Book List

<h2 style="text-align: center;">အခန်း (၁၄၅၆)</h2> <h2 style="text-align: center;">စိတ်ဝိညာဥ်တောင်</h2> <h2 style="text-align: center;">*</h2> <p> </p> <p> </p> <p> </p> <p>​အကြီးအကဲ ချန် ထွက်ခွာသွားပြီးနောက် စီနီယာအစ်မကြီးသည် ဖန့်ချန်ကို တစ်ဦးတည်း ခေါ်ဆောင်၍ သံသရာဌာန သို့ ရောက်ရှိလာခဲ့သည်။</p> <p> </p> <p>​သံသရာဌာနတွင် တာဝန်ထမ်းဆောင်နေကြသော ကျင့်ကြံသူများသည် နည်းမျိုးစုံဖြင့် နောက်ခံအင်အား ရှိကြသူများဖြစ်သလို အစွမ်းအစလည်း မဆိုးလှပေ။</p> <p> စီနီယာအစ်မကြီးကို မြင်လိုက်ရသည်နှင့် အားလုံးက ရှေ့သို့ တိုးလာပြီး အရိုအသေပေး ဂါရဝပြုကြလေသည်။</p> <p> </p> <p>​မကြာမီမှာပင် သံသရာဌာနမှ အရာရှိတစ်ဦးသည် ခပ်သုတ်သုတ် ပြေးထွက်လာပြီး စီနီယာအစ်မကြီးကို ပြုံး၍ နှုတ်ဆက်လိုက်သည်။</p> <p> </p> <p>"စီနီယာအစ်မကြီး... အခုလို ကြွလာတာ ဘာလို့ ကြိုပြီး အကြောင်းမကြားရတာလဲဗျာ"</p> <p> </p> <p>​"ရှောင်ထု  မင်းကို မိတ်ဆက်ပေးရဦးမယ်၊ ဒါက ဖန့်မောင်လေးပဲ၊ ကျွယ်မင်နန်းတော်ရဲ့ အမာခံတပည့်သစ်လေ"</p> <p> </p> <p>စီနီယာအစ်မကြီးက ပြုံး၍ ဆိုလိုက်သည်။</p> <p> </p> <p>​လာရောက်သူမှာ အနည်းငယ် မှင်သက်သွားပြီး ဖန့်ချန်ကို အံ့အားသင့်သလို ကြည့်လိုက်ကာ ချက်ချင်းပင် လက်အုပ်ချီ၍ ပြုံးလျက် ဆိုသည်။</p> <p> </p> <p>"ဖေထု ပါ၊ ဖန့်ညီလေးကို တွေ့ရတာ ဝမ်းသာပါတယ်"</p> <p> </p> <p>​"ဖန့်ချန်ပါ၊ ဖေစီနီယာကို ဂါရဝပြုပါတယ်"</p> <p> </p> <p>ဖန့်ချန်ကလည်း လက်အုပ်ချီ၍ ပြန်လည် နှုတ်ဆက်လိုက်သည်။</p> <p> </p> <p>​ထို့နောက် ဖေထုက စီနီယာအစ်မကြီးနှင့် ဖန့်ချန်ကို အတွင်းသို့ ဖိတ်ခေါ်ကာ စကားပြောကြလေသည်။</p> <p>သူတို့နှစ်ဦး၏ အပြန်အလှန် စကားပြောဆိုပုံအရ ဤဖေထုမှာ သံသရာဌာနအတွင်း ရာထူးအဆင့်အတန်း မနိမ့်လှကြောင်း သိလိုက်ရသည်။</p> <p> </p> <p>​"ကျုပ်တို့ ကျွယ်မင်နန်းတော်မှာ အမာခံတပည့် ထောင်နဲ့ချီ ရှိတယ်၊ အားလုံးက ကျွယ်မင်ယင်လောကမှာ ကိုယ်စီ တာဝန်တွေ ရှိကြတာချည်းပဲ။ ဒါပေမဲ့ ယင်လောကမှာ ဌာနကြီး ခြောက်ခုပဲ ရှိတာဆိုတော့ ဘယ်လိုပဲ ခွဲဝေခွဲဝေ အမာခံတပည့် အများစုရဲ့ ရာထူးက သိပ်မကြီးနိုင်ဘူး၊ မင်းက အခုမှ ရောက်တာဆိုတော့ အောက်ခြေကနေပဲ စရမှာပေါ့"</p> <p> </p> <p>​စီနီယာအစ်မကြီးသည် ဖေထု၏ ဖိတ်ကြားမှုကြောင့် အဓိကနေရာတွင် ထိုင်လိုက်ပြီးနောက် ဖန့်ချန်ကို ပြုံးရွှင်စွာ ကြည့်၍ ဆိုသည်။</p> <p> </p> <p>"ရှောင်ထုကို သံသရာဌာနရဲ့ ဖွဲ့စည်းပုံအကြောင်း ရှင်းပြခိုင်းလိုက်မယ်၊ ပြီးရင် မင်းရဲ့ အကြံဥာဏ်ကို ငါ့ကို ပြန်ပြောပြပေါ့၊ မင်းကိုယ်တိုင် ဘယ်လို ရာထူးမျိုးနဲ့ သင့်တော်မလဲဆိုတာ ကြည့်လိုက်ဦး"</p> <p> </p> <p>​ပြောပြီးသည်နှင့် သူမက ဖေထုကို လှည့်ကြည့်လိုက်သည်။</p> <p>ဖေထုက ချက်ချင်း ခေါင်းညိတ်လိုက်ပြီး လည်ချောင်းတစ်ချက် ဟန့်ကာ ဆိုသည်။</p> <p> </p> <p>​"ဖန့်ညီလေး... သံသရာဌာနမှာ အဓိက ဌာနခွဲ သုံးခု ရှိတယ်၊ ဒါတွေကတော့ အမည်စာရင်းသွင်းခြင်း၊ စစ်ဆေးအတည်ပြုခြင်း နဲ့ သေတ္တာပိတ်ခြင်း ဒါမှမဟုတ် နောက်ဆုံး ဆုံးဖြတ်ခြင်း တို့ပဲ"</p> <p> </p> <p>​"အမည်စာရင်းသွင်းခြင်း ဆိုတာက သံသရာလည်မယ့်သူတွေရဲ့ အမည်ကို မှတ်တမ်းတင်ရတာ၊ တစ်ဆက်တည်းမှာပဲ သူတို့ ပြန်လည် မွေးဖွားမယ့်နေရာကို အကြမ်းဖျင်း စီစဉ်ပေးရတာပေါ့"</p> <p> </p> <p>​"စစ်ဆေးအတည်ပြုခြင်း ဆိုတာကတော့ အမည်စာရင်းသွင်းတဲ့အခါမှာ သင့်တင့်လျောက်ပတ်မှု ရှိမရှိ၊ တစ်စုံတစ်ယောက်က လာဘ်ထိုးလို့ နေရာလွဲ စီစဉ်ပေးလိုက်တာမျိုး ရှိမရှိကို စစ်ဆေးရတာ။ မင်းသိတဲ့အတိုင်း ကျွယ်မင်ကြယ်က အလွန်ကျယ်ပြောတယ်၊ တစ်ခါတလေ ပြန်လည် မွေးဖွားမယ့်နေရာက နောင်တစ်ချိန် ကျင့်ကြံသူ ဖြစ်လာနိုင်မလား ဆိုတာကို အဆုံးအဖြတ် ပေးနိုင်လို့ပဲ"</p> <p> </p> <p>​"သေတ္တာပိတ်ခြင်း ဆိုတာကတော့ နိဂုံးချုပ် ဆုံးဖြတ်ခြင်း ဆိုတဲ့ အဓိပ္ပာယ်ပဲ၊ သူတို့က လွင့်မျောနေတဲ့ ဝိညာဉ်တွေကို သံသရာထဲကို အပြီးသတ် ပို့ဆောင်ပေးရတဲ့သူတွေပေါ့"</p> <p> </p> <p>​"လက်ရှိမှာ ငါတို့ သံသရာဌာနမှာ ဌာနချုပ်မှူး တစ်ဦး ရှိတယ်၊ ယင်အရှင် နှစ်ဦးက ကူညီပေးတယ်။အမည်စာရင်းသွင်းခြင်းဆိုင်ရာ အရာရှိချုပ် တစ်ဦးရှိပြီး လက်အောက်မှာ အမည်စာရင်းသွင်း စေတမန် ၃၃ ဦး ရှိတယ်"</p> <p> </p> <p>"စစ်ဆေးအတည်ပြုခြင်းဆိုင်ရာ အရာရှိချုပ် တစ်ဦးရှိပြီး လက်အောက်မှာ စစ်ဆေးရေး စေတမန် ၂၉ ဦး ရှိတယ်။ သေတ္တာပိတ်ခြင်းဆိုင်ရာ အရာရှိချုပ် တစ်ဦးရှိပြီး လက်အောက်မှာ သေတ္တာပိတ် စေတမန် ၄၉ ဦး ရှိတယ်"</p> <p> </p> <p>​ဤသို့ ပြောပြီးနောက် ဖေထုက ပြုံး၍ ဆက်ပြောသည်။</p> <p> </p> <p> "ဒီအရေအတွက်က သိပ်မများဘူးလို့ ထင်လားကျုပ်တို့ ကျွယ်မင်နန်းတော်က အမာခံတပည့် ထောင်နဲ့ချီထဲမှာ အများစုက သံသရာဌာနကို ဝင်ချင်ကြတာ။ ဘာလို့လဲဆိုတော့ ဒီမှာ ခံစားခွင့်တွေ ကောင်းတယ်၊ အခွင့်အရေးလည်း ကောင်းတယ်၊ ပြီးတော့ အပြင်ထွက်ပြီး စွန့်စားစရာလည်း မလိုဘူး။ ဌာနကြီး ခြောက်ခုထဲမှာ အမာခံတပည့် အရေအတွက် အနည်းဆုံး ဌာနလည်း ဖြစ်တယ်"</p> <p> </p> <p>​"ဒါပေမဲ့ အမာခံတပည့် တစ်ယောက်ချင်းစီရဲ့ လက်အောက်မှာ အရန်ကျင့်ကြံသူ ရာနဲ့ချီ ရှိတယ်လေ။ ဒါကြောင့် အလုပ်အများစုကို သူတို့ကို ခိုင်းလိုက်ရုံပဲ။ သံသရာဌာနရဲ့ အလုပ်တွေက ရှုပ်ထွေးတယ်လို့ ထင်ရပေမဲ့ ကျွမ်းကျင်သွားရင်တော့ အဆင်ပြေသွားမှာပါ"</p> <p> </p> <p>​"ဖန့်မောင်လေး... မင်း ဘယ်ရာထူးနဲ့ သင့်တော်မယ်လို့ ထင်လဲ"</p> <p> </p> <p>စီနီယာအစ်မကြီးက မေးလိုက်သည်။</p> <p> </p> <p>​"အမည်စာရင်းသွင်း စေတမန် အဖြစ်ကနေပဲ စလုပ်ကြည့်ပါ့မယ်"</p> <p> </p> <p>​"ဒါဆိုရင်တော့ တကယ့်ကို အဆင်ပြေတာပဲ၊ ငါက အမည်စာရင်းသွင်းခြင်းဆိုင်ရာ အရာရှိချုပ်လေ"</p> <p> </p> <p>ဖေထုက တစ်ဟားဟား ရယ်မောလိုက်သည်။</p> <p> </p> <p> "စီနီယာအစ်မကြီးက ကိုယ်တိုင် လိုက်ပို့ပေးတယ်ဆိုကတည်းက မင်းက ထူးချွန်တဲ့သူ ဖြစ်မှာ သေချာတယ်၊ ငါ့ဆီမှာလည်း လူတော်တွေ လိုအပ်နေတာနဲ့ အတော်ပဲ"</p> <p> </p> <p>​"မင်း ထပ်မစဉ်းစားတော့ဘူးလား အမည်စာရင်းသွင်း စေတမန်က တော်တော်တော့ လက်ဝင်တယ်နော်၊ တစ်နေ့လုံး သံသရာလည်မယ့်သူတွေရဲ့ စာရင်းကို မှတ်တမ်းတင်နေရမှာ။ စစ်ဆေးရေး စေတမန်နဲ့ သေတ္တာပိတ် စေတမန်တွေက အလုပ်လည်း ပိုသက်သာသလို လစာလည်း