Book List

<h2 style="text-align: center;">Chapter 10</h2> <h2 style="text-align: center;">မဟာမိုးကောင်းကင်ဂိုဏ်းရဲ့ နံပါတ်တစ် သူရဲကောင်း ဝေရှင်း</h2> <h2 style="text-align: center;">*</h2> <p> </p> <p> </p> <p>ခြောက်မှတ်တန် အရည်အချင်းစစ် စနစ်ဟာ မဟာနေမင်း ကုန်းမြေတိုက်ကြီးပေါ်က အဓိကဂိုဏ်းကြီးတွေရဲ့ အရည်အချင်းစစ် စံနှုန်းတစ်ခုအဖြစ် အချိန်တိုအတွင်းမှာပဲ ပြောင်းလဲသွားခဲ့ပါတယ်။</p> <p>တချို့သော အလတ်စားနဲ့ အငယ်စားဂိုဏ်းတွေဆိုရင် ဒီခြောက်မှတ်တန်စနစ်ကို အခြေခံပြီး ငါးမှတ်တန်၊ လေးမှတ်တန်၊ နောက်ဆုံး သုံးမှတ်တန်စနစ်တွေအထိပါ အသစ်ထွင်ပြီး ကျင့်သုံးလာကြပါပြီ။</p> <p>မဟာမိုးကောင်းကင်ဂိုဏ်းမှာတော့ ဆရာဘိုးဘိုးဟာ ဂိုဏ်းပေါင်းစုံက သူတို့ရဲ့စနစ်ကို အတုယူနေကြကြောင်း တပည့်တွေ ပို့သမျှသတင်းတွေကို ဖတ်ရင်း မျက်နှာကြီးဟာ လပြည့်ဝန်းလို ပြည့်၀ တောက်ပနေပါတော့တယ်။</p> <p>“အော်။ ရှင်းဟီလေး။ သူကတော့ တကယ်ပဲ လမ်းဟောင်းအတိုင်း လျှောက်တဲ့သူ မဟုတ်ဘူး။”</p> <p>“တခြားသူတွေ မတွေးရဲတာကို တွေးရဲရုံတင်မကဘူး၊ တခြားသူတွေ မလျှောက်ရဲတဲ့ လမ်းတွေကိုလည်း ရဲရဲဝံ့ဝံ့ လျှောက်ရဲတယ်။”</p> <p>ဒါပေမဲ့ ချူရှင်းဟီ ဖန်တီးလိုက်တဲ့ ဒီခြောက်မှတ်တန်စနစ်ဟာ မဟာမိုးကောင်းကင်ဂိုဏ်းအတွက် အခုလက်ရှိတင်မကဘဲ အနာဂတ်မှာပါ မှန်းဆလို့မရနိုင်တဲ့ အကျိုးကျေးဇူးတွေကို သယ်ဆောင်လာပေးတာပါ။</p> <p>“စဉ်းစားကြည့်လေ။ နောင်အနာဂတ်မှာ ဒီလိုစစ်ဆေးမှုမျိုးမှာ ပါဝင်တဲ့သူတိုင်းဟာ ခြောက်မှတ်တန်ပဲဖြစ်ဖြစ်၊ ငါးမှတ်၊ လေးမှတ်၊ သုံးမှတ်ပဲဖြစ်ဖြစ်၊ ဒီစစ်ဆေးမှုမှာ ပါဝင်လိုက်တာနဲ့ ဒီစနစ်ရဲ့ မူလအစက မဟာမိုးကောင်းကင်ဂိုဏ်းပဲဆိုတာကို အလိုလို သတိရသွားကြမှာ မဟုတ်လား။”</p> <p>အဲဒီအခါမှာ မေးခွန်းတစ်ခု ပေါ်လာပါလိမ့်မယ်။ တကယ်လို့ ခြောက်မှတ် ရနိုင်တဲ့သူဆိုရင် မဟာမိုးကောင်းကင်ဂိုဏ်းကိုပဲ ဦးစားပေးပြီး ရွေးချယ်ကြမှာ မဟုတ်ဘူးလား။</p> <p>ပြီးခဲ့တဲ့ နှစ်တစ်ထောင် မဟာအခမ်းအနား ပွဲတော်တုန်းက ချူရှင်းဟီက တစ်ကမ္ဘာလုံးက လူတွေကို သူတို့ရဲ့ စွမ်းရည်တွေ ထုတ်ပြဖို့ စင်မြင့်ထက်မှာ အခွင့်အရေးပေးခဲ့ပါတယ်။ အဲဒီတုန်းက ဆရာဘိုးဘိုးအနေနဲ့ နည်းနည်းတော့ စိတ်ထဲမှာ မတင်မကျ ဖြစ်ခဲ့ပါသေးတယ်။</p> <p>ဘာပဲဖြစ်ဖြစ် ဒီလိုအခွင့်အရေးကောင်းမှာ တခြားသူတွေကို