Book List

<h2 style="text-align: center;">အခန်း (၁၄၆၀)</h2> <h2 style="text-align: center;">ကိုယ်ပွားကူ</h2> <h2 style="text-align: center;">*</h2> <p> </p> <p> </p> <p> </p> <p>​ယနေ့တွင် ဂုဏ်ထူးဆောင် ခန်းမသို့ အဝင်အထွက်ပြုနေကြသော အပြင်စည်းကျင့်ကြံသူများမှာ တော်တော်ပင် များပြားလှသည်။</p> <p> ထိုထဲတွင် ချင်အကြီးအကဲထက်ပင် ဝါရင့်သည့် အဆင့် ၄ မသေမျိုးများ၊ ထိုမှတစ်ဆင့် အဆင့် ၅ မသေမျိုးများပင် ပါဝင်နေကြသည်။</p> <p> </p> <p>​သို့သော်လည်း သူတို့သည် ရှေ့သို့တိုး၍ ဤဆူညံပွဲတွင် ပါဝင်ပတ်သက်ခြင်း မပြုကြပေ။</p> <p> ထို ယွီအမာခံတပည့်  သည် ဝါရင့်မှု နုနယ်သေးသော်လည်း အမာခံတပည့်ဆိုသည်မှာ အမာခံတပည့်ပင် ဖြစ်သည်။</p> <p>ကျွယ်မင်နန်းတော်တွင် အမာခံတပည့်များမှာ ဤအပြင်စည်းအဖွဲ့ဝင်များထက် အမြဲတမ်း ပို၍ မြင့်မြတ်လှပေသည်။</p> <p> </p> <p>​"ချင်အကြီးအကဲ က ဂုဏ်ထူးဆောင် ခန်းမမှာ နေတာ ကြာသွားလို့ ထင်တယ်၊ အချက်တစ်ခုကို မေ့နေပုံရတယ်"</p> <p> </p> <p>​"အို... ခင်ဗျားကို အပြစ်တင်လို့လည်း မရပါဘူးလေ၊ အရင်က ခင်ဗျားလိုက်ပါခဲ့တဲ့ အမာခံတပည့်က ရှေးဟောင်းတားမြစ်နယ်မြေမှာ တိုက်ပွဲဝင်ရင်း ကျဆုံးသွားခဲ့တာကိုး။ အဲဒီတုန်းက မင်းတို့ရဲ့ နဂါးနက်လှေ ပေါ်ကနေ နောက်ဆုံးမှာ ခင်ဗျားတစ်ယောက်ပဲ အသက်ရှင် လွတ်မြောက်လာခဲ့တာ"</p> <p> </p> <p>​"ဒါကြောင့်လည်း ရှေးဟောင်းတားမြစ်နယ်မြေကို သွားဖို့ဆိုရင် ခင်ဗျားစိတ်ထဲမှာ နက်နက်ရှိုင်းရှိုင်း ကြောက်ရွံ့နေတာလား  တကယ်တော့ လူဆိုတာ တစ်ခါတလေ ကြောက်ရွံ့မှုကို ထိပ်တိုက်ရင်ဆိုင်ရဲမှပဲ အဲဒါကို အနိုင်ယူ ချေမှုန်းနိုင်မှာပါ။ အဲဒီလိုမှလည်း မီးပုံထဲက ရုန်းထွက်လာတဲ့ ဖီးနစ်ငှက်လို အသစ်တစ်ဖန် ပြန်လည်မွေးဖွားနိုင်မှာပေါ့"</p> <p> </p> <p>​ယွီအမာခံတပည့်က ပြုံးလျက် ဆိုသည်</p> <p> </p> <p>"ခင်ဗျားမေ့နေတဲ့ အချက်ကို အခု ကျနော် သတိပေးလိုက်ပါ့မယ်။ တကယ်လို့ အမာခံတပည့်တစ်ဦးက