Book List

<h2 style="text-align: center;">အပိုင်း ၅၈၆</h2> <h2 style="text-align: center;">စိတ်ဝိဉာဉ်ခန္ဓာ၏ လျှို့ဝှက်ချက်၊ ဓားဆန္ဒက နှလုံးသားနောက်ကို လိုက်တယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"မင်းရဲ့ မဟုတ်တာတွေကို ငါအခုတော့ ယုံထားပေးလိုက်မယ်.."</p> <p> </p> <p>ရွှီယန်က ခေါင်းကိုရမ်းကာ ချွေဟွားယွီ၏ အတိတ်ကိစ္စများကို ဆက်လက်မေးမြန်းခြင်း မပြုတော့ပေ။</p> <p> </p> <p>"ငါကြားတာတော့ အဆင့်လွန် စိတ်ဝိဉာဉ်ဂိုဏ်းတွေရဲ့  ပါရမီရှင်တွေ အားလုံးက စိတ်ဝိဉာဉ်ခန္ဓာပိုင်ရှင်တွေတဲ့... အဲ့ဒါဆိုရင် သိုင်းတစ်ထောင်ခန်းမရဲ့ ပါရမီရှင်တွေထဲမှာ ဘာလို့ စိတ်ဝိဉာဉ်ခန္ဓာပိုင်ရှင် တစ်ယောက်မှ မပါရတာလဲ.."</p> <p> </p> <p>ဤသည်မှာ ရွှီယန် အချိန်အတော်ကြာအောင် စဉ်းစားနေခဲ့သည့် မေးခွန်းဖြစ်၏။ ဖြစ်နိုင်သည်မှာ သိုင်းတစ်ထောင်ခန်းမသည် သူတို့၏ အစစ်အမှန် ပါရမီရှင်များကို  ဖုံးကွယ်ထားသည်လား။</p> <p> </p> <p>သို့ပေမယ့် ထိုသို့ဆိုပါက ဂိတ်တံခါးတွင် ပိတ်ဆို့ကာ စိန်ခေါ်သည့်တိုင်အောင် ထွက်ပေါ်လာမှု မရှိခြင်းမှာ ယုတ္တိမဆန်လှပေ။ သို့မဟုတ် သူတို့သည် အနိုင်ရရန် သေချာခြင်း မရှိသောကြောင့် တိုက်ပွဲအား ရှောင်ရှားကြသည်လား။</p> <p> </p> <p>"စိတ်ဝိဉာဉ်ခန္ဓာ ပိုင်ရှင်တွေက လောကကြီးမှာ ရှားပါးတယ်... စိတ်ဝိဉာဉ်ခန္ဓာတစ်ခုကို ရရှိလာပြီဆိုရင် နောက်ခံက ဘယ်လောက်ပဲ နိမ့်ကျနိမ့်ကျ သူတို့တွေကအဆင့်လွန် စိတ်ဝိဉာဉ်ဂိုဏ်းတွေရဲ့ အသိအမှတ်ပြုမှုနဲ့ ခေါ်ယူမှုကို ခံကြရတယ်.."</p> <p> </p> <p>"အဆင့်လွန် စိတ်ဝိဉာဉ်ဂိုဏ်းတွေကို စိတ်ဝိဉာဉ်ခန္ဓာပိုင်ရှင် သတင်းကိုပေးတာနဲ့ ကြီးမားတဲ့ စွမ်းဆောင်မှုတစ်ခုလို့ ယူဆနိုင်တယ်.."</p> <p> </p> <p>"အဆင့်လွန် စိတ်ဝိဉာဉ်ဂိုဏ်းတွေရဲ့ အစစ်အမှန်ပါရမီရှင်တွေက တကယ်ပဲ စိတ်ဝိဉာဉ်ခန္ဓာကို ပိုင်ဆိုင်ကြတယ်။ အဲ့လို ပါရမီရှင်တွေက ပုံမှန်အားဖြင့် လင်းနယ်မြေမှာ လှည့်လည်သွားလာလေ့ မရှိဘူး။ တကယ်လို့ လှည့်လည်သွားလာရင်တောင်မှ သူတို့ရဲ့နာမည်ကို ဘယ်သူမှသိမှာ မဟုတ်ဘူး.."</p> <p> </p> <p>ချွေဟွားယွီက ခဏတာစဉ်းစားပြီးနောက် ဖြေကြား၏။</p> <p> </p> <p>ရွှီယန်၏မျက်ခုံးများက မြင့်တက်သွားသည်။ ထိုအရာအားလုံးတို့မှ လျှို့ဝှက်ချက် တစ်ခုခုကို ခံစားလိုက်ရ၏။</p> <p> </p> <p>"အခြား ဘာလျှို့ဝှက်ချက်တွေ ရှိသေးလဲ ဆိုတာကိုတော့  ငါမသိဘူး။ ဒါပေမယ့် ငါသိသလောက်ဆိုရင် အဆင့်လွန် စိတ်ဝိဉာဉ်ဂိုဏ်းတွေရဲ့ တည်ရှိမှုက စိတ်ဝိဉာဉ်ခန္ဓာပိုင်ရှင်တွေကို ပျိုးထောင်ပေးဖို့ အတွက်ပဲ.."</p> <p> </p> <p>"အဲ့ဒါတွေနောက်ကွယ်မှာ ဘယ်လို အကြောင်းအရာတွေရှိနေလဲ ဆိုတာကိုတော့ ငါ့ရဲ့အဆင့်နဲ့ လက်လှမ်းမမှီနိုင်ဘူး.."</p> <p> </p> <p>ချွေဟွားယွီက အကူအညီမဲ့စွာဖြင့် လက်နှစ်ဖက်ကို ဆန့်သည်။</p> <p> </p> <p>"စိတ်ဝိဉာဉ်ခန္ဓာတွေက အဲ့လောက်အထိ ရှားပါးလို့လား.."</p> <p> </p> <p>ရွှီယန်က တွေးဆရင်းနှင့် မေး၏။</p> <p> </p> <p>သူ၏ ဂျူနီယာညီမဖြစ်သူ စုလင်းရှုံသည် စိတ်ဝိဉာဉ်ခန္ဓာကို ပိုင်ဆိုင်ထား၏။ ယွဲ့အာလည်း အတူတူပင် ဖြစ်သည်။ ယွဲ့ချန်မင်တွင်လည်း စိတ်ဝိဉာဉ်ခန္ဓာ ရှိ၏။</p> <p> </p> <p>သူနှင့် မုန့်ချုံတို့မှာ စိတ်ဝိဉာဉ်ခန္ဓာဖြင့် မွေးဖွားလာခြင်းမဟုတ်ပေမယ့် အဆင့်ချိုးဖျက်တိုင်းတွင် ပြောင်းလဲမှုတို့ ဖြစ်ပွားခဲ့သည်။ စိတ်ဝိဉာဉ်ခန္ဓာများ ပင်လျှင် သူတို့ကို နှိုင်းယှဉ်နိုင်ခြင်း မရှိပေ။</p> <p> </p> <p>ထို့အပြင် ပြောစကားများအရ ဝမ်ရှင်းသိုင်းပညာအကယ်ဒမီ၏ သူရဲကောင်း ၃၆ယောက်လုံးသည် စိတ်ဝိဉာဉ်ခန္ဓာအား ပိုင်ဆိုင်ထားကြ၏။</p> <p> </p> <p>"ဒါပေါ့... ရှားပါးတာပေါ့.."</p> <p>ချွေဟွားယွီက လေးနက်စွာ ပြောသည်။</p> <p> </p> <p>"ငါကြားတာတော့ ဝမ်ရှင်းသိုင်းပညာ အကယ်ဒမီရဲ့ သူရဲကောင်း ၃၆ယောက်လုံးက စိတ်ဝိဉာဉ်ခန္ဓာပါရမီရှင်တွေဆို..."