Book List

<h2 style="text-align: center;">အခန်း (၃၁၁)</h2> <h2 style="text-align: center;"> ရန်ယွမ်ဇီကို လွှတ်ပေးရခြင်း</h2> <h2 style="text-align: center;"> ဝူယွမ်၏ စည်းရုံးရေး(၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>အဆင့်မြင့် ပုဂ္ဂိုလ်ကြီးနှစ်ဦး ထွက်ပေါ်လာသောအခါ ကမ္ဘာခြားနတ်ဆိုးမြို့တော်တစ်ခုလုံးသည် ခေတ္တရပ်တန့်ခြင်းခလုတ်ကို နှိပ်လိုက်သကဲ့သို့ တိတ်ဆိတ်ငြိမ်သက်သွားတော့သည်။</p> <p> </p> <p>ဝူယွမ်က ရန်ယွမ်ဇီကို ဖိနှိပ်နိုင်ခဲ့ခြင်းသည် သူတို့အတွက် အလွန်မထင်မှတ်ထားသော အရာတစ်ခုဖြစ်သည်။ သို့သော် ယခုအခါ တိယွမ်ဇီနှင့် ထျန်းယွမ်ဇီတို့ အတူတကွ ထွက်ပေါ်လာကြလေပြီ။ သူတို့နှစ်ဦးစလုံးသည် ရန်ယွမ်ဇီထက် ပိုမိုအစွမ်းထက်ပြီး ကျော်ကြားသော ဝင်စားခြင်းအဆင့် သိုင်းပညာရှင်များ ဖြစ်ကြသည်။</p> <p> </p> <p>ဝင်စားခြင်းအဆင့်ခြင်း အတူတူပင် ဖြစ်သော်လည်း စွမ်းအားကွာဟချက်မှာ အလွန်ကြီးမားသည်။</p> <p> </p> <p>ဝူယွမ်က ရန်ယွမ်ဇီကို ဖိနှိပ်နိုင်ခဲ့ခြင်းမှာ ဝိညာဉ်ရတနာလက်နက်တစ်ခု၏ စွမ်းအားကို အဓိက အားကိုးခဲ့ရခြင်းကြောင့်ဟု ထင်ရသည်။ </p> <p>သော် ယခု နောက်ထပ်နှစ်ယောက်ကို သူ ဆက်လက်ဖိနှိပ်နိုင်လိမ့်မည်ဟု လူများ မယုံကြည်ကြတော့ပေ။</p> <p> </p> <p>သူတို့နှစ်ဦးပေါ်လာသည်နှင့်တစ်ပြိုင်နက် ချက်ချင်းပင် ဘယ်ညာညှပ်ကာ ဝူယွမ်နှင့် သူ၏ ဧရာမမီးဖိုကြီးကို တိုက်ခိုက်ပြီး အထဲရှိ ရန်ယွမ်ဇီကို ကယ်တင်ရန် ကြိုးစားတော့သည်။</p> <p> </p> <p>သူတို့၏ အစွမ်းထက်သောအင်အားများဖြင့် ဘေးနှစ်ဖက်မှ ညှပ်ပိတ်တိုက်ခိုက်လာမှုကို အလယ်တွင်ရှိသော ဝူယွမ်က မဟာရှေးဟောင်းကျောက်တိုင်ကို အသုံးပြု၍ ခုခံရန် ပြင်ဆင်လိုက်သည်။</p> <p> </p> <p>“ငါလုပ်မယ်”</p> <p> </p> <p>ရုတ်တရက် ဝူယွမ်၏စိတ်ထဲသို့ အသံတစ်သံ ဝင်ရောက်လာသည်။</p> <p> </p> <p>ဝုန်း...