ပိုကောင်းတယ်"</p> <p> </p> <p>စီနီယာအစ်မကြီးက ဆိုသည်။</p> <p> </p> <p>​"စီနီယာအစ်မကြီးရယ်... သူ့ကို ကျနော့်လက်အောက်မှာပဲ အလုပ်လုပ်ခွင့် ပေးလိုက်ပါဗျာ။ တခြား ဂျူနီယာလေးတွေက ဘယ်လောက် စကားနားမထောင်ဘူးဆိုတာ အစ်မကြီးလည်း သိသားပဲ၊ ဒီအတိုင်းဆို ကျနော့်ခေါင်းက သုံးဆလောက် ပိုကြီးလာတော့မှာ"</p> <p> </p> <p>ဖေထုက ခါးသက်သက် ပြုံး၍ ဆိုလိုက်သည်။</p> <p> </p> <p>​"ကောင်းပြီလေ... သူကိုယ်တိုင် ရွေးချယ်တာဆိုတော့ ငါလည်း ကြားဝင်မစွက်တော့ဘူး"</p> <p> </p> <p>စီနီယာအစ်မကြီးက တစ်ချက်ပြုံး၍ ခေါင်းညိတ်လိုက်သည်။</p> <p> </p> <p>"မင်းကတော့ ဝါရင့်သူတစ်ယောက် ဖြစ်နေပြီဆိုတော့ တခြား ဂျူနီယာလေးတွေရဲ့ ဆိုးတေတဲ့ စရိုက်ကို ထိန်းကျောင်းဖို့ မင်းလို ဝါရင့်သူမျိုး လိုတာပေါ့"</p> <p> </p> <p>​သူမက စကားလမ်းကြောင်းကို ပြောင်းလိုက်ပြီး ဖန့်ချန်ကို ပြုံး၍ ဆိုသည်။</p> <p> </p> <p>"လီရှမ်းဇီ က သံသရာဌာနရဲ့ သေတ္တာပိတ်ခြင်းဆိုင်ရာ အရာရှိချုပ်ပဲ၊ ပြီးခဲ့တဲ့ ဝူရှန့်ငရဲခရီးစဉ် ပြီးတော့မှ ရာထူးတိုးသွားတာ"</p> <p> </p> <p>​ဖန့်ချန်က အံ့အားသင့်သွားသည်။</p> <p> </p> <p> "လီစီနီယာက အစီရင်မသေမျိုးအတတ်တွေကိုတောင် တတ်မြောက်ထားပြီဖြစ်လျက်နဲ့ အရာရှိချုပ် တစ်ဦးပဲ ဖြစ်နိုင်တာလား "</p> <p> </p> <p>​"အဲဒါကလည်း မနည်းဘူးလေ၊ အရာရှိချုပ်ဆိုတာ ဖေထုရဲ့ ရာထူးထက် အများကြီး ပိုအရေးပါတယ်၊ ပြီးတော့ သေတ္တာပိတ်ခြင်းဆိုတာ အရေးကြီးတဲ့ အပိုင်းပဲ။ အဲဒီအထက်မှာတော့ ယင်အရှင်နဲ့ ဌာနချုပ်မှူးတွေ ရှိတယ်၊ အဲဒီနေရာတွေက အကြီးအကဲအဖွဲ့က အကြီးအကဲတွေပဲ ထိုင်ကြတာ။ အစီရင်မသေမျိုးအတတ် တတ်မြောက်ထားတာနဲ့တင် အားလုံး ပြီးသွားပြီလို့ ထင်နေတာလား မင်းရဲ့ ကိုယ်ပိုင် ကျင့်ကြံမှုအဆင့်ကလည်း လုံလောက်ဖို့ လိုသေးတယ်လေ"</p> <p> </p> <p>​"ဥပမာပြောရရင် နံပါတ်နှစ် စီနီယာဆိုရင် ကျွယ်မင်ယင်လောကမှာ ဗဟိုဌာနရဲ့ အရာရှိငယ်လေး တစ်ဦးပဲ ရှိသေးတယ်၊ အရာရှိချုပ်တောင် မဟုတ်ဘူး။ နံပါတ်သုံးကတော့ ယင်စစ်သည်ဌာနမှာ အရာရှိချုပ်၊ နံပါတ်လေးက