Book List

<h2 style="text-align: center;">Chapter 7</h2> <h2 style="text-align: center;">ကျင့်ကြံခြင်း အစီအစဉ်</h2> <h2 style="text-align: center;">*</h2> <p> </p> <p> </p> <p> </p> <p>မိုးကောင်းကင် စမ်းသပ်စစ်ဆေးမှု ကပ်ဘေးကို အောင်မြင်စွာ ကျော်ဖြတ်ပြီးတဲ့ နောက်မှာတော့၊ ဂျူဟွာ ဟာ ထာဝရ အသက်ရှင်ခွင့် ကို ရရှိသွားခဲ့ပြီ ဖြစ်ပေမဲ့၊ သူက လုံးဝကို မကျေနပ်နိုင်သေးပါဘူး။ သူ့ရဲ့ အစွမ်းက အများကြီး လိုအပ်နေသေးတယ်လေ။</p> <p> </p> <p>တကယ်တမ်းကျတော့၊ ဂျူဟွာရဲ့ လက်ရှိ ပါရမီ နဲ့ဆိုရင်၊ သူက ဖြည်းဖြည်းချင်း ကျင့်ကြံသွားမယ် ဆိုရင်တောင် နောက်ဆုံးမှာ ထူးကဲတဲ့ အောင်မြင်မှု တွေကို ရရှိနိုင်မှာပါ။ ဒါပေမဲ့ ဂျူဟွာရဲ့ စိတ်ထဲမှာ ယုံကြည်နိုင်စရာ မရှိလောက်အောင် ကြီးမားတဲ့ လျှို့ဝှက်ချက် တစ်ခု ရှိနေပါတယ်။ အနာဂတ်မှာ ဖြစ်လာနိုင်တဲ့ အဖြစ်အပျက် တွေကို ရင်ဆိုင် ဖြေရှင်းနိုင်ဖို့ အတွက်၊ အမြန်ဆုံး အမြန်နှုန်း နဲ့ ပိုပြီး အစွမ်းထက်လာဖို့ လိုအပ်တယ် ဆိုတာကို သူ သိနေပါတယ်။</p> <p> </p> <p>ဒါ့အပြင် သူ ပိုပြီး အစွမ်းထက်လာလေလေ၊ သူ့ရဲ့ ညီမလေး နဲ့ ကျုံးမု တို့ အနာဂတ်မှာ မိုးကောင်းကင် စမ်းသပ်စစ်ဆေးမှု ကပ်ဘေး ကို အောင်မြင်စွာ ကျော်ဖြတ်နိုင်မယ့် အလားအလာ ကလည်း ပိုကြီးမားလာလေလေ ပါပဲ။ တကယ်လို့ သူသာ အစစ်အမှန် နတ်ဘုရားနဲ့ တာအိုဖခင်ကြီး အဆင့်ကို ရောက်သွားမယ် ဆိုရင်၊ သူ့ရဲ့ ညီမလေး နဲ့ ကျုံးမု တို့ ကောင်းကင်အင်မော်တယ်တွေ ဖြစ်လာဖို့ ဆိုတာ မဖြစ်နိုင်စရာ မဟုတ်တော့ပါဘူး။</p> <p> </p> <p>ပြီးတော့ လျင်မြန်စွာ အစွမ်းထက်လာဖို့ အတွက်၊ ကမ္မကံကောင်းမှုတစ်ခု လိုအပ်ပါတယ်၊ ကြီးမားတဲ့ ကမ္မကံကောင်းမှု တစ်ခုပေါ့။</p> <p> </p> <p>တိုက်ဆိုင်စွာနဲ့ပဲ၊ "ဓားတန်ခိုးရှင်၏ ဒဏ္ဍာရီ" ဝတ္ထုက တစ်ဆင့် လောကသုံးပါး အတွင်းက တကယ့် ကြီးမားတဲ့ ကမ္မကံကောင်းမှု တွေ ဘယ်နေရာမှာ ရှိနေလဲ ဆိုတာကို ဂျူဟွာ သိထားပါတယ်။</p> <p> </p> <p>တစ်ခုကတော့ ရှောင်ယန် မျိုးနွယ်စုရဲ့ ဘိုးဘေးကြီး ရှောင်ယန်ချိုး ရဲ့ လက်ထဲမှာ ရှိနေတဲ့ ကိုးကွက်စတုရန်း ပျက်စီးခြင်း ကျောက်စာချပ် ၊ ဒါမှမဟုတ် ကမ္ဘာ့ အကျဉ်းထောင်လို့ ခေါ်တဲ့ အရာပါပဲ။ နောက်တစ်ခု ကတော့ ပေရှို့ ကမ္ဘာ့နတ်ဘုရား ( (ဝါ) (နော့ရတ်ကမ္ဘာ့နတ်ဘုရား) က လောကသုံးပါး အတွင်းမှာ ချန်ထားခဲ့တဲ့ အရေးပေါ် အစီအစဉ်ပါ။</p> <p>(စာကြွင်း။ ကမ္ဘာ့နတ်ဘုရား နော့ရတ်ကိုတော့ အခုစာအုပ်ထဲမှာ ပါတဲ့တရုတ်နာမည် ပေရှို့ကမ္ဘာ့နတ်ဘုရား အဖြစ် အဆင်ပြေသလို သုံးနှုန်းသွားပါမယ်။)</p> <p> </p> <p>ကိုးကွက်စတုရန်း ပျက်စီးခြင်း ကျောက်စာချပ် နဲ့ ပတ်သက်ပြီးတော့၊ ဆောင်းဦးတောင်ကုန်း မဟာရွှံ့နွံအိုင် စစ်ပွဲ တုန်းက ဂျူဟွာ စဉ်းစားခဲ့ဖူးပါတယ်။ အဲဒီ အချိန်တုန်းက၊ သူက ဒီ ရတနာ ကို လုယူဖို့ အတွက် လုံးဝကို စွမ်းဆောင်နိုင်စွမ်း မရှိခဲ့ပါဘူး။ ဒါပေမဲ့ အခုတော့ သူ့ရဲ့ ခွန်အား က အတော်လေး လုံလောက်နေပြီလေ။</p> <p> </p> <p>ရှောင်ယန် မျိုးနွယ်စု ဟာ ကျွမ်ရွှေ မျိုးနွယ်စုရဲ့ သေခန်းရှင်ခန်း ပြတ်နေတဲ့ ရန်သူ ဖြစ်နေနှင့်ပြီ ဖြစ်လို့၊ ရှောင်ယန်ချိုး ဆီကနေ ရတနာ ကို လုယူဖို့ ဂျူဟွာ အတွက် ဘာ စိတ်ပိုင်းဆိုင်ရာ ဝန်ထုပ်ဝန်ပိုးမှ မရှိပါဘူး။ ဒါပေမဲ့ ဒီကိစ္စ ကို လုံးဝ အလောတကြီး လုပ်လို့ မရပါဘူး။ တစ်ချက်တည်း နဲ့ အပြတ်အသတ် အနိုင်ယူနိုင်ဖို့ အတွက် သေသေချာချာ အစီအစဉ် ဆွဲရပါမယ်။</p> <p> </p> <p>ပေရှို့ ကမ္ဘာ့နတ်ဘုရား နဲ့ ပတ်သက်ပြီး ပြောရရင်၊ "ဓားတန်ခိုးရှင်၏ ဒဏ္ဍာရီ" ဝတ္ထုထဲက ဖော်ပြချက်တွေ အရ၊ သူက ပျက်စီးခြင်း စကြ၀ဠာကြီးထဲက အဝေးကြီးမှာ ရှိတဲ့ ထျန်းချန် နန်းတော် (ဝါ) ကျယ်ပြောသော ကောင်းကင်ဘုံ နန်းတော်က ကမ္ဘာ့နတ်ဘုရား တစ်ပါးပါ။ သူ့ရဲ့ သေခန်းရှင်ခန်း ပြတ်နေတဲ့ ရန်သူ က သူ့ကို လိုက်လံ သတ်ဖြတ်ခဲ့တဲ့ အတွက်၊ နောက်ဆုံးမှာ လောကသုံးပါး အတွင်းမှာပဲ သေဆုံးသွားခဲ့ရပါတယ်။</p> <p>(စာကြွင်း။ ကျယ်ပြောသောကောင်းကင်ဘုံ နန်းတော်ကိုလည်း ယခု စာအုပ်ထဲ ပါဝင်တဲ့အတိုင်း