Book List

<h2 style="text-align: center;">Chapter 8</h2> <h2 style="text-align: center;">ဒီနှစ် ယွင်ရှောင်ဂိုဏ်းက တပည့်သစ် မခေါ်ဘူးလား</h2> <h2 style="text-align: center;">*</h2> <p> </p> <p> </p> <p>ရေခဲမြို့တော်က ယွင်ရှောင်ဂိုဏ်း ဌာနခွဲရဲ့ အပြင်ဘက်မှာ။</p> <p>အရပ်ရပ်က လာရောက်ကြတဲ့ ပါရမီရှင်တွေဟာ နှစ်ရက်တိုင်တိုင် ဆူညံပူညံ လုပ်ခဲ့ကြပေမဲ့ ဒီနေရာဟာ မဟာမိုးကောင်းကင်ဂိုဏ်း ဖြစ်တယ်ဆိုတာကိုလည်း သူတို့ နားလည်ထားကြပါတယ်။ သူတို့လို သာမန်လူတွေက ဒီဂိုဏ်းကြီးကို ယှဉ်ပြိုင်ဖို့ဆိုတာ အဆင့်မမီပါဘူး။</p> <p>ဒါပေမဲ့ ဒီကိစ္စကတော့ ဒီအတိုင်းပဲ ပြီးသွားတော့မှာပဲလို့ လူတိုင်း ထင်နေကြတဲ့အချိန်မှာပဲ တာဝန်ခံရန် ထွက်လာခဲ့တာပါ။</p> <p>"ခြောက်မှတ်တန် အရည်အချင်းစစ် စနစ်" အသိပေးချက်ကို ကပ်လိုက်တဲ့ ခဏမှာပဲ ဌာနခွဲတစ်ခုလုံးရဲ့ အပြင်ဘက်မှာ လုံး၀ ငြိမ်သက် တိတ်ဆိတ်သွားပါတော့တယ်။</p> <p>လူတိုင်းက အသိပေးချက်ပေါ်က စာတွေကို မျက်လုံးအပြူးသားနဲ့ စိုက်ကြည့်နေကြပြီး လူတိုင်းရဲ့ ပထမဆုံး အတွေးကတော့။</p> <p>(မဟာမိုးကောင်းကင်ဂိုဏ်းက လူတွေ ရူးကုန်ကြပြီလား။)</p> <p>အရင်တုန်းက အမှတ် ၉ မှတ် ပြည့်မှ အောင်မြင်မယ့် မဟာမိုးကောင်းကင်ဂိုဏ်းရဲ့ ပထမအဆင့် စစ်ဆေးမှုက အခု ၆ မှတ်တည်းနဲ့ ဝင်လို့ရပြီ ဟုတ်လား။</p> <p>“ဒါ အိမ်မက်တော့ မဟုတ်ပါဘူးနော်။”</p> <p>လူပေါင်းများစွာဟာ အဲဒီနေရာမှာတင် ဝမ်းသာလွန်းလို့ မျက်ရည်တွေ ကျလာကြပါတယ်။</p> <p>“ငါလည်း မဟာမိုးကောင်းကင်ဂိုဏ်းရဲ့ ပထမအဆင့်ကို အောင်ပြီ။ ငါလည်း မဟာမိုးကောင်းကင်မြို့တော်ကို သွားလို့ရပြီ။ ငါတောင်မှ မဟာမိုးကောင်းကင်ဂိုဏ်းရဲ့ တပည့်တစ်ယောက် ဖြစ်လာနိုင်တာပဲ။”</p> <p>ဒါပေမဲ့ လူအတော်များများကတော့ တစ်ခုခုတော့ မှားနေသလို ခံစားနေရပါတယ်။</p> <p>အရင်တုန်းက မဟာမိုးကောင်းကင်ဂိုဏ်းရဲ့ ပထမအဆင့်ကို အောင်ဖို့ ၉ မှတ်တိတိ လိုအပ်တာပါ။ အရင်နှစ်တွေမှာတောင် အနည်းဆုံး ၈ မှတ် ရှိရပါတယ်။ လူတွေက ဘာလို့ ဆူညံပူညံ လုပ်ခဲ့ကြတာလဲ။ အဲဒါက မဟာမိုးကောင်းကင်ဂိုဏ်းအနေနဲ့ မိသားစုကြီးတွေက