ခင်ဗျားကို လှေပေါ်တက်ဖို့ ဆင့်ခေါ်မယ်ဆိုရင်  ငြင်းပယ်ပိုင်ခွင့် မရှိဘူးဆိုတာပါပဲ"</p> <p> </p> <p>​ချင်အကြီးအကဲ၏ မျက်နှာအမူအရာမှာ ပျက်ယွင်းသွားပြီး စိတ်ရှုပ်ထွေးသွားရသည်။</p> <p> </p> <p>​တစ်ဖက်လူ ပြောသည့်စကားမှာ မှန်ကန်ပေသည်။</p> <p>အကယ်၍ သူ့ကို အတင်းအကျပ် ဆင့်ခေါ်မည်ဆိုလျှင် သူ ငြင်းပယ်ရန် အကြောင်းပြချက် မရှိသလို၊ ငြင်းပယ်နိုင်စွမ်းလည်း မရှိပေ။</p> <p> </p> <p>​"ဘယ်သူတွေက လျှောက်ပြောနေလဲတော့ မသိဘူး၊ ကျနော် ကြာနီနတ်မိမယ်ရဲ့ အဖွဲ့ကနေ ထွက်လာတာက ကိုယ်ပိုင်အကြောင်းပြချက်ကြောင့်ပါ။ယွီအမာခံတပည့်က  ခင်ဗျားရဲ့စွမ်းဆောင်ရည်ကို အလေးထားလို့ လာခေါ်တာပဲ၊ ကျနော် ကတော့ ဒါတွေကို ထည့်တွက်နေမှာ မဟုတ်ဘူး။ မဟုတ်ရင်တော့ ခင်ဗျား အခုနက ပြောလိုက်တဲ့စကားတွေက အထက်လူကြီးကို စော်ကားရာ ရောက်နေပြီ"</p> <p> </p> <p>ကျန်းချန်က အေးစက်စွာ ဆိုလိုက်သည်။</p> <p> </p> <p>​သူကဲ့သို့သော ထင်ရှားသည့် အဆင့် ၄ မသေမျိုးတစ်ဦးက အဆင့် ၃ မသေမျိုး မျိုးဆက်သစ်တစ်ဦး၏ နှာခေါင်းကို လက်ညှိုးထိုး ဆဲဆိုခြင်း ခံလိုက်ရသည်မှာ ပုံမှန်ဆိုလျှင် မည်သို့မျှ သည်းခံနိုင်မည် မဟုတ်ပေ။</p> <p> သို့သော် ဒီတစ်ကြိမ်တွင် သူကိုယ်တိုင် ပြဿနာအချို့နှင့် ငြိစွန်းနေသဖြင့် အခြေအနေကို ကြည့်၍ ငြိမ်ကုပ်နေရခြင်း ဖြစ်သည်။</p> <p> </p> <p>​"အဘိုးကြီး ချင်... ယွီအမာခံတပည့် ကိုယ်တိုင် လာဖိတ်တာပဲ၊ မင်းအတွက် မျက်နှာပန်း တော်တော်လှနေတာကို ဘာလို့ မာနကြီးနေရတာလဲ "</p> <p> </p> <p>​"ဟုတ်ပဗျာ... ဂုဏ်ထူးဆောင် ခန်းမမှာ ဒီအတိုင်း အချိန်ဖြုန်းနေတာထက်စာရင် အပြင်ထွက်ပြီး အောင်မြင်မှုတွေ ရှာဖွေတာက ပိုပြီး စိတ်ချမ်းသာဖို့ မကောင်းဘူးလား"</p> <p> </p> <p>​"ငါမှတ်မိသလောက်တော့ မင်း အရင်က ဒီလိုမဟုတ်ပါဘူး။ အဲဒီနှစ်က ကျုပ်တို့တွေ အတူတူ စာမေးပွဲအောင်ပြီး ကျွယ်မင်နန်းတော်ကို ဝင်ခဲ့ကြတုန်းက အမာခံတပည့် မဖြစ်လာနိုင်ရင်တောင် ရှေးဟောင်းမသေမျိုး