Book List

<h2 style="text-align: center;">Chapter 9</h2> <h2 style="text-align: center;">တားဆီးမရနိုင်တဲ့အင်အား</h2> <h2 style="text-align: center;">*</h2> <p> </p> <p> </p> <p> </p> <p>ဂျူဟွာ တုန်းယွိ မျိုးနွယ်စုကို ပြန်ရောက်ပြီး ဒုတိယမြောက် နေ့မှာပဲ၊ သွေးနီရောင်မီးလျှံ အဓိက ကမ္ဘာကြီးရဲ့ ကောင်းကင်ယံ ဟာ ရုတ်တရက် ပြောင်းလဲသွားပါတယ်။</p> <p> </p> <p>တုန်းယွိ အစစ်အမှန် အင်မော်တယ်၊ ပိုင်ဟို အစစ်အမှန် အင်မော်တယ် နဲ့ ထျန်းနျူ အင်ပါရီယာ နတ်ဘုရားတို့... သွေးနီရောင်မီးလျှံ အဓိက ကမ္ဘာကြီး အတွင်းက အစွမ်းအထက်ဆုံး အဓိက မျိုးနွယ်စုကြီး သုံးခုရဲ့ ဘိုးဘေးကြီးတွေဟာ နတ်ဘုရား-သတ်ဖြတ်ခြင်း တောင်တော်ပေါ်မှာ မိုးကောင်းကင်တာအို သွေးသစ္စာ ဆိုပြီး၊ သွေးနီရောင်မီးလျှံ အင်ပါရီယာ နတ်ဘုရားတည်ထောင်ထားတဲ့ ဖင်းဂေါ့ နိုင်ငံတော်ဆီကို သူတို့ရဲ့ ဓားတွေနဲ့ ချိန်ရွယ်လိုက်ကြပါတယ်။</p> <p> </p> <p>သူတို့ရဲ့ သစ္စာဆိုသံ တွေဟာ ဖင်းဂေါ့ နိုင်ငံတော် ရဲ့ ထက်ဝက်ကျော်လောက် အထိ တစ်ပြိုင်နက်တည်း ပဲ့တင်ထပ်သွားပြီး၊ တစ်ခဏ အတွင်းမှာပဲ မရေမတွက်နိုင်တဲ့ ဖင်းဂေါ့ တွေဟာ ကောင်းကင်ယံ ဆီကို မော့ကြည့်ကြွေးကြော် လိုက်ကြပါတော့တယ်။</p> <p> </p> <p>တုန်းယွိ အစစ်အမှန် အင်မော်တယ် နဲ့ ကျန်တဲ့ နှစ်ယောက် တို့ တရားဝင် မဟာမိတ် ဖွဲ့ပြီး သိပ်မကြာခင်မှာပဲ၊ ကောင်းကင်အင်မော်တယ် နှစ်ထောင်ကျော် ဟာ နတ်ဘုရား-သတ်ဖြတ်ခြင်း တောင်တော် အနီးမှာ စုဝေးရောက်ရှိ လာကြပါတယ်။</p> <p> </p> <p>ဒီ ကောင်းကင်အင်မော်တယ် နှစ်ထောင်ကျော် အများစု ဟာ သွေးနီရောင်မီးလျှံ အဓိက ကမ္ဘာကြီး ရဲ့ အဓိက မျိုးနွယ်စုကြီး တွေကနေ လာကြတာ ဖြစ်ပါတယ်။ ဒါကြောင့် ကောင်းကင်အင်မော်တယ် တိုင်းဟာ၊ သူတို့ ရောက်လာတဲ့ အချိန်မှာ လွတ်မြောက်အင်မော်တယ်သောင်းဂဏန်း လောက်ကိုလည်း ဦးဆောင် ခေါ်လာခဲ့ကြပါတယ်။</p> <p> </p> <p>ရက်အနည်းငယ် အတွင်းမှာတင်၊ နတ်ဘုရား-သတ်ဖြတ်ခြင်း တောင်တော် ပတ်လည်က အင်မော်တယ် တွေရဲ့ အရေအတွက် ဟာ ငါးသိန်း ကျော်သွားခဲ့ပါပြီ။ ဒီ အင်မော်တယ် အများစု ဟာ လွတ်မြောက်အင်မော်တယ် တွေ ဖြစ်ကြတယ် ဆိုပေမဲ့၊ ဒါက အံ့ဩစရာ ကောင်းလောက်အောင် များပြားလှပါတယ်။</p> <p> </p> <p>များပြားလှတဲ့ အင်မော်တယ် တွေ စုဝေးမိတာနဲ့ တစ်ပြိုင်နက်၊ တုန်းယွိ အစစ်အမှန် အင်မော်တယ် နဲ့ တခြားသူတွေ ဟာ အနည်းငယ်လေးတောင် တုံ့ဆိုင်းမနေပါဘူး။ သူတို့ရဲ့ ကြီးမားလှတဲ့ တပ်မဟာကြီး ကို ဦးဆောင်ပြီး ဖင်းဂေါ့ နိုင်ငံတော် ရဲ့ နယ်မြေ ကို တိုက်ရိုက် ချေမှုန်းပစ်ဖို့ ချီတက်သွားကြပါတော့တယ်။</p> <p> </p> <p>ဖင်းဂေါ့ နိုင်ငံတော် နဲ့ လူသားမျိုးနွယ်ရဲ့ နယ်မြေ ကြားက နယ်စပ် ဟာ အလွန် အန္တရာယ် များတဲ့ နေရာတစ်ခုပါ။ ကောင်းကင်အင်မော်တယ် တစ်ပါး တစ်ယောက်တည်း သွားမယ် ဆိုရင်တောင် သတိထားရမယ့် နေရာမျိုးပါ။ ဒါပေမဲ့ တပ်မဟာကြီး ရောက်လာတဲ့ အခါမှာတော့၊ နှစ်ရက်တည်း နဲ့တင် ဒီ အန္တရာယ် များတဲ့ နယ်မြေ ဟာ မြေပြန့် အဖြစ် ချေမှုန်း ခံလိုက်ရပါတယ်။ အဲဒီနေရာကို ကာကွယ်နေတဲ့ မရေမတွက်နိုင်တဲ့ ဖင်းဂေါ့ တွေဟာ သနားခံဖို့ အချိန်တောင် မရလိုက်ဘဲ၊ ပြာကျသွားခဲ့ရပါတယ်။</p> <p> </p> <p>အဲဒီနောက်မှာတော့ တပ်မဟာကြီး ဟာ ဆက်လက် ချီတက်သွားပြီး၊ ဖင်းဂေါ့ နိုင်ငံတော် ရဲ့ အဓိက နယ်မြေ ဖြစ်တဲ့ သွေးနီရောင်မီးလျှံ နတ်ဘုရား တောင်တော်ဆီကို ဦးတည် သွားကြပါတော့တယ်။</p> <p> </p> <p>သွေးနီရောင်မီးလျှံ အင်ပါရီယာ နတ်ဘုရား ဟာ သွေးနီရောင်မီးလျှံ နတ်ဘုရား တောင်တော် ထဲမှာ နေထိုင်ပြီး၊ ဒီ သွေးနီရောင်မီးလျှံ နတ်ဘုရား တောင်တော် နဲ့ သွေးနီရောင်မီးလျှံ အင်ပါရီယာ နတ်ဘုရား တို့ဟာ ဖင်းဂေါ့ နိုင်ငံတော် ရဲ့ ပြယုဂ် တွေလို့ ဆိုရမှာပါ။ သွေးနီရောင်မီးလျှံ အင်ပါရီယာ နတ်ဘုရား သာ ကျဆုံးသွားပြီး သွေးနီရောင်မီးလျှံ နတ်ဘုရား တောင်တော် သာ ဖျက်ဆီးခံလိုက်ရမယ် ဆိုရင်၊ ဖင်းဂေါ့ နိုင်ငံတော် တစ်ခုလုံး ဟာ နာမည်ခံ သက်သက်ပဲ ကျန်ရစ်ပါလိမ့်မယ်။</p> <p> </p> <p>တပ်မဟာကြီး ရဲ့ ချီတက်မှု ကို ဘယ်အရာကမှ မတားဆီးနိုင်ပါဘူး။ အစပိုင်းမှာ လမ်းတစ်လျှောက် ခုခံဖို့ ကြိုးစားတဲ့ ဖင်းဂေါ့ တွေ ရှိခဲ့ပေမဲ့ (ရထားဘီးကို တားဖို့ ကြိုးစားတဲ့ ပုစဉ်းကောင် လိုမျိုးပေါ့)၊ နောက်ပိုင်းမှာတော့ တပ်မဟာကြီး ဟာ ဘာအတားအဆီး နဲ့မှ ထပ်မကြုံရတော့ပါဘူး။ ဆယ်ရက် ကျော်ကျော်လေး အတွင်းမှာတင်၊ တပ်မဟာကြီး ဟာ သွေးနီရောင်မီးလျှံ နတ်ဘုရား တောင်တော် ရဲ့ အပြင်ဘက် ကို ရောက်ရှိသွားပါတော့တယ်။</p> <p> </p> <p>လမ်းတစ်လျှောက်လုံး မှာ၊ ဂျူဟွာ ဟာ အမြဲတမ်း သိုသိုသိပ်သိပ် နေခဲ့ပြီး၊ တပ်မဟာကြီး ထဲမှာ တိတ်တဆိတ်ပဲ လိုက်ပါလာခဲ့ပါတယ်။ သူ အများကြီး မလုပ်ခဲ့ပရါဘူး။ ဒါပေမဲ့ ဖင်းဂေါ့ တစ်ပါးပါး ရဲ့ ဝိညာဉ် လွင့်စဉ်ပြီး စိတ်ဝိညာဉ် ပြိုကွဲသွားတဲ့ အခါတိုင်း၊ သူက နတ်ဘုရား ဝိညာဉ် အမြုတေ အမြောက်အမြား ကို စုပ်ယူခဲ့ပါတယ်။</p> <p> </p> <p>ဆယ်ရက် ကျော်ကျော်လေး ဆိုတဲ့ အချိန်တိုလေး ကို ကြည့်ပြီး အထင်မလွဲလိုက်ပါနဲ့။ ပြီးတော့ လမ်းတစ်လျှောက်လုံး မှာ ဖင်းဂေါ့ တွေက တကယ့် ခုခံမှု မျိုး မလုပ်နိုင်ခဲ့ဘူး ဆိုတဲ့ အချက် ကိုလည်း အထင်မသေးလိုက်ပါနဲ့။ တကယ်တမ်းကျတော့၊ ဂျူဟွာ အခု စုပ်ယူထားတဲ့ နတ်ဘုရား ဝိညာဉ် အမြုတေ ပမာဏ ဟာ ဆောင်းဦးတောင်ကုန်း မဟာရွှံ့နွံအိုင် စစ်ပွဲ တုန်းက သူ စုပ်ယူခဲ့တဲ့ စုစုပေါင်း ပမာဏ ထက်တောင် ကျော်လွန်နေပါပြီ။</p> <p> </p> <p>ပြီးတော့ အခု စစ်ပွဲ က တကယ် စတင်ရသေးတာ မှ မဟုတ်တာ။</p> <p> </p> <p>...</p> <p> </p> <p>သာမန် ဒေသခံ ဖင်းဂေါ့ တွေနဲ့ မတူတာက၊ သွေးနီရောင်မီးလျှံ အင်ပါရီယာ နတ်ဘုရား ဟာ လူသားမျိုးနွယ် ရဲ့ ကျင့်ကြံခြင်း ယဉ်ကျေးမှု နဲ့ နက်နက်ရှိုင်းရှိုင်း ထိတွေ့ခဲ့ဖူးပါတယ်။ သူကိုယ်တိုင် လူသားမျိုးနွယ် ရဲ့ ကျင့်ကြံခြင်း နည်းလမ်း တွေကို သင်ယူခဲ့ရုံ သာမက၊ သူ့ရဲ့ လက်အောက်ခံ ဖင်းဂေါ့ တွေကို သင်ယူစေဖို့ အတွက်လည်း ပြန်ယူလာခဲ့ပါသေးတယ်။</p> <p> </p> <p>မရေမတွက်နိုင်တဲ့ နှစ်ပေါင်းများစွာ အတွင်း၊ သွေးနီရောင်မီးလျှံ အင်ပါရီယာ နတ်ဘုရား တည်ထောင်ခဲ့တဲ့ ဖင်းဂေါ့ နိုင်ငံတော် ထဲမှာ တားမြစ်အစီအရင် ပညာရှင်ကြီးတွေ မရှားပါဘူး။</p> <p> </p> <p>သွေးနီရောင်မီးလျှံ နတ်ဘုရား တောင်တော် ဟာ သွေးနီရောင်မီးလျှံ အင်ပါရီယာ နတ်ဘုရား ရဲ့ အသိုက်အမြုံ ဖြစ်တဲ့ အတွက်၊ သူ့ပတ်ဝန်းကျင် မှာ မရေမတွက်နိုင်တဲ့ ကြောက်မက်ဖွယ် ကောင်းတဲ့ တားမြစ်အစီအရင် ကြီးတွေ နဲ့ ပြည့်နှက်နေပါတယ်။ သွေးနီရောင်မီးလျှံ အင်ပါရီယာ နတ်ဘုရား ကိုယ်တိုင် ကြီးကြပ်နေတာ နဲ့ပါ ပေါင်းလိုက်တော့၊ တပ်မဟာကြီး ဟာ တစ်ဟုန်ထိုး ဝင်မတိုက်ရဲတော့ပါဘူး။</p> <p> </p> <p>"ချိယန် (ဝါ) သွေးနီရောင်မီးလျှံ နတ်ဘုရား.. ဒီ လောကသုံးပါး ဟာ အဆုံးမှာတော့ ငါတို့ လူသားမျိုးနွယ် ရဲ့ လောကသုံးပါး ပဲ။ တကယ်လို့ မင်း အခု လိမ္မာပါးနပ်စွာ အညံ့ခံမယ် ဆိုရင်၊ မင်းရဲ့ အသက်ကို ငါ အာမခံနိုင်တယ်။ မဟုတ်ရင်တော့၊ ဒီ လိပ်ခွံ ကြီး ကလည်း မင်းကို ကာကွယ်ပေးနိုင်မှာ မဟုတ်ဘူး။"</p> <p> </p> <p>တုန်းယွိ အစစ်အမှန် အင်မော်တယ် ဟာ ကောင်းကင်ယံ မှာ ရပ်နေပြီး၊ သူ့ရဲ့ အသံ က အလွှာလိုက် အလွှာလိုက် ရှိနေတဲ့ တားမြစ်အစီအရင် ကြီးတွေကို ဖောက်ထွင်းပြီး၊ ဝင်္ကပါ အထဲကို ဆုတ်ခွာသွားကြတဲ့ မရေမတွက်နိုင်တဲ့ ဖင်းဂေါ့ တွေရဲ့ နားထဲကို ကြားလိုက်ရပါတော့တယ်။</p> <p> </p> <p>ဒီအသံ က တန်ခိုးစွမ်းအား တစ်ခု ပိုင်ဆိုင်ထားသလိုပဲ၊ တစ်ခဏ အတွင်းမှာ တိုက်ခိုက်လိုစိတ်တွေနဲ့ တက်ကြွနေတဲ့ ဖင်းဂေါ့ အများအပြား ဟာ စိတ်ဓာတ်ကျ သွားကြပါတော့တယ်။</p> <p> </p> <p>"ဟမ့်"</p> <p> </p> <p>နတ်ဘုရား တောင်တော် ထဲကနေ အေးစက်တဲ့ နှာခေါင်းရှုံ့သံ တစ်ခု ရုတ်တရက် ထွက်ပေါ်လာပါတယ်။ မျက်စိနဲ့ မမြင်နိုင်တဲ့ တန်ခိုးစွမ်းအား တစ်ခု ပျံ့နှံ့သွားပြီး၊ တုန်းယွိ အစစ်အမှန် အင်မော်တယ်ရဲ့ အသံ ကို မျက်တောင်တစ်ခတ် အတွင်းမှာတင် ချေမှုန်းလိုက်ပါပြီ။</p> <p> </p> <p>အဲဒီ ပုံရိပ်ယောင် လွှမ်းမိုးမှု ခံခဲ့ရတဲ့ ဖင်းဂေါ့ တွေ လည်း တစ်ယောက်ပြီး တစ်ယောက် ပုံမှန် အခြေအနေ ကို ပြန်ရောက်သွားကြပါတော့တယ်။</p> <p> </p> <p>ဝှစ်။</p> <p> </p> <p>တစ်ကိုယ်လုံး မီးတောက်လို နီရဲနေပြီး