Book List

<h2 style="text-align: center;">အပိုင်း(၂၄၈၄)</h2> <h2 style="text-align: center;">တစ်ယောက် သေသွားပြီ </h2> <h2 style="text-align: center;">*</h2> <p> </p> <p> </p> <p>      ဗုံတီးသံများ ထွက်ပေါ်လာသည်နှင့်အမျှ ဧရာမဂူကြီးထဲရှိ လေထုထဲမှ ပုံရိပ်များ စတင် ပေါ်ထွက်လာသည်။ ထိုပုံရိပ်များ အားလုံးမှာ ရှည်လျားကြသည်။ အနီးကပ် ကြည့်လိုက်ပါက သူတို့သည် ချပ်ဝတ်တန်ဆာ ဝတ်ဆင်ထားသော စစ်သည်များဖြစ်ကြောင်း သိမြင်နိုင်သည်။ ထို့အပြင် သူတို့၏ လက်ထဲတွင် လှံတစ်ချောင်းစီ ကိုင်ဆောင်ထားကြသည်။ </p> <p> </p> <p>      ထိုစစ်သည်များ ပေါ်လာပြီးနောက် သူတို့ တစ်ယောက်စီ၏ အောက်တွင် မြင်းကြီးတစ်ကောင်စီ ပေါ်လာသည်။ </p> <p> </p> <p>      မကြာမီတွင် မြင်းစီးသူရဲတပ်တစ်ခုက ပြီးပြည့်စုံသော တပ်ဖွဲ့ဝင်ပုံစံဖြင့် ပေါ်လာသည်။ လှံကိုင်ဆောင်ထားသော လူများက မြင်းများပေါ်တွင် ထိုင်နေကြသည်။ သူတို့သည် အထင်သေး၍မရသော အင်အားစုတစ်ခုဖြစ်ကြောင်း ထင်ရှားသည်။ </p> <p> </p> <p>      သူတို့သည် တိတ်ဆိတ်ငြိမ်သက်နေသော်လည်း သူတို့၏ တည်ရှိမှုက ပေါ်လွင်ထင်ရှားနေသည်။ </p> <p> </p> <p> </p> <p> </p> <p>      သွမ့်လင်းထျန်က တပ်ဖွဲ့ဝင်ပုံစံနှင့် ရှိနေသော မြင်းစီးသူရဲများကို ကြည့်ကာ သူတို့၏ ပမာဏကို သေချာရေတွက်လိုက်သည်။ </p> <p> </p> <p> </p> <p> </p> <p>      အားလုံးပေါင်း မြင်းစီးသူရဲ တစ်ရာ ရှိတယ်... ဒါ့ပြင် သူတို့ရဲ့ မြင်းတွေက ပုံမှန်မဟုတ်ရုံတင်မကဘူး သာမန်ထက်လည်း ပိုကြီးတယ်... </p> <p> </p> <p>      သွမ့်လင်းထျန်သည် ထိုလူများ စီးနင်းထားသော မြင်းတစ်ရာကို သူ ကြည့်ရင်း တွေးလိုက်သည်။ </p> <p> </p> <p> </p> <p> </p> <p>      နားကွဲလုမတတ် အော်သံတစ်ခု လေထုထဲတွင် ထွက်ပေါ်လာသည်။ </p> <p> </p> <p> </p> <p> </p> <p>      “တိုက်ကြ” </p> <p> </p> <p>      မျက်စိတစ်မှိတ်အတွင်း မြင်းစီးသူရဲတစ်ရာသည် သူတို့၏ တပ်ဖွဲ့ဝင်ပုံစံကို ထိန်းသိမ်းထားရင်း သွမ့်လင်းထျန်နှင့် အခြားသူများဆီသို့ ပြေးဝင်လာကြသည်။ သူတို့ အနီးသို့ ရောက်လာသောအခါ သွမ့်လင်းထျန်နှင့် အခြားသူများကို စတင် ဝိုင်းလိုက်ကြသည်။ </p> <p> </p> <p>      မြင်းများ၏ အမြန်နှုန်းက ၎င်းတို့ ပုံမှန်မဟုတ်ကြောင်း သွမ့်လင်းထျန်၏ ခန့်မှန်းချက်ကို အတည်ပြုပေးလိုက်သည်။ သူတို့၏ အမြန်နှုန်းမှာ သာမန် စိန့်ကောင်းကင် ဒုတိယပုံစံ စွမ်းအားရှင် တစ်ဦးကဲ့သို့ မြန်ဆန်သည်။ </p> <p> </p> <p>      မျက်စိတစ်မှိတ်အတွင်း မြင်းစီးသူရဲတစ်ရာသည် သွမ့်လင်းထျန်နှင့် အခြားသူများ၏ အရှေ့တွင် ပေါ်လာသည်။ သူတို့သည် လျှပ်စီးတန်းများကဲ့သို့ မြန်ဆန်စွာ လှုပ်ရှားကြသည်။ လက်ရှိတွင် သူတို့သည် ဆယ်မီတာခန့်သာ ကွာဝေးတော့သည်။ </p> <p> </p> <p>      သွမ့်လင်းထျန်နှင့် အခြားသူများ သူတို့၏ ရင်ထဲတွင် လေးလံသွားကြသည်။ </p> <p> </p> <p> </p> <p> </p> <p>      ဘုန်း... </p> <p> </p> <p> </p> <p> </p> <p>      ကျယ်လောင်သော ပေါက်ကွဲသံတစ်ခု ထွက်ပေါ်လာပြီးနောက် ပိုင်လီ လှုပ်ရှားလိုက်သည်ကို သွမ့်လင်းထျန် မြင်လိုက်ရသည်။ </p> <p> </p> <p> </p> <p> </p> <p>      ဝှစ်... </p> <p> </p> <p> </p> <p> </p> <p>      ပိုင်လီသည် လေးညှို့မှ ပစ်လွှတ်လိုက်သော မြားတစ်စင်းကဲ့သို့ လေထဲ ပျံတက်သွားပြီး လူတိုင်း၏ အထက်တွင် ဝဲပျံနေသည်။ သူသည် စစ်နတ်ဘုရားတစ်ပါးကဲ့သို့ ခံ့ညားသော ဟန်ပန်ဖြင့် လေထဲတွင် ရပ်နေသည်။ </p> <p> </p> <p>      မကြာမီတွင် ပိုင်လီက သူ၏ လက်အား ပေါ့ပါးစွာ ဝှေ့ယမ်းလိုက်သည်ကို သွမ့်လင်းထျန် မြင်လိုက်ရသည်။ </p> <p> </p> <p> </p> <p> </p> <p>      ဝီ... </p> <p> </p> <p> </p> <p> </p> <p>      ထိုအချိန်တွင် လေထုထဲ၌ ဓားအော်သံတစ်ခု ခေတ္တမျှ ထွက်ပေါ်လာပြီး ဓားအလင်းတန်းတစ်ခု ပေါ်လာသည်။ ၎င်း၏ အမြန်နှုန်းမှာ အလွန် မြန်ဆန်လွန်းလှသဖြင့် သွမ့်လင်းထျန်သည် အရိပ်အယောင်ကိုပင် မမြင်လိုက်ရပေ။ </p> <p> </p> <p> </p> <p> </p> <p>       မြန်လိုက်တာ... </p> <p> </p> <p>      အံ့အားသင့်မှုကြောင့် သွမ့်လင်းထျန်၏ မျက်လုံးများ ပြူးကျယ်သွားသည်။  