ထျန်းချန် နန်း‌တော် အဖြစ် အဆင်ပြေသလို အသုံးပြုသွားပါမယ်။)</p> <p> </p> <p>သူ့ရဲ့ ရန်သူ အေးအေးလူလူ မနေနိုင်အောင် တားဆီးဖို့ အတွက်၊ ပေရှို့ ကမ္ဘာ့နတ်ဘုရား ဟာ သူ့အတွက် ထျန်းချန် နန်းတော် ကို သွားပြီး သတင်းပို့ပေးမယ့် သူတစ်ယောက်ယောက် ပေါ်လာဖို့ မျှော်လင့်ချက် နဲ့ လောကသုံးပါး အတွင်းမှာ အရေးပေါ် အစီအစဉ် တစ်ခု ချန်ထားခဲ့ပါတယ်။</p> <p> </p> <p>ပေရှို့ ကမ္ဘာ့နတ်ဘုရား ရဲ့ အရေးပေါ် အစီအစဉ် မှာ အပိုင်း နှစ်ပိုင်း ပါဝင်ပါတယ်။ တစ်ခုက လရောင် ရေကန် ဖြစ်ပြီး၊ နောက်တစ်ခု ကတော့ "ရတနာငါးပါး ဓားသိုင်းပါပဲ။</p> <p> </p> <p>ဒါပေမဲ့ ပေရှို့ ကမ္ဘာ့နတ်ဘုရား ချန်ထားခဲ့တဲ့ ကမ္မကံကောင်းမှု တွေက အဲဒီလောက်ကြီးတော့ သဘောမကောင်းပါဘူး။</p> <p> </p> <p>စမ်းသပ်မှု တွေ အားလုံးကို အောင်မြင်စွာ မကျော်ဖြတ်နိုင်ဘူး ဆိုရင်၊ "လရောင် ရေကန်" ဆိုတာ ဝင်လို့သာ ရပြီး ထွက်လို့ မရတဲ့ နေရာ တစ်ခုပါ။ သဘာဝကျကျပဲ ဂျူဟွာ က အခုချိန်မှာ အဲဒီအထဲကို မဝင်ချင်သေးပါဘူး။</p> <p> </p> <p>"ရတနာငါးပါး ဓားသိုင်း" ကတော့ ပိုပြီးတောင် ကြောက်စရာ ကောင်းပါသေးတယ်။ ကျင့်ကြံသူ တစ်ယောက် ဟာ ဒီ ဓားသိုင်း ကို စတင် နားလည် သဘောပေါက်အောင် လေ့လာတာနဲ့ တစ်ပြိုင်နက်၊ ဓားတာအိုကလွဲပြီး သူ နားလည် သဘောပေါက်ထားတဲ့ တခြား အရာတွေ အားလုံး က တဖြည်းဖြည်း မေ့ပျောက်သွားပါလိမ့်မယ်။ ဓားသိုင်း တစ်ခုလုံး ကို ကျွမ်းကျင် ပိုင်နိုင်သွားမှသာ၊ မေ့ပျောက်သွားခဲ့တဲ့ နားလည် သဘောပေါက်မှု တွေ အားလုံးကို ပြန်လည် ရယူနိုင်မှာပါ။</p> <p> </p> <p>ပြီးတော့ တကယ်လို့ ဓားသိုင်း ကို မကျွမ်းကျင်ခင်မှာ မေ့ပျောက်သွားတဲ့ တာအို တွေကို ပြန်လည် နားလည် သဘောပေါက်အောင် ကြိုးစားမယ် ဆိုရင်၊ နားလည် သဘောပေါက်ထားပြီးသား ဓားသိုင်း တွေက တဖြည်းဖြည်း မေ့ပျောက်သွားပါလိမ့်မယ်။ ရိုးရိုးရှင်းရှင်း ပြောရရင်၊ ရတနာငါးပါး ဓားသိုင်း က အမြင့်ဆုံး နားလည်မှုအဆင့်ကို မရောက်မချင်း၊ ရတနာငါးပါး ဓားသိုင်း နဲ့ တခြား တာအို တွေ ကြားထဲမှာ ရွေးချယ်စရာ တစ်ခုပဲ ရှိပါတယ်။</p> <p> </p> <p>"ရတနာငါးပါး ဓားသိုင်း ဆိုတာက မိုးကောင်းကင်တာအို ရဲ့ ကန့်သတ်ချက်ကို ကျော်လွန်နေတဲ့ ဓားသိုင်း တစ်ခုပဲ။ ရတနာငါးပါး ဓားသိုင်း ကို ကျွမ်းကျင် ပိုင်နိုင်သွားတဲ့ အခါ၊ ပေရှို့ ကမ္ဘာ့နတ်ဘုရား ချန်ထားခဲ့တဲ့ ဓား အမွေအနှစ်ကို တကယ် ရရှိနိုင်မှာ ဖြစ်ပြီး၊ အဲဒီအထဲမှာ နှလုံးသား ဓားသိုင်းတောင် ပါဝင်သေးတယ်။ ဒီ ရတနာငါးပါး ဓားသိုင်း ကို ငါ သေချာပေါက် ကြိုးစားကြည့်ရမယ်။"</p> <p> </p> <p>ဂျူဟွာ က တွေးတောလိုက်ပါတယ်။</p> <p> </p> <p>"ဒါကြောင့်၊ ရတနာငါးပါး ဓားသိုင်း ကို မကျင့်ကြံခင်မှာ၊ ဓားတာအို ကို အပြည့်အဝ အာရုံစိုက်ပြီး နားလည် သဘောပေါက်အောင် လေ့လာမယ်။ အခုချိန်မှာ တခြား တာအို တွေကို နားလည် သဘောပေါက်အောင် လေ့လာနေတာက အချိန်ဖြုန်းရာပဲ ကျလိမ့်မယ်၊ ဘာလို့လဲ ဆိုတော့ အဲဒါတွေက အနှေးနဲ့ အမြန် မေ့ပျောက်သွားမှာပဲလေ။"</p> <p> </p> <p>"လရောင် ရေကန် နဲ့ ပတ်သက်ပြီး ပြောရရင်၊ ငါ့ရဲ့ ဓားသိုင်း ကို လေ့ကျင့် ဖန်တီးဖို့ မဟုတ်ရင်တောင်၊ ရေခဲ နှလုံးသား ခြင်ဆီ အတွက် အဲဒီနေရာကို အနည်းဆုံး တစ်ခေါက်တော့ သွားရမယ်။"</p> <p> </p> <p>ဂျူဟွာ က သူ့ဘာသာသူ တွေးလိုက်ပါတယ်။</p> <p> </p> <p>လောကသုံးပါး အတွင်းမှာ၊ ရေခဲ နှလုံးသား ခြင်ဆီ ရဲ့ အသုံးပြုမှု က အတော်လေး အများအပြား ရှိပါတယ်။ ဒါပေမဲ့ လက်ရှိ ရှောင်ယန်ချိုး ရဲ့ လက်ထဲမှာ ရှိနေတဲ့ "ကမ္ဘာ့ အကျဉ်းထောင်" ထဲက အကျဉ်းသား တစ်ယောက် ဆီမှာ ရေခဲမီးလျှံ သန့်စင်ခြင်း ရွှေရောင် အမြုတေလို့ ခေါ်တဲ့ နည်းလမ်း တစ်ခု ရှိတယ် ဆိုတာကို ဂျူဟွာ သိထားပါတယ်။ ဒီ နည်းလမ်း က ကီစွမ်းအင် သန့်စင်ခြင်းလမ်းစဉ် ကျင့်ကြံသူ တစ်ယောက်ရဲ့ တတိယတန်းစား ရွှေရောင် အမြုတေကို ဒုတိယတန်းစား ရွှေရောင် အမြုတေ အဖြစ် မြှင့်တင်ပေးနိုင်ပါတယ်။</p> <p> </p> <p>ပြီးတော့ ရေခဲ နှလုံးသား ခြင်ဆီ ဟာ ဒီ ရေခဲမီးလျှံ သန့်စင်ခြင်း ရွှေရောင် အမြုတေ နည်းလမ်း အတွက် အဓိက ပါဝင်ပစ္စည်း