Book List

<h2 style="text-align: center;">အပိုင်း ၅၉၅</h2> <h2 style="text-align: center;">စုလင်းရှုံ၏ ဘဝဇာတ်ကြောင်း၊ ထန်းကျင်းယန်၏ ခန့်မှန်းချက်(၂)</h2> <h2 style="text-align: center;">*</h2> <p> </p> <p> </p> <p>သို့ပေမယ့် သူ၏တပည့်တစ်ယောက် အနေနှင့် သူမသည် အခြားလူများ၏ အနိုင်ကျင့်ခြင်းကို သေချာပေါက် ခံရမည် မဟုတ်ပေ။</p> <p> </p> <p>ဆရာဖြစ်သည့် သူက ဝင်ပါခြင်းမပြုလျှင်တောင် စီနီယာအစ်ကိုနှစ်ယောက် ဖြစ်သည့် ရွှီယန်နှင့်မုန့်ချုံတို့က သူမအတွက် ရပ်တည်ပေးမည် ဖြစ်၏။ ဂျူနီယာအငယ်ဆုံး ဖန်းဟောင်လည်း အပါအဝင်ဖြစ်သည်။</p> <p> </p> <p>ချန်ချင်းစံအိမ်၏ တစ်နေ့တာ ဆေးခန်းဖွင့်ချိန် ပြီးဆုံးပြီးနောက် ဂိတ်တံခါးကိုပိတ်ကာ ရှီအာက ကျင့်ကြံမှုကို ကြိုးစားလုပ်ဆောင်သည်။</p> <p> </p> <p>ကျိုးယင်သည် မုန့်ရှူရှူတစ်ယောက် ထောင့်တစ်နေရာတွင်ထိုင်ကာ အတွေးနက်နေကြောင်းကို တွေ့လိုက်ရ၏။</p> <p>ဒီရက်များအတွင်းတွင် မုန့်ရှူရှူသည် ရောဂါကုသရန် လာရောက်တန်းစီသည့် လူနာများအကြား၌ ကူးလူးသွားလာနေလေ့ ရှိ၏။ ဤသည်ကိုကြည့်ကာ သူမတွင် ခန့်မှန်းချက်အချို့ ရလာခဲ့သည်။</p> <p> </p> <p>"မုန့်ရှူရှူ... မုသခင်လေးက ဘယ်သူဆိုတာကို နင်သိတယ်မလား.."</p> <p> </p> <p>ကျိုးယင်က စိတ်ပိုင်းဆိုင်ရာ ဆက်သွယ်မှုဖြင့် မေး၏။</p> <p> </p> <p>မုန့်ရှူရှူက သူမကိုကြည့်ကာ သူ၏မျက်နှာက ရှုပ်ထွေးလာခဲ့သည်။ သက်ပြင်းချစွာ ပြော၏။</p> <p>"သူ့အကြောင်းကို မပြောကြရအောင်.."</p> <p> </p> <p>"နင်တကယ့်ကို သိတာပဲ.."</p> <p> </p> <p>ကျိုးယင်က မျက်မှောင်ကျုံ့သွားသည်။</p> <p>"ငါ့ကိုပြော...နင်ဘာတွေ သတင်းရခဲ့လဲ.."</p> <p> </p> <p>မုန့်ရှူရှူက ခဏတာ တိတ်ဆိတ်နေပြီးနောက် မေး၏။</p> <p>"အမစု နင့်ကို တစ်ခုခုပြောခဲ့သေးလား.."