အနက်ရောင် သားရေဘောင်းဘီ တစ်ထည် တည်းကိုပဲ ဝတ်ဆင်ထားတဲ့ ပုံရိပ် တစ်ခု ဟာ သွေးနီရောင်မီးလျှံ နတ်ဘုရား တောင်တော် ရဲ့ အထက် ကောင်းကင်ယံ မှာ ပေါ်လာပါတယ်။</p> <p> </p> <p>"အရှုံးသမားတွေကများ၊ ဒီလောက်တောင် ရိုင်းရိုင်းစိုင်းစိုင်း ပြောရဲသလား"</p> <p> </p> <p>မီးတောက်လို နီရဲနေတဲ့ ပုံရိပ် က လှောင်ပြောင်လိုက်ပါတယ်။</p> <p> </p> <p>"အလစ်အငိုက် တိုက်ခိုက်ရတဲ့ အားသာချက် သာ မရှိခဲ့ဘူး ဆိုရင်၊ မင်းတို့လို လူရမ်းကား အုပ်စု က ဒီနေရာကို ရောက်လာနိုင်ပါ့မလား။ စကားပြောတာတွေ တော်ပြီ၊ တိုက်ချင်ရင် လာတိုက်လှည့်။"</p> <p> </p> <p>"ဟက် ဟက်... အရှုံးသမား ဟုတ်လား။ သွေးနီရောင်မီးလျှံ နတ်ဘုရား... မင်းက ငါတို့ထက် နည်းနည်းလေးပဲ ပိုအစွမ်းထက်တာပါ။ ဒီတစ်ခါ၊ ငါတို့ သုံးယောက် ပူးပေါင်းလိုက်ပြီ ဆိုမှတော့ မင်း သေချာပေါက် ရှုံးမှာပဲ။ မင်းကိုယ်မင်း ပျက်စီးမယ့် လမ်းကို မရွေးဖို့ ငါ အကြံပေးချင်တယ်။"</p> <p> </p> <p>စကားပြောလိုက်သူ ကတော့ ပိုင်ဟို အစစ်အမှန် အင်မော်တယ် ပါပဲ။ သူ့ရဲ့ အသွင်အပြင် က သာမန် လယ်သမား အိုကြီး တစ်ယောက်လို ဖြစ်ပြီး၊ ဘာခြိမ်းခြောက်မှု မှ မရှိပုံ ရပေမဲ့၊ တကယ်တမ်းကျတော့ ပိုင်ဟို အစစ်အမှန် အင်မော်တယ် ဟာ ဘာကိုမှ ဂရုမစိုက်ဘဲ ပြုမူတတ်သူ ဖြစ်ပြီး၊ သူ့ကို အထင်သေးရဲတဲ့ ဘယ်သူမဆို သေချာပေါက် အဆုံးသတ် မလှ ဖြစ်ရစမြဲပါ။</p> <p> </p> <p>"ဟား ဟား"</p> <p> </p> <p>နောက်ဆုံး ကျန်တဲ့ ထျန်းနျူ အင်ပါရီယာ နတ်ဘုရား က အေးစက်စက် ရယ်မောလိုက်ပေမဲ့၊ သူ သိပ်ပြီး စကားမများပါဘူး။</p> <p> </p> <p>ဒီတစ်ခါတော့၊ သူက တုန်းယွိ အစစ်အမှန် အင်မော်တယ် နဲ့ ပိုင်ဟို အစစ်အမှန် အင်မော်တယ် တို့နဲ့ ပူးပေါင်းပြီး သွေးနီရောင်မီးလျှံ အင်ပါရီယာ နတ်ဘုရား ကို ရှင်းလင်းပစ်ဖို့ စိတ်ပိုင်းဖြတ်ထားပါတယ်။ သူတို့ သူ့ကို မသတ်နိုင်ဘူး ဆိုရင်တောင်၊ ဒီ အဓိက ကမ္ဘာကြီး ထဲကနေ မောင်းထုတ်ပစ်ပြီး၊ ဘယ်တော့မှ ပြန်မလာရဲအောင် လုပ်ပစ်မှာပါ။</p> <p> </p> <p>...