ပါဝင်ဆင်နွှဲခွင့်ပေးလိုက်တာဟာ နည်းနည်းတော့ ရှုံးသလို ခံစားခဲ့ရတာကိုး။</p> <p>ဒါပေမဲ့ ချူရှင်းဟီရဲ့ အတွေးအခေါ်က တကယ့်ကို အပြစ်ပြောစရာမရှိအောင် ပြည့်စုံတယ်ဆိုတာ လက်တွေ့မှာ သက်သေပြလိုက်ပါပြီ။</p> <p>“တစ်ကမ္ဘာလုံးက လူတွေဟာ သူတို့ရဲ့ စွမ်းရည်တွေကို ထုတ်ပြနေကြတယ်ဆိုပေမဲ့၊ ဘယ်သူတွေပဲ ထုတ်ပြနေပါစေ အဲဒါတွေအားလုံးက ငါတို့ မဟာမိုးကောင်းကင်ဂိုဏ်းကြောင့် ဖြစ်လာတာ မဟုတ်လား။”</p> <p>မဟာမိုးကောင်းကင်ဂိုဏ်းရဲ့ အင်အားဟာ တစ်ဦးချင်းစီ ထုတ်ပြနေစရာ မလိုတော့တဲ့အထိကို မြင့်မားတဲ့ အဆင့်တစ်ခုကို ရောက်နေပါပြီ။</p> <p>ဒါ့အပြင် ဒီပွဲအကြောင်း ပြောကြတဲ့အခါတိုင်း လူတိုင်းက မဟာမိုးကောင်းကင်ဂိုဏ်းရဲ့ စိတ်ထားကြီးမြတ်မှုကိုပဲ ချီးကျူးကြမှာပါ။ နာမည်ထုတ်ဖော်ပြောဖို့ အဆင်မပြေတဲ့ အဆင့် ၃ ရှိတဲ့ ဂိုဏ်းတစ်ခုနဲ့တော့ လုံးဝ ကွာခြားတာပေါ့။</p> <p>ဒီတစ်ခေါက် ချူရှင်းဟီက ဂိုဏ်းချုပ်ကိုယ်စားလှယ်အဖြစ်နဲ့ ဂိုဏ်းရဲ့လုပ်ငန်းတွေကို လှည့်လည်စစ်ဆေးတဲ့အခါမှာ ဆရာဘိုးဘိုးအနေနဲ့ အစပိုင်းမှာ နည်းနည်း စိုးရိမ်ခဲ့ပါသေးတယ်။</p> <p>“ဘာပဲဖြစ်ဖြစ် ရှင်းဟီလေးက ငယ်သေးတယ်လေ။ တချို့ကိစ္စတွေကို သူ သေချာ ကိုင်တွယ်နိုင်ပါ့မလား။”</p> <p>ဒါပေမဲ့ ချူရှင်းဟီဟာ ရုံမြို့တော်က ဥက္ကာခဲသံတွင်း ပြဿနာကို အပြစ်ပြောစရာမရှိအောင် ကိုင်တွယ်နိုင်ခဲ့ပါတယ်။ မေတ္တာရော၊ အာဏာပါ ပြသနိုင်ခဲ့သလို ဆုပေး၊ ဒဏ်ပေးစနစ်ကိုလည်း ကောင်းကောင်း အသုံးချနိုင်ခဲ့တယ်။</p> <p>ခံစားခွင့်တွေကို နှစ်ဆတိုးပေးလိုက်တဲ့ အကွက်ဟာ ဥက္ကာခဲသံတွင်းကို ထိန်းချုပ်နိုင်ခဲ့ရုံတင်မကဘဲ မဟာမိုးကောင်းကင်ဂိုဏ်းရဲ့ တခြားသော အဓိကလုပ်ငန်းတွေအတွက်ပါ စံနမူနာဖြစ်စေခဲ့ပါတယ်။</p> <p>လုပ်ငန်းပေါင်းစုံက ဘာလို့ ဒီလောက်မြန်မြန် ဆုံးဖြတ်ချက်တွေ ချနိုင်ခဲ့ကြသလဲဆိုတာကို ဆရာဘိုးဘိုး ကောင်းကောင်းကြီး သိတာပေါ့။</p> <p>မဟာမိုးကောင်းကင်ဂိုဏ်းရဲ့ လက်အောက်မှာရှိတဲ့ လုပ်ငန်းတွေကို တာဝန်ယူထားရတဲ့ တာဝန်ခံတွေ ဒါမှမဟုတ် မန်နေဂျာတွေထဲမှာ ဂိုဏ်းရဲ့ နန်းတော်ရှင် အကြီးအကဲတွေ၊ ဆရာဘိုးဘိုးကိုယ်တိုင် ဒါမှမဟုတ် ဂိုဏ်းချုပ်ကြီးနဲ့တောင် နွယ်ယှက်မနေတဲ့သူဆိုတာ မရှိသလောက်ပါပဲ။</p> <p>သူတို့ နေ့စဉ် ဘာတွေလုပ်နေကြသလဲဆိုတာကို လူတိုင်းက မသိဘဲ နေပါ့မလား။</p> <p>ဒါဟာ ဂိုဏ်းအတွက် ကြီးကြီးမားမား ပြဿနာမဖြစ်စေသရွေ့ အားလုံးက တိတ်တဆိတ် ခွင့်ပြုထားခဲ့ကြတာပါ။</p> <p>အခု ချူရှင်းဟီရဲ့ နည်းလမ်းတွေကို အကောင်အထည်ဖော်တဲ့အခါမှာ လုပ်ငန်းပေါင်းစုံက တာဝန်ခံတွေကလည်း လူအတွေ မဟုတ်ကြပါဘူး။</p> <p>ချူရှင်းဟီဟာ အခုကတည်းက ဂိုဏ်းချုပ်ကိုယ်စားလှယ်အဖြစ် စစ်ဆေးနေပြီဆိုတော့ ဂိုဏ်းချုပ်ရာထူးကို ရဖို့က ဝေးသေးလို့လား။</p> <p>တာဝန်ခံတစ်ယောက်အနေနဲ့ သင့်ကို ဘယ်သူပဲ ရာထူးတိုးပေးခဲ့ပါစေ၊ မဟာမိုးကောင်းကင်ဂိုဏ်းရဲ့ အနာဂတ်အရှင်သခင်က ဘယ်သူလဲဆိုတာကိုတော့ ဘယ်တော့မှ မမေ့သင့်ပါဘူး။</p> <p>တကယ်လို့ ဒီကိစ္စကို သေချာမကိုင်တွယ်နိုင်ရင်တောင် ချူရှင်းဟီ ဒါမှမဟုတ် ဆရာဘိုးဘိုး ထွက်လှုပ်ရှားစရာတောင် မလိုပါဘူး။ သက်ဆိုင်ရာ အထက်လူကြီးဖြစ်တဲ့ နန်းတော်ရှင် အကြီးအကဲ ဒါမှမဟုတ် သာမန် အကြီးအကဲက သက်ဆိုင်သူကို အစအနတောင် မကျန်အောင် ရှင်းထုတ်ပစ်လိုက်မှာပါ။</p> <p>ဥက္ကာခဲသံတွင်းအကြောင်း ပြောရမယ်ဆိုရင် ချူရှင်းဟီက မန်နေဂျာတစ်ယောက်ကို ဂိုဏ်းအတွင်းစည်းထဲအထိ အထူးရာထူးတိုးပေးခဲ့တာကို ဆရာဘိုးဘိုး မှတ်မိနေပါတယ်။</p> <p>“သူ့နာမည်က ဘယ်သူပါလိမ့်... ဪ... ဝေရှင်းပဲ။”</p> <p> သူ့ကို တာဝန်ချပေးလိုက်တဲ့ နေရာကတော့ ဆရာဘိုးဘိုးအတွက် နည်းနည်းတော့ မသင့်တော်သလို ခံစားခဲ့ရပါတယ်။</p> <p>ဝေရှင်းတစ်ယောက် ဟေးယွဲ့နန်းတော်မှာ ပျော်ရဲ့လားလို့ ဆရာဘိုးဘိုး တွေးနေမိပါပြီ။</p> <p> </p> <p>….</p> <p> </p> <p>ဟေးယွဲ့နန်းတော်။ ဆရာဘိုးဘိုးက သူ့အကြောင်း တွေးနေတာကို ဝေရှင်း မသိပေမဲ့၊ ဝေရှင်းကတော့ ဒီရက်ပိုင်းမှာ သူ တကယ့်ကို ပျော်နေရပါတယ်လို့ ထုတ်ဖော်ပြောပြလိုက်မှာပါ။</p> <p>ဘယ်လိုလုပ် မပျော်ဘဲ နေမလဲ။</p> <p>နေ့တိုင်း ဟေးယွဲ့ကလန်က ဂိုဏ်းတူအစ်ကိုကြီး အမြောက်အမြားဟာ သူ့ရှေ့မှာ ပုံစံအမျိုးမျိုးနဲ့ သေပြနေကြတာလေ။ ပြီးရင် အဲဒီသေခြင်းတရားတွေရဲ့ အဓိပ္ပာယ်ကို ဝေရှင်းနဲ့ ဆွေးနွေးကြပါသေးတယ်။</p> <p>သူတို့က သေဆုံးတဲ့အခါ ခံစားရတဲ့ အမျိုးမျိုးသော ခံစားချက်တွေကိုတောင် ဝေရှင်းကို အသေးစိတ် ရှင်းပြနေကြတာပါ။</p> <p>ကျင့်ကြံသူတွေရဲ့ အိပ်မက်က ထာဝရအသက်ရှင်ခြင်းလို့ ပြောကြတယ် မဟုတ်လား။ ဝေရှင်းတစ်ယောက် ဟေးယွဲ့နန်းတော်မှာ သုတေသနလုပ်နေတာကတော့ ထာဝရအသက်ရှင်ခြင်း မဟုတ်ပါဘူး။ ထာဝရသေခြင်းပါ။</p> <p>အစပိုင်းမှာတော့ ဟေးယွဲ့ကလန်က ဂိုဏ်းတူအစ်ကိုကြီးတွေနဲ့ အဆင်ပြေပါသေးတယ်. သူတို့ကိုယ်တိုင်ပဲ သေပြကြတာကိုး။ ဝေရှင်းလည်း အမြဲကြည့်နေရတော့ နည်းနည်းတော့ ကျင့်သားရလာပါတယ်။</p> <p>ဒါပေမဲ့ တဖြည်းဖြည်းနဲ့ ဂိုဏ်းတူအစ်ကိုကြီးတွေက လွန်လာကြပါပြီ။ သူတို့နဲ့အတူ ပါဝင်ဆင်နွှဲဖို့ (အတူတူသေဖို့) ဝေရှင်းကို တောင်းဆိုလာကြတာပါ။</p> <p>လူသားတစ်ယောက်ကို ဒီလိုစကားမျိုး ပြောလာလိမ့်မယ်လို့ ရောင်းရင်းတို့ ယုံနိုင်ပါ့မလား။</p> <p>“ငါ ဝေရှင်းက မင်းတို့ ဟေးယွဲ့ကလန်နဲ့ တူလို့လား။ ငါက ပူးပေါင်းလို့ရပါတယ်၊ ဒါပေမဲ့ တစ်ခုတော့ ရှိတယ်။ အလွန်ဆုံး ပူးပေါင်းနိုင်လှ တစ်ကြိမ်ပဲ။ အဲဒီတစ်ကြိမ်ပြီးရင် ငါဆိုတဲ့ ဝေရှင်းက ဒီလောကကြီးမှာ ရှိတော့မှာ မဟုတ်ဘူးလေ။”</p> <p> </p> <p> </p> <p>ဟေးယွဲ့ကလန်ကလည်း ဒီပြဿနာကို သတိထားမိပုံရပါတယ်။ ဒါကြောင့် ဂိုဏ်းတူအစ်ကိုကြီးတွေက အလိုက်တသိနဲ့ပဲ ပြောလိုက်ပါပြီ။</p> <p> "ဝေရှင်း။ ငါတို့ပြောတဲ့ 'ပူးပေါင်းတယ်' ဆိုတာက အဲဒီလိုမျိုး မဟုတ်ပါဘူး။ ငါတို့ကို မင်းက သတ်ပေးတာမျိုးပါ။”</p> <p>အဲဒီနောက်မှာတော့ ဝေရှင်းဟာ သားသတ်သမားတစ်ယောက်လို ဓားကိုဆွဲပြီး နေ့စဉ်နဲ့အမျှ ဟေးယွဲ့ကလန်က ဂိုဏ်းတူအစ်ကိုကြီး အမျိုးမျိုးကို ခုတ်ဖြတ်သတ်ဖြတ်ပေးရတဲ့ အလုပ်ကို မဖြစ်မနေ လုပ်ရပါတော့တယ်။</p> <p>“ငါ ဝေရှင်းက သူလျှိုတစ်ယောက်ဆိုပေမဲ့ လူသတ်ဝါသနာပါတဲ့ စိတ်တ္တဇ လူသတ်သမားတော့ မဟုတ်ဘူးလေ...။”</p> <p>တကယ်လို့ လူသတ်ဝါသနာပါတဲ့သူ ဖြစ်နေရင်တောင် ဟေးယွဲ့ကလန်နဲ့တွေ့ရင် လက်လျှော့သွားရမှာပါ။ ဘာလို့လဲဆိုတော့ ရောင်းရင်းက ဓားနဲ့တစ်ချက်ခုတ်လိုက်တိုင်း အဲဒီဂိုဏ်းတူအစ်ကိုကြီးက ခုတ်ခံရတဲ့ ခံစားချက်ကို အဲဒီနေရာမှာတင် ချက်ချင်း ပြန်ရှင်းပြနေတာလေ။ အဲဒါ ဘယ်လောက်တောင် စိတ်ခြောက်ခြားစရာကောင်းသလဲ စဉ်းစားသာကြည့်ပါတော့။</p> <p>နေ့တိုင်း ဂိုဏ်းတူအစ်ကိုကြီးတွေကို ခုတ်သတ်နေရတာကမှ တော်သေးတယ်။ ဟေးယွဲ့နန်းတော်ရဲ့ ဆယ်ရက်တစ်ကြိမ် အပြန်အလှန် ဓားချင်းခုတ်ပွဲ ဆိုတာကတော့ တကယ့်ကို လွန်လွန်ကျူးကျူးပါပဲ။</p> <p>ဒီလို အပြန်အလှန် ခုတ်ကြတဲ့ပွဲကို စီစဉ်ပေးတာက ချူရှင်းဟီ ပဲလို့ သူ ကြားခဲ့ပါတယ်။</p> <p>ဒါပေမဲ့ ဒီပွဲရဲ့ အကြောင်းအရာတွေကို သိလိုက်ရတဲ့အခါမှာတော့ ဝေရှင်းတစ်ယောက် မေးခွန်းထုတ်ချင်လာပါပြီ။</p> <p>"ဒါက လူဦးနှောက်ကနေ ထွက်လာတဲ့ အတွေးမျိုး ဟုတ်ရဲ့လားဟင်"</p> <p> </p> <p>အဲဒီ အပြန်အလှန် ဓားချင်းခုတ်ပွဲ ဆိုတာက ဟေးယွဲ့ကလန်ဝင်တွေ အားလုံးက မျက်နှာဖုံးတွေစွပ်၊ သူတို့ရဲ့ အော်ရာအရှိန်အဝါတွေကို ဖျောက်ထားကြပြီးတော့ ငါခုတ်မယ်၊ မင်းခန့်မှန်းဆိုတဲ့ ဂိမ်းကို ကစားကြတာပါ။</p> <p>အဲဒီဂိမ်းက တစ်ယောက်က ဓားနဲ့ခုတ်လိုက်ရင် ကျန်တဲ့သူတွေက ဘယ်သူ့ကို ခုတ်လိုက်တာလဲဆိုတာ ခန့်မှန်းရတာပေါ့။</p> <p>တကယ်လို့ တစ်ယောက်က မှန်အောင်ခန့်မှန်းနိုင်ရင်တော့ ဂုဏ်ယူပါတယ်။ ရောင်းရင်းက နောက်တစ်ခါ အခုတ်ခံရမယ့်သူ ဖြစ်လာမှာပါ။ တကယ်လို့ ခန့်မှန်းတာ မှားသွားရင်တော့ ကံဆိုးတာပေါ့။ ရောင်းရင်းက တခြားသူကိုပဲ လိုက်ခုတ်နေရဦးမှာပါ။</p> <p>အရင်တုန်းကတော့ ဟေးယွဲ့ကလန်သားတွေက ဘယ်သူ့ကိုမှ မခုတ်ချင်ကြပါဘူး။ အခုတ်ပဲ ခံချင်ကြတာပါ။ ဒါပေမဲ့ ခုတ်မယ့်သူကတော့ ရှိရမှာ မဟုတ်လား။ အဲဒီတော့ ဝေရှင်း ရောက်လာတဲ့အခါမှာ ဒီဂိမ်းက ပြည့်စုံသွားပါတော့တယ်။</p> <p>ဟေးယွဲ့ကလန်က ခုတ်ရမယ့် အခန်းကဏ္ဍအားလုံးကို ဝေရှင်းလက်ထဲ အပ်လိုက်ကြပါပြီ။</p> <p>ဒီလိုနဲ့ အပြန်အလှန် ဓားချင်းခုတ်ပွဲမှာ ဝေရှင်းတစ်ယောက် ထူးဆန်းအံ့ဩဖွယ်ရာ ဂိမ်းအမျိုးမျိုးကို မျက်မြင်တွေ့ခဲ့ရပါတယ်။</p> <p>ဥပမာ - "မင်း အမူအရာပြ၊ ငါခုတ်မယ်။"</p> <p>"အမှန်အတိုင်းပြောမလား၊ သွေးအန်မလား။"</p> <p>"ဒီနေ့တော့ သေမင်းနိုင်ငံတော်ထဲ လမ်းလျှောက်ထွက်ကြစို့။"</p> <p>ဝေရှင်းတစ်ယောက် ဒီလိုဂိမ်းမျိုးတွေကို တစ်ခါမှ မကြားဖူး၊ မမြင်ဖူးပါဘူး။ ဒါပေမဲ့ ဒီရက်ပိုင်းမှာ သူ အကုန်လုံး ပါဝင်ဆင်နွှဲခဲ့ရပါတယ်။ အခုဆိုရင် ဝေရှင်းဟာ ခံစားချက်မရှိတဲ့ အေးစက်စက် လူသတ်သမားတစ်ယောက် ဖြစ်လာပြီလို့တောင် သူ ကိုယ်တိုင် ခံစားနေရပါပြီ။</p> <p>ဟေးယွဲ့ကလန်တွေက ဒီလောက်တောင် လွန်လွန်ကျူးကျူး ဖြစ်နေတာကို ပထမဆုံး မြင်လိုက်ရတုန်းက ဝေရှင်းဟာ မဟာသူတော်စင်ကြီးဆီကို သွားတိုင်ပြီး ထိန်းကျောင်းပေးဖို့ မျှော်လင့်ခဲ့ပါသေးတယ်။</p> <p>ဒါပေမဲ့ သွားမေးကြည့်လိုက်တော့မှ မဟာသူတော်စင်ကြီးက သူ့ရဲ့ကျင့်စဉ်ကို ပြင်ဆင်နေရင်းနဲ့ သူ့ကိုယ်သူ သေအောင် ပြင်မိသွားလို့ အခုထိ ပြန်မရှင်လာသေးဘူးတဲ့လား။</p> <p>“ကတောက်။ ဟေးယွဲ့နန်းတော်မှာ ပုံမှန်လူကို ထားပါဦး၊ ငါကလွဲရင် ကျန်တဲ့သူတွေက လူရော ဟုတ်ကြရဲ့လား။”</p> <p>ဟေးယွဲ့ကလန်သားတွေက ဖောက်ပြန်နေတယ်ဆိုရင် လူရိုင်းမျိုးနွယ်စုကတော့ တကယ့်ကို ကြောက်စရာကောင်းအောင် ရူးသွပ်နေပါပြီ။</p> <p>အစပိုင်းမှာ လူရိုင်းမျိုးနွယ်စုက မိစ္ဆာသားရဲတွေကို မွေးမြူနေတာကို မြင်လိုက်ရတဲ့အခါ ဝေရှင်းဟာ တကယ့်ကို တုန်လှုပ်စရာကောင်းတဲ့ လျှို့ဝှက်ချက်ကြီးကို ရှာဖွေတွေ့ရှိသွားပြီလို့ ထင်မိခဲ့တာပါ။</p> <p>“မဟာမိုးကောင်းကင်ဂိုဏ်းက လူရိုင်းမျိုးနွယ်စုကို နေ့တိုင်း အရင်းအမြစ်တွေ အများကြီး ထောက်ပံ့ပေးပြီး ဟေးယွဲ့နန်းတော်မှာ မိစ္ဆာသားရဲတွေ မွေးခွင့်ပေးထားတာဟာ လူရိုင်းမျိုးနွယ်စုက မိစ္ဆာသားရဲတွေကို ထိန်းချုပ်နိုင်တဲ့ နည်းလမ်းကို ရှာတွေ့သွားလို့လား။”</p> <p>“တကယ်လို့သာ အမှန်ဆိုရင် ဒါဟာ တစ်ကမ္ဘာလုံးရဲ့ အခြေအနေကို ပြောင်းလဲပစ်နိုင်မယ့် ကိစ္စရပ်ကြီး ဖြစ်လာမှာပါ။”</p> <p>“ဘာပဲဖြစ်ဖြစ် ဒီလောကမှာ မိစ္ဆာသားရဲတွေ ဘယ်လောက်တောင် များသလဲ။”</p> <p>“တကယ်လို့သာ သူတို့က မိစ္ဆာသားရဲတွေကို ထိန်းချုပ်နိုင်မယ်ဆိုရင် ဒါဟာ ဘယ်လောက်တောင် ကြောက်စရာကောင်းတဲ့ အင်အားမျိုး ဖြစ်လာမလဲ။”</p> <p>ဒါကြောင့် ဝေရှင်းဟာ လူရိုင်းမျိုးနွယ်စုတွေ ရှိရာဘက်ကို တိတ်တဆိတ် ထောက်လှမ်းဖို့ သွားခဲ့ပါတယ်။ သူတို့ ဒီနည်းလမ်းကို တကယ်ပဲ တတ်မြောက်သွားပြီလားဆိုတာ သိချင်လို့ပေါ့။</p> <p>ဒါပေမဲ့ သူ မြင်လိုက်ရတဲ့ မြင်ကွင်းကတော့ သူ့ကို သေလုနီးပါး ဖြစ်သွားစေခဲ့ပါတယ်။</p> <p>ဝေရှင်း အဲဒီထဲကို ဝင်သွားပြီးတဲ့နောက်မှာ လွတ်ထွက်နေတဲ့ မိစ္ဆာသားရဲတစ်ကောင်နဲ့ မတော်တဆ တိုးမိပြီး သေမတတ် အလိုက်ခံရပါတော့တယ်။ ကံကောင်းတာကတော့ လမ်းသွားလမ်းလာ ဟေးယွဲ့ကလန်က ဂိုဏ်းတူအစ်ကိုကြီးတချို့က ဝင်ကူညီပြီး မိစ္ဆာသားရဲရဲ့ ဗိုက်ထဲကို ဝင်သွားကြလို့သာ ဝေရှင်းတစ်ယောက် ဆက်အလိုက်မခံရတော့တာပါ။</p> <p>ဒါပေမဲ့ ဝေရှင်းက အန္တရာယ်တစ်ခုကြောင့်နဲ့တော့ လက်မလျှော့ပါဘူး။ သူ ဆက်ပြီး ထောက်လှမ်းတဲ့အခါမှာတော့ တကယ့် လျှို့ဝှက်ချက်ကြီးတစ်ခုကို ရှာတွေ့ခဲ့ပါတယ်။</p> <p>အိုးရန်မိသားစုက လူတွေဟာ ထူးဆန်းတဲ့ ကိရိယာတချို့ကို ဒီကို ယူလာကြပြီး ဟေးယွဲ့ကလန်က ဂိုဏ်းတူအစ်ကိုကြီးတွေရဲ့ အကူအညီနဲ့ မိစ္ဆာသားရဲတစ်ကောင်ကို အဲဒီနေရာမှာတင် ဖမ်းဆီးလိုက်တာကို ဝေရှင်း ကိုယ်တိုင် မြင်လိုက်ရတာပါ။</p> <p>ဒီမြင်ကွင်းကို မြင်လိုက်ရတဲ့အခါ ဝေရှင်းက