Book List

<h2 style="text-align: center;">အခန်း (၃၁၂)</h2> <h2 style="text-align: center;"> ရန်ယွမ်ဇီကို လွှတ်ပေးရခြင်း</h2> <h2 style="text-align: center;"> ဝူယွမ်၏ စည်းရုံးရေး(၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p> </p> <p>“ရန်ယွမ်ဇီ”</p> <p> </p> <p>ထျန်းယွမ်ဇီနှင့် တိယွမ်ဇီတို့ အော်ဟစ်လိုက်ကြသည်။</p> <p> </p> <p>“မင်း သူ့ကို ဘယ်ပို့လိုက်တာလဲ”</p> <p> </p> <p>သူတို့က ဝူယွမ်ကို ဒေါသတကြီး စိုက်ကြည့်ကာ မေးလိုက်သည်။</p> <p> </p> <p>“ကျုပ်လည်း မသိဘူး၊ သူ လေဟာနယ်ထဲ ဝင်သွားပြီး ကမ္ဘာပတ် ခရီးထွက်သွားလောက်တယ်၊ ဘာပဲဖြစ်ဖြစ် အခု သူ အရှေ့ဘက်ရွှမ်ဒေသမှာမရှိတော့ဘူး”</p> <p> </p> <p>“ကျုပ်ကို လာမကြည့်နဲ့... ကျုပ် သူ့ကို လွှတ်ပေးပြီးပြီလေ သူက ဂုဏ်သိက္ခာမရှိ ကျုပ်ကို ဆက်တိုက်ခိုက်နေလို့ ကျုပ်လည်း ဘာမှမတတ်နိုင်ဘဲ သူ့ကိုပို့ပစ်လိုက်ရတာ”</p> <p> </p> <p>ဝူယွမ်က လက်ဖြန့်ကာ အကူအညီမဲ့နေဟန်ဖြင့် ပြောလိုက်သည်။</p> <p> </p> <p>ဤသည်မှာ သူ ယခင်ကတည်းက စဉ်းစားထားခဲ့သော ဗျူဟာတစ်ခု ဖြစ်သည်။ ထျန်းယွမ်ဇီနှင့် တိယွမ်ဇီတို့၏ ဩဇာလွှမ်းမိုးမှုအောက်တွင် ရန်ယွမ်ဇီကို သတ်ရန် အလွန်ခက်ခဲပြီး ရန်ယွမ်ဇီကိုယ်တိုင်ကလည်း အလွန်ပြဿနာများလှသည်။</p> <p> </p> <p>သူ့ကို လွှတ်ပေးလိုက်လျှင် ကိုင်တွယ်ရန် ခက်ခဲလွန်းသဖြင့် ရိုးရိုးရှင်းရှင်းပင် လေဟာနယ်ထဲသို့ နှင်ထုတ်လိုက်ခြင်း ဖြစ်သည်။</p> <p> </p> <p>သူ ဘယ်ကိုရောက်သွားမည်ကို ဝူယွမ်ကိုယ်တိုင်လည်း မသိပေ။ သူနှင့် အဘိုးကြီးဟွမ်တို့ ပူးပေါင်းကာ သူ့ကို ဖြစ်နိုင်သမျှ အဝေးဆုံးသို့ ပို့ဆောင်လိုက်ခြင်း ဖြစ်ပြီး အရှေ့ဘက်ရွှမ်ဒေသမှ အပြင်ဘက်သို့ ရောက်ရှိသွားမည်မှာ သေချာသည်။</p> <p> </p> <p>ထို့အပြင် သူတို့က တမင်တကာပင် မိစ္ဆာနယ်မြေဘက်သို့ ဦးတည်ရွေးချယ်ခဲ့သည်။ တိကျမည်မဟုတ်သော်လည်း အလွန်အမင်း ကွာဟနေမည်တော့ မဟုတ်ပေ။</p> <p> </p> <p>ကစဉ်ကလျားလေဟာနယ်ထဲသို့ ကျရောက်သွားခြင်းကြောင့် ရန်ယွမ်ဇီမှာ သေချာပေါက် ဒုက္ခရောက်မည်ဖြစ်ပြီး ထိုကဲ့သို့ ဒေသဖြတ်ကျော် ပို့ဆောင်ခံရသဖြင့် အခြေအနေကောင်းကောင်းဖြင့် ပြန်လာလိုပါက တစ်လခန့် ကြာမြင့်မည်ဖြစ်သည်။</p> <p> </p> <p>ယနေ့အတွက်တော့ ရန်ယွမ်ဇီဆိုသူမှာ မရှိတော့ချေ။</p> <p> </p> <p>“ကျစ်... ဒါက တကယ်ဖြစ်နိုင်တာပဲ... ထက်မြက်တဲ့လုပ်ရပ်ပဲ၊ သူ့ကို မနိုင်ရင် အရင်ဆုံးရှင်းထုတ်လိုက်ပေါ့”</p> <p> </p> <p>“ရန်ယွမ်ဇီတော့ ဒေါသထွက်လွန်းလို့ သေတော့မယ်ထင်တယ်”</p> <p> </p> <p>“သူ ဘယ်ကိုရောက်သွားမလဲမသိဘူး”</p> <p> </p> <p>“ဝင်စားခြင်းအဆင့် သိုင်းပညာရှင်တွေတောင် ကစဉ်ကလျားလေဟာနယ်ထဲမှာ ဒုက္ခရောက်ကြပြီး အသက်အန္တရာယ်တောင် ရှိတယ်လို့ ကြားဖူးတယ်”</p> <p> </p> <p>“ရန်ယွမ်ဇီက တကယ်သနားစရာကောင်းတာပဲ”</p> <p> </p> <p>... စူပါဂိုဏ်းအသီးသီးမှ လူများမှာ စိတ်ခံစားမှုမျိုးစုံဖြင့် ပြည့်နှက်နေကြသည်။</p> <p> </p> <p> ဝူယွမ်၏ လုပ်ရပ်က တကယ်ကို မထင်မှတ်ထားစရာပင်။ ဖြေရှင်း၍ မရနိုင်တော့ဟု ထင်ရသော အခြေအနေတစ်ခုသည် ရန်ယွမ်ဇီ ပို့ဆောင်ခံလိုက်ရသောကြောင့် ရုတ်တရက် ပြန်လည်အသက်ဝင်လာသည်။</p> <p> </p> <p>ယခုအခါ ဝူယွမ်၊ ရှောင်တျောင်း၊ ယင်းရွှမ်ဇီနှင့် အကြီးအကဲချုပ် သရဲအိုကြီးချန်တို့ ရှိနေပြီး ဝူယွမ်နှင့် ရှောင်တျောင်းက ဝင်စားခြင်းအဆင့်နှင့် နှိုင်းယှဉ်နိုင်သော နည်းလမ်းများကို ထုတ်ဖော်နိုင်သည်။</p> <p> </p> <p>သူတို့၏ တစ်ဦးချင်းစွမ်းအားမှာ ထျန်းယွမ်ဇီတို့နှစ်ဦးကို မယှဉ်နိုင်သော်လည်း ဤကဲ့သို့ လေးယောက်၊ နှစ်ယောက် အခြေအနေမျိုးတွင် ရလဒ်ကိုခန့်မှန်းရန်ခက်ခဲလှသည်။</p> <p> </p> <p>“ဂိုဏ်းချုပ်ထျန်းယွမ်ဇီ... ဂိုဏ်းချုပ်ရန်ယွမ်ဇီက