Book List

<h2 style="text-align: center;">အပိုင်း(၂၄၈၉)</h2> <h2 style="text-align: center;">ကြောက်ခမန်းလိလိ အကြံအစည် </h2> <h2 style="text-align: center;">*</h2> <p> </p> <p> </p> <p>      စိန့်ကောင်းကင် နဝမပုံစံ စွမ်းအားရှင် တစ်ယောက် ချန်ထားခဲ့သည့် ရတနာသိုက်ဟု သူတို့ ထင်ခဲ့သော လောကငယ်မှာ သိုင်းတာအိုသူတော်စင်နယ်မြေမှ လူသားစွမ်းအားရှင်များအတွက် မိစ္ဆာသုံးကောင် ဖန်တီးခဲ့သည့် ထောင်ချောက်တစ်ခု ဖြစ်နေလိမ့်မည်ဟု မန်ဟောင်နှင့် အခြားသူများ မမျှော်လင့်ထားခဲ့ကြပေ။ အကယ်၍ သူတို့သာ ဤအကြောင်းကို သိခဲ့ပါက သူတို့ မည်မျှပင် သတ္တိရှိနေပါစေ ဤလောကငယ်ထဲသို့ ဝင်လာခဲ့ကြမည် မဟုတ်ပေ။ </p> <p> </p> <p>      “ဒါ ဘယ်လိုလုပ် ဖြစ်နိုင်မှာလဲ” </p> <p> </p> <p>      “သူ... သူက ဘယ်လိုလုပ် မိစ္ဆာတစ်ကောင် ဖြစ်နေရတာလဲ” </p> <p> </p> <p>      “ဒီလောကငယ်ကို မိစ္ဆာသုံးကောင်က ဖန်တီးခဲ့တာလား” </p> <p> </p> <p>      “တကယ်လို့ ဒီလောကငယ်ကို တကယ် မိစ္ဆာတွေ ဖန်တီးခဲ့တာဆိုရင် သူတို့က ငါတို့ကို ကစားနေတာ ဖြစ်ဖို့ များတယ်” </p> <p> </p> <p>      “သူတို့က ငါတို့ကို ကစားနေရုံတင်မကဘူး... ငါတို့ကို သတ်ဖို့ ရည်ရွယ်ထားတာ” </p> <p> </p> <p>      တတိယစမ်းသပ်မှုကို အောင်မြင်လောက်အောင် ကံကောင်း ခဲ့သော ဤလူများမှာ ဝမ်းမသာနိုင်တော့ပေ။ ဤအခိုက်အတန့်တွင် သူတို့သည် အကြောက်တရားကိုသာ ခံစားနေရသည်။ </p> <p>      အကယ်၍ ကျန်တုံကျိက မိစ္ဆာတစ်ကောင် ဖြစ်နေပါက သူတို့ကို သေချာပေါက် ချမ်းသာပေးမည် မဟုတ်ပေ။ </p> <p> </p> <p>      “လူသား မိစ္ဆာ ခေတ်ကာလတုန်းက ငါနဲ့ ငါ့သူငယ်ချင်းတွေက သာမန်မိစ္ဆာတွေပဲ”  </p> <p>     ကျန်တုံကျိ၏ အသံတွင် နာကျင်သောခံစားချက် အရိပ်အယောင်တစ်ခု  ပါဝင်နေပြီး ဆက်ပြောလိုက်သည်။ </p> <p>      “သိုင်းတာအိုသူတော်စင်နယ်မြေက လူသားစွမ်းအားရှင်တွေရဲ့ လက်ချက်နဲ့ မိစ္ဆာမျိုးနွယ်တွေ ရှုံးနိမ့်သွားပြီးတဲ့နောက်မှာ အပယ်နှင်လောကကို ပြန်မသွားနိုင်တဲ့ မိစ္ဆာတွေကို လူသားတွေက ဆက်လက် သတ်ဖြတ်ခဲ့ကြတယ်... ငါ့တို့မျိုးနွယ်တွေ လူသားတွေရဲ့ သတ်ဖြတ်တာ ခံရပြီး သေဆုံးသွားတာကို ငါ ကြည့်နေခဲ့ရတယ်... သူတို့ ဘယ်လို အသတ်ခံခဲ့ရတယ်ဆိုတာကို