Book List

<h2 style="text-align: center;">အပိုင်း (၁၁၀၀)</h2> <h2 style="text-align: center;">သူတော်စင်အဆင့်ဝင်ရောက်ခြင်း၊ဓားတာအိုအဆင့်၁၀ (၅)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>လီဟောင်သည် သူ၏ ခန္ဓာကိုယ်အတွင်းသို့ စီးဝင်လာသော ကြီးမားသည့် စွမ်းအင်များကို ထပ်မံခံစားလိုက်ရသည်။ သူတော်စင်မျာတောင်မှ ထိုဓားကို ထိုမျှအထိ သတိထား ကိုင်တွယ်နေကြသည်ဆိုလျှင် ၎င်းသည် အမှန်တကယ်ပင် ထူးခြားဆန်းပြားသော အရာတစ်ခု ဖြစ်နိုင်သည်။</p> <p>လီဟောင်သည် မည်သည့် အမှားအယွင်းမျှ အဖြစ်မခံဘဲ သူ၏ စွမ်းအင်အားလုံးကို ထုတ်ဖော်လိုက်ပြီး ဓားရှိရာသို့ လျှောက်လှမ်းသွားခဲ့သည်။</p> <p>သူသည် အနီးသို့ ချဉ်းကပ်သွားသည်နှင့်အမျှ ထိတ်လန့်ဖွယ်ကောင်းသော အရှိန်အဝါများကို ချက်ချင်း ခံစားလိုက်ရသည်။ ထိုဓားအတွင်း၌ အိပ်မောကျနေပုံရသော ဝေဝါးသည့် အသိစိတ်ဝိညာဉ်တစ်ခု ရှိနေသည်ကိုလည်း သူ ခပ်ရေးရေး အာရုံခံမိလိုက်သည်။</p> <p>မကြာမီမှာပင် လီဟောင်သည် ဓား၏ ရှေ့တွင် ရပ်လိုက်သည်။</p> <p>သူသည် လက်ကို မြှောက်၍ ဓားရိုးကို လှမ်း၍ ဖမ်းဆုပ်လိုက်ရာ လက်ဖဝါးမှတစ်ဆင့် ထိုးဖောက်ဝင်ရောက်လာသော မခံမရပ်နိုင်အောင် ပူပြင်းသည့် ခံစားချက်ကို ချက်ချင်း ခံစားလိုက်ရသည်။ တစ်ချိန်တည်းတွင် ဓားကို ဝန်းရံထားသော အနီရောင်မီးလျှံများသည် သူ့ကို လွှမ်းခြုံသွားခဲ့သည်။</p> <p>သို့သော် လီဟောင်၏ အစွမ်းထက်သော ခွန်အားမှာ အမည်နာမသူတော်စင် သို့မဟုတ် မဟာသူတော်စင်များထက် အဆပေါင်းများစွာ ပိုမိုကြီးမားသဖြင့် ထိုကြီးမားသော စွမ်းအင်ကို အသုံးပြုကာ အနီရောင်မီးလျှံများကို ခုခံလိုက်သည်။</p> <p>လီဟောင်သည် ဓားကို ဆွဲထုတ်ရန် အားစိုက်ထုတ်လိုက်သော်လည်း ၎င်းမှာ အနီရောင်မြေသားနှင့် တစ်သားတည်း ဖြစ်နေသကဲ့သို့ တစ်လက်မမျှပင် ရွေ့လျားခြင်း မရှိသည်ကို တွေ့လိုက်ရသည်။</p> <p>သူ၏ မျက်နှာအမူအရာမှာ အနည်းငယ် ပြောင်းလဲသွားပြီး သူ၏ စွမ်းအင်အားလုံးကို ထုတ်လွှတ်လိုက်ရာ လက်ထဲရှိ ဓားမှာ အနည်းငယ် တုန်ခါသွားသည်ကို ခံစားလိုက်ရသည်။ တစ်ချိန်တည်းတွင် ထိတ်လန့်ဖွယ်ကောင်းသော စိတ်ဆန္ဒတစ်ခုက သူ့ကို တိုက်ခိုက်လာခဲ့သည်။</p> <p>ထိုစိတ်ဆန္ဒမှာ လီဟောင်၏ ခန္ဓာကိုယ်ပတ်ပတ်လည်ရှိ သူတော်စင်တာအိုနှင့် သိပ်သည်းသော စွမ်းအင်များကို လျစ်လျူရှုကာ လီဟောင်၏ ‘ဝိညာဉ်ပင်လယ်’အတွင်းသို့ တိုက်ရိုက် တိုက်ခိုက်လိုက်ခြင်း ဖြစ်သည်။</p> <p>လီဟောင်သည် ‘စတေးခြင်းတာအို’ ကို ကျင့်ကြံပြီးရုံသာ ရှိသေးသဖြင့် သူ၏ ဝိညာဉ်ပင်လယ်အတွင်းရှိ ‘ဓားစိတ်ဆန္ဒ’ မှာ တိုက်ခိုက်မှုကို တုံ့ပြန်သည့်အနေဖြင့် ထိုစိတ်ဆန္ဒနှင့် ပြင်းထန်စွာ ထိပ်တိုက်တွေ့ခဲ့သည်။</p> <p>လီဟောင်၏ ခန္ဓာကိုယ်မှာ နောက်သို့ လွင့်စင်သွားပြီး သူ၏ လက်ဖဝါးမှာ မီးလောင်ကျွမ်းကာ မည်းနက်သွားခဲ့သည်။ သူ၏ ဝိညာဉ်ပင်လယ်မှာလည်း သိသိသာသာ တုန်ခါသွားခဲ့ရသည်။</p> <p>ခဏချင်းအတွင်းမှာပင် လီဟောင်သည် ပြင်းထန်သော ဒဏ်ရာများကို ရရှိသွားခဲ့သည်။</p> <p>သို့သော် ကံကောင်းထောက်မစွာဖြင့် သူ၏ ဝိညာဉ်ပင်လယ်အတွင်း၌ အသစ်စက်စက် စုစည်းထားသော စတေးခြင်းတာအို၏ ဓားစိတ်ဆန္ဒသည် ထိုတိုက်ခိုက်လာသော စိတ်ဆန္ဒကို တားဆီးပေးနိုင်ခဲ့သည်။</p> <p>လီဟောင်သည် ထိတ်လန့်တုန်လှုပ်နေသော မျက်လုံးများဖြင့် ဓားကို စူးစိုက်ကြည့်လိုက်သည်။ သူသည် နန်ကုန်းကျန့်၏ အင်မော်တယ်ရတနာ ဓားကို မြင်ဖူးသော်လည်း ထိုဓားမှာ ယခုရှေ့မှ ဓားလောက် မထိတ်လန့်စရာ မကောင်းပေ။</p> <p>၎င်းမှာ အင်မော်တယ် ရတနာတစ်ခုမျှသာ မဟုတ်ဘဲ ထိုထက် ပို၍ ကြောက်စရာကောင်းသော လက်နက်တစ်ခု ဖြစ်နိုင်သည်။</p> <p>သူသည် ၎င်းကို အနည်းငယ်မျှသာ လှုပ်ခါခဲ့သော်လည်း ထိုမျှလောက် ပြင်းထန်သော စိတ်ဆန္ဒကို နှိုးဆွလိုက်ခြင်း ဖြစ်သည်။ ထိုလက်နက်မှာ သူ၏ လက်ရှိစွမ်းရည်ဖြင့် ထိန်းချုပ်နိုင်သည့် အဆင့်ထက် ကျော်လွန်နေပြီ ဖြစ်သည်။</p> <p>“မအောင်မြင်ဘူးလား”</p> <p>ထိုမြင်ကွင်းကို ကြည့်ပြီး သူတော်စင်အားလုံးမှာ ဆွံ့အသွားကြသည်။ လီဟောင်သည် ဓားအနီးသို့ အေးဆေးစွာ ချဉ်းကပ်သွားသည်ကို မြင်သောအခါ အောင်မြင်လိမ့်မည်ဟု မျှော်လင့်ခဲ့ကြသော်လည်း မမျှော်လင့်ဘဲ အခြေအနေမှာ ရုတ်တရက် ပြောင်းလဲသွားခြင်း ဖြစ်သည်။</p> <p>လီဟောင်သည် အသက်ကို ပြင်းပြင်းရှူလိုက်ပြီး ပြောလိုက်သည်။ “ဒီဓားက အခု ကျွန်တော်တို့ ထိန်းချုပ်နိုင်တဲ့အရာ မဟုတ်ဘူး၊ စစ်မှန်သော အင်မော်တယ်တစ်ပါးတောင်မှ ဒီဓားကို