Book List

<h2 style="text-align: center;">အခန်း ၉၃၉</h2> <h2 style="text-align: center;">မသေမျိုးလေကြောင်းတပ်ဖွဲ့နှင့် တိုက်ခိုက်ခြင်း</h2> <h2 style="text-align: center;">*</h2> <p> </p> <p>ရှောင်းယီ၏ သတိပေးချက်ကို မြင်ပြီးနောက် အဖွဲ့လိုက်စကားပြောခန်းအတွင်းရှိ လူတိုင်း ခဏမျှ တိတ်ဆိတ်သွားပြီးနောက် ပြန်လည်ဆွေးနွေးကြသည်။</p> <p>“ဘာလဲ...။ လေကြောင်းတပ်ဖွဲ့တွေပါ ရှိနေတာလား။”</p> <p>“မဖြစ်နိုင်တာ။ ငါ့ဘက်မှာတော့ မသေမျိုးလေကြောင်းတပ်ဖွဲ့ တစ်ခုမှ မတွေ့မိသေးဘူး။”</p> <p>“သူဌေးကြီးပြောတာ ဘယ်လိုလုပ်ပြီး မှားနိုင်မှာလဲ။ မြန်မြန်ပြင်ဆင်ကြတော့။ မင်းတို့ရဲ့ မဟာမိတ်အစောင့်တွေကို ကောင်းကင်ကို စောင့်ကြည့်ခိုင်းထားလိုက်။”</p> <p>“ဟုတ်တယ်။ ညဘက်ရောက်တာနဲ့ မြင်ကွင်းက တော်တော်ဆိုးသွားတာ။ လူတိုင်း ကောင်းကင်အခြေအနေကို သေချာစောင့်ကြည့်ကြရမယ်။”</p> <p>“အတိအကျပဲ။ ငါ့အထင် ညဘက်ဆိုရင် မြင်ကွင်းက မီတာတစ်ရာလောက်ပဲ ရှိမယ် ထင်တယ်။”</p> <p>“လေကြောင်းတပ်ဖွဲ့တွေက အမြင့်ကနေ ကျွန်းအတွင်းပိုင်းထဲအထိ ပျံဝင်လာကြမှာ မဟုတ်ဘူးမလား။ အဲ့လိုဆိုရင် ငါတို့ ဘယ်လိုကာကွယ်ရတော့မှာလဲ။”</p> <p>“ဘယ်လိုကာကွယ်ရမှာလဲ။ မီးပုံးပျံတွေ လွှတ်ပြီး ကြားဖြတ်တိုက်ခိုက်ရမှာပေါ့။”</p> <p>“မီးပုံးပျံတွေက သိပ်ပြီး မသွက်လက်ဘူး။ သူတို့ကိုသုံးပြီး ကြားဖြတ်တိုက်မယ်ဆိုရင် အရေအတွက် အများကြီးလိုလိမ့်မယ်။ တစ်လုံးနှစ်လုံးတည်းဆိုရင်တော့ အလွယ်လေး ပစ်မှတ်ဖြစ်သွားမှာပဲ။”</p> <p>ရှောင်းယီက အနည်းငယ်စဉ်းစားပြီးနောက် ဆက်ပြောလိုက်သည်။</p> <p>“ကျုပ်ရင်ဆိုင်ခဲ့ရတဲ့ ဝေဟင်တပ်ဖွဲ့တွေက ကျွန်းအတွင်းပိုင်းထဲအထိ ပျံသန်းမလာကြဘူး။ ဖြစ်နိုင်တာက အခုလောလောဆယ်တော့ သူတို့ အဲ့လိုမလုပ်သေးဘူး။ ဒါက ကမ္ဘာ့စည်းမျဉ်းတွေက ကျုပ်တို့ကို ပြင်ဆင်ချိန်ပေးထားတာ ဖြစ်နိုင်တယ်။”</p> <p>“သူဌေးကြီးကတော့ တကယ် အံ့သြစရာပဲ။ ဒါကိုတောင် တွေးမိသေးတယ်။ သူတို့က ပြင်ဆင်ချိန်ပေးထားတယ်ဆိုရင် ကျုပ်တို့ လေကြောင်းကျူးကျော်မှုကို ကိုင်တွယ်ဖို့ နည်းလမ်း အမြန်ရှာရမယ်။”</p> <p>“လက်ရှိမှာ ငါတို့ဆီမှာ အသုံးအများဆုံး လေကြောင်းတပ်ဖွဲ့က မီးပုံးပျံပဲရှိတယ်။ ဒါပေမဲ့ မီးပုံးပျံတွေက အရမ်းနှေးတယ်၊ သွက်လက်မှုမရှိဘူး။ တပ်သားတွေအတွက် နေရာလည်း သိပ်မရှိဘူး။ သွက်လက်တဲ့ လေကြောင်းတပ်ဖွဲ့တွေနဲ့ ယှဉ်ရရင်တော့ သူတို့မှာ အခွင့်အရေးရှိမှာ မဟုတ်ဘူး။”</p> <p>“အဲ့လိုဆိုရင်တော့ မြေပြင်ကနေပဲ ကာကွယ်ရတော့မယ်။ ကျွန်းရဲ့ နေရာတိုင်းမှာ လေကြောင်းကာကွယ်ရေးတပ်ဖွဲ့တွေ ရှိဖို့လိုလိမ့်မယ်။”</p> <p>“ဒါဆိုရင်တော့ သွားပြီပဲ။ ငါတို့ကျွန်းက အရမ်းကျယ်တယ်။ မြေပြင်တပ်ဖွဲ့တွေကို ကာကွယ်ဖို့တောင် အင်အားက မလောက်မငဖြစ်နေတာ။ လေကြောင်းကို ကာကွယ်ဖို့ လူအင်အား လုံးဝမထုတ်နိုင်ဘူး။”</p> <p>“ကျွန်းသေးတာက အားသာချက်ရှိတယ်ဆိုတာ အခုမှပဲ ငါသတိထားမိတော့တယ်။”</p> <p>“အတိအကျပဲ။ လူအင်အား နည်းနည်းနဲ့တင် မသေမျိုးတွေရဲ့ တိုက်ခိုက်မှုကို ကာကွယ်နိုင်တယ်။”</p> <p>“မင်းက အကောင်းမြင်လွန်းနေပြီ။ ရန်သူအရေအတွက်က တူတူပဲဆိုရင် ကျွန်းသေးလေလေ မသေမျိုးတွေက တိုက်စစ်ကို တစ်နေရာတည်း စုပြုံတိုက်ခိုက်နိုင်လေလေပဲ။ အဲ့ဒါကလည်း မလွယ်ဘူး။”</p> <p>“အားး... အစ်ကိုကြီးရာ ဒီကိစ္စကို အဲ့လောက်တောင် လက်တွေ့ကျပြနေဖို့ လိုလို့လား။”</p> <p>“ကျွန်းသေးရင် ရင်ဆိုင်ရတဲ့ မသေမျိုးအရေအတွက်လည်း နည်းရင်နည်းမှာပေါ့။ ဘယ်သူမှ တိတိကျကျ မပြောနိုင်ဘူးလေ။”</p> <p>“မင်းတို့ ဒီမှာ စကားများနေမယ့်အစား လေကြောင်းခံစစ်တွေကို အမြန်သွားစီစဉ်လိုက်ကြပါလား။”</p> <p>“ငါတို့ကိုယ်တိုင် သွားနေဖို့ မလိုပါဘူး။ အမိန့်ပေးလိုက်ရင် ရပြီ။ အရာရာကို ကိုယ်တိုင်လိုက်လုပ်နေရင် ငါတို့ ပင်ပန်းပြီး သေကုန်မှာပေါ့။”</p> <p>“အပေါ်ကလူ ပြောတာမှန်တယ်။ ဒါကမှ တကယ့် စီမံခန့်ခွဲမှုအစစ်ပဲ။ လက်လွှတ်တတ်ဖို့ သင်ယူရမယ်။”</p> <p>“ထားလိုက်ပါတော့။ ကုမ္ပဏီတစ်ခုကို စီမံခန့်ခွဲတာဆိုရင်တော့ မှန်နိုင်ပေမဲ့ အခုက ငါ့အသက်နဲ့ ရင်းနေရတာလေ။ ကိုယ်တိုင် ကိုင်တွယ်မှပဲ စိတ်ချရမယ်။”</p> <p>ထိုစဥ် ရှောင်းယီက မနေနိုင်ဘဲ ထပ်မေးလိုက်သည်။</p> <p>“အားလုံးပဲ အခုထိ မသေမျိုးလေကြောင်းတပ်ဖွဲ့နဲ့ မတွေ့ကြသေးဘူးလား။”</p> <p>“မတွေ့ရသေးဘူး။”</p> <p>လူတိုင်းက တန်းစီပြီး ပြန်ဖြေလာခဲ့ကြသည်။</p> <p>“သူဌေးကြီးက