Book List

<h2 style="text-align: center;">Chapter 3</h2> <h2 style="text-align: center;">မင်းတို့တွေ စောင့်ကြည့်နေလိုက်ကြ</h2> <h2 style="text-align: center;">*</h2> <p> </p> <p> </p> <p>တာဝန်ခံရန်ဟာ ရာထူးအရ တာဝန်ခံ တစ်ယောက်သာ ဖြစ်ပေမဲ့ သူဟာ တစ်ဂိုဏ်းလုံးမှာရှိတဲ့ တာဝန်ခံတွေထဲမှာတော့ ထိပ်ဆုံးက အဆင့်သတ်မှတ်ခံထားရသူပါ။</p> <p>တပည့်သစ် ရွေးချယ်ရေးရဲ့ ပထမအဆင့်လိုမျိုး အလွန်အရေးကြီးတဲ့ တာဝန်ကို ယူထားရတာကိုကြည့်ရင် သူ့ရဲ့ အဆင့်အတန်းက ဘယ်လောက်မြင့်မားလဲဆိုတာ ခန့်မှန်းကြည့်လို့ ရနိုင်ပါတယ်။</p> <p>ဂိုဏ်းထဲက သာမန် အကြီးအကဲတွေတောင်မှ တာဝန်ခံရန်ကို ဘယ်တော့မှ အထင်မသေးရဲဘူးလို့ ပြောရင် လွန်မယ်မထင်ပါဘူး။</p> <p>ဘာလို့လဲဆိုတော့ တာဝန်ခံရန်ဟာ ဂိုဏ်းချုပ်ကြီးနဲ့ ဆရာဘိုးဘိုးတို့ကိုယ်တိုင် ပြုစုပျိုးထောင်ပေးခဲ့သူ ဖြစ်လို့ပါပဲ။</p> <p>တာဝန်ခံရန်ဟာ အကြီးအကဲ မဟုတ်ဘဲ တာဝန်ခံတစ်ယောက် ဖြစ်နေရတာကလည်း အရည်အချင်း မရှိလို့ မဟုတ်ပါဘူး။ သူက အပြင်စည်းကနေ တက်လှမ်းလာသူဖြစ်တာရယ်၊ ပါရမီက အနည်းငယ် နိမ့်ပါးနေတာရယ်ကြောင့် ဘိုးဘေးအင်မော်တယ်အဆင့်ကို မတက်လှမ်းနိုင်လို့သာ အကြီးအကဲ မဖြစ်တာပါ။</p> <p>ဒါပေမဲ့လည်း သူဟာ မဟာမိုးကောင်းကင်ဂိုဏ်းထဲမှာတော့ အလွန်မြင့်မားတဲ့ ရာထူးတစ်ခုကို ဆုပ်ကိုင်ထားဆဲပါပဲ။</p> <p>အပြင်လောကမှာဆိုရင်တော့ ပြောနေစရာတောင် မလိုတော့ပါဘူး။</p> <p>တာဝန်ခံရန်ဟာ လူအများကြီးရဲ့ ကံကြမ္မာကို ဆုံးဖြတ်ပေးနိုင်သူလို့ ပြောရင်လည်း မမှားပါဘူး။</p> <p>နှစ်စဉ်နှစ်တိုင်း မဟာမိုးကောင်းကင်ဂိုဏ်းရဲ့ လူသစ်ရွေးချယ်ပွဲကို လာဖြေတဲ့သူ ဘယ်လောက်တောင် များလိုက်သလဲ။</p> <p>တကယ်လို့သာ တာဝန်ခံရန်ရဲ့ မျက်စိကျခြင်းကို ခံရမယ်ဆိုရင်တော့ နောင်အနာဂတ် လမ်းကြောင်းဟာ သေချာပေါက် ပိုမိုချောမွေ့သွားမှာဖြစ်သလို၊ ဂိုဏ်းထဲကို ဝင်ခွင့်ရဖို့ အခွင့်အရေးကလည်း အများကြီး တိုးတက်သွားမှာပါ။</p> <p>ဒါကြောင့်လည်း နှစ်စဉ် တပည့်ရွေးချယ်ပွဲတွေ ကျင်းပတိုင်း ကမ္ဘာပေါ်က မိသားစုကြီးတွေဟာ သူတို့ရဲ့ သားသမီးတွေကို ဂိုဏ်းထဲသွင်းနိုင်ဖို့ ပထမဆုံး လုပ်ဆောင်တဲ့အလုပ်က တာဝန်ခံရန်ဆီ သွားပြီး ဂါရဝပြုကြတာပါပဲ။</p> <p>သူတို့ရဲ့ သားသမီးတွေက ဘယ်လောက်ပဲ ထူးချွန်နေပါစေဦးတော့၊ တာဝန်ခံရန်ရဲ့ ခေါင်းညိတ်မှုကိုသာ ရထားမယ်ဆိုရင် ဒုတိယအဆင့်ကို တက်သွားတဲ့အခါမှာတောင် ဂိုဏ်းထဲဝင်ခွင့်ရဖို့ အလားအလာ ပိုကောင်းသွားမှာလေ။</p> <p>ဒါကြောင့် တာဝန်ခံရန်ဟာ အပြင်လောကမှာ ဩဇာကြီးတယ် ဆိုတာထက်ကို ပိုပါတယ်။</p> <p>မင်းတို့ရဲ့ မိသားစုကသာ တကယ့်ကို နာမည်ကြီး မိသားစုမဟုတ်ဘူးဆိုရင် တာဝန်ခံရန်ဆီ ဂါရဝသွားပြုဖို့တောင် အရည်အချင်း မမီပါဘူး။</p> <p>ဒီလူငယ် ပါရမီရှင်တွေအတွက်တော့ တာဝန်ခံရန်ဆိုတာ သူတို့ အိမ်မက်ထဲမှာတောင် ဖားချင်နေကြတဲ့ ပုဂ္ဂိုလ်ကြီးပါ။</p> <p>ဒီနေ့မှာတော့ တာဝန်ခံရန်ဟာ မဟာမိုးကောင်းကင်ဂိုဏ်းထဲကို ဝင်ဖို့ အဝေးကနေ ရောက်လာကြတဲ့ မိသားစုကြီးတချို့ရဲ့ အကြီးအကဲတွေနဲ့ တွေ့ဆုံနေတုန်းမှာပဲ ကျန်းတုန်းခွေ တစ်ယောက် ချင်းကျန့်စံအိမ် မှာ အသတ်ခံလိုက်ရတယ်ဆိုတဲ့ သတင်းကို ရလိုက်ပါတယ်။</p> <p>ကျန်းတုန်းခွေလို အမှိုက်ကောင်လေးတစ်ကောင်အတွက်တော့ တာဝန်ခံရန်က စိတ်ဝင်တစားနဲ့ လိုက်ပြီး ဖြေရှင်းပေးနေဖို့ ပျင်းရိနေတာပါ။</p> <p>ဘာပဲဖြစ်ဖြစ် ငါတို့ မဟာမိုးကောင်းကင်ဂိုဏ်းကလည်း လောကမှာရှိတဲ့ ညစ်ပတ်တဲ့ အလုပ်တိုင်းကို လိုက်ကိုင်တွယ်ပေးနေလို့ မရဘူး မဟုတ်လား။</p> <p>ဒီလောကကြီးမှာ နေ့တိုင်း တိုက်ခိုက်သတ်ဖြတ်မှုတွေ မရေမတွက်နိုင်အောင် ဖြစ်နေတာဆိုတော့ ဂိုဏ်းအနေနဲ့ အကုန်လုံးကို လိုက်ထိန်းကျောင်းဖို့ဆိုတာ မဖြစ်နိုင်ပါဘူး။</p> <p>ဒါကြောင့် ကျန်းတုန်းခွေလို လူမျိုးတွေက မဟာမိုးကောင်းကင်ဂိုဏ်းနဲ့ ပတ်သက်တဲ့သူတွေကို သွားမစော်ကားသရွေ့တော့ တာဝန်ခံရန်က မေးမြန်းဖို့တောင် စိတ်မပါပါဘူး။</p> <p>ဒါပေမဲ့ ကျန်းတုန်းခွေ အသတ်ခံလိုက်ရတယ်ဆိုတာကို ကြားရတဲ့အခါ တာဝန်ခံရန် အနည်းငယ်တော့ အံ့ဩသွားမိပါတယ်။</p> <p>လွန်ခဲ့တဲ့ ရက်ပိုင်းကတင် ကျန်းတုန်းခွေတစ်ယောက် အဆင့် ၇ ကို ရောက်သွားပြီလို့ ကြားထားတာ မဟုတ်လား။</p> <p>(ဒီကောင်က အရည်အချင်း သိပ်မရှိပေမဲ့ ကံကတော့ တော်တော်ကောင်းတာပဲ။ ဒါပေါ့၊ အဓိကကတော့ ချူရှင်းဟီ ရဲ့ နှစ်တစ်ထောင် မဟာအခမ်းအနားပွဲတော်ကြီးကြောင့် လောကကြီးရဲ့ ဝိညာဉ်စွမ်းအင်တွေ နိုးထလာလို့ပဲ မဟုတ်လား။)</p> <p>ဒါပေမဲ့ အဆင့် ၇ ရောက်နေတဲ့ ကျန်းတုန်းခွေ အသတ်ခံလိုက်ရတယ် ဟုတ်လား။ ငါတို့ ရေခဲမြို့တော်ထဲကို အစွမ်းထက်တဲ့ တန်ခိုးရှင် တစ်ယောက် ရောက်နေတာလား။</p> <p>တာဝန်ခံရန်က ဘယ်သူရောက်နေတာလဲဆိုတာကို စူးစမ်းနေတုန်းမှာပဲ၊ လူငယ်လေးတစ်ယောက်က လက်တစ်ချက် မြှောက်လိုက်ရုံနဲ့ ကျန်းတုန်းခွေနဲ့ သူ့လက်အောက်ငယ်သားတွေအားလုံး ခေါင်းပြတ်သွားကြတယ်ဆိုတဲ့ သတင်းကို ထပ်ရပါတယ်။ အဆင့် ၇ ကောင်းကင်အင်မော်တယ်း ကျန်းတုန်းခွေမှာ ခုခံဖို့တောင် အချိန်မရလိုက်ဘူးတဲ့လား။</p> <p>ဒါကို ကြားလိုက်ရတဲ့အခါမှာတော့ တာဝန်ခံရန် ငြိမ်ငြိမ်လေး ထိုင်မနေနိုင်တော့ပါဘူး။ တာဝန်ခံရန်က ဟိုလူငယ်တွေလို မဟုတ်ပါဘူး။ သူ သိထားတာက အဆင့် ၇ ကောင်းကင်အင်မော်တယ်းတစ်ယောက်ကို သတ်ဖို့ဆိုရင် အဆင့် ၈ သန့်စင်သောယန် အင်မော်တယ်တစ်ယောက်ဖြစ်မှသာ ရမှာပါ။</p> <p>ဒါပေမဲ့ လက်တစ်ချက် မြှောက်လိုက်ရုံနဲ့ အဆင့် ၇ ကောင်းကင်အင်မော်တယ်းရဲ့ ခေါင်းကို ပြတ်သွားအောင် လုပ်ဖို့ဆိုတာကတော့ သာမန် ဘိုးဘေးအင်မော်တယ် တစ်ယောက်တောင်မှ လုပ်နိုင်ဖို့ ခဲယဉ်းပါလိမ့်မယ်။</p> <p>ဒါဆို... ဘယ်လို တန်ခိုးရှင်ကြီးများ ရေခဲမြို့တော်ကို ရောက်နေတာလဲ။</p> <p>တာဝန်ခံရန်ဟာ လူတွေကိုခေါ်ပြီး ချက်ချင်း သွားစစ်ဆေးပါတော့တယ်။ ဘာပဲဖြစ်ဖြစ် သာမန် ဘိုးဘေးအင်မော်တယ်တစ်ယောက် ရောက်လာမယ်ဆိုရင် အနည်းဆုံးတော့ မဟာမိုးကောင်းကင်ဂိုဏ်းကို အသိပေးရမှာလေ၊ အခုတော့ တစ်ဖက်လူက ဘာမှမပြောဘူးလား။ သူတို့က ဘာအတွက် လာတာလဲ။ သူတို့ရဲ့ ရည်ရွယ်ချက်က ဘာလဲ။</p> <p>ဒါပေမဲ့ တာဝန်ခံရန်ဟာ လူတွေကို ဦးဆောင်ပြီး ချင်းကျန့်စံအိမ် အဝင်ဝကို ရောက်သွားတဲ့ အချိန်မှာပဲ မြို့ပြင်ကနေ ခေါင်းတစ်လုံး ပျံဝင်လာတဲ့ မြင်ကွင်းကို အမှတ်မထင် မြင်လိုက်ရပါတယ်။ တာဝန်ခံရန် တစ်ယောက် လုံးဝကို ဆွံ့အသွားပါပြီ။ ရှေးခေတ်ဟောင်းမှာ မိုင်တစ်ထောင်အကွာကနေ ဓားတစ်လက်တည်းနဲ့ ဝိညာဉ်ကို ခြေရာခံနိုင်တဲ့ ဓားနတ်ဘုရားတွေ ရှိခဲ့တယ်လို့ သူ ကြားဖူးပါတယ်။ ဒါပေမဲ့ မိုင်တစ်ထောင်အကွာကနေ ခေါင်းတစ်လုံးကို သူ့ဘာသာ ပျံလာအောင် လုပ်နိုင်တဲ့သူကိုတော့ ဘယ်သူ မြင်ဖူးမှာလဲ။</p> <p>ဒါက ဘယ်လို နည်းလမ်းကြီးလဲ။ ဒါက အရမ်း လွန်လွန်းမနေဘူးလား။</p> <p>တာဝန်ခံရန် တစ်ယောက် အံ့ဩသွားခဲ့ပါပြီ။ မိုးကောင်းကင်တာအို အဆင့်သတ်မှတ်ချက်ထဲ စာရင်းဝင်တဲ့ အစွမ်းထက် တန်ခိုးရှင်ကြီးတစ်ယောက်များ ရေခဲမြို့တော်ကို ရောက်လာတာလား။</p> <p>ဒါပေမဲ့ တာဝန်ခံရန်က ချင်းကျန့်စံအိမ်ထဲကို လှမ်းဝင်လိုက်တဲ့ အချိန်မှာတော့၊ ခန်းမအလယ်မှာ ဘေးပတ်ဝန်းကျင်ကလူတွေ ဝိုင်းကြည့်နေကြတဲ့ကြားမှာ ထိုင်နေတဲ့ ချူရှင်းဟီကို မြင်လိုက်ရသလို၊ ဘေးနားမှာလည်း ကျန်းတုန်းခွေရဲ့ ခေါင်းမပါတဲ့ အလောင်းက သွေးတွေ စီးကျနေတုန်းပါပဲ။</p> <p>တာဝန်ခံရန်ဟာ ချူရှင်းဟီကို ချက်ချင်းပဲ မှတ်မိသွားပါပြီ။</p> <p>ဘာလဲ။ ချူရှင်းဟီက မြေခွေးရုပ်မျက်နှာဖုံးကို သုံးပြီး ရုပ်သွင်နဲ့ အရှိန်အဝါကိုပါ ပြောင်းလဲထားတာဆိုတော့ တာဝန်ခံရန်က ဘယ်လိုလုပ် မှတ်မိသွားတာလဲ သိချင်ကြတယ် မဟုတ်လား။</p> <p> </p> <p> </p> <p>တကယ်တော့ တာဝန်ခံရန်တစ်ယောက် ချူရှင်းဟီ ကို မမှတ်မိရင်တောင် သူ့ဘေးမှာ ရိုရိုသေသေ ရပ်နေတဲ့ မာလင်း ကိုတော့ မမှတ်မိဘဲ နေပါ့မလား။</p> <p>ချူရှင်းဟီရဲ့ ဘေးမှာ အရိုအသေပေးပြီး ရပ်နေတဲ့ မာလင်းကို တစ်ချက်ကြည့်လိုက်ပါဦး။</p> <p>မာလင်းဆိုတာ ဘယ်သူလဲ။</p> <p>ဖန်းဒူး သရဲ သခင်ကြီး မာလင်း ဆိုတာက နောက်ပြောင်ပြီး ပေးထားတဲ့ နာမည်မှ မဟုတ်တာ။</p> <p>ဒီလောကကြီးမှာ အေးအေးဆေးဆေး ထိုင်နေပြီး မာလင်းလိုလူမျိုးဆီက လက်ဖက်ရည်နဲ့ ရေကို ရိုရိုသေသေ ကမ်းပေးခံရဖို့ တော်ရုံလူ လုပ်နိုင်တဲ့ကိစ္စ မဟုတ်ပါဘူး။</p> <p>အနည်းဆုံးတော့ တာဝန်ခံရန် ကိုယ်တိုင်တောင် သူ့မှာ အဲဒီလို အခွင့်အရေးမျိုး မရှိဘူးလို့ ခံစားမိခဲ့ပါတယ်။</p> <p>အပြင်လောကမှာ တာဝန်ခံရန်က ဘယ်လောက်ပဲ ဩဇာတိက္ကမ ကြီးမားနေပါစေ၊ မာလင်းက မဟာမိုးကောင်းကင်ဂိုဏ်းရဲ့ အပြင်စည်းတပည့်လေး တစ်ယောက်ပဲ ဖြစ်နေပါစေဦးတော့... မာလင်းဟာ ချူရှင်းဟီရဲ့ အယုံကြည်ရဆုံး လက်ရုံးဖြစ်တယ်ဆိုတာ ဂိုဏ်းထဲမှာ မသိသူ မရှိပါဘူး။</p> <p>တာဝန်ခံရန် ကြားထားတာကတော့ ဆရာဘိုးဘိုး ကိုယ်တိုင်တောင်မှဒီလို သတ်မှတ်ထားတာတယ် ဆိုတာပါ။</p> <p> "မာလင်းဟာ နောင်တစ်ချိန်မှာ ချူရှင်းဟီကို အကောင်းဆုံး အထောက်အပံ့ ပေးနိုင်မယ့်သူ ဖြစ်လာလိမ့်မယ်"</p> <p>ဒါက ဘာကို ဆိုလိုသလဲဆိုတာ တာဝန်ခံရန် မသိဘဲ နေမလား။</p> <p>မာလင်းဟာ နောင်ကျရင် ဘယ်လောက်ပဲ ကံမကောင်းပါစေဦးတော့... အနည်းဆုံးတော့ အဓိက နန်းဆောင်တစ်ခုရဲ့ အကြီးအကဲ အဆင့်တော့ သေချာပေါက် ရလာမှာပါ။ မာလင်း ကိုယ်တိုင်ကတောင် သူဟာ "ဆရာဘိုးဘိုး" ရာထူးကိုပဲ ရည်မှန်းထားတာလို့ လူသိရှင်ကြား ကြွေးကြော်ထားတာ မဟုတ်လား။</p> <p>အဲဒီလိုလူမျိုးကို လက်ဖက်ရည် ငှဲ့ခိုင်းမယ် ဟုတ်လား။ တာဝန်ခံရန် စဉ်းစားလိုက်တာက... တကယ်လို့ သူသာ မာလင်းကို အဲဒီလို ခိုင်းစေခဲ့ရင် မာလင်းတစ်ယောက် ဆရာဘိုးဘိုး ဖြစ်လာတဲ့နေ့မှာ သူ့ကို လူသူမနီးတဲ့ တောခေါင်ခေါင် အရပ်တစ်ခုဆီ တာဝန်ခံအဖြစ် နယ်နှင်ဒဏ် ပေးခံရမှာ သေချာတယ် ဆိုတာပါပဲ။</p> <p>ဒါကြောင့် အခုခေတ်မှာ မာလင်းရဲ့ လက်ဖက်ရည် ငှဲ့တိုက်ခံချင်ရင် အနည်းဆုံးတော့ ဂိုဏ်းရဲ့ အဓိက အကြီးအကဲအဆင့် ရှိမှသာ အရည်အချင်း ပြည့်မီမှာပါ။</p> <p>ဒါ့အပြင် မာလင်းဟာ တောင်ပိုင်းခရီးစဉ်မှာ ချူရှင်းဟီရဲ့ နောက်ကို တကောက်ကောက် လိုက်ခဲ့တယ်ဆိုတာကိုလည်း ဂိုဏ်းထဲမှာ အားလုံး သိကြပါတယ်။</p> <p>ချူရှင်းဟီ တစ်ယောက် ရုတ်တရက်ကြီး မြောက်ပိုင်းကို ပြန်ရောက်လာလိမ့်မယ်လို့ တာဝန်ခံရန် လုံးဝ ထင်မထားခဲ့မိပါဘူး။</p> <p>ဒါပေမဲ့ အခုအချိန်မှာတော့ ကျန်းတုန်းခွေ ရဲ့ ခေါင်းက ဘာလို့ ပြတ်ကျသွားတာလဲ၊ မျက်နှာတစ်ထောင်မြေခွေး ရဲ့ ခေါင်းက ဘာလို့ မြို့ပြင်ကနေ ပျံဝင်လာတာလဲဆိုတာကို တာဝန်ခံရန် သဘောပေါက်သွားပါပြီ။</p> <p>ဘာလို့လဲဆိုတော့ အဲဒီမှာ အားလန် ရှိနေလို့လေ။ အားလန်ရဲ့ အရိပ်အယောင်ကို မမြင်ရပေမဲ့ သူဟာ ချူရှင်းဟီရဲ့ ဘေးနားမှာ ကပ်လိုက်နေမှာ အသေအချာပါပဲ။ ဒါကြောင့် ခုနက လူသတ်တာရော၊ ခေါင်းကို သယ်လာတာရော အားလုံးဟာ အားလန်ရဲ့ လက်ချက်ပဲပေါ့။</p> <p>အားလန်ကို ဘယ်သူမှ မမြင်နိုင်တာကြောင့် ခေါင်းက သူ့ဘာသာ ပျံလာသလိုမျိုး လူတွေ မြင်ခဲ့ကြတာပါ။</p> <p>အခုအချိန်မှာ တာဝန်ခံရန် ပေါ်လာတာနဲ့တစ်ပြိုင်နက် ချင်းကျန့်စံအိမ် တစ်ခုလုံးဟာ ရုတ်ရုတ်သဲသဲနဲ့ ပွဲဆူသွားပါတော့တယ်။</p> <p>လူငယ်အမြောက်အမြားဟာ တာဝန်ခံရန်နားကို ချဉ်းကပ်ဖို့နဲ့ ဖားဖို့ အသည်းအသန် ကြိုးစားကြပါပြီ။</p> <p>ဒါဟာ သာမန်အချိန်ဆိုရင် မြင်တွေ့ဖို့တောင် မလွယ်တဲ့ ပုဂ္ဂိုလ်ကြီး မဟုတ်လား။</p> <p>ဒါပေမဲ့ တာဝန်ခံရန်ကတော့ သူ့ကို ဖားနေတဲ့သူတွေကို လုံးဝ ဂရုမစိုက်ဘဲ ချူရှင်းဟီဆီကို တန်းတန်းမတ်မတ် လျှောက်သွားပါတယ်။</p> <p>"ဒီကို ရောက်နေတာကိုး ရှင်းဟီ။ ရှင်းဟီလေးကတော့ လုပ်ပြီ။ ရေခဲမြို့တော် ကို လာတာတောင် အဘိုးကြီးရန်ကို ကြိုမပြောဘူး။ ကြိုပြောရင် ငါ လူလွှတ်ပြီး ကြိုခိုင်းမှာပေါ့..."