</p> <p> </p> <p>ထိုအချိန်တွင် ကောင်းကင်ယံရှိ လေဟာနယ်က ဟက်တက်ကွဲသွားပြီး မီးခိုးရောင်နှင့် အဖြူရောင်ရောစပ်နေသော ဝတ်ရုံရှည်ကို ဝတ်ဆင်ထားကာ လေးလေးနက်နက်မျက်နှာထားရှိသည့် အမျိုးသားတစ်ဦး လေဟာနယ်ထဲမှ လှမ်းထွက်လာသည်။ </p> <p>သူ ထွက်ပေါ်လာမှုနှင့်အတူ ထျန်းယွမ်ဇီနှင့် အခြားတစ်ဦးတို့ မြို့တစ်မြို့လုံးကို ဖုံးလွှမ်းထားသည့် ဖိနှိပ်မှုအငွေ့အသက်များမှာလည်း ချက်ချင်း ဆုတ်ခွာသွားသည်။</p> <p> </p> <p>သူကား အခြားသူမဟုတ်... တောင်ဂိုဏ်း ဂိုဏ်းချုပ် ယင်းရွှမ်ဇီပင် ဖြစ်သည်။</p> <p> </p> <p>သူနှင့်အတူ ဆံပင်ဖြူ၊ မုတ်ဆိတ်ဖြူနှင့် အပြာရောင်ဝတ်ရုံ ဝတ်ဆင်ထားသော အဘိုးအိုတစ်ဦးလည်း ထွက်ပေါ်လာသည်။ သူတို့နှစ်ဦးက ဝူယွမ်၏ ဘယ်နှင့်ညာတွင် အသီးသီး နေရာယူကာ ရန်ယွမ်ဇီနှင့် တိယွမ်ဇီတို့၏ တိုက်ခိုက်မှုများကို ပိတ်ဆို့လိုက်သည်။</p> <p> </p> <p>“ယင်းရွှမ်းဇီ”</p> <p> </p> <p>“သရဲအိုကြီးချန်... မင်း အသက်ရှင်နေသေးတာပဲ၊ ပြီးတော့ ဝင်စားခြင်းအဆင့်ကိုတောင် တက်လှမ်းသွားပြီ”</p> <p> </p> <p>တိယွမ်ဇီတို့နှစ်ဦးက လေဟာနယ်ထဲတွင် ရပ်နေရင်း သူတို့နှစ်ဦးကို အံ့ဩမှု၊ အတိုင်းအဆမရှိသော ဒေါသတို့ဖြင့် စိုက်ကြည့်နေကြသည်။</p> <p> </p> <p>လက်ရှိအခြေအနေက သူတို့ ယွမ်ဂိုဏ်းဘက်မှ အရေးနိမ့်နေသဖြင့် သူတို့၏ မျက်နှာထားများမှာ အလွန်အမင်း တင်းမာခက်ထန်နေကြသည်။</p> <p> </p> <p>“ဟဲဟဲ... ငါက ကံကောင်းလို့ အသက်ရှင်ကျန်ရစ်ခဲ့တာပါ” အပြာရောင်ဝတ်ရုံဖြင့် အဘိုးအိုက မှိန်ဖျော့ဖျော့ပြုံးကာ ပြောလိုက်သည်။</p> <p> </p> <p>“မင်း ရန်ယွမ်ဇီကို ထိန်းချုပ်ထားနိုင်လား”</p> <p> </p> <p>ယင်းရွှမ်ဇီက ဝူယွမ်ကို လျှို့ဝှက်အသံပို့၍ မေးလိုက်သည်။</p> <p> </p> <p>“ဂိုဏ်းချုပ်... စိတ်မပူပါနဲ့၊ ဒီကောင် အခုလောလောဆယ် ရုန်းထွက်နိုင်မှာ မဟုတ်ဘူး၊ အချိန်နည်းနည်းပေးမယ်ဆိုရင် သူ့ကို