ဝိညာဉ်ဖမ်းဆီးရေးဌာန၊ နံပါတ်ငါးက တရားသူကြီးဌာန၊ နံပါတ်ခြောက်က မိစ္ဆာလေ့ကျင့်ရေးဌာန၊ နံပါတ်ခုနစ်ကတော့ နံပါတ်နှစ်လိုပဲ ဗဟိုဌာနမှာ ရှိကြတယ်"</p> <p> </p> <p>စီနီယာအစ်မကြီးက ရှင်းပြလိုက်သည်။</p> <p> </p> <p>​ဖေထုမှာ စိတ်ထဲမှ တုန်လှုပ်သွားမိသည်။</p> <p> ပုံမှန်ဆိုလျှင် စီနီယာအစ်မကြီးက ဤမျှအထိ စကားအများကြီး ပြောလေ့မရှိပေ။</p> <p> အဘယ်ကြောင့် ထိုအမာခံတပည့်သစ်အပေါ် ဤမျှအထိ ထူးထူးခြားခြား ဆက်ဆံနေရသနည်း။</p> <p> </p> <p>​"ဒါနဲ့... အရင် သံသရာဌာနရဲ့ ဌာနချုပ်မှူးက ကျန်းမာရေး တစ်ခုခု ချို့ယွင်းသွားလို့ ရာထူးကနေ နုတ်ထွက်သွားတယ်၊ အခု အသစ်တက်လာတဲ့ တစ်ယောက်ကတော့... ပြောရရင် မင်းနဲ့လည်း ရေစက်ရှိတယ်လို့ ဆိုရမယ်"</p> <p> </p> <p>စီနီယာအစ်မကြီးက ဆိုလိုက်သည်။</p> <p> </p> <p>​ကျနော်နဲ့ ရေစက်ရှိတယ်</p> <p>​ဖန့်ချန်၏ စိတ်ထဲတွင် တစ်ခုခုကို ရိပ်မိလိုက်ပြီး ဝေခွဲမရသည့် အမူအရာဖြင့်</p> <p> </p> <p>"ဘယ်သူများပါလိမ့်..."</p> <p> </p> <p>​"သူက အောက်နယ်မြေ ခြောက်ခုက လာတာ၊ အရင်က ထိုက်ရွှမ်မသေမျိုး လို့ ခေါ်တယ်၊ အခုတော့ ရှေးဟောင်းမသေမျိုး ဖြစ်သွားပြီဆိုတော့ နောက်ဆုံး စကားလုံး နှစ်လုံးကို ဖြုတ်လိုက်ပြီပေါ့။ သူက ငါတို့ ကျွယ်မင်ကျင့်ကြံသူ ဖြစ်လာတာ နှစ်ပေါင်းများစွာ ရှိပြီ၊ အောင်မြင်မှုတွေလည်း အများကြီး ရထားတာ"</p> <p> </p> <p>"​အကြီးအကဲတွေက သူ့ကို အတော်လေး အရေးပေးကြတယ်၊ ငါလည်း သူ အလုပ်လုပ်ပုံကို သဘောကျတယ်၊ ဒါကြောင့် ဒီတစ်ခေါက် သံသရာဌာနရဲ့ ဌာနချုပ်မှူး ရာထူးကို သူပဲ ရသွားတာ"</p> <p> </p> <p>စီနီယာအစ်မကြီးက ပြုံး၍ ဆက်ပြောသည်</p> <p> </p> <p>"သူက လီရှမ်းဇီ နဲ့လည်း ပတ်သက်မှု ရှိတယ်၊ လီရှမ်းဇီ ရဲ့ ညီမလေးရဲ့ ဆရာလည်း ဖြစ်တယ်။ သူ့ရဲ့ မူလ မျိုးနွယ်ကလည်း မသေးဘူး၊ စိတ်ဝိညာဥ်တောင် မှာ ပညာသင်ကြားခဲ့တာလေ။ ငါမှတ်မိသလောက်ဆိုရင် မင်းရဲ့ အရင် စစ်ဆေးမှုတုန်းက သူက စစ်ဆေးရေး အရာရှိချုပ်ပဲ၊ မင်းတို့ တွေ့ဖူးမှာပါ"</p> <p> </p> <p>​"ဪ... ဒီစီနီယာကြီးကို