အလွန်မြန်ဆန်လွန်းသောကြောင့် ပိုင်လီ၏ ဓားအလင်းတန်းကို သူ မမြင်နိုင်ခြင်းဖြစ်ကြောင်း သူ ကောင်းကောင်း သိသည်။ သူသည် စိန့်ကောင်းကင် အဆင့်သို့ ရောက်ရှိနေပြီ ဖြစ်သော်လည်း စိန့်ကောင်းကင် တတိယပုံစံသို့ မချိုးဖောက်ရသေးသဖြင့် သူ၏ ဝိညာဉ်မျက်လုံးများကို မဖွင့်ရသေးပေ။ ထို့ကြောင့် သူ၏ အမြင်အာရုံမှာ အတော်လေး အားနည်းနေသေးသည်။ </p> <p> </p> <p>      ပိုင်လီသည် စိန့်ကောင်းကင် အဋ္ဌမပုံစံ စွမ်းအားရှင် မဟုတ်ဘဲ စိန့်ကောင်းကင် သတ္တမပုံစံတွင်သာ ရှိနေမည်ဆိုပါလျှင်လည်း သွမ့်လင်းထျန်သည် သူ၏ လှုပ်ရှားမှုများကို ကောင်းကောင်းမြင်နိုင်မည် မဟုတ်ပေ။ </p> <p> </p> <p> </p> <p> </p> <p>      ရွှပ်... ရွှပ်... ရွှပ်... </p> <p> </p> <p> </p> <p> </p> <p>      တစ်ချိန်တည်းမှာပင် နားကွဲလုမတတ် ဓားခုတ်သံများ သွမ့်လင်းထျန်၏ နားထဲသို့ ဝင်ရောက်လာရာ သူ ချက်ချင်း သတိပြန်ဝင်လာသည်။ အသံထွက်ပေါ်လာရာဆီသို့ သူ အလိုအလျောက် လှည့်ကြည့်လိုက်သည်။ သူတို့ကို ဝန်းရံထားသော မြင်းစီးသူရဲတစ်ရာစလုံး ခါးလယ်မှနေ၍ နှစ်ပိုင်း ပိုင်းဖြတ်ခံလိုက်ရသည်ကို သူ မြင်လိုက်ရသည်။ မျက်စိတစ်မှိတ်အတွင်းမှာပင် မြင်းစီးသူရဲတစ်ရာလုံး ပျောက်ကွယ်သွားကြသည်။ </p> <p> </p> <p> </p> <p> </p> <p>      ယခင် စမ်းသပ်မှုများတွင် သူ သတ်ဖြတ်ခဲ့သော လူများနှင့် သားရဲများမှာလည်း သေဆုံးသည်နှင့် တစ်ပြိုင်နက် ပျောက်ကွယ်သွားခဲ့သောကြောင့် သွမ့်လင်းထျန်သည် သူတို့ ပျောက်ကွယ်သွားသည့်အပေါ်  မအံ့သြပေ။ အကြီးအကဲဟော်၏ အဆိုအရ ထိုလူများနှင့် သားရဲများ အားလုံးသည် လောကငယ်ထဲရှိ အစီအရင်တစ်ခု၏ စွမ်းအင်မှ ဖြစ်တည်လာခြင်း ဖြစ်သည်။ သူတို့သည် အစွမ်းထက်သော်လည်း အသတ်ခံရသည်နှင့် တစ်ပြိုင်နက် သဲလွန်စမရှိ ပျောက်ကွယ်သွားကြမည် ဖြစ်သည်။ </p> <p> </p> <p> </p> <p> </p> <p>      စိန့်ကောင်းကင် အဋ္ဌမပုံစံ စွမ်းအားရှင် တစ်ယောက်ရဲ့ စွမ်းအားက တကယ်ကို အံ့မခန်းပဲ... </p> <p> </p> <p>      သွမ့်လင်းထျန်  ပိုင်လီကို တုန်လှုပ်စွာဖြင့် ကြည့်လိုက်သည်။ သူ တကယ်ကို