Book List

<h2 style="text-align:center">Chapter 4</h2> <h2 style="text-align:center">အရခေါ်မှ ဖြစ်မယ်</h2> <h2 style="text-align:center">*</h2> <p> </p> <p> </p> <p>ချင်းကျန့်စံအိမ် မှာ ဖြစ်ပျက်ခဲ့တဲ့ အကြောင်းအရာတွေဟာ အချိန်တိုအတွင်းမှာပဲ ရေခဲမြို့တော်တစ်ခုလုံးကို ပြန့်နှံ့သွားပါတော့တယ်။</p> <p>အစတုန်းကတော့ ကျန်းတုန်းခွေ အသတ်ခံလိုက်ရတယ်ဆိုတဲ့ သတင်းကို ကြားရတဲ့အခါ လူတော်တော်များများဟာ အံ့ဩလွန်းလို့ အသက်ရှူတောင် မှားသွားကြပါသေးတယ်။</p> <p>ကျန်းတုန်းခွေဆိုတာ ရေခဲမြို့တော်မှာ ဘယ်လောက်တောင် နာမည်ဆိုးနဲ့ ကျော်ကြားသလဲဆိုရင်... သူ သေသွားပြီလို့ ကြားတာနဲ့ လူတွေဟာ ချက်ချင်း ဗျောက်အိုးတွေဖောက်ပြီး အောင်ပွဲခံကြမယ့်သူတွေချည်းပါပဲ။ ဒါပေမဲ့ ပြဿနာက ကျန်းတုန်းခွေရဲ့က ငြင်းလို့မရအောင် အစွမ်းထက်နေတာလေ။</p> <p>သူက အနည်းဆုံးတော့ အဆင့် (၇) ကောင်းကင်အင်မော်တယ်တစ်ယောက်ပဲ မဟုတ်လား။</p> <p>သူ့မှာ ဘာမှတောင် တုံ့ပြန်ခွင့် မရလိုက်ဘူး၊ ခုခံခွင့်တောင် မရှိဘဲနဲ့ သူ့ခေါင်းက တိခနဲ ပြတ်ကျသွားတယ် ဟုတ်လား။</p> <p>ဒါက နည်းနည်းတော့ မယုံနိုင်စရာ ဖြစ်မနေဘူးလား။</p> <p>ဒါပေမဲ့ မကြာခင်မှာပဲ ဒီကိစ္စတွေအားလုံးရဲ့ နောက်ကွယ်က လက်သည်ဟာ ဘယ်သူလဲဆိုတာကို သိလိုက်ရတဲ့အခါမှာတော့ ဘယ်သူမှ မယုံနိုင်စရာလို့ မထင်ကြတော့ပါဘူး။</p> <p>ချူရှင်းဟီ ဆိုတဲ့ နာမည်ကို အခုအချိန်မှာ တစ်လောကလုံးမှာ မကြားဖူးတဲ့သူ မရှိသလောက်ပါပဲ။ ချူရှင်းဟီက ဘယ်သူလဲဆိုတာကိုလည်း မသိတဲ့သူ မရှိပါဘူး။</p> <p>ဒါကြောင့် ဒါတွေအားလုံးဟာ ချူရှင်းဟီရဲ့ လက်ချက်လို့ ကြားလိုက်ရတဲ့အခါမှာတော့ အားလုံးက ဒါဟာ တကယ့်ကို ဖြစ်သင့်ဖြစ်ထိုက်တဲ့ ကိစ္စပဲလို့ ချက်ချင်း ခံစားလိုက်ရပါတယ်။</p> <p>ပြီးတော့ ချူရှင်းဟီ ရေခဲမြို့တော်ကို ရောက်နေတယ်ဆိုတဲ့ သတင်းကလည်း လူတိုင်းကို အကြီးအကျယ် လှုပ်ခတ်သွားစေပါတယ်။</p> <p>အထူးသဖြင့် မဟာမိုးကောင်းကင်ဂိုဏ်းရဲ့ ပထမအဆင့် လူသစ်ရွေးချယ်ပွဲကို လာဖြေကြတဲ့သူတွေဆိုရင် ပိုပြီးတော့တောင် စိတ်လှုပ်ရှားနေကြပါတယ်။</p> <p>မဟာမိုးကောင်းကင်ဂိုဏ်းထဲမှာ ချူရှင်းဟီရဲ့ အဆင့်အတန်းက ဘယ်လောက်မြင့်သလဲဆိုတာ ဘယ်သူမသိဘဲ နေမလဲ။ တကယ်လို့သာ ဒီပွဲကို အောင်မြင်လို့ ချူရှင်းဟီရဲ့ မျက်စိကျခြင်းကို ခံရမယ်ဆိုရင် ဒါဟာ တစ်ချက်တည်းနဲ့ နတ်ပြည်ရောက်သွားသလိုမျိုး ဘဝတစ်ခုလုံး ပြောင်းလဲသွားမှာ မဟုတ်လား။</p> <p>တာဝန်ခံရန်ကတော့ ချူရှင်းဟီနဲ့ ကျန်တဲ့နှစ်ယောက်ကို ကြိုဆိုတဲ့အနေနဲ့ ဂုဏ်ပြုစားပွဲတော်တစ်ခု ကျင်းပပေးဖို့ စီစဉ်ခဲ့ပါတယ်။</p> <p>ဒါပေမဲ့ ချူရှင်းဟီက ငြင်းပယ်လိုက်ပါပြီ။</p> <p>ဒါကြောင့် တာဝန်ခံရန်ဟာ သူတို့ သုံးယောက်အတွက် အကောင်းဆုံး တည်းခိုဆောင်တွေကိုပဲ ကိုယ်တိုင် စီစဉ်ပေးခဲ့ရပါတယ်။</p> <p>…</p> <p> </p> <p>တစ်ညတာ အနားယူပြီးတဲ့နောက် နောက်တစ်နေ့ မနက်မှာတော့ ချူရှင်းဟီဟာ အိပ်ရာနိုးလို့ မနက်စာစားပြီး ရေခဲမြို့တော်ထဲမှာ လမ်းလျှောက်ထွက်ဖို့ ပြင်ဆင်လိုက်ပါတယ်။</p> <p>ဒါပေမဲ့ သူ အပြင်တောင် မထွက်ရသေးခင်မှာပဲ ဂိုဏ်းရဲ့ ဌာနခွဲအပြင်ဘက်က အခြေအနေကို ကြည့်ပြီး အံ့ဩသွားရပါပြီ။</p> <p>ဘုရားရေ... အခုအချိန်မှာ ဂိုဏ်းဌာနခွဲရဲ့ အပြင်ဘက်မှာတော့ လူပင်လယ်ကြီး ဖြစ်နေပါပြီ။ လူတွေဟာ ဌာနခွဲကို ဝိုင်းထားလိုက်တာ ရေပက်မဝင် တိုးလို့မရလောက်အောင်ပါပဲ။</p> <p>ကံကောင်းထောက်မစွာနဲ့ တာဝန်ခံရန်က အခြေအနေကို မြန်မြန်ဆန်ဆန် တုံ့ပြန်နိုင်ခဲ့ပြီး ချူရှင်းဟီကို အပြင်က အခြေအနေတွေအကြောင်း မချိပြုံးလေးနဲ့ ရှင်းပြလိုက်ပါတယ်။</p> <p>ဘာမှတတ်နိုင်ဘူးလေ... အခုက မဟာမိုးကောင်းကင်ဂိုဏ်းရဲ့ တပည့်သစ် ရွေးချယ်ရေး ပထမအဆင့် ကျင်းပနေတဲ့ အချိန် မဟုတ်လား။</p> <p>ဒီ ပထမအဆင့် ရွေးချယ်ပွဲက မဟာမိုးကောင်းကင်မြို့တော်မှာ ကျင်းပတဲ့ ဒုတိယအဆင့် ရွေးချယ်ပွဲနဲ့ မတူပါဘူး။</p> <p>ပထမအဆင့် ရွေးချယ်ပွဲကတော့ တစ်လောကလုံးမှာရှိတဲ့ လူတိုင်းကို ဦးတည်ထားတာပါ။ မင်းရဲ့ အဆင့်အတန်းက ဘယ်လိုပဲရှိရှိ၊ မင်းသာ ဆန္ဒရှိမယ်ဆိုရင် မဟာမိုးကောင်းကင်ဂိုဏ်းက မင်းကို အရွေးချယ်ခံပွဲ ဝင်ဖြေခွင့် ပေးမှာပါ။</p> <p>ဒါပေမဲ့ ပထမအဆင့်ကို လာဖြေကြတဲ့သူ အများစုကတော့ ပျော်ပွဲရွှင်ပွဲလိုမျိုး လာကြည့်ကြတာ များပါတယ်။</p> <p>ဘာလို့လဲဆိုတော့ မဟာမိုးကောင်းကင်ဂိုဏ်းရဲ့ ပထမအဆင့်ကို အောင်မြင်ဖို့ဆိုတာကလည်း ပြောသလောက် မလွယ်ကူလို့ပါပဲ။</p> <p>တာဝန်ခံရန်က အခုလို ပြောလိုက်ပါပြီ။</p> <p>"ဒီနှစ်မှာတော့ ရှင်းဟီလေး စတင်ခဲ့တဲ့ နှစ်တစ်ထောင် မဟာအခမ်းအနား ပွဲတော်ကြီး ကြောင့် တစ်ကမ္ဘာလုံးရဲ့ ဝိညာဉ်စွမ်းအင်တွေ နိုးထလာခဲ့တယ်လေ။ ဒါကြောင့် အရင်က ကျင့်စဉ်ကျင့်ဖို့ အခွင့်အရေး မရှိခဲ့တဲ့သူတွေတောင် အခုတော့ အခွင့်အရေးတွေ ရလာကြပြီ။"</p> <p>"ဂိုဏ်းအသီးသီးရဲ့ အရွေးချယ်ခံပွဲတွေကို လာဖြေတဲ့ တပည့်လောင်း အရေအတွက်ဟာ အရင်နှစ်တွေထက် အများကြီး ပိုများလာတယ်။ ဂိုဏ်းကြီးတွေအတွက်တော့ ပြဿနာမရှိပေမဲ့ ဂိုဏ်းငယ်လေးတွေဆိုရင်တော့ ပျော်လို့မဆုံး ဖြစ်နေကြတာပေါ့။"</p> <p>"အရင်နှစ်တွေတုန်းကဆိုရင် သူတို့တွေဟာ ဂိုဏ်းကြီးတွေ ရွေးပြီးသား အကြွင်းအကျန်တွေကိုပဲ စောင့်ယူခဲ့ရတာ။ ဒါပေမဲ့ ဒီနှစ်မှာတော့ ရွေးချယ်စရာ တပည့်လောင်းတွေက အရင်ထက် အများကြီး ပိုများလာတာ သိသာတယ်။"</p> <p>"မဟာဂိုဏ်းကြီး၁၀ ဂိုဏ်းကို ဝင်ခွင့် လာဖြေတဲ့ တပည့်လောင်း အရေအတွက်ကတော့ မရေမတွက်နိုင်အောင်ပါပဲ။ ငါတို့ မဟာမိုးကောင်းကင်ဂိုဏ်း အကြောင်းဆိုရင်တော့ ပြောနေစရာတောင် မလိုတော့ပါဘူး။"</p> <p>"ဂိုဏ်းချုပ်ကလည်း ကမ္ဘာ့နတ်ဘုရား အဆင့်ကို ရောက်သွားပြီး နှစ်တစ်ထောင်အတွင်း ပထမဆုံး ကမ္ဘာ့နတ်ဘုရား ဖြစ်လာခဲ့သလို၊ ရှင်းဟီလေးကလည်း တစ်ကမ္ဘာလုံးက လူငယ်တွေ ကိုးကွယ်အားကျရတဲ့ အိုင်‌ဒေါ idol တစ်ယောက် ဖြစ်နေပြီလေ။"</p> <p>"အရွေးချယ်ခံပွဲအတွက် ရေခဲမြို့တော်ကို လာတဲ့သူတွေက အရင်ကတည်းက အများကြီးရှိနေတာ။ အခု ရှင်းဟီလေးပါ ရောက်နေတယ်ဆိုတဲ့ သတင်းကိုလည်း ကြားလိုက်ရရော။ အခု မြင်နေရတဲ့ အခြေအနေတွေကတော့ ဖြစ်လာတော့တာပါပဲ"</p> <p>ချူရှင်းဟီဟာ ဌာနခွဲအတွင်းကနေ အပြင်ဘက်ကို လှမ်းကြည့်လိုက်ပြီး စုပြုံတိုးဝှေ့နေတဲ့ လူအုပ်ကြီးကို မြင်လိုက်ရတဲ့အခါမှာတော့ ကြက်သီးတောင် ထသွားမိပါတယ်။</p> <p>ဘုရားရေ... သူတို့တွေက အရမ်း စိတ်အားထက်သန်နေကြတာပဲ။ ဒီလူတွေ ကြည့်ရတာ ငါ့ကို ဝါးစားတော့မယ့်အတိုင်းပဲ... ဘာဖြစ်လို့လဲ။ ငါက အနောက်အရပ် ကျမ်းစာသွားပင့်တဲ့ တျန်စန်းလိုမျိုး အသက်ရှည်စေတဲ့ အားဆေးတစ်ခွက်လိုများ ထင်နေကြတာလား။</p> <p>အရွေးချယ်ခံပွဲ လာဖြေတဲ့ သာမန်လူငယ်တွေအတွက်ကတော့ ပြဿနာမရှိပါဘူး။ တာဝန်ခံရန်က မဟာမိုးကောင်းကင်ဂိုဏ်းက တပည့်တွေကို အမြန်စေလွှတ်ပြီး စနစ်တကျ ရှိအောင် ထိန်းသိမ်းခိုင်းထားတာကြောင့် လူတိုင်းဟာ အစီအစဉ် ကျသွားခဲ့ပါပြီ။</p> <p>ဒါပေမဲ့ မဟာမိုးကောင်းကင်ဂိုဏ်းနဲ့ ဆက်ဆံရေးရှိတဲ့ မိသားစုကြီးတွေအတွက်ကျတော့ နည်းနည်းတော့ ခေါင်းခဲစရာ ဖြစ်လာပါတယ်။</p> <p>အခုဆိုရင် ချူရှင်းဟီနဲ့ တွေ့ဆုံခွင့်တောင်းတဲ့ ဖိတ်စာတွေဟာ ဂိုဏ်းဌာနခွဲထဲကို အပုံလိုက် ရောက်ရှိလာနေပါတယ်။</p> <p>ဖိတ်စာ အပုံလိုက်ကြီးကို ချူရှင်းဟီဆီ သယ်လာတဲ့ တာဝန်ခံရန်မှာလည်း မချိပြုံးလေးနဲ့ပါ။</p> <p>ချူရှင်းဟီကတော့ ဖိတ်စာတွေကို မြင်လိုက်ရတာနဲ့ ပထမဆုံး တုံ့ပြန်လိုက်တာကတော့။</p> <p>"ဒါတွေကို အကုန်လွှင့်ပစ်လိုက်ရင် မကောင်းဘူးလား... ဒီလောက်များတဲ့ ဖိတ်စာတွေကို တစ်ယောက်ချင်းစီ စကားတစ်ခွန်းစီပဲ ပြောရင်တောင် ဘယ်တော့မှ ပြီးမှာလဲ။"</p> <p>ဒါပေမဲ့ တာဝန်ခံရန်ကတော့ ဒါတွေကို လွှင့်ပစ်လို့ မရဘူးလို့ ပြောလိုက်ပါတယ်။</p> <p> </p> <p>"ရှင်းဟီလေး။ မသိသေးတာတစ်ခုရှိတယ်၊ ဖိတ်စာပို့ထားတဲ့ ဒီမိသားစုတွေထဲမှာ အများစုက ငါတို့ မဟာမိုးကောင်းကင်ဂိုဏ်းနဲ့ ရင်းနှီးတဲ့ဆက်ဆံရေးရှိကြရုံတင်မကဘူး။ တချို့ဆို အရင်က ဂိုဏ်းကို အများကြီး ကူညီပေးခဲ့ဖူးတာလေ။ အဲဒါကြောင့်..."</p> <p>တာဝန်ခံရန် ပြောချင်တဲ့ အဓိပ္ပာယ်က ရှင်းရှင်းလေးပါ။</p> <p> "သူတို့ကို မဖြစ်မနေ တွေ့ပေးရမယ်" ဆိုတာပါပဲ။</p> <p>ချူရှင်းဟီကတော့ တာဝန်ခံရန်ရဲ့ စကားကြောင့် မချိပြုံးလေးပဲ ပြုံးနိုင်ပါတော့တယ်။ ဒါပေမဲ့ ဒီမိသားစုတွေနဲ့ တွေ့ဆုံဖို့ကို ဘယ်လိုငြင်းရမလဲလို့ သူစဉ်းစားနေတုန်းမှာပဲ တာဝန်ခံရန်က ထပ်ပြောလိုက်ပါပြီ။</p> <p>"ရှင်းဟီလေး... ငါ ကြိုပြောထားစရာတစ်ခုရှိပါသေးတယ်။"</p> <p>"ပြောပါ တာဝန်ခံရန်..."</p> <p>"အဟမ်း... အဲဒါက ဒီလိုပါ... ငါတို့ မဟာမိုးကောင်းကင်ဂိုဏ်းရဲ့ တပည့်သစ်ရွေးချယ်မှုက တကယ်တော့ အရမ်းတင်းကျပ်တာမှန်ပေမဲ့... အရာရာတိုင်းမှာတော့ ချွင်းချက်ဆိုတာ ရှိစမြဲပဲလေ။ ရှင်းဟီလေး သိတဲ့အတိုင်း ငါတို့ဂိုဏ်းက အခုတော့ နံပါတ် ၁ ဂိုဏ်းကြီးဖြစ်နေပြီဆိုပေမဲ့ ဒီအဆင့်ကို ရောက်လာဖို့ လူအများကြီးရဲ့ အကူအညီကို ယူခဲ့ရတာ။ ငါတို့ဂိုဏ်းက ကိုယ့်ရဲ့ ကျေးဇူးရှင်တွေကို မေ့ပစ်လေ့မရှိဘူး၊ အဲဒါကြောင့် အခုလို တပည့်သစ်ရွေးတဲ့အခါမှာ တချို့မိတ်ဆွေဟောင်းတွေအတွက် နောက်ဖေးပေါက်လေးတွေတော့ ဖွင့်ပေးရတာမျိုး ရှိတတ်ပါတယ်။"</p> <p>တာဝန်ခံရန်က ချူရှင်းဟီကို ကြည့်ရင်း အားနာနာနဲ့ ရှင်းပြနေပါပြီ။</p> <p>ဘာပဲဖြစ်ဖြစ် ချူရှင်းဟီ ဒီကိုရောက်လာတာဟာ ဂိုဏ်းချုပ်ကိုယ်တိုင် လာရောက်စစ်ဆေးတာနဲ့ အတူတူပဲ မဟုတ်လား။ တကယ်လို့ ဒီနေ့သာ ဂိုဏ်းချုပ်ကြီးကိုယ်တိုင် လာခဲ့မယ်ဆိုရင် တာဝန်ခံရန်က ဒီလောက်အရှည်ကြီး ရှင်းပြနေစရာ မလိုပါဘူး၊ ဂိုဏ်းချုပ်ကြီးက ဒါတွေကို လူတိုင်းထက် ပိုသိတာကိုး။</p> <p>ဘယ်မိသားစုမှာပဲဖြစ်ဖြစ် အဆက်အသွယ်ဆိုတာ ရှိကြတာပဲလေ။</p> <p>ဒါပေမဲ့ ချူရှင်းဟီက ငယ်သေးတာဆိုတော့ အထင်လွဲမှာစိုးလို့ ကြိုပြောထားတာပါ။</p> <p>ဒါပေမဲ့ တာဝန်ခံရန် ပြောနေတုန်းမှာပဲ အစက စိတ်မပါလက်မပါ ဖြစ်နေတဲ့ ချူရှင်းဟီဟာ ရုတ်တရက် မျက်လုံးတွေ ဝင်းခနဲ ဖြစ်သွားပါတယ်။</p> <p>ဘာ။ အဆက်အသွယ်တွေလား။</p> <p>"တာဝန်ခံရန်... ဒါဆို ပြောချင်တာက ဒီဖိတ်စာပို့တဲ့သူတွေ အကုန်လုံးက နောက်ဖေးပေါက်တွေ၊ အဆက်အသွယ်တွေသုံးပြီး သူတို့တပည့်တွေကို ငါတို့ဂိုဏ်းထဲ သွင်းချင်နေတာပေါ့ ဟုတ်လား။"</p> <p>(တာဝန်ခံရန်ရာ... ဒီအကြောင်းပြောနေမှတော့ပဲ ကျွန်တော် အိပ်ချင်ပြေသွားတော့တယ်။)</p> <p>(နှစ်စတုန်းက မဟာမိုးကောင်းကင်မြို့တော်မှာ တပည့်တွေ ရွေးတုန်းက ငါ ချူရှင်းဟီတစ်ယောက် 'အညံ့စား (Trash)' တွေကို ရှာဖို့ အသေအလဲ ကြိုးစားခဲ့တာပဲ။ ဒါပေမဲ့ ကြည့်လိုက်စမ်းပါဦး... မူယွဲ့နိုင်ငံက တပည့်တွေဆိုရင် ဆေးဖော်စပ်တဲ့ ပါရမီက ကြောက်စရာကောင်းပါတယ်ဆိုမှ ကျင့်စဉ်ဘက်ကို လှည့်လိုက်ပြန်တော့လည်း ပါရမီက ကောင်းကင်ထိ ရောက်နေပြန်ရော။)</p> <p>အခုဆိုရင် မူယွဲ့နိုင်ငံက သုတေသနလုပ်ထားတဲ့ ရှင်းဟီတံဆိပ် ဆေးပေါင်းစုံကြောင့် မဟာမိုးကောင်းကင်ဂိုဏ်းဟာ အရည်အသွေးနိမ့် ဆေးဝါးလောကမှာ ပြိုင်ဘက်ကင်းရုံ မကတော့ဘူး။ အဖော်တောင် မရှိတော့ဘူးလေ။</p> <p>ဈေးကွက်တစ်ခုလုံးကို လက်ဝါးကြီးအုပ်ထားလိုက်တာ။</p> <p>တခြားတပည့်တွေက မူယွဲ့နိုင်ငံကလူတွေလောက် အစွမ်းမထက်ကြဘူး ဆိုပေမယ့်လည်း ဒီတစ်သုတ်ဝင်လာတဲ့ တပည့်တွေက ပါရမီတင်ကောင်းတာမဟုတ်ဘဲ စိတ်ဓာတ်ကလည်း အရမ်းခိုင်မာကြပါတယ်။ ကျင့်စဉ်တိုးတက်မှုနှုန်းကလည်း မြန်လွန်းလို့ ချူရှင်းဟီတောင် ဆွံ့အခဲ့ရတာပါ။</p> <p>(ဒါပေမဲ့ သေချာပြန်စဉ်းစားကြည့်ရင် ဒီတပည့်တွေကို ရွေးချယ်မိတဲ့ ပြဿနာက ငါ့ကြောင့်လား။)</p> <p>အဓိကပြဿနာက ပထမအဆင့်မှာတင် ရှိနေတာလေ။ ဒီပထမအဆင့်ကို တာဝန်ခံရန်က အရမ်းတင်းကျပ်ထားတော့ 'အညံ့စား' တစ်ယောက်မှ ဒုတိယအဆင့်ကို မရောက်နိုင်တော့တာပေါ့။</p> <p>(ငါ ချူရှင်းဟီက ဒုတိယအဆင့်မှာ အညံ့စားတွေကို ရွေးချယ်ချင်ပါတယ်ဆိုမှ၊ အခြေအနေက လုံးဝ ခွင့်မပြုခဲ့ဘူး။)</p> <p>ဒါပေမဲ့ အခုတော့ အခွင့်အရေး ရောက်လာပြီ။ တကယ်လို့ အဆက်အသွယ်ရှိတဲ့သူတွေကို ပထမအဆင့်မှာ အမြောက်အမြား သွင်းပေးနိုင်ရင်၊ ဒုတိယအဆင့် ရွေးချယ်ပွဲကျရင် တခြားတပည့်တွေကို ထားလိုက်ဦး၊ ဒီအဆက်အသွယ်နဲ့ ဝင်လာတဲ့သူတွေကိုပဲ ရွေးလိုက်ရင် ရှုံးဖို့က သေချာသွားပြီ မဟုတ်လား။</p> <p>ဒါနဲ့ ချူရှင်းဟီက တည်ကြည်လေးနက်တဲ့ မျက်နှာထားနဲ့ ပြောလိုက်ပါတယ်။</p> <p>"တာဝန်ခံရန်... ဖိတ်စာပို့တဲ့ မိသားစုတွေကို အသိပေးလိုက်ပါ၊ ကျွန်တော် ချူရှင်းဟီ သူတို့ကို တစ်ယောက်ချင်းစီ တွေ့ပါ့မယ်။"</p> <p>တာဝန်ခံရန်ဟာ ချူရှင်းဟီရဲ့ အဖြေကို ကြားလိုက်ရတဲ့အခါမှာတော့ စိတ်သက်သာရာ ရသွားပါတော့တယ်။</p> <p>သူက ချူရှင်းဟီကို ဘယ်လိုကျိုးကြောင်းဆီလျော်အောင် ရှင်းပြရမလဲ၊ ချူရှင်းဟီကရော နားမလည်ရင် ဘယ်လိုလုပ်မလဲဆိုပြီး စိုးရိမ်နေခဲ့တာလေ။</p> <p>အခုတော့ ချူရှင်းဟီက တကယ့်ကို နားလည်ပေးတာပဲလို့ သူ ထင်သွားပါတယ်။</p> <p>နှစ်စဉ်နှစ်တိုင်း မဟာမိုးကောင်းကင်ဂိုဏ်းက တပည့်သစ်ခေါ်ရင် အဆက်အသွယ်နဲ့ လာတဲ့သူတွေ အမြဲရှိနေကျပါ၊ ဂိုဏ်းကလည်း သူတို့ကို ကိုင်တွယ်တဲ့ နည်းလမ်းက ရိုးရှင်းပါတယ်။</p> <p>မင်းတို့က အရင်က ဂိုဏ်းကို ကူညီခဲ့ဖူးတယ်ဆိုတော့... ဂိုဏ်းက ဒီကျေးဇူးကို ပြန်ဆပ်ရမှာပေါ့။ တပည့်တစ်ယောက် သွင်းပေးဖို့ နေနေသာသာ၊ ဝက်တစ်ကောင် ပို့လိုက်ရင်တောင် ပထမအဆင့် အရွေးချယ်ခံပွဲကို သေချာပေါက် အောင်ပေးမှာပါ။</p> <p>ဒါပေမဲ့ ဒုတိယအဆင့်မှာတော့ မတူတော့ဘူး... ဒုတိယအဆင့်က အရည်အချင်းစစ်ပွဲလေ။ တကယ်လို့ မင်းတို့တပည့်က အရည်အချင်းမရှိလို့ ဂိုဏ်းထဲမဝင်နိုင်ရင်တော့ ဂိုဏ်းကို အပြစ်တင်လို့မရဘူးလေ။ ဟုတ်တယ်မလား။</p> <p>မိသားစုတွေကလည်း ဒါကို နားလည်ကြပါတယ်။ ပထမအဆင့်ကို အောင်ပေးတာကတင် ဂိုဏ်းက မျက်နှာသာပေးတာဖြစ်ပြီး၊ ဒုတိယအဆင့်မှာ ပါရမီမရှိဘဲနဲ့ ဝင်ချင်သေးတယ်ဆိုရင်တော့ ဒါက အတောမသတ် လောဘကြီးရာ ရောက်နေမှာပါ။</p> <p>ဒါကြောင့် အဆက်အသွယ်ရှိသူတွေ ပထမအဆင့်မှာ ဘယ်လောက်ပဲ တိုးဝင်နေပါစေ၊ ဂိုဏ်းရဲ့ အရည်အသွေးကို မထိခိုက်ပါဘူး၊ အရေအတွက်ပဲ နည်းနည်း ပိုလာတာပါ။</p> <p>မကြာခင်မှာပဲ တာဝန်ခံရန်ရဲ့ စီစဉ်မှုနဲ့အတူ အလယ်ပိုင်းပြည်နယ်က ဟုမိသားစုရဲ့ အိမ်တော်ရှင် ဟုပုချီ ဟာ မျက်နှာဖောင်းဖောင်း၊ နားရွက်ကားကားနဲ့ သူ့သား ဟုဝင်ဟိုင် ကို ခေါ်ပြီး ဂိုဏ်းဌာနခွဲထဲကို ပထမဆုံး ဝင်လာပါတော့တယ်။</p> <p>ဟုပုချီဟာ တကယ့်ကို ရင်ကိုကော့ပြီး ဂုဏ်ယူဝင့်ကြွစွာနဲ့ ဝင်လာတာပါ။</p> <p>သူဟာ ပထမဆုံး ဝင်ခွင့်ရတဲ့သူဆိုတာကို လူတွေအားလုံး သိအောင် ပြချင်နေတဲ့အတိုင်းပါပဲ။</p> <p>သူတို့မှာ အခိုင်အမာ ကျောထောက် နောက်ခံရှိတာကိုး။ ဟုမိသားစုဟာ လက်ဖွဲ့မန္တန်တွေ၊ အင်းတွေနဲ့ အစပြုခဲ့တာဖြစ်ပြီး တစ်ချိန်က ကမ္ဘာပေါ်မှာ အလွန်ကျော်ကြားတဲ့ မိသားစုကြီးတွေထဲက တစ်ခုပါ။ မဟာမိုးကောင်းကင်ဂိုဏ်း မထွန်းကားသေးခင်တုန်းက ဟုမိသားစုဟာ ဂိုဏ်းကို အများကြီး ထောက်ပံ့ခဲ့ဖူးပါတယ်။</p> <p> </p> <p>ဒါကြောင့် အခုအချိန်မှာ ဟုမိသားစုက စတင်ဆုတ်ယုတ်လာပြီဆိုရင်တောင် မဟာမိုးကောင်းကင်ဂိုဏ်းကတော့ အတိတ်ကအကြောင်းရင်းတွေကြောင့် ဟုမိသားစုအပေါ် အများကြီး ထောက်ထားငဲ့ညှာပေးဆဲပါပဲ။</p> <p>ဒီတစ်ခေါက်မှာတော့ ဟုပုချီ က တာဝန်ခံရန်ကို လာရောက်ဂါရဝပြုပြီး သူ့သား ဟုဝင်ဟိုင် ကို ပထမအဆင့် အရွေးချယ်ခံပွဲ အောင်မြင်အောင် လုပ်ပေးဖို့ ရည်ရွယ်ချက်နဲ့ ရေခဲမြို့တော် ကို လာခဲ့တာပါ။</p> <p>ဒုတိယအဆင့်အတွက်ကတော့... ဟုပုချီမှာ အစီအစဉ်ရှိပြီးသားပါ။ တကယ်လို့သာ အဆင်မပြေခဲ့ရင် မဟာမိုးကောင်းကင်ဂိုဏ်းကို သွားပြီး ငိုယိုအကူအညီတောင်းဖို့ပေါ့။ သူတို့ဟုမိသားစုနဲ့ မဟာမိုးကောင်းကင်ဂိုဏ်းတို့ရဲ့ ဆက်ဆံရေးအရ သူ့သားက ဒုတိယအဆင့်မှာ တကယ်ပဲ မအောင်မြင်ခဲ့ရင်တောင် ဂိုဏ်းထဲဝင်နိုင်ဖို့ နည်းလမ်းတစ်ခုခုတော့ ရှာပေးနိုင်မှာ သေချာပါတယ်။</p> <p>ဒါပေမဲ့ ဟုပုချီ ရေခဲမြို့တော်ကို ရောက်ရောက်ချင်းမှာပဲ ချူရှင်းဟီ ကိုယ်တိုင် ရောက်နေတယ်ဆိုတဲ့ သတင်းကို ကြားလိုက်ရလိမ့်မယ်လို့ မထင်ထားခဲ့ပါဘူး။</p> <p>ဒါဟာ ဟုပုချီကို တကယ့်ကို စိတ်လှုပ်ရှားသွားစေပါတယ်။</p> <p>ချူရှင်းဟီဆိုတာ ဘယ်သူလဲ။ သူက လူငယ်မျိုးဆက်ရဲ့ နံပါတ် ၁ ပုဂ္ဂိုလ်၊ မဟာမိုးကောင်းကင်ဂိုဏ်းရဲ့ အနာဂတ်ဂိုဏ်းချုပ်လေ။</p> <p>ဒီဘွဲ့ထူးတွေက ထားပါဦး... ဟုပုချီကို အံ့အားအသင့်ဆုံးဖြစ်စေတာကတော့ "အညံ့စားတွေကို အကောင်းစားဖြစ်အောင် ပြောင်းလဲပေးနိုင်တဲ့" ချူရှင်းဟီရဲ့ စွမ်းရည်ပါပဲ။</p> <p>မူယွဲ့နိုင်ငံဆိုတာ တစ်ချိန်က "အညံ့စားမျိုးနွယ်" လို့တောင် အခေါ်ခံခဲ့ရတာလေ။ ဒါပေမဲ့ ချူရှင်းဟီက သူတို့ကို ရှာဖွေတွေ့ရှိသွားပြီးတဲ့နောက်မှာတော့...