ပြာကျသွားတဲ့အထိတောင် လုံးဝသန့်စင်ပစ်နိုင်လောက်တယ်” ဝူယွမ်က ပြန်ဖြေလိုက်၏။</p> <p> </p> <p>ဖန်ထျန်းအစီအရင်၏ လက်ရှိစွမ်းအားသည် မဟာရှေးဟောင်းကျောက်တိုင်နှင့် ကမ္ဘာ့သစ်ပင်တို့ ပေါင်းစပ်ထားသဖြင့် မကြာသေးမီကမှ ဝင်စားခြင်းအဆင့်သို့ ဝင်ရောက်လာသော ရန်ယွမ်ဇီကို ကိုင်တွယ်ရန် မခက်ခဲပေ။</p> <p> </p> <p>“ဒီလောက် မလွယ်ဘူးထင်တယ်၊ အကြီးအကဲချန်နဲ့ ငါက ထျန်းယွမ်ဇီနဲ့ တိယွမ်ဇီရဲ့ ပြိုင်ဘက်မဟုတ်ဘူး၊ ငါတို့ သူတို့ကို အချိန်အကြာကြီး မထိန်းထားနိုင်ဘူး၊ ညှိနှိုင်းဖို့ နည်းလမ်းတစ်ခု ရှာရလိမ့်မယ်” ယင်းရွှမ်းဇီက လေးနက်သောလေသံဖြင့် ပြောလိုက်သည်။</p> <p> </p> <p>အကြီးအကဲချန်မှာ မကြာသေးမီကမှ ဝင်စားခြင်းအဆင့်သို့ တက်လှမ်းခဲ့သူဖြစ်ရာ ဝင်စားခြင်းအဆင့်၏ အစပိုင်းအဆင့်နှင့် ညီမျှသည်။</p> <p> </p> <p>သူသည် တိယွမ်ဇီဆိုအသာထား ရန်ယွမ်ဇီကိုပင် အနိုင်ယူနိုင်စွမ်း မရှိပေ။ ယင်းရွှမ်ဇီ၏ စွမ်းအားမှာ တိယွမ်ဇီနှင့်သာ နှိုင်းယှဉ်နိုင်ပြီး ဝင်စားခြင်းအဆင့်၏ အလယ်အလတ်အဆင့်ဟု ယူဆနိုင်သည်။</p> <p> </p> <p>ထျန်းယွမ်ဇီမှာမူ ဝင်စားခြင်းအဆင့်၏ အထွတ်အထိပ်သို့ ရောက်ရှိနေပြီး ပြန်လည်မွေးဖွားခြင်းသံသရာကို ထိတွေ့နေပြီဖြစ်သည်။ သူသည် သံသရာအဆင့်သို့ မတက်လှမ်းနိုင်သေးသော်လည်း သာမန် သံသရာအဆင့် ပညာရှင်တစ်ဦး အလွယ်တကူ လှုပ်ခါနိုင်သောသူ မဟုတ်ပေ။</p> <p> </p> <p>ယနေ့အခြေအနေမှာ တောင်ဂိုဏ်းအတွက် အဆင်မပြေဖြစ်နေဆဲပင်။ သို့သော် ဝူယွမ် ရန်ယွမ်ဇီကို ကြိုတင်ဖိနှိပ်ထားနိုင်ခဲ့ခြင်းက တောင်ဂိုဏ်းကို အလွန်အမင်း အကျပ်အတည်းမဖြစ်စေရန် ကာကွယ်ပေးထားနိုင်ခဲ့သည်။</p> <p> </p> <p>“ရန်ယွမ်ဇီကို အမြန်လွှတ်ပေးလိုက်၊ မဟုတ်ရင် တောင်ဂိုဏ်းက လူအားလုံး ဒီနေ့ သေရမယ်၊ တောင်ဂိုဏ်းတစ်ခုလုံးက သူ့အတွက် အဖော်ပြုပေးရလိမ့်မယ်”</p> <p> </p> <p>ထျန်းယွမ်ဇီက