Book List

<h2 style="text-align: center;">အခန်း။ ၃၇၈</h2> <h2 style="text-align: center;">*</h2> <p> </p> <p> </p> <p>အကြီးအကဲဟွမ်သည် ထိုအနှစ်သာရကို လက်ခံရရှိချိန်တွင် အလွန်အမင်း အံ့အားသင့်သွားခဲ့သည်။</p> <p>"ဒါက... မဖြစ်နိုင်တာ"</p> <p>သူမ ရေရွတ်လိုက်မိသည်။ သူမ ထင်ထားသလိုမျိုး ဖြစ်ရန်မှာ လုံးဝ မဖြစ်နိုင်ဟု ယူဆထားသောကြောင့်ပင်။</p> <p>သန့်စင်သော သွေးအဆင့်ရှိ ဖီးနစ်သွေးမျိုးဆက် အနှစ်သာရလား။ ရှောင်ယုက ဒီလိုအရာမျိုးကို ဘယ်လိုများ ရခဲ့တာလဲ။</p> <p>သူမ သိချင်စိတ် ပြင်းပြနေမိသည်။</p> <p>မဟုတ်သေးဘူး။ ရှောင်ယုလို့ ခေါ်မိတာက ငါ့ရဲ့ အကြီးမားဆုံး အမှားပဲ။ ငါက ဘယ်လိုလုပ်ပြီး သူ့ကို သားအရင်းတစ်ယောက်လို တွေးမိရတာလဲ။</p> <p>အခု လက်ရှိအမှန်တရားကတော့ သူက ငါတို့အားလုံးရဲ့ ဘိုးဘေးတစ်ဦးပဲ။ ငါ့ရဲ့ ရိုသေမှုကို ပြန်လည်စုစည်းပြီး သူ့ကို ထိုက်တန်တဲ့ ဂုဏ်ပုဒ်နဲ့ ဆက်ဆံရမယ်။</p> <p>ကျူးချွဲသည် အကြီးအကဲဟွမ်၏ စိတ်လှုပ်ရှားနေသော အမူအရာကို ကြည့်ပြီး ပြုံးလိုက်သည်။ "အကြီးအကဲ သွေးမျိုးဆက်ကို သန့်စင်နေစဉ်အတွင်း ကျွန်မ စောင့်ရှောက်ပေးပါ့မယ်"</p> <p>သူမက ပြောလိုက်သည်။</p> <p>"တကယ်လား သိပ်ကို လိမ္မာတဲ့ ကောင်မလေးပဲ"</p> <p>အကြီးအကဲဟွမ်က ပြောလိုက်သည်။ ထို့နောက် သူမက နှုတ်ခမ်းကို တစ်ချက်သပ်လိုက်ပြီး  "ဟွန့်... အဲ့ဒီ လီယောင်းဆိုတဲ့ ကောင်မလေးက မင်းလိုပဲ လိမ္မာမယ်ဆိုရင် သိပ်ကောင်းမှာပဲ။ သူ သိတာက သူ့ရဲ့ ကိုယ်ဝန်ဆောင် ဒေါ်လေးကို အလုပ်တွေ ပိအောင် ခိုင်းဖို့ပဲ။ ဟင်း... ဘိုးဘေးယုကတောင် လူကြီးသူမကို ဘယ်လို ရိုသေရမလဲဆိုတာ သိသေးတယ်"</p> <p>သူမက စတင်၍ ညည်းတွားတော့သည်။</p> <p>"ဘိုးဘေး"</p> <p>ကျူးချွဲက ဇဝေဇဝါဖြစ်ကာ မေးလိုက်သည်။</p> <p>"အဟမ်း... ငါ အခု သန့်စင်ခြင်းကို စတင်တော့မယ်။ ကျေးဇူးပြုပြီး စောင့်ရှောက်ပေးပါဦး"</p> <p>သူမသည် တရားထိုင်သည့် ပုံစံဖြင့် ထိုင်လိုက်သည်။</p> <p>သွေးမျိုးဆက် အနှစ်သာရမှာ အကြီးအကဲဟွမ်၏ ခန္ဓာကိုယ်အတွင်းသို့ ဝင်ရောက်သွားသည့်</p> <p>အခါ သူမ၏ မူလဖီးနစ်သွေးမျိုးဆက်မှာ တုန်လှုပ်သွားသည်ကို ခံစားလိုက်ရသည်။</p> <p>ဒါက ဘာတွေ ဖြစ်နေတာလဲ။ နှစ်ခုစလုံးက ဖီးနစ် သွေးမျိုးဆက်တွေပဲလေ။ ဘာကြောင့် တစ်ခုနဲ့တစ်ခု ပေါင်းစပ်မသွားဘဲ အပြင်းအထန် တိုက်ခိုက်နေကြတာလဲ။ တစ်ခုက ပိုပြီး သန့်စင်နေတယ်ဆိုရင်တောင်... သူတို့ဟာ တစ်သားတည်း ဖြစ်သွားသင့်တာ မဟုတ်လား။</p> <p>သူမ မသိရှိသောအချက်မှာ ရှန်းယွီ၏ အစဉ်တစိုက် သွေးမျိုးဆက် လှုံ့ဆော်မှုများနှင့် ပေါင်းစပ်ခြင်းလုပ်ဆောင်ချက်ကို အသုံးပြု၍ အခြားစွမ်းရည်များကို သွေးမျိုးဆက်များအတွင်း ပေါင်းစပ်ထားမှုကြောင့် ထိုသွေးမျိုးဆက်နှစ်ခုစလုံးမှာ သာမန်ဖီးနစ်နှင့် နဂါးသွေးမျိုးဆက်များထက် များစွာ သာလွန်ထူးကဲစွာ ဆင့်ကဲပြောင်းလဲနေပြီ ဖြစ်ခြင်းပင်။ ၎င်းမှာ သွေးမျိုးဆက်သစ်တစ်ခုဟု ခေါ်ရန် အဆင့်မရောက်သေးသော်လည်း မူလသွေးမျိုးဆက်များနှင့် နှိုင်းယှဉ်လျှင်မူ အလွန်ပင် အဆင့်မြင့်မားနေပြီဖြစ်သည်။</p> <p>အနှစ်သာရ၏ ပြင်းထန်သော စွမ်းအားများကြောင့် အကြီးအကဲဟွမ်၏ ခန္ဓာကိုယ်မှာ ရုတ်တရက် မီးတောက်များ ထွက်ပေါ်လာခဲ့သည်။ သွေးမျိုးဆက် အနှစ်သာရမှာ အလွန်အမင်း အစွမ်းထက်နေသဖြင့် သူမ တစ်ခုခု မလုပ်ဆောင်နိုင်ပါက...</p> <p>ထိုသို့ တွေးနေစဉ်မှာပင် သူမ၏ ကျောပြင်ပေါ်သို့ အေးစက်သော လက်ဝါးတစ်ခု လာရောက် ထိတွေ့သည်ကို ခံစားလိုက်ရသည်။ သူမ မျက်လုံးဖွင့်ကြည့်လိုက်ရာ  "ကျူးချွဲ" ဟု အံ့အားသင့်စွာ မေးလိုက်မိတော့သည်။</p> <p>“အဆင်ပြေသွားမှာပါ။ သွေးမျိုးဆက်အနှစ်သာရ စီးဆင်းမှုအပေါ်မှာပဲ အာရုံစိုက်ထားလိုက်ပါ။ ပိုလျှံနေတဲ့ စွမ်းအင်တွေ တည်ငြိမ်သွားအောင် ကျွန်မ ကူညီပေးပါ့မယ်”</p> <p>ကျူးချွဲက ပြောလိုက်သည်။</p> <p>“ကောင်းပြီလေ”</p> <p>အကြီးအကဲဟွမ်က ခေါင်းငြိမ့်ဝန်ခံကာ စွမ်းအင်စီးဆင်းမှုကို ဆက်လက်လုပ်ဆောင်သည်။ မိနစ်အနည်းငယ် ကြာသောအခါ လျှံထွက်နေသော စွမ်းအားများမှာ ပြန်လည်တည်ငြိမ်သွားပြီး သူမ၏ ခန္ဓာကိုယ်မှာလည်း ပုံမှန်အခြေအနေသို့ ပြန်ရောက်သွားခဲ့သည်။ ထိုအခါမှ ကျူးချွဲသည် သူမ၏ ကျောပြင်မှ လက်ဝါးကို ဖယ်ခွာလိုက်သည်။</p> <p>ကျူးချွဲသည် သုမ၏ လက်ဖဝါးပေါ်ရှိ အနည်းငယ်မျှသော မီးလောင်ရာကို ကြည့်လိုက်မိသည်။ သို့သော် ထိုအမှတ်အသားမှာ ခဏချင်းပင် ပျောက်ကွယ်သွားပြီး ဒဏ်ရာမှာလည်း ပြန်လည်ကျန်းမာသွားခဲ့သည်။ အရှင်သခင်၏ သွေးမျိုးဆက်မှာ အစဉ်တစိုက် ဆင့်ကဲပြောင်းလဲနေခြင်းဖြစ်ကြောင်း သူမ တွေးမိလိုက်သည်။ မနေ့က ရရှိခဲ့သော သွေးမျိုးဆက်အနှစ်သာရမှာ ယနေ့ရရှိသောအရာကို မမီတော့ပေ။ ထို့အတူ ယနေ့ရရှိသောအရာသည်လည်း မနက်ဖြန်တွင် ကျော်ဖြတ်ခြင်း ခံရပေဦးမည်။</p> <p>သူမ၏ အရှင်သခင်သည် နောက်ဆုံးတွင် မည်မျှအထိ ကြောက်မက်ဖွယ်ကောင်းသော တည်ရှိမှုမျိုး ဖြစ်လာမလဲဟု သူမ သိချင်နေမိတော့သည်။</p> <p>ရှန်းယွီသည် ပြန်လည်စတင်ခြင်းမျက်နှာပြင်ကို ပြုံးရွှင်စွာ ကြည့်နေမိသည်။</p> <p>“နောက်ဆုံးတော့ ရောက်လာပြီပဲ”</p> <p>သူသည် အမြဲတမ်းလုပ်ဆောင်နေကျအတိုင်း ခန္ဓာကိုယ်သန့်စင်ခြင်း အပိုင်းမှ စတင်ကြည့်ရှုလိုက်သည်။ သူ၏ တိုးတက်မှုနှုန်းမှာ အံ့ဩစရာပင်။ မနေ့ကမှ အလွှာ ၃၃ တွင် ရှိနေခဲ့သော်လည်း ယနေ့တွင် အလွှာ ၃၄ ကို ကျော်ဖြတ်ကာ အလွှာ ၃၅ သို့ ရောက်ရှိရန် ထက်ဝက်ကျော်ပင် ခရီးပေါက်နေပြီဖြစ်သည်။ ဤသည်မှာ သူ၏ ကြယ်တာရာခန္ဓာက စွမ်းအင်များကို အဆက်မပြတ် ရိုက်ခတ်ပေါင်းစပ်ပေးနေခြင်းနှင့် ဂျူနီယာညီမလေးနှင့် အတူတကွ ကျင့်ကြံခဲ့ခြင်းကြောင့် ဖြစ်ပေလိမ့်မည်။ ထို့ကြောင့် သူမနှင့် မကြာခဏ အတူတကွ ကျင့်ကြံသင့်သည်ဟု သူ ဆုံးဖြတ်လိုက်သည်။</p> <p>ထို့နောက် သူ၏ ကျင့်ကြံခြင်းအပိုင်းကို ကြည့်လိုက်သောအခါ ပို၍ပင် မှင်တက်သွားရသည်။ ကောင်းကင်ဘုံအဆင့် ဝိညာဉ်အမြစ်၏ အစွမ်းကြောင့် အတွေ့အကြုံပေါင်း နှစ်သိန်းကျော်အထိ ရရှိခဲ့ပြီး ယခုအခါ အဆင့်တက်ရန် ထက်ဝက်ကျော်ပင် ကျော်လွန်နေပြီဖြစ်သည်။ ဤသည်မှာ အဆုံးသတ်မဟုတ်သေးဘဲ ရှေ့ဆက်၍ ပိုမိုမြန်ဆန်လာမည်ဟု သူ ခန့်မှန်းထားသည်။ ကြယ်တာရာခန္ဓာက စွမ်းအင်များကို ပိုမိုပြင်းထန်စွာ ရိုက်ခတ်ပေါင်းစပ်ပေးနေသဖြင့် သူ၏ အထွတ်အထိပ်သို့ ရောက်ရှိနိုင်စွမ်းမှာလည်း ပိုမိုမြင့်မားလာခဲ့သည်။</p> <p>ယခင်က တစ်နေ့လျှင် နှစ်ကြိမ်သာ သွေးမျိုးဆက်ကို ပေါင်းစပ်နိုင်သော်လည်း