</p> <p> </p> <p>ကျိုးယင်က မျက်မှောင်ကျုံ့သွားပြီး မုန့်ရှူရှူကို အချိန်အတော်ကြာအောင် စိုက်ကြည့်သည်။</p> <p> </p> <p>"ငါ့ကို ဘာလို့ အဲ့လိုလာကြည့်နေတာလဲ... ငယ်ငယ်လေးတည်းက ငါသူမကို အဲ့လိုပဲခေါ်ခဲ့တာ။ အဖေကရိုက်ပြီးတော့ ဒေါ်လေးလို့ အတင်းခေါ်ခိုင်းတုန်းကတောင် မပြောင်းလဲခဲ့ဘူး။ ငါသူမကို အမလို့ခေါ်တာပဲ ကြိုက်တယ်။ အမစုကလည်း လက်ခံတယ်။ ဒါ့ကြောင့်မလို့ မျိုးဆက်မတူဘူးဆိုပြီး အဓိပ္ပါယ်မရှိတဲ့စကားတွေ လာမပြောနဲ့.."</p> <p> </p> <p>မုန့်ရှူရှူက အလိုမကျစွာ ပြော၏။</p> <p> </p> <p>ကျိုးယင်က ခဏတာစဉ်းစားပြီးနောက် ကျောက်စိမ်းတံဆိပ်ပြားတစ်ခုကို ထုတ်ကာ ပြောသည်။</p> <p> </p> <p>"သခင်မ ပြောခဲ့တာက အတွင်းဘက်နယ်မြေရဲ့ အပြင်ဘက်က သတင်းတစ်ခုခု ရောက်လာခဲ့ရင် အတွင်းဘက်နယ်မြေရဲ့အပြင်ကို သွားလို့ရတယ်တဲ့။ အပြင်ဘက်က သိုင်းသမားတစ်ယောက် အတွင်းဘက်နယ်မြေကို ရောက်လာခဲ့ရင် ဒီကျောက်စိမ်းတံဆိပ်နဲ့ အတွင်းဘက်နယ်မြေကနေ ထွက်လို့ရတယ်.."</p> <p> </p> <p>ယခုအချိန်၌ ဒီကျောက်စိမ်းတံဆိပ်မှာ မည်သည်ဖြစ်သည်ကို သူမအနေနှင့် သိရှိပြီးဖြစ်၏။ ဤသည်မှာ စိတ်ဝိဉာဉ်ဂိုဏ်းများနှင့် မိသားစုကြီးများ၏ ယွီလင်တံဆိပ်ပြား ဖြစ်သည်။</p> <p> </p> <p>"သခင်လေး... သူက.. လော့ဒေသရဲ့ မုမိသားစုက မလား.."</p> <p> </p> <p>ကျိုးယင်က ကျောက်စိမ်းတံဆိပ်ကို ကြည့်ရင်းက မေးသည်။</p> <p> </p> <p>မုန့်ရှူရှူက ခေါင်းငြိမ့်၏။ လော့ဒေသရှိ မုမိသားစုသည် စွမ်းအားကြီးမားသည့် ပထမတန်းစား မိသားစုတစ်ခုဖြစ်၏။ ပြောကြသည်မှာ စိတ်ဝိဉာဉ်ဆေးပင်များကို ပျိုးထောင်သည့် လျှို့ဝှက်အတတ်တို့ကို တတ်မြောက်ထားပြီး လင်းနယ်မြေတွင် ကြီးမားသည့် လွှမ်းမိုးမှုရှိသည်။</p> <p> </p> <p>"နင်ဘာသိခဲ့လို့လဲ.."</p> <p>ကျိုးယင်က လေးနက်စွာ မေး၏။</p> <p> </p> <p>"အကိုမု... သူက ငရှုပ်သခင်လေး တစ်ယောက်ပဲ.."</p> <p>မုန့်ရှူရှူက သက်ပြင်းချသည်။ ထို့နောက် ကျိုးယင်အား သူရှာဖွေသိရှိသည့် အရာအားလုံးကို ပြောပြ၏။</p> <p> </p> <p>"မုမိသားစုရဲ့ နာမည်ကျော်ကြားတဲ့ ငရှုပ်သခင်လေး..."</p> <p>ကျိုးယင်၏ မျက်နှာက မဲမှောင်သွားသည်။ ဆိုလိုသည်မှာ သခင်မလေးသည် လိမ်ညာခြင်း ခံခဲ့ရသည်လား။</p> <p> </p> <p>"ယင်လုံ့စံအိမ်နောက်က ကြိုးကိုင်သူကလည်း မုမိသားစုကပဲလား.."