</p> <p> </p> <p>ရွှီယန်က မေးခွန်းထုတ်၏။</p> <p> </p> <p>ချွေဟွားယွီက ခေါင်းကိုရမ်းကာ ပြောသည်။</p> <p> </p> <p>"အဲ့ဒါက ယူဆချက် မှားယွင်းနေတာပဲ... သိုင်းလောကမှာပြောကြတဲ့ စိတ်ဝိဉာဉ်ခန္ဓာတွေ ဆိုတာက အဆင့်လွန်စိတ်ဝိဉာဉ်ဂိုဏ်းတွေ အသိအမှတ်ပြုတဲ့ စိတ်ဝိဉာဉ်ခန္ဓာနဲ့ ခြားနားကြတယ်.."</p> <p> </p> <p>"အိုး... ဘယ်လိုများလဲ.."</p> <p>ရွှီယန်မှာ အံ့ဩသွားသည်။ ဖြစ်နိုင်သည်မှာ အဆင့်လွန်စိတ်ဝိဉာဉ်ဂိုဏ်းများတွင် စိတ်ဝိဉာဉ်ခန္ဓာအတွက် အခြားသတ်မှတ်ချက်များ ရှိသေးသည်လား။</p> <p> </p> <p>ချွေဟွားယွီက ရှင်းပြ၏။</p> <p> </p> <p>"လင်းနယ်မြေမှာ ကျယ်ကျယ်ပြန့်ပြန့် သိရှိကြတဲ့ စိတ်ဝိဉာဉ်ခန္ဓာတွေဆိုတာ အများအားဖြင့် စိတ်ဝိဉာဉ်အနှစ်သာရ ခန္ဓာတွေပဲ။ စစ်မှန်တဲ့ စိတ်ဝိဉာဉ်ခန္ဓာ မဟုတ်ဘူး...စိတ်ဝိဉာဉ်အနှစ်သာရ ခန္ဓာတွေက စိတ်ဝိဉာဉ်ခန္ဓာနဲ့ တူညီတဲ့ လက္ခဏာရပ်တွေကို ပိုင်ဆိုင်ထားတယ်။ ဒါပေမယ့် အဲ့ဒါက စိတ်ဝိဉာဉ်ဆိုင်ရာ အမှတ်သညာနဲ့ ခန္ဓာကိုယ်တစ်ခု သက်သက်ပဲ။ စစ်မှန်တဲ့ စိတ်ဝိဉာဉ်ခန္ဓာ မဟုတ်ဘူး.."</p> <p> </p> <p>"စိတ်ဝိဉာဉ်အနှစ်သာရ ခန္ဓာတွေက စိတ်ဝိဉာဉ်ခန္ဓာနဲ့ ဆင်တူရုံပဲလို့ ဆိုနိုင်ရင်တောင်မှ အဲ့ဒါကလည်း ထူးကဲတဲ့ပါရမီမျိုးပဲ... သဘာဝရဲ့ စိတ်ဝိဉာဉ်စွမ်းအင်နဲ့ လူတစ်ယောက်ကို ပိုပြီးတော့ နီးကပ်စေတယ်။ ကောင်းကင်နဲ့ကမ္ဘာမြေကြီးရဲ့ လင်းကျီကို ပိုမိုလွယ်ကူစွာ ခံစားနိုင်ကြတယ်..."</p> <p> </p> <p>ချွေဟွားယွီ၏ ရှင်းပြချက်မှတစ်ဆင့် ရွှီယန်သည် နားလည်မှု ရလာခဲ့၏။ လင်းနယ်မြေတွင် ပုံမှန်အားဖြင့်ပြောကြသည့် စိတ်ဝိဉာဉ်ခန္ဓာများမှာ စိတ်ဝိဉာဉ်အနှစ်သာရ ခန္ဓာများသာ ဖြစ်ပြီး စစ်မှန်သည့် စိတ်ဝိဉာဉ်ခန္ဓာ မဟုတ်ပေ။</p> <p> </p> <p>စစ်မှန်သည့် စိတ်ဝိဉာဉ်ခန္ဓာကို အတည်ပြုရန်အတွက် အထူး စိတ်ဝိဉာဉ်ပစ္စည်းများနှင့် အချို့ထူးကဲသည့် နည်းလမ်းများကို လိုအပ်သည်။</p> <p> </p> <p>ပုံမှန်အားဖြင့် ထိပ်တန်းအဆင့် စိတ်ဝိဉာဉ်ဂိုဏ်းများထက် နိမ့်ကျသည့် အဖွဲ့အစည်းများတွင် ထိုအတည်ပြုမှုနည်းလမ်းများအား