Book List

<h2 style="text-align: center;">Chapter 2</h2> <h2 style="text-align: center;">ပြောတဲ့အတိုင်း ဖြစ်လာတဲ့ တာအိုစကားလုံးများ</h2> <h2 style="text-align: center;">*</h2> <p> </p> <p> </p> <p>ချူရှင်းဟီ ကတော့ ဟန်တာသွေးသောက်များအဖွဲ့က ဘယ်လို ညစ်ပတ်တဲ့ အလုပ်တွေ လုပ်ခဲ့သလဲဆိုတာလည်း မသိချင်သလို၊ သူတို့တွေ မျက်နှာတစ်ထောင်မြေခွေးနဲ့ ပစ္စည်းခွဲဝေရာမှာ ဘယ်လိုကြောင့် သဘောထားကွဲခဲ့သလဲဆိုတာလည်း စိတ်မဝင်စားပါဘူး။</p> <p>ဘယ်ဘက်ကမှ လူကောင်းတွေ မဟုတ်တာကြောင့် သူကတော့ အေးအေးဆေးဆေး ဘေးကနေ ပွဲကြည့်သူပဲ ဖြစ်ချင်တာပါ။</p> <p>တစ်ခါတလေ ခွေးအချင်းချင်း ကိုက်နေတာကို ပွဲကြည့်ရတာလည်း တကယ်တော့ ပျော်စရာကောင်းတယ် မဟုတ်လား။</p> <p>ဒါပေမဲ့ သူက ပွဲကြည့်နေတုန်းမှာပဲ ဒုက္ခက သူ့ဆီကို ဆိုက်ဆိုက်မြိုက်မြိုက်ကြီး ရောက်လာတာလား။</p> <p>အဲဒီ မျက်နှာတစ်ထောင်မြေခွေးကိုလည်း သူက သာမန်သူခိုးလေးပဲလို့ ထင်ထားခဲ့တာပါ။ တကယ်တော့ သူ အမှတ်အသား လုပ်သွားတာက ဒီအတွက်ကြောင့်ကိုး။</p> <p>"ငါ နောက်ဆုံးအကြိမ် ပြောမယ်။ ရောင်းရင်း လူမှားနေပြီ။ ငါက မျက်နှာတစ်ထောင်မြေခွေး မဟုတ်ဘူး"</p> <p>ချူရှင်းဟီက တည်တည်ငြိမ်ငြိမ်ပဲ ပြောလိုက်ပါတယ်။</p> <p>ဒါပေမဲ့ သူ့စကား အဆုံးမှာ ကျန်းတုန်းခွေက တဟားဟားနဲ့ ရယ်မောလိုက်ပါပြီ။</p> <p>"ဟားဟားဟားဟား... လူမှားတယ် ဟုတ်လား။ အဲဒီတော့ ဘာဖြစ်လဲ။ မင်းက မျက်နှာတစ်ထောင်မြေခွေး ဟုတ်သည်ဖြစ်စေ၊ မဟုတ်သည်ဖြစ်စေ... မင်းအပေါ်မှာ သူ့ရဲ့ အမှတ်အသား ရှိနေမှတော့ မင်းက သူ့နဲ့ ပတ်သက်နေတာ သေချာတယ်။ ဟေ့ကောင်တွေ။ ဒီကောင်စုတ်လေးကို စစ်ဆေးဖို့ ဖမ်းခေါ်သွားကြစမ်း။"</p> <p>ကျန်းတုန်းခွေရဲ့ အမိန့်အောက်မှာ သူ့နောက်က အနက်ရောင်ဝတ် ဟန်တာသွေးသောက်များအဖွဲ့ လက်အောက်ငယ်သားတစ်စုဟာ ချူရှင်းဟီကို ဖမ်းဆီးဖို့ ရှေ့ကို တိုးဝင်လာကြပါတယ်။</p> <p>မာလင်း ကတော့ ဘေးကနေ ကြည့်နေတာ ကြာပါပြီ။ မာလင်းကတော့ ဂိုဏ်းတူအစ်ကိုကြီး ရှင်းဟီတစ်ယောက် မတော်တဆ ဓားစာခံ ဖြစ်သွားရမှန်း သိပါတယ်။</p> <p>တစ်ဖက်လူက ဂိုဏ်းတူအစ်ကိုကြီး ရှင်းဟီကို ကောင်စုတ်လေး လို့ ခေါ်ဝံ့တာကို ကြားလိုက်ရတဲ့အခါ မာလင်းအနေနဲ့ စိတ်တိုလွန်းလို့ ရူးမတတ် ဖြစ်သွားပါပြီ။</p> <p>ရေခဲမြို့တော်က လူမိုက်တွေဟာ ဒီလောက်တောင် သေချင်နေကြတာလား။ ဘာလေးပဲဖြစ်ဖြစ် သေလမ်းကိုပဲ ရှာနေကြတာလား။</p> <p>မာလင်းဟာ ဖန်းဒူး ၀င်္ကပါကို အသက်သွင်းဖို့ ဟန်ပြင်လိုက်ပါတယ်။</p> <p>ဒါပေမဲ့ မာလင်း ဝင်္ကပါကို မဖွင့်ရသေးခင်မှာပဲ ချူရှင်းဟီဆီကို ပြေးဝင်လာတဲ့ လူတွေရဲ့ ရှေ့မှာ ဘယ်သူမှ သတိမထားမိနိုင်တဲ့ ဓားအလင်းတန်းတစ်ခုဟာ ရုတ်တရက် ပေါ်ထွက်လာပါပြီ။</p> <p>ဓားအလင်းတန်း လျှပ်ခနဲ လက်သွားရာကနေ တစ်ပြိုင်နက် အနက်ရောင်ဝတ် လူအတော်များများရဲ့ ခေါင်းတွေဟာ မြေပြင်ပေါ်ကို တိခနဲ ပြတ်ကျကုန်ပါတယ်။</p> <p>လည်ပင်းတွေကနေ သွေးတွေ ပန်းထွက်လာပေမဲ့ အားလန်ရဲ့ ဓားကို ထိန်းချုပ်နိုင်စွမ်းက တကယ်ကို အစွမ်းထက်လှတယ် ဆိုရမှာပါ။ သွေးတွေ ဒီလောက် ပန်းထွက်နေတာတောင် ချူရှင်းဟီရဲ့ အပေါ်ကို သွေးတစ်စက်မှ မစင်အောင် လုပ်ဆောင်နိုင်ခဲ့ပါတယ်။</p> <p>ဓားအလင်းတန်းက လူအတော်များများကို သတ်ဖြတ်ပြီးနောက်မှာတော့ အားလန်ဟာ ကျန်းတုန်းခွေရဲ့ ရှေ့ကို ချက်ချင်း ရောက်ရှိသွားပါပြီ။ ကျန်းတုန်းခွေ တုံ့ပြန်ဖို့ အချိန်တောင် မရလိုက်ပါဘူး။ အားလန်ရဲ့ ဓားက ဝှေ့ယမ်းလိုက်တာနဲ့ အဆင့် (၇) ကောင်းကင်အင်မော်တယ် ကျန်းတုန်းခွေရဲ့ ခေါင်းဟာ မြေပြင်ပေါ်ကို လိမ့်ကျသွားပါတော့တယ်။</p> <p>"မလုပ်နဲ့..."</p> <p>ချူရှင်းဟီက လက်ကို မြှောက်ပြီး တားလိုက်ပေမဲ့ အရာအားလုံးက နောက်ကျသွားပါပြီ။</p> <p>ဘိုးဘေးအင်မော်တယ်အဆင့်ရှိတဲ့ ထိပ်တန်း လုပ်ကြံသတ်ဖြတ်သူတစ်ယောက်ရဲ့ အမြန်နှုန်းဆိုတာ ဘယ်လိုမျိုးလဲ။ အားလန်ရဲ့ ဓားက ဘယ်လောက်တောင် မြန်လိုက်သလဲ။</p> <p>သာမန် အဆင့် (၇) ကောင်းကင်အင်မော်တယ် နေနေသာသာ၊ သာမန် ဘိုးဘေးအင်မော်တယ် တစ်ယောက်တောင် အားလန်ရဲ့ ရုတ်တရက် တိုက်ခိုက်မှုကို လွတ်အောင် ရှောင်နိုင်ဖို့ မသေချာပါဘူး။</p> <p>ဒါကြောင့် ချူရှင်းဟီ စကားပြောဖို့ အချိန်မရလိုက်တာပါ။</p> <p>အားလန်ရဲ့ ဒီလို လျှပ်တပြက် သတ်လိုက်မှုကြောင့် ချူရှင်းဟီ ဘာမှမတတ်နိုင်တော့ပါဘူး။</p> <p>(ဘာတွေလဲကွာ... မသတ်ခင် အနည်းဆုံး မေးခွန်းလေး ဘာလေးတော့ မေးဦးမှပေါ့။ မင်းရဲ့ လှုပ်ရှားမှုက အရမ်းကို မြန်လွန်းတယ်ကွာ။)</p> <p>ဒါပေမဲ့ အားလန်ရဲ့ သတ်ဖြတ်မှု မြန်ဆန်လွန်းတာကို ချူရှင်းဟီ ညည်းတွားနေတုန်းမှာပဲ ချင်းကျန့်စံအိမ်တစ်ခုလုံးဟာ ကမောက်ကမတွေ ဖြစ်ကုန်ပါပြီ။</p> <p>လူတိုင်း သိထားရမှာက အားလန်ဟာ အမြဲတမ်း ကိုယ်ပျောက်နေတာပါ။ မာလင်းတောင် အားလန် ဘယ်မှာလဲဆိုတာ မသိနိုင်ပါဘူး။</p> <p>ဒါကြောင့် အဲဒီနေရာမှာရှိနေတဲ့ လူတွေ မြင်လိုက်ရတာဟာ အားလန်က ဓားတိုလေးနဲ့ ဟန်တာသွေးသောက်များအဖွဲ့အဖွဲ့ဝင်တွေကို သတ်ဖြတ်နေတာ မဟုတ်ပါဘူး။</p> <p>လူတိုင်း မြင်လိုက်ရတာကတော့ ဟန်တာသွေးသောက်များအဖွဲ့အဖွဲ့ဝင်တွေက ချူရှင်းဟီကို တိုက်ခိုက်ဖို့ ပြေးဝင်လာကြတယ်။ ချူရှင်းဟီကတော့ ဘာမှမလုပ်ဘဲ ငြိမ်နေတယ်။ ဒါပေမဲ့ သူ့နားကို ချဉ်းကပ်လာတဲ့သူတိုင်းရဲ့ ခေါင်းတွေက မြေပေါ်ပြတ်ကျကုန်တယ်။ နောက်ဆုံးမှာ ချူရှင်းဟီက လက်ကလေး တစ်ချက် မြှောက်လိုက်တဲ့အခါမှာတော့ အဆင့် (၇) ကောင်းကင်အင်မော်တယ် ကျန်းတုန်းခွေဟာ အသံတောင် မထွက်နိုင်ဘဲ သူ့ခေါင်းက မြေပေါ် လိမ့်ကျသွားတာပါပဲ။</p> <p>ဒါတွေ အားလုံးဟာ တစ်စက္ကန့်အတွင်းမှာတင် ဖြစ်ပျက်သွားတာပါ။</p> <p>လက်အောက်ငယ်သားတစ်စုကို ဦးဆောင်လာတဲ့ အဆင့် (၇) ကောင်းကင်အင်မော်တယ်တစ်ယောက်ဟာ တစ်စက္ကန့်တောင် မခံနိုင်သလို သူတို့တဖွဲ့လုံးလည်း ခေါင်းပြတ်သွားကြပါတယ်။</p> <p>သွေးတွေဟာ ချင်းကျန့်စံအိမ်ကြီး တစ်ခုလုံးကို စွန်းထင်းသွားခဲ့ပါပြီ။ အဲဒီအချိန်မှာ ချင်းကျန့်စံအိမ်ကြီးဟာ ရုတ်ရုတ်သဲသဲ ဖြစ်သွားပါတော့တယ်။</p> <p>အဲဒါ အဆင့် (၇) ကောင်းကင်အင်မော်တယ်ကြီးလေ။</p> <p>လူအတော်များများအတွက်တော့ အဆင့် (၇) ကောင်းကင်အင်မော်တယ်ဆိုတာ အလွန်ကို အစွမ်းထက်လှသူတစ်ဦးပါ။</p> <p>ကျန်းတုန်းခွေဟာ အဆင့် (၇) ကို ရောက်ကတည်းက ရေခဲမြို့တော်မှာ သူ့ကို ဘယ်သူမှ မစော်ကားရဲပါဘူး။</p> <p>အရင်က သူ့ကို ဆန့်ကျင်ခဲ့တဲ့ ဝူမိသားစုတောင် ကျန်းတုန်းခွေနဲ့ မျက်နှာတစ်ထောင်မြေခွေးတို့ရဲ့ လက်ချက်နဲ့ တစ်မျိုးလုံး အသတ်ခံလိုက်ရတာလေ။</p> <p>ဒါပေမဲ့ လူတိုင်းရဲ့ မျက်စိထဲမှာတော့ အဲဒီလောက် အစွမ်းထက်တဲ့ ကျန်းတုန်းခွေဟာ စကားတစ်ခွန်းတောင် မပြောရသေးခင်မှာပဲ ခေါင်းပြတ်သွားရတာလား။</p> <p>ပြီးတော့ တစ်ဖက်လူက လက်လေး တစ်ချက်ပဲ မြှောက်လိုက်တာလေ။</p> <p>အခုအချိန်မှာတော့ ချူရှင်းဟီအပေါ် ထားတဲ့ လူတိုင်းရဲ့ အမြင်က ပြောင်းလဲသွားပါပြီ။ ဒီကြည့်ရတာ သဘောကောင်းပုံရတဲ့ လူငယ်လေးဟာ တကယ်တော့ ကောင်းကင်ဘုံက လူသတ်နတ်ဘုရား ဆင်းသက်လာတာပဲ ဖြစ်ရမယ်။</p> <p>ကျန်းတုန်းခွေက သူ့လူတွေကို ခေါ်ပြီး ဒီလူငယ်ကို ဝိုင်းလိုက်တုန်းက ဘေးကလူတွေက ဒီလူငယ်တော့ ဒီနေ့ ဒုက္ခရောက်တော့မှာပဲဆိုပြီး သက်ပြင်းချခဲ့ကြတာပါ။</p> <p>ဒါပေမဲ့ စက္ကန့်ပိုင်းအတွင်းမှာတင် ကျန်းတုန်းခွေနဲ့ သူ့လူတွေအားလုံး ခေါင်းပြတ်သွားလိမ့်မယ်လို့ ဘယ်သူမှ ထင်မထားခဲ့ကြပါဘူး။</p> <p> </p> <p>ဒီလူငယ်လေးက ကျင့်စဉ်အဆင့် ဘယ်လောက်တောင် ရှိနေလို့လဲ။ အနည်းဆုံးတော့ အဆင့် (၈) သန့်စင်သောယန် အင်မော်တယ်တစ်ယောက်တော့ ဖြစ်ရမယ် မဟုတ်လား။</p> <p>မာလင်း ကလည်း အဖြစ်အပျက်ကို ကြည့်ပြီး အံ့ဩမှင်သက်နေပါပြီ။ အမှန်အတိုင်း ပြောရရင်တော့ အားလန် ရဲ့ ဓားက မြန်မှန်း မာလင်း သိထားပေမဲ့ ဒီလောက်အထိ မြန်လိမ့်မယ်လို့တော့ ထင်မထားခဲ့ပါဘူး။</p> <p>မြင်ကွင်းကို ကြည့်ရင်း မာလင်းတစ်ယောက် သူ့လည်ပင်းကိုသူ ပြန်စမ်းမိပြီး ကြက်သီးတောင် ထသွားပါတယ်။</p> <p>ဒါက ဟေးယွဲ့ကလန်ရဲ့ အစွမ်းလား။</p> <p>ပုံမှန်ဆိုရင်တော့ ဟေးယွဲ့ကလန်တွေဟာ မဟာမိုးကောင်းကင်ဂိုဏ်းထဲမှာ တကယ့်ကို အေးအေးဆေးဆေးနဲ့ အလိုက်သင့် နေတတ်ကြသူတွေပါ။ တစ်ခုခုဆိုရင် လူတိုင်းက ဟေးယွဲ့ကလန်က ဂိုဏ်းတူအစ်ကို၊ အစ်မတွေကို လာရှာပြီး ဒါလေး စမ်းသပ်ချင်လို့ ခဏလောက် အသေခံပေးပါဦးဆိုပြီး အကူအညီ တောင်းတတ်ကြသေးတာ။</p> <p>ဒါကြောင့် လူတိုင်းက ဟေးယွဲ့ကလန်တွေကို အရမ်းသဘောကောင်းပြီး ကူညီတတ်သူတွေလို့ပဲ ထင်နေကြတာပါ။</p> <p>ဒါပေမဲ့ အားလန်ရဲ့ အစွမ်းက ဒီလောက်အထိ ကြီးမားလိမ့်မယ်လို့ မာလင်း အိပ်မက်တောင် မမက်ဖူးပါဘူး။ တကယ်လို့ အားလန်ကသာ သူ့ကို ပစ်မှတ်ထားလိုက်မယ်ဆိုရင် သူ သေချာပေါက် သေရမှာပဲလို့ မာလင်း ယုံကြည်သွားပါပြီ။</p> <p>သူ့ရဲ့ သရဲတစ်သောင်း ၀င်္ကပါကိုသာ အသက်သွင်းနိုင်ရင်တော့ အားလန်ရဲ့ လှုပ်ရှားမှု အရိပ်အယောင်ကို မြင်ကောင်း မြင်တွေ့နိုင်ပါလိမ့်မယ်။</p> <p>ဒါပေမဲ့ လျှပ်တပြက် လှုပ်ရှားတတ်တဲ့ အားလန်က သူ့ကို ၀င်္ကပါ အသက်သွင်းဖို့ အချိန်ပေးပါ့မလား။</p> <p>သူသာ အားလန်နဲ့ ပြိုင်ဘက်ဖြစ်ခဲ့ရင် ၀င်္ကပါကိုတောင် မဖွင့်ရသေးခင်မှာပဲ သူ့ခေါင်းက မြေပေါ် ရောက်နေလောက်ပြီလို့ မာလင်း ခံစားနေရပါပြီ။</p> <p>လူတိုင်းက ဟေးယွဲ့ကလန်သားတွေကို အရမ်းသဘောကောင်းတယ်လို့ ထင်ကြပေမယ့်လည်း အခုအချိန်မှာတော့ လူတိုင်း အကြီးအကျယ် မှားနေပြီဆိုတာ မာလင်း သဘောပေါက်သွားပါပြီ။</p> <p>ဟေးယွဲ့ကလန်တွေဆိုတာ မွေးရာပါ လုပ်ကြံသတ်ဖြတ်သူတွေလေ။ သူတို့က အမြဲ သဘောကောင်းနိုင်ပါ့မလား။</p> <p>သူရဲကောင်းလေး ရှေ့မှာတော့ သူတို့က သဘောကောင်းကြတာပေါ့။ သူရဲကောင်းလေး ဘာပြောပြော သူတို့ နားထောင်ကြတယ်။ မာလင်းနဲ့ အားလန်တို့ ရယ်ရယ်မောမော စနောက်နေကြတာတောင် ဘာပြဿနာမှ မရှိဘူးလေ။</p> <p>ဒါပေမဲ့ ဟေးယွဲ့ကလန်တွေက အမှောင်တန်ခိုးစွမ်းအားကို ဆုပ်ကိုင်ထားသူတွေလေ။ အမှောင်လမ်းစဉ် လျှောက်လှမ်းသူတွေကို ငြိမ်းချမ်းရေး တမန်တော်တွေလို့ ဘယ်သူကများ ထင်မှာလဲ။</p> <p>ဟေးယွဲ့ကလန်တွေရဲ့ အကြီးမားဆုံး အစွမ်းကတော့ သတ်ဖြတ်ခြင်းပေပဲ။</p> <p>တကယ်လို့ ဟေးယွဲ့ကလန်သားတစ်စုကသာ လူတစ်ယောက်ကို သတ်ဖို့ ဆုံးဖြတ်လိုက်ရင် ကမ္ဘာ့နတ်ဘုရား ခြေတစ်ဝက်လှမ်းထားတဲ့ အဆင့် ဖြစ်နေရင်တောင် အသက်ရှင်မယ်လို့ လုံးဝ အာမခံနိုင်မှာ မဟုတ်ပါဘူး။</p> <p>သေမျိုးမဟုတ်တဲ့ ထိပ်တန်း လုပ်ကြံသတ်ဖြတ်သူတစ်စု။ ပြီးတော့ ခုနက အားလန်ရဲ့ ပြတ်သားတဲ့ သတ်ဖြတ်မှုကို ကြည့်ရင် သူဟာ လူ့အသက်ကို ဘာမှမဟုတ်သလို သဘောထားတယ်ဆိုတာ ထင်ရှားပါတယ်။</p> <p>သူရဲကောင်းလေးရဲ့ တားမြစ်ချက်သာ မရှိရင် အားလန် ဘာတွေလုပ်ဦးမလဲဆိုတာ မင်းတို့ စိတ်ကူးတောင် ယဉ်ရဲမှာ မဟုတ်ဘူး။</p> <p>ဂိုဏ်းတူအစ်ကိုကြီး အားလန်ကတောင် ဒီလောက် ကြောက်စရာကောင်းနေတာ။ ငါတို့ရဲ့ ဟေးယွဲ့နန်းတော်ထဲမှာ ဒီလို ကြောက်စရာကောင်းတဲ့သူတွေ အယောက်ပေါင်း များစွာ ရှိနေသေးတာလေ...။</p> <p>မဟာသူတော်စင်ကြီးအကြောင်းဆိုရင်တော့ ပြောနေစရာတောင် မလိုတော့ပါဘူး။ မဟာသူတော်စင်ကြီးကတော့ လုပ်ကြံသတ်ဖြတ်မှုကိုတောင် မသုံးတော့ဘဲ ခန္ဓာကိုယ်ဖောက်ခွဲပြီး သတ်ဖြတ်တဲ့ စတိုင်ကိုတောင် ပြောင်းသုံးနေပြီ မဟုတ်ပါလား။</p> <p>….