</p> <p> </p> <p>ကျိုးယင်သည် ထိုပြဿနာကို ရုတ်တရက် တွေးမိလိုက်၏။ လင်းနယ်မြေမှ စိတ်ဝိဉာဉ်ဂိုဏ်းနှင့် မိသားစုကြီးများ၏ အတွင်းဘက်နယ်မြေအပေါ် အမြင်အရ ဖြစ်နိုင်သည်မှာ သူတို့သည် အတွင်းဘက်နယ်မြေရှိ ငရှုပ်သခင်လေး၏ အချစ်ရေးအချစ်ရာ ကိစ္စများကို ဖျောက်ဖျက်ချင်တာ ဖြစ်ပေလိမ့်မည်။ မုမိသားစု၏ ဂုဏ်သိက္ခာအတွက် ကျန်ရှိနေသည့် မျိုးဆက်ကို ရှင်းလင်းတာ ဖြစ်နိုင်၏။</p> <p> </p> <p>"ငါလည်း မသိဘူး.."</p> <p>မုန့်ရှူရှူက ခေါင်းကိုရမ်းသည်။</p> <p> </p> <p>"ဒါပေမယ့် ငါသေချာတာက... ဒီကိစ္စက အကိုမုနဲ့ ဘာမှမဆိုင်ဘူး.."</p> <p> </p> <p>"နင်က ဘယ်လိုလုပ်ပြီးတော့ အသေအချာပြောနိုင်တာလဲ.."</p> <p>ကျိုးယင်မှာ နှလုံးသားထဲ၌ အလွန် ဒေါသထွက်သွားသည်။</p> <p> </p> <p>"စိတ်ဝိဉာဉ်ဆေးပင်တွေကြောင့်ပဲ... အကိုမု ထွက်သွားတုန်းက စိတ်ဝိဉာဉ်ဆေးပင်အချို့ကို ချန်ထားခဲ့တယ်။ အမစုရဲ့ ခန္ဓာကိုယ်ကို ပြန်လည်အားဖြည့်ဖို့အတွက်ပဲ..."</p> <p> </p> <p>မုန့်ရှူရှူက သက်ပြင်းချသည်။ ကျိုးယင်က ခဏတာတိတ်ဆိတ်သွားပြီးနောက် ထပ်မံမေး၏။</p> <p> </p> <p>"သခင်မလေးစုကိုရော... သူ့အဖေက မုမိသားစုရဲ့ ငရှုပ်သခင်လေးဆိုတာကို ပြောပြလိုက်သင့်လား.."</p> <p> </p> <p>မုန့်ရှူရှူက ခေါင်းကိုရမ်းကာ ပြောသည်။</p> <p>"ငါမသိဘူး... အဲ့ကိစ္စကတော့ ကံကြမ္မာကိုပဲ ကြည့်တာပေါ့.."</p> <p> </p> <p>သူက သက်ပြင်းချကာ ထပ်ပေါင်းပြောသည်။</p> <p>"ဖြစ်နိုင်တာက... မသိတာကလည်း ကိစ္စကောင်းတစ်ခု ဖြစ်လိမ့်မယ်.."</p> <p> </p> <p>ကျိုးယင်က ခဏတာ စဉ်းစားပြီးနောက် ခေါင်းငြိမ့်၏။ ယခုအချိန်၌ စုလင်းရှုံသည် အလွန် ပျော်ရွှင်နေ၏။</p> <p> </p> <p>သူမသည် ဘဝဇာတ်ကြောင်းကို သိရှိပြီး ဖခင်ဖြစ်သူမှာ ယခုကဲ့သို့ မိန်းမပွေရှုပ်သူ ဖြစ်ကြောင်းကို နားလည်လာပါက ဒေါသထွက်စေနိုင်သည်။</p> <p> </p> <p>မုန့်ရှူရှူနှင့် ကျိုးယင်တို့သည် မည်သည်မှ မဖြစ်ပွားခဲ့သကဲ့သို့သာ နေထိုင်ရန် ဆုံးဖြတ်လိုက်သည်။ မုမိသားစုမှ ငရှုပ်သခင်လေး၏ အကြောင်းကို မေးမြန်းခြင်းအားလည်း ရပ်တန့်လိုက်၏။</p> <p> </p> <p>စုလင်းရှုံသည် မူလဒီဗိုင်းအဆင့်သို့ ချိုးဖျက်ခဲ့၏။</p> <p> </p> <p>"သင်၏တပည့် စုလင်းရှုံသည် မူလဒီဗိုင်းအဆင့်ကို ချိုးဖျက်ခဲ့သည်။ သင်၏ ချန်ချင်းမူလဒီဗိုင်းသည် အဆ၁၀၀ တိုးပွားလာခဲ့သည်.."