Book List

<h2 style="text-align: center;">အခန်း ၉၃၈</h2> <h2 style="text-align: center;">စမ်းသပ်တိုက်ခိုက်ခြင်းနှင့် လေယာဉ်ပစ် ဒုံးပျံများ</h2> <h2 style="text-align: center;">*</h2> <p> </p> <p>“ဟုတ်ကဲ့။”</p> <p>ကျန်းယွင်ထျန်းက ပြန်ဖြေပြီးနောက် ရှောင်းယီပေးအပ်လိုက်သော ရေဒါစက်ကိုယူကာ ထွက်ခွာသွားတော့သည်။</p> <p>မကြာမီမှာပင် ကျန်းယွင်ထျန်းက ဖုန်းဆက်လာခဲ့သည်။</p> <p>“ကျွန်းပိုင်ရှင် မင်းခန့်မှန်းတာ မှန်တယ်။ တခြားမသေမျိုးကျွန်းတွေမှာလည်း ရန်သူအသစ်တွေ ပေါ်လာပြီ။ အားလုံးက ငှက်ကြီးတွေနဲ့ တူတယ်။”</p> <p>“သူတို့က သူတို့ကျွန်းပေါ်မှာပဲ နေနေတာလား။”</p> <p>ရှောင်းယီက ထပ်ဆင့်မေးလိုက်သည်။</p> <p>“ဟုတ်တယ်။ သူတို့ ကျွန်းပေါ်မှာပဲ ငြိမ်နေကြပြီး ဘာလှုပ်ရှားမှုမှ ထပ်မလုပ်သေးဘူး။”</p> <p>ကျန်းယွင်ထျန်းက ပြန်ဖြေလိုက်သည်။</p> <p>“ကောင်းပြီ။ ဝေဟင်က တိုက်ခိုက်မှုတွေကို သတိထားဖို့ ရှေ့တန်းတပ်တွေကို ထပ်ပြီး သေချာမှာထားလိုက်ပါ။”</p> <p>ရှောင်းယီက အထပ်ထပ်အခါခါ ညွှန်ကြားလိုက်၏။</p> <p>“ဟုတ်ကဲ့။”</p> <p>ဖုန်းချပြီးနောက် ရှောင်းယီသည် သူ့ရှေ့ရှိကျွန်းကိုကြည့်ကာ မျက်မှောင်ကြုတ်လိုက်၏။</p> <p>“မင်းတို့တွေ ဘယ်တော့မှ လှုပ်ရှားမှာလဲ။”</p> <p>ထိုအခါ ဘေးနားရှိ ပိုင်ချီက ဆိုသည်။</p> <p>“ကျွန်းပိုင်ရှင် ကျုပ်တို့ဘက်က အရင်စတိုက်ကြည့်ရင်ကော။ ရေဒါမှာကြည့်ရသလောက် လင်းတတချို့က ကျုပ်တို့ကမ်းခြေနဲ့ တော်တော်လေး နီးနေသလိုပဲ။ လောင်လွှဲတွေနဲ့ စမ်းကြည့်မလား။”</p> <p>လောက်စလုံးဖြင့် အခြေအနေကို စမ်းသပ်ခြင်း။</p> <p>“အကြံကောင်းပဲ။ လောက်လွှဲတွေကို ယူလာပြီး စမ်းကြည့်လိုက်ပါ။”</p> <p>ရှောင်းယီက ခေါင်းငြိမ့်ကာ အမိန့်ပေးလိုက်သည်။</p> <p>“ဟုတ်ကဲ့။”</p> <p>ယခုအခါ ရှောင်းယီနှင့် တခြားသူများသည် ကမ်းခြေသို့ ပြန်ရောက်နေပြီဖြစ်ရာ ရန်သူကို စိတ်ကြိုက်ရန်စနိုင်ပြီဖြစ်သည်။ အနှေးနှင့်အမြန် တိုက်ရမည့်အတူတူ အရင်လက်ဦးမှုယူလိုက်ခြင်းပင်။</p> <p>“ကျွန်းပိုင်ရှင် အားလုံးအသင့်ဖြစ်ပါပြီ။”</p> <p>ပိုင်ချီက အလျင်အမြန် ပြန်လာပြီး သတင်းပို့လာခဲ့သည်။</p> <p>“ပစ်...”