လေဟာနယ်ထဲကျသွားပေမယ့် သူ့ရဲ့ စွမ်းအားနဲ့ဆိုရင် အသက်ရှင်ဖို့က သေချာပေါက် ပြဿနာမရှိပါဘူး၊ ငါတို့ ပြဿနာကို အေးအေးဆေးဆေးဖြေရှင်းသင့်တယ်၊ ကြီးကြီးမားမား ပဋိပက္ခဖြစ်စရာမလိုဘူး မဟုတ်လား”</p> <p> </p> <p>ဝူယွမ်က ထျန်းယွမ်ဇီကို ကြည့်ကာ ပြုံးလျက်ပြောလိုက်သည်။</p> <p> </p> <p>သူတို့ မတိုက်ခိုက်ရလျှင် သဘာဝကျကျ ပိုကောင်းမည်ဖြစ်သည်။ ဤထျန်းယွမ်ဇီတို့နှစ်ဦးက အလွန် အစွမ်းထက်လွန်းပြီး သူတို့တွင် ကမ္ဘာခြားနတ်ဆိုး၏ တပည့်များလည်း ရှိနေသေးသည်။ သူတို့ကို တကယ် အနိုင်မယူနိုင်ပေ။</p> <p> </p> <p>“ဝူယွမ်... မင်းလိုကောင်လေးက ငါ့ယွမ်ဂိုဏ်းတပည့်ငါးရာကျော်ကို ဖျက်ဆီးခဲ့တယ်၊ ဌာနမှူးနဲ့ တာဝန်ခံ ဒါဇင်ချီပြီးသတ်ခဲ့တယ်၊ ပြီးတော့ ဂိုဏ်းချုပ်ရန်ယွမ်ဇီကို ပြင်းထန်တဲ့ ဒဏ်ရာတွေ ရစေပြီး ဘယ်ရောက်သွားမှန်း မသိအောင် လုပ်ခဲ့တယ်၊ အခု မင်းက ငါ့ကို ငြိမ်းချမ်းရေးယူခိုင်းနေတာလား”</p> <p> </p> <p>ထျန်းယွမ်ဇီ၏ မျက်နှာက စိမ်းဖန့်သွားပြီး ဝူယွမ်ကို အံ့ကြိတ်ကာ စိုက်ကြည့်လိုက်သည်။</p> <p> </p> <p>ဝူယွမ်က ပြန်လည်ချေပလိုက်လေ၏ “ဂိုဏ်းချုပ်ထျန်းယွမ်ဇီ... ဂိုဏ်းပြိုင်ပွဲမှာ‌ သေခြင်း၊ ရှင်ခြငကို ထည့်မတွက်ဘူးလေ၊ ဒါက စူပါဂိုဏ်းကြီးရှစ်ခုက သတ်မှတ်ထားတဲ့ စည်းမျဉ်းပဲ”</p> <p> </p> <p>“အရင်ပြိုင်ပွဲတွေတုန်းက ကျွန်တော်တို့ တောင်ဂိုဏ်းက တပည့်တွေ အများကြီး ခင်ဗျားတို့ ယွမ်ဂိုဏ်း တပည့်တွေရဲ့ လက်ချက်နဲ့ သေဆုံးခဲ့ရတယ်၊ နှစ်တွေ အများကြီး ကြာပြီးတဲ့နောက်မှာ ကျွန်တော်တို့ တောင်ဂိုဏ်းက မခံစားရဘူးလို့ ထင်နေတာလား”</p> <p> </p> <p>“ဒါပေမဲ့ ကျွန်တော်တို့ တောင်ဂိုဏ်းက ခင်ဗျားတို့လို အရှက်မရှိတဲ့အလုပ်တွေ မလုပ်ခဲ့ပါဘူး၊ အရှုံးကို လက်မခံနိုင်ဘဲ စည်းမျဉ်းတွေကို မချိုးဖောက်ခဲ့ဘူး”</p> <p> </p> <p>“အခု ကျွန်တော်က