</p> <p> </p> <p>စုလင်းရှုံ၏ အဆင့်ချိုးဖျက်မှုနှင့်အတူ ဖန်းဟောင်၏ မိုးပျံသင်္ဘောအား ပြုလုပ်ခြင်းသည်လည်း နောက်ဆုံးအဆင့်သို့ အစစ်အမှန် ရောက်ရှိလာခဲ့၏။</p> <p> </p> <p>"ဘုန်း.."</p> <p>မိုးပျံသင်္ဘောသည် ဆယ်ပေလောက်သာ ရှည်လျားပြီး ခရမ်းရောင်မိုးကြိုးများဖြင့် ဝန်းရံနေ၏။ စံအိမ်များ၊ နဂါးနှင့်ဖီးနစ်တို့၏ ထွင်းချက်များ ဝန်းရံနေပြီး ဖန်းဟောင်သည် နောက်ဆုံးအဆုံးသတ်မှုကို စတင်လုပ်ဆောင်သည်။</p> <p> </p> <p>လီရွှမ်က ၎င်းကိုကြည့်ကာ ကျေနပ်စွာ ခေါင်းငြိမ့်သည်။ ဝူထန်းနန်လည်း ကောင်းကင်နှင့်ကမ္ဘာမြေကြီး၏ နိယာမအား လေ့လာမှုမှ နိုးထလာခဲ့၏။ သူသည် နံဘေးမှ သိလိုစွာ ကြည့်ရှု့ရင်းမှ အလွန်အံ့သြနေမိသည်။</p> <p> </p> <p>မည်မျှအံ့သြစရာ ကောင်းလှသည့် ပညာရပ်ဖြစ်သနည်း။ ချိုင်လင်းအာ အတွက်လည်း တူညီစွာပင် ဖြစ်သည်။</p> <p> </p> <p>"အောင်မြင်တော့မယ်..."</p> <p>စုလင်းရှုံမှာ စိတ်လှုပ်ရှားနေပါသည်။ သူမသည် ဒီမိုးပျံသင်္ဘောအတွက် ကြိုးစားအားထုတ်မှု များစွာကို ပြုလုပ်ခဲ့၏။ အထူးသဖြင့် ၎င်း၏ ဒီဇိုင်းပိုင်းတွင် များပြားလှသည့်အကြံပြုချက်တို့ကို ပေးဆောင်ခဲ့သည်။</p> <p> </p> <p>ရွှေရှင်းနန်းတော်သည် ဒုတိယတန်းစား စိတ်ဝိဉာဉ်ဂိုဏ်းတစ်ခုသာ ဖြစ်ပေမယ့် တစ်ချိန်က အလွန်ထည်ဝါသည့် နေ့ရက်တို့ ရှိခဲ့သည်။ ယခုအချိန်၌ ဒုတိယတန်းစား စိတ်ဝိဉာဉ်ဂိုဏ်းတစ်ခုအဖြစ် ကျဆင်းသွားလျှင်တောင် လော့ဒေသတွင် ထင်ပေါ်ကျော်ကြားနိုင်ဆဲ ရှိ၏။</p> <p> </p> <p>ပြောကြသည်မှာ ရွှေရှင်းနန်းတော်၏ နန်းတော်သခင်သည် မကြာခင်တွင် အထွတ်အထိပ် စိတ်ဝိဉာဉ်သန့်စင်ခြင်း ကောင်းကင်လူသားအဆင့်သို့ ချိုးဖျက်တော့မည်ဖြစ်သည်။</p> <p> </p> <p>နန်းတော်သခင်၏ သမီးဖြစ်သူ ထန်းကျင်းယန်သည် မုမိသားစုမှ ငရှုပ်သခင်လေး၏ တရားဝင်ဇနီးမယားဖြစ်၏။ သူမသည် ဒေါသထွက်လွန်းသဖြင့် ရွှေရှင်းနန်းတော်ဆီသို့ ပြန်ခဲ့ပေမယ့် မုမိသားစုရှိ အရေးကိစ္စအချို့ကို ကိုင်တွယ်ဆဲရှိသည်။</p> <p> </p> <p>အထူးသဖြင့် သူမ၏ ယောက်ျားဖြစ်သူက ချန်ရစ်ခဲ့သည့် ကိစ္စများဖြစ်၏။ သူမ၏ မုမိသားစုနှင့် ဆက်နွယ်နေမှုကြောင့် လော့ဒေသရှိ မည်သည့်အင်အားစုမှ ရွှေရှင်းနန်းတော်ကို ထိပါးရဲခြင်း မရှိပေ။</p> <p> </p> <p>ထို့အပြင် မုမိသားစု၏ ငရှုပ်သခင်လေးသည် အလွန်ပါရမီကောင်းမွန်၏။ ပြောကြသည်မှာ သူသည် အသန်မာဆုံးအဆင့်သို့ပင် ရောက်ရှိတော့မည် ဖြစ်သည်။</p> <p> </p> <p>မုကျားဖုန်းသည် သူ၏ တရားဝင်ဇနီးမယားဖြစ်သူ ထန်းကျင်းယန်အပေါ် ခံစားချက်ရှိရှိ မရှိရှိ ဘာပဲဖြစ်ဖြစ် လက်ထပ်ထိမ်းမြားခဲ့၏။ မည်သူက စွမ်းအားကြီးပုဂ္ဂိုလ် ဖြစ်လာနိုင်မည့် လူတစ်ယောက်၏ ဇနီးမယားကို မလေးမစား ပြုရဲမည်လဲ။</p> <p> </p> <p>ထို့အပြင် ရွှေရှင်းနန်းတော်သည် သူတို့၏ ပိုင်နက်ကိုသာ ဆက်လက်ထိန်းသိမ်းထားပြီး မည်သည့်ချဲ့ထွင်မည့် ရည်ရွယ်ချက်မှ ပြသခြင်းမရှိပေ။ ကြည့်ရသည်မှာ သူတို့၏ အမွေအနှစ်ကိုသာ လက်ဆင့်ကမ်းလိုဟန် ရှိ၏။</p> <p> </p> <p>ရလဒ်အနေနှင့် မည်သူမှ ရွှေရှင်းနန်းတော်ကို ပစ်မှတ်ထားကြခြင်း မရှိပေ။</p> <p> </p> <p>သို့ပေမယ့် မုကျားဖုန်း၏ဇနီးဖြစ်သူ ထန်းကျင်းယန်မှာတော့ စိတ်အခြေအနေ အလွန်ဆိုးရွားစွာ ရှိနေပါသည်။ အတွင်းဘက်နယ်မြေရှိ အောက်တန်းစားမျိုးဆက်ကို ဖမ်းဆီးရန်အတွက် စေလွှတ်ခဲ့သည့် ကျောင်မင်၊ ဖင်းအာနှင့် အဘွားကျင်းတို့ အားလုံးသည် ယခုအချိန်အထိ မည်သည့် သတင်းအစအနမှ ပြန်လည်ရောက်ရှိလာခြင်း မရှိသေးပါ။</p> <p> </p> <p>အဆိုးဆုံးမှာ လင်းနယ်မြေ၏ ဂိတ်တံခါးသည် ပိတ်သွားပြီ ဖြစ်၏။ ဆိုလိုသည်မှာ ထိုသုံးယောက်သည် သေဆုံးသွားပြီ သို့မဟုတ် အတွင်းဘက်နယ်မြေတွင် နေထိုင်ရန် ဆုံးဖြတ်ခဲ့ကြသည်ဟု ဖြစ်သည်။</p> <p> </p> <p>ထို့အပြင် သေဆုံးနိုင်သည့် ဖြစ်နိုင်ချေမှာ ၉၀%အထိ မြင့်မား၏။ ထန်းကျင်းယန်သည် ကြောက်ရွံ့မှု အချို့ကိုပင် ခံစားရသည်။ ထိုသားအမိ နှစ်ယောက်တို့ကို