ယခုအခါ သုံးကြိမ်အထိ လုပ်ဆောင်နိုင်ပြီဖြစ်သည်။ ၎င်းမှာ စနစ်၏ နှစ်ဆရရှိခြင်းကဲ့သို့ မပြင်းထန်သော်လည်း အလွန်ပင် အစွမ်းထက်လှသည်။</p> <p>သူ၏ ဝိညာဉ်စွမ်းအားကို ကြည့်ရင်း ယခင်ကကဲ့သို့ နှေးကွေးခြင်းမရှိတော့သော်လည်း သူ လိုလားသော အမြန်နှုန်းသို့မူ မရောက်သေးပေ။ သို့သော် ဝိညာဉ်ပင်လယ်အတွင်းရှိ ကြယ်စင်များထဲတွင် စွမ်းအင်များ အဆက်မပြတ် ပေါင်းစပ်နေသဖြင့် သူ၏ ဝိညာဉ်စွမ်းအားမှာလည်း အချိန်နှင့်အမျှ တိုးတက်လာမည်ဖြစ်သည်။</p> <p>ထိုသို့ တွေးတောနေစဉ်မှာပင် ဝိညာဉ်ပင်လယ်အတွင်း၌ ထူးဆန်းသော အရာတစ်ခုကို ခံစားလိုက်ရသည်။ အချက်အလက်များနှင့် ကုန်ကြမ်းပစ္စည်းများမှာ တစ်မှတ်တည်းသို့ စုစည်းသွားပြီး စက္ကန့်ပိုင်းအတွင်း တတိယမြောက် ကြယ်စင်တစ်လုံး ထပ်မံဖြစ်ပေါ်လာခဲ့သည်။ ယခုအခါ ကြယ်သုံးလုံးမှာ တစ်လုံးကိုတစ်လုံး လှည့်ပတ်နေကြပြီဖြစ်ရာ သူ၏ လုပ်ဆောင်နိုင်စွမ်းမှာ များစွာမြင့်မားသွားခဲ့သည်။</p> <p>သို့သော် ဝိညာဉ်ပင်လယ်အတွင်းရှိ မြေပြင်နှင့် တည်ရှိသမျှ အရာအားလုံးကို ထိုကြယ်စင်များက ဝါးမြိုပစ်လိုက်ပြီး ဟင်းလင်းပြင်ကြီးသဖွယ် ဖြစ်သွားသည်ကို သူ သတိပြုမိလိုက်သည်။ ဤအကြောင်းကို သူ၏ အလင်းကိုယ်ပွားထံသို့ လေ့လာရန် လွှဲအပ်လိုက်သည်။</p> <p>နောက်ထပ် အံ့ဩစရာတစ်ခုမှာ ကောင်းကင်ဘုံအဆင့် ဝိညာဉ်အမြစ်တွင် အတွေ့အကြုံအမှတ်ငါးထောင်အထိ ရရှိခဲ့ခြင်းဖြစ်သည်။ သူ၏ ကြယ်တာရာနက္ခတ်ဗေဒခန္ဓာ ပွင့်သွားခြင်း၊ စစ်နတ်ဘုရားခန္ဓာ ဆင့်ကဲပြောင်းလဲသွားခြင်းနှင့် ကြယ်တာရာခန္ဓာက ဝိညာဉ်အမြစ်ကို လှုံ့ဆော်ပေးနိုင်ခြင်းတို့ကြောင့်ပင်။</p> <p>ခန္ဓာကိုယ်အတွင်းရှိ စွမ်းအင်များကို ရိုက်ခတ်နေပုံမှာ အမြဲတမ်း အသက်ဝင်နေသော ပြန်လည်မွေးဖွားခြင်း အကျိုးသက်ရောက်မှုကို ရရှိစေသည်။ ဆိုလိုသည်မှာ သူသည် ခန္ဓာများ အဆင့်တက်ရန် စောင့်ဆိုင်းနေစရာမလိုဘဲ ဝိညာဉ်အမြစ်အတွက် အတွေ့အကြုံများကို ပုံမှန်ရရှိနိုင်မည့် လမ်းကြောင်းကို နောက်ဆုံးတွင် ရှာဖွေတွေ့ရှိသွားခြင်းပင်။</p> <p> </p> <p> </p> <p> </p> <p style="text-align: center;">***</p>


Save