အဆင့်အထိ တက်လှမ်းပြမယ် လို့ မင်း ပြောခဲ့တာလေ "</p> <p> </p> <p>​ယွီအမာခံတပည့်၏ နောက်ကွယ်မှ အဖွဲ့ဝင်များထဲတွင် ချင်အကြီးအကဲနှင့် ရင်းနှီးသူအချို့ ပါဝင်နေသဖြင့် ဝိုင်းဝန်း၍ ဖျောင်းဖျနေကြခြင်း ဖြစ်သည်။</p> <p> </p> <p>​"ယွီအမာခံတပည့် ကျနော့်ကို အတူတူ လိုက်ပါဖို့ ခေါ်တာက ကိုယ်ပွားကူ ကြောင့် ထင်ပါရဲ့"</p> <p> </p> <p>ချင်အကြီးအကဲက အခြေအနေကို ရိပ်မိသွားသည့် အကြည့်ဖြင့် ယွီအမာခံတပည့်ကို ကြည့်ကာ ဖြည်းညှင်းစွာ ဆိုလိုက်သည်။</p> <p> </p> <p>​"ကူမသေမျိုး လမ်းစဉ်ရဲ့ အဆင့် ၃ မသေမျိုးဆေးပင်က ကိုယ်ပွားကူ ပဲ  ကျနော့်ဆီမှာ ဒီကူရှိနေတာက အသက်တစ်ချောင်း ပိုရှိနေတာနဲ့ အတူတူပါပဲ။ အဲဒီကူကိုပဲ အမာခံတပည့်ကို လက်ဆောင်ပေးလိုက်ပါ့မယ်၊ နယ်မြေချဲ့ထွင်ရေး ကိစ္စကိုတော့ နောက်ထပ် မပြောပါနဲ့တော့"</p> <p> </p> <p>​"ဪ... ဒါကြောင့်ကိုး..."</p> <p> </p> <p>ဘေးပတ်ဝန်းကျင်ရှိ လူအများအပြားမှာ သဘောပေါက်သွားကြသည့် အမူအရာများ ဖြစ်ပေါ်လာသည်။</p> <p> </p> <p>​ယွီအမာခံတပည့်သည် မိမိ၏ အတွင်းစိတ်က ရုတ်တရက် ဖော်ထုတ်ခံလိုက်ရသဖြင့်၊ ၎င်းမှာလည်း လူအများရှေ့တွင် ဖြစ်နေသဖြင့် နောင်တစ်ချိန် သတင်းပျံ့သွားပါက သိက္ခာကျမည်ကို စိုးရိမ်ကာ စိတ်ထဲမှ နာကျည်းသွားမိသည်။</p> <p> </p> <p>​သူက အေးစက်စွာ ဆိုလိုက်သည်</p> <p> </p> <p>"လျှောက်ပြီး ခန့်မှန်းမနေနဲ့၊ အမာခံတပည့်တစ်ယောက်ရဲ့ ဆုံးဖြတ်ချက်ကို မင်းက ဘယ်လိုလုပ် ဝေဖန်နိုင်မှာလဲ ဒါပဲ... ဒီနေ့ကစပြီး မင်း ငါ့ရဲ့ ရှန်ဗန့် နယ်မြေချဲ့ထွင်ရေးအဖွဲ့ထဲ ဝင်ရမယ်"</p> <p> </p> <p>​ချင်အကြီးအကဲ၏ မျက်နှာမှာ ညိုမှောင်သွားပြီးနောက် သက်ပြင်းအရှည်ကြီး တစ်ချက် ချလိုက်မိသည်။</p> <p>ဤတစ်ခေါက် ခရီးစဉ်မှာ အပြန်လမ်းမရှိသည့် ခရီးစဉ် ဖြစ်သွားနိုင်ချေ ရှိသည်။</p> <p> ထိုကဲ့သို့သော အမာခံတပည့်တစ်ဦးကို ပြစ်မှားမိပြီးနောက် ပြဿနာမတက်ဘဲ နေရန်မှာ ခဲယဉ်းလှပေသည်။</p> <p> </p> <p>​သူက