချမှတ်ထားတဲ့ သတ်ဖြတ်ခြင်းအစီအရင်ရဲ့ သတ်တာကို ခံရလိမ့်မယ်... တစ်ယောက် သေတာနဲ့ မင်းတို့ အားလုံး အသတ်ခံရမှာပဲ... ကျန်တဲ့ အဖွဲ့နှစ်ဖွဲ့က တတိယစမ်းသပ်မှုကို ဆက်သွားရမယ်... ဒုတိယစမ်းသပ်မှုက တစ်ယောက်ယောက် မသေမချင်း  ပြီးဆုံးမှာ မဟုတ်ဘူး”   </p> <p>      ဤနေရာတွင် ကျန်တုံကျိ စကားပြောရပ်သွားသည်။   </p> <p> </p> <p>      နေရာတစ်ခွင်လုံး အချိန်အကြာကြီး တိတ်ဆိတ်သွားသည်။   </p> <p> </p> <p>      သွမ့်လင်းထျန် အပါအဝင် လူတိုင်း၏ မျက်နှာအမူအရာများ လေးနက်သွားကြသည်။   </p> <p> </p> <p>      ပိုင်လီနှင့် ဝေ့ဆော်တို့ကဲ့သို့ အစွမ်းထက်သော စွမ်းအားရှင်များ၏ မျက်နှာပေါ်တွင်ပင် အလွန် တည်ကြည်လေးနက်သော အမူအရာများ ရှိနေသည်။ သူတို့၏ မျက်လုံးများထဲတွင် သတိထားမှု အရိပ်အယောင်တစ်ခုကို မြင်တွေ့နိုင်သည်။ သူတို့ကိုယ်သူတို့သာ ဂရုစိုက်ရမည်ဆိုပါက သူတို့ ဖိအားကို ခံစားရမည် မဟုတ်ပေ။ သို့သော်လည်း ကျန်တုံကျိ၏ စကားများအရ သူတို့ကိုယ်သူတို့ ဘေးကင်းအောင် ထားရုံသာမက လူတိုင်းကိုလည်း အန္တရာယ်ကင်းအောင် ထားရမည် ဖြစ်သည်။ သူတို့ထဲမှ တစ်ယောက် သေဆုံးပါက လူတိုင်း သေဆုံးရမည် ဖြစ်သည်။   </p> <p> </p> <p>      စုစုပေါင်း အဖွဲ့သုံးဖွဲ့ ရှိသည်။ မည်သည့်အဖွဲ့မှ အဖွဲ့ဝင်များ အရင်သေဆုံးသည်ဖြစ်စေ ထိုအဖွဲ့ ဖယ်ထုတ်ခံရမည် ဖြစ်သည်။ ထိုအခါမှသာ ကျန်ရစ်သော အဖွဲ့နှစ်ဖွဲ့က နောက်ထပ် စမ်းသပ်မှုသို့ ဆက်သွားနိုင်မည် ဖြစ်သည်။   </p> <p> </p> <p>      “မင်းတို့ အားလုံး ငါနဲ့ အရှင်ပိုင်လီ အနားမှာ နေကြ...” </p> <p>       ဝေ့ဆော်က သွမ့်လင်းထျန်နှင့် အခြားသူများကို အက်ကွဲသောအသံဖြင့် ချက်ချင်း ပြောလိုက်သည်။ ဝေ့ဆော်၏ စကားကို ကြားသောအခါ လူတိုင်းက ဝေ့ဆော်နှင့် ပိုင်လီတို့ အနီးသို့ စတင် ရွှေ့သွားကြသည်။   </p> <p> </p> <p>      ‘အတူရှင်သန် အတူသေဆုံး’ ဟူသော ဒုတိယစမ်းသပ်မှုက ယခု သူတို့ အားလုံး တစ်လှေတည်း စီးနေကြပြီဟု ဆိုလိုသည်။   </p> <p>      သူတို့၏ အသက်များမှာ ဆက်စပ်နေပြီ ဖြစ်သည်။ သူတို့ထဲမှ တစ်ယောက် သေဆုံးပါက အားလုံး သေဆုံးရမည် ဖြစ်သည်။   </p> <p> </p> <p>      “အခုကစပြီး ငါတို့ ဘာနဲ့ပဲ ရင်ဆိုင်ရပါစေ... ငါရယ်၊ အရှင်ပိုင်လီရယ်၊ ခေါင်းဆောင်ဒုံကော်နဲ့ ဂိုဏ်းချုပ်ဟယ်တို့ကလွဲပြီး ကျန်တဲ့သူတွေ အားလုံး မဆင်မခြင် မလုပ်ကြဖို့ မျှော်လင့်တယ်... ငါတို့ အနားမှာပဲ နေကြပါ” </p> <p>       လူတိုင်း စုဝေးလာသည်နှင့် တစ်ပြိုင်နက် ဝေ့ဆော်က အမိန့်ပေးလိုက်သည်။   </p> <p>      ဝေ့ဆော်၏ အစီအစဉ်ကို မည်သူမျှ ကန့်ကွက်ခြင်း မရှိကြပေ။   </p> <p> </p> <p>      အဆုံး၌ ဒုတိယစမ်းသပ်မှုမှာ အသက်ရှင်သန်ရေးအတွက်သာ ဖြစ်သည်။ စမ်းသပ်မှုများကို မည်မျှ လျင်မြန်စွာ အောင်မြင်နိုင်သည်ဆိုသည့်အချက်အပေါ် မူတည်နေခြင်း မဟုတ်ပေ။   </p> <p>      သူတို့ လုပ်ရမည့်အရာမှာ အခြား အဖွဲ့နှစ်ဖွဲ့ထဲမှ တစ်ယောက်ယောက် သေဆုံးသွားသည်အထိ တတ်နိုင်သမျှ ကြာရှည်စွာ တောင့်ခံထားရန်  ဖြစ်သည်။   </p> <p> </p> <p>      လာမည့် စမ်းသပ်မှုများကို ရင်ဆိုင်ရန် အဖွဲ့ထဲရှိ အသန်မာဆုံး လူလေးယောက် ပူးပေါင်းလိုက်ခြင်းက အကောင်းဆုံးပင် ဖြစ်သည်။ </p> <p>   </p> <p>      “ရောက်လာပြီ”  </p> <p>      ပိုင်လီက ပြောလိုက်ရာ သွမ့်လင်းထျန်နှင့် အခြားသူများ အံ့အားသင့်သွားကြသည်။   </p> <p> </p> <p>      သူတို့ အားလုံး စိတ်ပူနေကြပြီးသား ဖြစ်သည်။ ပိုင်လီ၏ စကားကို ကြားသောအခါ သူတို့ ပို၍ပင် စိုးရိမ်လာကြသည်။ </p> <p> </p> <p>       ဒုန်း... ဒုန်း... ဒုန်း... ဒုန်း... ဒုန်း...   </p> <p> </p> <p>      တစ်ချိန်တည်းမှာပင် အနီးအနားရှိ နေရာတစ်ခုမှ အသံအုပ်အုပ်ဖြင့် ဗုံတီးသံများ ထွက်ပေါ်လာသည်။ </p> <p> </p> <p> </p> <p style="text-align: center;">***</p>


Save