အခြေအနေ အရမ်းကောင်းနေလို့ မသေမျိုးတွေက သူ့ကို အထူးဂရုစိုက်နေတာလား မသိဘူး။”</p> <p>“အဲ့ဒီအချက်ကိုတော့ ပယ်ထုတ်လို့မရဘူး။ ဖြစ်နိုင်ရင်တော့ အဲ့လိုပဲ ဖြစ်ပါစေ။ ဒါမှ ငါတို့ အဲ့ဒီပျံနိုင်တဲ့ကောင်တွေနဲ့ မတွေ့ရမှာ။”</p> <p>“သူဌေးကြီးကတော့ အခုချိန်မှာ ဖွံ့ဖြိုးတိုးတက်မှု နောက်ကျနေတဲ့ ငါတို့ကျွန်းတွေကို အားကျနေလောက်ပြီ။”</p> <p>“မင်းကို မြည်းကန်လိုက်လို့ ဦးနှောက် ပျက်သွားတာလား။ မသေမျိုး အမျိုးအစားတွေ ဘယ်လောက်ပဲ ပိုတွေ့တွေ့ သူဌေးကြီးက ငါတို့ကို ဘယ်တော့မှ အားကျမှာမဟုတ်ဘူး။”</p> <p>“မှန်တယ်။ သူဌေးကြီးက လေကြောင်းတပ်ဖွဲ့တွေအကြောင်းကို အဖွဲ့ထဲမှာ အသိပေးနိုင်တယ်ဆိုကတည်းက သူက ဖြေရှင်းပြီးသားမို့လို့ပဲ။”</p> <p>“အခုမှ ကိုးနာရီကျော်ပဲ ရှိသေးတယ်။ သူဌေးကြီးက ရန်သူ့လေကြောင်းတိုက်ခိုက်မှုကို ဖြေရှင်းပြီးသွားပြီလား။ အံ့သြစရာပဲ။”</p> <p>“ဒါက လေကြောင်းတပ်ဖွဲ့တွေမှာ ကန့်သတ်ချက်ရှိတယ်ဆိုတာကို ပြသနေတာ မဟုတ်ဘူးလား။ မြေပြင်တပ်ဖွဲ့တွေလို အဆုံးမရှိ ပေါ်နေတာမျိုး မဟုတ်လောက်ဘူး။”</p> <p>“စကားမပြောတော့ဘူး။ ငါ ခဏလောက် အမြန်နားလိုက်ဦးမယ်။ ညဉ့်နက်ပိုင်းကျရင် တိုက်ပွဲကို ကြီးကြပ်ဖို့ ထရဦးမယ်။”</p> <p>“ငါရောပဲ...။ မနေ့ညက ကောင်းကောင်းမအိပ်ခဲ့ရဘူး။ အခု တော်တော်ပင်ပန်းနေပြီ။”</p> <p>ယီထျန်းအဖွဲ့လိုက် စကားပြောခန်းမှာ ချက်ချင်းဆိုသလို တိတ်ဆိတ်သွားတော့သည်။</p> <p>ရှောင်းယီသည် သူ၏ အိပ်ရာသို့ ပြန်လှမ်းလာလိုက်ပြီး လှဲလျောင်းလိုက်သော်လည်း အခြားကျွန်းများ မသေမျိုးများနှင့် ရင်ဆိုင်ရမည်ကို စိုးရိမ်နေဆဲပင်။ သူတို့တွေ့ခဲ့ရသော လေကြောင်းတပ်ဖွဲ့များသည် မဟာမိတ်အနောက်ဘက်ကျွန်းတွင် တွေ့ခဲ့ရသည်များနှင့် မတူညီနိုင်ပေ။</p> <p>စိတ်ထဲမှာ တစ်ခုခုရှိနေသဖြင့် အိပ်ပျော်ရန် မလွယ်ကူလှပေ။ ထို့ကြောင့် ရှောင်းယီသည် စိတ်တည်ငြိမ်မှုကို အထောက်အကူပြုသော တာအိုကျမ်းစာများကို စိတ်ထဲမှ တိုးတိုးလေး ရွတ်ဆိုလိုက်ပြီး နောက်ဆုံးတွင် စိတ်ကြည်လင်ကာ အိပ်ပျော်သွားတော့သည်။</p> <p>သန်းခေါင်ယံအချိန်ခန့်တွင် ယီထျန်းစကားပြောခန်းသည် ရုတ်တရက် ပြန်လည်သက်ဝင်လှုပ်ရှားလာ၏။</p> <p>“အား... တကယ်ပဲဟေ့။ လေကြောင်းတပ်ဖွဲ့တွေ ငါတို့ခံစစ်စည်းကို တိုက်ခိုက်နေကြပြီ။ သူဌေးကြီးသာ ကြိုမပြောထားရင် ဒီညအမှောင်ထဲမှာ ပုန်းနေတဲ့ အရိပ်မည်းတွေကို မြင်ဖို့ တော်တော်ခက်မှာပဲ။”</p> <p>“ဟုတ်တယ်။ အဲ့ဒီငှက်တွေက တစ်ကိုယ်လုံး အနက်ရောင်တွေချည်းပဲ။ မြေပြင်က အရိုးစုတွေကတော့ အဖြူရောင်ဆိုတော့ မြင်သာသေးတယ်။ လေကြောင်းက မသေမျိုးတွေက လုံးဝအနက်ရောင်တွေဆိုတော့ ညကောင်းကင်နဲ့ တစ်သားတည်း ဖြစ်နေတာ။”</p> <p>“ကိုင်တွယ်လို့တော့ ရပါတယ်။ နည်းနည်းခက်ပေမဲ့ ကာကွယ်နိုင်မယ်လို့ ခံစားရတယ်။ သူတို့တွေ ကျွန်းအတွင်းပိုင်းထဲ ပျံမဝင်လာသရွေ့တော့ ဒုံးပျံတွေနဲ့ ဒူးလေးကြီးတွေကို အားကိုးပြီး ကာကွယ်လို့ ရတယ်။”</p> <p>“မျှော်လင့်ထားတဲ့အတိုင်းပဲ။ ငါတို့ သူဌေးကြီးကိုပဲ အားကိုးရတာပဲ။”</p> <p>ယီရန်ပင်း မဟာမိတ်အဖွဲ့အတွင်းတွင်မူ မဟာမိတ်အနောက်ကျွန်းအပြင် အခြားကျွန်းများသည်လည်း နံနက်အစောပိုင်းတွင် မသေမျိုးလေကြောင်းတပ်ဖွဲ့များ၏ တိုက်ခိုက်မှုကို ကြုံတွေ့ခဲ့ရသည်။ သို့သော်လည်း ကြိုတင်ပြင်ဆင်ထားခဲ့သည်ဖြစ်ရာ ကျန်းယွင်ထျန်းနှင့် အခြားသူများသည် ထိုတိုက်ခိုက်မှုကို အောင်မြင်စွာ ခုခံနိုင်ခဲ့၏။</p> <p>သူတို့သည် အရပ်မျက်နှာအသီးသီးမှ ပစ်ချခံရသော လေကြောင်းငှက်တပ်ဖွဲ့ဝင် အလောင်းများထဲမှ အချို့ကို နမူနာအဖြစ် ရွေးချယ်ပြီး ဓာတ်ခွဲခန်းသို့ ပို့ဆောင်ခဲ့သည်။ ရှောင်းယီသည် သူတို့ကို ထိုလေကြောင်းတပ်ဖွဲ့များတွင် အခြားထူးခြားသော လုပ်ဆောင်ချက်များ ရှိ၊ မရှိ သိလိုသဖြင့် တွေ့သမျှ ဝေဟင်တပ်ဖွဲ့ အမျိုးအစားတိုင်းမှ တစ်စိတ်တစ်ပိုင်းကို ဓာတ်ခွဲခန်းသို့ ပို့ပေးရန် တောင်းဆိုထားခဲ့သည်။</p> <p>ဤသို့ဖြင့် တိုက်ပွဲမှာ နောက်ထပ်တစ်ညလုံး ဆက်လက်ဖြစ်ပွားခဲ့၏။ ဒုတိယနေ့ နေထွက်လာသောအခါ မသေမျိုးတပ်ဖွဲ့များသည် သူတို့၏ ကျွန်းများသို့ ပြန်လည်ဆုတ်ခွာသွားကြပြန်သည်။</p> <p>ရှောင်းယီ နိုးလာပြီးနောက် ပထမဆုံးလုပ်သည့်အလုပ်မှာ ယီထျန်းစကားပြောခန်းမှ မှတ်တမ်းများကို ပြန်လှန်ဖတ်ခြင်းဖြစ်သည်။ မဟာမိတ်အဖွဲ့အားလုံးနီးပါးသည် နံနက်အစောပိုင်းတွင် လေကြောင်းတပ်ဖွဲ့များ၏ တိုက်ခိုက်မှုကို