တပည့်တွေကို မောင်းထုတ်ဖို့ မဟုတ်ဘဲ၊ သတ်မှတ်ထားတဲ့ အမှတ်ကို နည်းနည်းလျှော့ချပေးပြီး သူတို့တွေအတွက် ဝင်ခွင့်အခွင့်အရေး ရဖို့ပါပဲ။</p> <p>ဘာလဲ။</p> <p>ပထမအဆင့် အောင်ရင်တောင် ဒုတိယအဆင့်မှာ ဘယ်လိုမှ မအောင်နိုင်ဘူးလို့ ပြောချင်တာလား။</p> <p>ဒါပေမဲ့ ဒါက မဟာမိုးကောင်းကင်ဂိုဏ်းလေ။ မဟာနေမင်း ကုန်းမြေတိုက်ကြီးပေါ်မှာ မဟာမိုးကောင်းကင်ဂိုဏ်းရဲ့ ပထမအဆင့်ကို အောင်မြင်တယ်ဆိုတာ ဘယ်လောက်အဓိပ္ပာယ်ရှိသလဲ သိလား။</p> <p>မနှစ်က မဟာမိုးကောင်းကင်မြို့တော်ကနေ ထွက်ခွာလာခဲ့တဲ့ တပည့်တွေကို ကြည့်လိုက်ဦး။ မဟာဂိုဏ်းကြီး (၁၀) ဂိုဏ်းရဲ့ တပည့်အဖြစ် အသည်းအသန် ဝိုင်းလုတာကို မခံခဲ့ရတာ ရှိလို့လဲ။</p> <p>မဟာမိုးကောင်းကင်ဂိုဏ်းရဲ့ ပထမဆုံး စမ်းသပ်မှုကို အောင်မြင်ထားရုံနဲ့တင် အိမ်ပြန်ရောက်ရင် တစ်သက်လုံး ကြွားလို့ ရနေပါပြီ။</p> <p>ဒါ့အပြင် မဟာမိုးကောင်းကင်ဂိုဏ်းရဲ့ ပထမအဆင့် အောင်တယ်ဆိုတာ ကျန်တဲ့ ဂိုဏ်းကြီး (၁၀) ဂိုဏ်းရဲ့ စစ်ဆေးမှုကို အောင်မြင်တာနဲ့ အတူတူပါပဲ။ မဟာမိုးကောင်းကင်ဂိုဏ်းထဲ မဝင်ရရင်တောင် ကျန်တဲ့ ထိပ်သီးမိသားစုတွေနဲ့ ဂိုဏ်းတွေထဲ ဝင်လို့ရမှာပါ။</p> <p>အဲဒီတော့ ဘယ်သူက မဟာမိုးကောင်းကင်ဂိုဏ်းရဲ့ ပထမအဆင့်ကို မအောင်ချင်ဘဲ နေမှာလဲ။</p> <p>ဒါပေမဲ့ ၉ မှတ်ဆိုတာကတော့ လူငယ်အတော်များများအတွက် တကယ့်ကို စိတ်ပျက်စရာ အမှတ်ပါ။ ဒါက ပါရမီရှင်အများစုကိုတောင် လက်လျှော့သွားစေတဲ့ အမှတ်မျိုးလေ။</p> <p>ဒါကြောင့် လူတိုင်းက မဟာမိုးကောင်းကင်ဂိုဏ်းအနေနဲ့ အမှတ်ကို နည်းနည်းလောက် လျှော့ပေးဖို့၊ အခွင့်အရေး ပိုပေးဖို့ မျှော်လင့်ခဲ့ကြတာပါ။ မူလကတော့ လူတိုင်းက "ငါတို့ ဒီလောက် ဆူညံပူညံလုပ်ရင် မဟာမိုးကောင်းကင်ဂိုဏ်းက မနှစ်ကအတိုင်း ၈ မှတ်အထိ ပြန်လျှော့ပေးမလား" ဆိုပြီး တွေးခဲ့ကြတာပါ။ မနှစ်က ၈ မှတ်အတိုင်းသာ ပြန်ဖြစ်သွားရင် လူတိုင်းက ကျေနပ်နေကြပြီလေ။</p> <p>ဒါပေမဲ့ မဟာမိုးကောင်းကင်ဂိုဏ်းက မနှစ်က ၈ မှတ် စံနှုန်းကို ချိုးဖျက်လိုက်ရုံတင်မကဘဲ အမှတ်ကို ၆ မှတ်အထိ တိုက်ရိုက် လျှော့ချလိုက်လိမ့်မယ်လို့ ဘယ်သူမှ မထင်ထားခဲ့ဘူး။</p> <p>ဒါက