လေးစားသွားသည်။ </p> <p> </p> <p> </p> <p> </p> <p>      မြင်းစီးသူရဲ တစ်ယောက်ရဲ့ အော်ရာကတင် ငါ့ကို ခြိမ်းခြောက်နိုင်စွမ်း ရှိတယ်... ဆိုလိုတာက မြင်းစီးသူရဲတွေရဲ့ စွမ်းအားက စိန့်ကောင်းကင် ဒုတိယပုံစံ ဒါမှမဟုတ် အထက်အဆင့် စွမ်းအားရှင် တစ်ယောက်ရဲ့ စွမ်းအားနဲ့ ညီမျှတယ်... </p> <p> </p> <p>      သွမ့်လင်းထျန် ဤအချက်ကို အလွန် သေချာနေသည်။ </p> <p> </p> <p> </p> <p> </p> <p>      အကယ်၍ မြင်းစီးသူရဲများမှာ စိန့်ကောင်းကင် ပထမပုံစံ စွမ်းအားရှင် တစ်ဦးနှင့်သာ ညီမျှပါက သွမ့်လင်းထျန် ဖိအားကို ခံစားရမည် မဟုတ်ပေ။ အဆုံး၌ သူ၏ ကျင့်ကြံမှုအခြေခံက စိန့်ကောင်းကင် ပထမပုံစံ အထွတ်အထိပ်အဆင့်သို့ ရောက်ရှိနေပြီ ဖြစ်သည်။ </p> <p> </p> <p> </p> <p> </p> <p>      ခဏအကြာတွင် ဒုတိယလှိုင်း ပေါ်လာသည်။ </p> <p> </p> <p>      ဤတစ်ကြိမ်တွင် အမှောင်နယ်မြေဂိုဏ်း၏ လင်းနို့စိမ်းဘုရင် ဝေ့ဆော်သည် ပိုင်လီ လှုပ်ရှားသည်အထိ မစောင့်တော့ပေ။ ပေါ်လာသော ဧရာမ သားရဲကြီးများကို ရှင်းလင်းရန် သူက ဦးဆောင်လိုက်သည်။ သားရဲများ အားလုံးကို သတ်ရန် အသက်ရှိုက်အနည်းငယ် အချိန်သာ ယူလိုက်ရသည်။ စိန့်ကောင်းကင် သတ္တမပုံစံ စွမ်းအားရှင် တစ်ယောက်၏ စွမ်းအားမှာလည်း တကယ်ကို အစွမ်းထက်သည်။ </p> <p> </p> <p> </p> <p> </p> <p>      ယင်းနောက်တွင် တတိယလှိုင်း ရောက်လာသည်။ </p> <p> </p> <p> </p> <p> </p> <p>      တတိယလှိုင်းကို ဖြတ်ကျော်ပြီးနောက် စတုတ္ထလှိုင်း ရောက်လာသည်။ </p> <p> </p> <p> </p> <p> </p> <p>      အစပိုင်းတွင် ဝေ့ဆော် တစ်ယောက်တည်းက ဖြေရှင်းနေခဲ့သည်။ သို့သော်လည်း အချိန်ကြာလာသည်နှင့်အမျှ ဝေ့ဆော်သည် ဖိအား အနည်းငယ်ကို စတင် ခံစားလာရသည်။ ထိုအချိန်တွင် ပိုင်လီက ရှေ့ထွက်လာပြီး သူ့ကို ကူညီပေးခဲ့သည်။ သူတို့ ပူးပေါင်းလိုက်သည်နှင့် တစ်ပြိုင်နက် ပြိုင်ဘက်များကို ကိုင်တွယ်ဖြေရှင်းရန် သူတို့အတွက် ပို၍ လွယ်ကူသွားသည်။ သို့တိုင်အောင် အချိန်အတန်ကြာပြီးနောက် သူတို့ ပူးပေါင်းထားသော်လည်း ပို၍ ခက်ခဲလာခဲ့သည်။ </p> <p> </p> <p>      ထိုအချိန်တွင် ဝေ့ဆော်က အော်လိုက်သည်။ </p> <p> </p> <p> </p> <p> </p> <p>      “ခေါင်းဆောင်ဒုံကော်... ဂိုဏ်းချုပ်ဟယ်” </p> <p> </p> <p>      ၎င်းမှာ အကူအညီပေးရန် သူတို့ကို သတိပေးလိုက်ခြင်း ဖြစ်သည်။ </p> <p> </p> <p> </p> <p> </p> <p>      ဒုံကော်ယီနှင့် ဟယ်ဖေးယီတို့ တိုက်ပွဲထဲ ဝင်ပါလာသောအခါ ပို၍ ထိန်းချုပ်နိုင်လာသည်။ </p> <p> </p> <p> </p> <p> </p> <p>      သူတို့သည် အခက်အခဲမရှိဘဲ လှိုင်းတစ်ခုပြီးတစ်ခုကို အောင်မြင်စွာ ဖြတ်ကျော်နိုင်ခဲ့ကြသည်။ </p> <p> </p> <p> </p> <p> </p> <p>      စိန့်ကောင်းကင် အဋ္ဌမပုံစံနှင့် သတ္တမပုံစံ စွမ်းအားရှင်များအပြင် စိန့်ကောင်းကင် ဆဋ္ဌမပုံစံ စွမ်းအားရှင် နှစ်ယောက် ပခုံးချင်းယှဉ် တိုက်ခိုက်သောအခါ နောက်ဆက်တွဲ လှိုင်းများကို လွယ်ကူစွာ ကိုင်တွယ်ဖြေရှင်းနိုင်ခဲ့ကြသည်။ </p> <p> </p> <p> </p> <p> </p> <p>      အချိန်များ ဆက်လက် ကုန်ဆုံးသွားသည်။ </p> <p> </p> <p> </p> <p> </p> <p>      သို့သော်လည်း ကြာလာတော့ ပူးပေါင်းထားသော ပိုင်လီ၊ ဝေ့ဆော်၊ ဒုံကော်ယီနှင့် ဟယ်ဖေးယီတို့သည် ဖိအားကို စတင် ခံစားလာရသည်။ တစ်ခါတစ်ရံ ပြိုင်ဘက် တစ်ယောက် သို့မဟုတ် နှစ်ယောက်က သူတို့ကို ကျော်ဖြတ်ကာ သွမ့်လင်းထျန်နှင့် အခြားသူများကို တိုက်ခိုက်လာကြသည်။ ထိုအချိန်တွင် အခြားသူများက မိမိကိုယ်ကို ကာကွယ်ရန် တိုက်ခိုက်ရသည်။ </p> <p> </p> <p>      သဘာဝကျကျပင် ဤအခြေအနေမျိုးအောက်တွင် သွမ့်လင်းထျန် ကူညီရန် အဆင်မပြေပေ။ သူ၏ စွမ်းအားကို စိန့်ကောင်းကင် စတုတ္ထပုံစံသို့ မြှင့်တင်ရန်အတွက် နဂါးသွဲ့ကျောက်ဓားကို ပေါ်တင် အသုံးမပြုနိုင်ပေ။ </p> <p> </p> <p>      အစပိုင်းတွင် သွမ့်လင်းထျန် ဘေးဖယ်ရပ်နေခြင်းမှာ အဆင်ပြေသေးသည်။ သို့သော်လည်း အချိန်ကြာလာသည်နှင့်အမျှ ဖိအားများ မြင့်တက်လာသည်။ </p> <p> </p> <p> </p> <p> </p> <p>      “တခြား အဖွဲ့နှစ်ဖွဲ့က တစ်ယောက်မှ မသေသေးဘူးလား” </p> <p> </p> <p>      သွမ့်လင်းထျန်အနီးတွင် ရပ်နေသော