ပြောတာကိုး"</p> <p> </p> <p>ဖန့်ချန်က နားလည်သွားသလို အမူအရာ လုပ်လိုက်သည်။</p> <p> </p> <p>​အမှားအယွင်း မရှိနိုင်ပါက ထိုထိုက်ရွှမ်းမသေမျိုးမှာ ဝမ်ချုံစန်း၏ ပင်ကိုယ်ခန္ဓာ ဖြစ်နိုင်ချေ များလှသည်။</p> <p>ဤတစ်ကြိမ်တွင် စီနီယာအစ်မကြီး ပြောပြလိုက်သည့် သတင်းက အတော်လေး အရေးပါလှသည်။</p> <p>သူက စိတ်ဝိညာဥ်တောင် က လာတာတဲ့လား</p> <p> </p> <p>​ဒါဆိုရင် ရှေးဟောင်းမိစ္ဆာဂိုဏ်း နဲ့ အမြဲတမ်း ရင်ဆိုင်နေရတဲ့ အင်အားစုက ဒီအင်အားစုပဲလား</p> <p> </p> <p>​စိတ်ဝိညာဥ်နယ်မြေ...စိတ်ဝိညာဥ်တောင်။</p> <p> </p> <p>​ဖန့်ချန်သည် ထိုအင်အားစုမှာ အလွန်ပင် မရိုးရှင်းကြောင်း ခံစားလိုက်ရသည်။</p> <p> </p> <p>​"စီနီယာအစ်မကြီး...စိတ်ဝိညာဥ်တောင် ဆိုတာ ဘယ်လို အင်အားစုမျိုးလဲ၊ စိတ်ဝိညာဥ်နယ်မြေရဲ့ ထိပ်တန်း အင်အားစုလား "</p> <p> </p> <p>ဖန့်ချန်က မေးလိုက်သည်။</p> <p> </p> <p>​သူ၏ လက်ရှိ အဆင့်အတန်းနှင့်ဆိုလျှင် ထိုမေးခွန်းများကို မေးမြန်းခြင်းက မည်သည့် သံသယကိုမျှ ဖြစ်စေမည် မဟုတ်ပေ။</p> <p> </p> <p>​"လွန်ခဲ့တဲ့ အချိန်အတော်ကြာတုန်းကတော့ ဟုတ်တာပေါ့၊ ဒီနယ်မြေကိုတောင် စိတ်ဝိညာဥ်နယ်မြေ လို့ ခေါ်ကြတာပဲလေ။ ဒါပေမဲ့...စိတ်ဝိညာဥ် တောင်က ကပ်ဘေးကြီးတစ်ခုကို ကြုံတွေ့ခဲ့ရလို့ အခုတော့ သိပ်ပြီး အခြေအနေ မကောင်းတော့ဘူး၊ ဒီနယ်မြေရဲ့ ဒုတိယတန်းစား အင်အားစုလောက်ပဲ ဖြစ်တော့တယ်"</p> <p> </p> <p>စီနီယာအစ်မကြီးက ရယ်မော၍ ဆိုသည်။</p> <p> </p> <p>​ကပ်ဘေးကြီးကို ကြုံခဲ့ရတယ်</p> <p> </p> <p>မိစ္ဆာကပ်ဘေး လား...</p> <p>​ဖန့်ချန်က စဉ်းစားနေဆဲမှာပင် လူရိပ်တစ်ခု ခပ်သွက်သွက် လျှောက်လာသည်ကို မြင်လိုက်ရသည်။</p> <p> လူမရောက်မီ အသံက အရင် ထွက်ပေါ်လာသည်</p> <p> </p> <p>​"စီနီယာအစ်မကြီး... ဖန့်ညီလေးကို အလုပ်သွင်းဖို့ ခေါ်လာတယ်လို့ ကြားတယ်၊ ဖန့်ညီလေးကို ကျနော့်ရဲ့ သေတ္တာပိတ် စေတမန်အဖြစ် ခန့်ပေးလို့ ရမလားဗျာ "</p> <p> </p> <p>​လာရောက်သူမှာ အခြားသူ မဟုတ်ဘဲ လီရှမ်းဇီး ပင် ဖြစ်လေတော့သည်။</p> <p>***</p> <p> </p>


Save