</p> <p> </p> <p>"ဟူး... ငါတို့က လက်တောင် ပါသွားပြီဆိုတော့ ဟို မျက်နှာတစ်ထောင်မြေခွေး ကိုပါ တစ်ခါတည်း သတ်လိုက်တာပေါ့။"</p> <p>ချူရှင်းဟီတစ်ယောက် စားပွဲမှာ ထိုင်ရင်း သခွားမွှေးကို အေးအေးဆေးဆေး စားပြီး ပြောလိုက်ပါပြီ။</p> <p>သူရဲကောင်းလေးရဲ့ စကားကို ကြားတာနဲ့ အားလန်က ဝေခွဲမနေပါဘူး။ သူဟာ အလင်းတန်းတစ်ခုအဖြစ် ပြောင်းလဲသွားပြီး စကြ၀ဠာတည်ရှိမှုကို ဖြတ်ကျော်ကာ ပျောက်ကွယ်သွားပါတော့တယ်။</p> <p>ခဏအကြာမှာတော့ ကောင်းကင်ယံကနေ ခေါင်းတစ်လုံးဟာ ရေခဲမြို့တော် ထဲကို ပျံဝဲလာပြီး နောက်ဆုံးမှာတော့ ချင်းကျန့်စံအိမ် ထဲကို ပြုတ်ကျလာပါပြီ။ အဲဒီခေါင်းကတော့ ဒီနေ့ ချူရှင်းဟီကို အမှတ်အသား လုပ်သွားတဲ့သူရဲ့ ခေါင်းပါပဲ။</p> <p>သေသွားတဲ့အချိန်အထိ သူ့ရဲ့ ခေါင်းပေါ်မှာ အပြုံးတစ်ခု ရှိနေတုန်းပါ။</p> <p>ဒီမျက်နှာတစ်ထောင်မြေခွေးဟာ ဟန်တာသွေးသောက်များအဖွဲ့က သူ့အပေါ် လုပ်ထားတဲ့ အမှတ်အသားကို သိပြီးသားပါ။</p> <p>ဒါပေမဲ့ သူက ဂရုမစိုက်ပါဘူး။ ဘာလို့လဲဆိုတော့ အဲဒီအမှတ်အသားကို တခြားလူဆီ လွှဲပြောင်းပေးနိုင်တဲ့ အထူးနည်းလမ်း ရှိနေလို့ပါ။</p> <p>သူဟာ ဒီနည်းလမ်းကို အကြိမ်ပေါင်းများစွာ သုံးခဲ့ဖူးပြီး ပစ္စည်းတွေကိုလည်း မတရား ခိုးယူခဲ့တဲ့ အကြိမ်ရေ မရေမတွက်နိုင်တော့ပါဘူး။</p> <p>ဒီနေ့ ချူရှင်းဟီဆီကို အမှတ်အသား လွှဲပေးပြီးတာနဲ့ မျက်နှာတစ်ထောင်မြေခွေးဟာ မြို့ပြင်ကို ချက်ချင်း ထွက်ပြေးခဲ့တာပါ။ ဒါပေမဲ့ သူ ဝမ်းသာလို့တောင် မဆုံးသေးခင်မှာပဲ အားလန်က ကောင်းကင်ကနေ ဆင်းသက်လာပါတယ်။ မျက်နှာတစ်ထောင်မြေခွေးဟာ အစကနေ အဆုံးအထိ အားလန်ရဲ့ အရိပ်ကိုတောင် မမြင်လိုက်ရဘဲ‌ ခေါင်းနဲ့ကိုယ်နဲ့ အိုးစားကွဲသွားရှာပါပြီ။</p> <p>ဒါကြောင့် သူ သေတဲ့အထိ မျက်နှာမှာ အပြုံးက မပျက်ခဲ့တာပါ။။</p> <p>မျက်နှာတစ်ထောင်မြေခွေးရဲ့ ပြုံးနေတဲ့ ခေါင်းကို ကြည့်ပြီး ချူရှင်းဟီရဲ့ မျက်နှာအမူအရာက သိပ်မပြောင်းလဲပါဘူး။ အားလန်ရဲ့ နည်းလမ်းတွေက နည်းနည်း ရက်စက်တယ်ဆိုပေမဲ့ပေါ့။</p> <p>ဒါပေမဲ့ ဒီလိုလူတွေဟာ သေသင့်တယ်လို့ပဲ ပြောလိုက်တာက သူတို့ကို ခွင့်လွှတ်ပေးလိုက်သလိုတောင် ဖြစ်နေဦးမှာပါ။</p> <p>ကျန်းတုန်းခွေ တစ်ယောက် လွန်ခဲ့တဲ့ နှစ်တွေအတွင်း ဘာတွေလုပ်ခဲ့သလဲဆိုတာ မေးနေစရာတောင် မလိုပါဘူး။ ကျန်းတုန်းခွေ သေသွားပြီးနောက် ဘေးပတ်ဝန်းကျင်က လူတွေရဲ့ မျက်နှာကို ကြည့်ရုံနဲ့တင် သိနိုင်ပါတယ်။</p> <p>လူတိုင်းက အစမှာတော့ ထိတ်လန့်သွားကြပေမဲ့၊ အဲဒီနောက်မှာတော့ လူပေါင်းများစွာရဲ့ မျက်နှာမှာ ဝမ်းသာတဲ့ အရိပ်အယောင်တွေ ထင်ဟပ်လာကြပါပြီ။</p> <p>ဒီမျက်နှာတစ်ထောင်မြေခွေး အကြောင်းဆိုရင်တော့ ပိုတောင် ပြောစရာ မလိုသေးဘူး။ ဒီနေ့ သူက ချူရှင်းဟီနဲ့ သွားတိုးလို့သာ ဒီအမှတ်အသားက ချူရှင်းဟီဆီ ရောက်လာတာလေ။</p> <p>တကယ်လို့ ချူရှင်းဟီ မဟုတ်ဘဲ တခြားလူဆိုရင်ကော။</p> <p>တကယ်လို့သာ အပြစ်မဲ့တဲ့ သာမန်လူတစ်ယောက်ဆိုရင် အခုအချိန်မှာ သေရမှာက ကျန်းတုန်းခွေ မဟုတ်ဘဲ အဲဒီအပြစ်မဲ့သူပဲ ဖြစ်နေမှာပေါ့။</p> <p>ဒါကြောင့် ချူရှင်းဟီက မျက်နှာတစ်ထောင်မြေခွေးကို လွှတ်မပေးခဲ့တာပါ။ လက်ပါသွားပြီဆိုမှတော့ ဒီလို အမှိုက်တွေကိုပါ တစ်ခါတည်း ရှင်းပစ်လိုက်တာ ပိုကောင်းတာပေါ့။</p> <p>ဒါပေမဲ့ ချူရှင်းဟီက အမှိုက်တွေကို ရှင်းနေတာ မှန်ပေမဲ့၊ ရုတ်တရက်ကြီး ပျံဝင်လာတဲ့ မျက်နှာတစ်ထောင်မြေခွေးရဲ့ ခေါင်းကတော့ နည်းနည်းတော့ လွန်သွားသလိုပါပဲ။</p> <p>အခုအချိန်မှာတော့ ချင်းကျန့်စံအိမ်ထဲက လူအားလုံးဟာ ဆွံ့အပြီး မှင်သက်နေကြပါတော့တယ်။</p> <p> </p> <p>အားလန်က အမြဲတမ်း ကိုယ်ပျောက်နေတဲ့သူဆိုတာကိုတော့ သိထားရပါမယ်။ ခုနက သူသတ်ဖြတ်နေတဲ့ အချိန်မှာလည်း ဘယ်သူမှ သူ့ကို မမြင်လိုက်ရဘဲ၊ ချူရှင်းဟီ က လက်တစ်ချက် မြှောက်လိုက်ရုံနဲ့ ကျန်းတုန်းခွေ နဲ့ တခြားလူတွေရဲ့ ခေါင်းတွေ မြေပေါ်ပြတ်ကျသွားတာကိုပဲ အားလုံးက မြင်လိုက်ရတာပါ။</p> <p>ဒါက တော်တော်လေး လွန်လွန်းတယ်လို့ ထင်ရပေမဲ့ အနည်းဆုံးတော့ လူတွေ လက်ခံနိုင်တဲ့ အတိုင်းအတာထဲမှာ ရှိပါသေးတယ်။</p> <p>ဒါပေမဲ့ ခုနက မြို့ပြင်ကနေ ပျံဝင်လာတဲ့ ခေါင်းကတော့ နည်းနည်း ပိုပြီး မယုံနိုင်စရာ ဖြစ်မနေဘူးလား။</p> <p>ဒီလူက ဒီမှာ ငြိမ်ငြိမ်လေး ထိုင်နေတယ်၊ ပြီးတော့ အဲဒီ မျက်နှာတစ်ထောင်မြေခွေး ကိုပါ သတ်လိုက်ဦးလို့ပဲ ပြောလိုက်တာ။ အဲဒီမှာတင် မျက်နှာတစ်ထောင်မြေခွေးက သေသွားရောလား။</p> <p>ပြီးတော့ သူ့ခေါင်းက မြို့ပြင်ကနေ ချင်းကျန့်စံအိမ် အထိတောင် အဝေးကြီး ပျံလာတယ်ပေါ့။</p> <p>ဒါက ဘယ်လိုမျိုး