ဂိုဏ်းမဲ့ကျင့်ကြံသူ တစ်ယောက်က မည်းမှောင်သောအမူအရာဖြင့် ပြောလိုက်သည်။ အဖွဲ့နှစ်ဖွဲ့ထဲက တစ်ဖွဲ့ဖွဲ့မှ တစ်ယောက်ယောက် မြန်မြန် သေသွားစေရန် သူ ဆုတောင်းနေသည်။ </p> <p> </p> <p> </p> <p> </p> <p>      ယင်းကဲ့သို့ ဖြစ်လာသည်နှင့် တစ်ပြိုင်နက် သူတို့ အဖွဲ့သည် ဒုတိယစမ်းသပ်မှုကို အောင်မြင်ပြီး နောက်တစ်ဆင့်သို့ ဆက်သွားနိုင်မည် ဖြစ်သည်။ </p> <p> </p> <p> </p> <p> </p> <p>      ဝှစ်... </p> <p> </p> <p> </p> <p> </p> <p>      ရုတ်တရက် ကျယ်လောင်သော လေတိုးသံတစ်ခု သွမ့်လင်းထျန်အနီးတွင် ထွက်ပေါ်လာသည်။ ကံမကောင်းစွာဖြင့် အခြားသူများမှာ အလုပ်ရှုပ်နေကြသဖြင့် သူ့ကို မကူညီနိုင်ကြပေ။ သူ့ဆီသို့ ပြေးဝင်လာသော သားရဲမှာ အတော်လေး အားနည်းသော သားရဲတစ်ကောင် ဖြစ်သည်။ သို့သော်လည်း ၎င်းမှာ အခြား ဧရာမ သားရဲကြီးများနှင့် နှိုင်းယှဉ်ပါကသာ အားနည်းခြင်း ဖြစ်သည်။ ဤသားရဲ၏ စွမ်းအားမှာ တကယ်တမ်းတွင် စိန့်ကောင်းကင် စတုတ္ထပုံစံ စွမ်းအားရှင် တစ်ဦးနှင့် နှိုင်းယှဉ်နိုင်သည်။ </p> <p> </p> <p> </p> <p> </p> <p>      ဒီသားရဲက အရင်က ငါ သတ်ခဲ့တဲ့ နှစ်တစ်ထောင် မဟာမိတ်အဖွဲ့က အကြီးအကဲ ဝမ်တိန့်ရှန်းထက်တောင် ပိုအစွမ်းထက်တယ်... </p> <p> </p> <p>      သားရဲကြီးက သူ၏ဆီသို့ ဒေါသတကြီး ပြေးဝင်လာသည်ကို မြင်သောအခါ သွမ့်လင်းထျန်၏ မျက်နှာ ပျက်ယွင်းသွားသည်။ </p> <p> </p> <p>      သွမ့်လင်းထျန်သည် ကောင်းကင်အဓိပတိရတနာ စကြဝဠာပေတံကို ကိုင်ထားသော သူ၏ လက်ကို ချက်ချင်း မြှောက်လိုက်သည်။ သူ လှုပ်ရှားလိုက်စဉ် သူ၏ အင်္ကျီလက်စများက လှုပ်ယမ်းသွားသည်။ </p> <p> </p> <p>      ဧရာမ သားရဲကြီး သွမ့်လင်းထျန်ထံသို့ ရောက်လာသည်နှင့် တစ်ပြိုင်နက် သူတို့ ပတ်လည်ရှိ လေဟာနယ်က စတင်၍ လှိုင်းထကာ ပုံပျက်သွားသည်။ </p> <p> </p> <p> </p> <p> </p> <p>      “စကြဝဠာ နေရာရွှေ့ပြောင်းခြင်း” </p> <p> </p> <p>      သွမ့်လင်းထျန်သည် စကြဝဠာပေတံမှ နတ်ဘုရားစွမ်းရည်ကို အသုံးပြုရန် တုံ့ဆိုင်းမနေခဲ့ပေ။ သို့သော်လည်း ယင်းက သားရဲကို