Book List

<h2 style="text-align: center;">အခန်း ၄၃၈</h2> <h2 style="text-align: center;"> တာအိုနန်းတော်နယ်ပယ်သို့ ချိုးဖျက်ဝင်ရောက်ခြင်း၏ အခြေခံအုတ်မြစ်</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p>"အရှင်မင်းကြီး"</p> <p> </p> <p>"ကြယ်တာရာမင်းဆက်ရဲ့ တပ်ဖွဲ့ဟာ နောက်သုံးရက်အတွင်းမှာ ရှေးဟောင်းသားရဲတောင်တန်း ထဲကို ဝင်ရောက်လာတော့မှာပါ။ ကင်းထောက်တွေရဲ့ အစီရင်ခံစာအရ ကြယ်တာရာမင်းဆက် တပ်ဖွဲ့ဟာ လျှို့ဝှက်ဆန်းကြယ်တဲ့ အင်အားစုတွေရဲ့ တိုက်ခိုက်ခြင်းကို ခံနေရပြီး အကျအဆုံး တော်တော်များနေတယ်လို့ သိရပါတယ်"</p> <p> </p> <p>နန်းတွင်း စာကြည့်ဆောင်အတွင်း၌ ကုယီက လာရောက် အစီရင်ခံသည်။ ကုယန်သည် ၎င်းကို ကြားလိုက်ရသည့်အခါ အနည်းငယ် အံ့သြသွားသည့် အမူအရာ ပေါ်လာခဲ့သည်။</p> <p> </p> <p>လျှို့ဝှက်ဆန်းကြယ်သော အင်အားစုများ။</p> <p> </p> <p>ယခုလို အချိန်မျိုးတွင် သိုင်းနတ်ဘုရားမင်းဆက် နှင့် ကြယ်တာရာမင်းဆက်တို့၏ စစ်ပွဲအတွင်း မည်သည့်အင်အားစုက ဝင်ရောက် စွက်ဖက်ရဲသည့် သတ္တိရှိသနည်းဆိုသည်ကို သူ နားမလည်နိုင်ပေ။</p> <p> </p> <p>ထိုအခိုက်အတန့်တွင် ကုယီ၏ မျက်နှာအမူအရာမှာ အနည်းငယ် ပြောင်းလဲသွားသည်။ သူသည် သူ၏ သိုလှောင်လက်စွပ်ထဲမှ ကျောက်စိမ်းပြားတစ်ခုကို ထုတ်ယူကာ အထဲမှ သတင်းအချက်အလက်ကို ဖတ်ရှုပြီးနောက် ချက်ချင်းပင် မျက်နှာပျက်သွားခဲ့သည်။</p> <p> </p> <p>"အရှင်မင်းကြီး... ဂူရှင်းပြည်နယ်မှာရှိတဲ့ လျှို့ဝှက်အစောင့်တပ်ဆီက သတင်းရပါတယ်။ လွန်ခဲ့တဲ့ ရက်အနည်းငယ်က ထိုက်ရွှမ်းမင်းဆက်ဟာ ကြယ်တာရာမင်းဆက်ကို စစ်ကြေညာခဲ့ပြီး ထျန်းခွေခရိုင်က မြို့ပေါင်း ဒါဇင်ဝက်လောက်ကို တစ်ချက်တည်းနဲ့ သိမ်းပိုက်လိုက်တယ်လို့ သိရပါတယ်။"</p> <p> </p> <p>"ကြယ်တာရာမင်းဆက်ကလည်း ဒေါသထွက်ပြီး သူတို့ရဲ့ ပထမဆုံး ဘုရင်စစ်သူကြီး ယန်ရွှမ်း ကို 'ခုနစ်သတ် တပ်ဖွဲ့' နဲ့အတူ ထျန်းခွေခရိုင်ဆီ တိုက်ရိုက် စေလွှတ်လိုက်ပါပြီ"</p> <p> </p> <p>"ထိုက်ရွှမ်းမင်းဆက်"</p> <p> </p> <p>ကုယန်၏ မျက်နှာထားမှာလည်း အနည်းငယ် လေးနက်သွားခဲ့သည်။</p> <p> </p> <p>ကြယ်တာရာမင်းဆက်ကဲ့သို့ပင် ထိုက်ရွှမ်းမင်းဆက်သည်လည်း အင်အားအလွန်တောင့်တင်းသော ရှေးဟောင်းဧကရာဇ်တစ်ခု ဖြစ်သည်။</p> <p> </p> <p>ကုယန်ကို အံ့သြစေသည့်အချက်မှာ ထိုက်ရွှမ်းမင်းဆက်က ယခုလိုအချိန်မျိုးတွင် ကြယ်တာရာမင်းဆက်ကို စတင်တိုက်ခိုက်ခြင်းပင် ဖြစ်သည်။</p> <p> </p> <p>အစောပိုင်းက ကျန်းချန်ဦးဆောင်သော တပ်ဖွဲ့မှာ လျှို့ဝှက်အင်အားစုများ၏ တိုက်ခိုက်ခြင်းကို ခံခဲ့ရသလို၊ ယခုလည်း ထိုက်ရွှမ်းမင်းဆက်က ကြယ်တာရာမင်းဆက်ကို စစ်ကြေညာခဲ့သည်။ ဤအရာအားလုံးမှာ အလွန်ပင် တိုက်ဆိုင်လွန်းနေပြီး တစ်စုံတစ်ဦးက သိုင်းနတ်ဘုရားမင်းဆက်ကို အမှောင်ထဲမှ ကူညီနေသကဲ့သို့ ရှိနေသည်။</p> <p> </p> <p>ဤသတင်းက ကုယန်ကို သဘာဝကျကျပင် တုန်လှုပ်စေခဲ့သည်။</p> <p> </p> <p>သူသည် စိတ်ကို အမြန်ဆုံး ပြန်လည် တည်ငြိမ်အောင် ထိန်းလိုက်သည်။</p> <p> </p> <p>မည်သည့်အင်အားစုက ကြယ်တာရာမင်းဆက်ကို အမှောင်ထဲမှ တိုက်ခိုက်နေသည်ဖြစ်စေ၊ ၎င်းမှာ လက်ရှိတွင် သိုင်းနတ်ဘုရားမင်းဆက်အတွက် ဆိုးကျိုးမရှိပေ။</p> <p> </p> <p>ဘာပဲဖြစ်ဖြစ် ရန်သူ၏ရန်သူသည် ငါ့မိတ်ဆွေပင်။ အကယ်၍ တစ်စုံတစ်ဦးက ကြယ်တာရာမင်းဆက်၏ အင်အားကို လျှော့ချပေးရန် ဆန္ဒရှိနေလျှင် ၎င်းကို ကုယန်အနေဖြင့် မြင်တွေ့ရသည်မှာ ဝမ်းသာစရာပင် ဖြစ်သည်။</p> <p> </p> <p>"ကြယ်တာရာမင်းဆက်ရဲ့ လှုပ်ရှားမှု မှန်သမျှကို ဆက်ပြီး သတင်းစုဆောင်းပါ"</p> <p> </p> <p>"ဟုတ်ကဲ့ပါ"</p> <p> </p> <p>ကုယီ ထွက်သွားပြီးနောက် ကုယန်သည် တံခါးဝရှိ မိန်းမစိုးကို လှမ်းပြောလိုက်သည် "အဆင့် သုံးနဲ့ အထက်ရှိတဲ့ စစ်ဘက်ဆိုင်ရာ အရာရှိအားလုံးကို ငါ့ဆီ ချက်ချင်း လာခိုင်းလိုက်"</p> <p> </p> <p>"အမိန့်တော်အတိုင်းပါ”</p> <p> </p> <p>မိန်းမစိုးသည် ရိုသေစွာဖြင့် အမိန့်ကို နာခံလိုက်သည်။</p> <p> </p> <p>မကြာမီမှာပင် သက်လတ်ပိုင်း စစ်သူကြီးတစ်ဦး ဦးဆောင်သော စစ်ဘက်ဆိုင်ရာ အရာရှိတစ်စု ရောက်ရှိလာကြသည်။</p> <p> </p> <p>"ကျွန်တော်မျိုးတို့ အရှင်မင်းကြီးကို ဂါရဝပြုပါတယ်"</p> <p> </p> <p>"ငါ အကျဉ်းချုပ်ပဲ ပြောမယ်။ ကြယ်တာရာမင်းဆက်ရဲ့ ပင်မစစ်ကြောင်းဟာ လျှို့ဝှက်အင်အားစုတွေရဲ့ ချောင်းမြောင်းတိုက်ခိုက်ခြင်းကို ခံရလို့ အထိနာနေပေမဲ့ သူတို့ရဲ့ အရေအတွက်က အများကြီး ရှိနေသေးတယ်။ နောက်သုံးရက်နေရင် ကျန်းချန် ဦးဆောင်တဲ့ တပ်ဖွဲ့ဟာ ရှေးဟောင်းသားရဲတောင်တန်းထဲကို ဝင်လာလိမ့်မယ်။"</p> <p> </p> <p>"ဒီခရီးလမ်းမှာ မင်းတို့ကို ငါ အမိန့်ပေးမယ်။ 'နတ်ဆိုးနှိမ်နင်းရေး မြို့ကိုးမြို့' ကို အခြေစိုက်စခန်းအဖြစ် သုံးပြီး သူတို့ကို ကိုးပြည်နယ်မြေပေါ်ကို ခြေတစ်လှမ်းတောင် အချမခံပါနဲ့"</p> <p> </p> <p>ကုယန်က ပြတ်သားစွာ အမိန့်ပေးလိုက်သည်။</p> <p> </p> <p>ကိုးပြည်နယ်သည် သိုင်းနတ်ဘုရားမင်းဆက်၏ အခြေခံအုတ်မြစ် ဖြစ်သည်၊ ကုယန်အနေဖြင့် စစ်မီးကို ကိုးပြည်နယ်အတွင်းသို့ မကျရောက်စေလိုပေ။</p> <p> </p> <p>အကယ်၍ ထိုသို့ ဖြစ်လာခဲ့လျှင် ကိုးပြည်နယ်အတွင်းမှာ အနိုင်ရသည်ဖြစ်စေ၊ ရှုံးသည်ဖြစ်စေ ပေးဆပ်ရမည့် တန်ဖိုးမှာ အလွန်ပင် ကြီးမားလှပေလိမ့်မည်။</p> <p> </p> <p>၎င်းမှာ ကုယန် မြင်တွေ့လိုသော အခြေအနေ မဟုတ်ပေ။</p> <p> </p> <p>စစ်မြေပြင်ကို ရှေးဟောင်းသားရဲတောင်တန်းတွင်သာ ထားရှိခြင်းဖြင့် ထိခိုက်ပျက်စီးမှုများကို အနည်းဆုံးအဆင့်သို့ လျှော့ချနိုင်သည်။</p> <p> </p> <p>၎င်းကို ကြားလိုက်ရသည့်အခါ အရာရှိများမှာ အမိန့်ကို ရိုသေစွာ နာခံကြသည်။</p> <p> </p> <p>"ယန်ယွင်...မင်းက ဒီတိုက်ပွဲရဲ့ ဦးစီးချုပ်အဖြစ် တာဝန်ယူရမယ်၊ နတ်ဆိုးနှိမ်နင်းရေး မြို့ကိုးမြို့ရဲ့ စစ်ဆင်ရေး အားလုံးကို ကြီးကြပ်ရမယ်။ မှတ်ထားပါ၊ ငါ့မှာ တောင်းဆိုချက် တစ်ခုတည်းပဲ ရှိတယ်။ ကြယ်တာရာမင်းဆက်ကလူ တစ်ယောက်မှ ငါတို့ရဲ့ ကိုးပြည်နယ်မြေပေါ်ကို ခြေချခွင့် မပေးရဘူး"</p> <p> </p> <p>ကုယန်၏ အကြည့်မှာ ရှေ့ဆုံးက ရပ်နေသော သက်လတ်ပိုင်း စစ်သူကြီးထံသို့ ကျရောက်သွားသည်။ သူ၏ ရုပ်ရည်မှာ သာမန်မျှသာ ဖြစ်သော်လည်း သူ၏ တည်ငြိမ်သော မျက်နှာထားနှင့် စစ်သည်ပီသသော အမူအရာမှာ ထင်ရှားလှသည်။</p> <p> </p> <p>ယခုအချိန်တွင် ရှီကျင်းနှင့် အခြားသူများမှာ ကွေ့ယွမ်မင်းဆက်ကို တိုက်ခိုက်ရန် တပ်ဖွဲ့များ ဦးဆောင်နေကြသဖြင့်၊ နန်းတော်တွင် ကိစ္စရပ်များကို တစ်ဦးတည်း ကိုင်တွယ်နိုင်သော စစ်သူကြီး သိပ်မကျန်တော့ပေ။</p> <p> </p> <p>ယန်ယွင်မှာ ထိုအထဲတွင် အထူးချွန်ဆုံး တစ်ဦး ဖြစ်သည်။</p> <p> </p> <p>ရှီကျင်းတို့ကဲ့သို့ပင် ယန်ယွင်သည် သိုင်းနတ်ဘုရားမင်းဆက် စတင်တည်ထောင်ချိန်မှစ၍ ကုယန်၏ အနားတွင်ရှိကာ တိုက်ပွဲများစွာကို ဆင်နွှဲခဲ့သူ ဖြစ်သည်။</p> <p> </p> <p>တစ်ချိန်တည်းမှာပင် ယန်ယွင်၏ ကျင့်ကြံမှု ပါရမီမှာလည်း အလွန်ပင် ထူးခြားလှသည်။</p> <p> </p> <p>သူသည် တာအိုနန်းတော်နယ်ပယ်သို့ မရောက်သေးသော်လည်း၊ သူ၏ ကျင့်ကြံမှုမှာ "ဝိညာဉ်ကူးပြောင်းခြင်းနယ်ပယ် နဝမအဆင့်" ၏ ထိပ်ဆုံးသို့ ရောက်ရှိနေပြီ ဖြစ်သည်။</p> <p> </p> <p>ပွင့်ပွင့်လင်းလင်း ပြောရလျှင် ယန်ယွင်၏ ကျင့်ကြံမှုမှာ သိုင်းနတ်ဘုရားမင်းဆက်အတွင်း အရှေ့ဆုံးတွင် ရှိနေသည်။</p> <p> </p> <p>အကယ်၍ ရှီကျင်းသာ ဆေးလုံးများ အကူအညီဖြင့် အဆင့်မတက်ခဲ့ပါက၊ လက်ရှိ ကျင့်ကြံမှုတွင် ယန်ယွင်ကို ယှဉ်နိုင်လိမ့်မည် မဟုတ်ပေ။</p> <p> </p> <p>"ကျွန်တော်မျိုး အစွမ်းကုန် ကြိုးစားပါ့မယ်။ ကျွန်တော်မျိုးရဲ့ အသက်ကို ပေးဆပ်ရပါစေဦးတော့၊ ကြယ်တာရာမင်းဆက် တပ်ဖွဲ့ကို ကျွန်တော်တို့ရဲ့ သိုင်းနတ်ဘုရားမြေပေါ်ကို ခြေချခွင့် မပေးစေရပါဘူး"</p> <p> </p> <p>ယန်ယွင်က လက်အုပ်ချီကာ အသံကျယ်ကျယ်ဖြင့် ကတိပေးလိုက်သည်။</p> <p> </p> <p>ထို့နောက်တွင် တစ်ဦးက မေးမြန်းလိုက်သည် "အရှင်မင်းကြီး... ကြယ်တာရာမင်းဆက် တပ်ဖွဲ့ကို ချောင်းမြောင်းတိုက်ခိုက်တဲ့ အင်အားစုနဲ့ ပတ်သက်ပြီး တိကျတဲ့ သတင်း အချက်အလက်များ ရှိပါသလား"</p> <p> </p> <p>"မရှင်းလင်းသေးဘူး။ တိုက်ခိုက်သူတွေက အရမ်း လျှို့ဝှက်လွန်းလို့ ငါတို့မှာ သတင်း အချက်အလက် နည်းပါးနေတယ်။ ဒါပေမဲ့ ထိုက်ရွှမ်းမင်းဆက်ကတော့ အခု ကြယ်တာရာမင်းဆက်ကို စစ်ကြေညာလိုက်ပြီ။ သူတို့ရဲ့ အချိန်ကိုက်မှုက ဘယ်လိုပဲဖြစ်ဖြစ်။"</p> <p> </p> <p>"မင်းဆက်တစ်ခုက စစ်ကြေညာလိုက်တယ်ဆိုတဲ့ အချက်က ငါတို့ သိုင်းနတ်ဘုရားမင်းဆက်အတွက်တော့ အခွင့်အရေးတစ်ခုပဲ။"</p> <p> </p> <p>ကုယန်က အသာအယာ ပြုံးလိုက်သည်။ သူ၏ စကားများကြောင့် လူတိုင်း၏ မျက်နှာမှာ ပြောင်းလဲသွားခဲ့သည်။</p> <p> </p> <p>မကြာမီမှာပင် လူတိုင်း ဝမ်းသာသွားကြသည်။</p> <p> </p> <p>ထိုက်ရွှမ်းမင်းဆက်က