Book List

<h2 style="text-align: center;">အခန်း (၃၁၃)</h2> <h2 style="text-align: center;"> ညီအစ်ကိုသုံးယောက်၏စွမ်းအားအပြည့် ပေါက်ကွဲထွက်မှု</h2> <h2 style="text-align: center;"> နတ်ဆိုးမြို့တော်တစ်ခုလုံး တုန်လှုပ်သွားခြင်း(၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>ယင်းရွှမ်ဇီက ဝူယွမ်ကို အံအားသင့်စွာ ကြည့်လိုက်မိသည်။ တောင်ဂိုဏ်းတစ်ခုလုံးကို ရွှေ့ပြောင်းပြီး အရှေ့ဘက်ရွှမ်ဒေသမှ ထွက်ခွာမည့် ဤမျှပြတ်သားသော ဆုံးဖြတ်ချက်မျိုးကို ဝူယွမ် ချမှတ်လိမ့်မည်ဟု သူ မထင်ထားခဲ့ပေ။</p> <p> </p> <p>“တောင်ဂိုဏ်းဆိုတာ ဂိုဏ်းတစ်ခုတည်းတင် မဟုတ်ဘူးလေ။ တောင်ပိုငါးနယ်မြေ တစ်ခုလုံးအပြင် လက်အောက်ခံ ပြည်ထောင်စု အကြီးအသေး ဒါဇင်ချီပြီး ပါဝင်နေတာ။ သူတို့ကို ရွှေ့ပြောင်းဖို့ဆိုတာ မဖြစ်နိုင်ဘူး။ ငါ သူတို့ကို ပစ်မထားနိုင်ဘူး”</p> <p> </p> <p>ယင်းရွှမ်ဇီက နာကျင်မှုအရိပ်အယောင်များ ပါဝင်နေသော အသံဖြင့် ပြန်လည်ပြောကြားလိုက်သည်။</p> <p> </p> <p>မိသားစုစီးပွားရေးကြီးတစ်ခုကို တာဝန်ယူရသည့် ဝန်ထုပ်ဝန်ပိုးကို တာဝန်မယူရသူများ မသိနိုင်ပေ။ အခြားသူများက သူ့ကို ဆုံးဖြတ်ချက်မပြတ်သားသူဟု ထင်ကောင်းထင်နိုင်သော်လည်း ယွမ်ဂိုဏ်းက ကျိုးထုံကို သတ်ဖြတ်လိုက်စဉ် သူ မည်မျှ နှလုံးကွဲကြေခဲ့ရသနည်း။  </p> <p>ကျိုးထုံသည် သူ အတန်ဖိုးထားဆုံးသော တိုက်ရိုက်တပည့်ဖြစ်ပြီး သားတစ်ယောက်ကဲ့သို့ သဘောထားခဲ့သော တပည့်ဖြစ်သည်။ ကျိုးထုံ၏ ကံကြမ္မာအတွက် ယွမ်ဂိုဏ်းကို သူ့လောက်တိုက်ခိုက်ချင်သူ မည်သူမျှမရှိပေ။</p> <p> </p> <p>သို့သော် ဂိုဏ်းချုပ်တစ်ယောက် ဖြစ်လာသည်နှင့်တစ်ပြိုင်နက် သူ၏ပခုံးပေါ်ရှိ တာဝန်က အလွန်ကြီးမားလာသည်။ သူသည် တောင်ပိုင်းနယ်မြေ တစ်ခုလုံးအပြင်၊ တောင်ဂိုဏ်းနှင့် ဆက်နွှယ်နေသူအားလုံး၏ အားထားရာ မဏ္ဍိုင်ဖြစ်သည်။</p> <p> </p> <p>အကယ်၍ သူသာသေဆုံးသွားလျှင် သို့မဟုတ် ယွမ်ဂိုဏ်းနှင့် စစ်ပွဲဖြစ်ပွားခဲ့လျှင် တောင်ပိုင်းနယ်မြေ တစ်ခုလုံးအပြင် တောင်ဂိုဏ်းနှင့် ဆက်နွှယ်နေသမျှ အရာအားလုံးနှင့် လူအားလုံးသည် အလွန်အမင်း ဆိုးရွားသော ထိခိုက်ပျက်စီးမှုကို ခံစားရမည်ဖြစ်သည်။</p> <p> </p> <p>တပည့်တစ်ဦးချင်းစီ၏ နောက်ကွယ်ရှိ မိသားစုများ၊ သူတို့၏ နောက်ကွယ်ရှိ ပြည်ထောင်စုများ......