ခေါင်းညိတ်၍ သဘောတူရန် ပြင်လိုက်စဉ်မှာပင် ဖန့်ချန်တို့ တစ်သိုက် ဂုဏ်ထူးဆောင် ခန်းမအတွင်းသို့ လျှောက်လှမ်းဝင်ရောက်လာကြသည်။</p> <p> </p> <p>​လင်းတုန်းသည် ချင်အကြီးအကဲကို မြင်သည်နှင့် ဝမ်းသာအားရ လက်ဝှေ့ယမ်း၍ လှမ်းခေါ်လိုက်သည်။</p> <p> </p> <p>"အဘိုးကြီး ချင် "</p> <p> </p> <p>​ချင်အကြီးအကဲ၏ မျက်နှာပေါ်တွင် အားယူထားရသော အပြုံးတစ်ခု ပေါ်လာပြီး ခေါင်းကို အသာအယာ ညိတ်ပြလိုက်သည်။</p> <p> </p> <p>​"အဘိုးကြီး ချင်... ဖန့်အမာခံတပည့်က ဒီနေ့ မင်းကို သူ့ရဲ့ နယ်မြေချဲ့ထွင်ရေးအဖွဲ့ထဲ ဝင်ဖို့ ကိုယ်တိုင်လာဖိတ်တာ"</p> <p> </p> <p>​လင်းတုန်းက ပွင့်ပွင့်လင်းလင်း ပြောလိုက်သလို စိတ်ချင်းဆက်၍လည်း သတိပေးလိုက်သည်။</p> <p> </p> <p>"သူက မင်း ကူမသေမျိုး လမ်းစဉ်ကို လိုက်နေတာကို မသိဘူး"</p> <p> </p> <p>​ချင်အကြီးအကဲမှာ မှင်တက်သွားပြီး ဖန့်ချန်ကို ကြောင်စီစီဖြင့် ကြည့်နေမိသည်။</p> <p> </p> <p>​ကျန်းချန်သည် ဖန့်ချန်နှင့် ကြာနီနတ်မိမယ်တို့ အတူတူ ရောက်ရှိလာသည်ကို မြင်သောအခါ မျက်နှာပျက်သွားပြီး ချက်ချင်းပင် ခေါင်းငုံ့ကာ ဘေးသို့ ကပ်ရပ်လိုက်ပြီး အခြေအနေကို စောင့်ကြည့်နေတော့သည်။</p> <p> </p> <p>​ယွီအမာခံတပည့်မှာမူ လင်းတုန်း၏ စကားကို ကြားသောအခါ မျက်နှာ ချက်ချင်းပင် တင်းမာသွားပြီး အေးစက်စွာ ဆိုလိုက်သည်။</p> <p> </p> <p>"ချင်အကြီးအကဲက ငါ့ရဲ့ ရှန်ဗန့် နယ်မြေချဲ့ထွင်ရေးအဖွဲ့ထဲ ဝင်ပြီးပြီ၊ မင်းတို့ နောက်ကျသွားပြီ"</p> <p> </p> <p>​"ဒီစီနီယာ... ခင်ဗျား အထင်လွဲနေပုံရတယ်။ ချင်အကြီးအကဲက အရင်ကတည်းက ကျနော့်ရဲ့ ကိုးနယ်မြေ နယ်မြေချဲ့ထွင်ရေးအဖွဲ့ထဲ ဝင်ဖို့ သဘောတူထားပြီးသားပါ။ ခင်ဗျားပဲ တစ်လှမ်း နောက်ကျသွားတာ၊ အားနာပါတယ်ဗျာ"</p> <p> </p> <p>ဖန့်ချန်က ပြုံးလျက် လက်အုပ်ချီ၍ ဆိုလိုက်သည်။</p> <p> </p> <p>​"ငါ မင်းကို မမြင်ဖူးပါဘူး၊ မင်းက ဘယ်က အမာခံတပည့်လဲ ဘယ်သူအရင်ရောက်လဲဆိုတဲ့ စည်းကမ်းကို မသိဘူးလား၊ ဒီလိုမျိုး လူလုရသလား "</p> <p> </p> <p>ယွီအမာခံတပည့်၏ အကြည့်မှာ လျှပ်စီးကဲ့သို့ စူးရှနေပြီး ဖန့်ချန်ကို အကဲခတ်နေသည်။</p> <p> </p> <p>​ဘေးနားရှိ လူတစ်ဦးက ကျိကန်း ရှိနေသည်ကို သတိပြုမိသွားပြီး မျက်လုံးထဲတွင် အံ့ဩရိပ်များ ဖြတ်ပြေးသွားကာ ယွီအမာခံတပည့်ထံသို့ တိုးညှိစွာ စိတ်ချင်းဆက်၍ သတင်းပေးလိုက်သည်။</p> <p> </p> <p>"ယွီအမာခံတပည့်... သူ့ဘေးမှာ ပါလာတဲ့သူက အဆင့် ၆ မသေမျိုး ကျိကန်းပဲ။ သူက မကြာသေးခင်ကမှ ရာထူးတက်သွားတဲ့ ထိုက်ရွှမ်ရှေးဟောင်းမသေမျိုးရဲ့ တပည့်ပဲ"</p> <p> </p> <p>​'ဘာ '</p> <p> </p> <p>ယွီအမာခံတပည့်မှာ ဆွံ့အသွားရသည်။</p> <p>တစ်ပါးသူ သတိပေးမှ သူလည်း ကျိကန်းကို မှတ်မိသွားပြီး မျက်နှာအမူအရာမှာ တစ်မျိုးပြီးတစ်မျိုး ပြောင်းလဲသွားတော့သည်။</p> <p> </p> <p>​ချင်အကြီးအကဲသည်လည်း ယခုမှ အသိပြန်ဝင်လာကာ ယွီအမာခံတပည့်ကို ချက်ချင်းပင် ပြုံး၍ ဆိုလိုက်သည်။</p> <p> </p> <p>"ယွီအမာခံတပည့်... အခုနက အဘိုးကြီး ငြင်းခဲ့တာကလည်း ဒီအကြောင်းကြောင့်ပါပဲ၊ ဒါပေမဲ့ ပွင့်ပွင့်လင်းလင်း ပြောဖို့ မသင့်တော်လို့ပါ။ ယွီအမာခံတပည့် အပြစ်မယူပါနဲ့လို့ တောင်းပန်ပါတယ်"</p> <p> </p> <p>​ယွီအမာခံတပည့်က မချိုမချဉ် ပြုံးလျက် ခေါင်းညိတ်ပြလိုက်ပြီးနောက် မကျေမနပ်ဖြစ်နေသော အကြည့်ဖြင့် ဖန့်ချန်ကို ကြည့်ကာ</p> <p> </p> <p>"ဖန့်အမာခံတပည့်က မျက်နှာစိမ်း ဖြစ်နေတယ်၊ ဘယ်တုန်းက အမာခံတပည့် ဖြစ်သွားတာလဲ "</p> <p> </p> <p>​"ဟော... အဘိုးကြီး ယွီ၊ မင်း ဒီမှာ ဘာလုပ်နေတာလဲ "</p> <p> </p> <p>ထိုစဉ် ဘေးမှနေ၍ အခြေအနေကို ကြည့်နေသည့် အမာခံတပည့် တစ်ဦးက အလျင်အမြန် လျှောက်လာပြီး ဖန့်ချန်တို့ နှစ်ဦးကို နှုတ်ဆက်ကာ ယွီအမာခံတပည့်ကို ဆွဲခေါ်သွားတော့သည်။</p> <p> </p> <p>​ယွီအမာခံတပည့်မှာ ဂုဏ်ထူးဆောင် ခန်းမ အပြင်ဘက်အထိ အဆွဲခံလိုက်ရပြီးနောက် နောက်ဆုံးတွင် မအောင့်နိုင်တော့ဘဲ လက်ကို