ဝူယွမ်နှင့် အခြားနှစ်ဦးကို စူးရှသောလေသံဖြင့် ပြောလိုက်ပြီး သူ၏လက်ထဲတွင် အနက်ရောင် ဓားရှည်တစ်လက် ထွက်ပေါ်နေပြီဖြစ်သည်။</p> <p> </p> <p>ဝူယွမ်၏အောက်ရှိ ဖန်ထျန်းမီးဖိုသည် မည်မျှအစွမ်းထက်ကြောင်းကို သူ ခံစားသိရှိနိုင်ပြီး ရန်ယွမ်ဇီအထဲတွင် သေချာပေါက် ဒုက္ခရောက်နေမည်ကိုလည်း သိသည်။</p> <p> </p> <p>“ထျန်းယွမ်ဇီ... ခင်ဗျား အတင်းအဓမ္မလုပ်ရဲရင် ဖန်ထျန်းမီးဖိုတစ်ခုလုံးကို ကျုပ်ဖောက်ခွဲပစ်ပြီး ရန်ယွမ်ဇီကို ပြာကျသွားအောင် လုပ်ပစ်မယ်” ဝူယွမ်က ခြိမ်းခြောက်လိုက်သည်။</p> <p> </p> <p>“ဟွန့်... ဝူယွမ် မင်းလိုကောင်လေးရဲ့ စွမ်းအားနဲ့ ဝင်စားခြင်းအဆင့် ပညာရှင်တစ်ယောက်ကို တကယ် သတ်နိုင်မယ်ထင်နေလား။ ဟဲဟဲ... သန့်စင်ယွမ်ရတနာ ပေါက်ကွဲသွားရင်တောင် ဝင်စားခြင်းအဆင့် ပညာရှင်တစ်ယောက်ကို သုတ်သင်ဖို့ဆိုတာ မဖြစ်နိုင်ဘူး”</p> <p> </p> <p>“မင်း သူ့ကို မလွှတ်ပေးဘူးဆိုရင် ငါ မင်းရဲ့မီးဖိုကို ရိုက်ခွဲပစ်မယ်”</p> <p> </p> <p>ထျန်းယွမ်ဇီက ဝူယွမ်၏ ခြိမ်းခြောက်မှုကို လုံးဝဂရုမစိုက်ပေ။ သူက ဓားချက်တစ်ချက် ခုတ်ပိုင်းလိုက်ရာ ကောင်းကင်ယံတွင်ပြည့်နှက်နေသည့် ဓားစွမ်းအင်များက ဝူယွမ်ကို လွှမ်းခြုံသွားသည်။</p> <p> </p> <p>“ထျန်းယွမ်ဇီ... ဒီလောက် ဒေါသထွက်စရာမလိုပါဘူး၊ ငါတို့ ထိုင်ပြီး စကားပြောလို့ ရပါတယ်”</p> <p> </p> <p>ယင်းရွှမ်ဇီက ဝူယွမ်၏အရှေ့တွင် ပေါ်လာပြီး မရေမတွက်နိုင်သော ဓားအလင်းတန်းများကို ကာကွယ်ပေးရင်း ပြောလိုက်သည်။</p> <p> </p> <p>“အရင်ဆုံး ရန်ယွမ်ဇီကို လွှတ်ပေးလိုက်၊ မဟုတ်ရင် စကားပြောစရာ ဘာအကြောင်းမှမရှိဘူး”</p> <p> </p> <p>ထျန်းယွမ်ဇီက အေးစက်စွာပြောပြီး တည့်တည့်ပြေးဝင်လာသည်။ ဝူယွမ် အချိန်ဆွဲရန် ကြိုးစားနေသည်ကို သူ သိသည်။ </p> <p>အချိန်ကြာလာသည်နှင့်အမျှ ရန်ယွမ်ဇီ ပို၍ ဒုက္ခရောက်မည်ဖြစ်ပြီး နောက်ဆုံးတွင် ခံနိုင်ရည်မရှိတော့ဘဲ ဖိနှိပ်ခံရကာ သေဆုံးသွားနိုင်သည်။</p> <p> </p> <p>ထိုအချိန်တွင် သူတို့နှစ်ဦးကို ဝိုင်းဝန်းတိုက်ခိုက်လာပါက ယွမ်ဂိုဏ်းမှာ အမှန်တကယ် ကြီးမားသော ဆုံးရှုံးမှုကို ခံစားရမည်ဖြစ်သည်။</p> <p> </p> <p>ထျန်းယွမ်ဇီတို့နှစ်ဦးလုံးက ပြင်းထန်သော တိုက်ခိုက်မှုများကို မည်သို့မျှ ချန်လှပ်ထားခြင်းမရှိဘဲ ထုတ်လွှတ်လိုက်ကြသည်။</p> <p> </p> <p>အဆုံးမရှိသော ယွမ်စွမ်းအင်များကြောင့် ကမ္ဘာခြားနတ်ဆိုးမြို့တော်တစ်ခုလုံး၏ အထက်ရှိ လေဟာနယ်မှာ ကစဉ်ကလျားဖြစ်သွားပြီး ယွမ်စွမ်းအင်များက ဒေါသတကြီး တိုက်ခတ်လာသည်။ </p> <p>အောက်ဘက်ရှိ လူအုပ်ကြီးမှာ ထိတ်လန့်တုန်လှုပ်စွာ ကြည့်နေကြပြီး ပြင်းထန်သော စွမ်းအင်လှုပ်ရှားမှုများကြောင့် တိုက်ရိုက်ပင် မကြည့်ရဲကြပေ။</p> <p> </p> <p>ဝင်စားခြင်းအဆင့် ပညာရှင်များ၏ တိုက်ပွဲသည် သူတို့ အလွယ်တကူ ကြည့်ရှုနိုင်သော အရာများမဟုတ်ပေ။</p> <p> </p> <p>သူတို့နှစ်ဦး၏ ရူးသွပ်သော တိုက်ခိုက်မှုများအောက်တွင် ယင်းရွှမ်ဇီနှင့် သရဲအိုကြီးချန်တို့မှာ အခြေအနေဆိုးရွားစွာဖြင့် နောက်ဆုတ်နေရသည်။ အထူးသဖြင့် သရဲအိုကြီးချန်မှာ တိယွမ်ဇီ၏ တိုက်ခိုက်မှုအောက်တွင် သွေးများပင် အန်နေရပြီဖြစ်သည်။</p> <p> </p> <p>တောင်ဂိုဏ်းမှ သူတို့နှစ်ဦးမှာ ထျန်းယွမ်ဇီတို့၏ ပြိုင်ဘက်မဟုတ်ကြောင်း ထင်ရှားသည်။ ဤအတိုင်း ဆက်သွားပါက သရဲအိုကြီးချန် သေဆုံးသွားမည်ဖြစ်သည်။ ပြိုင်ဘက်များသည် ဝူယွမ်ထံ ချဉ်းကပ်ကာ ရန်ယွမ်ဇီကို ကယ်တင်ရန် အခွင့်အရေး ရသွားလိမ့်မည်။</p> <p> </p> <p>ဝူယွမ်တွင် လက်ရှိ ပြိုင်ဘက်များကို တားဆီးရန် နည်းလမ်းများစွာ မရှိပေ။ ထျန်းယွမ်ဇီ သို့မဟုတ် တိယွမ်ဇီ တစ်ဦးဦး ရောက်လာပါက သူ ရန်ယွမ်ဇီကို ဆက်လက် ဖိနှိပ်ထားနိုင်မည် မဟုတ်တော့ပေ။</p> <p> </p> <p>“ငါတို့ ဒါကို အချိန်ဆက်ဆွဲထားလို့ မရတော့ဘူးထင်တယ်၊ ဒီအဘိုးကြီးနှစ်ယောက်က