ကြယ်တာရာမင်းဆက်ကို စစ်ကြေညာခြင်းသည် သူတို့ မျှော်လင့်နိုင်သည့် အကောင်းဆုံး သတင်းပင် ဖြစ်သည်။</p> <p> </p> <p>ကြယ်တာရာမင်းဆက်ကို တိုက်ခိုက်ရန် အခြားသော အင်အားစုတစ်ခု ရှိနေခြင်းက သိုင်းနတ်ဘုရားမင်းဆက်အပေါ် ကျရောက်နေသော ဖိအားကို သိသိသာသာ လျော့ပါးသွားစေသည်။</p> <p> </p> <p>ဤအခိုက်အတန့်တွင် ယန်ယွင်ကလည်း မေးမြန်းလိုက်သည် "အခု ကြယ်တာရာမင်းဆက်က အင်အားအလုံးအရင်းနဲ့ လာနေပြီဆိုတော့၊ ကွေ့ယွမ်မင်းဆက်မှာ ရှိနေတဲ့ တပ်ဖွဲ့တွေကို ပြန်ရုပ်သိမ်းသင့်ပါသလား"</p> <p> </p> <p>"မလိုဘူး။"</p> <p> </p> <p>ကုယန်က လက်နှစ်ဖက်ကို နောက်ပစ်ကာ အေးစက်စွာ ပြောလိုက်သည်။</p> <p> </p> <p> </p> <p> </p> <p>ဒီတစ်ကြိမ် ကွေ့ယွမ်မင်းဆက်ကို တိုက်ခိုက်ဖို့ သိုင်းနတ်ဘုရားမင်းဆက်အနေနဲ့ ကြီးမားတဲ့ ပေးဆပ်မှုတွေ လုပ်ထားပြီးသား ဖြစ်သည်။ အခုမှ ပြန်ဆုတ်လိုက်ရင် အရင်က ကြိုးစားအားထုတ်မှုတွေ အားလုံး အလဟဿ ဖြစ်သွားပေလိမ့်မည်။</p> <p> </p> <p>ထို့အပြင် တပ်ဖွဲ့အနေနဲ့ ပြန်ဆုတ်လာပြီး စစ်ကူပေးဖို့ဆိုတာ အချိန်နှောင်းသွားပြီ ဖြစ်သည်။</p> <p> </p> <p>အချိန်ဖြုန်းနေမယ့်အစား ကွေ့ယွမ်မင်းဆက်ကို အမြန်ဆုံး အောင်နိုင်အောင် လုပ်တာက ပိုကောင်းပေလိမ့်မည်။</p> <p> </p> <p>ရှီကျင်းရဲ့ အစွမ်းနဲ့ သူ့လက်ထဲက "မဟာသူတော်စင် လက်နက်"နဲ့ဆိုရင် ကွေ့ယွမ်မင်းဆက်ကို ကိုင်တွယ်ဖို့ လုံလောက်လှသည်။</p> <p> </p> <p>ကုယန်၏ ပြတ်သားသော သဘောထားကို မြင်သည့်အခါ အခြားသူများမှာ ဘာမှ ထပ်မပြောရဲကြတော့ပေ။</p> <p>...</p> <p> </p> <p>အရှေ့ပိုင်းဒေသ။</p> <p>ကွေ့ယွမ်မင်းဆက်။</p> <p> </p> <p>အစပိုင်းတွင် ကြယ်တာရာမင်းဆက်၏ တပ်ဖွဲ့စေလွှတ်မှုကို သိလိုက်ရသည့်အခါ ဧကရာဇ် ဟန်မှာ အလွန်ပင် ဝမ်းသာသွားခဲ့သည်။</p> <p> </p> <p>သူ့အမြင်အရ ကြယ်တာရာမင်းဆက်က တပ်ဖွဲ့စေလွှတ်လိုက်ပြီ ဖြစ်သဖြင့်၊ ကွေ့ယွမ်မင်းဆက်အတွင်းရှိ သိုင်းနတ်ဘုရား တပ်ဖွဲ့များမှာ ချက်ချင်း ပြန်ဆုတ်သွားလိမ့်မည်ဟု ထင်မှတ်ထားခဲ့ခြင်း ဖြစ်သည်။</p> <p> </p> <p> </p> <p> </p> <p> </p> <p style="text-align: center;">***</p>


Save