ခါထုတ်လိုက်ကာ</p> <p> </p> <p>"မင်း ဒါ ဘာလုပ်တာလဲ "</p> <p> </p> <p>​"ဖန့်အမာခံတပည့်ကို မပြစ်မှားမိဖို့ သတိထားဦး၊ သူက စီနီယာအစ်မကြီးရဲ့ လူပဲ။ နောက်ပြီး သူ မသေမျိုးလှေအစီရင်ဗဟိုချက်နဲ့ စာချုပ်ချုပ်နိုင်ခဲ့တဲ့ အရှိန်က မင်းထင်ထားတာထက် အများကြီး ပိုမြန်တယ်။ အကြီးအကဲအဖွဲ့က သူ့ကို အတော်လေး အလေးထားနေတာ၊ အဆင့် ၃ ကူမသေမျိုး တစ်ယောက်အတွက်နဲ့ ရန်ဖြစ်ရတာ မတန်ဘူး"</p> <p> </p> <p>​"ဘာ "</p> <p> </p> <p>ယွီအမာခံတပည့်မှာ မှင်တက်သွားရသည်။</p> <p>သူက ကျွယ်မင်နန်းတော်သို့ ပြန်ရောက်ကာစ ဖြစ်သဖြင့် ဤသတင်းကို မကြားရသေးခြင်း ဖြစ်သည်။</p> <p> </p> <p>​ဂုဏ်ထူးဆောင် ခန်းမအတွင်း၌မူ ယွီအမာခံတပည့် ထွက်ခွာသွားသည်ကို လူတိုင်းမြင်လိုက်ရသဖြင့် ဤကိစ္စမှာ ပြီးဆုံးသွားပြီဖြစ်ကြောင်း သိလိုက်ကြသည်။</p> <p> </p> <p>​ချင်အကြီးအကဲမှာ မူလကတည်းက ဖန့်ချန်၏ အဖွဲ့ထဲဝင်ရန် စိတ်ကူးရှိပြီးသားဖြစ်သလို၊ ယနေ့တွင် ဖန့်ချန်ကိုယ်တိုင် လာဖိတ်သဖြင့် ပြတ်ပြတ်သားသားပင် သဘောတူလိုက်တော့သည်။</p> <p> </p> <p>​ခန်းမအတွင်းရှိ အရန်ကျင့်ကြံသူ အများအပြားမှာလည်း တိတ်တဆိတ် အားကျနေကြသည်။</p> <p>အမာခံတပည့် နှစ်ဦးက ကိုယ်တိုင်လာရောက် ဖိတ်ကြားရသည်အထိ ဤချင်အကြီးအကဲ၏ မျက်နှာမှာ အတော်ပင် ကြီးမားလှပေသည်။</p> <p> </p> <p>​"ချင်အကြီးအကဲ... ကျနော်က ဝိညာဥ်ပစ္စည်း အချို့ကိုပါ တစ်ခါတည်း စစ်ဆေးချင်လို့ပါ"</p> <p> </p> <p>ဖန့်ချန်က ပြုံး၍ ဆိုသည်။</p> <p> </p> <p>​"ဖန့်အမာခံတပည့် ပြောပါ"</p> <p> </p> <p>ချင်အကြီးအကဲက အနည်းငယ် ကြောင်သွားပြီးနောက် ချက်ချင်းပင် ခေါင်းညိတ်လိုက်သည်။</p> <p> </p> <p>သူ၏ စိတ်ထဲတွင် ရုတ်တရက် ထိတ်လန့်သွားမိသည်မှာ  တစ်ဖက်လူက အထွတ်ထိပ်ဝိညာဥ်ကျောက်တုံးများ အကြောင်း ထပ်မေးဦးမှာလား</p> <p> </p> <p>​သူက ဆက်ပြောလိုက်သည်</p> <p> </p> <p> "အထွတ်ထိပ်ဝိညာဥ်ကျောက်တုံးတွေကတော့ အရင်တစ်ခေါက်ကအတိုင်းပါပဲ၊ အသစ်မရောက်သေးပါဘူး"</p> <p> </p> <p>​"ဒီတစ်ခေါက်က ဝိညာဥ်ကျောက်တုံးတွေ ဝယ်ချင်တာ မဟုတ်ပါဘူး၊ အဲဒါက..."