ငါ ဘယ်တော့မှ မေ့မှာ မဟုတ်ဘူး... ငါ ကံကောင်းလို့ အသက်ရှင်ကျန်ရစ်ခဲ့ပြီး နောက်ထပ် အဖော်ဆယ်ယောက်ကို တွေ့ခဲ့တယ်... ဒါပေမဲ့ နောက်ပိုင်းနှစ်တွေမှာ တချို့က အသတ်ခံရပြီး တချို့က အိုမင်းပြီး သေဆုံးသွားကြတယ်... နောက်ဆုံးမှာတော့ ငါနဲ့ တခြား မိစ္ဆာနှစ်ယောက်ပဲ စိန့်ကောင်းကင် သတ္တမပုံစံကို ချိုးဖောက်နိုင်ခဲ့တယ်... ဒါက ငါတို့ကို အသက်ရှည်စေခဲ့တယ်... ငါတို့က လူသားတွေရဲ့ အာရုံစိုက်မှုကနေ လွတ်မြောက်နိုင်ခဲ့ပြီး စိန့်ကောင်းကင် နဝမပုံစံကို ချိုးဖျက်ပြီး ဒေဝတာဘုံကို မတက်ခင် ကောင်းကင်ကပ်ဘေးကို ကျော်ဖြတ်နိုင်ခဲ့တယ်” </p> <p>      ကျန်တုံကျိ ခဏတာ ရပ်တန့်သွားပြီးနောက် ဆက်ပြောလိုက်သည်။ </p> <p>      “ဒါပေါ့... ငါတို့ အလိုချင်ဆုံး အရာက အပယ်နှင်လောက၊ ဒါမှမဟုတ် မင်းတို့ လူသားတွေ ခေါ်တဲ့ အပယ်နှင်နယ်မြေကို ပြန်သွားဖို့ပဲ... ဒါပေမဲ့ လူသားစွမ်းအားရှင် တချို့က မိစ္ဆာတွေက သူတော်စင်စီရင်စုလောကလို့ ခေါ်တဲ့ သိုင်းတာအိုသူတော်စင်နယ်မြေနဲ့ အပယ်နှင်လောကကြားက ဟင်းလင်းပြင်အတားအဆီးအက်ကွဲကြောင်းကို ပိတ်ဆို့ခဲ့တယ်... ဒါကြောင့် ငါတို့ ပြန်သွားလို့ မရခဲ့ဘူး” </p> <p>      မန်ဟောင်နှင့် အခြားသူများ၏ မျက်နှာအမူအရာများ ဆက်တိုက် ပြောင်းလဲသွားကြသည်။ ကျန်တုံကျိ စကားပြောသောအခါ သူ၏ အသံထဲတွင် နက်ရှိုင်းသော အမုန်းတရားများကို ခံစားနိုင်သည်။ သူ သူတို့ကို ချမ်းသာပေးမည်မဟုတ်ကြောင်းကို သူတို့ ကောင်းကောင်း သိလိုက်သည်။ </p> <p> </p> <p>      “ပြေးကြ... ငါတို့ ဒီနေရာကနေ ထွက်သွားရမယ်” </p> <p>      မကြာမီတွင် မန်ဟောင်နှင့် အခြားသူများ ဆုံးဖြတ်ချက်တစ်ခု ချလိုက်ကြသည်။ </p> <p> </p> <p>      လက်ရှိတွင် သူတို့ အားလုံး ကန့်သတ်နေရာလွတ်ထဲတွင် ပိတ်မိနေကြသည်။ ထွက်ပေါက် မရှိပေ။ </p> <p> </p> <p>      ဝှစ်... ဝှစ်... ဝှစ်... ဝှစ်... ဝှစ်... </p> <p> </p> <p>      မန်ဟောင်နှင့် အခြားသူများ ဤနေရာမှ ထွက်သွားရန် လမ်းရှာဖို့ လူစုခွဲလိုက်သောအခါ လေတိုးသံများ ထွက်ပေါ်လာသည်။ သူတို့သည် စောစောက ထွက်ပေါက်ကို ရှာဖွေရန် ကြိုးစားခဲ့သော်လည်း သေချာ မရှာဖွေခဲ့ကြပေ။ ဘာပဲဖြစ်ဖြစ် သူတို့ အသတ်ခံရမည်ဟု မထင်ခဲ့ကြပေ။ သို့သော်လည်း ကျန်တုံကျိ၏ စကားများအရ သူတို့ ဤနေရာတွင် ဆက်နေပါက အသက်ရှင်နိုင်မည်မဟုတ်ကြောင်း ထင်ရှားသည်။ </p> <p> </p> <p>      ဘုန်း... ဘုန်း... ဘုန်း... ဘုန်း... ဘုန်း... </p> <p> </p> <p>      မန်ဟောင်နှင့် အခြားသူများ ထွက်ပေါက်ရှာရန် ကျရှုံးသွားပြီးနောက် သူတို့ အားလုံးသည် သူတို့၏ စွမ်းအားများဖြင့် အတင်းအကျပ် ဖောက်ထွက်ရန် စတင် ကြိုးစားကြသည်။ သို့သော်လည်း သူတို့၏ လက်သီးချက်များ၊ ကန်ချက်များနှင့် နည်းစနစ်များ ကျရောက်သည်နှင့် တစ်ပြိုင်နက် နေရာလွတ်က ထိုစွမ်းအားများကို စုပ်ယူသွားသည်။ </p> <p> </p> <p>      “ဒုက္ခပဲ... ဒီနေရာက ငါတို့ အရင်က ရှိခဲ့တဲ့ ကန့်သတ်နေရာလွတ် အသေးလေးနဲ့ တူတယ်... ဒါက ငါတို့ရဲ့ စွမ်းအင်တွေကို စုပ်ယူနိုင်တယ်၊ ဒါမှမဟုတ် ငါတို့ရဲ့ စွမ်းအင်တွေက သူ့ကို ဖြတ်သန်းသွားနိုင်တယ်၊ ဒါပေမဲ့ ငါတို့ရဲ့ ခန္ဓာကိုယ်တွေကတော့ ဒီမှာ ပိတ်မိနေလိမ့်မယ်” </p> <p>      ထိုအချိန်တွင် သူတို့ အားလုံး သတိပြန်ဝင်လာပြီး သူတို့ လောကငယ်ထဲသို့ ပထမဆုံး ဝင်ရောက်လာကာ ပထမဆုံး စမ်းသပ်မှုအတွဲများနှင့် ကြုံတွေ့ရစဉ်က လူကြီး နှစ်ယောက်ခန့်သာ ဆံ့သော နေရာလွတ် အသေးလေးကို ပြန်လည် သတိရသွားကြသည်။ ထိုနေရာတွင် သူတို့၏ စွမ်းအင်များက နေရာလွတ်ကို ဖြတ်သန်းသွားနိုင်သော်လည်း သူတို့၏ ခန္ဓာကိုယ်များမှာမူ မဖြတ်သန်းနိုင်ခဲ့ပေ။ </p> <p> </p> <p>      လူတိုင်း၏ မျက်နှာအမူအရာများ ချက်ချင်း ပြောင်းလဲသွားသည်။ </p> <p> </p> <p>      တစ်ချိန်တည်းမှာပင် မန်ဟောင်နှင့် အခြားသူများ အသေအလဲ ထွက်ပေါက်ရှာနေကြစဉ် ကျန်တုံကျိက ဆက်ပြောနေသည်။ </p> <p>      “အမဲလိုက်ခံရတာကို ရှောင်လွှဲဖို့အတွက် ငါနဲ့ ငါ့သူငယ်ချင်းတွေက မင်းတို့ရဲ့ သူတော်စင်စီရင်စုလောကထဲက မော်တယ်တိုက်မှာ ပုန်းအောင်းခဲ့တယ်... ကျင့်ကြံဖို့ အချိန်ပိုကြာပေမဲ့ အဲဒီနေရာက ပိုလုံခြုံတယ်လေ... အဲဒီလိုနဲ့ သိုင်းတာအိုသူတော်စင်နယ်မြေ နှစ်ပိုင်း ကွဲသွားတဲ့အချိန်မှာ ငါတို့ စိန့်ကောင်းကင် နဝမပုံစံကို ရောက်ပြီး ကောင်းကင်ကပ်ဘေးကို ကျော်ဖြတ်နိုင်တဲ့အထိ ဆက်ပြီး ကျင့်ကြံနေခဲ့ကြတယ်... နောက်ဆုံးမှာတော့ ဒေဝတာဘုံကို တက်လှမ်းပြီး သူတော်စင်စီရင်စုလောကကနေ ထွက်ခွာဖို့ ငါတို့ရဲ့ အိပ်မက်ကို