ပိုင်ဆိုင်ထားခြင်း မရှိပါ။</p> <p> </p> <p>ထို့ကြောင့် စိတ်ဝိဉာဉ်အနှစ်သာရ ခန္ဓာအား စိတ်ဝိဉာဉ်ခန္ဓာအဖြစ် မကြာခဏ မှားပြောလေ့ရှိ၏။ အဆင့်လွန်စိတ်ဝိဉာဉ်ဂိုဏ်းများက ထိုကိစ္စအတွက် ရှင်းလင်းချက်ထုတ်မနေပါ။</p> <p> </p> <p>စိတ်ဝိဉာဉ်အနှစ်သာရ ခန္ဓာများသည် စိတ်ဝိဉာဉ်ခန္ဓာလောက် ကောင်းမွန်ခြင်း မရှိပေမယ့် သူတို့တွင်လည်း အံ့သြစရာကောင်းသည့် ပါရမီအား ပိုင်ဆိုင်ထားရှိ၏။</p> <p> </p> <p>"စိတ်ဝိဉာဉ်အနှစ်သာရ ခန္ဓာနဲ့ သိုင်းသမားတစ်ယောက် ကျင့်ကြံမှုအဆင့် မြင့်တက်ပြီဆိုရင် သူတို့ရဲ့ စိတ်ဝိဉာဉ်အနှစ်သာရက ကျင့်ကြံမှုထဲကို တဖြည်းဖြည်းနဲ့ ပေါင်းစပ်သွားတယ်။ အဲ့ဒါဆိုရင် စိတ်ဝိဉာဉ်ခန္ဓာရဲ့ လက္ခဏာရပ်တွေ ဆုံးရှုံးလာလိမ့်မယ်.."</p> <p> </p> <p>"သိုင်းတစ်ထောင်ခန်းမရဲ့ ဝူယွမ်က စိတ်ဝိဉာဉ်အနှစ်သာရ ခန္ဓာပိုင်ရှင်ပဲ။ သူ့ရဲ့ စိတ်ဝိဉာဉ်အနှစ်သာရက ကျင့်ကြံမှုအဆင့်ထဲကို ပေါင်းစပ်ပြီးနေပြီ။ အဲ့ဒါက သူ့ရဲ့ခွန်အားကို ရတနာခန္ဓာပိုင်ရှင် ပါရမီရှင်တွေထက် အများကြီး ပိုမြင့်မားစေတယ်.."</p> <p> </p> <p>ချွေဟွားယွီက ဆက်လက်ရှင်းပြသည်။</p> <p> </p> <p>"ငါသိပြီ.."</p> <p>ရွှီယန်သည် နောက်ဆုံးတွင် နားလည်သွားခဲ့၏။</p> <p> </p> <p>"အဲ့ဒါဆိုရင် ဝမ်ရှင်းသိုင်းပညာ အကယ်ဒမီရဲ့ သူရဲကောင်း ၃၆ယောက်က စိတ်ဝိဉာဉ်အနှစ်သာရ ခန္ဓာပိုင်ရှင်တွေပဲ။ စိတ်ဝိဉာဉ်ခန္ဓာပိုင်ရှင် မဟုတ်ဘူးပေါ့.."</p> <p> </p> <p>"အများစုကတော့ တကယ်ပဲ စိတ်ဝိဉာဉ်အနှစ်သာရ ခန္ဓာပိုင်ရှင်တွေပဲ.. ဒါပေမယ့် စစ်မှန်တဲ့ စိတ်ဝိဉာဉ်ခန္ဓာ ပိုင်ရှင်တွေလည်း ရှိတယ်။ ပြောကြတာက သူတို့ထဲက ထိပ်တန်း၅ယောက်က အစစ်အမှန် စိတ်ဝိဉာဉ်ခန္ဓာကို ပိုင်ဆိုင်ထားကြတယ်တဲ့.."</p> <p> </p> <p>ချွေဟွားယွီက သက်ပြင်းချစွာ ပြော၏။</p> <p> </p> <p>"စိတ်ဝိဉာဉ်ခန္ဓာတစ်ခုကို ဘယ်လို ခွဲခြားတာလဲ.."