အရမ်းကောက်ကျစ်ပြီး လှည့်စားဖို့မလွယ်ဘူး”</p> <p> </p> <p>ဝူယွမ် သက်ပြင်းချလိုက်သည်။ ရန်ယွမ်ဇီ၏ စွမ်းအားများကို ပိုမိုလျော့ပါးသွားစေရန်နှင့် သူ့ကို လုံးဝချည့်နဲ့သွားစေရန် မျှော်လင့်ကာ အချိန်ပိုဆွဲထားချင်ခဲ့သည်။</p> <p> </p> <p>သို့သော် ယခုအခါ ထျန်းယွမ်ဇီနှင့် တိယွမ်ဇီတို့က ရန်ယွမ်ဇီကို အရင်ကယ်တင်ရန်သာ အာရုံစိုက်နေပြီး သူတို့၏ စကားဖြင့် ရန်စမှုများကို လုံးဝ လလျစ်လျူရှုထားကြ၏။</p> <p> </p> <p>အကယ်၍ ယင်းရွှမ်းဇီနှင့် သရဲအိုကြီးချန်တို့ ပြိုင်ဘက်များကြောင့် ဒဏ်ရာရသွားပြီး ရန်ယွမ်ဇီကို ကယ်တင်သွားနိုင်ပါက သူတို့ဘက်မှ အမှန်တကယ် အကျပ်အတည်းထဲသို့ ကျရောက်သွားမည်ဖြစ်သည်။</p> <p> </p> <p>ဝူယွမ်၏ ဝိညာဉ်စွမ်းအင်များ ရူးသွပ်စွာ လှုပ်ရှားသွားပြီး မဟာရှေးဟောင်းကျောက်တိုင်ပေါ်တွင် လေဟာနယ်ပို့ဆောင်ရေး အစီအရင်တစ်ခု တည်ဆောက်ရန် အကြီးအကဲဟွမ်၏ စွမ်းအားနှင့် ပူးပေါင်းလိုက်သည်။</p> <p> </p> <p>“ကျုပ် သူ့ကိုလွှတ်ပေးမယ်”</p> <p> </p> <p>ဝူယွမ်က ကျယ်လောင်စွာ အော်ဟစ်လိုက်သည်။</p> <p> </p> <p>သူ၏ အသံက ကမ္ဘာခြားနတ်ဆိုးမြို့တော်တစ်ခုလုံးသို့ ပဲ့တင်ထပ်သွားသည်။ ဝူယွမ်၏ စကားကို ကြားလိုက်ရသဖြင့် ထျန်းယွမ်ဇီနှင့် တိယွမ်ဇီတို့ နှစ်ဦးလုံး လှမ်းကြည့်လိုက်ကြသည်။</p> <p> </p> <p>ဝူယွမ်က ဖန်ထျန်းမီးဖိုကို မလိုက်ရာ ကြောက်မက်ဖွယ်ကောင်းသော အနီရင့်ရောင် မီးတောက်များ ပန်းထွက်လာသည်။ </p> <p>ပုံရိပ်တစ်ခု ထွက်ပေါ်လာပြီး ရန်ယွမ်ဇီမှာ ယခုအခါ မည်းနက်ကျွမ်းလောင်နေကာ ဖရိုဖရဲဖြစ်နေသည့် အခြေအနေသို့ ရောက်ရှိနေပြီဖြစ်သည်။</p> <p> </p> <p>သူ ထွက်လာသည်နှင့်တစ်ပြိုင်နက် ဝူယွမ်ထံသို့ ဒေါသတကြီး ပြေးဝင်လာသည်။</p> <p> </p> <p>“ဝူယွမ်... မင်းလိုကောင်လေးကို ငါသတ်ပစ်မယ်”</p> <p> </p> <p>သို့သော် ရန်ယွမ်ဇီ၏ တိုက်ခိုက်မှုကို