</p> <p> </p> <p>အစစ်အမှန် အင်မော်တယ် နှစ်ပါး နဲ့ အင်ပါရီယာ နတ်ဘုရား နှစ်ပါး၊ လူလေးယောက် တို့ဟာ မြင့်မားတဲ့ ကောင်းကင်ယံ မှာ အချိန် အတော်ကြာအောင် စကားစစ်ထိုး နေခဲ့ကြပါတယ်။ အဲဒီနောက်မှာတော့၊ တုန်းယွိ အစစ်အမှန် အင်မော်တယ် နဲ့ ကျန်တဲ့ နှစ်ယောက် ဟာ ထပ်ပြီး တုံ့ဆိုင်းမနေတော့ပါဘူး။ သူတို့ရဲ့ သက်ဆိုင်ရာ မျိုးနွယ်စု တွေအပေါ် သစ္စာရှိတဲ့ တပ်ဖွဲ့တွေရဲ့ ရှေ့ကို ထွက်လာခဲ့ပြီး၊ အသံကျယ်ကျယ် နဲ့ အော်ပြောလိုက်ကြပါတယ်။</p> <p> </p> <p>"စုပေါင်း တားမြစ်အစီအရင် ဝင်္ကပါ ကို ဖွဲ့စည်းစမ်း။"</p> <p> </p> <p>ဝှစ်။ ဝှစ်။ ဝှစ်။</p> <p> </p> <p>အင်မော်တယ် ငါးသိန်း ဟာ တစ်ပြိုင်နက်တည်း လှုပ်ရှားလိုက်ကြပြီး၊ လီ တစ်သန်း အချင်းဝက် အတွင်းမှာ ရှိတဲ့ ကောင်းကင်နဲ့ မြေကြီး ရဲ့ မူလ ကီစွမ်းအင် တွေဟာ ဒီအရပ်မျက်နှာ ဆီကို ရူးစရာ ကောင်းလောက်အောင်ကို စုဝေးလာကြပါတော့တယ်။</p> <p> </p> <p>သိပ်မကြာခင်မှာပဲ၊ တုန်းယွိ အစစ်အမှန် အင်မော်တယ် ရဲ့ အနောက်ဘက် မှာ၊ မျက်နှာ မှုန်ဝါးဝါး နဲ့ ပေ သောင်းချီ မြင့်တဲ့ ဧရာမ နတ်ဘုရားကြီး ရှစ်ယောက် ဟာ တစ်ယောက်ပြီး တစ်ယောက် ပေါ်ထွက်လာပါတယ်။</p> <p> </p> <p>ပိုင်ဟို အစစ်အမှန် အင်မော်တယ် ရဲ့ အနောက်ဘက် မှာတော့၊ ဧရာမ မြွေလို သားရဲကြီး ရှစ်ကောင် ပေါ်ထွက်လာပါတယ်။ ဒီ မြွေလို သားရဲကြီး တွေဟာ တစ်ကိုယ်လုံး အနက်ရောင် ဖြစ်ပြီး ပေ သောင်းချီ ရှည်လျားပါတယ်။ သူတို့ထဲက ဘယ်တစ်ခုကမှ မလှုပ်ရှားရသေးဘူး ဆိုပေမဲ့၊ သူတို့ရဲ့ တန်ခိုးစွမ်းအားက ကြောက်စရာ ကောင်းနေပါပြီ။</p> <p> </p> <p>ထျန်းနျူ အင်ပါရီယာ နတ်ဘုရား ဘက်မှာတော့၊ နွားခေါင်း နဲ့ ဧရာမ နတ်ဘုရားကြီး ရှစ်ယောက် ပေါ်ထွက်လာပါတယ်။ တစ်ယောက်ချင်းစီ က ကောင်းကင်ကို ထိမတတ် မြင့်မားပြီး မြေကြီးပေါ်မှာ မားမားမတ်မတ် ရပ်နေကာ၊ အဆုံးမရှိတဲ့ ခွန်အား တွေကို ပိုင်ဆိုင်ထားသလိုပါပဲ။</p> <p> </p> <p>"ဒါက မျိုးနွယ်စုကြီး တစ်ခုစီရဲ့ အခြေခံ အုတ်မြစ် ပဲလား"</p> <p> </p> <p>ဂျူဟွာ က ဒီ ဧရာမ သားရဲကြီး တွေနဲ့ ဧရာမ နတ်ဘုရားကြီး