</p> <p>ရှောင်းယီ၏ အမိန့်နှင့်အတူ လောင်လွှဲများသည် ကျောက်တုံးကြီးများကို ချက်ချင်း ပစ်လွှတ်လိုက်တော့၏။</p> <p>ဝှစ်... ဝှစ်... ဝှစ်...</p> <p>အရိုးစုလင်းတများသည် အနားယူနေကြပုံရပြီး သူတို့၏ တုံ့ပြန်မှုမှာ တစ်ဝက်ခန့် နှောင့်နှေးသွားခဲ့သည်။</p> <p>ဖြောင်း</p> <p>ဂျွတ်</p> <p>ကျောက်တုံးကြီးတစ်တုံးသည် အရိုးစုလင်းတတစ်ကောင်ကို တည့်တည့်ထိမှန်သွားပြီး ၎င်း၏ တစ်ကိုယ်လုံးရှိ အရိုးများမှာ တစစီ ကြေမွသွားတော့သည်။ ယခုအခါ အရိုးစုကျွန်းသည် ငြိမ်သက်နေသော ရေကန်ထဲသို့ ကျောက်ခဲတစ်လုံး ပစ်ချလိုက်သကဲ့သို့ လှုပ်ခတ်သွားချေပြီ။</p> <p>အတောင်ပံခတ်သံများနှင့်အတူ အရိုးစုကျွန်းတစ်ခုလုံးပေါ်တွင် အနက်ရောင်တိမ်တိုက်ကြီးတစ်ခု တက်လာသကဲ့သို့ လင်းတအုပ်ကြီး ပျံတက်လာခဲ့သည်။</p> <p>“အားလုံးပဲ။ လေးကြောင်းတိုက်ခိုက်မှုကို ရင်ဆိုင်ဖို့ ပြင်ထားကြ။”</p> <p>ရှောင်းယီက ချက်ချင်း အမိန့်ပေးလိုက်၏။</p> <p>“ဟုတ်ကဲ့။”</p> <p>မြေပြင်ပေါ်ရှိ အရိုးစုများ၏ တိုက်ခိုက်မှုက မရပ်တန့်သေးသလို ယခု လေးကြောင်းတပ်ဖွဲ့များပါ ရောက်လာပြီဖြစ်သည်။ ကျန်းယွင်ထျန်းသည် လေကြောင်းတပ်ဖွဲ့ကို ကိုင်တွယ်ရန် တပ်ဖွဲ့တစ်ဖွဲ့ သီးသန့်စီစဉ်ထားသော်လည်း ဤအခြေအနေက လူတိုင်းအပေါ် စိတ်ပိုင်းဆိုင်ရာအရ ဖိအားအနည်းငယ် ပေးနေဆဲပင်။</p> <p>လွှဲစင်ကြီးများကြောင့် လန့်နိုးသွားကြသော အရိုးစုလင်းတများသည် ယီရန်ပင်းမဟာမိတ်အဖွဲ့၏ အနောက်ဘက်ကျွန်းကို ချက်ချင်း တိုက်ခိုက်ကြတော့၏။ ထိုအခါ ကြိုတင်ပြင်ဆင်ထားသော မြှားတွန်းလှည်းများနှင့် ဒူးလေးကြီးများသည် ထိုအရိုးစုလင်းတများအား ချက်ချင်းပင် စတင်ပစ်ခတ်ကြတော့သည်။</p> <p>သို့သော် ကောင်းကင်သို့ ပစ်ရသည်ဖြစ်ရာ မြှားများ၏ အရှိန်မှာ အကန့်အသတ် ရှိနေခဲ့၏။ လင်းတများက အနည်းငယ် ခပ်မြင့်မြင့် ပျံသန်းလိုက်သည်နှင့် မြှားများက သူတို့ကို ထိခိုက်မှု မပေးနိုင်တော့ပေ။</p> <p>“လေကြောင်းရန်ကာကွယ်ရေးဒုံးပျံ၊ ဒူးလေးနဲ့ မြှားတွန်းလှည်းတွေကို သုံးပြီး သူတို့ရဲ့ ထိုးဆင်းတိုက်ခိုက်မှုကို ကာကွယ်ကြ။”</p> <p>ရှောင်းယီက အသံနက်ကြီးဖြင့် အမိန့်ပေးသည်။</p> <p>“ဟုတ်ကဲ့...