</p> <p> </p> <p>ဖန့်ချန်သည် ဝိညာဥ်ပစ္စည်း အချို့၏ အမည်များကို ပြောလိုက်သည်။</p> <p>ထိုအရာများမှာ ရွှမ်ယန်ကိုယ်ထည် စတုတ္ထအဆင့် အတွက် လိုအပ်သော လျှို့ဝှက်ဆေးများ သို့မဟုတ် တောက်အသော နတ်ဘုရားမျက်လုံး စတုတ္ထအဆင့် အတွက် လိုအပ်သော လျှို့ဝှက်ဆေးများ ဖြစ်ကြသည်။</p> <p> </p> <p>​သူသည် ထိုအရာများကို ရောနှော၍ ပြောလိုက်သဖြင့် တစ်ပါးသူ နားထောင်မိလျှင်ပင် သူ ဘာလုပ်ချင်သည်ကို မည်သူမျှ သိနိုင်မည် မဟုတ်ပေ။</p> <p> </p> <p>​"ဖန့်အမာခံတပည့် ခဏစောင့်ပါဦး၊ ကျနော် နောက်ဘက်မှာ သွားစစ်လိုက်ပါ့မယ်"</p> <p> </p> <p>ချင်အကြီးအကဲမှာ အလျင်အမြန် ထွက်ခွာသွားသည်။</p> <p> </p> <p>​ခေတ္တခဏ ကြာပြီးနောက် သူသည် စာရင်းတစ်ခုနှင့်အတူ ပြန်လာကာ ဖန့်ချန်ကို ပေးလိုက်သည်။</p> <p> </p> <p>​"ဒီဝိညာဥ်ပစ္စည်းတွေ အားလုံး ရှိပါတယ်၊ ဒါပေမဲ့ အမျိုးအစား နှစ်ခုကတော့ ကျုပ်တို့ဆီမှာ ပစ္စည်းပြတ်နေတယ်"</p> <p> </p> <p>ချင်အကြီးအကဲက ဆိုသည်။</p> <p> </p> <p>​ဖန့်ချန်က ခေါင်းညိတ်လိုက်သည်။</p> <p>လိုအပ်နေသည့် ပစ္စည်းနှစ်မျိုးမှာ ရွှမ်ယန်ကိုယ်ထည် လျှို့ဝှက်ဆေး၏ အဓိကပစ္စည်းဖြစ်သော နဂါးသည်းခြေသွေးတစ်ရာ နှင့် နတ်ဘုရားမျက်လုံး စတုတ္ထအဆင့်၏ အဓိကပစ္စည်းဖြစ်သော သက်တမ်းမျက်ဝန်း တို့ ဖြစ်ကြသည်။</p> <p> </p> <p>​"ချင်အကြီးအကဲကို ဒုက္ခပေးရပါဦးမယ်၊ ဒီပစ္စည်းတွေအတွက် လိုအပ်တဲ့ ဂုဏ်ထူးဆောင်မှတ်  ကို တွက်ပေးပါ။ ကျနော် အားလုံး တစ်စုံစီ ယူပါ့မယ်"</p> <p> </p> <p>​ဤမျှ များပြားလှသော ဝိညာဥ်ပစ္စည်းများကို ကျွယ်မင်နန်းတော်တွင် တစ်နေရာတည်း စုစည်းနိုင်ခြင်းမှာ ကောင်းမွန်သည့် ကိစ္စပင်။</p> <p> </p> <p>​နဂါးသည်းခြေသွေးတစ်ရာ နှင့် သက်တမ်းမျက်ဝန်း တို့အတွက်မူ မှန်လေး  ကိုသာ အကူအညီ တောင်းရတော့မည် ဖြစ်သည်။</p>


Save