ခင်ဗျားတို့ ယွမ်ဂိုဏ်းတပည့်တွေကို သတ်လိုက်တော့ ခင်ဗျားတို့ နာကျင်သွားပြီး စည်းမျဉ်းတွေကို ချိုးဖောက်ချင်နေတာလား၊ ဒါက ခင်ဗျားတို့ ယွမ်ဂိုဏ်းရဲ့ဆောင်ပုဒ်လား”</p> <p> </p> <p>“တပည့်တွေအကြောင်း မပြောကြေးဆိုရင်တောင် ငါ့ယွမ်ဂိုဏ်းက ဌာနမှူးခြောက်ယောက်ကို သတ်ဖို့ မင်းမှာ ဘာအကြောင်းပြချက်ရှိလို့လဲ”</p> <p> </p> <p>“ရယ်စရာပဲ၊ သူတို့က ကျုပ်ကို သတ်ချင်နေတာ... ကျုပ်က အသာတကြည်အဖမ်းခံရမှာလား” ဝူယွမ်က အေးစက်စွာ ပြောလိုက်သည်။</p> <p> </p> <p>“ဂိုဏ်းချုပ်ထျန်းယွမ်ဇီ... ခင်ဗျားက စည်းမျဉ်းတွေကို အရင်စပြီး ချိုးဖောက်ခဲ့တာ၊ ကျွန်တော်တို့ တောင်ဂိုဏ်းက စည်းမျဉ်းတွေအတွင်းကနေပဲ လုပ်ဆောင်ခဲ့တာပါ”</p> <p> </p> <p>ယင်းရွှမ်ဇီကလည်း ရှေ့သို့ထွက်ကာ ဒေါသတကြီး စွပ်စွဲလိုက်သည်။</p> <p> </p> <p>“ခင်ဗျားတို့ရဲ့ မဆင်မခြင်လုပ်ရပ်တွေက စူပါဂိုဏ်းရှစ်ခုက သတ်မှတ်ထားတဲ့ စည်းမျဉ်းတွေကို လျစ်လျူရှုလိုက်တာပဲ၊ ခင်ဗျားတို့က မဟာမိတ်အဖွဲ့ကို အရင်စပြီးသစ္စာဖောက်ခဲ့တာ”</p> <p> </p> <p>“ကောင်းပြီ... ဂိုဏ်းပြိုင်ပွဲကိစ္စကို ဘေးဖယ်ထားလိုက်လို့ ရတယ်”</p> <p> </p> <p>ထျန်းယွမ်ဇီက ရှောင်တျောင်းကို ကြည့်ကာ ဒေါသတကြီး ပြောလိုက်သည်။</p> <p> </p> <p>“ဒါပေမဲ့ အဖြစ်မှန်တွေကို ဘေးဖယ်ထားမယ်ဆိုရင်တောင် ကောင်းကင်မြွေပါနဲ့ ပူးပေါင်းကြံစည်တာက ရာဇဝတ်မှုတစ်ခုပဲ”</p> <p> </p> <p>“ကောင်းကင်မြွေပါမျိုးနွယ်စုက ငါတို့ အရှေ့ဘက်ရွှမ်ဒေသနဲ့ အမြဲတမ်း သဘောထားကွဲလွဲနေခဲ့တာ။ ငါ့ယွမ်ဂိုဏ်းက လူဘယ်နှစ်ယောက်လောက် သူတို့လက်ချက်နဲ့ သေဆုံးခဲ့ရလဲ၊ စူပါဂိုဏ်းတော်တော်များများကလည်း သူတို့နဲ့ ရန်ငြိုးတွေ ရှိကြတယ်”</p> <p> </p> <p>“ဒီနေ့ မင်းက ယွမ်ဂိုဏ်းကို ဆန့်ကျင်ဖို့ ကောင်းကင်မြွေပါနဲ့ ပူးပေါင်းတာက စူပါဂိုဏ်းကြီးရှစ်ခုကို