တွေထဲက တစ်ခုပါပဲ။</p> <p> </p> <p>"လရောင် ရေကန် ကို သွားဖို့ အတွက်ကတော့ ကိုယ်ပွားတစ်ခုကို လွှတ်တာ အကောင်းဆုံးပဲ။ ပြီးတော့ ဒီ ကိုယ်ပွား နည်းစနစ် ကလည်း ကိုးကွက်စတုရန်း ပျက်စီးခြင်း ကျောက်စာချပ် အပေါ်မှာပဲ မူတည်နေတယ်။"</p> <p> </p> <p>အခုချိန်မှာ လောကသုံးပါး အတွင်းမှာ ကိုယ်ပွား နည်းစနစ် တွေ အများကြီး ရှိတယ် ဆိုတာကို ဂျူဟွာ သဘာဝကျကျပဲ သိထားပါတယ်။ ဒါပေမဲ့ အဲဒီ ကိုယ်ပွား နည်းစနစ် တွေက သင်ယူဖို့ လွယ်ကူပေမဲ့ ကျွမ်းကျင် ပိုင်နိုင်ဖို့ ခက်ခဲပါတယ်။ ပထမအဆင့် ကို ကျွမ်းကျင်သွားရင် ကိုယ်ပွား တချို့ကို ဖန်တီးနိုင်တယ် ဆိုပေမဲ့၊ အဲဒီ ကိုယ်ပွား တွေ အားလုံးက ခွန်အား အများကြီး လျော့ကျသွားမှာ ဖြစ်ပြီး သိပ်တော့ အသုံးမဝင်လှပါဘူး။</p> <p> </p> <p>ဒါ့အပြင်၊ သိပ်ပြီး အသုံးမဝင်တဲ့ ဒီ ကိုယ်ပွား နည်းစနစ် တွေကိုတောင် ဂျူဟွာ အနေနဲ့ အလွယ်တကူ သင်ယူလို့ မရနိုင်ပါဘူး။ သူက လွတ်လပ်သော ကောင်းကင်ဘုံ အရှင် ရဲ့ အမည်ခံတပည့် တစ်ယောက် သက်သက်ပဲလေ၊ တပည့်ရင်းမှ မဟုတ်တာ။</p> <p> </p> <p>ဒါပေမဲ့ ကိုးကွက်စတုရန်း ပျက်စီးခြင်း ကျောက်စာချပ် ကတော့ ကွာခြားပါတယ်။ ကိုးကွက်စတုရန်း ပျက်စီးခြင်း ကျောက်စာချပ် ရဲ့ မျက်နှာပြင် ပေါ်မှာ ထောင်းဝူ ဖင်းဂေါ့ ဆယ့်ရှစ်ပါး လို့ ခေါ်တဲ့ ကိုယ်ပွား နည်းစနစ် တစ်ခုကို မှတ်တမ်းတင် ထားရုံ သာမက၊ သူ့အထဲမှာ ပျက်စီးခြင်း အမြုတေ ဝတ်ရည်အများအပြား ကိုလည်း ထည့်သွင်းထားပါတယ်။ ဒီ ပျက်စီးခြင်း အမြုတေ ဝတ်ရည် တွေက အင်ပါရီယာ နတ်ဘုရား တစ်ပါးကို ထောင်းဝူ ဖင်းဂေါ့ ဆယ့်ရှစ်ပါး ရဲ့ ဒုတိယအဆင့် အထိ အလွယ်တကူ ရောက်ရှိသွားစေနိုင်ပြီး၊ မူလ ခန္ဓာကိုယ်နဲ့ တူညီတဲ့ ခွန်အား ရှိတဲ့ ကိုယ်ပွား ဆယ့်ရှစ်ခု ကို ပေးစွမ်းနိုင်မှာပါ။</p> <p> </p> <p>"ကိုယ်ပွား နည်းစနစ်" နဲ့ "ရေခဲမီးလျှံ သန့်စင်ခြင်း ရွှေရောင် အမြုတေ" နည်းစနစ်... ဒီအရာတွေ အားလုံးက အရမ်းကို အရေးကြီးပါတယ်။ ဒါကြောင့် ကိုးကွက်စတုရန်း ပျက်စီးခြင်း ကျောက်စာချပ် ကို