။”</p> <p>ဝှစ်...ဝှစ်...ဝှစ်...</p> <p>လေကြောင်းတပ်ဖွဲ့များကို တိုက်ခိုက်ရန် သီးသန့်ဒီဇိုင်းထုတ်ထားသော လေကြောင်းရန်ကာကွယ်ရေးဒုံးပျံများသည် ၎င်းတို့၏ စွမ်းဆောင်ရည်ကို ချက်ချင်းပင် ပြသလိုက်တော့သည်။</p> <p>ဘုန်း...ဘုန်း....ဘုန်း</p> <p>အရိုးစုလင်းတများမဇာ အုပ်စုလိုက် ပစ်ချခံလိုက်ရ၏။ ခဏအတွင်းမှာပင် ကောင်းကင်မှ လင်းတမိုးများ ရွာချလာသကဲ့သို့ ဖြစ်သွားခဲ့လေသည်။</p> <p>ရှောင်းယီသည် လင်းတများ၏ လှုပ်ရှားမှုကို ကြည့်ပြီး ၎င်းတို့သည် ခံစစ်စည်းကို ကျော်ဖြတ်ကာ ကျွန်းအတွင်းပိုင်းသို့ တိုက်ရိုက်မသွားသည်ကို တွေ့လိုက်ရ၏။</p> <p>“ဟူး...”</p> <p>ရှောင်းယီ သက်ပြင်းချလိုက်မိသည်။</p> <p>အကယ်၍ ထိုလင်းတတွေသည် ခံစစ်စည်းကို လုံးဝဂရုမစိုက်ဘဲ ကျွန်းအတွင်းပိုင်းကို တိုးဝင်သွားမည်ဆိုပါက အတော်လေး ပြဿနာတက်နိုင်ပေသည်။ အတွင်းပိုင်းမှာ နေရာအလွန်ကျယ်ဝန်းပြီး မဟာမိတ်အဖွဲ့ဝင် အများစု နေထိုင်ကြ၏။ အကယ်၍ သူတို့သာ ကျူးကျော်ဝင်ရောက်လာပါက အသေအပျောက် အလွန်များပြားမည်ဖြစ်သည်။</p> <p>ဤသည်မှာ ကမ္ဘာ့စည်းမျဉ်းများ၏ အထူးစီစဉ်မှုတစ်ခု ဖြစ်ပုံရသည်။ အနည်းဆုံးတော့ အခုလောလောဆယ် သူတို့ ကျွန်းထဲကို ဇွတ်မတိုးဝင်ကြသေးချေ။</p> <p>သို့သော်လည်း ရှောင်းယီသည် သူ၏ စိုးရိမ်မှုကို ကျန်းယွင်ထျန်းအား ရှင်းပြလိုက်ပြီး ကျွန်းအတွင်းပိုင်းတွင်လည်း လေကြောင်းကာကွယ်ရေး တပ်ဖွဲ့များ ထားရှိရမည်ဖြစ်ကြောင်း ပြောကြားလိုက်၏။ မြေပြင်ကရန်သူကို တားဆီးရန် ခံစစ်စည်း တည်ဆောက်နိုင်သော်လည်း ဝေဟင်တပ်ဖွဲ့များကိုမူ လေကြောင်းကာကွယ်ရေးအဖွဲ့များဖြင့်သာ ကိုင်တွယ်နိုင်မည်ဖြစ်သည်။</p> <p>“ငါသာ စစ်လေယာဉ်တစ်စင်းလောက် ရခဲ့ရင် အကုန်ပစ်ချလိုက်လို့ ရတယ်။”</p> <p>ရှောင်းယီ တွေးလိုက်မိသည်။</p> <p>လေကြောင်းကာကွယ်ရေးဒုံးပျံများကြောင့် ထိုလင်းတများမှာ ဘာမှမတတ်နိုင်တော့ပေ။ မြင့်မြင့်ပျံလျှင် ဒုံးပျံများက ကြိုဆိုနေပြီး နိမ့်နိမ့်ပျံလျှင်မူ ပိုဆိုးကာ မြှားမိုးများက