အနည်းငယ်သာ နှေးကွေးသွားစေသည်။ </p> <p> </p> <p> </p> <p> </p> <p>      ထို့နောက် သွမ့်လင်းထျန်သည် သူ၏ နေသူတော်စင်မူရင်းစွမ်းအင်ကို မြှင့်တင်ရန် အကူအညီအမျိုးအစား နတ်ဘုရားစွမ်းရည်ကို လျင်မြန်စွာ အသုံးပြုလိုက်သည်။ </p> <p> </p> <p> </p> <p> </p> <p>      “ဒြပ်စင်ဝါးမျိုခြင်းနည်းစနစ်” </p> <p> </p> <p>      ထိုအခါမှသာ သွမ့်လင်းထျန်၏ နေသူတော်စင်မူရင်းစွမ်းအင်က စိန့်ကောင်းကင် တတိယပုံစံသို့ မြင့်တက်သွားသည်။ </p> <p> </p> <p>      စကြဝဠာ နေရာရွှေ့ပြောင်းခြင်းကြောင့် သွမ့်လင်းထျန်၏ ပတ်ဝန်းကျင် ပုံပျက်သွားခြင်းနှင့် အခြားသူများ အလုပ်ရှုပ်နေကြခြင်းကြောင့် သူ ဒြပ်စင်ဝါးမျိုခြင်းနည်းစနစ်အား အသုံးပြုလိုက်သည်ကို မည်သူမျှ သတိမထားမိကြပေ။ </p> <p> </p> <p>      မကြာမီတွင် ဧရာမ သားရဲကြီးသည် စကြဝဠာ နေရာရွှေ့ပြောင်းခြင်း၏ ထိန်းချုပ်မှုမှ ရုန်းထွက်ကာ သွမ့်လင်းထျန်ဆီသို့ ဆက်လက် ပြေးဝင်လာသည်။ ၎င်းသည် သွမ့်လင်းထျန်ကို ဝါးမျိုပစ်တော့မည့်အလား သွေးစွန်းနေသော ပါးစပ်ကြီးကို ဟထားသည်။ </p> <p> </p> <p> </p> <p> </p> <p>      ရွှပ်... </p> <p> </p> <p> </p> <p> </p> <p>      ထိုအချိန်တွင် နောက်ထပ် ကောင်း‌ကင်အဓိပတိရတနာတစ်ခု သွမ့်လင်းထျန်၏ လက်ထဲတွင် ပေါ်လာသည်။ ၎င်းမှာ နဂါးသွဲ့ကျောက်ဓား ဖြစ်သည်။ သွမ့်လင်းထျန်သည် အကြွင်းမဲ့ဓားနှလုံးသား၏ တတိယအဆင့်ကို အသုံးပြု၍ နဂါးသွဲ့ကျောက်ဓားကို ကိုင်လိုက်သည်။ နဂါးသွဲ့ကျောက်ဓားက သူ့အလိုလို ချက်ချင်း ပျံထွက်သွားသည်။ ၎င်းက အရာအားလုံးကို ထိုးဖောက်သွားနိုင်သည့်ပုံ ရသည်။ သားရဲကြီးက မည်မျှပင် အစွမ်းထက်နေစေကာမူ ၎င်းသည် ဓားဖြင့် နှစ်ပိုင်း ပိုင်းဖြတ်ခံလိုက်ရဆဲ ဖြစ်သည်။ မကြာမီတွင် ၎င်းသည် သဲလွန်စမရှိ ပျောက်ကွယ်သွားသည်။ </p> <p> </p> <p>      တစ်ချက်တည်းဖြင့် လူတိုင်း၏ ရင်ထဲသို့ အကြောက်တရားများ ဝင်ရောက်သွားစေသည်။ </p> <p> </p> <p> </p> <p> </p> <p>      ကျန်နေသေးတဲ့ ငါ့ရဲ့ နေသူတော်စင်မူရင်းစွမ်းအင်နဲ့ဆိုရင် အဲဒီ တိုက်ကွက်ကို နောက်တစ်ကြိမ်ပဲ ထပ်သုံးနိုင်တော့မယ်... ဒါပေမဲ့ အဲဒီ တိုက်ကွက်ကို ထပ်သုံးလိုက်ရင် ငါ့ရဲ့ နေသူတော်စင်မူရင်းစွမ်းအင်တွေ အားလုံး ကုန်ခမ်းသွားလိမ့်မယ်... နောက်ထပ် ပြိုင်ဘက် တစ်ယောက်နဲ့ တွေ့ရင် ငါ လုံး၀ သေရမှာပဲ... </p> <p> </p> <p>      ဤအခိုက်အတန့်တွင် သွမ့်လင်းထျန် မျှော်လင့်ချက်မဲ့သွားသလို ခံစားလိုက်ရသည်။ </p> <p> </p> <p> </p> <p> </p> <p>      ရုတ်တရက်... </p> <p> </p> <p> </p> <p> </p> <p>      “မဟုတ်ဘူး” </p> <p> </p> <p>      နာကျင်ကြေကွဲဖွယ် အော်သံတစ်ခု ထွက်ပေါ်လာရာ သွမ့်လင်းထျန် ကျောချမ်းသွားသည်။ သူ အလိုအလျောက် အသံထွက်ပေါ်လာရာဆီသို့ လှည့်ကြည့်လိုက်ရာ မေ့လျော့မြေမှုန့်ဂိုဏ်း၏ ဂိုဏ်းချုပ် ဟယ်ဖေးယီထံမှ ဖြစ်ကြောင်း တွေ့ရှိလိုက်ရသည်။ </p> <p> </p> <p>      လက်ရှိတွင် ဟယ်ဖေးယီသည် နေရာတစ်ခုကို ကြည့်ကာ အော်ဟစ်လိုက်သည်။ </p> <p> </p> <p> </p> <p> </p> <p>      “မဟုတ်ဘူး” </p> <p> </p> <p>      ဟယ်ဖေးယီ၏ အကြည့်နောက်သို့ လိုက်ကြည့်လိုက်သောအခါ သွမ့်လင်းထျန်နှင့် လူတိုင်း၏ နှလုံးသားများ တုန်ခါသွားကြသည်။ </p> <p> </p> <p>      ဂိုဏ်းမဲ့ကျင့်ကြံသူ တစ်ယောက်သည် ဧရာမ သားရဲကြီး တစ်ကောင်၏ သတ်ဖြတ်ခြင်း ခံလိုက်ရသည်။ </p> <p> </p> <p> </p> <p> </p> <p>      “တစ်ယောက် သေသွားပြီ” </p> <p> </p> <p>      ပိုင်လီနှင့် ဝေ့ဆော်တို့၏ မျက်နှာအမူအရာများ ကြီးမားစွာ ပြောင်းလဲသွားသည်။ သူတို့ နှစ်ယောက်စလုံး အလွန် အစွမ်းထက်ကြသော်လည်း သူ့ကို အချိန်မီ မကယ်တင်နိုင်ခဲ့ကြပေ။ </p> <p> </p> <p>      နှစ်တစ်ထောင် မဟာမိတ်အဖွဲ့ခေါင်းဆောင် ဒုံကော်ယီ၏ မျက်နှာ သွေးဆုတ်ဖြူရော်သွားသည်။ သူ၏ မျက်လုံးများထဲတွင် မျှော်လင့်ချက်မဲ့မှုများကို မြင်တွေ့နိုင်သည်။ </p> <p> </p> <p>      ဒုတိယစမ်းသပ်မှု၏ စည်းမျဉ်းအရ အဖွဲ့ထဲမှ တစ်ယောက် သေဆုံးသွားသည်နှင့် တစ်ပြိုင်နက် လူတိုင်း အသတ်ခံရမည် ဖြစ်သည်။ </p> <p> </p> <p> </p> <p> </p> <p style="text-align: center;">***</p>


Save