</p> <p> </p> <p>တောင်ဂိုဏ်းသည် လူသန်းပေါင်းရာချီ၏ ကံကြမ္မာနှင့် ဆက်စပ်နေသည်ဟု ဆိုနိုင်သည်။</p> <p> </p> <p>ဤမျှ ကြီးလေးသော ဝန်ထုပ်ဝန်ပိုးကြီးနှင့်အတူ သူ ဘယ်ကိုသွားပြီး တိုက်ခိုက်နိုင်မည်နည်း။</p> <p> </p> <p>“ဂိုဏ်းချုပ်... စိတ်မပူပါနဲ့။ ဒီကိစ္စတွေကို ကျွန်တော် စဉ်းစားပြီးပါပြီ။ ကျွန်တော် ဆန္ဒရှိသရွေ့ တောင်ပိုင်းနယ်မြေ တစ်ခုလုံးကို ရွှေ့ပြောင်းနိုင်ပါတယ်။ လောလောဆယ်တော့ ထျန်းယွမ်ဇီနဲ့ တိယွမ်ဇီကို အရင် ဖြေရှင်းရအောင်။ ကျွန်တော်တို့ ထွက်သွားရမယ်ဆိုရင်တောင် သူတို့ကို လုံလောက်တဲ့ တန်ဖိုးတစ်ခု ပေးဆပ်စေရမယ်”</p> <p> </p> <p>ဝူယွမ်က တည်ငြိမ်စွာဖြင့် လျှို့ဝှက်အသံပို့ကာ ပြောလိုက်သည်။</p> <p> </p> <p>သူကိုယ်တိုင်က မဟာယန်ပြည်ထောင်စုကဲ့သို့သော နေရာသေးသေးလေးတွင် မွေးဖွားလာသူဖြစ်ရာ သာမန် အောက်ခြေအဆင့် တပည့်များ ကြုံတွေ့ရသော အခက်အခဲများကို နက်နက်ရှိုင်းရှိုင်း နားလည်သည်။</p> <p> </p> <p>သူတို့၏ ကံကြမ္မာသည် သူတို့ပါဝင်နေသော ဂိုဏ်းနှင့် လုံးဝ ဆက်နွှယ်နေသည်။ တစ်ဦး ကြီးပွားလျှင် အားလုံး ကြီးပွားပြီး တစ်ဦး ဆုံးရှုံးလျှင် အားလုံး ဆုံးရှုံးရမည်ဖြစ်သည်။</p> <p> </p> <p>ဤသည်မှာ ယွမ်ဂိုဏ်းရှေ့တွင် ယင်းရွှမ်ဇီ သည်းခံရန် ရွေးချယ်ခဲ့ရသည့် အကြောင်းရင်းလည်း ဖြစ်သည်။ သူ သည်းမခံလျှင် အခြားနည်းလမ်း မရှိတော့ပေ။ သူ၏ မဆင်မခြင် လုပ်ရပ်ကြောင့် တောင်နယ်မြေရှိ သောင်းနှင့်ချီသော လူများ သေဆုံးရလိမ့်မည်။ အနာကျင်ရဆုံးသူမှာ သူကိုယ်တိုင်ပင် ဖြစ်သည်။</p> <p> </p> <p>ဝူယွမ်သည်လည်း တောင်ဂိုဏ်း၏ အကျပ်အတည်းနှင့် ယင်းရွှမ်ဇီ၏ ဝမ်းနည်းမှုကို နားလည်လေသည်။ ထို့ကြောင့် ဤဆုံးဖြတ်ချက်ကို သူ ချမှတ်ခဲ့ခြင်းဖြစ်သည်။</p> <p> </p> <p>တောင်ဂိုဏ်းနှင့် ဆက်နွှယ်နေသော ဤသောင်းနှင့်ချီသော လူများကြောင့် တောင်ဂိုဏ်းအနေဖြင့် သူတို့ကို