ရန်စလိုက်တာပဲ”</p> <p> </p> <p>အောက်ဘက်တွင် ထျန်းယွမ်ဇီ၏ စကားကို ကြားသောအခါ စူပါဂိုဏ်းများမှ လူအများအပြားက တိတ်တဆိတ် ခေါင်းညိတ်ထောက်ခံကြသည်။ ရုပ်သေးတစ်သောင်းဂိုဏ်း၊ မဟာရှေးဟောင်းဂိုဏ်းနှင့် နတ်ဘုရားဂိုဏ်းတို့ကဲ့သို့သော ဂိုဏ်းများတွင် ကောင်းကင်မြွေပါများနှင့် ရန်ငြိုးများ ရှိကြသည်။</p> <p> </p> <p>“သောက်ပေါက်ကရတွေ... ငါ မင်းတို့လူတစ်ယောက်ကိုမှ မသတ်ခဲ့ဘူး” ရှောင်တျောင်းက ပြန်လည် ချပလိုက်သည်။</p> <p> </p> <p>ထျန်းယွမ်ဇီ - “မင်း မသတ်ခဲ့ဘူးဆိုရင်တောင် မင်းက ကောင်းကင်မြွေပါမျိုးနွယ်စုက အဖွဲ့ဝင်တစ်ယောက်ပဲ၊ ဒါကလုံလောက်နေပြီ”</p> <p> </p> <p>“ယင်းရွှမ်ဇီ... အရင်ကိစ္စတွေအတွက် အတိတ်ကို အတိတ်မှာပဲ ထားခဲ့လို့ရတယ်၊ အခု ငါ ဒီကောင်းကင်မြွေပါကို ဖမ်းချင်တယ်၊ မင်းတို့ တောင်ဂိုဏ်းက ဝင်စွက်ဖက်ရဲရင် ငါတို့ ယွမ်ဂိုဏ်းနဲ့ အရှေ့ဘက်ရွှမ်ဒေသက စူပါဂိုဏ်းတွေရဲ့ ရန်သူဖြစ်သွားလိမ့်မယ်၊</p> <p> </p> <p>“အဲဒီအခါကျရင် ဂိုဏ်းစစ်ပွဲ စတင်ခဲ့ရင် ငါ့ကိုအပြစ်မတင်နဲ့”</p> <p> </p> <p>ထျန်းယွမ်ဇီက ယုတ်မာစွာပြောလိုက်သည်။</p> <p> </p> <p>သူ ဤစကားကို ပြောလိုက်သည်နှင့် တစ်ပြိုင်နက် ယွမ်ဂိုဏ်းက ရုတ်တရက် ကိုယ်ကျင့်တရားအရ အသာစီးရသွားသကဲ့သို့ ဖြစ်သွားပြီး တောင်ဂိုဏ်းကို ဖိအားပေးရန် အရှေ့ဘက်ရွှမ်ဒေသ တစ်ခုလုံးကိုပင် အသုံးပြုလိုက်သေးသည်။</p> <p> </p> <p>“ခင်ဗျား...”</p> <p> </p> <p>ယင်းရွှမ်ဇီ အနည်းငယ်ဆွံ့အသွားသည်။ ရှောင်တျောင်းက ဝူယွမ်ကို လှမ်းကြည့်လိုက်၏။ ထျန်းယွမ်ဇီနှင့် တိယွမ်ဇီတို့က သူတို့၏ ပစ်မှတ်များကို ရှောင်တျောင်းအပေါ်သို့ ပြောင်းလဲလိုက်ပြီဖြစ်သည်။</p> <p> </p> <p>ဝူယွမ်နှင့် ထိုကောင်းကင်မြွေပါတို့ကြားတွင် ထူးခြားသော ဆက်ဆံရေးရှိကြောင်း သူတို့ မြင်တွေ့ပြီးဖြစ်သည်။ ယင်းရွှမ်ဇီနှင့် သရဲအိုကြီးချန်တို့ ဝင်မစွက်ဖက်သရွေ့ ကောင်းကင်မြွေပါကို သတ်လိုက်ပါက ဝူယွမ် သေချာပေါက် ငြိမ်နေနိုင်မည် မဟုတ်ပေ။</p> <p> </p> <p>ထိုအချိန်ကျမှ ဝူယွမ်ကိုပါ တစ်ပါတည်း သတ်ပစ်မည်ဖြစ်သည်။ ယင်းရွှမ်ဇီ၏ ရှေးရိုးစွဲဆန်သော သဘာဝအရ သူသည် ယွမ်ဂိုဏ်းနှင့် သူသေကိုယ်သေ တိုက်ခိုက်ရန် တောင်ဂိုဏ်းကို သေချာပေါက် အန္တရာယ်မပေးရဲဟု ထျန်းယွမ်ဇီက တွေးထားသည်။</p> <p> </p> <p>“ဟားဟား... ထျန်းယွမ်ဇီ၊ ခင်ဗျားက တကယ် အကြောင်းပြချက် ပေးတတ်တာပဲ၊ အခု ကျွန်တော်တို့တောင်ဂိုဏ်းကို ဖိအားပေးဖို့ အရှေ့ဘက်ရွှမ်ဒေသ တစ်ခုလုံးကိုတောင် ဆွဲထုတ်လာပြီလား၊ ခင်ဗျား ကျွန်တော်တို့ကို ကြောက်နေတာလား”</p> <p> </p> <p>ဝူယွမ်က ကျယ်လောင်စွာ ရယ်မောလိုက်သည်။</p> <p> </p> <p>“ဝူယွမ်... ငါ မင်းနဲ့ ဆက်ပြီးမငြင်းခုံတော့ဘူး၊ မင်းကိုယ်မင်း ဘာလဲဆိုတာ သိဖို့မျှော်လင့်တယ်၊ ငါတို့က ကောင်းကင်မြွေပါကို ဖမ်းဖို့လာတာ၊ မင်း ဝင်စွက်ဖက်ရဲရင် ငါ မင်းကို သတ်တာကို အပြစ်မတင်နဲ့”</p> <p> </p> <p>ထျန်းယွမ်ဇီက အေးစက်စွာ ပြောလိုက်သည်။</p> <p> </p> <p>“ခင်ဗျား ရှောင်တျောင်းကိုသတ်ချင်ရင် ကျုပ်အလောင်းကို အရင်ကျော်သွားရလိမ့်မယ်” ဝူယွမ်က ရုတ်တရက် ပြတ်သားစွာ ပြောလိုက်သည်။</p> <p> </p> <p>သူ ယင်းရွှမ်းဇီကို ကြည့်ကာ လျှို့ဝှက်အသံပို့ ပြောလိုက်သည်။</p> <p> </p> <p>“ဂိုဏ်းချုပ်... ရှောင်တျောင်းက ကျွန်တော့်ရဲ့ ညီအစ်ကိုပါ၊ သူက ကျွန်တော့်ကြောင့် ဒီကိုရောက်လာတာ၊ ကျွန်တော် သူ့ကို ပစ်ထားလို့ မရဘူး”</p> <p> </p> <p>ယင်းရွှမ်းဇီ၏မျက်နှာပေါ်တွင် ခက်ခဲသော အမူအရာတစ်ခု ပေါ်လာသည်။</p> <p> </p> <p>“ဒါဆို မင်းက သူနဲ့အတူတူ ရှေ့ဆက်တို့ဖို့ ပြင်ဆင်ထားတာပေါ့”</p> <p> </p> <p>“ဟုတ်ကဲ့”</p> <p> </p> <p>ဝူယွမ်က ခေါင်းညိတ်လိုက်သည်။ ယင်းရွှမ်ဇီ၏ တုံ့ပြန်မှုကို သူ သိချင်နေသည်။ ယင်းရွှမ်းဇီသည် အလွန်ရှေးရိုးစွဲဆန်ပြီး သူ၏နောက်တွင် တောင်ဂိုဏ်းကဲ့သို့သော မိသားစုကြီးတစ်ခု ရှိနေသဖြင့် လွတ်လပ်စွာ မလုပ်ဆောင်နိုင်ပေ။</p> <p> </p> <p>“မင်းရဲ့ နည်းလမ်းတွေက တိယွမ်ဇီကို ကိုင်တွယ်နိုင်သေးလား” ယင်းရွှမ်းဇီက လေးနက်သော အသံဖြင့် မေးလိုက်သည်။</p> <p> </p> <p>ဝူယွမ် - “ကျွန်တော် သူ့ကိုမသတ်နိုင်ဘူး၊ ဒါပေမဲ့ ကျွန်တော်ထွက်သွားချင်ရင် သူ ကျွန်တော့်ကိုမတားနိုင်ဘူး”</p> <p> </p> <p>“ဒါဆို မင်းတို့နှစ်ယောက် ထွက်သွားဖို့ ငါကူညီပေးနိုင်တယ်”</p> <p> </p> <p>ယင်းရွှမ်းဇီ သက်ပြင်းရှည်ကြီး တစ်ချက်ချလိုက်ပြီး ဆုံးဖြတ်ချက်တစ်ခု ချလိုက်သည်။ ဝူယွမ်နှင့်အတူ စွန့်စားရန် တောင်ဂိုဏ်းကို သူစွန့်လွှတ်၍မရပေ။</p> <p> </p> <p>ထို့ကြောင့် ဝူယွမ်ထွက်ပြေးရန်သာ သူ ကူညီပေးနိုင်သည်။</p> <p> </p> <p>ဝူယွမ်က သူ၏ ယောက္ခမကို အသိအမှတ်ပြုသောအားဖြင့် ခေါင်းညိတ်လိုက်ပြီး လျှို့ဝှက်အသံပို့ကာ ပြောလိုက်လေသည်။</p> <p> </p> <p>“ဂိုဏ်းချုပ်... အခု ယွမ်ဂိုဏ်းကအတော်လေး အားနည်းသွားပြီဖြစ်သလို ရန်ယွမ်ဇီလည်း မရှိတော့ဘူး၊ ကျွန်တော်တို့ အားလုံး ဝိုင်းတိုက်ရင် သူတို့နှစ်ယောက် ကျွန်တော်တို့ကို မတားနိုင်ဘူး၊</p> <p>“ဒါပေမဲ့ အဲဒီလိုဖြစ်လာရင် သူတို့ စစ်ပွဲစတင်လိမ့်မယ်၊ အဲ့အန္တရာယ်ကို တောင်ဂိုဏ်းက ရင်ဆိုင်ရလိမ့်မယ်”</p> <p> </p> <p>“တောင်ဂိုဏ်းက အရှေ့ဘက်ရွှမ်ဒေသမှာ ဆက်နေနိုင်တော့မှာ မဟုတ်ဘူး”</p> <p> </p> <p>“ကျွန်တော့်ကို ယုံကြည်ရင် ဒီကပ်ဘေးကို အတူတူဖြတ်ကျော်ပြီးတာနဲ့ ကျွန်တော်နဲ့အတူ အရှေ့ဘက်ရွှမ်ဒေသကနေ ထွက်ခွာလာခဲ့ပါ”</p> <p> </p> <p>“နှစ်အနည်းငယ်ကြာရင် ကျွန်တော်တို့ အရှေ့ဘက်ရွှမ်ဒေသကို ပြန်လာပြီး ယွမ်ဂိုဏ်းကို ဖျက်ဆီးပစ်ကြမယ်”</p> <p> </p> <p> </p> <p style="text-align: center;">***</p>


Save