Book List

<h2 style="text-align: center;">အပိုင်း(၂၄၉၁)</h2> <h2 style="text-align: center;">အမြွှာသာမန်လောက   </h2> <h2 style="text-align: center;">*</h2> <p> </p> <p> </p> <p>      အပယ်နှင်နယ်မြေက မိစ္ဆာမျိုးနွယ်တွေ အောက်ပိုင်းပြည်နယ်ကို ကျူးကျော်ဝင်လာကြပြီ... အဖေ၊ အမေနဲ့ တခြားသူတွေ အားလုံး ဘေးကင်းကြပါစေ...   </p> <p> </p> <p> </p> <p> </p> <p>      မိစ္ဆာမျိုးနွယ်များအကြောင်းကို တွေးမိသောအခါ သွမ့်လင်းထျန် သိုင်းတာအိုသူတော်စင်နယ်မြေ၏ အောက်ပိုင်းပြည်နယ်ရှိ သူချစ်ရသူများကို မတွေးဘဲ မနေနိုင်ခဲ့ပေ။ သူချစ်ရသူများ ဘေးကင်းခြင်း ရှိမရှိကို မသိသောကြောင့် သူ အလွန်အမင်း စိုးရိမ်နေမိသည်။   </p> <p> </p> <p> </p> <p> </p> <p>      အဆုံး၌ အပယ်နှင်နယ်မြေမှ မိစ္ဆာမျိုးနွယ်များမှာ သွေးဆာပြီး ရက်စက်လွန်းသောကြောင့် နာမည်ကြီးသည့်။ ကောလာဟလများအရ မိစ္ဆာမျိုးနွယ်များသည် တစ်နေရာသို့ သွားရောက်သောအခါ လူသားအသက်ရှင်ကျန်ရစ်သူ တစ်ယောက်ကိုမျှ ချန်မထားတတ်ကြပေ။ အကယ်၍ အသက်ရှင်ကျန်ရစ်သူများ ရှိလျှင်တောင် မိစ္ဆာမျိုးနွယ်များ၏ ကိုယ်တိုင် ပြောင်းလဲခြင်းကို ခံရကာ မိစ္ဆာများကဲ့သို့ လူမဆန်သော နတ်ဆိုးကျင့်ကြံသူများအဖြစ် ပြောင်းလဲသွားကြမည် ဖြစ်သည်။   </p> <p> </p> <p> </p> <p> </p> <p> </p> <p> </p> <p>      သူ့ကိုယ်သူ တည်ငြိမ်စေရန် အသက်ပြင်းပြင်းရှူလိုက်ပြီးနောက် သွမ့်လင်းထျန် မေးလိုက်သည်။   </p> <p> </p> <p>      “အကြီးအကဲဟော်... ကျုပ် ဒီနေရာကနေ ဘယ်လို ထွက်သွားရမလဲ”   </p> <p> </p> <p> </p> <p> </p> <p> </p> <p> </p> <p>      လက်ရှိတွင် သူသည် မိစ္ဆာသုံးကောင် ဖန်တီးခဲ့သည့် လောကငယ်ထဲတွင် ရှိနေဆဲ ဖြစ်သည်။   </p> <p> </p> <p> </p> <p> </p> <p> </p> <p> </p> <p>      သွမ့်လင်းထျန်သည် ပတ်ဝန်းကျင်ကို ခဏတာမျှ လေ့လာကြည့်လိုက်သည်။ သူ၏ ပတ်ဝန်းကျင်ကို ရှာဖွေရန် သူ၏ နတ်ဘုရားအာရုံကို အသုံးပြုလိုက်သော်လည်း သူ အာရုံခံနိုင်သည့်အရာ ဘာမျှမရှိပေ။ သူသည် ကျယ်ပြောလှသော သမုဒ္ဒရာကြီးထဲတွင် မျောပါနေသော ရွက်လှေတစ်စင်းကဲ့သို့ အထီးကျန်မှုကို ခံစားနေရသည်။ ၎င်းက သူ့ကို အလွန်အမင်း စိုးရိမ်ပူပန်စေသည်။   </p> <p> </p> <p> </p> <p> </p> <p> </p> <p> </p> <p>      “မင်း ထွက်သွားလို့ မရဘူး”   </p> <p> </p> <p>      အကြီးအကဲဟော်က ပြန်ဖြေလိုက်သည်။   </p> <p> </p> <p> </p> <p> </p> <p>      အကြီးအကဲဟော်၏ စကားကို ကြားသောအခါ သွမ့်လင်းထျန်၏ မျက်နှာအမူအရာ ကြီးမားစွာ ပြောင်းလဲသွားသည်။ သူ အသက်ပြင်းပြင်း တစ်ချက်ရှူလိုက်ပြီးနောက် အက်ကွဲသောအသံဖြင့် မေးလိုက်သည်။   </p> <p> </p> <p>      “ဒီနေရာကနေ ထွက်သွားလို့ မရဘူးလား... အကြီးအကဲဟော်... အကြီးအကဲဟော်...ဘာ... ဘာကို ဆိုလိုတာလဲ”   </p> <p> </p> <p> </p> <p> </p> <p>      ဤအခိုက်အတန့်တွင် သွမ့်လင်းထျန်သည် ဤနေရာမှ ထွက်သွားချင်စိတ် အလွန် ပြင်းပြနေသည်။ သူ၏ မိသားစု၊ မိတ်ဆွေများနှင့် ပြန်လည်ဆုံဆည်းရန် အောက်ပိုင်းပြည်နယ်သို့ ယခု ပြန်မသွားနိုင်လျှင်တောင် မိစ္ဆာမျိုးနွယ်များက သိုင်းတာအိုသူတော်စင်နယ်မြေကို ထပ်မံ ကျူးကျော်ဝင်ရောက်လာပြီဖြစ်ကြောင်း လူတိုင်းကို အသိပေးကာ သတင်းဖြန့်နိုင်သည်။ သူ အမှန်တရားကို ပြောနေကြောင်း သက်သေပြရန် ကျိန်ဆိုနိုင်သဖြင့် မည်သူမျှ သူ့အား မယုံကြည်မည်ကို သူ စိုးရိမ်မနေပေ။ သူ နောက်ထပ် ဘာလုပ်သင့်သည်ကို သူ စဉ်းစားပြီးနေပြီဖြစ်သည်။ သို့သော်လည်း ယခုလေးတင် အကြီးအကဲဟော်က သူ ဤနေရာမှ ထွက်သွား၍မရကြောင်း ပြောလိုက်သည်။   </p> <p> </p> <p> </p> <p> </p> <p> </p> <p> </p> <p> </p> <p> </p> <p>      “ကျုပ် ဆိုလိုတာက လောလောဆယ် မင်း ဒီနေရာကနေ ထွက်သွားလို့ မရသေးဘူးလို့ ပြောတာ”  </p> <p> </p> <p>      အကြီးအကဲဟော်သည် လောလောဆယ် ဟူသော စကားလုံးကို အလေးပေး၍ ပြောလိုက်သည်။ ခဏအကြာတွင် သူက ဆက်ပြောလိုက်သည်။ </p> <p> </p> <p> </p> <p> </p> <p>       “ဘယ်လိုပဲဖြစ်ဖြစ် ဒီလောကငယ်ကို ကောင်းကင်ကပ်ဘေးကို ကျော်ဖြတ်ပြီးတဲ့ စိန့်ကောင်းကင် နဝမပုံစံ မိစ္ဆာသုံးကောင်က ဖန်တီးခဲ့တာ... ဒီနေရာကနေ ထွက်သွားဖို့ဆိုရင် မင်း ဒီလောကငယ်နဲ့ သိုင်းတာအိုသူတော်စင်နယ်မြေရဲ့ အထက်ပိုင်းပြည်နယ်ကို ခြားထားတဲ့ ဟင်းလင်းပြင်အတားအဆီးကို ဖောက်ထွင်းနိုင်ရမယ်... အဲဒါကလွဲရင် မင်း ဒီနေရာကနေ ထွက်သွားဖို့ တခြားနည်းလမ်းမရှိဘူး”   </p> <p> </p> <p> </p> <p> </p> <p>      အကြီးအကဲဟော်၏ စကားကို ကြားသောအခါ သွမ့်လင်းထျန်၏ မျက်လုံးများ ပြူးကျယ်သွားကာ မျက်နှာအမူအရာ ပြောင်းလဲသွားသည်။ အတည်ပြုချက် ထပ်မံရယူရန် မေးလိုက်စဉ် သူ၏ အသက်ရှူနှုန်း မြန်ဆန်လာသည်။   </p> <p> </p> <p>      “အကြီးအကဲဟော်... ကျုပ် ဒီနေရာကနေ ထွက်သွားနိုင်ဖို့ ဒီလောကငယ်နဲ့ အထက်ပိုင်းပြည်နယ်ကြားက ဟင်းလင်းပြင်အတားအဆီးကို ဖောက်ထွင်းနိုင်ရမယ်လို့ ဆိုလိုတာလား”   </p> <p> </p> <p> </p> <p> </p> <p>      “ဟုတ်တယ်”  </p> <p> </p> <p>     အကြီးအကဲဟော်က ထပ်မံ အတည်ပြုပေးလိုက်သည်။   </p> <p> </p> <p> </p> <p> </p> <p>      သွမ့်လင်းထျန်၏ မျက်နှာ ချက်ချင်း ဖြူရော်သွားသည်။ ထို့နောက် သူက ခါးသီးစွာ ပြောလိုက်သည်။   </p> <p> </p> <p>      “ဟင်းလင်းပြင်အတားအဆီးက အစွမ်းထက်တဲ့ဟာကို... မိစ္ဆာမျိုးနွယ်တွေ အားလုံးရဲ့ စွမ်းအားနဲ့တောင်မှ သိုင်းတာအိုသူတော်စင်နယ်မြေဆီ ပေါက်မဲ့ ဝင်ပေါက်တစ်ခု ဖန်တီးဖို့ ဟင်းလင်းပြင်အတားအဆီးရဲ့ အားနည်းတဲ့နေရာကို ရှာဖို့ အချိန်အများကြီး ယူခဲ့ရတာ... အားနည်းတဲ့နေရာသာ မရှိခဲ့ရင် မိစ္ဆာမျိုးနွယ်တွေ ဝင်ပေါက်တစ်ခု ဖန်တီးပြီး သိုင်းတာအိုသူတော်စင်နယ်မြေကို ကျူးကျော်ဖို့ဆိုတာ မဖြစ်နိုင်ဘူးကို”   </p> <p> </p> <p> </p> <p> </p> <p>      သိုင်းတာအိုသူတော်စင်နယ်မြေနှင့် အပယ်နှင်နယ်မြေကြားရှိ ဟင်းလင်းပြင်အတားအဆီးအကြောင်းကို သွမ့်လင်းထျန် သိသည်။ ယခင်တစ်ကြိမ်က လူသား မိစ္ဆာခေတ် မစတင်မီ မိစ္ဆာမျိုးနွယ်များသည် သိုင်းတာအိုသူတော်စင်နယ်မြေနှင့် အပယ်နှင်နယ်မြေကို ခြားထားသော ဟင်းလင်းပြင်အတားအဆီးတွင် အားနည်းသော နေရာတစ်ခုကို တွေ့ရှိခဲ့ကြသည်။ ထိုသို့ဖြင့် သူတို့ ဝင်ပေါက်တစ်ခု ဖန်တီးကာ သိုင်းတာအိုသူတော်စင်နယ်မြေကို ကျူးကျော်ဝင်ရောက်ခဲ့ကြခြင်း ဖြစ်သည်။ နောက်ဆုံးတွင် လူသားများက မိစ္ဆာမျိုးနွယ်များကို အနိုင်ယူနိုင်ခဲ့ပြီး ဟင်းလင်းပြင်အတားအဆီးအက်ကွဲကြောင်းတွင် မဟာချိပ်ပိတ်ခြင်းအစီအရင်တစ်ခု ဖွဲ့စည်းနိုင်ခဲ့မှသာ သိုင်းတာအိုသူတော်စင်နယ်မြေတွင် ငြိမ်းချမ်းရေး ပြန်လည်ရရှိခဲ့ခြင်း ဖြစ်သည်။ မိစ္ဆာမျိုးနွယ်များက