ကာကွယ်ရန်အတွက် မုကျားဖုန်းက နည်းလမ်းအချို့ကို ချန်ထားခဲ့ပြီး ကျောင်မင်၊ ဖင်းအာနှင့် အဘွားကျင်းတို့အား သေဆုံးသွားစေမှာကို စိုးရိမ်နေ၏။ သိထားရမည်မှာ အဘွားကျင်းသည် ကောင်းကင်လူသားကြီးအဆင့်၌ ရှိ၏။</p> <p> </p> <p>သူမသည် အလွန် မသက်မသာ ခံစားနေရသည်။</p> <p>ဒီကိစ္စက မုကျားဖုန်းကို ဒေါသထွက်စေပြီး သူမအား ကွာရှင်းမှုပြုမှာကို စိုးရိမ်နေ၏။</p> <p> </p> <p>မုကျားဖုန်းသည် အလွန်မိန်းမလိုက်စားကာ သူမအတွက် နက်ရှိုင်းသည့် ခံစားချက်တို့ ရှိမနေပေ။ တရားဝင်ဇနီးမယားအဖြစ် လက်ထက်ခဲ့ခြင်းမှာလည်း မိသားစု၏ စီမံမှုကြောင့် ဖြစ်၏။ သူမကို မိသားစုတွင် အဆောင်အယောင်တစ်ခုအဖြစ် ထားခဲ့ကာ အကြီးအကဲများကို ပါးစပ်ပိတ်စေခဲ့ခြင်း ဖြစ်သည်။</p> <p> </p> <p>သူသည် ဘယ်တုန်းကမှ အိမ်မကပ်ခဲ့ပေ။ လက်ထပ်ပြီး မကြာခင်တွင် ထွက်ခွာသွားပြီး ဘယ်တော့မှ ပြန်မလာခဲ့ပါ။</p> <p> </p> <p>မုကျားဖုန်းတွင် သူမအပေါ် မည်သည့်ခံစားချက်မှ မရှိပေမယ့် ထန်းကျင်းယန်ကတော့ နှလုံးသားထဲမှ နှစ်သက်မိ၏။ နိမ့်ကျသည့် မိန်းမတစ်ယောက်တွင် ယောက်ျားဖြစ်သူ၏ သွေးမျိုးဆက် လွယ်ထားကြောင်းကို ပိုမိုစဉ်းစားလေလေ ပိုမိုသည်းခံနိုင်ခြင်း မရှိလေဖြစ်ကာ သူမ၏ယောက်ျားကို ဆွဲဆောင်ခဲ့သည့် ထိုအပျက်မကို သတ်ပစ်ချင်လေသည်။</p> <p> </p> <p>ပထမတွင် သူမသည် သတိဖြင့် လုပ်ဆောင်လေ့ရှိသည်။ ယောက်ျားဖြစ်သူနှင့် အိပ်စက်ခဲ့သည့် မိန်းမများစွာတို့ကို ရှင်းလင်းခဲ့၏။</p> <p> </p> <p>သို့ပေမယ့် နောက်ပိုင်းတွင် မုမိသားစုရှိ အကြီးအကဲများက ထိုကိစ္စကို ဂရုမစိုက်ဘဲ ယောက်ျားဖြစ်သူမှာလည်း ပျောက်ကွယ်သွားရာ သူမသည် တဖြည်းဖြည်းနှင့် ပိုမိုရဲတင်းကာ ရက်စက်လာခဲ့သည်။</p> <p> </p> <p>ရလဒ်အနေနှင့် နောက်ဆုံးတွင် နိမ့်ကျသည့် မိန်းမတစ်ယောက် ကလေးတစ်ယောက်နှင့် မုမိသားစု၏ တံခါးဝသို့ ရောက်ရှိလာခဲ့လေသည်။</p> <p> </p> <p>သူမသည် သူတို့ကို သတ်ဖြတ်ရန် ပြင်ဆင်နေခဲ့၏။ သို့ပေမယ့် စိတ်အနှောင့်အယှက် ဖြစ်စရာ ကောင်းလှသည်မှာ ထိုမိန်းမ၏ သားဖြစ်သူသည် စိတ်ဝိဉာဉ်ခန္ဓာတစ်ခုအား