သေချာပေါက် ရယူရပါမယ်။</p> <p> </p> <p>"နောက်ထပ် စိန်ခေါ်မှု တစ်ခု ကျန်သေးတယ်။ အင်ပါရီယာ နတ်ဘုရား တစ်ပါး က အဲဒီ ကိုးကွက်စတုရန်း ပျက်စီးခြင်း ကျောက်စာချပ် ကို လုံးဝ သန့်စင်လို့ မရဘူးလေ။ ဒါကြောင့် အဲဒီ ကိုးကွက်စတုရန်း ပျက်စီးခြင်း ကျောက်စာချပ် ကို မလုယူခင်မှာ၊ ငါ့ရဲ့ ဒုတိယ မူလဝိညာဉ်ကို မိုးကောင်းကင် စမ်းသပ်စစ်ဆေးမှု ကပ်ဘေး ကျော်ဖြတ်နိုင်မယ့် နည်းလမ်း ကို အရင် ရှာရမယ်။ ငါ့ရဲ့ တာအို အဆင့် (Realm) နဲ့ဆိုရင်၊ ငါ့ရဲ့ ဒုတိယ မူလဝိညာဉ် က မိုးကောင်းကင် စမ်းသပ်စစ်ဆေးမှု ကပ်ဘေး ကို အောင်အောင်မြင်မြင် ကျော်ဖြတ်ပြီးတာနဲ့၊ ချက်ချင်းပဲ သန့်စင်သောယန် အစစ်အမှန် အင်မော်တယ် တစ်ပါး ဖြစ်လာမှာပဲ။ ဓားတန်ခိုးရှင်၏ ဒဏ္ဍာရီ'ရဲ့ ဖော်ပြချက် အရ၊ သန့်စင်သောယန် အစစ်အမှန် အင်မော်တယ် တစ်ပါးက အဲဒီ ပျက်စီးခြင်း ကျောက်စာချပ်ကို သန့်စင်နိုင်တယ် မဟုတ်လား။"</p> <p> </p> <p>ဒီအကြောင်းတွေကို တွေးမိတော့၊ ဂျူဟွာရဲ့ စိတ်ထဲမှာ အကြမ်းဖျင်း ကျင့်ကြံခြင်း အစီအစဉ် တစ်ခု ထွက်ပေါ်လာပါတယ်။ ရိုးရိုးရှင်းရှင်း ပြောရရင်၊ သူ့ရဲ့ တန်ခိုးစွမ်းအားကို မြှင့်တင်ဖို့ အတွက် ဓားတာအို ကို နားလည် သဘောပေါက်အောင် လေ့လာမယ်၊ သူ့ရဲ့ ဒုတိယ မူလဝိညာဉ် ကို မိုးကောင်းကင် စမ်းသပ်စစ်ဆေးမှု ကပ်ဘေး ကျော်ဖြတ်ခိုင်းမယ်၊ ပြီးတော့မှ ရှောင်ယန်ချိုး ရဲ့ လက်ထဲမှာ ရှိတဲ့ ကိုးကွက်စတုရန်း ပျက်စီးခြင်း ကျောက်စာချပ် ကို အကွက်ဆင် လုယူမယ်။</p> <p> </p> <p>...</p> <p> </p> <p>ရှင်းလင်းတဲ့ ကျင့်ကြံခြင်း အစီအစဉ် တစ်ခုကို ချမှတ်ပြီးတဲ့ နောက်မှာတော့၊ ဂျူဟွာ ဟာ တုန်းယွိ မျိုးနွယ်စု ထဲမှာ ဓားသိုင်းပညာ တွေကို အေးအေးဆေးဆေး ဆက်လက် နားလည် သဘောပေါက်အောင် လေ့လာနေပါတော့တယ်။</p> <p> </p> <p>ဂျူဟွာ ဟာ ဓား အင်အား ကို နားလည် သဘောပေါက်အောင် လေ့လာနေခဲ့တာ ဆယ်စုနှစ် အတော်ကြာ ခဲ့ပါပြီ။ ဓား အင်အား ရဲ့ ပထမအဆင့် ကနေ ဒုတိယအဆင့် အထိ ရောက်ဖို့ အခက်အခဲ က သိပ်မမြင့်မားပါဘူး။ ဂျူဟွာရဲ့ ပါရမီ နဲ့ ဆိုရင်၊ ပြီးခဲ့တဲ့ ဆယ်စုနှစ် အနည်းငယ် အတွင်းမှာ ဓားတာအို နဲ့ စကြဝဠာ မဟာတာအို တို့ရဲ့ ပေါင်းစည်းခြင်း (Fusion) ကို အဓိက အာရုံစိုက် ခဲ့တယ် ဆိုပေမဲ့၊ နှိုင်းယှဉ် လေ့လာခြင်း အားဖြင့် ဓား အင်အား နဲ့ ပတ်သက်တဲ့ အသစ်အသစ်သော နားလည် သဘောပေါက်မှု အတော်များများကိုလည်း သူ ရရှိခဲ့ပါတယ်။</p> <p> </p> <p>ဒါ့အပြင် အခု ဂျူဟွာ က အင်ပါရီယာ နတ်ဘုရား တစ်ပါး ဖြစ်လာပြီ ဆိုတော့၊ သူ့ရဲ့ နတ်ဘုရား ဝိညာဉ် ရဲ့ တွက်ချက်နိုင်စွမ်း အမြန်နှုန်း ဟာ အရင်ကထက် မယုံနိုင်လောက်အောင် ပိုမြန်ဆန် လာခဲ့ပြီလေ။ ဒါကြောင့် တစ်နှစ် ကျော်ကျော်လေး ကြာပြီးတဲ့ နောက်မှာပဲ၊ သူ့ရဲ့ စကြဝဠာဓား အင်အား ဟာ အတားအဆီး တစ်ခုကို ရောက်နေပြီ လို့ ဂျူဟွာ ခံစားလိုက်ရပါတယ်။</p> <p> </p> <p>ဒါကြောင့် သူက အခန်းအောင်း နေတာကို ရပ်တန့်လိုက်ပြီး၊ တုန်းယွိ မျိုးနွယ်စု ထဲမှာ လှည့်လည် သွားလာ နေပါတော့တယ်။</p> <p> </p> <p>ဂျူဟွာ က တကယ်ကြီး လည်ပတ်နေတာ မဟုတ်ပါဘူး။ သူက ကျွမ်းကျင်တဲ့ ဓားသိုင်းသမား တချို့ကို ရှာဖွေနေပြီး၊ သူတို့ဆီကနေ စိတ်ကူးသစ် တချို့ ရနိုင်မလား ဆိုတဲ့ မျှော်လင့်ချက် နဲ့ သူတို့ကို ရင်ဆိုင် တိုက်ခိုက်ခဲ့ပါတယ်။</p> <p> </p> <p>ဓားအင်အား ဆိုတာ တကယ်တော့ လောကသုံးပါး ရဲ့ အပြင်ဘက် က ဓားတာအို ဖြစ်ပြီး၊ ဓားတာအို ဆိုတာ ဓားကို အသုံးပြုတဲ့ တာအို ဖြစ်တယ် ဆိုတာကို ဂျူဟွာ သိထားခဲ့တာ ကြာပါပြီ။</p> <p> </p> <p>သူတို့ရဲ့ ခွန်အား ဘယ်လောက်ပဲ ရှိရှိ၊ ဓားတာအို အပေါ် သူတို့ရဲ့ နားလည် သဘောပေါက်မှု အဆင့် ဘယ်လောက်ပဲ ရှိရှိ၊ သူတို့က စစ်မှန်တဲ့ ဓားသမား တွေ ဖြစ်နေသရွေ့၊ ဓား နဲ့ ပတ်သက်တဲ့ သူတို့ ကိုယ်ပိုင် နားလည်မှု တွေ ရှိနေမှာ ဖြစ်ပြီး၊ သူတို့ လက်ထဲက ဓား ကို ကောင်းကောင်း အသုံးပြုနိုင်မ်ှာပါပဲ။</p> <p> </p> <p>ဂျူဟွာ ဟာ သူတို့ရဲ့ အဆင့်အတန်း နဲ့ ခွန်အား ကို ဂရုမစိုက်ဘဲ အစွမ်းထက်တဲ့ ဓားသိုင်းသမား တချို့နဲ့ ရင်ဆိုင် တိုက်ခိုက်ခဲ့ပါတယ်။ သူ့ရဲ့ ရည်ရွယ်ချက် က သူတို့နဲ့ တာအို အကြောင်း ဆွေးနွေးဖို့ မဟုတ်ပါဘူး။ ဒီ ကျွမ်းကျင်တဲ့ ဓားသမား တွေက သူတို့ရဲ့ ကိုယ်ပိုင် အကြံဉာဏ် တွေက တစ်ဆင့် သူ့ကို စိတ်ကူးသစ် တချို့ ပေးစွမ်းနိုင်ပြီး၊ ဒီ အတားအဆီးကို ကျော်ဖြတ်နိုင်မလားလို့ မျှော်လင့်နေတာပါ။</p> <p> </p> <p>ဂျူဟွာရဲ့ လှုပ်ရှားမှု တွေက တုန်းယွိ အစစ်အမှန် အင်မော်တယ် ကို ဖုံးကွယ်ထားလို့ မရပါဘူး။ ဒါပေမဲ့ တုန်းယွိ အစစ်အမှန် အင်မော်တယ် က ဒါကို လုံးဝ အလေးမထားပါဘူး။ ပထမ အချက်က သူက ဂျူဟွာရဲ့ ကိစ္စတွေကို ဝင်မစွက်ဖက်နိုင်လို့ ဖြစ်ပြီး၊ ဒုတိယ အချက် ကတော့ ဂျူဟွာ က အပျော်သက်သက် လေ့ကျင့်နေတာလို့ ယုံကြည်နေလို့ပါပဲ။ ကျင့်ကြံခြင်း နဲ့ ပတ်သက်ပြီး ပြောရရင်တော့... ဂျူဟွာရဲ့ လုပ်ရပ်တွေက နောက်နေသလို ဖြစ်နေခဲ့ပါတယ်။</p> <p> </p> <p>တုန်းယွိ အစစ်အမှန် အင်မော်တယ် ဟာ မကြာခင် ဖြစ်ပွားတော့မယ့် စစ်ပွဲကြီး အတွက် အစီအစဉ် ဆွဲဖို့ ဆက်လက် အလုပ်ရှုပ် နေခဲ့ပါတယ်။ တစ်ချိန်တည်းမှာပဲ၊ ဂျူဟွာ ဟာ တုန်းယွိ မျိုးနွယ်စု ထဲက လူတွေကို စိန်ခေါ်ရတာနဲ့ မကျေနပ်နိုင်တော့ပါဘူး။ သူ့ရဲ့ လှုပ်ရှားမှု နယ်ပယ် ဟာ တုန်းယွိ မျိုးနွယ်စု ကို ဗဟိုပြုပြီး အပြင်ဘက်ကို တဖြည်းဖြည်း လျင်မြန်စွာ ကျယ်ပြန့်လာပါတော့တယ်။</p> <p> </p> <p>တုန်းယွိ အစစ်အမှန် အင်မော်တယ် ကတော့ ဒီကိစ္စ နဲ့ ပတ်သက်ပြီး ဘာမှ မတတ်နိုင်သေးပါဘူး။ ဂျူဟွာ ကို တုန်းယွိ မျိုးနွယ်စု ထဲမှာပဲ အမြဲတမ်း နေစေချင်ပေမဲ့၊... သူက ဂျူဟွာကို လုံးဝ မထိန်းချုပ်နိုင်ဘူးလေ။</p> <p> </p> <p>ဒါ့အပြင်၊ ဂျူဟွာရဲ့ လှုပ်ရှားမှု တွေက သူ အင်ပါရီယာ နတ်ဘုရား တစ်ပါး ဆိုတာကို ပေါ်သွားစရာ အကြောင်း မရှိသလို၊ သူတို့ရဲ့ သဘောတူညီချက် ကိုလည်း မချိုးဖောက်ပါဘူး။ ဒါကြောင့် ဂျူဟွာ ဘာတွေ လုပ်နေလဲ ဆိုတာကို တုန်းယွိ အစစ်အမှန် အင်မော်တယ် က ပိုပြီးတော့တောင် ဝင်မစွက်ဖက်နိုင်ခဲ့ပါဘူး။</p> <p> </p> <p> </p> <p style="text-align: center;">***</p>


Save