ကြုံတွေ့ခဲ့ရကြောင်းနှင့် ယီရန်ပင်း မဟာမိတ်အဖွဲ့အတွင်းတွင်လည်း အခြေအနေမှာ တူညီကြောင်း သူတွေ့ရှိခဲ့ရသည်။</p> <p>“မသေမျိုးတွေရဲ့ မူလအစီအစဉ်က နံနက်အစောပိုင်းမှာ လေကြောင်းကနေ အလစ်အငိုက်တိုက်ခိုက်ဖို့ ဖြစ်ပုံရတယ်။”</p> <p>ရှောင်းယီ ရေရွတ်လိုက်၏။</p> <p>မဟာမိတ်အဖွဲ့အားလုံးနီးပါး တိုက်ခိုက်မှုအား ခုခံနိုင်ခဲ့သည်ကို မြင်သောအခါ ရှောင်းယီ ရေချိုးခန်းထဲ ဝင်ကာ မျက်နှာသစ်၊ သွားတိုက်လိုက်တော့သည်။</p> <p>“စနစ် လက်မှတ်ထိုးဝင်မယ်။”</p> <p>“လက်မှတ်ထိုးဝင်ခြင်း အောင်မြင်သည်။ ရရှိသောဆုလာဘ် - စူပါဆာဗာ (SSS အဆင့်) ၁ ။”</p> <p>သွားတိုက်ရင်း ထိုဆုလာဘ်ကို မြင်သောအခါ ရှောင်းယီ မနေနိုင်ဘဲ ညည်းတွားလိုက်မိ၏။</p> <p>“ဘာလို့ အခုချိန်မှာ ဆာဗာကြီး ချပေးရတာလဲ။ လက်နက်တစ်ခုခုပေးရမယ့် အချိန်မဟုတ်ဘူးလား။ ဒါ ကွန်ရက်တစ်ခုကို တည်ဆောက်ခိုင်းနေတာလား။”</p> <p>[စူပါဆာဗာ (SSS အဆင့်): ဝန်ဆောင်မှုအမျိုးအစားပေါ် မူတည်၍ အလိုအလျောက် ပြောင်းလဲပေးနိုင်ပြီး မတူညီသော ဝန်ဆောင်မှုများကို တစ်ပြိုင်နက်တည်း အသုံးပြုနိုင်သည်။ ၎င်းသည် ကွန်ရက်ဆာဗာ လိုအပ်ချက်အားလုံးကို ဖြည့်ဆည်းပေးနိုင်ပြီး မည်သည့် ကွန်ရက်အခြေအနေနှင့်မဆို သင့်လျော်သည်။]</p> <p>ရှောင်ယီသည် ပလုတ်ကျင်းပြီးနောက် ခေါင်းကိုသာ ခါယမ်းလိုက်မိသည်။</p> <p>“တကယ်ပဲ ငါ့ကို ကွန်ရက်တစ်ခု တည်ဆောက်ခိုင်းနေတာပဲ။”</p> <p>မျက်နှာသစ်ပြီးနောက် ရှောင်းယီသည် စူပါဆာဗာကို အခြေစိုက်စခန်းဘေးတွင် နေရာချလိုက်ပြီး ၎င်းအတွက် သီးသန့်အခန်းတစ်ခန်းပင် ဆောက်ပေးလိုက်သည်။</p> <p>ထိုအခန်းထဲတွင် စူပါဆာဗာကို ထားလိုက်သောအခါ ၎င်းသည် အခြေစိုက်စခန်းနှင့် အလိုအလျောက် ချိတ်ဆက်သွားတော့သည်။ ယခုမှစ၍ ဒေတာပေးပို့မှုများကို အခြေစိုက်စခန်းမှတစ်ဆင့် ကြိုးမဲ့စနစ်ဖြင့် အသုံးပြုနိုင်ပြီ ဖြစ်သည်။</p> <p>ရှောင်းယီ အနည်းငယ် စဉ်းစားပြီးနောက် အန်းယွဲ့ကို ဖုန်းခေါ်လိုက်သည်။</p> <p>“ဟယ်လို ကျွန်းပိုင်ရှင် မနက်စောစောစီးစီး ဘာကိစ္စရှိလို့လဲ။”</p> <p>အန်းယွဲ့က ဖုန်းကိုင်ပြီး မေးလိုက်သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save