ရင်ဆိုင်ရာတွင် ဝူယွမ်က မဟာရှေးဟောင်းကျောက်တိုင်ပေါ်တွင် ရပ်နေပြီး လုံးဝ ထိတ်လန့်သွားခြင်း မရှိပေ။ ယင်းအစား သူက နှုတ်ခမ်းကိုတွန့်ကာ ရန်ယွမ်ဇီကို ပြောလိုက်သည်။</p> <p> </p> <p>“အဘိုးကြီး... ခင်ဗျား အရမ်းလောလွန်းနေပြီ”</p> <p> </p> <p>ဝီ...</p> <p> </p> <p>ဝူယွမ်၏ အရှေ့ရှိ လေဟာနယ်က ရုတ်တရက် ပြင်းထန်စွာ တုန်ခါသွားပြီး မဟာရှေးဟောင်းကျောက်တိုင်ပေါ်တွင် လေဟာနယ်ရူန်းတစ်ခု ထွက်ပေါ်လာသည်။</p> <p> </p> <p>ရန်ယွမ်ဇီသည် ယခုအခါ ဒေါသကြောင့် စိတ်လွတ်နေပြီး လောင်ကျွမ်းခံရသည့် နာကျင်မှုကြောင့် သူ၏ ဆင်ခြင်တုံတရားများ ယာယီ ပျောက်ဆုံးနေသည်။</p> <p> </p> <p>ဝူယွမ်ရှေ့ရှိ လေဟာနယ် အပြောင်းအလဲကိုမူ သူ လုံးဝသတိမထားမိဘဲ ယွမ်စွမ်းအင်ဖြင့် ဖန်တီးထားသော မဟာ ရှင်ခြင်းနှင့် သေဆုံးခြင်း လက်ဝါးကြီးက ဝူယွမ်ထံသို့ ကျဆင်းလာသည်။</p> <p> </p> <p>ရွှီး...</p> <p> </p> <p>ဝူယွမ်၏ အရှေ့ရှိ လေဟာနယ်က ကွဲအက်သွားပြီး ဧရာမလေဟာနယ်အက်ကွဲကြောင်းကြီးတစ်ခု ရုတ်တရက် ထွက်ပေါ်လာသည်။ </p> <p>ပွင့်ဟသွားသော လေဟာနယ်က ဝူယွမ်နှင့် ရန်ယွမ်ဇီကို ပိုင်းခြားလိုက်ပြီး ပြိုင်ဘက်၏ မဟာ ရှင်ခြင်းနှင့် သေဆုံးခြင်း လက်ဝါးရာကြီးက လေဟာနယ် အက်ကွဲကြောင်းထဲသို့ ဝင်ရောက်သွားသည်။</p> <p> </p> <p> ထို့ပြင် ဧရာမလေဟာနယ်အက်ကွဲကြောင်းကြီးက ဆက်လက်ကျယ်ပြန့်လာပြီးနောက် လူအများ၏ အံ့ဩမှင်တက်နေသော အကြည့်များအောက်တွင်... အငမ်းမရ စားသောက်တတ်သော ပါးစပ်ပေါက်ကြီးတစ်ခုကဲ့သို့ ရန်ယွမ်ဇီကို လွှမ်းခြုံသွားတော့သည်။</p> <p> </p> <p>တစ်ခဏအတွင်းမှာပင် လေဟာနယ်အက်ကွဲကြောင်းက ပြန်လည်ပိတ်သွားလေသည်။ ရန်ယွမ်ဇီ၏ ပုံရိပ်မှာလည်း ထပ်မံ ပျောက်ကွယ်သွားပြန်သည်။</p> <p> </p> <p>ဤလောကတွင် ရန်ယွမ်ဇီ၏ အရိပ်အယောင်မျှပင် မကျန်ရှိတော့ပေ။</p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save