ထိန်းချုပ်နိုင်စွမ်းရှိမှာမဟုတ်ဘူးလို့ ကျွန်တော် ထင်တယ်”</p> <p>သူ၏ စကားများမှာ အလွန်ထိတ်လန့်စရာကောင်းသဖြင့် သူတော်စင်အားလုံးမှာ အံ့ဩမှင်သက်သွားကြသည်။ သို့သော် လီဟောင်၏ စကားအပေါ် မည်သူမျှ သံသယမရှိကြပေ။</p> <p>သူတို့၏ မျက်နှာအမူအရာများအရ သူတို့ကိုယ်တိုင်လည်း ထိုဓား၏ ထိတ်လန့်ဖွယ် စွမ်းအင်ကို ခံစားနေရကြောင်း ထင်ရှားသည်။</p> <p>“အခု ငါတို့ ဘာလုပ်ကြမလဲ”</p> <p>“ဒီလောက် အဖိုးတန်တဲ့ ရတနာကြီးကို မြင်နေရရက်နဲ့ အသုံးမပြုနိုင်ဘူးလား”</p> <p>သူတော်စင်များသည် တစ်ဦးကိုတစ်ဦး စိတ်ပျက်အားလျော့စွာ ကြည့်လိုက်ကြပြီးနောက် လီဟောင်ဘက်သို့ လှည့်ကာ စိုးရိမ်တကြီး ကြည့်လိုက်ကြသည်။</p> <p>ထိုမျှ အဖိုးတန်သော ရတနာကို အသုံးမပြုနိုင်ခြင်းမှာ အဓိကပြဿနာ မဟုတ်ပေ။ အဓိကမှာ လီဟောင်သည် ‘စစ်မှန်သောအင်မော်တယ် ရှေးဟောင်းနတ်ဆိုး’ နှင့် တိုက်ခိုက်ရန် သွားတော့မည် ဖြစ်သည်။ သူတို့သည် လီဟောင်အတွက် အောင်နိုင်ခြေ အခွင့်အလမ်း အနည်းငယ် ပိုရလာမည်ဟု မျှော်လင့်ထားခဲ့ကြသော်လည်း ယခုအခါ ထိုမျှော်လင့်ချက်မှာ ပျောက်ကွယ်သွားခဲ့ပြီ ဖြစ်သည်။</p> <p>လီဟောင်သည် ပတ်ဝန်းကျင်ကို ဝေ့ကြည့်လိုက်ရာ သူတို့၏ အတွေးများကို နားလည်လိုက်သည်။ သို့သော် သူ၏ စိတ်ထဲတွင်မူ အားလျော့ခြင်း လုံးဝမရှိပေ။</p> <p>“ရပါတယ်၊ ဒီဓားမရှိလည်း ဒီတစ်ခေါက် ကျွန်တော့်မှာ ယုံကြည်ချက် ရှိပါတယ်”</p> <p>လီဟောင်သည် အသက်ကို ပြင်းပြင်းရှူလိုက်ပြီး လူအုပ်ကြီးကို မြင့်မြတ်နယ်မြေသို့ ပြန်လည် ဦးဆောင်ခေါ်သွားခဲ့သည်။ ထို့နောက် စစ်ပွဲအစီအရင်ကို ပြန်သိမ်းလိုက်ပြီး ပြောလိုက်သည်။ “ကျွန်တော့်ဆီက သတင်းကောင်းကို စောင့်နေကြပါ၊ တကယ်လို့ မမျှော်လင့်ထားတဲ့ အရာတစ်ခုခု ဖြစ်လာခဲ့ရင်လည်း ခင်ဗျားတို့ ဒီမှာ အနည်းဆုံး နှစ်ပေါင်းတစ်သောင်းလောက် နေလို့ ရပါတယ်၊ အဲဒီလောက် ကြာရှည်တဲ့ အချိန်အတွင်းမှာ တစ်ယောက်ယောက်ကတော့ ဒီနယ်မြေကို ရောက်လာမှာပါ၊ ဒါမှမဟုတ်ရင်လည်း အစစ်အမှန် နယ်မြေရဲ့ အခြေအနေက တော်တော်လေး ဆိုးနေလို့ပဲ ဖြစ်ရမယ်”</p> <p>လီဟောင်၏ အကြံပြုစကားများကို နားထောင်ပြီး သူတော်စင်အားလုံးမှာ စိတ်လေးလံသွားကြသည်။</p> <p>“မင်း