ဘာကြီးလဲ။</p> <p>ခဏတာ တိတ်ဆိတ်သွားပြီးတဲ့နောက် အသိပေးချက်ပေါ်က အကြောင်းအရာကို သေချာမြင်လိုက်ရတဲ့အခါမှာတော့ အားလုံး အုတ်အော်သောင်းနင်း ဖြစ်ကုန်ပါတော့တယ်။</p> <p>"ဘာသာရပ် ၆ ခုမှာ အမှတ်ပြည့်လား။ ဒါက... ဒါက ပိုခက်မနေဘူးလား။"</p> <p>"ငါ့ရဲ့ စုစုပေါင်းရမှတ်က ၈ မှတ်ကျော်တယ်၊ ဒါပေမဲ့ ကဏ္ဍအားလုံးထဲမှာ အမှတ်ပြည့်ရတာ တစ်ခုပဲ ရှိသေးတယ်..."</p> <p>"၆ ခုလုံးမှာ အမှတ်ပြည့်ရဖို့ဆိုတာ လွန်လွန်းနေတာ မဟုတ်ဘူးလား။"</p> <p>ခုနတင် ဝမ်းသာလွန်းလို့ မျက်ရည်ကျနေတဲ့ ကောင်တွေဟာ အခုတော့ မှင်တက်ကုန်ကြပါပြီ။ ခုနလေးတင် လူတိုင်းက ဆွေးနွေးနေကြတာပါ။</p> <p>"ချူရှင်းဟီ ရူးသွားပြီလား။ ၉ မှတ်ကနေ ၆ မှတ်အထိ လျှော့ချလိုက်တယ်ပေါ့။"</p> <p>တကယ်လို့သာ ၆ မှတ်တည်းနဲ့ ဝင်လို့ရရင် ဒီနှစ် မဟာမိုးကောင်းကင်မြို့တော်ကို သွားမယ့်သူတွေဟာ မြို့တော်ကြီးကိုတောင် ပြိုကျသွားစေပါလိမ့်မယ်။</p> <p>ဒါပေမဲ့ ဒီ ၆ မှတ်က တကယ်တော့ ဘာကို ဆိုလိုသလဲဆိုတာ သဘောပေါက်သွားတဲ့အခါမှာတော့ ဒီ ၆ မှတ်ရဲ့ ခက်ခဲမှုက ၉ မှတ်ထက် မလျော့ဘူးဆိုတာ သူတို့ သိလိုက်ရပါပြီ။</p> <p>ဘာဖြစ်လို့လဲဆိုတော့ ဘာသာရပ်တစ်ခုတည်းမှာ အမှတ်ပြည့်ရဖို့တောင် အရမ်းခက်ခဲတာလေ၊ ဘာသာရပ် ၆ ခုမှာ အမှတ်ပြည့်ရတဲ့သူဆိုတာကတော့ တကယ့်ကို ရှားပါးလှပါတယ်။</p> <p>"ငါ... ငါ့မှာ ဘာသာရပ် ၆ ခုက အမှတ်ပြည့်တွေ။ အခုဆို ငါ မဟာမိုးကောင်းကင်ဂိုဏ်းကို ဝင်လို့ရပြီ..." လူငယ်လေးတစ်ယောက်ဟာ စိတ်လှုပ်ရှားလွန်းလို့ တစ်ကိုယ်လုံး တုန်ရီလာခဲ့ပါပြီ။</p> <p>"ငါ့မှာလည်း ၆ ခု အမှတ်ပြည့်ရှိတယ်... ငါလည်း ဝင်လို့ရပြီ..."</p> <p>"ကျေးဇူးတင်ပါတယ် အစ်ကိုကြီး ချူရှင်းဟီ။ ငါ့ရဲ့ စုစုပေါင်းရမှတ်က (၇) မှတ်ပဲ ရှိပေမဲ့ ငါ့မှာ ၆ ခု အမှတ်ပြည့် ရှိနေတာပဲ။"</p> <p>ဒီအချိန်မှာတော့ အခြေအနေ အားလုံးက တကယ်ကို ရုတ်ရုတ်သဲသဲ ဖြစ်နေပါပြီ။ ချူရှင်းဟီရဲ့ "ခြောက်မှတ်တန် အရည်အချင်းစစ် စနစ်" က ကြားရတာ အရမ်းခက်သလို ရှိပေမဲ့၊ ဒီနည်းလမ်းဟာ လူတချို့အတွက်တော့ လမ်းကြောင်းသစ်တစ်ခုကို ဖွင့်ပေးလိုက်တာဆိုရင်လည်း မမှားနေပါဘူး။</p> <p>ဒီလောကကြီးမှာ ပါရမီရှင်ဆိုတာ ပုံစံအမျိုးမျိုးနဲ့ ရှိနေတာလေ။ တချို့လူတွေက နယ်ပယ်တချို့မှာ အရမ်းထူးချွန်ပေမဲ့ တခြားနယ်ပယ်တွေမှာတော့ ဘာပါရမီမှ မရှိတာမျိုး ဖြစ်နိုင်တာကိုး။</p> <p> </p> <p>ဒီလိုလူမျိုးတွေအတွက် အရင်က စစ်ဆေးမှုနည်းလမ်းအတိုင်းသာဆိုရင် သူတို့ဘဝမှာ မဟာမိုးကောင်းကင်ဂိုဏ်းကို ဝင်ခွင့်ရဖို့ဆိုတာ လုံးဝကို မဖြစ်နိုင်တဲ့ အရာပါ။</p> <p>ဒါပေမဲ့ အခုတော့ ဒီ "ခြောက်မှတ်တန် စစ်ဆေးမှုစနစ်" ကြောင့် သူတို့မှာ မျှော်လင့်ချက် ရောင်ခြည် သန်းလာခဲ့ပါပြီ။</p> <p>ရေခဲမြို့တော်ကို လာကြတဲ့ လူငယ်တွေထဲမှာ ဘယ်သူကများ အိပ်မက်ကိုယ်စီ မပါဘဲ နေပါ့မလဲ။</p> <p>ဘယ်သူကများ မဟာမိုးကောင်းကင်ဂိုဏ်းကို မဝင်ချင်ဘဲ နေပါ့မလဲ။</p> <p>ဒါပေမဲ့ မဟာမိုးကောင်းကင်ဂိုဏ်းရဲ့ ရက်စက်လှတဲ့ စစ်ဆေးမှုတွေကြောင့် လူအများစုရဲ့ အိပ်မက်တွေဟာ ရေခဲမြို့တော်မှာတင် ရိုက်ချိုးခံခဲ့ရတာပါ။ ဒီနေ့မှာတော့ ချူရှင်းဟီ တင်ပြလိုက်တဲ့ နည်းလမ်းသစ်ဟာ အိပ်မက် ပျောက်ဆုံးနေသူတွေအတွက် အခွင့်အလမ်းသစ်တစ်ခုကို ဖန်တီးပေးလိုက်တာနဲ့ အတူတူပါပဲ။</p> <p>အရင်တုန်းကတော့ လူတစ်ယောက်ရဲ့ စုစုပေါင်းရမှတ်က ခြောက်မှတ်ကျော်ရုံပဲ ရှိတယ်ဆိုရင် ပထမအဆင့် အောင်ဖို့နေနေသာသာ "ထွက်သွားစမ်း" လို့ အပြောမခံရရင်ပဲ ကံကောင်းလှပါပြီ။ ဒါပေမဲ့ အခုတော့ လူတစ်ယောက် အနေနဲ့ ခြောက်မှတ်ပဲ ရှိနေပါစေဦး၊ အဲဒီ ခြောက်မှတ်ကသာ ဘာသာရပ် ခြောက်ခုမှာ အမှတ်ပြည့် ဖြစ်နေမယ်ဆိုရင် နောက်တစ်ဆင့်ကို တက်လှမ်းဖို့ အရည်အချင်း ပြည့်မီသွားပါပြီ။</p> <p>ချူရှင်းဟီဟာ လူအချို့အတွက် အိပ်မက်တွေဆီ သွားရာ တာအို လမ်းကြောင်းသစ် တစ်ခုကို ဖောက်ပေးလိုက်တာပါ။</p> <p>ဒီခြောက်မှတ်တန် စနစ်ကို ကြေညာလိုက်တာနဲ့ ရေခဲမြို့တော်ကြီးအတွင်း နောက်ထပ် ရုန်းရင်းဆန်ခတ်မှု အသစ်တစ်ခုနဲ့ ထပ်မံ ပေါက်ကွဲသွားပါတော့တယ်။ လူငယ်အမြောက်အမြားဟာ ဂိုဏ်းဌာနခွဲရဲ့ တံခါးဝမှာ ပိတ်ဆို့ပြီး ကျယ်လောင်စွာ မေးခွန်းထုတ်ကြပါပြီ။</p> <p>"ဘာလို့လဲ။"</p> <p>"ငါတို့က စုစုပေါင်းရမှတ် ရှစ်မှတ်တောင် ရထားတာတောင် ပထမအဆင့်ကို