</p> <p>ရွှီယန်က သိလိုစွာမေးသည်။ သူသည် စိတ်ဝိဉာဉ်ခန္ဓာ၏ လက္ခဏာရပ်များကို အာရုံခံကြည့်နိုင်၏။ သို့ပေမယ့် စိတ်ဝိဉာဉ်အနှစ်သာရ ခန္ဓာများသည်လည်း စိတ်ဝိဉာဉ်ခန္ဓာ၏ လက္ခဏာရပ်များကို ပိုင်ဆိုင်ထားရာ ထိုနှစ်ခုအကြား ခြားနားချက်ကို တွေ့မြင်နိုင်ရန် အတွေ့အကြုံတို့ မရှိ ဖြစ်နေပါသည်။ ထို့ကြောင့် မှန်ကန်သည့် သုံးသပ်ချက်ကို မထုတ်နိုင်ဘဲ ရှိနေ၏။</p> <p> </p> <p>"အဲ့ဒီ့အတွက်ကတော့ စိတ်ဝိဉာဉ်ပစ္စည်းနဲ့ နည်းလမ်းအချို့ကို လိုအပ်လိမ့်မယ်.."</p> <p> </p> <p>ချွေဟွားယွီက ခဏတာ စဉ်းစားပြီးနောက် သေးငယ်သည့် အစိမ်းရောင် အပင်ငယ်တစ်ခုကို ထုတ်သည်။</p> <p> </p> <p>"စိတ်ဝိဉာဉ်ခန္ဓာက ဒီစိတ်ဝိဉာဉ်သစ်ပင်ကို ထိလိုက်တာနဲ့ အထူး နည်းလမ်းတစ်ခုကို အသုံးပြုပြီး ဒါကို အသက်သွင်းလို့ရတယ်။ တကယ်လို့ စိတ်ဝိဉာဉ်ခန္ဓာသာဆိုရင် အရွက်တွေက လင်းလက်လာပြီး စိတ်ဝိဉာဉ်အနှစ်သာရခန္ဓာသာဆိုရင် မှိန်မှိန်လေးပဲ လင်းလာလိမ့်မယ်.."</p> <p> </p> <p>သူသည် ရွှီယန်တွင် စိတ်ဝိဉာဉ်ခန္ဓာတစ်ခုအား ပိုင်ဆိုင်ထားသလားဟု အလွန် သိရှိလိုနေ၏။ တစ်ဖက်လူ၏ အကြွင်းမဲ့သည့် စွမ်းအားကို ကြည့်ပါက သံသယဝင်စရာမကောင်းလောက်အောင် စိတ်ဝိဉာဉ်ခန္ဓာတစ်ခုအား ပိုင်ဆိုင်ထားလောက်ပါသည်။</p> <p> </p> <p>ရွှီယန်က ခဏတာစဉ်းစားပြီးနောက် ပြော၏။</p> <p>"စိတ်ဝိဉာဉ်အနှစ်သာရ ခန္ဓာက ပုံရိပ်ယောင်ဆန်ပြီး အားနည်းတယ်။ စိတ်ဝိဉာဉ်ခန္ဓာတွေကတော့ ပိုတည်မြဲပြီးတော့ အကောင်အထည်ပေါ်တယ်... အဲ့လိုမျိုးလား.."</p> <p> </p> <p>ချွေဟွားယွီက ရှင်းပြလိုက်သည်နှင့် ရွှီယန်သည် စိတ်ဝိဉာဉ်အနှစ်သာရ ခန္ဓာနှင့် စိတ်ဝိဉာဉ်ခန္ဓာတို့အကြား ခြားနားချက်ကို နားလည်လာခဲ့သည်။</p> <p> </p> <p>သူ၏ ဂျူနီယာညီမဖြစ်သူ စုလင်းရှုံနှင့် ယွဲ့အာတို့အား နှိုင်းယှဉ်ကြည့်ပြီးနောက် သူ့တွင် စိတ်ဝိဉာဉ်ခန္ဓာ သို့မဟုတ် စိတ်ဝိဉာဉ်အနှစ်သာရ ခန္ဓာတစ်ခုအား ပိုင်ဆိုင်ထားခြင်း ဖြစ်မည်ကို ဆုံးဖြတ်နိုင်ပါပြီ။</p> <p> </p> <p>"အဲ့လိုလည်း ပြောလို့ရတယ်.."