</p> <p>တာဝန်ခံရန်က အဲဒီလိုပြောရင်း သူ့နောက်က လိုက်လာတဲ့ အုပ်ချုပ်ရေးမှူးတွေဘက် လှည့်ပြီး အမိန့်ပေးလိုက်ပါတယ်။</p> <p> "မြန်မြန်... မြန်မြန်... မင်းတို့ရဲ့ ဂိုဏ်းတူအစ်ကိုကြီး ချူရှင်းဟီကို နှုတ်ဆက်ကြလေ"</p> <p> </p> <p>တာဝန်ခံရန်ရဲ့ စကားကို ကြားလိုက်ရတဲ့အခါ အုပ်ချုပ်ရေးမှူးတစ်စုရဲ့ မျက်နှာတွေဟာ ချက်ချင်းပဲ ပျက်ကုန်ကြပါပြီ။</p> <p>ချက်ချင်းဆိုသလိုပဲ အုပ်ချုပ်ရေးမှူးအားလုံးဟာ လက်အုပ်ချီ အရိုအသေပြုပြီး ချူရှင်းဟီကို နှုတ်ဆက်ကြပါတော့တယ်။</p> <p>"ဂိုဏ်းတူအစ်ကိုကြီး ချူရှင်းဟီကို ဂါရဝပြုပါတယ်။"</p> <p>အုပ်ချုပ်ရေးမှူးတွေရဲ့ နှုတ်ဆက်သံတွေနဲ့အတူ ချင်းကျန့်စံအိမ်ကြီးဟာ တစ်မိနစ်လောက်ကြာအောင် တိတ်ဆိတ်သွားပါတယ်။</p> <p>အခုအချိန်မှာတော့ လူတိုင်းဟာ ထိုင်ပြီး သခွားမွှေးစားနေတဲ့ ချူရှင်းဟီကို မျက်လုံးအပြူးသားနဲ့ စိုက်ကြည့်နေကြပါပြီ။</p> <p>ဒါ... ဒါက ဒဏ္ဍာရီထဲက ချူရှင်းဟီလား။</p> <p>ဒါပေမဲ့ တစ်ခုခုတော့ မှားနေသလိုပဲ... ငါတို့ မဟာမိုးကောင်းကင်ကြေးမုံထဲမှာ မြင်ဖူးတဲ့ ချူရှင်းဟီက ဒီလိုပုံစံမှ မဟုတ်တာ။</p> <p>လူပေါင်းများစွာရဲ့ ဇဝေဇဝါ အကြည့်တွေကြားမှာ ချူရှင်းဟီဟာ သူ့ရဲ့ မြေခွေးမျက်နှာဖုံးကို ဖြည်းဖြည်းချင်း ခွာလိုက်ပါတယ်။</p> <p>သူ့ရဲ့ အထောက်အထားကို ဆက်ပြီး ဖုံးကွယ်ထားဖို့ မလိုတော့ဘူးလေ။</p> <p>"ချူရှင်းဟီက တာဝန်ခံရန်ကို နှုတ်ဆက်ပါတယ်။"</p> <p>"ရှင်းဟီလေး။ ဒီကို လာရင် ဂိုဏ်းရဲ့ ဌာနခွဲဆီကို တန်းမလာဘဲ ဘာလို့ ဒီနေရာကို ရောက်နေတာလဲ။ လူလွှတ်ပြီး ကြိုရအောင် တစ်ခွန်းလောက်တော့ ပြောတာ မဟုတ်ဘူး"</p> <p>ပုံမှန်ဆိုရင် လူတွေကို အောက်ခြေကလူလို ဆက်ဆံတတ်တဲ့ တာဝန်ခံရန်ဟာ အခုတော့ ချူရှင်းဟီရဲ့ ရှေ့မှာ အလွန်ကို နှိမ့်ချနေတာကို အားလုံး မြင်လိုက်ရပါတယ်။</p> <p>ဒါပေမဲ့ တာဝန်ခံရန်ရဲ့ နှိမ့်ချမှုကို ဘယ်သူမှ မေးခွန်းမထုတ်ကြပါဘူး၊ ဘာလို့လဲဆိုတော့ အဲဒါ ချူရှင်းဟီ ဖြစ်နေလို့ပါပဲ။</p> <p>အမည်ခံအရဆိုရင်တော့ ချူရှင်းဟီက တပည့်တစ်ယောက်ဖြစ်ပြီး တာဝန်ခံရန်က ရာထူးရှိသူ ဖြစ်ပေမဲ့၊ ချူရှင်းဟီက သာမန်တပည့်တစ်ယောက်မှ မဟုတ်တာ။</p> <p>နှစ်တစ်ထောင် မဟာအခမ်းအနား ပွဲတော်ကြီး မှာ ချူရှင်းဟီရဲ့ ဒီသာယာဝပြောတဲ့ခေတ်ကြီးဟာ ဘိုးဘေးကြီးလို့ လိုချင်ခဲ့တဲ့ ခေတ်မဟုတ်လား ဆိုတဲ့ စကားတစ်ခွန်းက ထောင်ပေါင်းများစွာသော ဘိုးဘေးဝိညာဉ်တွေကို နိုးထစေခဲ့သလို၊ တစ်ကမ္ဘာလုံးရဲ့ ရှေးခေတ်ဟောင်း ဝိညာဉ်စွမ်းအင်တွေကိုပါ နိုးထစေခဲ့ပါတယ်။ ဒါက ကြောက်စရာအကောင်းဆုံးအပိုင်း မဟုတ်သေးပါဘူး။</p> <p>တကယ့် ကြောက်စရာအကောင်းဆုံးကတော့... ရှေးဟောင်းအမွေအနှစ် စွမ်းအားတွေကို