ပိုင်ဆိုင်ထားခြင်း ဖြစ်သည်။</p> <p> </p> <p>မုမိသားစုရှိ အကြီးအကဲများမှာ အလွန် ဝမ်းသာသွားပြီးသူမကို သတိပေးချက်ပင် ထုတ်ပြန်ခဲ့၏။ ထန်းကျင်းယန်သည် ဒေါသထွက်စွာဖြင့် ရွှေရှင်းနန်းတော်ဆီသို့သာ ပြန်နိုင်ခဲ့သည်။</p> <p> </p> <p>ထိုအချိန်ကတည်းက သူမသည် မုမိသားစုဆီသို့ တစ်ခေါက်မှ မပြန်တော့ပေ။ အတွင်းဘက်နယ်မြေ၌လည်း မထင်မှတ်ထားသည့် အဖြစ်အပျက်တို့ ဖြစ်ပွားခဲ့ရာ သူမ၏ စိတ်အခြေအနေကို ခန့်မှန်းကြည့်နိုင်၏။ နေ့စဉ်နေ့တိုင်း မျက်နှာမှာ အလွန် ညှို့မှိုင်းနေပါသည်။</p> <p> </p> <p>"သခင်မလေး..."</p> <p>အစေခံတစ်ယောက်က သတိဖြင့် လျှောက်ဝင်လာခဲ့သည်။ သူမသည် ထန်းကျင်းယန်၏ အနီးကပ်အစေခံတစ်ယောက် ဖြစ်လျှင်တောင် အတွင်းဘက်နယ်မြေရှိ ကိစ္စပြီးကတည်းက ထန်းကျင်းယန်၏ စိတ်အခြေအနေမကောင်းမှုကြောင့် အကြိမ်ကြိမ် အပြစ်ပေးခံခဲ့ရ၏။</p> <p> </p> <p>"ဘာကိစ္စလဲ.."</p> <p>ထန်းကျင်းယန်က တောင့်တင်းစွာဖြင့် မေးသည်။</p> <p> </p> <p>"အတွင်းဘက်နယ်မြေရဲ့ ကိစ္စပါ..."</p> <p>အစေခံက ခဏတာ တုံ့ဆိုင်းနေပြီးနောက် ဖြေကြား၏။</p> <p> </p> <p>"ပြော... အတွင်းဘက်နယ်မြေမှာ ဘာတွေဖြစ်ခဲ့လို့လဲ.."</p> <p>ထန်းကျင်းယန်က ဒေါသတကြီးပြောသည်။</p> <p> </p> <p>"သခင်မလေး... အဲ့ဒီ့... အဲ့ဒီ့လူ အခု စိတ်ဝိဉာဉ်နယ်မြေကို ရောက်နေပြီထင်တယ်.."</p> <p>အစေခံ၏အသံက တိုးညှင်းစွာ ပေါ်လာခဲ့၏။</p> <p> </p> <p>"ဘာပြောလိုက်တယ်.."</p> <p>ထန်းကျင်းယန်က ရုတ်တရက် မတ်တတ်ရပ်သည်။ သူမ၏ မျက်နှာသည် ဒေါသတို့ဖြင့် ပြည့်နက်နေ၏။</p> <p> </p> <p>"သူမ... ယွီလင်တံဆိပ်ပြားကို အသုံးပြုပြီး မုမိသားစုဆီကို ပြန်ခဲ့တာလား... အဲ့ဒီ့ အဘိုးကြီးတွေကလည်း လက်ခံလိုက်တာလား.."</p> <p> </p> <p>လင်းယွီဂိတ်တံခါး ပထမဆုံး ဖွင့်လှစ်ချိန်တွင် လူအချို့တို့ အတွင်းဘက်နယ်မြေမှ ဝင်ရောက်လာခဲ့၏။ ထိုအထဲတွင် ထိုနိမ့်ကျသည့် မျိုးဆက်လည်း ပါလာခဲ့သည်လား။</p> <p> </p> <p>သူမသည် မုကျားဖုန်းက အတွင်းဘက်နယ်မြေတွင် ပေးခဲ့သည့် ယွီလင်တံဆိပ်ပြားကို ကိုင်ဆောင်ပြီး