စောင့်ကြိုနေခဲ့သည်။ တိုက်ပွဲသည် နှစ်နာရီခန့် ကြာမြင့်ခဲ့ပြီး ခံစစ်စည်းတစ်ခုလုံးမှာ အရိုးစုလင်းတ အလောင်းများဖြင့် ပြည့်နှက်သွားတော့သည်။</p> <p>“အားလုံး သတိထားကြ။ ကာကွယ်ရေးဝတ်စုံ ဝတ်ထားတဲ့သူတွေကို ဒီအလောင်းတွေကို ရှင်းခိုင်းပြီး ပိုးသတ်ခိုင်းလိုက်။ နာ့နာက လူတိုင်းရဲ့ ခန္ဓာကိုယ်ကို စစ်ဆေးပေးလိမ့်မယ်။”</p> <p>ရှောင်းယီက ညွှန်ကြားလိုက်၏။</p> <p>“ဟုတ်ကဲ့။ ကျေးဇူးတင်ပါတယ် ကျွန်းပိုင်ရှင်။”</p> <p>တပ်သားများက တညီတညွတ်တည်း တုံ့ပြန်လိုက်ကြသည်။</p> <p>ယီရန်ပင်းမဟာမိတ်အဖွဲ့၏ တပ်သားများအနေဖြင့် သူတို့ကိုယ်သူတို့ အလွန်ပျော်ရွှင်နေမိကြ၏။ ဒေသခံအင်အားစုများ၏ တပ်သားဘဝတုန်းက မှော်ဆရာများသည် သူတို့ကို ကိရိယာများသဖွယ် အသုံးချခဲ့ပြီး အသက်အန္တရာယ်ကို လုံးဝဂရုမစိုက်ခဲ့ကြပေ။ သို့သော် ဤမဟာမိတ်အဖွဲ့ထဲတွင်မူ တပ်သားများသည် ဘက်စုံစောင့်ရှောက်မှုကို ရရှိကြပြီး ဒဏ်ရာရပါက သို့မဟုတ် ဖျားနာပါက ဦးစားပေးကုသမှုကို ရရှိကြပေသည်။ ဤနေရာရှိ တပ်သားတိုင်းသည် မဟာမိတ်အစောင့်တပ်ဖွဲ့ဝင် ဖြစ်ရသည်ကို အလွန်ဂုဏ်ယူကြ၏။</p> <p>ဝေဟင်မှ လင်းတများကို ဖြေရှင်းပြီးနောက် နောက်တစ်ဆင့်မှာ မြေပြင်တပ်ဖွဲ့များနှင့် ဆက်လက်၍ အခြေအတင် တိုက်ခိုက်ရန်ဖြစ်သည်။</p> <p>“ပိုင်ချီ မင်း ခဏနေရင် အစ်ကိုကျန်းကို ဒီက တိုက်ပွဲအခြေအနေ သတင်းပို့လိုက်။ သူ မှီငြမ်းလို့ရအောင်လို့။ တခြားမသေမျိုးကျွန်းတွေမှာလည်း ဒီလိုအခြေအနေမျိုး ကြုံနေရမှာပဲ။”</p> <p>“ဟုတ်ကဲ့။”</p> <p>ထို့နောက် ရှောင်းယီသည် မြို့ပြန်ကျောက်ကို အသုံးပြုကာ သူ၏ အိပ်ခန်းသို့ ပြန်ရောက်လာခဲ့သည်။ စားပွဲပေါ်တွင် လက်ဖက်ရည်တစ်ခွက်နှင့် လှီးဖြတ်ထားသော သစ်သီးတစ်ပန်းကန် ရှိနေ၏။ လက်ဖက်ရည်နှင့် သစ်သီးကို ကိုင်ရင်း ရှောင်းယီသည် ကျွန်းအထိမ်းအမှတ်ကျောက်တိုင် ဘေး၌ ထိုင်လိုက်တော့သည်။</p> <p>“ငါ နေ့ဘက်မှာ ဖုတ်ကောင်တွေကို ဗုံးကြဲထားတော့ ညဘက်မှာ ဖိအားသိပ်မရှိဘူး။ ဒီအတိုင်းသာဆိုရင် နောက်ရက်အနည်းငယ်အတွင်း အဲ့ဒီကျွန်းက ဖုတ်ကောင်တွေကို ရှင်းပစ်နိုင်မယ်ထင်တယ်။”</p> <p>“အဲ့လောက် လွယ်လို့လား။ ငါ့မှာတော့ အရိုးစုတွေက မကုန်နိုင်ဘူးလို့တောင် ခံစားနေရတယ်။”</p> <p>“ဟုတ်တယ်။ မနေ့ညက တစ်ဝက်လောက် သတ်ပစ်လိုက်တာတောင် ဒီနေ့ကြည့်ရတာ တစ်ကောင်မှ လျော့မသွားသလိုပဲ။”</p> <p>“အုပ်လိုက်ကြီးပဲ။ ရေလို့တောင် မရဘူး။”</p> <p>“ကိစ္စမရှိပါဘူး။ ဘာပဲဖြစ်ဖြစ် အခု လက်နက်အေးတွေ ပေးထားတဲ့သူဌေး ရှိနေပြီဆိုတော့ ငါ ကောင်းကောင်း ခုခံနိုင်ပါတယ်။ အိပ်တောင် ပြန်အိပ်လို့ရတယ်။”</p> <p>“ဟုတ်တယ်။ ဒီတိုက်ပွဲက တစ်ရက်နှစ်ရက်နဲ့ ပြီးသွားမှာမဟုတ်ဘူး။”</p> <p>“ငါတော့ မနက်ဖြန် အပန်းဖြေစခန်းကို သွားကစားဖို့ ပြင်နေပြီ။ ဘာပဲဖြစ်ဖြစ် ခံစစ်စည်းမှာ စောင့်နေတဲ့သူတွေ ရှိနေတာပဲ။ တခြားအရာတွေက ပုံမှန်ပါပဲ။”</p> <p>“မင်းသေချာလို့လား။ ငါတို့ မဟာမိတ်အဖွဲ့ထဲက လူတွေ၊ အထူးသဖြင့် ရှေ့တန်းနဲ့ နီးတဲ့သူတွေရဲ့ အလုပ်လုပ်နိုင်စွမ်းက ကျဆင်းနေပြီနော်။”</p> <p>“ဟုတ်တယ်။ စစ်မြေပြင်က မင်းနဲ့ မဝေးဘူးဆိုတာ သိနေပြီး တစ်နေ့လုံး တိုက်ပွဲဖြစ်နေတာ ကြားနေရရင် မင်းကော မစိုးရိမ်ဘူးလား။ မကြောက်ဘူးလား။”</p> <p>“အင်း... အားလုံးကို ငါတို့ အေးအေးဆေးဆေး ကိုင်တွယ်နိုင်တယ်ဆိုတာ သိအောင် လုပ်ဖို့တော့ လိုမယ်ထင်တယ်။”</p> <p>“ဒါဆိုရင် လူတိုင်းကို ဖုန်းတစ်လုံးစီ ပေးထားဖို့ လိုလိမ့်မယ်။”</p> <p>“အမ်...အဲ့ဒီကုန်ကျစရိတ်က အရမ်းများလွန်းတယ်။ ငါတော့ ဝါဒဖြန့်ချိရေးသမားတစ်ယောက်ကို ရှေ့တန်းအခြေအနေကို ဖုန်းနဲ့ ဓာတ်ပုံရိုက်ခိုင်းပြီး တခြားလူတွေကို ပြန်ပြခိုင်းမယ်။”</p> <p>“မင်း မပင်ပန်းဘူးလား။”</p> <p>“မတတ်နိုင်ဘူးလေ။ ပိုက်ဆံသက်သာဖို့အတွက် ခြေကျင်ပဲ ပိုလျှောက်ရမှာပေါ့။”</p> <p>“အဲ့ဒါလည်း နည်းလမ်းတစ်ခုပဲ။ ငါလည်း အဲ့လိုပဲ လုပ်လိုက်မယ်။ ရှေ့တန်းမှာ ပြဿနာမရှိဘူးဆိုတာ လူတိုင်း သိသွားရင် စိတ်အေးသွားကြမှာပါ။”</p> <p>ထိုအရာကို မြင်သောအခါ ရှောင်းယီက ဝင်ပြောလိုက်သည်။</p> <p>“အားလုံးပဲ သတိထားကြပါ။ ငါတို့ မသေမျိုးတွေရဲ့ လေကြောင်းတပ်ဖွဲ့ကို ရှာတွေ့ထားတယ်။ လေကြောင်းကနေ တိုက်ခိုက်လာမှာကို သတိထားကြပါ။”</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save