</p> <p>ချွေဟွားယွီက ခေါင်းငြိမ့်သည်။ သူ၏ စိတ်ထဲတွင် ပဟေဠိ ဖြစ်သွား၏။ ဖြစ်နိုင်သည်မှာ ရွှီယန်သည် စိတ်ဝိဉာဉ်ပစ္စည်းကို အသုံးပြုခြင်းမရှိဘဲ ခြားနားချက်ကို တွေ့မြင်နိုင်သည်လား။</p> <p> </p> <p>ရွှီယန်က ချွေဟွားယွီ၏ လက်ထဲရှိ သစ်ပင်ငယ်ကို လက်ဖြင့်ဆန့်ကာ ထိလိုက်သည်။ ချွေဟွားယွီက စိတ်အားထက်သန်စွာဖြင့် သူ၏ လျှို့ဝှက်အတတ်ကို အသုံးပြုကာ ရွှီယန်၏ စိတ်ဝိဉာဉ်ခန္ဓာ စွမ်းအားကို စစ်ဆေးကြည့်သည်။ စိတ်ဝိဉာဉ်ခန္ဓာများတွင် ခြားနားသည့် ခွန်အားများရှိပြီး ခြားနားသည့် အဆင့်များ ခွဲခြားထား၏။</p> <p> </p> <p>"ချွတ် ချွတ်..."</p> <p>သစ်ပင်သည် အနည်းငယ် လင်းလက်လာပြီးသည်နှင့် ချက်ချင်းပင် အစအနများအဖြစ် ကျိုးကြေကုန်သည်။</p> <p> </p> <p>ချွေဟွားယွီမှာ မှင်သက်သွား၏။ ရွှီယန်က မျက်တောင်ခတ်ကာ ပြောသည်။</p> <p> </p> <p>"မင်းရဲ့သစ်ပင်က သိပ့်ပြီးတော့ အသုံးမဝင်သလိုပဲနော်.."</p> <p> </p> <p>သို့ပေမယ့် သူသည် ကိုယ့်ကိုယ်ကိုယ် စဉ်းစား၏။</p> <p>'အမှန်တကယ်ပဲ... ငါက စိတ်ဝိဉာဉ်ခန္ဓာတွေရဲ့ အထက်မှာ ရှိတယ်။ ပြန်ပြီးရင် အဲ့ဒီ့အကြောင်းကို ဆရာ့ကို မေးကြည့်ရမယ်..'</p> <p> </p> <p>ရွှီယန်သည် တိတ်တဆိတ် စိတ်လှုပ်ရှားစွာ ခံစားလိုက်ရ၏။</p> <p> </p> <p>ချွေဟွားယွီက ခေါင်းကိုကုပ်ကာ သူ၏စိတ်ဝိဉာဉ်စမ်းသပ်ခြင်း သစ်ပင်နှင့် ပတ်သက်ပြီး ပြဿနာတစ်ခုခုရှိနေသည်လားဟု တွေးမိသည်။</p> <p> </p> <p>"ယွီလင့်စံအိမ်မှာ စိတ်ဝိဉာဉ်ခန္ဓာပိုင်ရှင် ဘယ်နှစ်ယောက်ရှိလဲ..."</p> <p>ရွှီယန်က သိလိုစွာမေးသည်။</p> <p> </p> <p>"ငါလည်းမသိဘူး... အဲ့ဒါက အဆင့်လွန် စိတ်ဝိဉာဉ်ဂိုဏ်းတစ်ခုရဲ့ အနက်ရှိုင်းဆုံး လျှို့ဝှက်ချက်ပဲ.."</p> <p>ချွေဟွားယွီက ခေါင်းကိုရမ်း၏။</p> <p> </p> <p>နှစ်ယောက်သားသည် ခဏတာ ဟိုဟိုဒီဒီ စကားပြောပြီးနောက် ချွေဟွားယွီက သိလိုစွာမေးသည်။</p> <p> </p> <p>"အကိုရွှီ... သိုင်းတစ်ထောင်ခန်းမကနေ ပုန်းအောင်းဖို့အတွက် ဘယ်ကိုသွားဖို့ မင်းစီစဉ်ထားလဲ.."</p> <p>***</p> <p> </p>


Save