မုမိသားစုသို့ သွားရောက်ကာ အသိအမှတ်ပြုခြင်း ခံခဲ့ရသည်လား။</p> <p> </p> <p>ထိုသို့ဆိုပါက ထိုအဘိုးကြီးများ၏ အသိမှတ်ပြုမှုကို ရနိုင်လျှင် ထူးကဲသောပါရမီအား ပိုင်ဆိုင်ထားပေလိမ့်မည်။</p> <p> </p> <p>"သူမ မုမိသားစုဆီကို မသွားခဲ့ဘူး... အဲ့ဒီ့အစား... အဲ့ဒီ့အစား... ချန်ချင်းစံအိမ်ကို သွားခဲ့တယ်.."</p> <p>အစေခံက သတိဖြင့်ဖြေကြားသည်။</p> <p> </p> <p>"ချန်ချင်းစံအိမ်ရဲ့ ဒန်ဆေးနတ်သမီး စုလင်းရှုံက သူမ ဖြစ်လောက်တယ်.."</p> <p> </p> <p>"နင်ဘာပြောလိုက်တယ်... ဒါလုံးဝမဖြစ်နိုင်ဘူး.."</p> <p>ထန်းကျင်းယန်၏ မျက်နှာက ကြီးစွာ ပြောင်းလဲသွားပြီး အသံပြု၏။</p> <p> </p> <p>"သခင်မလေး... အရင်တုန်းက အကြောင်းကြားစာတွေမှာလည်း စုလင်းရှုံဆိုပြီးတော့ နာမည်ပါခဲ့တယ်။ အခုပြသလာတဲ့ လက္ခဏာရပ်တွေအရ ချန်ချင်းစံအိမ်ရဲ့ ဒန်ဆေးနတ်သမီးက သူမဖြစ်ဖို့ များတယ်။ အထူးသဖြင့် ချန်ချင်းစံအိမ်ရဲ့ ပေါ်ပေါက်လာတဲ့အချိန်က အရမ်းကိုက်ညီနေတယ်..."</p> <p> </p> <p>အစေခံက သူမရရှိသည့် သဲလွန်စများကို တစ်ခုပြီးတစ်ခု ရှင်းပြသည်။ ထိုအရာအားလုံးတို့ကို ပေါင်းစပ်ပြီးနောက် ချန်ချင်းစံအိမ်ရှိ ဒန်ဆေးနတ်သမီးသည် ထန်းကျင်းယန်ဖမ်းဆီးလိုနေသည့် အတွင်းဘက်နယ်မြေမှ မိန်းကလေးဖြစ်ပေလိမ့်မည်ဟု ကောက်ချက်ချရသည်။</p> <p> </p> <p>ထန်းကျင်းယန်၏ မျက်နှာက ဖြူရော်ကာဖြင့် စိုးရိမ်သွား၏။ ထိုသတင်းသာ မှန်ပါက အတွင်းဘက်နယ်မြေတွင် သူမ၏ လုပ်ကြံသတ်ဖြတ်ခဲ့သည့် အကြောင်းအရာများ ပေါ်ပေါက်လာကာ အကျိုးဆက်မှာ မတွေးဆနိုင်အောင် ရှိနေပါသည်။</p> <p> </p> <p>"ချန်ချင်းစံအိမ်... အတွင်းဘက်နယ်မြေ... ရွှီယန်..."</p> <p>ဒီအချိန်၌ သူမတွင် ကြောက်စရာကောင်းသည့် ခန့်မှန်းချက်တစ်ခု ရလာခဲ့၏။ လင်းနယ်မြေရှိ နာမည်ကျော်ကြသည့် ပါရမီရှင် ရွှီယန်သည်လည်း အတွင်းဘက်နယ်မြေမှ ဖြစ်ပေလိမ့်မည်။</p> <p> </p> <p>လင်းယွီဂိတ်တံခါး၏ ဖွင့်လှစ်မှုနှင့်အတူ ရွှီယန်သည် မြင့်တက်လာခဲ့၏။ ထိုအချိန်ကိုက်မှုက တိုက်ဆိုင်လွန်းလှသည်။</p> <p>***</p> <p> </p>


Save