အသက်ရှင်လျက် ပြန်လာရမယ်၊ မဟုတ်ရင် ငါ မင်းကို လိုက်ရှာမှာ”</p> <p>ဖုန်းပိုဖျင််က လီဟောင်ကို စိုက်ကြည့်ရင်း လေးလေးနက်နက် ပြောလိုက်သည်။</p> <p>လီဟောင်သည် ဖုန်းပိုဖျင််၏ စေတနာကို နားလည်သဖြင့် အသာအယာ ပြုံးလိုက်ပြီး “ကျွန်တော် သေချာပေါက် ပြန်လာခဲ့ပါ့မယ်” ဟု ပြောလိုက်သည်။</p> <p>“ရှင် အသက်ရှင်နေရမယ်၊ ရှင် နိုင်မယ်လို့ ကျွန်မ ယုံကြည်တယ်”</p> <p>လင်းချင်ရွယ်သည် လီဟောင်၏ အနီးသို့ လျှောက်လာခဲ့သည်။ သူမ၏ မျက်လုံးများမှာ နီရဲဖောင်းအစ်နေသော်လည်း မျက်ရည်များကို သုတ်ထားပြီးဖြစ်သဖြင့် ထပ်မရှိတော့ပေ။</p> <p>လီဟောင် ညင်သာစွာ ခေါင်းညိတ်ပြလိုက်သည်။ ထို့နောက် ရန်ချန်ချန်၊ လီယွမ်ကျောက်၊ ဓားဆရာသခင်နှင့် အခြားသူများဘက်သို့ လှည့်ကြည့်လိုက်ရာ သူတို့၏ မျက်လုံးများအတွင်းမှ သူ့အပေါ် ထားရှိသော ကြီးမားသည့် မျှော်လင့်ချက်နှင့် စိုးရိမ်မှုများကို ခံစားလိုက်ရသည်။</p> <p>လီဟောင်သည် ဘာမှ ထပ်မပြောတော့ပေ။ သူသည် အသက်ကို ပြင်းပြင်းရှူလိုက်ပြီး အားလုံးကို နှုတ်ဆက်ကာ နတ်ဘုရားနေလုံးကြီး အတွင်းမှ လှည့်ထွက်သွားခဲ့သည်။</p> <p>“ဟောင်အာ...”</p> <p>ဟဲကျန်းလန်သည် ထွက်ခွာသွားသော လူငယ်လေး၏ ကျောပြင်ကို ကြည့်ရင်း၊ မဟာစစ်သူကြီးအိမ်တော်မှ လူငယ်လေး စတင် ထွက်ခွာသွားစဉ်က မြင်ကွင်းကို ပြန်လည် မြင်ယောင်လာကာ ငေးမောကြည့်ရင်း ရင်ထဲတွင် တဆစ်ဆစ် နာကျင်မှုကို ခံစားလိုက်ရသည်။</p> <p>မြင့်မြတ်နယ်မြေနှင့် ကိုးပြည်ထောင် အင်မော်တယ်ကျွန်းအတွင်း ခိုလှုံနေကြသော လူအားလုံးမှာ တိတ်ဆိတ်နေကြသည်။</p> <p>သူတို့ထဲမှ များစွာသော မဟာယုပြည်သူများသည် လီဟောင်ကို မဟာယုနတ်ဘုရားမင်းဆက်၏ ရာစုနှစ်ပေါင်းများစွာအတွင်း တစ်ဦးတည်းသော ‘ကောင်းကင်ဘုံစစ်သူကြီး’ အဖြစ် သိထားကြသည်။ သူသည် ကလေးငယ်များစွာ၏ အားကျအတုယူဖွယ်ရာ ပုဂ္ဂိုလ်ဖြစ်ပြီး မည်သည့်အခါမျှ မရှုံးနိမ့်ဖူးသူဟု ကျော်ကြားသည်။ သို့သော် ယခုတိုက်ပွဲတွင်မူ သူသည် ယခင်က မကြုံဖူးသော အင်မော်တယ်နတ်ဘုရား၊ လောကပြင်ပမှ အဆင့်မြင့်ဖြစ်တည်မှုနှင့် ရင်ဆိုင်ရမည် ဖြစ်ရာ သူ အောင်ပွဲရနိုင်သေးမည်လား။</p> <p> </p> <p> </p> <p> </p> <p style="text-align: center;">***</p>


Save