စွန့်ပစ်ကာ အရှေ့ဘက်ရွှမ်ဒေသမှ ထွက်ခွာရန် မဖြစ်နိုင်ပေ။ သို့သော် ထိုနေရာတွင် ဆက်နေမည်ဆိုပါက ယွမ်ဂိုဏ်း၏ အပြစ်ပေးမှုများကို ခံရမည်ဖြစ်သည်။</p> <p> </p> <p>စွမ်းအားပိုင်းဆိုင်ရာ ကွာဟချက်ကြောင့် တောင်ဂိုဏ်းသည် ယွမ်ဂိုဏ်းနှင့် ရင်ဆိုင်ရချိန်တွင် အရှက်ကွဲခြင်းနှင့် သည်းခံခြင်းကိုသာ ရွေးချယ်နိုင်ခဲ့သည်။ ဂိုဏ်းချုပ် ယင်းရွှမ်ဇီ အပါအဝင်ဖြစ်၏။</p> <p> </p> <p>ထို့ကြောင့် သူတို့သည် အရှေ့ဘက်ရွှမ်ဒေသ၏ ရွှံ့နွံထဲတွင် ပိတ်မိနေပြီးသားဖြစ်သည်။ ဝူယွမ်က တောင်ဂိုဏ်းကို ဤအကျပ်အတည်းမှ လွတ်မြောက်စေရန်၊ အစွမ်းထက်သော ယွမ်ဂိုဏ်း၏ ဖိနှိပ်မှုမှ ရုန်းထွက်နိုင်ရန် ကူညီပေးချင်သည်။</p> <p> </p> <p>နေရာတစ်ခုတည်းတွင် ကန့်သတ်မခံရခြင်းမှာ အကောင်းဆုံး ရွေးချယ်မှုဖြစ်သည်။</p> <p> </p> <p>ဤကဲ့သို့ ကျယ်ပြန့်သော ဒေသဆိုင်ရာ ရွှေ့ပြောင်းမှုစီမံကိန်းကြီးမှာ သံသရာအဆင့် ပညာရှင်တစ်ဦးအတွက်ပင် ပုံမှန်အားဖြင့် မဖြစ်နိုင်ပေ။ သို့သော် ကမ္ဘာ့သစ်ပင်ရှိနေသဖြင့် ဝူယွမ်က ၎င်းကို ပြီးမြောက်အောင် လုပ်ဆောင်နိုင်သည်။</p> <p> </p> <p>မူလက ကမ္ဘာခြားနတ်ဆိုးနယ်မြေသို့ မလာမီက ဝူယွမ်တွင် ဤကဲ့သို့သော အကြံအစည် မရှိခဲ့ပေ။ သို့သော် ကမ္ဘာခြားနတ်ဆိုးနယ်မြေသို့ ဝင်ရောက်ပြီးနောက် မိစ္ဆာစွမ်းအင်အမြောက်အမြား ရရှိခဲ့သောကြောင့် ကမ္ဘာ့သစ်ပင်၏ ကြီးထွားမှုမှာ အရှိန်မြန်လာခဲ့သည်။</p> <p> </p> <p>မဟာရှေးဟောင်းကျောက်တိုင်၏ တည်ရှိနေသော နေရာလွတ်နှင့် မဟာရှေးဟောင်းကျောက်တိုင်ငယ်၊ ၎င်းတို့၏ လက်နက်ဝိညာဉ်များ စဉ်ဆက်မပြတ် သန်စွမ်းလာမှုတို့နှင့် ပေါင်းစပ်လိုက်သောအခါ ၎င်းသည် အတွင်းကမ္ဘာကို အစဉ်မပြတ်ချဲ့ထွင်နိုင်ပြီး ပြင်ပနေရာလွတ်များကို ပေါင်းစပ်နိုင်သည်။</p> <p> </p> <p>ထို့ပြင် ဝူယွင်၏ မွေးဖွားလာမှုက ဤကမ္ဘာတွင် နေမင်းငယ်လေးတစ်စင်း ရရှိသွားသည်ဟု ဆိုနိုင်သည်။ ဤသည်က ဝူယွင်အား ကြီးထွားလာနေသော ကမ္ဘာငယ်လေးတစ်ခုကို တိုက်ရိုက် ပေးစွမ်းလိုက်ခြင်းပင်။</p> <p> </p> <p>ယခုအခါ ဤလျင်မြန်စွာ ကျယ်ပြန့်လာနေသော