တွေးမိသွားပါတယ်။</p> <p>"လူရိုင်းမျိုးနွယ်စုက အိုးရန်မိသားစုနဲ့ မဟာမိတ်ဖွဲ့ထားတာလား"</p> <p>အိုးရန်မိသားစုရဲ့ မှော်ရတနာသွန်းလောင်ခြင်းစွမ်းရည်ဆိုတာ တစ်ကမ္ဘာလုံးက မနာလိုဖြစ်ရတဲ့ အစွမ်းလေ။</p> <p>အချိန်စကြ၀ဠာ ပုလွေဆိုတာတောင် အိုးရန်မိသားစုနဲ့ ဖန်းယုကျန် တို့ ပူးပေါင်းမှ လုပ်နိုင်တာ မဟုတ်လား။</p> <p>ဒါကြောင့် ဒီတစ်ခါတော့ အိုးရန်မိသားစုက လူရိုင်းမျိုးနွယ်စုနဲ့ ပူးပေါင်းထားတာ ဖြစ်ရမယ်။ လူရိုင်းမျိုးနွယ်စုက မွေးမြူမယ်၊ အိုးရန်မိသားစုကတော့ သူတို့ရဲ့ လျှို့ဝှက်ရတနာတွေနဲ့ မိစ္ဆာသားရဲတွေကို ထိန်းချုပ်မယ်ပေါ့။</p> <p>ဝေရှင်းတစ်ယောက် တုန်လှုပ်စရာကောင်းတဲ့ လျှို့ဝှက်ချက်ကြီးကို ရှာတွေ့ပြီလို့ ထင်လိုက်တဲ့အချိန်မှာပဲ အိုးရန်မိသားစုဝင်တွေက သူတို့ရဲ့ ထူးဆန်းတဲ့ လျှို့ဝှက်ကိရိယာတွေကို ဖွင့်လိုက်ကြပါတယ်။ အဲဒါက အသားကင်စက်တွေ ဖြစ်နေတာပါပဲ။</p> <p> </p> <p>အဲဒီနောက်မှာတော့ ဝေရှင်းရဲ့ မှင်တက်နေတဲ့ အကြည့်တွေအောက်မှာတင် အိုးရန်မိသားစုနဲ့ လူရိုင်းမျိုးနွယ်စုဝင်တွေဟာ အတူတူထိုင်ပြီး အသားကင်ကြပါတော့တယ်။ ကင်ခံနေရတဲ့ အသားကလည်း ဝေရှင်း စောစောကတင် သတ်မှတ်ထားခဲ့တဲ့ ကောင်ကြီး ဖြစ်နေတာပါ။</p> <p> "ဒါဟာ တစ်ကမ္ဘာလုံးကို သိမ်းပိုက်မယ့် မိစ္ဆာသားရဲကြီးပဲ"</p> <p>“သိမ်းပိုက်တာကတော့ ဟုတ်ပါပြီ။ ဒါပေမဲ့ ကတောက်။ မိစ္ဆာသားရဲကို ထိန်းချုပ်ပြီးရင် စားဖို့ပဲလားဟင်”</p> <p>(မင်းတို့ ရူးနေကြတာလား။)</p> <p>“မဟာမိုးကောင်းကင်ဂိုဏ်းက လူရိုင်းမျိုးနွယ်စုကို နေ့တိုင်း အရင်းအမြစ်တွေ ဒီလောက်ပံ့ပိုးပေးနေတာက ပိုပြီးအရသာရှိတဲ့ မိစ္ဆာသားရဲတွေ ဖြစ်လာအောင် လေ့ကျင့်မွေးမြူခိုင်းဖို့လား။”</p> <p>ရလဒ်အနေနဲ့ကတော့ စိတ်လေနေတဲ့ ဝေရှင်းဟာ အဲဒီနေရာမှာတင် အမိခံလိုက်ရပါတယ်။ ဒါပေမဲ့ သူဟာ မဟာမိုးကောင်းကင်ဂိုဏ်းရဲ့ နံပါတ်တစ် သူရဲကောင်း ဝေရှင်းဖြစ်ကြောင်း သိလိုက်ရတဲ့အခါမှာတော့ အိုးရန်မိသားစုကပါ သူ့ကို အလေးအနက်ထားပြီး အရိုအသေပေးလိုက်ကြပါပြီ။</p> <p>"မဟာမိုးကောင်းကင်ဂိုဏ်းရဲ့ နံပါတ်တစ် သူရဲကောင်း ဝေရှင်း" ဆိုတဲ့ ဇာတ်လမ်းက ဒီရက်ပိုင်းအတွင်းမှာတင် ဂိုဏ်းတစ်ခုလုံးမှာ ဟိုးဟိုးကျော်နေခဲ့တာကိုး။</p> <p>အိုးရန်မင်တောင်မှ ဒီအကြောင်းကို ကြားပြီးနောက်မှာတော့ သဘောတူထောက်ခံခဲ့ပါတယ်။</p> <p>ဘာပဲဖြစ်ဖြစ်။ ပုံမှန်စိတ်ရှိတဲ့ ဘယ်သူများ ဟေးယွဲ့နန်းတော်ကို ရွေးချယ်ပါ့မလဲ။</p> <p>ဒါပေမဲ့ ဒီဂိုဏ်းတူညီလေး ဝေရှင်းကတော့ ဟေးယွဲ့နန်းတော်ကို ရွေးချယ်ခဲ့ရုံတင်မကဘဲ "ရှင်ရင်လည်း ဟေးယွဲ့နန်းတော်က လူ၊ သေရင်လည်း ဟေးယွဲ့နန်းတော်က သရဲပဲ။" ဆိုတဲ့ သူရဲကောင်းဆန်တဲ့ စကားတွေကိုတောင် ‌ကြွေးကြော်ခဲ့ပါသေးတယ်။</p> <p>ပြီးတော့ သူက သေရင်သေပါစေ။ မဟာမိုးကောင်းကင် တောင်တန်းပေါ်ကနေပဲ ခုန်ချပါစေ။ ဟေးယွဲ့နန်းတော်ကနေ ဘယ်တော့မှ ထွက်မှာမဟုတ်ဘူးလို့ပါ ကြေညာခဲ့တာပါ။</p> <p>ဒီလို သူရဲကောင်းဆန်တဲ့ စကားတွေကြောင့်ပဲ "ဝေရှင်းဆိုတာ မဟာမိုးကောင်းကင်ဂိုဏ်းရဲ့ နံပါတ်တစ် သူရဲကောင်း" ဆိုတဲ့ ဘွဲ့ထူးဟာ အချိန်တိုအတွင်းမှာတင် ဂိုဏ်းတစ်ခုလုံးကို ပျံ့နှံ့သွားခဲ့တာပါ။</p> <p>ဆရာဘိုးဘိုးကနေစလို့ အပြင်စည်းတပည့်တွေအထိ လူတိုင်းက သူ့ကို အသိအမှတ်ပြုကြပါတယ်။</p> <p>တကယ်တော့ ဝေရှင်းက အပြင်စည်းကနေ အတွင်းစည်းကို ရုတ်တရက်ကြီး ရာထူးတိုးသွားတာကို အစပိုင်းမှာ မကျေနပ်တဲ့ အပြင်စည်းတပည့်တွေ အများကြီး ရှိနေခဲ့တာပါ။ ဒါပေမဲ့ ဝေရှင်းက ဟေးယွဲ့နန်းတော်ထဲ ဝင်သွားတယ်ဆိုတာကို သိလိုက်ရတဲ့အခါမှာတော့ ဘယ်သူကမှ ကန့်ကွက်ဖို့ မဝံ့ရဲကြတော့ပါဘူး။</p> <p>ဘယ်သူကများ ဝေရှင်းကို မချီးကျူးဘဲ နေနိုင်ပါ့မလဲ။</p> <p> "ဝေရှင်းဟာ မဟာမိုးကောင်းကင်ဂိုဏ်းရဲ့ နံပါတ်တစ် သူရဲကောင်းပါပဲ။"</p> <p>ဘာလဲ။ မင်းက မကျေနပ်ဘူးလား။ ဒါဆိုရင်တော့ ဟေးယွဲ့နန်းတော်ကို သွားဖို့ လျှောက်လွှာတင်လိုက်လေ။ လွန်ခဲ့တဲ့ ရက်ပိုင်းကတင် ဆရာဘိုးဘိုးက အပြင်စည်းတပည့် တစ်သုတ်ကို အတွင်းစည်းကို ရာထူးတိုးပေးဖို့ ပြင်ဆင်နေတယ်လို့ ကြေညာခဲ့သေးတယ်။ အဲဒီတုန်းက အပြင်စည်းတစ်ခုလုံး ပျော်ရွှင်သံတွေနဲ့ ပြည့်နှက်နေခဲ့တာပေါ့။</p> <p>ဒါပေမဲ့ အဲဒီရာထူးတိုးတာက ဟေးယွဲ့နန်းတော်ထဲ ဝင်ဖို့ဆိုတာကို သိလိုက်ရတဲ့အခါမှာတော့ အပြင်စည်းတပည့်တွေ အားလုံးက ချူချန်းကို တညီတညွတ်တည်း ထောက်ခံတင်မြှောက်လိုက်ကြပါတယ်။</p> <p>ပြီးတော့ သူတို့က ဒီလို ပြောလိုက်ကြပါသေးတယ်။</p> <p> "ဒီလို အခွင့်အရေးမျိုးနဲ့ ထိုက်တန်တာ ချူချန်းတစ်ယောက်ပဲ ရှိပါတယ်။ ကျွန်တော်တို့လို လူတွေအတွက်ကတော့ ဒါနဲ့ လုံးဝ မထိုက်တန်ပါဘူး။ လုံးဝကို မထိုက်တန်တာပါ။"</p> <p> </p> <p> </p> <p style="text-align: center;">***</p>


Save