အကောင်အထည်ဖော်နိုင်ခဲ့တယ်... ပြီးတော့ ဒေဝတာဘုံကို မတက်ခင် နောက်နောင် မိစ္ဆာတွေ သူတော်စင်စီရင်စုလောကကို ကျူးကျော်ဝင်ရောက်လာတဲ့အခါ သူတို့အတွက် လက်ဆောင်တစ်ခု ချန်ထားခဲ့ဖို့ ငါတို့ ဆုံးဖြတ်ခဲ့ကြတယ်... အဲဒီလက်ဆောင်က မင်းတို့လူတွေရဲ့ သေဆုံးခြင်းပဲ... မင်းတို့ အားလုံးက သူတော်စင်စီရင်စုလောကမှာ ထိပ်တန်းစွမ်းအားရှင်တွေလို့ သတ်မှတ်ခံရမယ်ဆိုတာ ငါ သေချာတယ်... အဆုံးမှာတော့ စိန့်ကောင်းကင် စတုတ္ထပုံစံနဲ့ အထက်မှာ ရှိတဲ့သူတွေပဲ ပထမဆုံး စမ်းသပ်မှုအတွဲတွေကို အောင်မြင်နိုင်တယ်... အတိုချုပ်ပြောရရင် ငါတို့က စိန့်ကောင်းကင် စတုတ္ထပုံစံနဲ့ အထက်အဆင့် လူသားစွမ်းအားရှင်တွေကို ပစ်မှတ်ထားတာပဲ” </p> <p>      ကျန်တုံကျိ၏ စကားများက မန်ဟောင်နှင့် အခြားသူများ၏ မျက်နှာအမူအရာများကို ထပ်မံ ပြောင်းလဲသွားစေသည်။ ကျန်တုံကျိနှင့် သူ၏ အဖော်နှစ်ယောက်တို့က ဤမျှ အချိန်ကြာမြင့်စွာ အကြံအစည်များ ချမှတ်ထားလိမ့်မည်ဟု သူတို့ မမျှော်လင့်ထားခဲ့ကြပေ။ ထို့ပြင် သူတို့သည် မိစ္ဆာများ၏ အကြံအစည်တွင် သားကောင်များ ဖြစ်လာခဲ့ကြသည်။ </p> <p>      ဤအခိုက်အတန့်တွင် သူတို့သည် လောကကြီးထဲတွင် ကံအဆိုးဆုံး လူများဖြစ်သည်ဟု ခံစားလိုက်ရသည်။ သူတို့ အားလုံး လောဘကြီးပြီး ဤနေရာသို့ ဝင်လာမိသည့်အတွက် နောင်တရနေကြသည်။ အကယ်၍ နတ်ဘုရားကသာ သူတို့ကို နောက်ထပ် အခွင့်အရေး တစ်ကြိမ် ထပ်ပေးပါက ရိုက်နှက်ပြီး ခိုင်းလျှင်တောင် ဤနေရာသို့ ဝင်လာကြမည် မဟုတ်ပေ။ </p> <p> </p> <p>      “ငါတို့ ဖန်တီးထားတဲ့ ဒီလောကငယ်ကို အစီအရင်နှစ်ခုနဲ့ ထိန်းချုပ်ထားတယ်... အထက်ပိုင်းပြည်နယ်မှာရှိတဲ့ ဒီအစီအရင်က အောက်ပိုင်းပြည်နယ်မှာရှိတဲ့ နောက်ထပ် အစီအရင်တစ်ခုနဲ့ ချိတ်ဆက်နေတယ်... ဒီအစီအရင်နှစ်ခုက မတူညီတဲ့ လောကနှစ်ခုမှာ ရှိနေပေမဲ့ ငါနဲ့ ငါ့သူငယ်ချင်းတွေရဲ့ ပူးပေါင်းအားထုတ်မှုကြောင့် အစီအရင်တွေက အချင်းချင်း အာရုံခံနိုင်ပြီး ဟင်းလင်းပြင်အတားအဆီးရဲ့ သက်ရောက်မှုကို မခံရဘူး” </p> <p>      ကျန်တုံကျိက ဆက်ပြောလိုက်သည်။ </p> <p>      “ဒါက အောက်ပိုင်းပြည်နယ်နဲ့ အထက်ပိုင်းပြည်နယ်ကို ဆက်သွယ်ဖို့ လူသားတွေ ဖန်တီးထားတဲ့ ပြည်နယ်အချင်းချင်း ပို့ဆောင်ရေးအစီအရင်နဲ့ နည်းနည်း ဆင်တယ်... အဓိက