တန်ခိုးစွမ်းအင်လဲဟင်။</p> <p>ချင်းကျန့်စံအိမ်ထဲမှာ မဟာမိုးကောင်းကင်ဂိုဏ်းရဲ့ အရွေးချယ်ခံပွဲ လာဖြေကြတဲ့ လူငယ်ပါရမီရှင်တွေ အများကြီး ရှိနေပါတယ်။ တချို့ကလည်း မိသားစုကြီးတွေက လာကြတာဆိုတော့ လောကကြီးအကြောင်း အတော်အသင့် မြင်ဖူးကြသူတွေပေါ့။</p> <p>ဒါပေမဲ့ အခုအချိန်မှာတော့ သူတို့ဟာ လောကကြီးအကြောင်း တကယ်မြင်ဖူးရဲ့လားဆိုတာကို ရာနှုန်းပြည့် သံသယဝင်သွားကြပါပြီ။</p> <p>နေပါဦး... ဒါက ဒဏ္ဍာရီထဲမှာ ကျန်ရစ်ခဲ့တဲ့ ပြောတဲ့အတိုင်း ဖြစ်လာစေတဲ့တာအို တန်ခိုးစွမ်းအင်များလား။</p> <p>အသက်သိပ်မကြီးသေးပုံရတဲ့ ဒီလူက သေမင်း နတ်ဘုရား များလား။</p> <p>သူက ဘယ်သူသေရမယ်လို့ ပြောလိုက်တာနဲ့ အဲဒီလူရဲ့ ခေါင်းက သူ့ဆီ တန်းတန်းမတ်မတ် ပျံလာရတာလား။</p> <p>ဒါက လူတွေရဲ့ နားလည်မှုကို လုံးဝ ကျော်လွန်နေပြီလေ။ ဟုတ်တယ်မလား။</p> <p>ဒါပေမဲ့ လူပေါင်းများစွာ အံ့ဩမှင်သက်နေတုန်းမှာပဲ တံခါးအပြင်ဘက်ကနေ ရုတ်ရုတ်သဲသဲ အသံတွေ ကြားလိုက်ရပါတယ်။ နောက်တစ်စက္ကန့်မှာတော့ သက်လတ်ပိုင်း အမျိုးသားတစ်ယောက်က လူတစ်စုကို ဦးဆောင်ပြီး အပြင်ကနေ ချင်းကျန့်စံအိမ်ထဲကို ဝင်လာတာ မြင်လိုက်ရပါပြီ။ သူ့ကို မြင်လိုက်တာနဲ့ ခန်းမတစ်ခုလုံးလည်း အုတ်အော်သောင်းနင်း ဖြစ်သွားပါတော့တယ်။</p> <p>"မဟာမိုးကောင်းကင်ဂိုဏ်းက လူတွေပဲ..."</p> <p>"ဒါ မဟာမိုးကောင်းကင်ဂိုဏ်းက တာဝန်ခံရန်လေ..."</p> <p>"တာဝန်ခံရန် ကိုယ်တိုင်တောင် ရောက်လာတာလား..."</p> <p>ဒါပေမဲ့ တာဝန်ခံရန် ပေါ်လာလို့ အံ့သြနေကြတဲ့ လူငယ်တစ်စုဟာ တာဝန်ခံရန်က ထိုင်နေတဲ့ ချူရှင်းဟီကို မြင်လိုက်ရတဲ့အခါမှာတော့ တုန်လှုပ်သွားတဲ့ မျက်နှာအမူအရာကို မြင်လိုက်ရပါတယ်။ နောက်တစ်စက္ကန့်မှာတော့ တာဝန်ခံရန်က အပြေးအလွှား ကြိုဆိုလိုက်ပါပြီ။</p> <p>"အလို။ ရှင်းဟီ ပါလား။ မင်း ရေခဲမြို့တော် ကို လာမယ်ဆိုရင် ငါ့ကို ကြိုပြောပါလားကွ။ ငါအဘိုးကြီးရန် ဘာမှတောင် မပြင်ဆင်ထားရသေးဘူး။"</p> <p>တာဝန်ခံရန်ရဲ့ စကားကို ကြားလိုက်ရတဲ့အခါမှာတော့ တကယ့်ကို အုတ်အော်သောင်းနင်း ဆူညံပွက်လောရိုက်သွားပါတော့တယ်။</p> <p>ဒီလူက... ချူရှင်းဟီ တဲ့လား။</p> <p> </p> <p style="text-align: center;">***</p>


Save