အောင်ဖို့ အရည်အချင်းမရှိဘဲ၊ စုစုပေါင်း ခြောက်မှတ်ပဲ ရတဲ့သူတွေကျတော့ ဘာလို့ အောင်ရတာလဲ။ ငါတို့ ဒါကို လက်မခံနိုင်ဘူး။"</p> <p>လူပေါင်းများစွာရဲ့ မေးခွန်းတွေကို ရင်ဆိုင်ဖို့အတွက် မာလင်းဟာ ဖန်းဒု သရဲတစ်သောင်း ၀င်္ကပါကို အသုံးချပြီး ဂိုဏ်းထဲကနေ ထွက်လာပါတယ်။ ဝိညာဉ်အစောင့်အရှောက်ကြီးရဲ့ ဖိအားကြောင့် လူငယ်တွေအားလုံး ချက်ချင်း ငြိမ်ကျသွားကြပါပြီ။</p> <p>အဲဒီကျမှပဲ လူတိုင်းက မာလင်းရဲ့ အဆင့်အတန်းကို သိလိုက်ရတာပါ။</p> <p>ဖန်းဒု သခင်ကြီး  မာလင်း။ သူဟာ တယွီ တော်ဝင်မိသားစုတစ်ခုလုံးကို သူတစ်ယောက်တည်းနဲ့ မြေလှန်ခြေမှုန်း ပစ်ခဲ့သူ မဟုတ်လား။</p> <p>ဒါပေမဲ့ ဒီတစ်ခေါက်မှာတော့ မာလင်း ထွက်လာတာက သတ်ဖို့မဟုတ်ဘဲ ရှင်းပြဖို့ပါ။</p> <p>မာလင်းက အချိန်ဆွဲမနေဘဲ "ခြောက်ဆယ်က ကိုးဆယ်ထက် ကြီးတယ်" ဆိုတဲ့ သူ့ရဲ့ သင်္ချာသီအိုရီကို လူတိုင်းရှေ့မှာ ရှင်းပြပါတော့တယ်။ မာလင်းရဲ့ သီအိုရီကို နားထောင်ပြီးတဲ့နောက်မှာတော့ တစ်မြို့တော်လုံး မိနစ်အနည်းငယ်ကြာအောင် ဆွံ့အသွားကြပါပြီ။</p> <p>လူငယ်တွေထဲမှာ သင်္ချာကျွမ်းကျင်သူတွေ မနည်းပေမဲ့ မာလင်းရဲ့ တွက်ချက်ပုံကိုတော့ အားလုံး ဝေဝေဝါးဝါး ဖြစ်နေကြတုန်းပါ။</p> <p>"ဘာလဲ။ ခြောက်ဆယ်က ကိုးဆယ်ထက် မကြီးနိုင်ဘူးလို့ မင်းတို့ ပြောချင်တာလား။"</p> <p>"ဒါဆို ငါ့ကို ပြောပြဦး၊ အမှတ်ခြောက်ဆယ်ရတဲ့သူက အမှတ်ကိုးဆယ်ရတဲ့သူထက် ကဏ္ဍ ခြောက်ခုမှာ ပိုမတော်ဘူးလား။ အမှတ်ကိုးဆယ်ရတဲ့သူကကျတော့ အမှတ်ခြောက်ဆယ်ရတဲ့သူထက် ကဏ္ဍ လေးခုမှာပဲ ပိုတော်တာလေ။"</p> <p>လူတွေ မှင်တက်နေတုန်းမှာပဲ ဉာဏ်ပြေးတဲ့ လူငယ်တစ်ယောက်က မေးခွန်းထုတ်လိုက်ပါတယ်။</p> <p> "တကယ်လို့ ကျွန်တော်က ဘာသာရပ် ကိုးခုမှာ ဆယ်မှတ်စီ (အမှတ်ပြည့်) ရရင်ရော။ ကျွန်တော့်ရဲ့ အမှတ်ကိုးဆယ်က ဟိုအမှတ်ခြောက်ဆယ်ထက် မသာဘူးလား။"</p> <p>ဒီမေးခွန်းကို ကြားတဲ့အခါ မာလင်းက ချက်ချင်းပဲပြောလိုက်ပါပြီ။</p> <p>"လူငယ်လေး... မင်းပြောတာ မမှားပါဘူး။ တကယ်လို့ မင်းက ဘာသာရပ် ကိုးခုမှာ အမှတ်ပြည့် ရနိုင်တယ်ဆိုရင် စီနီယာအစ်ကိုကြီး ရှင်းဟီကိုတောင် ပြောနေစရာ မလိုဘူး။ ငါ မာလင်းကိုယ်တိုင် မင်းကို ဂိုဏ်းရဲ့အတွင်းစည်းတပည့်အဖြစ် စာရင်း သွင်းပေးမယ်။ လက်ရွေးစင်တပည့်တစ်ယောက်ရဲ့ အခွင့်အရေးမျိုး ရအောင်လုပ်ပေးဖို့ဆိုတာလည်း မဖြစ်နိုင်တာ မဟုတ်ပါဘူး။"</p> <p>နောက်ဆုံးမှာတော့ မာလင်းရဲ့ ထူးဆန်းလှတဲ့ သင်္ချာစွမ်းရည်အောက်မှာ ရေခဲမြို့တော်က လူငယ်တွေဟာ ခေတ္တ ငြိမ်ကျသွားကြပါတယ်။ ဒါပေမဲ့ သူတို့ ငြိမ်သွားတယ်ဆိုတာက... အလေးအနက် စဉ်းစားခန်း ဝင်သွားကြလို့ပါ။</p> <p>သူတို့ စဉ်းစားနေတာက အရမ်းကို ရိုးရှင်းပါတယ်။</p> <p>"တကယ်ပဲ ခြောက်ဆယ်က ကိုးဆယ်ထက် ပိုသာတာလား..." ဆိုတဲ့ မေးခွန်းပါ။</p> <p>ဒီမေးခွန်းဟာ ရေခဲမြို့တော်မှာ အဖြေရခက်ဆုံး ပဟေဠိတစ်ခု ဖြစ်သွားပါတော့တယ်။</p> <p>ဘာလို့လဲဆိုတော့ ပုံမှန်အမြင်အရဆိုရင် ကိုးဆယ်က ခြောက်ဆယ်ထက် ကြီးတာ လူတိုင်းသိတာပဲလေ၊ ဟုတ်တယ်မလား။</p> <p>ဒါပေမဲ့ ပြဿနာက မာလင်း တင်ပြတဲ့ သီအိုရီမှာ တစ်ယောက်က ခြောက်ဘာသာမှာ အမှတ်ပြည့်ရပြီး ကျန်တဲ့ လေးဘာသာမှာ သုညရတာ၊ နောက်တစ်ယောက်ကတော့ ဆယ်ဘာသာလုံးမှာ ကိုးမှတ်စီ ရတာ။</p> <p>နှိုင်းယှဉ်ကြည့်တဲ့အခါ အမှတ်ခြောက်ဆယ်ရတဲ့သူက အမှတ်ကိုးဆယ်ရတဲ့သူထက် ဘာသာရပ် ခြောက်ခုမှာ ပိုတော်နေတာလေ။</p> <p>အမှတ်ကိုးဆယ်ရတဲ့သူကတော့ ဘယ်လိုပဲ တွက်တွက် ဟိုဘက်လူထုက် သာတာ လေးဘာသာပဲ ရှိတာ။</p> <p>အဲဒီတော့ မာလင်းပြောတာက လုံးဝ မမှားပြန်ဘူး...။</p> <p>လူတိုင်းက သင်္ချာပါရမီရှင် မာလင်းကြောင့် ခေါင်းခြောက်နေကြတုန်းမှာပဲ ချူရှင်းဟီရဲ့ "ခြောက်မှတ်တန် စစ်ဆေးမှုစနစ်" သတင်းဟာ တစ်ကမ္ဘာလုံးကို ပျံ့နှံ့သွားပါတော့တယ်။</p> <p>ဒီစနစ်အကြောင်း ကြားလိုက်ရတဲ့အခါ တစ်ကမ္ဘာလုံးရဲ့ ပထမဆုံး တုံ့ပြန်မှုကတော့ "မဟာမိုးကောင်းကင်ဂိုဏ်းက ဂရုမစိုက်တော့ဘူးလား။" ဆိုတာပါပဲ။</p> <p>"ဘာလဲ။ မင်းတို့က တစ်ကမ္ဘာလုံးမှာရှိတဲ့ တခြားဂိုဏ်းတွေနဲ့ တပည့်လောင်းတွေကို ပြိုင်လုတော့မယ်ပေါ့။"</p> <p>“အရင်တုန်းကတော့ မင်းတို့ မဟာမိုးကောင်းကင်ဂိုဏ်းက ရှစ်မှတ်၊ ကိုးမှတ် ရတဲ့သူတွေကို ခေါ်တယ်၊ ငါတို့ကတော့ ခြောက်မှတ်၊ ခုနစ်မှတ် ရတဲ့သူတွေကို ခေါ်ပြီး