</p> <p>အရင်တုန်းကတော့ မင်းတို့ မူယွဲ့နိုင်ငံကို လျစ်လျူရှုထားခဲ့နိုင်ပေမဲ့၊ အခုအချိန်မှာတော့ မူယွဲ့နိုင်ငံရဲ့ အဆင့်အတန်းကို မင်းတို့ အိမ်မက်တောင် မက်နိုင်တော့မှာ မဟုတ်ပါဘူး။</p> <p>ဟုမိသားစုဟာ တစ်ချိန်က လက်ဖွဲ့မန္တန် တာအိုမှာ အလွန်ထွန်းကားခဲ့တဲ့ မိသားစုကြီးဖြစ်ပေမဲ့ မျိုးဆက်တွေ ကြာလာတာနဲ့အမျှ ထူးချွန်တဲ့သူ နည်းပါးလာပြီး တစ်စစနဲ့ ဆုတ်ယုတ်လာခဲ့ပါတယ်။ အခုဆိုရင် အိမ်တော်ရှင်ဖြစ်တဲ့ ဟုပုချီဟာ မဟာမိုးကောင်းကင်ဂိုဏ်းရဲ့ အကူအညီနဲ့သာ ဟုမိသားစုကို မနည်းထိန်းကျောင်းနေရတာပါ။ ဒါပေမဲ့ ဟုပုချီဟာ သူ့သားမှာ လက်ဖွဲ့မန္တန်ပညာရပ်ဆိုင်ရာ ထူးချွန်တဲ့ပါရမီရှိနေတာကို အမှတ်မထင် ရှာဖွေတွေ့ရှိခဲ့ပါတယ်။</p> <p>ဟုပုချီရဲ့ နှစ်ပေါင်းများစွာ အသည်းအသန် ပြုစုပျိုးထောင်ပေးမှုအောက်မှာ သူ့သားရဲ့ အရည်အချင်းစစ် အမှတ်ဟာ (၆) မှတ်တောင် ရခဲ့ပါတယ်။</p> <p>ဒီလောက် ထူးချွန်တဲ့သားမျိုးကို မဟာမိုးကောင်းကင်ဂိုဏ်းထဲ မသွင်းနိုင်ခဲ့ရင် ဒါဟာ ဂိုဏ်းအတွက် ဆုံးရှုံးမှုကြီး ဖြစ်မနေဘူးလား။</p> <p>ဟုပုချီကတော့ စကားတွေ အရှည်ကြီး ပြောမနေတော့ပါဘူး။ သူနဲ့ သူ့သား ချူရှင်းဟီကို ဂါရဝပြုပြီးတာနဲ့ အကြောင်းစုံကို ချက်ချင်းပဲ တင်ပြပါတော့တယ်။</p> <p>ဟုပုချီရဲ့ စကားတွေကို နားထောင်ပြီးတဲ့နောက်မှာတော့ ချူရှင်းဟီရဲ့ မျက်လုံးတွေထဲမှာ စိတ်လှုပ်ရှားလွန်းလို့ မျက်ရည်တွေတောင် ဝဲတက်လာပါပြီ။</p> <p>(သခင်ကြီးဟုရေ။ သခင်ကြီး ပြောတာတွေ တကယ့်ကို အမှန်ပဲ။)</p> <p>(သခင်ကြီးရဲ့သားက အရည်အချင်းစစ်မှာ (၆) မှတ်တောင် ရထားတာလား။ တကယ်လို့ သူသာ ငါတို့ မဟာမိုးကောင်းကင်ဂိုဏ်းထဲ မဝင်ရဘူးဆိုရင် ဒါဟာ သူ့ရဲ့ ပါရမီကို စော်ကားရာ ရောက်လိမ့်မယ်။)</p> <p>“ဒီလို အညံ့စား... အဟမ်း၊ ဒီလို ပါရမီရှင် မျိုးကိုတော့ ငါတို့ မဟာမိုးကောင်းကင်ဂိုဏ်းက သေချာပေါက် အရခေါ်ရမယ်။ ဘယ်လက်လွတ်ခံလို့ရပါ့မလဲ”</p> <p> </p> <p style="text-align:center">***</p>


Save