တွေကို အဝေးကနေ ကြည့်ရင်း၊ သူ့စိတ်ထဲမှာ သက်ပြင်း ဖွဖွလေး ချလိုက်ပါတယ်။</p> <p> </p> <p>ဒီ ဧရာမ နတ်ဘုရားကြီး တွေ ဒါမှမဟုတ် ဧရာမ သားရဲကြီး တွေ တစ်ခုချင်းစီ ကို ကောင်းကင်အင်မော်တယ် တစ်ရာ နီးပါး နဲ့ လွတ်မြောက်အင်မော်တယ် သောင်းချီ က ဖွဲ့စည်းထားတာပါ။ တကယ်လို့ ဒီ အင်အားစု တွေကိုသာ လူစုခွဲလိုက်မယ် ဆိုရင်၊ သူတို့က တကယ်ကို ဘာမှ မဟုတ်တော့ပါဘူး။ အင်ပါရီယာ နတ်ဘုရား နဲ့ အစစ်အမှန် အင်မော်တယ် တစ်ပါးပါး က သူတို့ကို အလွယ်တကူ သတ်ဖြတ်နိုင်မှာပါ။</p> <p> </p> <p>ဒါပေမဲ့ ဒီ စုပေါင်းတားမြစ်အစီအရင် ဝင်္ကပါကြီး ကို ဖွဲ့စည်းလိုက်ပြီ ဆိုတာနဲ့၊ အားနည်းတဲ့ အင်ပါရီယာ နတ်ဘုရား နဲ့ အစစ်အမှန် အင်မော်တယ် တစ်ပါး ကိုတောင် ရင်ဆိုင်နိုင်စွမ်း ရှိသွားပြီ လို့ ခန့်မှန်းရပါတယ်။</p> <p> </p> <p>ဒါပေမဲ့ ဒီ တားမြစ်အစီအရင် ကြီး တွေက တကယ်တော့ သိပ်ပြီး ထူးခြားတဲ့ အရာတွေ မဟုတ်ဘူး ဆိုတာကိုလည်း ဂျူဟွာ သိပါတယ်။</p> <p> </p> <p>"ဓားတန်ခိုးရှင်၏ ဒဏ္ဍာရီ" ဝတ္ထုထဲမှာ ပါတဲ့ တကယ့်ကို အစွမ်းထက်တဲ့ ကောင်းကင်အင်မော်တယ် အဆင့် စုပေါင်းတားမြစ်အစီအရင် ကြီး တွေ ဆိုတာ ကောင်းကင်အင်မော်တယ် တစ်ထောင် နီးပါး နဲ့ လွတ်မြောက်အင်မော်တယ် သိန်းကျော် က ဖွဲ့စည်းထားတာ ဖြစ်သင့်ပါတယ်။ အဲဒီလို စုပေါင်းတားမြစ်အစီအရင် ကြီး မျိုးသာ ဖွဲ့စည်းလိုက်ပြီ ဆိုရင်၊ သာမန် အင်ပါရီယာ နတ်ဘုရား နဲ့ အစစ်အမှန် အင်မော်တယ် တွေတောင် ယှဉ်နိုင်မှာ မဟုတ်ပါဘူး။</p> <p> </p> <p>တုန်းယွိ မျိုးနွယ်စု၊ ထျန်းနျူ မျိုးနွယ်စု နဲ့ ပိုင်ဟို မျိုးနွယ်စု တို့ရဲ့ အခြေခံ အုတ်မြစ် တွေနဲ့ဆိုရင်၊ ဒီလို တားမြစ်အစီအရင် ကြီး တွေကို ထုတ်ဖော်ပြသ နိုင်တာ ကတင် အံ့ဩစရာ ကောင်းဖို့ လုံလောက်နေပါပြီ။</p> <p> </p> <p>"တားမြစ်အစီအရင်တွေကို ဖျက်ဆီးစမ်း။"</p> <p> </p> <p>တုန်းယွိ အစစ်အမှန် အင်မော်တယ် ရဲ့ အမိန့်ပေးသံ နဲ့အတူ၊ သူ့အနောက်က ဧရာမ နတ်ဘုရားကြီး ရှစ်ယောက် ဟာ သွေးနီရောင်မီးလျှံ နတ်ဘုရား တောင်တော် ဆီကို တိုက်ရိုက် ခြေလှမ်း သွားကြပါတော့တယ်။ ထျန်းနျူ အင်ပါရီယာ နတ်ဘုရား နဲ့ ပိုင်ဟို အစစ်အမှန် အင်မော်တယ် တို့ကလည်း သဘာဝကျကျပဲ နောက်ကောက်ကျ မခံပါဘူး။ သူတို့လည်း တူညီတဲ့ အမိန့်မျိုး ကို ပေးလိုက်ကြပါတယ်။</p> <p> </p> <p>ဝုန်း။ ဝုန်း။ ဝုန်း။</p> <p> </p> <p>ကြမ်းတမ်းတဲ့ တိုက်ခိုက်မှု တွေ ဟာ တစ်ခုပြီး တစ်ခု ကျဆင်းလာပြီး၊ သွေးနီရောင်မီးလျှံ နတ်ဘုရား တောင်တော် ရဲ့ မျက်နှာပြင် ကို ဖုံးလွှမ်းထားတဲ့ တားမြစ်အစီအရင် ကြီး ဟာ မျက်တောင်တစ်ခတ် အတွင်းမှာပဲ ယိမ်းယိုင်လာပါတော့တယ်။</p> <p> </p> <p>သွေးနီရောင်မီးလျှံ နတ်ဘုရား တောင်တော် ထဲက ဖင်းဂေါ့ တွေကလည်း အရှုံးပေးမှာ မဟုတ်ပါဘူး။ တားမြစ်အစီအရင် ကြီး ထဲမှာ ပုန်းအောင်းနေရင်း နဲ့၊ သူတို့လည်း တိုက်ပွဲဝင် တားမြစ်အစီအရင် ဝင်္ကပါ တွေကို တစ်ခုပြီး တစ်ခု ဖွဲ့စည်းလိုက်ကြပြီး၊ တားမြစ်အစီအရင် ဝင်္ကပါအပြင်ဘက် က ဧရာမ နတ်ဘုရားကြီး တွေကို ဒေါသတကြီး ပြန်လည် တိုက်ခိုက်ကြပါတော့တယ်။</p> <p> </p> <p>ဒါပေမဲ့ ဒီ ဒေသခံ ဖင်းဂေါ့ တွေဟာ လူသားမျိုးနွယ် ရဲ့ အမွေအနှစ်အများအပြား ကို သင်ယူထားတယ် ဆိုပေမဲ့၊ သူတို့ရဲ့ အခြေခံ အုတ်မြစ် ဟာ အဆုံးမှာတော့ တိမ်ကောလွန်း နေပါသေးတယ်။ သူတို့ရဲ့ တားမြစ်အစီအရင် ကြီး တွေက အဓိက မျိုးနွယ်စုကြီး သုံးခုရဲ့ တားမြစ်အစီအရင် ကြီး တွေနဲ့ လုံးဝကို မယှဉ်နိုင်ပါဘူး။ဒါကြောင့် ဖင်းဂေါ့ တွေရဲ့ တိုက်ခိုက်မှု တွေကို ရင်ဆိုင်ရတဲ့ အခါ၊ သွေးနီရောင်မီးလျှံ နတ်ဘုရား တောင်တော် အပြင်ဘက် က ဧရာမ နတ်ဘုရားကြီးနဲ့ သားရဲကြီး ၂၄ကောင်ဟာ အဲဒါတွေကို လျစ်လျူရှု ထားလိုက်ကြပါတော့တယ်။</p> <p> </p> <p>(မူရင်း စာရေးသူ အမှာ။ တောင်းပန်ပါတယ်။ မနေ့က လွတ်မြောက်အင်မော်တယ် တွေရဲ့ အရေအတွက် ကို ရေးတုန်းက၊ "သောင်းဂဏန်း" ကို "လူဆယ်ဂဏန်း" လို့ ရေးမိသွားပါတယ်။ ကျောင်းနေဖက် သူငယ်ချင်း တစ်ယောက် က သတိပေးလို့၊ ဒီနေ့ မြင်မှပဲ သတိထားမိလို့ပါ။)</p> <p> </p> <p> </p> <p style="text-align: center;">***</p>


Save