မဟာချိပ်ပိတ်ခြင်းအစီအရင်ကို ဖျက်ဆီးနိုင်ခြင်း သို့မဟုတ် ဟင်းလင်းပြင်အတားအဆီးတွင် နောက်ထပ် အားနည်းသော နေရာတစ်ခုကို ရှာတွေ့ခြင်း မရှိသရွေ့ သူတို့ သိုင်းတာအိုသူတော်စင်နယ်မြေကို ထပ်မံ ကျူးကျော်ရန်မှာ မဖြစ်နိုင်ပေ။   </p> <p> </p> <p> </p> <p> </p> <p>      “အကြီးအကဲဟော်... ကျုပ်ရဲ့ ကျင့်ကြံမှုအဆင့်က စိန့်ကောင်းကင် နဝမပုံစံကို ရောက်ပြီး ကောင်းကင်ကပ်ဘေးကို ကျော်ဖြတ်ပြီးတော့ စင်္ကြရှင်တစ်ပါးရဲ့ စွမ်းအားကို ပိုင်ဆိုင်ထားရင်တောင်မှ ဟင်းလင်းပြင်အတားအဆီးမှာ ဝင်ပေါက်တစ်ခု ဖန်တီးနိုင်မှာ မဟုတ်ဘူးလို့ ကျုပ် ထင်တယ်”   </p> <p> </p> <p>      ဟင်းလင်းပြင်အတားအဆီးနှင့် ပတ်သက်၍ သွမ့်လင်းထျန်၏ အမြင်မှာ တစ်စုံတစ်ယောက်က အခွင့်ကောင်းယူရန်နှင့် ဝင်ပေါက်တစ်ခု ဖန်တီးရန် အားနည်းသော နေရာတစ်ခုကို မရှာတွေ့နိုင်ပါက ၎င်းသည် ဖျက်ဆီး၍မရနိုင်ဟု ထင်မြင်ထားသည်။   </p> <p> </p> <p> </p> <p> </p> <p>      “မင်း ပြောနေတဲ့ ဟင်းလင်းပြင်အတားအဆီးက သိုင်းတာအိုသူတော်စင်နယ်မြေနဲ့ အပယ်နှင်နယ်မြေကြားက အတားအဆီးပါ... အဲ့ဒီဟာက သာမန်လောက နှစ်ခုကို ခြားထားတဲ့ ဟင်းလင်းပြင်အတားအဆီးပဲ... အဲ့လိုဟာမျိုးကို သာမန်လောကက လူတစ်ယောက် မပြောနဲ့ ဒေဝတာဘုံက သာမန်စင်္ကြရှင်တစ်ယောက်တောင်မှ အားနည်းတဲ့နေရာကို မရှာနိုင်ရင် အဲဒီလို ဟင်းလင်းပြင်အတားအဆီးမျိုးမှာ ဝင်ပေါက်တစ်ခု မဖန်တီးနိုင်ဘူး”   </p> <p> </p> <p>      အကြီးအကဲဟော်က သွမ့်လင်းထျန်၏ မေးခွန်းကို ချက်ချင်း ပြန်ဖြေလိုက်သည်။   </p> <p> </p> <p> </p> <p> </p> <p>      “သာမန်လောက နှစ်ခုကြားက ဟင်းလင်းပြင်အတားအဆီး”  </p> <p> </p> <p>     သွမ့်လင်းထျန် အံ့ဩသွားပြီးနောက် ရုတ်တရက် ပြောလိုက်သည်။ </p> <p> </p> <p>       “အကြီးအကဲဟော်... သိုင်းတာအိုသူတော်စင်နယ်မြေနဲ့ အပယ်နှင်နယ်မြေက သီးခြား သာမန်လောက နှစ်ခုလို့ အကြီးအကဲ ဆိုလိုတာလား”   </p> <p> </p> <p> </p> <p> </p> <p> </p> <p> </p> <p>      “ဟုတ်တယ်” </p> <p> </p> <p>       အကြီးအကဲဟော်က ပြန်ဖြေလိုက်သည်။ </p> <p> </p> <p> </p> <p> </p> <p>       “ယေဘုယျအတိုင်းဆို သာမန်လောက နှစ်မျိုး