ရရှိချိန်မှာ ချူရှင်းဟီဟာ မတုန်လှုပ်ပဲ ဂိုဏ်းချုပ်ကြီး ဂူမင်ချောင် (Gu Mingchao) ဆီကို ပေးအပ်ခဲ့တာပါ။ ဂူမင်ချောင်ကလည်း အဲဒီစွမ်းအားကို သုံးပြီး နှစ်တစ်ထောင်အတွင်းမှာ ကမ္ဘာ့နံပါတ်တစ် ကမ္ဘာ့နတ်ဘုရား ဖြစ်လာခဲ့တာ မဟုတ်လား။</p> <p>အရင်တုန်းကတောင် ချူရှင်းဟီရဲ့ အဆင့်အတန်းက ဂိုဏ်းထဲမှာ ဘယ်လောက်မြင့်ခဲ့သလဲ။</p> <p>ဒီဖြစ်ရပ်တွေပြီးနောက်မှာတော့ ချူရှင်းဟီဟာ တပည့်တစ်ယောက် ဟုတ်မဟုတ်ဆိုတာက အရေးကြီးပါဦးမလား။</p> <p>အခု ဂူမင်ချောင် တရားထိုင်နေတဲ့ အချိန်မှာတောင် ချူရှင်းဟီက ဂိုဏ်းချုပ်ကိုယ်စား ဂိုဏ်းကို လှည့်လည်စစ်ဆေးနေတာ မမြင်ဘူးလား။ ဒါဟာ တပည့်တစ်ယောက် လုပ်နိုင်တဲ့ အလုပ်မျိုးလို့ ထင်နေတာလား။</p> <p> </p> <p>အခုဆိုရင် အပြင်လောကမှာ ပြောနေကြတာက ချူရှင်းဟီ ရဲ့ အခြေအနေဟာ ဂိုဏ်းဆက်ခံမယ့်သူ ဆိုတာထက်တောင် ပိုနေပြီလို့ ဆိုကြပါတယ်။</p> <p>ဘာပဲဖြစ်ဖြစ် တချို့ဂိုဏ်းတွေမှာ ဂိုဏ်းဆက်ခံမယ့်သူတွေဟာ ဂိုဏ်းကို အမွေမဆက်ခံနိုင်ဘဲ ကျရှုံးသွားတာမျိုးတွေ ရှိတတ်ကြပါသေးတယ်။ ချူရှင်းဟီကတော့ သူ့ရဲ့ ကျင့်စဉ်အဆင့်က ဘိုးဘေးအင်မော်တယ် အဆင့်ကို မရောက်သေးလို့သာ ဂိုဏ်းချုပ်ဖြစ်ဖို့ မသင့်တော်သေးတာပါ။ မဟုတ်လို့သာ ချူရှင်းဟီက ဂူမင်ချောင် ကို  ဆရာဘိုးဘိုး လုပ်ချင်လား လို့သာ မေးလိုက်မယ်ဆိုရင်...</p> <p>အဲဒီနေ့မှာတင် ဂူမင်ချောင်ဟာ ချူရှင်းဟီကို မဟာမိုးကောင်းကင်ဂိုဏ်းရဲ့ ဂိုဏ်းချုပ်အဖြစ် တာဝန်လွှဲပြောင်းပေးကြောင်း ကြေညာလိုက်မှာ သေချာသလောက်ပါပဲ။</p> <p>ဒါကြောင့် တာဝန်ခံရန်ဟာ အပြင်လောကမှာ ဘယ်လောက်ပဲ နာမည်ကြီးနေပါစေ၊ ချူရှင်းဟီရဲ့ ရှေ့မှာတော့ မောက်မာရဲပါ့မလား။ ဘာလဲ... သူ့ရဲ့ တာဝန်ခံရာထူးက မကောင်းလို့လား။ လူသူမနီးတဲ့ တောခေါင်ခေါင်အရပ်ကို သွားချင်လို့လား။</p> <p>ဒီအချိန်မှာတော့ ချင်းကျန့်စံအိမ် တစ်ခုလုံးဟာ အုတ်အော်သောင်းနင်းတွေ ဖြစ်ကုန်ပြီး လူပေါင်းများစွာဟာ ချူရှင်းဟီကို မျက်လုံးအပြူးသားနဲ့ စိုက်ကြည့်နေကြပါပြီ။</p> <p>ဒါက ဒဏ္ဍာရီထဲက ချူရှင်းဟီပေါ့... ငါတို့ ချူရှင်းဟီကို ဒီလောက် အနီးကပ် မြင်တွေ့ခွင့်ရလိုက်တာ တကယ်ပဲလား။</p> <p>"ချူရှင်းဟီ... ကျွန်တော်က ဟယ်ရှီးမြို့က ဘိုင်မိသားစုကပါ။ ကျွန်တော့်အမေရဲ့ အမျိုးတွေက ကောင်ရှန်း