ကမ္ဘာငယ်လေးမှာ ယွမ်စွမ်းအင်များဖြင့် ပြည့်နှက်နေသော်လည်း ဗလာကျင်းနေသည်။ ယခင်က မဟာယန်ပြည်ထောင်စုမှ ဝူယွမ် စုဆောင်းခဲ့သော လူအရေအတွက်မှာ အများဆုံး မြို့တစ်မြို့စာခန့်သာ ရှိသည်။</p> <p> </p> <p>ယခုအခါ ရှေးဟောင်းကျောက်တိုင်နေရာလွတ် တစ်ခုလုံးမှာ မဟာယန်ပြည်ထောင်စုထက်ပင် ပိုမိုကျယ်ဝန်းနေပြီဖြစ်သည်။</p> <p> </p> <p>ပို၍အရေးကြီးသည်မှာ ဤသည်က ကမ္ဘာ့သစ်ပင် ဖွံ့ဖြိုးတိုးတက်မှုနှင့် ခံနိုင်ရည်ရှိမှု၏ အကန့်အသတ် မဟုတ်သေးပေ။ ကမ္ဘာ့သစ်ပင်က ကမ္ဘာခြားနတ်ဆိုးများကို ပိုဝါးမျိုလေလေ၊ ဤကမ္ဘာက ဆက်လက်ကျယ်ပြန့်လာနိုင်လေလေဖြစ်သည်။</p> <p> </p> <p>ကျယ်ဝန်းလှသော ရှေးဟောင်းကျောက်တိုင်နေရာလွတ်သည် ကျင့်ကြံရန်အတွက် အလွန်သင့်လျော်ပြီး ကောင်းချီးပေးခံရသော မြေမြတ်တစ်ခုကဲ့သို့ဖြစ်ကာ အချိန်မရွေး ရွှေ့ပြောင်းနိုင်သည်။ တောင်ဂိုဏ်းမှ လူတိုင်းအတွက် ဤအရာက သေချာပေါက် ကောင်းမွန်သောအရာ ဖြစ်လိမ့်မည်။</p> <p> </p> <p>ဝူယွမ်နှင့် ယင်းရွှမ်းဇီတို့ သူတို့၏ နတ်ဘုရားအာရုံများမှတစ်ဆင့် ဆက်သွယ်နေချိန်တွင်...</p> <p> </p> <p>ထျန်းယွမ်ဇီနှင့် တိယွမ်ဇီတို့သည်လည်း အကောင်းအဆိုးများကို ချိန်ဆကာ လျှို့ဝှက် ဆက်သွယ်နေကြသည်။</p> <p> </p> <p>ထျန်းယွမ်ဇီက ပြောလိုက်သည်။ “ဟိုတိရစ္ဆာန်လေး ဝူယွမ်က တကယ်ကို အရမ်းအစွမ်းထက်လွန်းတယ်။ ဆန်းကြယ်ရှင်ခြင်းအဆင့်မှာတောင် နည်းလမ်းအမျိုးမျိုးကို အားကိုးပြီး ရန်ယွမ်ဇီလို ပါရမီရှင်တစ်ယောက်ကို ဖိနှိပ်ထားနိုင်တယ်”</p> <p> </p> <p>“သူက အရင်က ကျိုးထုံထက်တောင် ပိုပြီး မကောင်းဆိုးဝါးဆန်းတဲ့ကောင်ဆိုတာ သက်သေပြနေတာပဲ”</p> <p> </p> <p>“ဒီကောင်လေးကို ဒီနေ့သာ မရှင်းထုတ်လိုက်ဘူးဆိုရင် ငါတို့ ယွမ်ဂိုဏ်းက နောင်ကျရင် ဘယ်တော့မှ ငြိမ်းချမ်းမှာ မဟုတ်ဘူး”</p> <p> </p> <p>တိယွမ်ဇီက ခေါင်းညိတ်လိုက်၏။</p> <p> </p> <p>“မြက်ပင်ကိုဖြတ်ရင် အမြစ်ကပါ နုတ်ရမယ်၊ လျှို့ဝှက်အန္တရာယ်တွေ ချန်ထားခဲ့လို့မရဘူး။ ပြီးတော့ ဟိုကောင်းကင်မြွေပါ... သူ့ရဲ့ အသွင်အပြင်ကို ကြည့်ရတာ သေချာပေါက် သာမန် ကောင်းကင်မြွေပါ မဟုတ်ဘူး”</p> <p> </p> <p>“ကောင်းကင်မြွေပါ မျိုးနွယ်စုရဲ့ တော်ဝင်မျိုးနွယ်ဝင်တစ်ယောက် ဖြစ်ရမယ်။ ဒီနေ့ သူ့ကိုလည်း ဒီမှာနေခိုင်းခဲ့ရမယ်”</p> <p> </p> <p>သူတို့နှစ်ဦး လျင်မြန်စွာ သဘောတူညီမှု ရရှိသွားကြသည်။ မည်သို့ပင်ဖြစ်စေ ယနေ့ ဝူယွမ်ကို သူတို့ သတ်ရမည်ဖြစ်သည်။</p> <p> </p> <p>“ယင်းရွှမ်ဇီ... ဒါက ငါတို့နဲ့ ဟိုကောင်းကင်မြွေပါကြားက ကိစ္စပဲ။ မင်း ဝင်မစွက်ဖက်ဘူးလို့ မျှော်လင့်ပါတယ်”</p> <p> </p> <p>ထျန်းယွမ်ဇီက ယင်းရွှမ်ဇီကို လှောင်ပြုံးပြကာ ပြောလိုက်သည်။</p> <p> </p> <p>ယင်းရွှမ်းဇီနှင့် ပတ်သက်၍ သူ၏ နားလည်မှုအရ ယင်းရွှမ်းဇီသည် စွန့်စားရန် မတတ်နိုင်ပေ။</p> <p> </p> <p>ယွမ်ဂိုဏ်းနှင့် လုံး၀ဆန့်ကျင်ဘက်ဖြစ်ရန် သူ သေချာပေါက် လုပ်ရဲမည် မဟုတ်ပေ။ အရင် ကျိုးထုံ ဖြစ်ရပ်တုန်းကအတိုင်းပင်။</p> <p> </p> <p>ယင်းရွှမ်းဇီ ဝင်မစွက်ဖက်သရွေ့ ဤကောင်းကင်မြွေပါနှင့် ဝူယွမ်ကို သတ်ရန်အတွက် သူတို့ အလွန်ကြီးမားသော တန်ဖိုးကို ပေးဆပ်ရမည် မဟုတ်ပေ။</p> <p> </p> <p>ယင်းရွှမ်းဇီ ပြန်မဖြေနိုင်မီမှာပင် တိယွမ်ဇီက ရှောင်တျောင်းကို တိုက်ရိုက် တိုက်ခိုက်လိုက်သည်။ ထျန်းယွမ်ဇီကမူ ယင်းရွှမ်းဇီနှင့် အခြားသူများကို စောင့်ကြည့်ကာ ဝူယွမ်ကိုလည်း မျက်ခြည်မပြတ် စောင့်ကြည့်နေသည်။</p> <p> </p> <p>ဝူယွမ် ဝင်စွက်ဖက်ရဲသည်နှင့် တစ်ပြိုင်နက် သူ့ကို ဖိနှိပ်ပြီး သတ်ပစ်မည်ဖြစ်သည်။</p> <p> </p> <p>သူ၏အမြင်တွင် တိယွမ်ဇီက လုံးဝ ပြန်လည်သက်သာလာခြင်း မရှိသေးသော ကောင်းကင်မြွေပါတစ်ကောင်ကို ကိုင်တွယ်ရန်မှာ လုံလောက်သည်ထက်ပင် ပိုနေသေးသည်။</p> <p> </p> <p>“ဒုတိယညီ၊ တတိယညီ၊ စတ္တုထညီ... မင်းတို့အားလုံး တိယွမ်ဇီကို ဝိုင်းတိုက်ကြ။ မင်းတို့ရဲ့ စွမ်းအားအကုန်လုံးကို ထုတ်သုံးလို့ရတယ်။ မင်းတို့ဆီမှာ ထွက်သက်ဝင်သက် တစ်ချက်လောက် ကျန်နေသေးသရွေ့ အစ်ကိုကြီး မင်းတို့ကို ကယ်နိုင်တယ်”</p> <p> </p> <p>ဝူယွမ်က သူတို့သုံးဦးကို လျှို့ဝှက်အသံဖြင့် ပြောလိုက်သည်။</p> <p> </p> <p>အကယ်၍ ထျန်းယွမ်ဇီ မလှုပ်ရှားသေးလျှင် သူ အနည်းငယ် ထပ်စောင့်ပြီး ယွမ်ဂိုဏ်းနှင့် ရင်ဆိုင်ရန် ယင်းရွှမ်ဇီကို ပိုမိုယုံကြည်မှုရှိလာစေရန် သူ၏ စိတ်ဓာတ်ကို ဆက်လက် ပြုပြင်ပေးမည်ဖြစ်သည်။</p> <p> </p> <p>အမှန်တကယ်တော့ ယွမ်ဂိုဏ်းနှင့် ယခု စစ်ပွဲဖြစ်ပွားခဲ့လျှင်ပင် ဝူယွမ် သိပ်ပြီး စိတ်မပူပေ။ သူ၏ ရှေးဟောင်းကျောက်တိုင်နေရာလွတ်အတွင်းတွင် မိစ္ဆာအလောင်းများနှင့် မိစ္ဆာနတ်ဆိုးများ သောင်းနှင့်ချီရှိနေပြီး သူတို့၏ စွမ်းအားမှာ လူငယ်ဘုရင်သုံးပါးနှင့် နှိုင်းယှဉ်နိုင်သည်။</p> <p> </p> <p> ဤစွမ်းအားအဆင့်မှာ ဂိုဏ်းတစ်ခု၏ ကျောရိုးဖြစ်နေပြီဖြစ်ရာ ယွမ်ဂိုဏ်းကို ကိုင်တွယ်ရန်မှာ သေချာပေါက် ပြဿနာမရှိပေ။</p> <p> </p> <p>သို့သော် အပေါ်ယံမြင်နေရသော ယွမ်ဂိုဏ်းကို ကိုင်တွယ်ရုံမျှလောက်က ဝူယွမ်ကို အမှန်တကယ် စိတ်ပူစေသည့်အရာ မဟုတ်ပေ။ ယွမ်ဇီသုံးဦးထက်ပင် ပိုမိုကြောက်မက်ဖွယ်ကောင်းသော ယွမ်ဂိုဏ်း၏ ဖုံးကွယ်ထားသော ကမ္ဘာခြားနတ်ဆိုး နည်းလမ်းများကသာ သူ့အတွက် စိတ်ပူစရာဖြစ်သည်။</p> <p> </p> <p>မူရင်းဝတ္ထုတွင် လင်းတုန်သည် ဝင်စားခြင်းအဆင့်သို့ တက်လှမ်းပြီးနောက်မှသာ သူ၏ ညီအစ်ကိုသုံးဦးနှင့်အတူ အရှေ့ဘက်ရွှမ်ဒေသ မဟာမိတ်အဖွဲ့ တစ်ခုလုံးကို ဦးဆောင်ကာ ယွမ်ဂိုဏ်းကို ဖြုတ်ချနိုင်ခဲ့ခြင်း ဖြစ်သည်။</p> <p> </p> <p>အကယ်၍ ယခုအချိန်တွင် သူ၏ နည်းလမ်းအားလုံးကို ထုတ်သုံးကာ ယွမ်ဂိုဏ်းနှင့် သူသေကိုယ်သေ တိုက်ခိုက်ရန် ရွေးချယ်ခဲ့ပါက ယွမ်ဂိုဏ်းသည် သေချာပေါက် အတူတကွ သေဆုံးရန် ရွေးချယ်ပြီး ကမ္ဘာခြားနတ်ဆိုးများကို လွှတ်ပေးလိမ့်မည်။</p> <p> </p> <p>ထိုသို့ဖြစ်လာပါက သူတို့၏တောင်ဂိုဏ်းသည် ပထမဆုံး ဒုက္ခရောက်ရမည်ဖြစ်သည်။ ဝူယွမ် လွတ်မြောက်နိုင်လျှင်တောင် ကြီးမားသော အသေအပျောက်များ သေချာပေါက် ရှိလာမည်ဖြစ်ရာ တန်ဖိုးရှိမည် မဟုတ်ပေ။</p> <p> </p> <p>ထို့ကြောင့် ဝူယွမ်သည် အဆုံးအဖြတ် တိုက်ပွဲကို စောစီးစွာ စတင်ရန် မလိုအပ်ဟု ခံစားရသည်။ မည်သို့ပင်ဆိုစေကာမူ သူ့တွင် နည်းလမ်းများစွာ ရှိပြီး လိုအပ်နေသည်မှာ အချိန်သာဖြစ်သည်။  </p> <p>ကြီးထွားရန် နှစ်အနည်းငယ်မျှ အချိန်ယူပြီးနောက် ယွမ်ဂိုဏ်းပဲဖြစ်စေ၊ ကမ္ဘာခြားနတ်ဆိုးပဲဖြစ်စေ၊ လက်ဖျောက်တစ်ချက်အတွင်းမှာတင် ဖျက်ဆီးပစ်နိုင်ပေလိမ့်မည်။</p> <p> </p> <p>သူ၏ ကိုယ်ပိုင် ရည်မှန်းချက်ဖြစ်သော ထိပ်ဆုံးသို့ ရောက်ရှိရေးသည် ဤတိုက်ပွဲမှတစ်ဆင့် ပိုမိုခိုင်မာလာလေသည်။</p> <p> </p> <p>ဘုန်း...</p> <p> </p> <p>တိယွမ်ဇီသည် ရှောင်တျောင်းထံသို့ ပြေးဝင်လာပြီဖြစ်သည်။ ရှင်ခြင်းနှင့် သေဆုံးခြင်း စွမ်းအားများက သူ၏ပတ်လည်တွင် လှည့်ပတ်နေသည်။</p> <p> </p> <p>သူ၏ ကြီးမားသောလက်ဖြင့် ပေါ့ပေါ့ပါးပါး ဖမ်းဆုပ်လိုက်မှုက လေဟာနယ်နှင့် ရှင်ခြင်း၊ သေခြင်းတို့ကိုပင် အေးခဲသွားစေနိုင်သော စွမ်းအားများ ပါရှိသည်။</p> <p> </p> <p>“ဒုတိယအစ်ကို၊ တတိယအစ်ကို... ငါ အရင်သွားမယ်”</p> <p> </p> <p>ရှောင်တျောင်း၏ဘေးရှိ ပုံရိပ်က ချက်ချင်းထွက်ခွာသွားသည်။ အမြဲတမ်း ရဲရင့်သော ရှောင်ယန်က ရှေ့သို့ အရင်လှမ်းထွက်လာသည်။ ဝင်စားခြင်းအဆင့် ပညာရှင်တစ်ဦးနှင့် ရင်ဆိုင်ရချိန်တွင်ပင် သူမကြောက်ရွံ့ခဲ့ပေ။</p> <p> </p> <p>လက်ရှိတွင် ကိုယ်ခန္ဓာကျမ်း၏ ‘မာကျောခြင်း’ အခန်းကို ကျင့်ကြံထားသော ရှောင်ယန်သည် အဆုံးစွန်သော မသေမျိုးခန္ဓာကိုယ်ဖြစ်သည့် ဒေါသကြီးသော မသေမျိုးအုပ်စိုးသူ ခန္ဓာကိုယ်လမ်းကြောင်းပေါ်တွင် ရှိနေသည်။ (ကိုယ်ခန္ဓာကျမ်းနဲ့ ပတ်သတ်ပြီး အပြောင်းအလဲ နည်းနည်းရှိသဖြင့် နာမည် အသုံးအနှုန်း အနည်းငယ် ပြောင်းလဲအသုံးပြုထားပါသည်။)</p> <p> </p> <p>သူသည် အဓိကခန္ဓာကိုယ်တွင် ပြီးပြည့်စုံသော အောင်မြင်မှုကို ရရှိထားပြီးဖြစ်ကာ တော်ဝင်ခန္ဓာကိုယ်အဆင့်ဖြစ်သော ရူးသွပ်စစ်သူရဲခန္ဓာကိုယ်သို့ တက်လှမ်းတော့မည်ဖြစ်သည်။</p> <p> </p> <p>ဤခန္ဓာကိုယ်က တိုက်ခိုက်ရေးစွမ်းအားကို အဆပေါင်းများစွာ ပေါက်ကွဲထွက်စေနိုင်သည်။  ရူးသွပ်စစ်သူရဲခန္ဓာကိုယ်အောက်တွင် ရှောင်ယန်သည် သူ၏ တိုက်ခိုက်ရေးစွမ်းအား ၂၄ ဆကို ထုတ်လွှတ်နိုင်လေသည်။</p> <p> </p> <p> </p> <p> </p> <p> </p> <p> </p> <p> </p> <p style="text-align: center;">***</p>


Save