ရှိတယ်... တစ်မျိုးက မင်းရဲ့ အရင်ဘဝက ကမ္ဘာနဲ့ ဆင်တူတယ်... အဲဒီမှာ ဂြိုဟ်တွေ၊ အာကာသဟင်းလင်းပြင်ကြယ်စုတွေ ပါပြီး အရမ်းကျယ်ပြောတယ်... အဲဒီမှာ သက်ရှိအမျိုးမျိုး နေထိုင်ကြတယ်... ဒီလို သာမန်လောကမျိုးကို ဒေဝတာဘုံက စင်္ကြရှင်တွေက အကြီးစား သာမန်လောကတစ်ခုလို့ သတ်မှတ်ကြတယ်... ကျုပ်တို့ လက်ရှိ ရှိနေတဲ့ သာမန်လောကကတော့ အသေးစား သာမန်လောကတစ်ခုလို့ သတ်မှတ်ခံရတယ်... မင်း သိတဲ့အတိုင်းပဲ ဒီသာမန်လောကမှာ သိုင်းတာအိုသူတော်စင်နယ်မြေ၊ မော်တယ်တိုက်တွေနဲ့ ပင်လယ်တွေ ရှိတယ်... ဒီမှာ သက်ရှိမျိုးစိတ် အတော်လေး နည်းတယ်”   </p> <p> </p> <p>      ထိုနေရာတွင် အကြီးအကဲဟော် စကားပြောရပ်သွားသည်။   </p> <p> </p> <p> </p> <p> </p> <p> </p> <p> </p> <p>      “အကြီးအကဲဟော်... အကြီးအကဲဟော် ပြောတာကို အခြေခံပြီး ကြည့်ရင် ကျုပ်တို့ လက်ရှိ ရှိနေတဲ့ သာမန်လောကက သေးငယ်ပြီး တခြားဂြိုဟ်တွေ မရှိဘူးပေါ့... ဒါပေမဲ့ ဘာလို့ ကျုပ်တို့က နေ့ဘက်မှာ နေကို မြင်ရပြီး ညဘက်မှာ လနဲ့ ကြယ်တွေကို မြင်ရတာလဲ”   </p> <p> </p> <p>      သွမ့်လင်းထျန်က မေးလိုက်သည်။ ဤသည်မှာ ယခင်က သူ တွေးခဲ့ဖူးသော အရာတစ်ခု ဖြစ်သည်။   </p> <p> </p> <p> </p> <p> </p> <p>      ယခင်က အကြီးအကဲဟော်သည် သူ၏ စွမ်းအားအချို့ကို ပြန်လည်ရရှိခဲ့စဉ် ဤသာမန်လောကတွင် ဂြိုဟ်များမရှိကြောင်း သွမ့်လင်းထျန်ကို ပြောပြခဲ့ဖူးသည်။ သို့သော်လည်း ထိုအချိန်က သွမ့်လင်းထျန်သည် ယင်းကို သိပ်အလေးမထားခဲ့ပေ။ သူက နေ၊ လနှင့် ကြယ်များကို မြင်နိုင်သောကြောင့် ဂြိုဟ်များ ရှိရမည်ဟု ထင်ခဲ့သည်။ တကယ်တော့ အာကာသထဲကို စူးစမ်းလေ့လာနိုင်လောက်အောင် သူ အစွမ်းထက်လာပြီးနောက် အကြီးအကဲဟော် မှားကြောင်း သက်သေပြဖို့ပင် သူ တွေးထားခဲ့သည်။ ယခု၌ အကြီးအကဲဟော်သည် ဤအသေးစား သာမန်လောကတွင် အခြားဂြိုဟ်များ မရှိကြောင်း  ထပ်ပြောသည်ကို ကြားလိုက်ရသောအခါ သူ၏ သိချင်စိတ်ကို မထိန်းနိုင်တော့ဘဲ သူ၏ စိတ်ထဲရှိ မေးခွန်းကို မေးလိုက်ခြင်း ဖြစ်သည်။   </p> <p> </p> <p> </p> <p> </p> <p>      “ဒါက အသေးစား သာမန်လောကတစ်ခုရဲ့ အရေးကြီးတဲ့ အချက်ပဲ... အသေးစား သာမန်လောကတိုင်းက အကြီးစား သာမန်လောကတစ်ခုနဲ့ တွယ်ဆက်နေရတယ်... ဘာလို့လဲဆိုတော့ အသေးစား သာမန်လောကတွေမှာရှိတဲ့ သက်ရှိအများစုက အသက်ရှင်ဖို့ နေရောင်ခြည် လိုအပ်ပြီး နေကို အကြီးစား သာမန်လောကမှာပဲ တွေ့နိုင်လို့ပဲ... ဒါကြောင့် အသေးစား သာမန်လောကတစ်ခုနဲ့ အကြီးစား သာမန်လောကတစ်ခုကြားက ဟင်းလင်းပြင်အတားအဆီးက ထင်ရှားမှု ရှိတယ်” </p> <p> </p> <p>        အကြီးအကဲဟော်က ရှင်းပြလိုက်သည်။  </p> <p> </p> <p>        “မင်းက သိုင်းတာအိုသူတော်စင်နယ်မြေရဲ့ အောက်ပိုင်းပြည်နယ်မှာပဲ ဖြစ်ဖြစ် အထက်ပိုင်းပြည်နယ်မှာပဲ ဖြစ်ဖြစ် မင်းသာ ကောင်းကင်ပေါ်ကို ပျံတက်ပြီး နေ ဒါမှမဟုတ် လနဲ့ ကြယ်တွေဆီကို ချဉ်းကပ်ဖို့ ကြိုးစားရင် အမြင့်တစ်နေရာကို ရောက်တာနဲ့ မင်းကို တားဆီးမဲ့ မမြင်ရတဲ့ အတားအဆီးတစ်ခု ရှိနေတာကို မင်း တွေ့လိမ့်မယ်... အဲဒါက အသေးစား သာမန်လောကတစ်ခုနဲ့ အကြီးစား သာမန်လောကတစ်ခုကြားက ဟင်းလင်းပြင်အတားအဆီးပဲ... အဲဒီလို အတားအဆီးမျိုးကို ဖောက်ထွင်းဖို့ဆိုတာ အမြွှာသာမန်လောက နှစ်ခုကြားက ဟင်းလင်းပြင်အတားအဆီးကို ဖောက်ထွင်းရတာထက်တောင် ပိုခက်ခဲသေးတယ်... အားနည်းတဲ့ နေရာရှိဖို့ဆိုတာ မဖြစ်နိုင်သလောက်ပဲ”   </p> <p> </p> <p> </p> <p> </p> <p>      အကြီးအကဲဟော်၏ ရှင်းပြချက်ကို ကြားပြီးနောက် သွမ့်လင်းထျန် ကြောင်အသွားပြီး မေးခွန်းများ ပိုများလာခဲ့သည်။ သူ၏ မျက်နှာပေါ်တွင် နားမလည်နိုင်သော အမူအရာတစ်ခု ပေါ်လာပြီး မေးလိုက်သည်။   </p> <p> </p> <p>      “အမြွှာသာမန်လောကတွေ... အဲဒါက ဘာလဲ”   </p> <p> </p> <p> </p> <p> </p> <p>      “ပုံမှန်အားဖြင့် အသေးစား သာမန်လောက နှစ်ခုက တစ်ခုနဲ့တစ်ခု နီးကပ်နေဖို့ဆိုတာ ရှားတယ်... တကယ်တော့ သူတို့က တစ်ခုနဲ့တစ်ခု ဘေးချင်းကပ်လျက် ရှိနေဖို့ဆိုတာ မဖြစ်နိုင်သလောက်ပဲ... ဒါပေမဲ့ ချွင်းချက်တွေတော့ ရှိတယ်... အသေးစား သာမန်လောက တချို့က အရမ်း ထူးခြားတယ်... အမြွှာတွေလိုမျိုး ဘေးချင်းကပ်လျက် ရှိနေတဲ့ အသေးစား သာမန်လောက နှစ်ခု ရှိတတ်တယ်... ဒေဝတာဘုံမှာ ဒီလို သာမန်လောကမျိုးကို အမြွှာသာမန်လောကတွေလို့ ခေါ်တယ်”  </p> <p> </p> <p>      အကြီးအကဲဟော်က ပြောလိုက်သည်။ </p> <p> </p> <p>       “အမြွှာသာမန်လောကတွေလို့ မင်း