တောင်ခြေရွာလေး ဘေးနားမှာ နေတာလေ။ ကျွန်တော်က ဆေးဖော်စပ်တာမှာ အရမ်းတော်ပါတယ်။ ကျွန်တော့်ကို မဟာမိုးကောင်းကင်ဂိုဏ်းထဲ ဝင်ခွင့်ရအောင် အခွင့်အရေးလေး ပေးပါဦးနော်"</p> <p>"ချူရှင်းဟီ... ကျွန်တော့်ရဲ့ ပါရမီက မကောင်းပေမဲ့... ကျွန်တော် တော်တော်လေး ကြိုးစားပါတယ်။ တကယ်လို့ ဂိုဏ်းထဲ ဝင်ခွင့်ရရင် ဆရာကြီးကို ကျွဲလို နွားလို အလုပ်အကျွေး ပြုပါ့မယ်။"</p> <p>"ချူရှင်းဟီ။ ပါရမီ ၉ မှတ် မပြည့်တဲ့ ကျွန်တော်တို့လို လူတွေကိုလည်း အခွင့်အရေးလေး ပေးပါဦး။ ကျွန်တော်တို့ ပါရမီ မကောင်းပေမဲ့ အရမ်းကြိုးစားကြပါတယ်"</p> <p>"ချူရှင်းဟီ... ရှင်နဲ့ ကလေးယူချင်ပါတယ်၊ ကျွန်မ သားလေးတွေ မွေးပေးနိုင်တယ်။ ကျွန်မရဲ့ ပထမ ကလေး နှစ်ယောက်လုံးက သားလေးတွေပဲလေ..."</p> <p>ဘုရားရေ... အခုအချိန်မှာ ချင်းကျန့်စံအိမ်ကြီးဟာ ရုတ်တရက် ပေါက်ကွဲထွက်မတတ် ဆူညံပွက်လောရိုက်နေပါပြီ။ ချူရှင်းဟီဆီက အခွင့်အရေး တောင်းတဲ့သူတွေ... အမျိုးတော်စပ်ဖို့ ကြိုးစားတဲ့သူတွေ... ဘာမှမပြောဘဲ သားမွေးပေးနိုင်တယ်လို့ အော်ဟစ်နေတဲ့သူတွေ... ဘာတွေမှန်းကို မသိတော့ပါဘူး။</p> <p>ဒါပေမဲ့ ချူရှင်းဟီကတော့ လူတစ်ယောက် ပြောလိုက်တဲ့ စကားကို သဘောတူတဲ့ အမူအရာ ပြလိုက်ပါတယ်။</p> <p>"ပါရမီ ၉ မှတ် မပြည့်တဲ့သူတွေကို အခွင့်အရေး ပေးဖို့လား။"</p> <p>"စိတ်ချပါ လူငယ်လေး၊ ငါ ဒီတစ်ခေါက် ရေခဲမြို့တော်ကို လာရတဲ့ ရည်ရွယ်ချက်ကလည်း အဲဒီအတွက်ပါပဲ။ ပါရမီအမှတ် ၉ မှတ်တို့ ဘာတို့ဆိုတာတွေက အတိတ်မှာ ကျန်ခဲ့ပါပြီ။ မင်းတို့ စောင့်ကြည့်နေလိုက်ကြ၊ ဒီတစ်ခါတော့ ငါ အညံ့စား ပါရမီရှင်တွေအတွက် အစွမ်းကုန် ကြိုးစားပေးတော့မယ်"</p> <p>ပြီးခဲ့တဲ့အကြိမ် မဟာမိုးကောင်းကင်မြို့တော်မှာ အောင်မြင်ခဲ့တာဟာ ငါ ချူရှင်းဟီအတွက်တော့ အရှက်တကွဲ ဖြစ်ခဲ့ရတာပါပဲ။ ဒီတစ်ခါတော့ ပထမဆုံးအဆင့်ကနေ စပြီး ငါ အကြီးအကျယ် မွှေတော့မယ်။</p> <p>ငါ အညံ့စားပါရမီရှင် တစ်သိုက်ကို ပထမအဆင့်ကနေ ဒုတိယအဆင့်အထိ တိုက်ရိုက် တက်လှမ်းနိုင်အောင် စီစဉ်ပေးလိုက်မယ်။ အဲဒီကျရင် ရွေးချယ်စရာတွေက အများကြီး ရှိလာမှာ။</p> <p>ပြီးတော့ ငါ ရွေးချယ်ရမယ့်သူတွေက အညံ့စားပါရမီရှင် တွေပဲ ဖြစ်နေမှတော့ ငါ ဘယ်လိုလုပ်ပြီး ရှုံးနိမ့်နိုင်ဦးမှာလဲ ပြောစမ်းပါဦး။</p> <p> </p> <p> </p> <p style="text-align: center;">***</p>


Save