သူတို့ မယူပဲ ကျန်တဲ့သူတွေကို တစ်ခါတလေမှ ကောက်သင်းကောက်ယူရတာ။”</p> <p>“အဲဒီတုန်းကတော့ အားလုံးက အဆင်ပြေပြေ နေခဲ့ကြတာပေါ့။ အခုတော့ မင်းတို့က ခြောက်မှတ်သမားတွေကိုပါ ဝင်လုနေပြီဆိုတော့ ဘယ်လိုလုပ်ကြမလဲ။”</p> <p> </p> <p>မကြာခင်မှာပဲ လူတိုင်းက ဒီ "ခြောက်မှတ်တန် စစ်ဆေးမှုစနစ်" ရဲ့ အသေးစိတ်အချက်အလက်တွေကို နားလည်သွားကြတဲ့အခါ အားလုံး မှင်သက်သွားကြပါတော့တယ်။</p> <p>ဒါ... ဒါက ဘာကြီးလဲ။</p> <p>ဘာသာရပ် ၆ ခုမှာ အမှတ်ပြည့် ဟုတ်လား။</p> <p>မဟာမိုးကောင်းကင်ဂိုဏ်းက ဒါကိုမှ ခြောက်မှတ်တန်စနစ်လို့ ခေါ်တာလား။</p> <p>ဒီသတင်းကို ကြားလိုက်ရတဲ့အခါ ဂိုဏ်းအတော်များများရဲ့ မျက်နှာတွေဟာ မည်းသည်းသွားခဲ့ပါပြီ။</p> <p>တကယ်တမ်းတော့ ကမ္ဘာပေါ်မှာရှိတဲ့ ဂိုဏ်းတိုင်းမှာ ကိုယ်စီကိုယ်စီ ပါရမီရှင်တွေ ရှိကြတာပါ။ တချို့ဆိုရင် မဟာမိုးကောင်းကင်ဂိုဏ်းက တပည့်တွေထက်တောင် ပိုတော်ကြပါသေးတယ်။ အဲဒီလို ထူးခြားလှတဲ့ ပါရမီရှင်တချို့ဟာ မဟာမိုးကောင်းကင်ဂိုဏ်းရဲ့ စစ်ဆေးမှုမှာ မအောင်မြင်ခဲ့ကြသူတွေပါ။ ဒါပေမဲ့ မဟာမိုးကောင်းကင်ဂိုဏ်းရဲ့ ငြင်းပယ်ခြင်းကို ခံရပြီးနောက် တခြားဂိုဏ်းတွေထဲ ရောက်သွားတဲ့အခါမှာတော့ သူတို့ရဲ့ ကြောက်မက်ဖွယ်ကောင်းတဲ့ စွမ်းရည်တွေကို ထုတ်ပြနိုင်ခဲ့ကြပါတယ်။</p> <p>ဒါဟာ ဘာကြောင့်လဲဆိုတော့ သူတို့ရဲ့ ဘက်စုံစွမ်းဆောင်ရည်က မကောင်းပေမဲ့၊ နယ်ပယ်အချို့မှာတော့ သူတို့က ပါရမီရှင်တွေထဲက ပါရမီရှင်တွေ ဖြစ်နေလို့ပါပဲ။ အဲဒီတော့ နှစ်ပေါင်းများစွာအတွင်းမှာ ဂိုဏ်းအသီးသီးဟာ မဟာမိုးကောင်းကင်ဂိုဏ်းက လက်လွှတ်လိုက်တဲ့ အဖိုးတန်ရတနာတွေကို ကောက်ရတာ မနည်းတော့ပါဘူး။</p> <p>ဒါပေမဲ့ အခုအချိန်မှာတော့ ချူရှင်းဟီ ရဲ့ ခြောက်မှတ်တန် စစ်ဆေးမှုစနစ် ထွက်ပေါ်လာတာနဲ့အတူ အဖိုးတန်ရတနာတွေကို ကောက်ယူဖို့ အိပ်မက်မက်နေကြတဲ့ ဂိုဏ်းတွေအားလုံး မှင်တက်သွားကြပါတော့တယ်။</p> <p>ချူရှင်းဟီက ပါရမီရှင်တစ်ယောက်ကိုမှ လက်လွတ်မခံချင်တော့လို့ ဒီလို ကြံစည်နေတာလား။</p> <p>ဒီခြောက်မှတ်တန် စစ်ဆေးမှုစနစ်နဲ့ဆိုရင် လူတစ်ယောက် အနေနဲ့ နယ်ပယ်တစ်ခုတည်းမှာပဲ ဘယ်လောက်ပဲ အစွန်းရောက်အောင် တော်တော်၊ အဲဒီနယ်ပယ်အချို့မှာသာ အကြွင်းမဲ့ စွမ်းရည်ရှိမယ်ဆိုရင် မဟာမိုးကောင်းကင်ဂိုဏ်းက သေချာပေါက် ရှာဖွေတွေ့ရှိသွားမှာပဲ။ ရလဒ်အနေနဲ့ နောင်အနာဂတ်မှာ တခြားမိသားစုတွေနဲ့ ဂိုဏ်းတွေအတွက် မဟာမိုးကောင်းကင်ဂိုဏ်းက ကျန်တာလေးတွေကို ကောက်ရဖို့ဆိုတာ တကယ်ကို ခက်ခဲသွားပါလိမ့်မယ်။</p> <p>ခြောက်မှတ်တန်စနစ် ကြေညာချက်နဲ့အတူ ဘိုးဘေးအင်မော်တယ် မြို့တော်က ပထမဦးဆုံးအနေနဲ့ ဒီစနစ်ကို လက်ခံကြောင်း ကြေညာလိုက်ပါတယ်။ ဘိုးဘေးအင်မော်တယ် မြို့တော်ကလည်း ခြောက်မှတ်တန် စစ်ဆေးမှုစနစ်ကို ကျင့်သုံးမှာဖြစ်ကြောင်း၊ ဘိုးဘေးအင်မော်တယ် မြို့တော်ထဲ ဝင်မယ့်တပည့်တွေဟာလည်း ခြောက်မှတ်တန် စစ်ဆေးမှုကနေတစ်ဆင့် ဝင်ရောက်နိုင်ကြောင်း ကြေညာချက်ကပ်လိုက်ပါပြီ။</p> <p>ဘိုးဘေးအင်မော်တယ် မြို့တော်က ပထမဆုံး စတင်ပြောဆိုလိုက်တာနဲ့ မဟာ ဂိုဏ်းကြီး (၁၀) ဂိုဏ်းထဲက တခြားဂိုဏ်းတွေကလည်း တစ်ခုပြီးတစ်ခု တုံ့ပြန်လာကြပါတယ်။</p> <p>ယွင်ရှောင်ဂိုဏ်းဟာလည်း သဘာဝကျစွာပဲ အဲဒီထဲမှာ ပါဝင်လာခဲ့ပါပြီ။</p> <p>ဒါပေမဲ့ ယွင်ရှောင်ဂိုဏ်းရဲ့ ကြေညာချက် ထွက်လာတာနဲ့တစ်ပြိုင်နက် အရပ်ရပ်က လူငယ်တွေအားလုံး မှင်တက်သွားကြပါတော့တယ်...။</p> <p>“ဘာ... ဒီနှစ် ယွင်ရှောင်ဂိုဏ်းက တပည့်သစ် မခေါ်ဘူး မဟုတ်လား။”</p> <p>“ဟမ်။ ငါ မှားသွားတာလား။ ယွင်ရှောင်ဂိုဏ်းက ဒီနှစ် တပည့်သစ် ခေါ်နေတာလား။”</p> <p>“ဒါပေမဲ့ ငါတို့က အဝေးကြီးကို ရောက်နေပြီလေ၊ အချိန်မီ ပြန်သွားဖို့ မလွယ်တော့ဘူး...။”</p> <p>“ပြီးတော့ အတင်းပြန်သွားရင်တောင် ယွင်ရှောင်ဂိုဏ်းထဲ ဝင်နိုင်ပါ့မလား။ ကြည့်လေ၊ ယွင်ရှောင်ဂိုဏ်းက ဘယ်လောက်တောင် မာနကြီး အလှမ်းဝေးနေသလဲဆိုရင် နှစ်တစ်ထောင် မဟာအခမ်းအနား ပွဲတော် မှာတောင် သူ့အစွမ်းကို ထုတ်မပြဘူးလေ...။ အဲဒီလောက် အဆင့်အတန်းခွဲခြားတဲ့ ဂိုဏ်းမျိုးက (၁၀) မှတ် အပြည့်ရတဲ့သူတွေကိုပဲ ခေါ်မှာ မဟုတ်လား။ ယွင်ရှောင်ဂိုဏ်းက ငါတို့လိုလူတွေကို မျက်စိထဲတောင် ထည့်မှာ မဟုတ်ပါဘူးလေ။”</p> <p> </p> <p style="text-align: center;">***</p>


Save