ပြောလိုက်တာနဲ့ အကြီးစား သာမန်လောက နှစ်ခုက ဘေးချင်းကပ်လျက် ရှိနေဖို့ မဖြစ်နိုင်တဲ့အတွက် ဘေးချင်းကပ်လျက် ရှိနေတဲ့ အသေးစား သာမန်လောက နှစ်ခုဆိုတာကို စင်္ကြရှင်တွေက သိကြတယ်”   </p> <p> </p> <p> </p> <p> </p> <p>      သွမ့်လင်းထျန် ဤပဟေဠိများကို ဆက်စပ်နိုင်ရန် အချိန်သိပ်မကြာလိုက်ပေ။   </p> <p> </p> <p>      “အဲဒီလိုဆိုရင် သိုင်းတာအိုသူတော်စင်နယ်မြေ၊ ဒါမှမဟုတ် သူတော်စင်စီရင်စုလောကနဲ့ အပယ်နှင်နယ်မြေက အမြွှာသာမန်လောကတွေဆိုတဲ့ သဘောပေါ့... ဟုတ်လား”   </p> <p> </p> <p> </p> <p> </p> <p>      “ဟုတ်တယ်”  </p> <p> </p> <p>      အကြီးအကဲဟော်က ပြန်ဖြေလိုက်သည်။ </p> <p> </p> <p> </p> <p> </p> <p>       “သူတော်စင်စီရင်စုလောကပဲ ဖြစ်ဖြစ် အပယ်နှင်နယ်မြေပဲ ဖြစ်ဖြစ် နှစ်ခုစလုံးက အကြီးစား သာမန်လောက တစ်ခုတည်းမှာပဲ တွယ်ဆက်နေကြတာ... ဒီမှာ နေ၊ လနဲ့ ကြယ်တွေကို မင်း မြင်နိုင်တဲ့အတွက် အပယ်နှင်နယ်မြေက နေရောင်ခြည် တိုက်ရိုက် မရဘဲ တစ်နှစ်ပတ်လုံး မှောင်မိုက်နေမယ်ဆိုတာ သေချာတယ်... ဒီလိုဖြစ်ရတဲ့ အကြောင်းရင်းက သူတော်စင်စီရင်စုလောကက အပယ်နှင်နယ်မြေဆီ သွားမဲ့ အလင်းရောင်ကို ပိတ်ထားလို့ပဲ... တစ်နှစ်ပတ်လုံး မှောင်မိုက်နေတဲ့ သာမန်လောကတွေမှာ ပုံမှန်အားဖြင့် ထူးဆန်းတဲ့ သတ္တဝါတွေ နေထိုင်ကြတယ်... အဲဒီလိုနဲ့ပဲ မိစ္ဆာတွေ ဖြစ်တည်လာတာ ဖြစ်နိုင်တယ်... ဒါက သဘာဝတရားရဲ့ ဖြစ်စဉ်ပဲ”   </p> <p> </p> <p>      အကြီးအကဲဟော်က မတူညီသော သာမန်လောကများနှင့် မိစ္ဆာများ၏ မူလအစအကြောင်းကို ရှင်းလင်းစွာ ရှင်းပြလိုက်သည်။ ၎င်းက သွမ့်လင်းထျန်၏ ဗဟုသုတကို ကျယ်ပြန့်သွားစေသည်။   </p> <p> </p> <p> </p> <p> </p> <p>      “ကျုပ် သဘောပေါက်ပြီ”  </p> <p> </p> <p> </p> <p> </p> <p>      သွမ့်လင်းထျန် ခေါင်းညိတ်လိုက်ပြီးနောက် မေးလိုက်သည်။ </p> <p> </p> <p>      “အကြီးအကဲဟော်... ကျုပ်သာ အပေါ်ကို ပျံတက်သွားရင် သူတော်စင်စီရင်စုလောကနဲ့ အကြီးစား သာမန်လောကတစ်ခုကြားက ဟင်းလင်းပြင်အတားအဆီးနဲ့ သေချာပေါက် တွေ့ရမယ်လို့  အကြီးအကဲဟော်ပြောခဲ့တယ် မလား” </p> <p> </p> <p> </p> <p style="text-align: center;">***</p>


Save