ကွာခြားချက်က ငါတို့ရဲ့ အစီအရင်တွေက သက်ရှိတွေကို မပို့ဆောင်ပေးနိုင်ဘူး... ဒါက ထောက်လှမ်းရေးကိရိယာအနေနဲ့ အလုပ်လုပ်တာပဲ... အထက်ပိုင်းပြည်နယ်မှာ ငါတို့ ဖွဲ့စည်းထားတဲ့ အစီအရင်ကို သက်ဝင်လာစေဖို့ အောက်ပိုင်းပြည်နယ်မှာရှိတဲ့ အစီအရင်က မိစ္ဆာမျိုးနွယ်တွေဆီက သန့်စင်တဲ့ မိစ္ဆာချီနဲ့ ထိတွေ့ဖို့ လိုတယ်” </p> <p>      “ငါတို့ ဒေဝတာဘုံကို မတက်ခင် သူတော်စင်စီရင်စုလောကမှာ မိစ္ဆာတွေ တစ်ယောက်မှ မရှိတော့ဘူး... ဒါကြောင့် အစီအရင်က မတော်တဆ သက်ဝင်လာမှာကို ငါတို့ စိတ်မပူဘူး... အချုပ်ပြောရရင် အထက်ပိုင်းပြည်နယ်က ဒီအစီအရင် အသက်ဝင်လာတဲ့နေ့ဟာ အပယ်နှင်လောကက မိစ္ဆာတွေ သူတော်စင်စီရင်စုလောကကို ကျူးကျော်ဝင်ရောက်လာတဲ့နေ့ပဲ” </p> <p>      ကျန်တုံကျိသည် စကားပြောနေစဉ် ရပ်တန့်မည့် အရိပ်အယောင် မပြပေ။ </p> <p>      “မိစ္ဆာတွေ အတားအဆီးကို ဖြတ်ကျော်ပြီး ပထမဆုံး ရောက်လာမဲ့နေရာက သိုင်းတာအိုသူတော်စင်နယ်မြေရဲ့ အောက်ပိုင်းပြည်နယ်ပဲ... မိစ္ဆာမျိုးနွယ်တွေထဲက တစ်ယောက်ယောက် အောက်ပိုင်းပြည်နယ်ထဲကို ဝင်လာတာနဲ့ အောက်ပိုင်းပြည်နယ်က အစီအရင် သက်ဝင်လာပြီး အဲဒီကနေတစ်ဆင့် အထက်ပိုင်းပြည်နယ်က ဒီအစီအရင် သက်ဝင်လာလိမ့်မယ်... အဲဒီလိုဖြစ်တာနဲ့ ဒီလောကငယ်တစ်ခုရဲ့ ဝင်ပေါက် ပေါ်လာလိမ့်မယ်... ဒါက မိစ္ဆာတွေ သူတော်စင်စီရင်စုလောကကို ပြန်ပြီး ကျူးကျော်ဝင်ရောက်လာတဲ့အခါ သူတို့အတွက် ငါတို့ရဲ့ လက်ဆောင်ပဲ... မင်းတို့ရဲ့ သေဆုံးခြင်းက လူသားတွေနဲ့ သူတော်စင်သားရဲ အားလုံးအတွက် ကြီးမားတဲ့ ဆုံးရှုံးမှု ဖြစ်လိမ့်မယ်... မင်းတို့ သေသွားရင် မိစ္ဆာတွေ သူတော်စင်စီရင်စုလောကကို သိမ်းပိုက်ဖို့ ပိုလွယ်သွားလိမ့်မယ်... ဖြစ်နိုင်တာက ဒီတစ်ကြိမ်က ငါတို့ရဲ့ လူသား မိစ္ဆာခေတ်ကာလတုန်းက ငါတို့ မလုပ်နိုင်ခဲ့တာကိုတောင် လုပ်နိုင်ပြီး လူသားတွေ အားလုံးကို မျိုးဖြုတ်သတ်ပစ်နိုင်လိမ့်မယ်” </p> <p>      ကျန်တုံကျိသည် ရှေးခေတ်ကာလမှ ယခုအချိန်အထိ ဖြစ်ပျက်ခဲ့သမျှ အရာအားလုံးကို ပြန်လည်ပြောပြပြီးနောက် ရက်စက်ကြမ်းကြုတ်စွာဖြင့် ရယ်မောလိုက်သည်။ ၎င်းက လူတိုင်းကို ကြက်သီးထသွားစေသည်။ လူတိုင်း၏ မျက်လုံးများထဲတွင် မျှော်လင့်ချက်မဲ့နေသော အရိပ်အယောင်များကို မြင်တွေ့နိုင်သည်။ </p> <p> </p> <p>      “ကျန်တုံကျိရဲ့ စကားတွေအရ ဒီလောကငယ်ရဲ့ ဝင်ပေါက်က မိစ္ဆာတွေ သူတော်စင်စီရင်စုလောကကို ကျူးကျော်ဝင်ရောက်လာတဲ့အခါမှပဲ ပေါ်လာမှာ မလား”  </p> <p>      ဂိုဏ်းမဲ့ကျင့်ကြံသူ တစ်ဦးက တုန်ယင်နေသော အသံဖြင့် မေးလိုက်သည်။ သူသည် ထပ်မံ အတည်ပြုချက် လိုအပ်နေပုံရသည်။ </p> <p> </p> <p>      “ဟုတ်တယ်”  </p> <p>      တစ်စုံတစ်ယောက်က မကြာမီတွင် တုန်ယင်နေသော အသံဖြင့် ပြန်ဖြေလိုက်သည်။ </p> <p> </p> <p>      “ဒါ... ဒါဆို ကောလာဟလက အမှန်ပဲပေါ့... မိစ္ဆာမျိုးနွယ်တွေက သိုင်းတာအိုသူတော်စင်နယ်မြေကို ကျူးကျော်ဝင်ရောက်လာကြပြီ... တကယ်တော့ သူတို့က အောက်ပိုင်းပြည်နယ်ကိုတောင် သိမ်းပိုက်ပြီးလောက်ပြီပေါ့” </p> <p>      ဤစကားကို ကြားသောအခါ လူအများအပြား၏ မျက်လုံးများ ပြူးကျယ်သွားကာ မျက်နှာအမူအရာများ ပြောင်းလဲသွားကြသည်။ </p> <p> </p> <p>      “ငါတို့ရဲ့ လောဘကြောင့် လူသားတွေ မိစ္ဆာတွေရဲ့ မျိုးဖြုတ်သတ်ဖြတ်တာကို ခံရမယ်ဆိုရင်... ငါတို့ အားလုံးက အပြစ်သားတွေ ဖြစ်သွားလိမ့်မယ်”  </p> <p>      မန်ဟောင်က တည်ကြည်စွာ ပြောလိုက်သည်။ သူ၏ စကားများက အခြားသူများကို တုန်ယင်သွားစေသည်။ </p> <p> </p> <p>      တကယ်တော့ အစွမ်းထက်သော စွမ်းအားရှင်များ ဆုံးရှုံးသွားခြင်းကြောင့် လူသားများ မိစ္ဆာမျိုးနွယ်များ၏ မျိုးဖြုတ်သတ်ဖြတ်ခြင်းကို ခံရပါက သူတို့ အားလုံး အပြစ်သားများ ဖြစ်သွားကြမည် ဖြစ်သည်။ </p> <p> </p> <p>      “အထူးသဖြင့် ကျုပ်တို့ သုံးယောက်ပေါ့”  </p> <p>       မန်ဟောင်က အခြား စိန့်ကောင်းကင် သတ္တမပုံစံ စွမ်းအားရှင် နှစ်ဦးကို ကြည့်ကာ ဆိုးရွားသောအမူအရာဖြင့် ပြောလိုက်သည်။ </p> <p>      သိုင်းတာအိုသူတော်စင်နယ်မြေ တစ်ခုလုံးတွင် စိန့်ကောင်းကင် သတ္တမပုံစံနှင့် အထက်အဆင့်တွင် ကျော်ကြားသော စွမ်းအားရှင် ဆယ်ယောက်ကျော်သာ ရှိသည်။ </p> <p>      ယနေ့ ဤနေရာတွင် သူတို့ထဲမှ သုံးယောက် ဆုံးရှုံးရမည် ဖြစ်သည်။ ထို့ပြင် သေဆုံးသွားသော အဘွားမြွေကဲ့သို့ စိန့်ကောင်းကင် သတ္တမပုံစံနှင့် အထက်အဆင့် အခြား စွမ်းအားရှင်များကို ထည့်မတွက်ရသေးပေ။ </p> <p> </p> <p> </p> <p style="text-align: center;">***</p>


Save